fənn: fəlsəfə mÜndƏrİcat mövzunun adı seminar-məşğələ
TRANSCRIPT
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 1
MÜNDƏRİCAT
Mövzunun adı
Seminar-məşğələ MÖVZU 1 FƏLSƏFƏNİN PREDMETİ VƏ CƏMİYYƏTİN MƏNƏVİ İNKİŞAFINDA ROLU.
MÖVZU 2 QƏDİM ŞƏRQDƏ VƏ AZƏRBAYCANDA FƏLSƏFİ FİKİR
MÖVZU 3 ANTİK FƏLSƏFƏ. DÜNYA FƏLSƏFİ FİKRİN İNKİŞAFINDA ANTİK
FƏLSƏFƏNİN ROLU.
MÖVZU 4 ORTA ƏSRƏRDƏ ŞƏRQDƏ VƏ AZƏRBAYCANDA FƏLSƏFƏSİ FİKİR.
MÖVZU 5 İNTİBAH VƏ YENİ DÖVR FƏLSƏFƏSİ
MÖVZU 6 KLASSİK ALMAN FƏLSƏFƏSİ
MÖVZU 7 AZƏRBAYCAN MARİFÇİLİK FƏLSƏFƏSİ.
MÖVZU 8 FƏLSƏFƏDƏ VARLIQ VƏ MATERİYA PROBLEMİ
MÖVZU 9 FƏLSƏFƏDƏ ŞÜUR PROBLEMİ
MÖVZU 10 İDRAK NƏZƏRİYYƏSİ
MÖVZU 11 DİALEKTİKANIN QANUNLARI.
MÖVZU 12 DİALEKTİKANIN KATEQORİYALARI
MÖVZU 13 FƏLSƏFƏDƏ İNSAN PROBLEMİ
MÖVZU 14 CƏMİYYƏTİN MƏNƏVİ HƏYATI VƏ İCTİMAİ ŞÜUR
MÖVZU 15 MÜASİR DÖVRÜN – QLOBAL PROBLEMLƏRİ
MÖVZU 16 MƏDƏNİYYƏT FƏLSƏFƏSİ. MƏDƏNİYYƏT SİSTEMİNDƏ TƏBABƏT PLAN
MÖVZU 17 CƏMİYYƏTİN HƏRƏKƏTVERİCİ QÜVVƏLƏRİ. XALQ VƏ ŞƏXSİYYƏT
MÖVZU 18 FƏLSƏFİ FİKİRDƏ TƏRƏQQİ PROBLEMİ
MÖVZU 19 DÜNYA AZƏRBAYCANLILARININ HƏMRƏYLİYİNİN
MÖHKƏMLƏNDİRİLMƏSİNDƏ ÇOX MÜHÜM TARİXİ MƏRHƏLƏ
MÖVZU 20 AZƏRBAYCAN DÖVLƏTİNİN MÜSTƏQİLLİYİ DAİMİ VƏ ƏBƏDİDİR
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 2
MÖVZU 1
FƏLSƏFƏNİN PREDMETİ VƏ CƏMİYYƏTİN MƏNƏVİ İNKİŞAFINDA
ROLU.
“Azərbaycan köhnə dünyadan sürətlə qopmuş, elm, mədəniyyət, səhiyyə, təhsil və nəhayət ictimai
siyasi intibah yolunu tutmuşdur”.
Azərbaycan xalqı əsrlərdən bəri bəslədiyi arzusuna çatmış, böyük qurbanlar bahasına olsa da, dövlət
müstəqilliyi əldə etmişdir. Lakin milli istiqlaliyyət yoluna qədəm qoymuş Azərbaycan xalqı və
Azərbaycan dövləti çox ciddi çətinliklərlə üzləşməli olmuşdur. Onlar öz tarixinin çox ziddiyyətli, çətin
və mürəkkəb birdövrünü yaşayırlar.
Respublikanın iqtisadi və mədəni həyatında yaranmış çətinliklər, böhran təhsil sistemindən də yan
keçməmişdir.
Müdrik və dünya şöhrətli prezident Heydər Əliyevin rəhbərliyi ilə müstəqillik yollarında irəliləyən
Azərbaycan Respublikasında təhsil sisteminin təkmilləşdirilməsi və inkişaf etdirilməsi sahəsində əsaslı
islahatlar həyata keçirilmiş, müəyyən nailiyyətlər qazanılmışdır. Humanitar fənnlərin, xüsusilə ictimai
elmlərin tədrisi sahəsində müəyyən işlər görülmüşdür.
İctimai elmlərin o cümlədən “Fəlsəfə” kursunun və digər fəlsəfi fənnlərin (“Dilşünaslıq”, “Etika”,
“Estetika”, “Sosiologiya”, “Politologiya” və s.) məzmunu və strukturu müasir tələblər əsasında yenidən qurulmuş, yeni proqramlar tərtib edilmiş, müxtəlif dərs vəsaitləri, mühazirə mətnləri, metodik
göstərişlər hazırlanmışdır.
18 oktyabr 2001– ci ildə Azərbaycan Respublikasının Prezidenti Heydər Əliyev Azərbaycan Respublikasının müstəqilliyinin 10 illiyi münasibəti ilə öz çıxışında demişdir ki, “10 il tarixi baxımdan
böyük müddət deyildir. Azərbaycanda bu qısa müddət ərzində demokratik hüquqi, dünyəvi dövlət qurulmuş, onun təsisatları yaradılmışdır. Azərbaycan iqtisadi islahatlar apararaq bazar iqtisadiyyatını
inkişaf etdirir. Ölkəmiz artıq intensiv inkişaf dövrünüyaşayır”.
Fəlsəfə nədir? Fəlsəfə bəşər sivilizasiyasının ən böyük nailiyyəti, insan biliyinin ən qədim növlərindən biridir.
Yer üzərində e.ə. III minillikdə rüşeymləri əmələ gələn fəlsəfənin məqsədi insanı əhatə edən dünyaya
münasibətilə əlaqədar qarşıya çıxan ciddi həyatı əhəmiyyət kəsb edən dünyagörüşü xarakterli
suallara cavab tapmaq cəhdindən ibarət olmuşdur. Sonralar fəlsəfə inkişaf edərək gerçəklikdə baş
verən rəngarəng hadisə, proses və qanunauyğunluqların mahiyyətinin mənimsənilməsində insana ən yaxın köməkçi olmuşdur.
“Fəlsəfə” yunan dilində fileo (sevirəm) və sofia (müdriklik, hikmət) sözlərinin birləşməsindən
əmələ gəlmişdir ki, mənası “hikmətsevərlik” deməkdir.
Fəlsəfə nədir? – sualı özlüyündə mürəkkəb və çoxmənalı olduğundan, hətta görkəmli zəka
sahibləri əsrlər boyu ona birbaşa cavab verə bilməmişlər. “Fəlsəfə” terminini ilk dəfə yunan
riyaziyyatçısı, mütəfəkkiri Pifaqor (e.ə. 580–500) işlətmişdir.
Fəlsəfə təbiət, cəmiyyət və insanın özünün inkişaf və dəyişməsinin ən ümumi qanunauyğunluqlarını
öyrədir. Fəlsəfə hər bir mütəxəssisə öz ixtisası sahəsində düzgün istiqamət götürmək və həyatda zəngin
dünyagörüşü mövqeyi tutmaq üçün lazımdır. Fəlsəfə insana dünyanı anlamaq, onun qanunlarını dərk edib,
əməli məqsədlər üçün onlardan istifadə etmək qabiliyyəti aşılayır. Həqiqi fəlsəfədə insanı həqiqi elmi,
materialist dünyagörüşü ilə möhkəm ideya inamı, mətin, iradə və yaradıcı fəallıqla silahlandırır.
Qədim dövrlərdə insanın gerçəkliyə münasibətini əks etdirən fəlsəfəyə elmlər kimi baxılmış,
bütün elmlərin inkişafı fəlsəfənin daxilində sintez halında olmuşdur. Kainatı, təbiət, cəmiyyət və insanı səciyyələndirən bütün elmi ideyalara fəlsəfə kimi baxılmışdır.
O, zaman fəlsəfənin predmetini bütün kainat, təbiət və cəmiyyət onların öyrənilməsi təşkil etmişdir.
XX əsr fəlsəfi cərəyanlarının (pozitivizm, ekzistensializm və s.) nümayəndələri iddia edirlər ki, insana mücərrəd fəlsəfi anlayışlar (varlıq, materiya, təfəkkür, şüur, kateqoriyalar və s.) haqqında
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 3
deyil, insana gündəlik pozitiv biliklər verilməlidir, ümumi dünyagörüşü məsələləri ilə məşğul olmaq,
insanı gündəlik fayda götürməkdən məhrum edir.
Fəlsəfə insanın gerçəkliyə münasibətini ümumiləşdirmiş şəkildə əks etdirən ideyalar, prinsiplər və qanunauyğunluqlar haqqında təbiətin, cəmiyyətin və təfəkkürün ən ümumi inkişaf qanunları haqqında
elmdir.
Fəlsəfənin elmlər sistemində xüsusi yeri vardır. Fəlsəfə elmi dünyagörüşü olmaqla metodoloji
səciyyə daşıyan humanitar elmdir.
Tarix elmi hər hansı cəmiyyəti, onun hadisə proseslərini, müəyyən tarixi dövr ərzində xronoloji
cəhətdən öyrənir. Tarix məhz həmin dövrün tarixidir.
Əgər Babək hərəkatı, Gəncə üsyanı və s. ancaq Azərbaycan tarixinə aid spesifik, tarixi
hadisələrdəndisə, Azərbaycanla məhdudlaşdırsa, tarixdə xalq kütlələrinin rolu, ictimai varlığın, ictimai
şüurun müəyyən etməsi və s. ən ümumidir, bütöv cəmiyyət hadisələridir, heç bir tarixi dövr və ölkə ilə
məhdudlaşmır.
Fəlsəfə xüsusi elmlərə yanaşma üsulu, dialektik metod və metodologiya, fəlsəfi idrak metodları
verir, onların düzgün elmi əqidə və dünyagörüşü istiqaməti götürmələrinə, konkret elm sahələrində çalışan ziyalıların həyatda fəal sosial mövqe tutmalarına kömək edir. Əgər fəlsəfə nəhəng, qol – budaqlı
ağacın gövdəsidirsə, xüsusi elmlər onun şaxələri qol budaqlarıdır.
Gövdə kəsildikdə qol – budaqların bütövlükdə ağacın yaşaması mümkün olmadığı kimi, şaxələr,
qol – budaqlar kəsilərsə, gövdə yaşaya bilməz.
Fəlsəfə və dünyagörüşü. Fəlsəfə ilə dinin ümumi və fərqli cəhətləri Dünyagörüşü, mürəkkəb,
yekcins olmayan, çoxcəhətli və zidiyyətli sosial–mənəvi və emosional – psixoloji fenomendir. Onun
elmi, fəlsəfi ümumbəşəri, milli, sosial – sinfi, siyasi, mənəvi, dini, estetik və s. çalarları vardır.
Dünyagörüşü insan həyatının özünəməxsus yol göstəricisi, şəxsiyyətin həyat mövqeyini
istiqamətləndirən bir növ kompasdır. Dünyagörüşü insanı əhatə edən dünya haqqında insanın özünə,
təbiətə və cəmiyyətə münasibəti, onun özünün dünyada yeri və mövqeyi haqqında ümumiləşmiş görüşlər
idealar, baxış və inam prinsiplər sistemidir. Dünyagörüşü obyektiv dünyaya və orada insanın yeri və
roluna aid baxışlardır. Bunlar elə baxışlardır ki, onlar insanın həyat mövqeyini, əqidəsini, ideal, idrak
və fəaliyyətini sərvət və meylini əsaslandırır və istaqamətləndirir. Dünyagörüşü təbiət, cəmiyyət və
təfəkkürün hadisə və prosesləri inkişaf və hərəkətverici qüvvələri haqqında ümumiləşmiş elmi, fəlsəfi,
siyasi, dini, ateist, əxlaqi, estetik və s. baxışların ifadəsidir. Dünyagörüşün obyektini bütövlükdə dünya
varlıq təşkil edir. Dünyagörüşün iki əsas sahəsi və ya aspekti vardır:
1. Təbii gerçəkliyə insan münasibətinin inikası olan təbii elmi ideyalar
2. Sosial ictimai gerçəkliyə insan münasibətlərini əks etdirən siyasi, iqtisadi, mənəvi baxışlar
Dünyagörüşü özünün inkişaf ardıcıllığı, inikas dərinliyi əsaslandırılmış olub – olmaması cəhətdən
ən ümumi şəkildə dörd mühüm tarixi növə ayırmaq olar: mifaloji, dini, elmi, fəlsəfi.
Mənəvi mədəniyyətin ilkin forması olan miflər özlərində ilkin elmi – bilikləri, dini inamları, siyasi baxışları, bədii, əxlaqi fəlsəfi təsəvvürləri birləşdirərək əks etdirmişlər.
Mif vahid universal dünyagörüşü və şüur forması olmuşdur. Mifik obrazlar əsasında bir sıra bədii
əsərlər, incəsənət, musiqi, heykəltaraşlıq nümunələri yaradılmışdır. Xristianlıq, islam, buddizm və başqa
dinlər mifoloji nümunələrlə zəngindir.
Dini dünyagörüşü dünyagörüşün ikinci tarixi növüdür, şüurun gerçəkliyi ümumiləşərək anlayışlar vasitəsilə əks etdirməsi məsələn, allah, ruh, axirət və s. arasında formalaşmışdır. Din ictimai şüurun ən
qədim formalarından biridir, gerçəkliyin inikası əsasında yaranmışdır.
Elmi dünyagörüşü təbii – elmi və sosial tarixi biliklərə dünyanın təbii – elmi mənzərəsinə
əsaslanan, gerçəklik hadisə və proseslərin inkişaf və dəyişməsinin elmi səbəblərinə istinad edərək dünya
haqqında, elmi anlayış və qanunauyğunluqların ümumiləşmiş ideya və prinsiplərinin məcmusudur.
Fəlsəfi dünyagörüşü – elmi dünyagörüşü növlərindən biridir, o bəzi cəhətlərə görə elmi
dünyagörüşü ilə qovuşur, bəzi cəhətləri isə ayrılır.
Elmi əsaslandırılması dərəcəsinə uyğun olaraq, hər bir dünyagörüşün iki səviyyəsi vardır:
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 4
Dünyagörüşün adi şüur səviyyəsinə uyğun gələn, sağlam düşüncə, hissi obrazlı təfəkkürə, mifoloji
təsəvvürlərə və gündəlik təcrübi biliyə əsaslanan empiric – kütləvi səviyyəsi Məntiqi mühariməvi,
əsaslandırılmış anlayış və kateqoriyalara inikasa əsaslana elmi–nəzəri dünyagörüşü səviyyəsi. Dünyanın təbii – elmi nəzəriyyəsi buna misal ola bilər.
Dünyagörüşünün müxtəlif səviyyələrini əks etdirən, dünyaduyumlu, dünyanıqavrama,
dünyanıanlama kateqoriyaları vardır. İnsan idrakının əsasında duyğu, hiss üzvlərinin verdiyi məlumatlar,
seyr, müşahidə durduğu kimi, dünyagörüşünün əsasında dünyaduyumu durur.
Dünyanıqavrama – predmet və hadisənin hissi bütöv halında qavrama və təsəvvürlərin
məcmusudur, dünyanı dərketməyə aparan yoludur.
Duyma, qavrama nəticəsində alınmış, informasiyaların təhlili, yolu ilə anlayışlar müharimələr,
əqli nəticələr, ümumi nəzəri baxışlar yaradılır, beləliklə dünyanıanlama baş verir.
Dünyagörüşü öz məzmununa daxil olan münasibətlər əsasında biliklər sistemi, bəşəri sərvətlərlə əqidə fəaliyyət durur. Əqidə üçün meyar insan fəaliyyətidir.
Fəlsəfənin əsas məsələsi. Materializm və idealizm anlayışı Fəlsəfə nəzəri dünyagörüşüdür. Fəlsəfi dünyagörüşü və ya materialist meylli olmasından asılı
olmayaraq həmişə insana, onun dünya münasibətinə əsaslanır. İnsan fəlsəfi dünyagörüşün məhək daşıdır.
Dünya və insan insanın dünyaya münasibəti, özünün mahiyyəti, mənəviyyatı, xeyirxahlığı, bəşəri dəyərləri insan və gözəllik, ictimai tərəqqi və insan və s. fəlsəfi dünyagörüşün əzəli və əbədi
problemləridir. Elə buna görə də ən mütərəqqi fəlsəfə insan fəlsəfəsidir. İnsan azadlığı bu fəlsəfənin qayəsidir.
Dünyanın tacı şöhrəti insandır. Dünya insanla gözəldir, mənalıdır. Elə fəlsəfənin də əsas
məsələsini “insanın dünyaya münasibəti” təşkil edir.
Fəlsəfənin əsas məsələsi ilə demək olar ki, onun bütün predmetləri və hadisələri ya maddidir, ya
idealdır, mənəvidir.
Maddi hadisələrə obyektiv surətdə insan şüurundan kənarda və ondan asılı olmadan mövcud olan
hər şey (Yer üzərindəki predmetlər və proseslər, Kainatın saysız hesabsız cisimləri və s.) aiddir. İnsanın
şüurunda mövcud olan isə onun psixik fəaliyyəti sahəsini təşkil edir. (Fikirlər, hisslər, təsəvvürlər və s.)
bu ideal mənəvi sahəyə aiddir.
Fəlsəfənin əsas məsələsini ilk dəfə klassik şəkildə formula edən Hegel Georq Vilhelm olmuşdur.
Hegelə görə insan əvvəlcə təbiətin, eyni zamanda cins, yaş, irq və s. təbii fərqlərin təsiri altında yaşayır,
sonra isə fərd kimi müəyyənləşib özünü təbiətə qarşı qoyur, sadəcə düşüncədən özünü idrak və azad ruh
kimi yeni mərhələyə keçir. Sonra özünü hüquqda, mənəviyyatda və tarixdə tətbiq etməyə başlayır.
Lakin fərd özünü yalnız vətəndaşlıq cəmiyyəti, yəni dövlət şəraitində inkişaf etdirə bilər. Hegel “Hüququn fəlsəfəsi” əsərində dövləti şəxsiyyətdən, onun azadlıq və mülkiyyətindən yüksəkdə hesab
edir, guya dövlət vasitə deyil, məqsəddir. Fəlsəfə lüğətlərində böyük yer tutmuş Platon, Aristotel və Kantdan sonra fəlsəfənin ən nüfuzlu
nümayəndələrindən sayılmışdır. Fəlsəfənin əsas məsələsini “təfəkkürün varlığa şüurun materiyaya münasibətindən” ibarət
olduğunu təsdiqləyən filosoflar da insana, onun mənəvi dünyasına istinad edir, mənəvinin maddiyə
münasibətini əsas tuturdular. Mənəvinin maddiyə münasibəti məsələsi fəlsəfi dünyagörüşün başlıca məsələsidir. F.Engels “Lüdviq Feyerbax və klassik alman fəlsəfəsinin sonu” əsərində fəlsəfənin əsas
məsələsindən bəhs edərək yazmışdır.
“Bütün fəlsəfənin, xüsusən ən yeni fəlsəfənin böyük əsas məsələsi, təfəkkürün varlığa münasibəti
məsələsidir”.
Bu mövqedən çıxış edənlər fəlsəfənin əsas məsələsinin iki tərəfi olduğunu qeyd etmiş və göstərmişdir ki, nə ilkindir, nə əsasdır, müəyyən edilmişdir, nə törəmədir, ikincidir. Ruhmu təbiəti,
yoxsa təbiətmi ruhu, varlıqmı təfəkkürü, yoxsa təfəkkür varlığı müəyyən edir? Fəlsəfənin əsas məsələsinin ikinci tərəfi isə insan idrakının gerçəkliyə münasibəti necədir? Dünya
və onun qanunları dərk edilə bilərmi? Birinci tərəf əsas məsələnin ontoloji, ikinci tərəf isə
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 5
qnoseoloji aspektini ifadə edir. Materiyamı, yoxsa şüurmu ilkin əsas hesab etdiklərinə görə filosoflar iki əsas cərəyana mənsub
olmuşlar: Materialistlərə və idealistlərə.
Materiyanı birinci, şüuru ikinci hesab edən filosoflara materialistlər deyilir.Onların fikrincə
materiya əbədidir, onu heç kəs, heç zaman yaratmamışdır. Ruhu, şüuru birinci, materiyanı ikinci hesab
edən filosoflara idealistlər deyilir.
İdealizmin əsasən iki növü vardır: 1. Obyektiv idealism
2. Subyektiv idealizm
Obyektiv idealistlərə görə yəni Platondan başlamış yeni dövrün filosofu Hegelə qədər bütün
obyektiv idealistlər bütün dünyanın, maddi aləmin, “mütləq ideya”, “dünya ruhu” tərəfindən
yaradıldığını, dünyanın yaradılmasında onun təkan verdiyini söyləyirlər.
Subyektiv idealistlər, yəni XVIII əsrdə Berkli, Yum, Max və başqaları insan duyğularını maddi
aləmin əsası hesab edirdilər, dünyanı bu duyğuların məcmuyu hesab edirdilər. Həm obyektiv, həm də
subyektiv idealizm materiyanı ikinci törəmə saydıqlarından maddi aləm və onda baş verən hadisələrin
səbəblərini real gerçəklikdə, yəni onların özlərinə deyil, fövqəltəbii qüvvələrdə, ideyalar aləmində
axtardıqlarından onların arasında fərqyoxdur.
Hər ikisi son nəticədə dünya ruhuna, ilahi qüvvəyə müraciət edirdilər. Ona görə də idealizmi “incəlmiş din”, “dinşiliyə yol” adlandırmışlar.
Fəlsəfənin əsas məsələsinin ikinci tərəfinə, yəni dünya və onun qanunlarının dərk oluna
bilməsi məsələsinə münasibətdən asılı olaraq filosoflar üç qrupa bölünür:
1. Dünyanın dərk olunmasını etiraf edənlər. Bunlar dialektik materializm tərəfdarlarıdırlar
2. Dünya və onun qanunlarını şübhə altına alanlar. Skeptisizm. (D.Yum və başqaları)
3. Dünya və onun qanunlarının dərk olunmasını inkar edənlər. Bunlar aqnostizm tərəfdarlarıdır.
(İ.Kant və başqaları)
Kant göstərirdi ki, insan təbiətdən qanunlar almır, əksinə təbiətə qanunlar diktə edir. Əslində isə insan idrakı tədricən mütləq həqiqətə yaxınlaşmır. İnsan həqiqətə çatdıqca Kantın özünün idarəsinin
sonu çatır.
Fəlsəfə, elm və mədəniyyət. Fəlsəfənin funksiyaları və cəmiyyətdə rolu Fəlsəfənin
xüsusiyyətlərindən biri onun ictimai – tarixi xarakter daşımasıdır.
Fəlsəfi şüur da tarixən dəyişkən ictimai varlığın təsirindən formalaşmır və tarixi proseslə şərtlənir.
Fəlsəfə öz mahiyyəti etibarilə həm mədəniyyətin bütün sahələri ilə çulğaşmış həm də onun tərəqqisinin
meyarlarından birinə çevrilmişdir. Fəlsəfənin predmetində duran problemlərindən biri də fəlsəfənin
elmliyi məsələsi, elmlə fəlsəfənin aşkar və fərqli cəhətlərinin müəyyənləşdirilməsidir. Fəlsəfə ilə elm
arasında müəyyən fərqlər vardır, əgər fəlsəfə insana ümumiləşmiş dünyagörüşü verirsə müxtəlif elm
sahələri konkret bilik verir.
Fəlsəfə eyni zamanda ümumbəşəri məzmun daşıyır. Fəlsəfə bəşəri dəyərlərə istinad edir və özü
də bu dəyərlərin başlıca nümunələrindən biridir. Fəlsəfə xüsusi elm və dünyagörüşü kimi bir sıra
funksiyaları həyata keçirərək özünün cəmiyyətdə rolunu ifa edir. Həmin funksiyaları ontoloji,
praksioloji, idraki (qnoseoloji) metodoloji dünyagörüşü, aksioloji, ideoloji, qabaqgörənlik, tərbiyəvi,
tənqidi və s. kimi qruplaşdırmaq olar.
Fəlsəfə mövcüdatın əsası varlıq, materiya, şüur və s. kimi anlayışlar haqqında nəzəri müddəalarını
işləyib hazırlayarkən özünün ontoloji funksiyalarını (ontos – mövcudluq, loqos – təlim) yerinə yetirir.
İnsan fəaliyyəti haqqında təlim ilk fəlsəfə özünün praksioloji (yunanca fəaliyyət deməkdir) bəşəri
sərvətlər haqqında ideyaları isə aksioloji (mənası dəyər, sərvət deməkdir) funksiyasını həyata keçirir.
Fəlsəfə heç də təkcə keçmişə və indiyə deyil, həm də gələcəyə istinad edir. O, gələcək haqqında
mükəmməl ideya prinsiplər müəyyən etməyə qabaqgörənliyə imkan verir. Fəlsəfənin bütün inkişaf tarixi
köhnəliyə qarşı yeniliyin qələbəsi uğrunda necə mübarizə etdiyinə və özünün tənqidi funksiyasını necə
həyata keçirdiyinə dair zəngin nəzəri və konkret material verir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 6
MÖVZU 2
QƏDİM ŞƏRQDƏ VƏ AZƏRBAYCANDA FƏLSƏFİ FİKİR
I. Fəlsəfənin mənşəyi və inkişafının mərhələləri - Fəlsəfənin mənşəyi problemi son illərədək
tarixi və fəlsəfi ədəbiyyatda ziddiyyətli həll olunmuşdur. Burada iki istiqamət mövcud idi: birinci istiqamətdə
müstəmləkəçilik, ideoloji cərəyanın ideoloqlarının fikrincə, fəlsəfə Avropa ölkələri ilə Qədim Yunanıstan və Roma ilə
bağlı olmuşdur, buradan da Şərqə yayılmışdır.
İkinci istiqamətdə elmi – fəlsəfi fikir Şərq ölkələrində əmələ gəldiyi etiraf edilsə də fəlsəfənin bir elm kimi formalaşması inkişafı Qərb ölkələrinə Yunanıstan və Romaya aid edilirdi. (Şərq xalqlarının
ümumi mədəni geriliyi, çox hallarda köçəri həyat keçirmələri Şərq ölkələrində dövlətçiliyin inkişafa başlaması vəs.)
Bu isə əslində düzgün deyildir. Əgər quldarlıq cəmiyyəti, ibtidai icma cəmiyyətinə nisbətən
mütərəqqi mərhələdirsə meydana gələn fəlsəfə Şərq ölkələrində quldarlıq cəmiyyətinin məhsulu hesab
edilə bilər.
Buna görə də fəlsəfənin fəlsəfi fikrin Şərq ölkələrində xüsusilə Qədim Babilistan, Misir, Hindistan, Çin və s. ölkələrdə meydana gəldiyi şəksizdir.
Tarixi faktlar IV minilliyin sonu III minilliyin əvvəllərində klassik cəmiyyətin olduğunu təbii elmi
fikrin və fəlsəfi görüşlərin təşəkkül tapdığını tamamilə təsdiq edir.
Fəlsəfi fikrin inkişafı ilkin dövrü e.ə. I minillik hesab olunur. I minilliyin ortalarından bəşər
tarixində “əqli partlayışın”, “intelektual inqilabın” baş verdiyi qeyd olunur.
Quldarlıq ictimai münasibətlərinin, xüsusilə məhsuldar qüvvələrin təkmilləşdirilməsi inkişafı,
istehsalın qarşıya qoyduğu təlabat, ehtiyac nəticəsində baş vermişdir.
Qədim Misir və Babilistanda fəlsəfə - B.e.ə. IV minillikdə Qədim Misir ərazisində mövcud
olan quldarlıq quruluşu burada öz inkişafının yüksək mərhələsinə çatmışdır. Bu dövrdə bir sıra təbiət
elmləri – riyaziyyat, astronomiya, kosmologiya, təbiət və eləcə də fəlsəfə sahəsində ilk addımlar atıldı.
Günəş təqvimi yaradıldı. Nil çayının daşmasının və çəkilməsinin səbəbini öyrənmək cəhdi Qədim Misir
astronomiyasının yaranmasına və inkişafına təkan verdi. Çay ildə bir dəfə daşır və müəyyən müddətdən
sonra çəkilirdi. Buna uyğun olaraq əhali əkinçilikdə toxumun səpilmə vaxtını və məhsul yığma dövrünü
müəyyən edirdi. Nil çayı daşan zaman Misir səmasında ən parlaq ulduz Sirus görünürdü. Misirlilər
bürclərin fonunda Günəşin görünən rolunun müəyyən etmiş və onu on iki hissəyə bölmüşdülər ki, bu da
bizə məlum olan Zodiakı təşkil edirdi. Min beş yüz il ərzində Misirli astronomlar 373 Günəş və 832 Ay
tutulmasını qeydə almışlar. Səmanın daima belə seyr edilməsi nəticəsində ilk Misir təqvimi meydana
gəlmişdir. Bu təqvim əvvəllər hər biri 30 gündən ibarət olan 12 aya bölünürdü. Hər ilin əvvəlində ona
5 müqəddəs gün əlavə olunurdu. Bu da bir ilin 365 günə bərabər olmasının göstərir.
Dünya mədəniyyətinin nadir incilərindən sayılan və bir sıra sirrləri hələ də açılmamış, hər 2,5
tondan 54 tona qədər ağırlığında olan daş süxurlardan və qranitdən tilikmiş məşhur Misir ehramları
(piramidaları) məhz bu elmlərin sayəsində inşa edilmişdir.
Qədim sivilizasiya həmçinin Şumer–akkad mədəniyyəti b.e.ə. IV minillikdə Dəclə və Fərat
çaylarının arasında yerləşən ərazidə yaranmışdır. Elə buna görə də ona İkiçayarası (yunanca– Mesapotamiya) deyilir.
B.e.ə. III minillikdə İkiçayarasının şimal hissəsində akkadlar, cənub hissəsində isə şumerlər
məskən salaraq özlərinin müstəqil şəhər dövlətlərini yaratmağa başladılar. Tezliklə bu iki hissə bir
səltənət altında birləşdi. Lakin bir müddətdən sonra bu səltənət əmmarilər tərəfindən dağıdılaraq, onun
yerində yeni bir dövlət yaradıldı. Babilistan bu dövlətin paytaxtı oldu. Beləliklə də şumerləri, akkadları,
əmmariləri, elariləri və digər xalqları birləşdirən Qədim Babilistan səltənəti yarandı. Hammurapinin
hökmranlığı dövründə (b.e.ə. 1792–1750) bu dövlət özünün ən yüksək zirvəsinə çatmışdı. Babilistanın
ikinci çiçəklənmə dövrü Assurinin hakimiyyətə gəldiyi dövrə (b.e.ə. 612–538) təsadüf edir. Bu zaman
onun ərazisi Misirdən İrana qədər olan ərazini əhatə edirdi. Bu dövlət tarixdə Yeni Babilistan adlanır.
Qədim Babilistanda elm daha çox inkişaf etmişdi. Bunu bizim dövrümüzə
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 7
qədər gəlib çatmış gil lövhələr sübut edir. Assuriya sultanı Aşşurbanipala məxsus kitabxanada 30 min
lövhə saxlanılırdı. Şumerlər cəbrin, həndəsənin əsasını qoymuşlar sonralar “Pifaqor teoremi” bunun
əsasında yaradılmışdır.
Şumerlər onluq və altı onluq sistemini yaratmışlar. Bu günədək bütün dünya ondan istifadə edir:
1 saat 60 dəqiqə, 1 dəqiqə 60 saniyə.
Gündəlik praktik təcrübə, səma cisimlərini öyrənmək cəhdi Babilistanda astronomiyanın
yaranmasına və inkişafına səbəb oldu. Dünyada birinci olaraq ulduzlu səmanın ilk xəritəsini tərtib etmiş, Babilistan astronomu Selevska b.e.ə. II əsr dünyanın heliosentrik quruluşu haqqında məlumat vermişdir.
Onlar bir sıra təqvimlər yaratmışlar. Beləki təqvimə görə bir 29 və ya 30 gün, bir il 12 ay və 354 günə bərabərdir. Günəş təqvimi (Şəmsi təqvimi) mövcud idi. Bu təqvimə görə bir il 365 gün, 24 sutkaya
bərabərdir.
Qədim Babilistanda təbabət elmləri də inkişaf etmişdir. Ovsunla müalicə üsulundan başqa tədricən
peşəkar həkimlər də yetişirdilər. Babil həkimləri o dövrdə zökəmin, sınığın, dəri şişinin müalicəsini
bilirdilər. Onlar həmçinin ciyər, mədə - bağırsaq xəstəliklərini müəyyən etmişlər.
Şumer həkimlərinin təbabətə aid bir sıra vəsait və göstərişləri məlumdur. “Nippur həkiminin
arayış kitabçası”-nda 15 müalicə qaydaları verilmişdir. Şumerlərin bir neçə müalicə reseptləri dövrümüzədək gəlib çıxmışdır.
Bu dövrdə kənd təsərrüfatı, coğrafiya, tarix, hüquq elmlərinin inkişafına dair çoxlu məlumatlar
var. Bütün bu elmlərin yaranması və inkişafı nəticəsində ətraf aləmə dini – mifoloji baxış məntiqi olaraq
fəlsəfi baxışla əvəz olunmalı idi. Elə buna görə də bəzi təqvimçilərin, xüsusilə Avropamərkəzçiliyi cərəyanı nümayəndələrinin Qədim Şərqdə fəlsəfənin yarana bilməməsi iddiası böyük şübhə doğurur.
Dünya mədəniyyətinə bir qədər elmi biliklər bəxş edən Qoca Şərq nəyə görə ətraf aləmin, dünyanın fəlsəfi izahında geri qalmalı idi?
Şumer dastan və hekayələrində bir sıra fəlsəfi fikirlərə rast gəlmək olar. Bu əsərlərdə siyasət,
cəmiyyət və əxlaq normaları haqqında fikirlər söylənilir.
Qədim Hindastanda fəlsəfə - Hindistanda fəlsəfənin meydana gəlməsi təxminən e.ə. I
minilliyin ortalarına təsadüf edir ki, bu dövrdə də müasir Hindistan ərazisində kiçik dövlətlər yaranmağa
başlamışdır. Qədim Hind cəmiyyəti o dövrdə 4 qrupa (varnaya) bölünürdü: brahmanlar (rahiblər), kşatrilər
(hərbi aristokratiya), vayşilər (mülkədarlar, sənətkarlar, tacirlər) və şudralar (brahmanlar, kşatrilər və
vayşilərə tabe olan aşağı təbəqə).
E.ə I minilliyin VI – V əsrlərindən Hindistanda fəlsəfə artıq sistemləşdirilmiş şəkildə müəyyən
cərəyanlar anlayışlar formasında mövcud idi. Burada ən ümumi anlayışlar, varlıq, materiya, insan, həyat,
kainat haqqında əsasən dini – mifoloji, idealist səciyyə daşıyan fəlsəfi baxışlar, materialist fəlsəfədə
meydana çıxmışdır. Qədim Hind fəlsəfəsi fikri hakim brahmanizm dini təlimi və ona müxalif şəkildə
formalaşmış “Vedlər” də ifadə olunmuşdur. “Vedlər” allahların şərəfinə oxunan dini himnlərin və
mahnıların məcmusu idi. “Vedlər” əsasən dini səciyyə daşısalar da, onlarda kainat, varlıq, insan
haqqında və s. ümumiləşmiş fəlsəfi ideyalar da var idi. Müxtəlif hissələrdən ibarət olan “Vedlər”in
sonuncu hissəsini unanişadlar təşkil edir. “Vedlər”in əsas biliciləri və təbliğatçıları yüksək kastadan olan
brahman kahinləri hesabolunurdular.
Lakin qəbilə münasibətlərinin dağılması, quldarlığın formalaşması ilə əlaqədar “Vedlər” in
təlimlərinin brahman kahinlərinin ayin və rituallarına, inamlarına etiraz edənlər də meydana gəlirdi.
Bunların sırasında brahmanizmə tənqidi yanaşan tramanları, acivikləri (naturalist – fəlsəfi təlim),
çaynizm və buddizmi qeyd etmək olar. Bu tənqidi dini – fəlsəfi cərəyanlar əsasında qədim dövr Hind
fəlsəfi sistemi olan sutrılar meydana çıxmışdı. Sutrılar fəlsəfi fikirləri yığcam zərb məsələlər,
aforizmlər, atalar sözləri şəklində ifadəsi idi.
Qədim Çində fəlsəfə - Çində də fəlsəfi fikrin meydana çıxması və inkişafı Babilistan, Misir,
Hindistan və başqa Şərq ölkələrinə uyğun olmuşdur. Buradan da istehsalın inkişafı quldarlığa keçilməsi
əqli əməklə məşğul olan xüsusi insanların – müdriklərin əmələ gəlməsi astronomiya, riyaziyyat, tibb və
s. elmlərin meydana çıxması fəlsəfənin yaranmasına imkan vermişdir.
E.ə. VI əsrdə Çin fəlsəfi məktəbləri Konfutsi, Lao–Tszı və başqa Çin filosofları meydana çıxıb fəaliyyət göstərirdilər. Konfusiançılıq e.ə. VI əsrdə Konfutsi və onun ardıcıllarının adı ilə bağlı
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 8
formalaşmış, dini – fəlsəfi etik cərəyandır, görüşlər sistemidir. Yeni eranın ərəfəsində xüsusi dinə
çevrilmişdir. Əsas mənbəyi “Söhbətlər və mühakimələr” adlı kitab hesab olunur. Konfusiyaçılığın
məqsədi mövcud–üsul idarəsi, quldarlıq münasibətlərinin qoruyub saxlamağa xidməti olmuşdur
“Daosizm” qədim Çində əmələ gəlmiş fəlsəfi cərəyandır.(e.ə.IV–III əsr) eramızın II əsrində dinə
çevrilmişdir. Bu dini–fəlsəfi terminin əsasını qoyan Lao–Tsziyə görə bütün mövcudatın ilkin əsası və
mahiyyəti “dao”–dan ibarətdir. Bu təlim hər şeyin dao əsasında daxili zərurət və qanunauyğunluqla baş
verdiyini iqrar edir. Bu təlimə görə dünyada daonun olmadığı heç bir şey yoxdur. Bu təlim nəticə
etibarilə, fatalizmə, insanın zərurətin qulu olması ideyasına gətiribçıxarır.
Qədim Çində görkəmli filosof Mao–Tszının (468–376) adı ilə bağlı olan moizm fəlsəfi təlimi
olmuşdur. E.ə. V–III əsrlərdə yayılmışdır. Onu ölkəni dolaşıb müdrik sözlər söyləyən kahinlər
yayırdılar. Bu təlimin əsas mənbəyi indiyədək gəlib çatmış 51 fəsildən ibarət olan “Moizmin
traktatıdır”.
QƏDİM AZƏRBAYCANDA FƏLSƏFİ FİKİR.
II. Qədim dövr Azərbaycanda dini – fəlsəfi ideyalar - Azərbaycanlılar çox qədim tarixə
və zəngin mədəniyyətə malikdirlər. Onlar dünyanın ən sivilizasiyalı nisbətən mütərəqqi millətlərindən
biridir. Zəngin mədəni irs, bəşərilik və milliyi özündə vəhdət halında birləşdirən ənənələr, intelektual–
fəlsəfi sərvətlər humanist fəlsəfi dəyərlər, mənşəcə Oğuz türklərindən olan bu millətə məxsus başlıca
keyfiyyətlərdir. Zaqafqaziyanın, Yaxın və Orta Şərqin müəyyən ərazilərində məskən salmış ulu
əcdadlarımızın tarixi b.e.ə. III–II minilliklərə gedib çıxır. Bunu indiki Azərbaycan ərazisində aşkara
çıxarılmış ən qədim insan məskənlərindən biri olan Azıx mağarasının qalıqları, Xocalı – Gədəbəy,
Quruçay mədəniyyəti nümunələri çoxsaylı etnoqrofik materiallar sübut etməkdədir.
Daş alətlərdən başlayaraq dəmir alətlərin hazırlanmasına qədər uzun bir tarixi yol keçmiş, öz
yazılarına malik olmuş qədim Manna, Midiya kimi quldar dövlətlərin tərkibində yaşamış qədim azərbaycanlılar e.ə. IX əsrdən öz mədəni - fəlsəfi, iqtisadi, siyasi nailiyyətləri ilə folklor nümunələri ilə
bütün dünyada tanınmışdır.
Qədim Azərbaycanlılarda ətraf aləmə münasibətdə ümumi şərqə məxsus 4 ünsür ideyalar haqqında
kainatın 4 ünsürdən ibarət olması, bütün cisim və hadisələrin bu ünsürlərin birləşməsindən əmələ
gəlməsi haqqında təsəvvürlər güclü olmuşdur. (torpaq, su, od, hava, görünür ayın 4 həftəyə, ilin 4 fəslə,
səmtlərin 4 yerə bölünməsi haqqında təsəvvürlər bununla əlaqədar olmuşdur).
Qədim yunan tarixçisi Herodotun (e.ə. 490 - 425) “Tarix” əsərində məlumat verdiyi “Astiyaq və
Tomris” əfsanələri xalqımızın qədim və zəngin mifik mədəniyyətə malik olduğunu göstərir.
Midiya dövlətindən sonra Azərbaycanda yaşayan xalqlar Atropatena və Albaniya kimi dövlətlərin
tərkibində olmuşlar. Onları dini–mifoloji və fəlsəfi dünyagörüşünün əsasında “Avesta” da ifadə olunmuş
Zərdüştlük ideyaları durmuşdu. “Avesta” da qədim Azərbaycanda yaşayan xalqların dini – fəlsəfi,
mənəvi əxlaqi, ictimai və s. görüşləri əks olunmuşdur. Avestada zərdüştlük dini–mifik dünyagörüşün əsas
mənbəyidir.
Onun meydana çıxması e.ə. təqribən IX əsrə aid edilir. Ehtimal olunur ki, onun tamamlanması bizim eranın II əsrində başaçatmışdır.
Daha sonrakı dövrlərdə (e.ə. XII–VI əsrlər) zərdüştlikdə xeyir Allahı Hörmüzə (Ahura– Məzdaya)
pərəstişə əsaslanan məzdəilik Odu Hörmüzün yerdə təzahürü hesab edir, oda sitayişi kimi geniş yayırdı.
Orta əsr islam dünyasının böyük mütəfəkkiri Əbu Reyhan Biruninin, ingilis şərqşünası Ceksonun
fikrincə, Zərdüştlüyün banisi Zərdüşt Azərbaycanda Savalanın ətrafında doğulmuş, uşaq və gənclik illərini
orda keçirmişdir. Zərdüşt ömrünün ikinci yarısını Bakteriyada (Əfqanıstan) sürmüşdür. Zərdüştlük e.ə VII
– VI əsrlərdə dualist din kimi meydana gəlmişdir. Bu dinin müqəddəs kitabı “Avesta” Zərdüşt tərəfindən
yazılmışdır. “Avesta” 3 kitabdan ibarətdir. Vendidad, Yasna, Visperid. Avestanın fəlsəfi dualist xarakter
daşıyır. Avestaya görə dünyada maddi, həm də mənəvi olan hər şey xeyir və şər başlanğıca malik olmaqla
iki qismə ayrılır. Baş allah Ahura Mazda ( Hürmzad) xeyir qüvvələrini, Anhra Manyu (Əhriman) isə şər
qüvvələrini təmsil edir. “Avesta”da hava, od, su, torpaq
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 9
müqəddəs hesab edilir. Bu kitabda Günəş, ay və ulduzlar ehtiramla qeyd olunur, müqəddəs. Hər bir
cisimdə ruhun olması fikri də mühüm yer tutur. Bütün təbiət canlı sayılır. Ruh bədənin ağasıdır, bədənin
mövcudluğunun əsas şərtidir.
Bütün psixi proseslər 3 mərhələdə bölünür. 1. Fikir. 2. Söz. 3. Əməl. Əvvəlcə fikir yaranır, sözlə
ifadə olunur və əmələ həyata keçirilir.
“Avesta”nın etikası maddi və mənəvi olanın təmizliyinə əsaslanır, bu iki sahədə təzahür edir. 1.
Fiziki təmizlik (bədən, geyim, ev – eşik təmizliyi). 2. Mənəvi təmizlik (əqidə və əməllərin saflığı). Zərdüştlüyün bütün fəlsəfəsi xeyir və şər qüvvələrinin mübarizəsi ətrafında cərəyan edir. Zərdüştə
görə düzgün və sağlam həyat tərzi dinc və halal əməklə məşğul olmaqdan ibarətdir. Zərdüştlük b.e.ə Buddizmə, e.ə Xristianlığa, sonra müsəlmanlığa bilavasitə təsir göstərə bilmişdir.
Zərdüştlüyün meydana gəlməsi, formalaşıb yayılmasının Azərbaycan torpağı və etnik birliyi ilə
əlaqəli olması, bu bölgənin ictimai siyasi həyatı, əxlaqi – etik normaları ilə bağlılığı bu qədim dini fəlsəfi
təlimin və onun haqqında fikri məmuniyyətlə qeyd etməyə əsas verir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 10
MÖVZU 3
ANTİK FƏLSƏFƏ. DÜNYA FƏLSƏFİ FİKRİN İNKİŞAFINDA ANTİK
FƏLSƏFƏNİN ROLU.
Antik dövr fəlsəfəsi bəşəriyyətin fəlsəfi təfəkkürünün inkişafında ən mühüm mərhələni təşkil
edir. Qədim dövr fəlsəfəsi özünün klassik inkişafı formasına Antik dövr ölkələr olan - Yunanıstan və
Roma quldarlarlıq dövlətlərində çatmışdır.
Antik ölkələrdə fəlsəfə bütün bilik sahələrini əhatə edirdi. Elmi–biliklərə isnad edən fəlsəfə
əvvəlcə dini–mifoloji xüsusiyyətlərin tənqidi ilə, sadəlövh naturalist materialist meylin güclənməsi ilə,
həqiqətə can atması ilə səciyyələnmiş, inama əsaslanan dini–mifoloji baxışlardan fərqlənmişdir.
İlkin antik fəlsəfənin mərkəzində dünya binası, kainat necə qurulmuşdur? Kosmosu, insanı, varlığı,
“özü – özünün”dən çıxış edib izah etmək mümkündürmü? İnsan dünyanı dərk edib firavan yaşaya bilərmi?
Və s. kimi suallara cavab vermək cəhdi antik fəlsəfə güclü olmuşdur. Antik fəlsəfənin nümayəndələri
təbiətin, kosmosun, bütövlükdə dünyanın mahiyyətini tam vəhdət halında, bütöv şəkildə dərk etməyə
çalışmışlar.
Milet məktəbinin nümayəndələri olan Fales, Anaksimandr, Anaksimen (VI əsr) hər şeyin bütöv kainatın ilkin maddi əsasını su və havada Hefes məktəbinin nümayəndəsi Heraklin (544–483) isə odda
görür, dünyanın bu ünsürlərdən əmələ gəldiyini söyləyirdilər. Onlar fəlsəfəyə bütün mövcudatın səbəbləri və başlanğıcı haqqında elm kimi baxırdılar.
Bütün kainatın dəyişməz ilkin əsasını qəbul etməsələr də, ilkin naturfilosoflar, əslində kortəbii
dialektik təfəkkürə malik idilər.
Efesli Heraklinə görə bütün kainata hərəkətdə və vəhdətdə olan əksliklərin mübarizəsi kimi
baxılmalıdır. Sadəlövh dialektikanın banisi olan Heraklin qeyd edirdi ki, “Əmtəələr qızıla, qızıl da əmtəələrə mübadilə edildiyi kimi, hər şey atəşə, atəş də hər şeyə mübadilə olunur”.
Heraklit idrakın mərhələləri haqqında fikir söyləyirdi, duyğuları qəbul edirdi, təfəkkürün rolunu
qiymətləndirirdi. Onun fəlsəfi fikirləri qədim yunan quldarlıq cəmiyyətinin mütərəqqi tələblərinə uyğun
idi. “Təbiət haqqında”kı, əsəri onun böyüklüyünü bir daha sübut etmişdir.
E.ə. VI–V əsrlərdə Yunan fəlsəfəsində ontoloji təlimə görə varlığın əsasları müxtəlif mövqelərdən həll edilirdi. Pifaqorçular bütün mövcudatın əsasına sayları qoyurdular. Parmenid isə
iddia edirdi ki, varlıq ancaq zəka ilə dərk olunandır, onları hiss üzvləri anlamaq olmaz.
Ksenofona və onun ardıcılları olan eleatçılara görə varlıq - həmişə mövcud olandır, əbədidir, o
fikirimizdə olduğu kimi təkdir, bölünməzdir, bölünən və çox müxtəliflik ancaq hissi dünyadır.
Eleat məktəbi nümayəndələrinə görə varlıq anlayışının məzmununa üç xüsusiyyət daxildir: a) varlıq
mövcuddur, vardır, qeyri – varlıq yoxluq isə mövcud deyildir, yoxdur; b) varlıq vahiddir, bölünməzdir,
təkdir; c) varlıq dərk olunandır, qeyri – varlıq yoxluq isə dərk olunmazdır, o, zəka üçün yoxdur, o,
mövcud deyildir. Antik fəlsəfə varlığın əsaslarının işlənilməsində “apeyrol” və “atom” haqqında
ideyaların mühüm əhəmiyyəti olmuşdur. Qədim yunan kortəbii materializmin böyük nümayəndəsi
determinizm və atomizm fəlsəfi təlimlərinin banisi Demokrit tərəfindən daha da inkişaf etdirilmişdir.
Demokrit müəllimi Levkin ilə birlikdə atomizmin əsasını qoymuşdur. Demokrit və onun tələbəsi
Epikür (341 – 270) iddia edirdilər ki, “dünya boşluqdan və atomlardan ibarətdir”. Atomlar boşluqda daim
hərəkət edirlər. Lakin onlara görə atomların özləri dəyişilməz, hərəkətsiz və bölünməzdir. Epikür hətta atomları ağırlıqlarına görə də fərqlənməyə çalışanlar maddi cisimlərin “atom
çəkisinə” görə də fərqlərinin sezmişdir. Demokrit tərəfindən irəli sürülən atomist materialist mənzərəsinə qarşı hələ sağlığında müəyyən
etirazlar olmuş, dialoqlar, mübahisələr, diskusiyalar aparılmışdır. Materialist “Demokrit xətti” nə müxalif mövqedən “Platon xətti” çıxış etmişdir. Platon (427 – 347) və onun ardıcılları dünyanın idealist
anlayışını əsaslandıraraq, varlığın əsasını maddi olmayan, cansız ideyadan ibarət hesab edirdilər. Maddi
varlığın obyektiv, hərəkətsiz, əbədi ideyadan əmələ gəldiyini söyləyirdilər. Platon yaşadığımız dünyanı keçici, fani, müvəqqəti aləm adlandırmışdır. Platonun əsl adı Aristokuldur. O,
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 11
Afinada anadan olmuş, 80 il yaşamışdır. Əsərləri “Menon”, “Timey”, “Krimpton” və başqaları. Platon idealizmi ilk dəfə tənqid edən onun şagirdi Aristotel (384 – 322) olmuşdur. Aristotel
deyirdi: “Müəllimim Platon mənə əzizdir, lakin həqiqət ondan da əzizdir”. Platonun əsas çatışmayan
cəhəti, onun ideyaya müstəqil mövcudat kimi baxmasında, onu hissi aləmdən ayırıb, tənqid etməsində,
hərəkət və dəyişməni isə ancaq hissi aləminə konkret əşyalara aid etməsini görürdü.
Antik fəlsəfədə “materiya” kateqoriyası ətrafında mübahisələr, fikir plüralizmi olmuşdur. İlk dəfə
olaraq “materiya” anlayışını Platon işlədərək onu özünün dəyişməz, vahid hesab etdiyi “ideyaya” varlığa qarşı qoymuşdur.
Qədim yunan fəlsəfəsi nümayəndələri üçün onların idealist və materialist olmasından asılı
olmayaraq, digər ümumi cəhət isə onların kosmosçu, kosmosentrik olmaları təşkil edir. Onların hamısı
təbiəti, kosmosu vahid tam şəklində görürdülər. Bu mənada insana da təbiətin bir hissəsi kimi baxılırdı.
İnsana, onun həyatı ölümü və ölməzliyinə münasibət, onun təbiət və cəmiyyətdə yeri və rolunun
müəyyənləşdirilməsi problemi də antik fəlsəfədə mərkəzi yerlərdən birini tutmuşdur. Bu cəhətdən
qədim yunan sofistlərinin əməyi böyük olmuşdur. Sofistlərin əsas nümayəndələri Protaqor (490–420)
və Qorqiy (480–380) olmuşdur. Onlar insan biliyinin yoxlanması və təsdiqini tələb edir, kor–koranə
inamı qəbul etmir, dəlil və sübutları əsas götürürdülər. Sofistlər fəlsəfi–elmi biliyi kütləvi yayır, əhalini
marifləndirir, ilk dəfə olaraq təlim üçün qonarar alırdılar. Siyasi idarəçilikdə, məhkəmədə, siyasi
mübahisələrdə əhaliyə öz mövqeyini əsaslandırmaq sənətini öyrədir, nitq mədəniyyəti, ədəbi dil, dialoq
sənəti, üslubiyyət və s. təlqin edirdilər. Bütün bu proseslərin mərkəzində insan dururdu. Protaqor iddia
edirdi ki, “İnsan hər şeyin meyarıdır, ölçüsüdür” həmin şey mövcuddursa da mövcud deyilsə də insanla
ölçülür. “İnsana sevinc, razılıq gətirən hər şey yaxşı, xeyirdir, əzab - əziyyət gətirən hər şey pisdir,
şərdir”. Bütün idrakını sofistlər hiss orqanları ilə ölçürdülər, subyektiv hesab edirdilər. Sağlam adama
şirin gələn şey, xəstə adama acı gəlir. Deməli həqiqət nisbidir, obyektiv həqiqət əlçatmazdır. Sofistlər
relyativizm mövqeyindən çıxış edərək cəmiyyəti də (dövləti də) ədalətin və ədalətsizliyin meyarı hesab
edərək nisbi sayırdılar.
Sofistlərin nisbiliyi, relyativizmi sonralar böyük filosof Sokrat (470 – 399) tərəfindən ciddi tənqid
edilmişdir. Sokrat biliyin subyektlivliyi ilə yanaşı həqiqətin obyektivliyini sübut etməyə çalışırdı. İnsanı
gerçəkliyə və özünü dərketməyə çağırırdı. Onun insana müraciətlə dediyi “Özünü dərk et” müddəası
iki minə ilə yaxındır ki, fəlsəfi zərb – məsəl, aforizmi kimi səslənir. O, göstərirdi ki, bilik özü xeyirdir,
insanı xoşbəxtliyə aparan yoldur. Qeyri - əxlaqi hərəkətlərin səbəbini Sokrat həqiqəti bilməməklə,
biliksizliklə izah edirdi. Sokratın qəti əqidəsi belə idi ki, “ancaq xeyirxah adam xoşbəxt olmağa haqlıdır”.
Platonun fəlsəfi irsində, varlığın idealist izahı ilə yanaşı, insan, cəmiyyət, dövlət haqqında fəlsəfi
ideyalar mühüm yer tutmuşdur. Platona görə insan ancaq mənəvi dayaqların möhkəm olduğu bir cəmiyyətdə xoşbəxt ola bilər.
Platonda ideal dövlət yaradılması zərurəti haqqında da fikirlər diqqəti cəlb edir.
Platon etikasının əsasında mükəmməl insan ideyası dururdu. Zəkalı insan gözəlliyə, yüksək
xoşbəxtliyə, ideala can atır, ədalətlidir, həqiqətpərəstdir.
O, insanları üç növə ayırırdı: zəkalı, affektiv, hissiyatlı. Affektiv insan isə xeyirxah ehtiraslara
malikdir, cəsurdur, qorxmazdır, vəzifə borcunu yerinə yetirməyə cəhd edir.
Antik fəlsəfənin sonrakı inkişaf dövrü hesab olunan ellinizm mərhələsi (e.ə. IV əsrdən eramızın
V əsrinədək) Makedoniyalı İsgəndərin işğalları, nəhayət yunan şəhərlərinin Romanın təsirinə düşməsi
ilə əlaqədar başlamışdır.
Ellinizm mərhələsində diqqət ümumi deyil, fərd ayrı – ayrı adamlara yönəlmişdi. Bu dövrün fəlsəfi – etik fikrində stoiklərin, epikürçilərin insanın xarici aləmdən, xüsusilə sosial – siyasi mühitdən azad
olması, insan azadlığı baxışları mühüm yer tuturdu.
Həmin fəlsəfi cərəyanın nümayəndələri Zenon (333–262) Posidoni (II–I əsrlər), romalı Seneka (
5 - 65), imperator Mark Avreli (121–180) və başqaları olmuşdur. Stoiklər fəlsəfəyə elm kimi deyil,
həyat rolu, həyat müdrikliyi kimi baxırdılar. Onlara görə həqiqi müdriklik heç ölümdən də
qorxmamalıdır, ehtirassızlığı və sükunəti, daxili sakitliyi mənəvi ideal hesab edirdilər ki, onu da apati
adlandırırdılar.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 12
Sosial fəallıqdan çəkinmək Epikür (341–270), Romalı Lukretsi Kar (99 - 55) etikasında əsas yer
tuturdu. Onların etikası ümumi ictimai insana deyil, fərdə ayrıca insana istinad edirdi. Epikür qeyd
edirdi ki, real gerçək olan ayrıca, təcrid olunmuş atomlardı, ümumi tam kosmos isə ikincidir, atomların
toplusudur. Epikürə görə mənəvi xoşbəxtlik razı qalmaqdır, ruhi sakitlik qiyamsızlıqdır. Epikür və
Lukretsi Kar mövhumatın, köhnə dini ayinçilik ənənələrinin tənqidinə də xüsusi diqqət yetirmişdir. Onlar
qeyd edirdilər ki, insanın özü ilə birlikdə ruhu da ölür.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 13
MÖVZU 4
ORTA ƏSRƏRDƏ ŞƏRQDƏ VƏ AZƏRBAYCANDA FƏLSƏFƏSİ FİKİR.
Orta əsr fəlsəfəsinin xüsisiyyətləri - Feodal istehsal münasibətlərinin qərarlaşması yeni orta
əsr feodal münasibətinin formalaşmasına da səbəb oldu. Bu mədəniyyətin isə səciyyəvi xüsusiyyətini,
hər şeydən əvvəl, bütün ictimai şüur sistemində dinin, xüsusilə xristianlıq və islamın hakim mövqe tutması,
ictimai fəlsəfi, mənəvi fikrə əsasən öz təsirinə alması təşkil edirdi. Müxtəlif elm sahələri kimi, fəlsəfə
və teologiyanın “dinin xidmətçisinə” çevrilmişdi. Allahın dünyanı “heçdən xəlq etməsi” ideyası aparıcı
yerə getmiş kainatın teosentrik mənzərəsi dünyagörüşün əsas səciyyəsini təşkil etmişdir. Feodal, sosial
mühit teosentrik dünyagörüşün mövcudluğu şəraiti dini–idealist. Fəlsəfi cərəyanların möhkəmlənməsi
və inkişafına, dünyanın elmi mənzərəsini təsdiq edən bilik sahələrinin, materialist istiqamətli fəlsəfi
cərəyanların zəifləməsi və tənəzzülünə güclü təsir göstərmişdir.
Orta əsr mədəniyyəti və fəlsəfəsi üçün digər başlıca xüsusiyyəti, xristian və islam dinlərinin təbliğ
etdiyi teokratik ictimai quruluş ideyasına dünyanın teokratik mənzərəsi haqqında dini ehkamlara haqq
qazandırmaq üçün qədim dövrün fəlsəfi irsindən etmək cəhdləri təşkil edirdi. Bu məqsədə Platonun
idealist baxışlarından və Aristotelin məntiqi sübutlar haqqında təlimlərindən geniş istifadə edilirdi.
Həmin mövqe orta əsr Azərbaycan dini – idealist fəlsəfəsində də, məsələn, “kəlam” təlimində,
peripatetiklikdə, işraqilikdə, panteizmdə və s. güclü olmuşdur. Orta əsr Avropasında dini ehkamları,
Allah ideyasının qədim fəlsəfi ənənələr baxımından xüsusi universitet məktəbləri yaradılmışdır. Həmin
sözə bağlı öyrədilən dini – fəlsəfi təlim sxolastika, onun nümayəndələri isə sxolastiklər adlandırılmışdır.
Orta əsr mədəniyyətin və fəlsəfənin əsas cəhətlərindən birini də onun kreasionist (yaradıcı) səciyyə daşıması təşkil edirdi. Dini teosentrik fəlsəfi dünyagörüşü belə hesab edir ki, çoxallahlılıq və
bütpərəstlikdən fərqli olaraq, hər şeyə qadir, tək Allah dünyanı heçdən yaratmış, onu öz qüdrəti ilə də idarə edir. Orta əsr fəlsəfəsində (Şərqdə də, Qərbdə də) insan problemi də Allahın iradəsi əsasında
həll olunurdu.
Orta əsr fəlsəfəsində varlıq anlayışını da müxtəlif cür şərh etmişlər. Orta əsr sxolastikasını
sistemləşdirən Dominikan teoloq–filosof monax Akfinalı Foma (1225–1274) olmuşdur. O, qarşısına
xristian dini təlimini qədim yunan fəlsəfəsinin, xüsusilə Aristotelin ideyaları ilə qovuşaraq sağlam
düşüncə şəklinə salmaq, eklektik dini – fəlsəfi təlim yaratmaq məqsədi qoymuşdur. A.Fomaya görə
forma “qayda – qanun prinsipi”, ilkin əsasdır, materiya isə “varlığın zəif növü” keçici maddi cisimlərin
məcmusudur. A.Foma, insan – Allah İusus Xristosun timsalında maddi və idealın, insanı və ilahi
mahiyyətin vəhdətini təsdiqləməyə çalışır.
Orta əsr Azərbaycan fəlsəfi fikrinin xüsusiyyətləri - Orta əsrin lap əvvəllərində Yaxın
Şərqdə geniş yayılmış maniyçilik dini fəlsəfi ideyaları Azərbaycanda da olmuşdur.
Zərdüştlik, xristianlıq və buddizm dinlərinin təsiriylə formalaşmış maniyçiliyin banisi Mani
(214–276) olmuşdur. Maniyçilik III–IV əsrlərdə geniş vüsət almışdı. Bu dini fəlsəfi təlim dualist
səciyyə daşımış üçlü zaman sisteminə əsaslanmışdır.
1–ci zamanda varlığın iki, müstəqil, əbədi və bir–birinə zidd başlanğıcdan ibarət olduğu iddia olunur: xeyir və şər, işıq və qaranlıq.
2–ci zamanda bu iki başlanğıc birlikdə mövcud olur. İşığın xeyirin hakimi həyat anasını yaradır.
Həyat anası insanı dünyaya gətirir. Həmin insan qaranlıqla, cəhalətlə mübarizəyə girir, lakin əsir düşür.
İşığın hakimi bu zaman canlı ruhları yaradır, ruhlar şərlə vuruşub, insanları xilas edir, lakin mübarizədə
şər, qaranlıq işığı ləkələmişdir. Ona görə də işığın təmizlənməsi üçün işığın hakimi kosmosu yaradır.
Məhz bu təmizlənmə prosesindən sonra “üçüncü zaman” başlanır: bu xeyrin şər üzərində, işığın qaranlıq
üzərində qəti qələbəsi zamanıdır.
Qədim Azərbaycan ərazilərində quldarlığın zəifləməsi, Atropaten, Albaniya, Girdiman və başqa
dövlətlərdə tədricən feodal münasibətlərinin qərarlaşması xalqın dini–fəlsəfi görüşlərində də
dəyişikliklər əmələ gətirirdi.
Bu proses V–VI əsrlərdə Asiyada geniş yayılmış məzdəkilər hərəkatının ideologiyası olan
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 14
məzdəkilədə ifadə olunmuşdur. Bu dini fəlsəfi təlim kəndliləri, şəhər yoxsullarını, ədalət uğrunda
bərabərsizliyin ləğvi uğrunda mübarizəyə çağırırdı. Məzdəkilər hərəkatı İran şahı “Xosrov”
tərəfindən yatırılsa da, o izsiz qalmadı, sonralar Orta Asiya və Zaqafqaziya xalqlarına təsir göstərirdi. IX əsrin əvvəllərində Azərbaycanda Babəkin başçılığı ilə Ərəb xilafətini lərzəyə salmış Xürrəmilər
hərəkatında məzdəkilər ideyalarının güclü təsiri aydın hiss olunurdu. Orta əsr
Azərbaycanın fəlsəfi ideyaları nə materialist, nə də idealist hesab etmək olmazdı.
Əhali tək Allaha, peyğəmbərliyə, Məhəmməd Əleyhüssəlamın Allahın rəsulu olmasına,
“Quranın” müqəddəsliyinə, axirətə, ruha və i. Inam və etiqada əsaslanmışdır. Bu fəlsəfə üçün “İkili həqiqət” baxımı daha aparıcı rol oynamışdır. (1–ci insan əqli, insan qəlbi)
Orta əsr Azərbaycanın fəlsəfi ideyaları çox hallarda Antik ölkə filosoflarının, xüsusilə Platon və
Aristotelin təsirində inkişaf etmişdir.
Bu dövr Azərbaycan filosoflarının dünyagörüşünün “peripatetik səciyyə” daşıması əsasən
Aristotelin təsiri ilə izah edilməlidir. Peripatetiklik – dünyagörüşün dualist səciyyəsindən irəli gəlirdi. Onları nə ardıcıl materialist, nə də tam idealist hesab etmək olmazdı. Azərbaycan filosoflarından
Bəhmənyar Azərbaycani, Eynəlqüzat Miyanəçi, Şihabəddin Sührəvərdi, Siracəddin Urməvi, Nəsrəddin Tusi və başqaları bu mövqedən çoxlu əsərlər yazılmışdı.
Bəhmənyar Azərbaycani (993–1066) - Orta əsrlərdə Azərbaycanda Yaxın və Orta Şərqdə
tanınmış, dünya şöhrəti qazanmış bir çox filosof, mütəfəkkirlər yetişmişdir. Onların içərisində
Bəhmənyar Azərbaycani daha məşhurdur. Bir çox mənbələrdə Zərdüştlük əqidəsinə malik azərbaycanlı
peripatetik filosof adlandırılmışdır. Sonralar Bəhmənyar İslam dinini qəbul edib. Harada anadan olması
haqqında məlumat yoxdur. Ehtimal olunur ki, Şamaxıda anadan olub. Mükəmməl təhsil almış, İbn–
Sinanın şagirdi və davamçısı olmuşdur.
Fəlsəfə elminin bütün sahələrinə (ontologiya, qnoseologiya, məntiq, etika və s.) və problemlərinə
dair Bəhmənyarın əsərlərinin özünəməxsus ideyaları vardır. Bu ideyalar onun “Təhsil kitabı”, “Məntiqə
dair zinət kitabı”, “Gözəllik və səadət kitabı”, “Musiqi kitabı”, “Metofizika”, “Mövcudatın mərhələləri” əsərlərində öz əksini tapmışdır.
“Təhsil kitabı” məzmun dərinliyi ilə fərqlənir. Peripatetizm mövqeyindən çıxış edən Bəhmənyara
görə hər şeyin əsasını varlıq təşkil edir. Varlıq vacib və mümkün olmaqla iki yerə ayrılır. Ona görə
vacib varlıq mütləqdir, səbəbsizdir, əbədidir, zəruridir. Mümkün varlıq qeyri – mövcuddur, mövcudluğu
ancaq fərz edilir, o səbəb deyil, nəticədir. Bütün mövcud şeylər mümkün varlıq anlayışına aid edilir.
Bəhmənyarın fəlsəfi kateqoriyalar, idrak nəzəriyyəsi və s. haqqında bir çox ideyalarının müəyyən müasir əhəmiyyəti vardır.
Bəhmənyar məntiq və idrak problemlərinə dair zəngin fəlsəfi irs qoyub getmişdir. Bəhmənyara
görə insanın qəlbi, ruhu qeyri – maddidir, bədəni ətraf aləmi dərk etməyə və idarəetməyə imkan verir.
“Zəkalı ruh” fikrini əsaslandıraraq ona idrak vasitəsi kimi baxır. Bütün bu cəhətlərə görə
Bəhmənyar tarixdə, əsasən məntiqçi filosof kimi tanınmışdır.
Eynəlqüzat Miyanəçi (1099–1131) - Orta əsr Azərbaycan və bütün Şərqin ən görkəmli
mütəfəkkirlərindən biri də Eynəlqüzat Miyanəçi olmuşdur.
Təbriz yaxınlığında Miyanə şəhərində anadan olmuşdur. Həmədanda baş qazi olmuş, xalq işərisində
dərin hörmət qazanmışdır. O, kiçik yaşlarında təhsilə başlamış, zəmanəsinin bütün elmlərini öyrənmişdir. O, bütün dinlərə eyni nəzərlə baxan azadfikirli filosof idi. İdeyalarına görə 1128–ci ildə
həbs olunaraq Bağdada göndərilmişdir. Miyanəçi bir müddətdən sonra Azərbaycana qaytarılmış və 32 yaşında dərs dediyi mədrəsədə edam olunmuşdur.
Eynəlqüzat Miyanəçi yazdığı “Həqiqətlərin qaymağı”, “Müqəddimələr”, “Qəribin şikayətləri”
kitabında sufizm, panteist fəlsəfəni işləyib hazırlamışdır. Onun varlıq və idrak haqqında orjinal ideyaları
vardır.
Şihabəddin Sührəvərdi (1154 - 1191) - Şihabəddin Yəhya Sührəvərdi Orta əsr Azərbaycan
fəlsəfəsində mühüm yer tutur. Zəmanəsinin böyük filosofu və şairi olmuşdur. O, Zəncan yaxınlığında
Sührəvəd şəhərində anadan olmuşdur.
Marağada fəlsəfəni və müsəlman hüququnu dərindən öyrənmiş, Yaxın və Orta Şərq ölkələrini
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 15
gəzmiş İsfahan, Diyarbəkr, Konya və s. şəhərlərdə olmuş, 1183–cü ildə Hələb şəhərinə gedib, orada
keçirilən disput məclislərində iştirak etmişdir. O, azadfikirlilikdə, dinsizlikdə ittiham olunmuş, ölümünə
fitva verilmişdir. Hələb qalasına salınmış 1191–ci ildə edam olunmuşdur. O, Şərqdə “Öldürülmüş filosof” adı ilə tanınmışdır.
Siracəddin Urməvi (1198–1283) - XIII əsr Azərbaycanın ən görəmli filosoflarından biri də
Siracəddin Urməvidir. O, ensiklopedik biliyə malik təbiətşünas alim, məntiqçi filosof və hüquqşünas
olmuşdur. Urmiya şəhərində anadan olmuş, Mosulda, Dəmşqdə, Konyada yaşamış baş qazi rütbəsinə
yüksəlmişdir. Müasirləri onu bütün elm sahələrinin bilicisi adlandırmışlar.
Onun bir çox fəlsəfi əsərləri vardır. Onlardan “Nurların doğuluşu”, “Hikmət incəlikləri”,
“Metodlar”, “Dialektika elminə dair traktat”, “Təhsil”, “Suallar” özünün fəlsəfi məzmun dərinliyi ilə
fərqlənirlər.
S. Urməvinin sosial–siyasi və mənəvi etik görüşləri daha maraqlı və əhəmiyyətlidir. O, insanın
hakim varlıq, Yer üzünün əşrəfi, yaranmışların ən mükəmməli hesab etmişdir.
Nəsrəddin Tusi (1201–1274) - XIII əsr Azərbaycanın görkəmli siması olan Xacə Nəsrəddin
Məhəmməd oğlu Tusi ensiklopedik alim, görkəmli filosof idi. O, astronomiya, riyaziyyat, optika,
minerologiya, məntiq, fəlsəfə, etika və başqa elmlərə aid dünya şöhrəti qazanmış əsərlərin müəllifidir.
Onun etika problemlərinə həsr olunmuş “Əxlaqi–Nasiri” adlı dünyada məşhur olan kitabı Azərbaycan
dilinə tərcümə edilib nəşr olunmuşdur.
Bundan əlavə “İqtibasın əsası”, “Mövcudatın bölgüsü”,“Risaleyi – fəlsəfi”,“İşarələr və qeydlər” və s. əsərləri mövcuddur.
Nəsrəddin Tusi 1201–ci ilin fevralın 17–də Tus şəhərində anadan olmuşdur. Həmədan
şəhərindəndir, azərbaycanlıdır. İlk təhsilini atası Məhəmməd İbn Həsəndən almış, sonralar Yaxın və
Orta Şərqin bir çox şəhərlərini gəzərək müasiri olduğu elmləri mənimsəmişdir.
Nəsrəddin Tusi 1274–cü ilin iyun ayında Bağdada səfər etmiş, orada vəfat etmiş və orada dəfn
edilmişdir. Nəsrəddin Tusinin fəlsəfi görüşlərinə Şərq fəlsəfə ənənələrinin, Antik fəlsəfənin, Aristotel,
Platon, Fales, İbn–Sina və başqa mütəfəkkirlərin güclü təsiri olmuşdur.
Onun fikrincə, varlığın əsasını 4 ünsürün vəhdəti təşkil edir. Od, su, hava, torpaq. O, belə güman
edirdi ki, maddə əbədidir, ancaq bir formadan başqasına çevrilir, yox olmur, itmir. Nəsrəddin Tusi digər
Şərq peripatetikləri kimi varlığı zəruri və mümkün olmaqla iki növə ayırırdı. Tusiyə görə zəruri varlıq heç
bir səbəblə bağlı deyil, o özü bütün varlıqların səbəbidir. Zəruri varlıq Allahdır, mümkün varlıq isə gerçək
aləmdir.
IX.XIII–XV əsrlərdə Azərbaycanda dini - fəlsəfi fikir. Panteizm, sufilik, hürufilik Orta əsrlərdə Azərbaycanda bir sıra dini – fəlsəfi cərəyan və təriqətlər də formalaşmışdır. Onların
müəyyən qismi xalis müsəlman ehkamlarının təbliğinə xidmət etməsələr də (məsələn, şiyəlik, islamilik
və s.) bəzilərinə islam ideyaları ilə Antik fəlsəfi müddəalar qovuşdurularaq yeni dini–fəlsəfi istiqamətdə
müəyyənləşdirilməyə çalışmışlar. Azərbaycanda panteizm, sufilik, hürufilik və s.
cərəyanlar geniş yayılmışdır. Panteizm Azərbaycan fəlsəfəsi tarixində müstəqil fəlsəfi cərəyan kimi o qədər geniş yayılmasa
da, panteist baxışlar dini – idealist səciyyədə, bəzən naturalist – materialist, sufilik və hürufilik ideya
çərçivəsində inkişaf tapmış, insanın gerçəkliyə münasibətinin formalaşmasına əhəmiyyətli təsir etmişdir.
Allahla dünyanın eyniləşdirilməsi ideyasını əldə edən “panteizm” ilk dəfə Qərbdə XIII əsrin
əvvəllərində meydana çıxmışdır.
Sufilik islam əsasında yaranmış dini – mistik fəlsəfi cərəyandır. Lüğəti mənası ərəb dilində “suf” sözündəndir ki, “yun” deməkdir. Sufilik XIII əsrdə İran və Suriyanın ərazisində meydana gəlmiş oradan Şərqə yayılmışdır. Bu cərəyanın nümayəndələri ilk dövrlərdə insanın, fərdin azad iradəsinin
olduğunu inkar edir, tərki – dünyalığı təbliğ edirdilər.
Sufiliyin əsasını misirli Zunnun əl–Misiri və bağdadlı Əbu Abdulla əl–Mühasibi qoymuşdur.
Sonralar Sufiliyi inkişaf etdirən Cüneyd (909–cu ildə vəfat etmişdir) həqiqətə qovuşmaq yolunu belə
müəyyən etmişdir: birinci mərhələdə “şəriət”–bütün müsəlmanlar üçün mənimsənilməli olan dini
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 16
qanunlar, qaydalar, hüquqlar; ikinci mərhələdə sufi “təriqəti”–öz ifadəsini Allaha tabe etmək, müridlik;
üçüncü mərhələdə “həqiqət”–ilahi həqiqətə yetişmək, qəlbin işıqlanması vasitəsilə Allaha qovuşmaq.
Buradan aydın olur ki, qəlbi təmiz, saf olmayanların ilahi şölələnməsi, Allahla qovuşması qeyri–mümkün sayılır. Azərbaycanda orta əsrlərdə geniş yayılmış dini fəlsəfi bidətçilik cərəyanı hürufilik olmuşdur.
“Hürufilik–orta əsrlərdə (XIV əsrdə) Azərbaycanda, İranda, İraqda, Türkiyədə və müsəlman
Şərqinin bir sıra ölkılırində yayılmış bidətçilik cərəyanıdır. Əsası şiyə məzhəbinə məxsus olan Fəzlullah
Nəimi Astarabadi (1340–1401) tərəfindən qoyulmuşdur. Hürufilik təlimində başlıca fərqləndirici xüsusiyyət hərflərə mistik ilahi məna verilməsindən ibarətdir. Başlıca ideya isə Allaha məxsus
keyfiyyətlərin təcəssümü insanın ilahiləşməsi kainatın əbədiliyinin qəbul edilməsidir.
Hürufiliyə görə, şeylərin şüurda, sözlərdə mövcudluğu yeganə varlıq formasıdır. Onların sözdən
məhrum edilməsi, onların varlığını yox etməkdir. Deməli, ilahi söz, nitq – “Quran” bütün şeylərin
varlığının səbəbidir. Buradan belə nəticə çıxarılırdı: Allah insanda və sözdə (Quranda) təzahür edir. Buna
görə də insan surəti və sözləri ifadə edən ərəb əlifbası ilahi mahiyyəti əks etdirir.
Hürufi təlimi əsasən F. Nəimi, onun şagirdi Əli–ül–Əla, Seyid İshak, İmadəddin Nəsimi və
başqaları tərəfindən əsaslandırılmış və inkişaf etdirilmişdir. Hürufiliyi təbliğ edən əsərlərin çoxu bu
günə gəlib çatmışdır. Bunlardan “Böyük əbədiyyət”, “Kiçik əbədiyyət”, “Tacnamə”, “Eşqnamə”,
“Vəsiyyətnamə” (F. Nəimi); “Tövhidnamə” (Əli–ül–Əla); “Turabnamə”, “Torpaq haqqında kitab”,
“Tədqiqnamə” (S.İshak); şerlər divanı (İ. Nəsimi) və başqalarını xüsusi qeyd etmək olar.
Mahmud Şəbüstəri (1287–1320) - Fəlsəfi dini ideoloji zəmnində yetişmiş orta əsr
Azərbaycan filosoflarından biri Mahmud Şəbüstəri olmuşdur. Ərəb, fars dillərini, təbiətşünaslığı, fəlsəfə
elmlərini, ilahiyyatı dərindən öyrənmişdir. Aristotel, Platon fəlsəfəsinə və onların Şərqdəki
davamçılarına bələd olmuşdur. O, bütün aləmi vəhdəti vücud etmiş, göstərmişdir ki, insan təkcə Allah
ilə deyil, bütün aləm onun müxtəlif təzahürləri ilə eynidir, vəhdətdir. İnsan uzunmüddətli təkamülün
nəticəsidir.
Fəzlullah Nəimi (1340–1401) - Hürufizmin banisi Fəzlullah Nəimi orta əsr Azərbaycanın və
Şərqin ən görkəmli mütəfəkkirlərindən biri olmuşdur. O, əvvəlcə sufiliyə meyl etmiş, lakin tarixdə
hürufiliyin banisi kimi şöhrət qazanmışdır.
1386–cı ildən “Yeni vəhy”–i hürufiliyi təbliğ etməyə başlayıb. Onun ilk şagirdləri sənətkarlar və dərvişlər olmuşlar. Nəimi Şirvanda gizlənmişdir. Naxçıvan yaxınlığında Əlincə qalasına salınmış 1401–
ci ildə edam olunmuşdur.
Hürufiliyə görə Allahın təbiətdə, xüsusilə insanda təcəssümü başlıca ideyadır. Lakin hürufilər belə
hesab edirlər ki, Allah Fəzldə təcəssüm edib və s. Allahın timsalı kimi, o yer üzərində ədalətsizliyi aradan
qaldıracaq. Fəzlə görə Allah həm sözlərdə, sözlər isə səslərdə, səslər isə 28 ərəb 32 fars hərflərində
təcəssüm edir.
F.Nəimiyə görə dünya dərkediləndir və insan öz ilahi qüdrəti ilə onu dərk etməlidir. İnsan öz əqli,
idrakı səviyyəsi ilə Allahla qovuşa bilər. O, idrak prosesində nitqin, ruhun, təyinlərin roluna qiymət verirdi.
“Vəsiyyətnamə”, “Eşqnamə” kimi əsərləri vardır. “Eşqnamə” əsərinin əlyazması və şerlərinin bir
qismi MDB ölkələrində və Sankt–Peterburqda saxlanılır.
İmamədəddin Nəsimi (1369–1417) - Hürufiliyin və Nəimi fəlsəfi ideyalarının ən böyük
davamçısı və inkişaf etdirəni İmaməddin Nəsimi olmuşdur.
Şamaxıda anadan olub, Hələbdə edam olunub. İlk təhsilini Şamaxıda almış, din tarixini, fəlsəfəni,
məntiqi, astronomiyanı, riyaziyyatı dərindən öyrənmişdir. Görkəmli şair olmuş, ilk şerlərini X əsrdə
edam olunmuş Həllac Mənsur Hüseynin təsirindən Hüseynin təxəllüsü ilə yazmışdır. Nəiminin vəsiyyəti
ilə Təbrizə, Anadoluya gedərək hürufiliyi yaymış, buna görə də dəfələrlə həbs olunmuşdur. Ömrünün son
illərini Suriyada, Hələbdə yaşamışdır. Nəsimi Hələbdə “kafir”, “dinsiz” elan edilmiş, Misir sultanının
əmri və ruhanilərin fitvası ilə dinsiz elan olunmuş, diri – diri dərisi soyulmuşdur. Nəsimi insanı, təbiət,
həyat insan gözəlliklərini duymağa, ondan zövq almağa çağırırdı. Nəsimi yaradıcılığı ana dilimizdə
yaranan poeziyanın klassik nümunəsidir. O, Azərbaycan dilində yaranmış fəlsəfi qəzəlin banisidir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 17
MÖVZU 5
İNTİBAH VƏ YENİ DÖVR FƏLSƏFƏSİ
I.İntibah, yeni dövr və maarifçilik fəlsəfəsinin inkişaf xüsusiyyətləri Bəşəriyyətin fəlsəfi fikrinin inkişafı tarixində intibah dövrünün fəlsəfəsi mühüm yer tutur. Bu
fəlsəfə feodal ideologiyasına, kilsəyə qarşı mübarizədə meydana gəlmişdir. Onun bərqərar olması hər
şeydən əvvəl, feodalizm cəmiyyətinin içərisində, kapitalist istehsal münasibətlərinin meydana gəlməsi
ilə əlaqədar idi. Elm, sənət, fəlsəfə dinin, kilsənin təsirindən çıxıb müstəqilliyə can atırdı. Bu yeni sosial
– iqtisadi və mənəvi münasibətlər əsasən, Antik mədəniyyətin, elmi – fəlsəfənin bərpası, dirçəldilməsi
ideyaları da inkişaf edirdi. Bu dövrə isə “İntibah” dövrü deyilirdi. İntibah mədəniyyəti nümayəndələri
sxolastikaya, orta əsr dini fəlsəfəsinə qarşı ciddi etirazlarını bildirir, onları tam rədd edirdi.
İntibah mədəniyyətinin başlıca səciyyəsini humanizm ideyaları, insanın ləyaqət, şərəf və
bacarığının obyektiv və yüksək qiymətləndirilməsi təşkil edir. Orta əsrdə hakim mövqe tutmuş dinə görə,
varlığı Allah yaratmışdır.
İntibah mədəniyyəti yüksək humanist münasibəti, kainatın mərkəzinə insanı qoyması–
antrosentrizm mövqeyi öz ifadəsini bütün fəlsəfədə, ədəbiyyatda, heykəltəraşlıqda, rəssamlıqda, xüsusilə Mikelancelo, Leonardo da Vinçi, Rafael, Petrarki, Dante və başqa əsərlərində tapmışdır. İnsan
ən ali varlıq səviyyəsinə yüksəldilir. İnsani gözəllik ilahi gözəllik kimi tərənnüm olunurdu.
İntibah dövrü fəlsəfəsi üçün təbiətin öyrənilməsinə qayıdış mühüm yer tutur. İntibah
naturfilosofları təbiəti, bir növ əsrarəngiz sirli bir varlıq, öz – özünün səbəbi, ilahi başlanğıca ehtiyacı
olmadan mövcudluq kimi səciyyələndirirdilər.
Dünyanın elm, mədəniyyət və fəlsəfi fikir tarixində Leonarda da Vinçi (1452–1519) böyük rol
oynamışdır. O, intibah dövrünün dahi rəssamı, böyük riyaziyyatçısı və mexaniki olmuşdur. Onun
dünyagörüşü cəmiyyətin feodalizmə qarşı çıxış edən mütərəqqi qüvvələrinin mənafeyini əks etdirirdi.
İntibah dövrü mədəniyyətinin ən böyük nümayəndələrindən biri də Nikolay Kopernik (1473– 1543)
olmuşdur. O, yerin kürə şəklində olması, öz oxu və Günəş ətrafında fırlanması, səma cisimlərinin
dövranı haqqında ideyalar irəli sürmüşdü. O, səma cisimləri ilə Yerin eyni qanunlar
əsasında fəaliyyət göstərdiyini, Yerin də planetlərdən biri olduğunu söyləmişdir.
İntibah mütəfəkkiri Cordano Bruno (1548–1600) isə kainatın maddi vəhdəti, orada çoxlu
aləmlərin olması, təbiətin sonsuzluğu, panteizm və əksliklərin üst – üstə düşməsi haqqında ideyaların
müəllifi kimi məşhur olmuşdur. Dünyanın heliosentrik mənzərəsi haqqında ideyanı inkişaf etdirən
Cordano Brunoya görə, kainatda məskunlaşmış aləmlər çoxdur. O, axirət dünyasını rədd edir, digər dini
ehkamları qəbul etmirdi. O, təqiblərə məruz qalaraq həbs olunmuş, 1600–cı ildə tonqalda yandırılmışdır.
Eksperimental–nəzəri təbiətşünaslığın xüsusilə klassik mexanikanın əsasını qoymuş Qalileo
Qaliley (1564–1642) intibah elminin böyük nümayəndəsi idi. O, dünyanın maddi vəhdəti yer və göy
cisimlərinin fiziki yekcinsliyi, təbiətin obyektiv qanunlarının mövcudluğu və dərkedilənliyi və s.
haqqında ideyalar irəli sürülmüşdü. O demişdir “mən ancaq bir şey bilirəm, yer fırlanır”.
İntibah dövrünün nümayəndələrindən biri də İ.Nyuton olmuşdur. İ.Nyutonun (1643 - 1727)
klassik mexanika qanunlarını, ümumdünya cazibə qanunlarını kəşf etməsi, səma cisimlərinin dövranı
nəzəriyyəsini işləməsi metafizik fəlsəfi istiqaməti daha da möhkəmləndirirdi.
Sxolastikaya, metafizikaya qarşı çıxan ingilis materialist filosofu Frensis Bekon (1561 –1626)
qeyd edirdi ki, fəlsəfə hər şeydən əvvəl praktik səciyyə daşımışdır, çünki əqli seyrçilik, sxolastika
vasitəsilə heç vaxt həqiqətə nail olmaq mümkün deyildir. Elmin, fəlsəfənin məqsədi insan nəslinə xeyir
gətirmək, insanın təbiət üzərində hakimiyyətinin artırmaq olmalıdır, odur ki, təcrübi, empirik faktorlara
əsaslandırılmalıdır. F.Bekon elmi idrak üçün vahid induktiv metodu əsas hesab edirdi
F.Bekonun mexaniki – materialist mövqeyini ingilis filosofu Tomas Hobbs (1588 –1679) davam etdirmişdir. Hobbsa görə materiya əbədidir, ayrı–ayrı cisimlər isə müvəqqəti. Hərəkətə cismin
yerdəyişməsi kimi baxır, onu həyatın, təbiətin və cəmiyyətin mövcudluğu şərti hesab edirdi. O, dini
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 18
rədd edir, dinin elmlə bir araya sığa bilməməsi ideyasını müdafiə edirdi. Fransız filosofu Rene Dekart (1596–1650) zəkanı əqli idrakın əsasına qoyur, təcrübəyə ancaq
biliyin obyekti kimi baxırdı.
XVII –XVIII əsrlər fəlsəfəsində subyektiv idealist istiqamət, sensualizm baxışı Corc Berkli
(1685–1753) və David Yum (1711–1776) tərəfindən inkişaf etdirilmişdir. İngilis keşişi Berkli materiya
anlayışını ciddi tənqid edirdi. O, öz həmfikirlərinə müraciətlə deyirdi ki, əgər siz materiya anlayışını
təkzib edə bilməsəniz, onda ateizm və materializm öz - özünə aradan qalxacaqdır. O, deyirdi ki,
materiya anlayışı ümumidir, odur ki, yalandır, çünki materiya predmetlərin duyğu ilə qavranılan xüsusi
xassələrini verə bilmir. O, unudur ki, biz ümumiyyətlə materiyanı deyil, əvvəllər əşyanın ayrı – ayrı
xassələrini iyini, dadını, rəngini və s. qavrayırıq. İnsan duyğularından kənarda heç bir obyektiv reallığı
qəbul etmirdi. “Aləm mənim duyğularımdır. Mən varam kainat var, mən yoxam kainat da yoxdur”. O,
təcrübəyə əsaslanan emperik biliyin həqiqiliyini qəbul etmirdi, səbəbiyyətin obyektiv xarakterini rədd
edirdi.
I. Azərbaycan intibahının xüsusiyyətləri - Dünya mədəniyyəti tarixində Renessans və ya
intibah dövrü orta əsr mədəniyyətindən yeni dövr mədəniyyətinə keçid dövrünə, XIV–XVI əsrlərdə burjua
münasibətlərinin formalaşması mərhələsinə uyğun gəlir. İntibah mədəniyyətinin klassik formasını Qərbi
və Mərkəzi Avropa ölkələrinə aid edirdilər. İntibah mədəniyyətinin başlıca səciyyəvi xüsusiyyətləri
bunlardır: iqtisadi, sosial, mədəni həyatda bir oyanma, dirçəlişin baş verməsi, mədəniyyətin humanist–
bəşəri və dünyəvi xarakter daşıması, elmi – fəlsəfi fikirdə Antik mədəni və fəlsəfi irsin bərpa edilib
dirşəldilməsi, təbii – elmi, tibbi, sosial – tarixi fikirdə oyanmanın baş verməsi, incəsənət, heykəltaraşlıq,
musiqi, ədəbiyyat və s. sahələrdə misli görünməmiş nailiyyətlər qazanılması, humanizm, insan azadlığı,
hüquq bərabərliyi, sosial ədalət, vicdan azadlığı və s. uğrunda mübarizə. Elm və mədəniyyətin
yüksəlməsi, elmi–fəlsəfi fikrin dünyəviləşməsi və yüksəlməsi Antik fəlsəfənin dirçəldilməsi və i.a. Şərq
ölkələrinə xüsusilə Yaxın və Orta Şərqdə, o cümlədən Azərbaycanda Avropadan daha əvvəllər (XII–XIV
əsrlərdə) mövcud olmuşdur.
Tarixi, ictimai–iqtisadi mərhələ baxımından İntibah dövrü Şərq ölkələrində (deməli
Azərbaycanda da) feodal münasibətlərinin, böyük feodal monarxiya dövlətlərinin formalaşması,
Azərbaycanda Eldəgizlər və Şirvanşahlar dövlətləri dövründə nisbətən dinc yaşayış tərzinin mövcudluğu
şəraitində istehsalın təkmilləşməsi, elm və mədəniyyətin inkişaf etdirilməsi, azərbaycanlıların vahid
milli etnos kimi formalaşmasının başa çatması və s. proseslərlə əlaqədar olmuşdur.
Bu dövrdə bütün Şərqdə olduğu kimi Azərbaycanda da elm, mədəniyyət, fəlsəfə korifeyləri
meydana çıxmış və dünyada tanınmışlar. Bu cəhətdən Ə.Bəhmənyar, S.Ürməvi, N.Gəncəvi, N.Tusi, İbn–Sina, İbn–Rüşd, Biruni, Fərabi kimi şəxsiyyətləri göstərmək olar.
Onlar nəinki Antik mədəniyyəti və fəlsəfəni dirçəltmiş, özləri yeni elmi – nəzəri kəşflər, ideyalar
irəli sürmüşlər ki, bunlar bu gündə ən dəyərli bəşəri – mənəvi sərvətlər hesab olunur. Rusiya İmperiyası
və bolşevik rejimi şəraitində Azərbaycanda da intibah mədəniyyəti lazımi səviyyədə araşdırılmamışdır. İntibah mədəniyyətinin xüsusiyyətlərindən birini fəlsəfənin, təbiətşünaslığın nailiyyətləri ilə
qovuşaraq varlıq, kainat, insan, idrakvə s. haqqında elmi mövqedən çıxış etməsi, bir növ dinin təsirindən uzaqlaşması təşkil edir.
Azərbaycan intibahına təcrid olunmuş halda deyil, ümumşərq, müsəlman intihabının tərkib
hissəsi kimi yanaşmaq lazımdır. Azərbaycan intibahı XI-XII əsrlərdə Şirvanşahlar və Atabəylər
dövlətləri şəraitində, ölkənin nisbi dinclik dövrü keçirməsi, təsərrüfat həyatının canlandırılması ilə də müəyyən dərəcədə bağlı olmuşdur. Bu vaxt Azərbaycanın həm cənubu, həm də şimalı inkişaf edirdi.
Təbriz, Şamaxı, Naxçıvan, Gəncə, Bakı və başqa şəhərlərdə ticarət, sənətkarlıq, memarlıq, tikinti və
s. daha çox sürətlə inkişaf edir, onlar siyasi, mədəni mərkəz rolunu oynayırdı. Şərq və Qərbi birləşdirən
ticarət yolları bu şəhərlərdən keçirdi. Azərbaycanda o vaxtlar, mis, dəmir, gümüş, qızıl çıxarılır və emal
olunurdu. Neft və duz emal olunurdu. Mədəniyyət inkişaf edirdi.
I. Nizami Gəncəvinin dünyagörüşü - Dünya mədəniyyəti tarixinə “Xəmsə” adı ilə beş böyük
poema, çoxlu lirik şerlər, mənzum hekayələr və s.vermiş Şeyx Nizami Gəncəvi (1141–1209) Azərbaycan
intibahının ən görkəmli nümayəndəsi, mütəfəkkir – filosofdur. Ərəb, fars dillərini
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 19
mükəmməl bilmişdir. “Sirlər xəzinəsi” (1177), “Xosrov və Şirin”(1180), “Leyli və Məcnun” (1188),
“Yeddi gözəl” (1196) və “İsgəndərnamə” (1203). 20 min beyt həcmində olan şerlər divanında, çoxsaylı
qəzəl və qəsidələrində mənəvi saflığa, ədalətə, xeyirxahlığa, əməyə və s. çağıran idealları ilhamla
tərənnüm etmişdir. Nizami Gəncəvi varlıq, kainat, insan, idrak, cəmiyyət, əxlaq və s. məfhumlara
münasibətini ifadə edərək, onları idealist mövqedən mənalandırır, varlığın Allah tərəfindən yaranması
haqqında teoloji konsepsiyasını qəbul edirdi.
Dünyagörüşündə idealist olmasına baxmayaraq, o, öz azad fikirli ideyalarını təbliğ edirdi. N.
Gəncəviyə görə insan idrakının hüdudları genişdir, insan əqli fəaliyyətə, elmə, biliyə yiyələnməsi ilə
böyükdür, qüdrətlidir.
Onun fəlsəfi görüşlərində dialektika ünsürləri də vardır: hər şeyin dəyişməsi, itməməsi, başqa
formaya keçməsi, hərəkətdə mövcud olması və ziddiyətli xarakter daşıması onun əsərlərində tez - tez
rast gəlinən ideyalardır. “Suyun daim axdığı və dəyişdiyi kimi, dünyada heç bir dəyişməz şey yoxdur”
deyən mütəfəkkir hərəkət və dəyişməyə maddi, mənəvi və insani varlığın mövcudluq üsulu kimi baxırdı.
N.Gəncəvinin fəlsəfi görüşləri, əsasən onun “İqbalnamə”sində ifadə olunmuşdur. Nizami bu
əsərində Fales, Sokrat, Əflatun, Ərəstun, Hürmüz və başqaları kimi filosofların mövqelərini müqayisəli
təhlil edir. Hikmətdə hamıdan üstün” adlandırdığı Əflatunu (Platonu) təsdiq etsə də, Ərəstunu
(Aristoteli) öz fəlsəfi idealına daha yaxın hesab edirdi. O, öz zəmanəsinin təbiət elmlərinin
nailiyyətlərini dərindən mənimsəmişdir. Əsasən idealist mövqedən yanaşsa da N.Gəncəvinin ruh və
canın nisbətinə dair azad fikirli ideyaları müəyyən maraq doğurur.
Nizami Gəncəvinin ictimai – siyasi görüşünü, cəmiyyət haqqında baxışlarını səciyyələndirən əsas
cəhətlər bunlardır: a) monarxiya, teokratik dövlət üsul – idarəsini qəbul etsə də onda hökmdarın
cəmiyyəti ədalətlə idarə etməsinə, görkəmli rəhbər şəxsiyyətin sayəsində cəmiyyət üzvlərinin bərabər
hüquqlarının, maddi və mənəvi tələbatlarının ödənilməsinə inam güclü olmuşdur.
I. XIV–XVI əsrlərdə Azərbaycanda ictimai və dini fəlsəfi ideyalar XII–XIV əsrlərdə monqolların Azərbaycanı işğal etməsi nəticəsində ölkəmiz öz dövlət
müstəqilliyini itirdi. Bununla yanaşı Azərbaycanın elmi, fəlsəfi, ictimai fikrinin inkişafında XII əsrdə
müşahidə olunan intibah ənənələri də zəifləməyə başladı. Azərbaycanın görkəmli elm və sənət adamları
monqol saraylarına aparılırdı. Bu şəraitdə Azərbaycan Şərqə özünün bir sıra görkəmli elm və
mədəniyyət xadimlərini, filosof və mütəfəkkirlərini verə bilmişdir.
XV–XVI əsrlərdə xalqımız öz suverenliyi və istiqlaliyyətini bərpa etmək uğrunda mübarizə
aparmış, nəhayət Səfəvilər dövlətinin yaranması nəticəsində Azərbaycan yadellilərdən xilas ola
bilmişdir. Səfəvilər mərkəzləşmiş qüdrətli dövlət idi. O, xüsusilə şair, mütəfəkkir və siyasi xadim olan
Şah İsmayıl Xətainin dövründə (1501–1524) görkəmli siyasi, iqtisadi mədəni nailiyyətlər qazanmış,
beynəlxalq əlaqələr genişləndirilmişdi. Mədəniyyət xeyli inkişaf etmiş, Azərbaycan türkcəsi dövlət dili
səviyyəsinə yüksəldilmişdir. Şiyəlik rəsmi din elan olunmuşdur. XV–XVI əsrlər Azərbaycanın mənəvi
ideoloji həyatı islam dininin hakim mövqe tutması, müsəlman ilahiyyatının qədim fəlsəfi təlimlərlə
əlaqələndirilməsi, dini – mistik fəlsəfi təlimlərində inkişaf etməsi, dinlə panteizm idealist materialist
panteizm təmayülləri arasında mübarizənin davam etməsi və xüsusiyyətləri ilə səciyələnirdi. XVI əsrdə Səfəvilər dövlətinin paytaxtı Təbriz şəhərində nadir əlyazmalarından və miniatürlərlə
bəzədilmiş tarixi, elmi, fəlsəfi bədii əsərlərdən ibarət kitabxana yaradılmışdır. Məktəblərdə, şəriət, ilahiyyatla bərabər, astronomiya, tarix, fəlsəfə də öyrədilirdi. Əsrin əvvəlində Marağa rəsədxanası bərpa
edilmiş, oraya çoxlu təbiətşünas alim və filosof cəlbedilmişdi.
Beləliklə XIII–XVI əsrlərdə Azərbaycan ictimai fəlsəfi fikri, sosial – siyasi və mənəvi həyatda
olduğu kimi, mürəkkəb və ziddiyyətli bir yol keçmişdir.
Mövcud ictimai dini – fəlsəfi cərəyanların çoxu kifayət qədər ardıcıl olmamış, bir çox hallarda
dinlə elmi – fəlsəfə, idealizm materializm arasında tərəddüd etmiş və ya dualist mövqe tutmuşlar.
Bütün bu mürəkkəb və ziddiyyətli sosial – siyasi və mənəvi – ideoloji şəraitin mövcudluğuna baxmayaraq XIV–XVI əsrlərdə Azərbaycan Yaxın və Orta Şərq mədəniyyəti bir sıra görkəmli
mütəfəkkirlər vermişdir ki, onlardan biri də Məhəmməd Füzulidir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 20
I.Məhəmməd Füzulinin fəlsəfi – etik görüşləri - Məhəmməd Süleyman oğlu Füzuli (1494
- 1556) orta əsr Azərbaycanın ən böyük şairi və alim - mütəfəkkiri olmuşdur. Mükəmməl təhsil almış
Azərbaycan türkcəsini, ərəb və fars dillərini mükəmməl bilmiş, həmin dillərin üçündə də əsərlər
yazmışdır. Ailəsi Azərbaycandan İraqa köçmüş, o, Kərbəla şəhərində yaşamışdır. O, müasiri olduğu
elmləri, dini - fəlsəfəni, məntiq, tibb, təbiətşünaslıq və b. elmləri mənimsəmişdir.
M.Füzulinin fəlsəfi - etik görüşlərini əks etdirən başlıca əsərləri bunlardır: “İdeyaların yüksəlişi”,
“Mətlə-ül-etiqad”, “Əyyaş və zahid”, “Şah və gəda”, “Yeddi cam”, “Şikayətnamə”, “Leyli və Məcnun”,
“Səhhət və mərəz” fəlsəfi mahiyyətli qəzəllər və qəsidələr və s. Füzulinin fəlsəfi görüşlərində, xüsusilə
məntiqində dialektika ünsürləri, mühakimlərin, anlayışların yaradılmasında müqayisə və ziddiyyətlərin
rolu haqqında fikirlər də az deyildir. Füzulinin qədim Şərq və Yunan fəlsəfəsinə dərindən bələd olduğu
üçün ərəb dilində yazdığı “Mətlə-ül-etiqad” əsərindən aydın görünür. O, bu əsərində Aristotel, Platon,
Empedokl, Demokrit və başqalqrının fəlsəfi fikirlərindən, Nizamın fəlsəfi irsindən tez - tez iqtibaslar
gətirir, müsəlman ilahiyyatı məsələlərini həmin fəlsəfi irs zəminində şərh edirdi. Maddi aləmin obyektiv
və insan şüurundan asılı olmayaraq mövcudluğunu qəbul etsə də, Füzuli göstərirdi ki, maddi varlıq –
Allah tərəfindən yaradılmışdır.
Füzuli həyatın əsl mənasını əməkdə, zəhmətdə görür, taleyə, qəzavü – qədərə inanıb, əməkdən,
işləməkdən uzaqlaşanları tənqid edir, atanın övlad tərbiyəsi ilə uşaq ikən məşğul olmasını tələb edir.
Füzulinin fikrincə ancaq öz əməyi, çalışqanlığı ilə yüksək səviyyəyə çatanlar hər cür hörmət və
məhəbbətə layiqdirlər.
I.XVII – XVIII əsrlərdə Azərbaycanda dini – fəlsəfi fikir. Yusif Qarabaği XVI əsrin sonlarında Azərbaycanda mərkəzləşmiş Səfəvi dövləti feodal çəkişmələri, xarici
basqınlar nəticəsində 1590–cı ildə İran - Türkiyə müqaviləsi üzrə Azərbaycanın çox hissəsi Türkiyənin
təsir dairəsinə verilir. XVI əsrin sonu XVII əsrin əvvəllərində Azərbaycanın ideoloji həyatında sünniliyin
təsiri güclənir, müsəlman ilahiyyatı geniş tətbiq olunur, şiyəlik təqib edilirdi. Sufiliyin dini - mistik
istiqaməti yenidən canlanmışdır.
1602–1639–cu illərdə fasilələrlə davam etmiş İran–Türk müharibələri Azərbaycanın iqtisadi,
siyasi həyatında olduğu kimi mənəvi ideoloji həyatını da ağır vəziyyətə salmışdır. 1639–cu il sülhünə
görə Türkiyənin məğlubiyyətindən sonra Azərbaycan yenidən İranın təsirinə düşmüşdür. XVII əsrin I
rübündə Azərbaycan Rusiya, İran, Tükiyənin müharibə meydanı idi. Bütün bunlar isə ölkəmizin ictimai
və mədəni tərəqqisinə ciddi mənfi təsir göstərmişdir.
XVIII əsrin II yarısında Azərbaycanda ayrı–ayrı xanlıqların yaranması mərkəzləşmiş dövlət
hakimiyyətinə son qoydu. Bu vaxtdan Azərbaycan İran təsirindən çıxdı, ölkə ərazisində müstəqil feodal
xanlıqları–kiçik dövlətlər yarandı: Qarabağ, Şəki, Şirvan, Gəncə, Bakı, Naxçıvan, Dərbənd, Təbriz,
Urmiya, Ərdəbil, Marağa, Xoy, Qaradağ və s. Bunlardan əlavə Azərbaycan ərazisində bir sıra sultanlıqlar
(İlısu, Ərəş, Qazax, Qutqaşen, Şəmşəddin) və məlikliklər (Dağlıq Qarabağda, Vərəndə, Gülüstanda və s.)
əmələ gəlmişdir. Onlar müvafiq xanlıqlara tabe olsalarda, çox hallarda müstəqil fəaliyyət göstərir,
çəkişmələr törədirdilər. Bütün çəkişmələr xarici dövlətlərin, xüsusilə Rusiyanın təsirini getdikcə
gücləndirirdi. Bu dövrdə xalqımızın mübarizə əzmini əks etdirən folklor nümunələri, tarixi və bədii
əsərlər meydana çıxırdı. XVII–XVIII əsrlərdə Yaxın və Orta Şərqdə tanınmış bir sıra Azərbaycan yazıçıları, alimləri,
filosofları, mütəfəkkirləri də yetişmişdir. Onlardan Qövsi Təbrizi, Saib Təbrizi, Məsihi, Rəcəbli Təbrizi, İsgəndər Mürşi, Yusif Qarabaği, Molla Pənah Vaqifi qeyd etmək olar.
Məsihi (Rüknəddin Məsud 1580–1656) XVII əsr Azərbaycan şairi və həkimi olmuşdur. Füzulidən
sonra Azərbaycan türkcəsində yazılmış ən böyük əsər olan “Vərqa və Gülşa” poemasının müəllifidir. O,
təbabətə dair “Müalicə qaydaları” adlı əsər yazmış, Səfəvilər sarayında həkimlik etmişdir.
XVII əsr Azərbaycan filosoflarından biri də Rəcəbli Təbrizi olmuşdur. O, mükəmməl təhsil almış öz sahəsinin, əsas bilik sahələrinə (astronomiya, riyaziyyat, coğrafiya, fəlsəfə, məntiq, tibb)
yiyələnmişdir. Onun “Vacib varlığın isbatı” və “Əsil əsas” kimi iki mühüm fəlsəfi əsəri bizə qədər gəlib çatmışdır. Vahid təxəllüsü ilə lirik–fəlsəfi şerlər də yazmışdır.
XVII əsr Azərbaycan mənəvi mədəniyyətinin ən görkəmli simalarından biri də filosof–
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 21
mütəfəkkir Yusif Məmmədcan oğlu Qarabaği olmuşdur. 1645–ci ildə vəfat edib. Mükəmməl təhsil
almış, məntiqi filosof olmuşdur. Orta Şərqdə “Böyük axund” təxəllüsü ilə tanınmışdır. Səmərqənddə və
Buxarada dərs demiş, fars, ərəb dillərində məntiqə, fəlsəfəyə dair əsərlər yazmışdır. Başlıca fəlsəfi əsəri
“Xanəngah” dır. “Atomun şərhi haqqında traktat”, “Nur saraylarının şərhi olan nur mənzərələrinə
haşiyə”, “Vahid olan haqqında traktat” və bu kimi məntiq və fəlsəfəyə dair əsərləri vardır.
Yusif Qarabağiyə görə təbiət və insan arasında münasibət tək ilə cəm, hissə ilə bütöv (tam)
arasındakı münasibətə bənzəyir. Bunlar bir - birindən ayrılıqda mövcud olmadığı kimi, vahid bir tam
təşkil etdiyi kimi, bütöv varlıq da tamdır, vahiddir. Panteist Yusif Qarabaği Allahı insanın özündə axtarmaqla kifayətlənməyib, onu təbiətlə qovuşdurur, təbii hadisələrin içərisində əridirdi.
Dünyagörüşəndəki bütün ziddiyyətlərə, dini – mistik meyllərə baxmayaraq, Yusif Qarabağinin
fəlsəfi ideyaları Azərbaycanda XIX–XX əsrlərdə mütərəqqi fəlsəfi və ictimai – siyasi fikrin inkişafında
əhəmiyyətli rol oynamışdır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 22
MÖVZU 6 KLASSİK ALMAN FƏLSƏFƏSİ
Klassik alman fəlsəfəsi nisbətən qısa bir dövrü əhatə edir. Bu dövr XVIII əsrin 80-ci illərindən
başlanır. XIX 70-ci illərində (1872-ci ildə Feyerbaxın ölümü ilə) başa çatır. Bu fəlsəfə yeni dövr fəlsəfi
fikrinin zirvəsini təşkil edir. Onun təşəkkülü hər şeydən əvvəl Almaniyada yaranmış iqtisadi və mədəni
şəraitlə bağlı idi. Bu dövrdə Almaniyada elm, mədəniyyət və incəsənət sahəsində bir sıra nailiyyətlər əldə
etmişdir. Fizika, kimya, biologiya sahəsində başqa ölkələrdə edilmiş kəşflər artıq burada məlum idi. Bütün
bunlar klassik alman fəlsəfəsinin nümayəndələrinə müsbət təsir göstərmişdir.
Klassik alman fəlsəfəsi dünya fəlsəfi fikir tarixində görkəmli rol oynamışdır.
Klassik alman fəlsəfəsinin əsas nümayəndələri aşağıdakılardır: Yohaun Herder, İmmaniel Kant,
Yohaun Fixte, Fridrix Şellinq, George Hegel, Lüdvinq Feyerbax.
Yohaun QOTFRİD Herder (1744 – 1803) fəlsəfi fikir tarixində o, “Dilin mənşəyi haqqında”
(1722), “Bəşəriyyətin tarix fəlsəfəsinə dair ideyalar” (1784 – 1791”, “mahnılarda xalqların səsi” və s.
əsərləri ilə tanınmışdır.
Herder əsasən tarixin fəlsəfi məsələləri ilə məşğul olmuşdur. O özünün tarix fəlsəfəsində
bəşəriyyətin qanunauyğun şəraitdə humanimə gəlib çıxması ideyasına əsaslanmışdır. O insanı dünyanın
ən ali varlığı hesab edirdi. Herder yazırdı ki, insan iki aləmin, təbiət və “humanizm” aləminin qovşağında
dayanır. Humanizm insanın öz təbiətindəndir. İnsan həm də digər yaradılmışların dərdinə əzab -
əziyyətlərinə şərik olmak qabiliyyətinə, meylinə malikdir. Onun nöqteyi – nəzərincə humanizm həm də
insanın Allahı dərk etməyə çalışmasındadır.
İmmaniel Kant (1724 – 1804) dünya mədəniyyətinin, elmin, fəlsəfi fikrin inkişaf tarixində xidməti böyükdür. Kant XVIII əsrin ən görkəmli mütəfəkkirlərindən biri idi. Onun Günəş sisteminin nəhəng
qazdumanlıqlarından əmələ gəlməsi haqqında kosmoqoniya konsepsiyası indi də elmin ən fundamental ideyalarından biridr.
Metafizik təfəkkür metodunu tənqid edərək, nəinki kainatın quruluşu, həmdə onun əmələ gəlməsi
və inkişafı haqqında zəngin dialektik elmi müddəalar irəli sürmüşdür ki, o, həmçinin insan nəslinin, başqa
canlıların təbii mənşəyi haqqında da mühüm elmi fikir söyləmişdir.
İ.Kantın fəlsəfi görüşləri mürəkkəb və ziddiyətlidir. O, dualist dünyagörüşünə malik idi,
materializm və idealizm arasında kompramisə çalışırdı. Müəyyən mənada materialist olan Kant eyni
zamanda da subyektiv idealizmin böyük nümayəndəsi idi. O, gerçəkliyi insan şüurundan asılı olmayaraq
obyektiv “özündə şeylərdən”, ibarət hesab etməklə materialist mövqe tuturdu. Lakin o, bu mövqedə ardıcıl
deyildi. İddia edirdi ki, “dünya sirli”, “özündə şeylərdən”, onlar bizim üçün şeylərə çevrilə bilməz. Yəni
aqnostik mövqedən çıxış edərək, “özündə şeylərin”, dünya və onun qanunlarının dərk edilənliyinin
əleyhinə çıxırdı. O qeyd edirdi ki, insan təbiətə qanunlar “diktə edir”. Aqnostisizm Kantı idealizmə gətirib
çıxarırdı. O, belə hesab edirdi ki, idrak, bilik təcrübədən asılı deyil, ondan əvvəldir, şüur təcrübəyə
əsaslanır. Belə ziddiyətli mövqeyə görə Kantı həm materialistlər, həm də idealistlər ciddi tənqid edirdilər.
Kanta görə materiya maddi gerçəklik hadisələri obyektivdir, “özündə şey” olmaqla şüurdan asılı deyildir. O, maddi gerçəkliyin məkan – zaman daxilində mövcudluğunu qeyd etmirdi. Kanta görə məkan
zaman real deyil, idealdır.
İ.Kant belə hesab edirdi ki, varlıq, əxlaq, din və s. kimi fəlsəfi kateqoriyaların mahiyyəti sərhəddi
ancaq insan zəkasının imkanları əsasənda müəyyən oluna bilər. Kant idrak təlimində daha çox yeri
dialektikaya verirdi. Ziddiyyətə idrakın momenti kimi baxırdı. Kant dinlə elmi, materializm ilə idealizmi
barışdırmağa çalışır, bilik sahəsinin tətqiqi ilə məşğul olurdu ki, etiqada, dinə yer qalsın.
Kantın yaradıcılığını iki dövrə ayırırlar. Birinci dövrdə Kant əsasən təbii elmi problemlərlə məşğul
olmuş və bu sahədə fəlsəfəni substansional materialist həlli üzrə çox tutarlı ideyalar irəli sürmüşdür.
Məsələn, Günəş sisteminin yaranması haqqında, onun hipotezi həm meterialistcəsinə, həm də
dialektcəsinə söylənən ideyalar və mühakimələrlə zəngindir. Günəş sistemi ilk dumanlıqlardan təbii yolla
yaranıb, heç bir “ilk təkana” möhtac olmamışdır. (Kant daha bi dialektik hipotez söyləmişdir). Onun
rəyincə dənizlərin qabarması Yerin formalaşmasına ləngidici təsir göstərir və bu sistem əbədi
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 23
deyildir, daimi olaraq aləmlərin biri məhv olur, digəri yaranır. Kantın yaradıcılığının ikinci dövrü XVIII əsrin 70-ci illərindən başlayır. Bu dövrdə Kant əsas
diqqətini idrak nəzəriyyəsi problemlərinin araşdırılmasına yönəldir. Kantın idrak təlimində
(qnaseologiyasında) mərkəzi yeri dərk edən insan onun fəaliyyəti estetik və dünyagörüşü durumlarının
təhlili tutur.
Kantın dediyi kimi insan özündən soruşmalıdır: “Mən nəyi bilirəm”. Kant deyirdi ki, biliklərin
ümumi əhəmiyyətliliyi və obyektivliyi olmadan elm mövcud ola bilməz. Kant xarici aləmdəki predmetləri dərk edilmək adlandırır. Onun rəyincə insan heç bir vaxt dərk edə bilməz. İdrak prosesində görüntülər
(hadisələr) pilləsində mahiyyəti aşkarlamaq pilləsinə yəni, “şey özündədor”, “şey bizim üçün” keçid mümkün deyildir. Kantın “ən ümumi təbiət tarixi və səma nəzəriyyəsi” (1755), “xalis zəkanın tənqidi”
(1788) və “mühakimə qabiliyyətinin tənqidi” (1790) kimi əsərləri səciyyəvidir.
Klassik alman fəlsəfəsinin digər bir görkəmli nümayəndəsi Hegel (1770 – 1831) olmuşdur.
Hegel obyektiv idealist idi. Hegelə görə “dünya ruhu” inkişaf edərək üç əsas pillədən keçir. Birinci
pillədən o “mütləq ideya” halında mövcud olur, zənginləşir. Sonra bu ideya öz əksinə çevrilərək maddi
aləmdə təzahürünü tapır. Təbiətə çevrilir. Üçüncü mərhələdə ideyanın başqa bir varlığı çıxır ki, bunu
Hegel cəmiyyət adlandırır. Hegel bu üç pillənin hər birinə ayrıca əsər həsr etmişdir. (“Məntiq elmi”
Təbiətin fəlsəfəsi”). Bu əsərlərində Hegel özünün dialektikasını inkişaf etdirir, həqiqətə bir proses kimi
baxır və fəlsəfəyə nisbi həqiqət anlayışını gətirir, varlıqla təfəkkürün eyniyyəti prinsipini əsaslandırır.
Təbiət sferasında Hegel keyfiyyət dəyişmələrini inkar etmişdir (Yeni növ heyvan və bitkilərin
yaranmasını). Bu onun dinə olan güzəşti idi. Cəmiyyət sferasında Hegel öz dövründəki Prussiya
monarxiyasını ictimai inkişafın ən yüksək mərhələsi hesab etmişdir. Klassik alman fəlsəfəsinin görkəmli nümayəndələrindən biri də materialist, filosof Lüdviq
Feyerbax (1804 – 1878) olmuşdur. Feyerbax Hegelin tələbəsi olub və son Hegelçi kimi tanınmışdır.
Feyerbaxa onun yaratdığı fəlsəfi təliminə də bu baxımdan yanaşmalıyıq. Feyerbaxla öz müəllimi, ustadı
Hegel arasında fikir ayrılığı ilk öncə dinə münasibətdən başlamışdır.
Feyerbaxın dinə münasibəti “xristianlığın mahiyyəti” əsərində özünün ifadəsini tapmışdır. Onun
əqidəsinə görə din nə zəka, nə də həqiqətlə bir araya sığmazdır. Məhz bu tezis Feyerbaxın, Hegelin bütün
fəlsəfi sistemdən uzaqlaşmasını, imtina etməsi idi. Onun rəyincə, təbiətin dünya ruhunun məhsulu olması
haqqında Hegelin təlimi əslində təbiətin Allah tərəfindən yaradılması fikrinin ancaq rasional ifadəsidir.
“Ən yüksək mövcudat” olan Allah insanın öz varlığını fantastik əks etdirməsindən başqa bir şey deyildir.
Feyerbax demişdir ki, “Filosof təbiəti öyrənməklə bilik əldə edir. Təbiətin və ya insanın hüdudlarından
kənarda olan fəlsəfi sistem mənasızdır, heçnədir”. Feyerbax Hegeli tənqid edərkən onun fəlsəfəsindən
dialektikanı sezə bilməmişdir. Feyerbax metafizik olaraq qalmış və bu cəhət onun bütün yaradıcılığına
kölgə salmışdır. Feyerbaxın bu metafizikası insan haqqında təliminə təsir etmişdir. Onun insan haqqında
təlimi fəlsəfə tarixində antropoloji materializm kimi tanınır. Feyerbaxın əxlaq haqqında düşüncələri də
metafizikdir. O elə əxlaq təlimi yaratmaq istəyirdi ki, bütün dövrlər və bütün xalqlar üçün yararlı olsun.
Lakin o, insanın əxlaqi praktikasının cərəyan etdiyi şəraiti nəzərdən yayındırmışdır. O yeni din təklif edir.
Dini bəşəriləşdirmək istəyir. Dinin əsasında insanın insana sevgisini götürür. İnsanın özünü əxlaq
cəhətdən təkmilləşdirmək lazımdır ki, bunun əsasında cəmiyyət təkmilləşə bilsin. Buna baxmayaraq
Feyerbaxın etik təlimi özünün humanizminə və demokrarizminə görə çox mütərəqqi xarakter daşımışdır.
Feyerbaxla klassik alman fəlsəfəsi başa çatır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 24
MÖVZU 7
AZƏRBAYCAN MARİFÇİLİK FƏLSƏFƏSİ.
XVIII əsrin sonu XIX əsrin ortalarınadək olan dövrdə Azərbaycan ictimai - fəlsəfi fikrinin
xüsusiyyətlərini aşağıdakı kimi ümumiləşdirmək mümkündür.
Birincisi - bu dövrdə ictimai fikirdə Azərbaycanın işğal edilib, Rusiyaya birləşdirilməsində
ziddiyyətli meyllər, fəlsəfi fikirdə köhnə feodal ictimai münasibətlərini, milli ənənə, milli sərvətləri
qoruyub saxlamaq, digər tərəfdən ideoloji həyatda Rusiya ilə yaxınlaşmaq, təhsil və maarifin
dünyəviləşməsi baxışlarını təbliğ etmək, Avropa mədəniyyəti ilə tanış olmaq nəticəsində mənəvi ideoloji
fikirdə rus və avropapərəstlik meylləri yaranır və getdikcə güclənirdi.
İkincisi, bu dövrdə ictimai - fəlsəfi fikirdə islam ehkamçılığının, müsəlman ilahiyyatçılarının
güclü təsiri xüsusilə hiss olunmaqda idi.
Müsəlman ruhaniliyi elmin inkişafını dini təsirdə saxlamağa çalışır, orta əsr sxolastikasını, sufi
təriqət təlimlərini yenidən canlandırmağa cəhd göstərirdilər.
Üçüncüsü, XIX əsrdə XX əsrin əvvəllərində Azərbaycan ictimai - fəlsəfi fikrində maarifçilik
ideyaları da əmələ gəlmiş və getdikcə qüvvətlənmişdir. Maarifçilik ideyaları Azərbaycanda XIX əsrin
I rübündə təşəkkül tapmağa başlamışdır. Azərbaycanda maarifçiliyin öz inkişafına görə iki mərhələyə
bölmək olar: birinci mərhələ XIX əsr. Bu mərhələdə maarifçilik idealları feodal - təhkimçilik üsul -
idarəsinin maariflənməsi, dini - fanatizm mövhumat, cəhalətin feodal əsarətinin kəskin tənqid
edilməsi və aradan qaldırılması ilə ifadə olunurdu. Dünya görüşlərindəki müəyyən məhdudluq və
ziddiyyətlərə baxmayaraq A.A.Bakıxanov, M.F.Axundov, İ.B.Qutqaşınlı, H.B.Zərdabi, N.B.Vəzirov,
Q.B.Zakir və başqalarının ideyalarını Azərbaycan maarifçiliyinin birinci mərhələsinə aid etmək olar.
Azərbaycan maarifçiliyinin ikinci mərhələsi XIX əsrin sonu XX əsrin əvvəllərini əhatə edir. Bu
dövrün maarifçiləri həyat proqramının daha qətiyyətli metodlarla həyata keçirməyə meylli olması ilə
fərqlənir. C.Məmmədquluzadə, M.Ə.Sabir, Ö.Nemətzadə, Ü.Hacıbəyov, S.Ağamalı oğlu, N.Nərimanov və
başqaları ideyalarını ikinci dövrün radikal, inqilabi – demokratik maarifçiliyinə aid etmək olar.
Dördüncüsü, XX əsrin əvvəllərindəki Azərbaycan ictimai - siyasi fəlsəfi fikri üçün həm də realist
inqilabi demokratizm ideyaları xas idi.
Bu ideyaları maarifçiliyin ilkin dövrü nümayəndələrinin fikirlərindən fərqləndirən əsas cəhət,
onların öz məqsədlərini həyata keçirmək yollarında praktiki vasitələrdən idi.
İlkin dövr maarifçiləri çıxış yolunu bütövlükdə cəmiyyət üzvlərinin maariflənməsində, mədəni
islahatların həyata keçirilməsində, soaial ədalətsizliyin ləğv edilməsində, demokratik azadlıqların
həyata keçirilməsini irəli sürürdü. XX əsrin əvvəllərində fəaliyyət göstərmiş, C.Məmmədquluzadə,
M.Ə.Sabir, Ü.Hacıbəyov, S.Ağamalı oğlu, Xuluflu, N.Nərimanov və başqa inqilabçı demokratizmin
başlıca nümayəndələri hesab etmək olar.
Beşincisi, XIX əsrin axırı, XX əsrin əvvəllərində Azərbaycan ictimai fəlsəfi fikri üçün səciyyəvi
cəhətlər mətbuatda, kosmoloji düşüncə, bioloji, tibbi və s. görüşlərdə elmi–realist ideyaları dövrün təbii – elmi yeniliklərinə doğru dönüşlərdən ibarətdir.
Bu dövrdə Azərbaycan ictimai fikrinin bir çox nümayəndələrini göstərmək olar. H.B. Zərdabi,
C.Məmmədquluzadə, N.Nərimanov, F.Köçərli, Ömər Faiq, M. Hadi və başqaları.
Altıncısı, XX əsrin əvvəllərində Azərbaycan ictimai – fəlsəfi fikri üçün ölkənin milli müstəqilliyi,
suverenliyi və demokratik inkişafını türkçülük, islamçılıq və müasirlik mənəvi prinsipləri ilə vəhdətdə
həyata keçirməsində görən xüsusi ideya - fəlsəfi cərəyanı xas idi. Bu cərəyanı xalqımızın milli mənlik
şüurunun oyanmasında, soy kökünə və mütərəqqi milli dəyərlərə qayıtmasında, müstəqil Azərbaycan
dövlətçiliyi ideyalarının yaradılması və reallaşmasında (1918– 1920–ci illərdə Azərbaycan Demokratik
Cümhuriyyəti) böyük mütərəqqi xidmətiolmuşdur.
Abbasqulu Ağa Bakıxanovun dünyagörüşü - A.A.Bakıxanov Azərbaycan mədəniyyəti
tarixində görkəmli şair, maarifçi – demokrat filosof, tarixçi alim, hərbi xadim və zəmanəsinin qabaqcıl
ziyalısı kimi daxil olmuşdur.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 25
A.A. Bakıxanov şair olmaqla yanaşı, elmi–tədqiqatla məşğul olmuşdur. Onun elmi məntiq
əsərlərində, psixologiya, fəlsəfə, dilşünaslıq, astronomiya, coğrafiya, tarix, etika, əxlaq və s. çoxlu
müasir dövrdə də əhəmiyyətini saxlayan ideyaları da vardır. O, 1831–ci ildə fars dilinin
qrammatikasına dair “Qanuni–Qüdsi” əsərini, 1841- ci ildə isə Azərbaycan tarixinin öyrənilməsində
təbiətşünaslığın əhəmiyyətini indi də saxlayan “Gülüstani – İrəm” əsərini yazmışdır. Bu əsər qədim
dövrdən 1813- cü il Gülüstan müqaviləsinədək olan böyük tarixi dövrdə Azərbaycan və Dağıstan
tarixindən bəhs olunur. A.A.Bakıxanovun dini, fəlsəfi, əxlaqi görüşləri onun “Riyaz-ül qüds”, “Təhzib-ül-
əxlaq”, “Kitabi nəsayeh”, “Eyni ülmizan”, “Kitabi əsgəriyyə” və s. əsərlərində və “Müşkatül - ənvar”
poemasında təhlil olunmuşdur.
Yazıçı filosof “Təhzibül - əxlaq” əsərinin “Maarifin rəmzləri haqqında” hissəsində kainat və ülviyyət
anlayışının fəlsəfi təhlilini vermişdir. O, yazırdı ki, kainat ancaq maddi varlıqdan ibarətdir, əşya və
maddənin haldan – hala düşərək dəyişməsi, mövcudda yoxluğun olmamamsını təsdiq edir.
A.A.Bakıxanov yazırdı: “Varlıqda yox olmaqlıq yoxdur; biz varlığın haldan–hala keçməsinə,
dəyişməsinə yox olmaq adını qoymuşuq, bütün şeylər məhv olar, bir şəkildən başqa şəkilə keçər, lakin,
yox olmaz. Bu varlığın özüdür.”
Məntiq və idrak problemlərinə münasibət A.A.Bakıxanovun fəlsəfi görüşlərində müəyyən yer
tutmuşdur.
Mirzə Fətəli Axundovun fəlsəfi görüşləri (1812–1878) - M.F.Axundovun fəlsəfi –
materialist dünyagörüşünün formalaşmasında qədim və orta əsr Şərq və Azərbaycan fəlsəfəsinin, Qərbi
Avropanın materialist filosoflarının xüsusən, Spinoza, Holbax və Feyerbaxın, XVIII əsrin digər fransız
maarifçiləri və rus inqilabçı demokratlarının müəyyən təsiri olmuşdur.
Axundovun siyasi görüşlərində hökmdarın xalqla bir olması, özünü xalqdan ayırmaması,
məsələlərinə mühüm əhəmiyyət verirdi.
Böyük mütəfəkkir, yazıçı, materialst və ateist filosof, maarifçi və inqilabçı demokrat olan M.F.Axundovun dünyagörüşü, Azərbaycan ictimai siyasi fəlsəfi fikir tarixində mühüm yer tutur. Onun
əsas xidməti bundan ibarət idi ki, o, din idealizm, cəhalətin hökm sürdüyü bir şəraitdə Azərbaycanda fəlsəfi materializm bayrağını ucaltmış, despotizm fanatizmə qarşı, demokratiya və hüquq bərabərliyi
uğrunda kəskin və ardıcıl mübarizə aparmışdır.
Həsən Bəy Zərdabinin təbii–elmi və fəlsəfi görüşləri (1842–1907) Həsənbəy Səlimbəy oğlu Məlikov Zərdabi – Azərbaycanın görkəmli maarifçi – demokratı,
materialist filosof mütəfəkkiri, təbiətşünas – darvinçi alimi, istedadlı publisist olmuşdur. 1842–ci ildə
olmuş, mükəmməl dünyəvi təhsil almışdır. 1861–ci ildə Tiflis qəza gimnaziyasını 1865–ci ildə Moskva
Universitetinin fizika – riyaziyyat fakültəsinin təbiət şöbəsini bitirmişdir. O, Azərbaycanda elmi –
materialist təbiətşünaslığın əsasını qoyan təbii – bioloji bilikləri geniş təbliğ edən ilk darvinist alimdir.
O, Darvin təliminə əsaslanaraq, üzvi aləmin, xüsusilə heyvan və insanın əmələ gəlməsini təbii obyektiv
qanunauyğunluqları izləmiş, bu sahədə təkamülün təbii seçmənin rolunu düzgün qiymətləndirmişdir.
Bütün cansız və canlı aləmin təbii seçmə yolu ilə əmələ gəldiyini, ilahi iradəyə ehtiyacı olmadığını
qətiyyətlə deyərək, tam materialist mövqedən çıxış etmişdir. Onun Azərbaycan dilində yazdığı “Torpaq,
su, hava”, “Barama qurdunun saxlanılması” və s. əsərlərində həmçinin “Əkinçi” qəzeti və başqa məcmua
qəzetlərdə təbiətşünaslığa və tibbə dair çap edilmiş çoxsaylı məqalələrində müxtəlif elm sahələrinə dair
materialist dünyagörüşü mövqeyindən təhlil edilən çoxlu və zəngin məlumatlar vardır.
Maarifçi demokrat olan H.B.Zərdabinin cəmiyyətə baxışları ziddiyyətli olmuşdur. O, kəndli
ideoloqu idi. O, cəmiyyətdəki sosial ədalətsizlikləri, zülm və əsarəti şiddətli tənqid etsə də, ictimai
dəyişikliklər, inqilabi hərəkatlar və s. haqqında maraqlı fikirlər söyləsə də bütövlükdə cəmiyətə
baxışlarında idealizmdən uzaqlaşa bilməmiş, maarifin elmin yayılması yolu ilə cəmiyyət qurmağın
mümkünlüyünə inanmışdır. Bu da özünü, “Əkinçi” qəzetini nəşr etmək sahəsindəki fəaliyyətində daha
qabarıq göstərir. O, zəhmətkeş kütlələri xoşbəxtlik və tərəqqinin əsas amilini maariflənməkdə, elmdə
görmüş, təhsilin inkişaf etməsinə, həyatla əlaqəsinin möhkəmlənməsinə böyük əhəmiyyət vermişdir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 26
Nəriman Nərimanovun fəlsəfi görüşləri (1870–1925) - Azərbaycan ictimai–fəlsəfi fikir
tarixində fəlsəfi ideyalar, özünün bütün ziddiyyətlərinə məhdudluqlarına baxmayaraq, N.Nərimanov,
S.Ağamalı oğlu, V.Xuluflu və başqalarının simasında dialektik və tarixi materializm səviyyəsinə yüksəlir.
N.Nərimanov qeyd edirdi ki, əhalinin maariflənməsi, dinin təsiri sosial ədalətə hər cür çağırmışlar,
cəmiyyətin ictimai münasibətlərindəki ziddiyyətləri məhv edib aradan qaldırıla bilməz. Onu yalnız həmin
ziddiyyətlərin mənbələrini məhv edəcək yeni bir cəmiyyət qurulması məhv edəcəkdir. O, Azərbaycan
xalqının müstəqilliyi və azadlığı uğrunda mübarizə işinə ömrünü həsr etmiş bu yolda əzab əziyyətə
dözmüşdür. Nəriman Nərimanov–“Nadanlıq”, “Şamdan bəy”, “Nadir şah”, “Bahadur və Sona”, “Pir” və s.
kimi bədii əsərlərində çoxsaylı məqalə, çıxış və məktublarında “Azadlıq haqqında bir neçə söz”,
“Diktatura nədir?”, “Əqidə”, “Fəhlələr və mədəniyyət”, “İki fəlsəfənin məhsulu” və s. xalqımızın tarixi
taleyi onun mənəvi – siyasi azadlığı, soaial – iqtisadi tərəqqisi dünyagörüşü, dini əqidəsi, vicdan azadlığı
haqqında və s. zəngin ictimai – siyasi fəlsəfi mənəvi görüşlərini ifadə etmişdir.
N.Nərimanov inqilabçı idi. Onun əqidəsinə görə xalqın azadlığı, sosial – siyasi iqtisadi tərəqqisi
ancaq fəhlə sinfi digər zəhmətkeş kütlələrin zülmə və istismara qarşı mübarizəsi, inqilabda qalib gəlməsi ilə yolu ilə mümkündür.
N.Nərimanov maarifçi, inqilabçı – demokrat əqidəli yazıçı idi. O, Azərbaycan ictimai – siyasi
fikrinin görkəmli nümayəndəsi idi, eyni zamanda Şərq despotizminin ən kəskin tənqidini vermişdir.
N.Nərimanov milli münasibətlər sahəsində görkəmli nəzəriyyəçi idi. O, Şərq millətinin azadlıq hərəkatları milli adət ənənə, mədəniyyət millətlərarası münasibətlər, milli hiss və milli psixologiya
sahəsində problemlərin bilicisi idi.
N.Nərimanov dialektik materialist filosof və bacarıqlı həkim idi. Təbiətşünaslığın nailiyyətlərinə,
tibb elminə, qabaqcıl fəlsəfəyə dərindən bələd olan N.Nərimanov elmi – materialist dünyagörüşünə
malikidi.
Dinləri, insanları və millətləri bir – birindən ayıran “uçurum - dərələr” adlandırırdı.
N.Nərimanovun fəaliyyətində bir həkim kimi, tibbi – elmi fikrin təbliği, səhiyyəyə dair biliklərin
yayılması sahəsində gördüyü çox faydalı işlər mühüm yer tutmuşdur. Onun “Tibb və İslam”, “Hamilə
qadın”, “Göz ağrısı traxoma”, “Xolera – vəba”və s. adlarla əhali arasında tibbi biliklərin kütləvi yayılması
məqsədi daşıyan çoxlu kitabçaları çap olunub yayılmışdır. Nəriman Nərimanovun fəaliyyəti çoxsahəli,
dünyagörüşü, yaradıcılığı rəngarəngdir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 27
MÖVZU 8
FƏLSƏFƏDƏ VARLIQ VƏ MATERİYA PROBLEMİ
Varlıq fəlsəfənin ən fundamental və ən ümumi kateqoriyalarındandır. Varlıq haqqında insan təsəvvürləri mənşəcə çox qədimdir. Cəmiyyətdə əmələ gəldiyi ilkin
dövrlərdən gerçəklik, mövcudluq, varlıq haqqında mifoloji–dini təsəvvürlər olmuşdur.
Gerçəklikdə baş verən hadisələri – insanın doğulması, yaşaması, ölümü yaranma və yox olma hadisələri, təbiətdə xüsusilə bitki və heyvanlar aləmində baş verən proseslər və s. hamısı insanın gözü
qabağında baş verir.
İbtidai insan və ümumiyyətlə emprik bilik səviyyəsində yaşayan insan bütün bu hadisə və prosesləri
idarə edən varlıq, bütöv dünyanın varlığı və mövcudluğu haqqında təsəvvürlərə malik olur, özünün varlıq anlayışını formalaşdırır. Sonralar insanda fövqəltəbii varlıqlar, təbiəti də, cəmiyyəti də yaradan idarə edən
baxışlar formalaşır.
İnsanların hər cür fəaliyyəti ilkin şərtlərə, prinsiplərə əsaslanır. Bunlardan ən ilkini insanı əhatə
edən aləmin mövcudluğuna, varlığın təbii inamıdır. Hər bir fəlsəfi kateqoriya digər kateqoriyalardan heç
birinin əhatə etmədiyi xüsusi məzmunu ifadə edir. Varlıq kateqoriyasının xüsusiyyətini nəzərə
çarpdıraraq İ.Kant qeyd edirdi ki, o predmetin heç bir konkret xassəsini ifadə etmir. Bu kateqoriya
predmet və hadisələri, onların xassə və münasibətlərini vahid bir əlamət – “mövcud olmaq” əlaməti
əsasında birləşdirir. Bunlar heç bir yeni xassə aşkara çıxarmır, ya da onlara heç bir konkret xassə istinad
vermir.
Lakin fəlsəfi kateqoriyaların spesifikliyi ondadır ki, onlar predmet və hadisələr arasındakı konkret
əlaqələri deyil, ən ümumi universal əlaqələrinin–predmetlərin, hadisələrin, ideyaların mövcudlğunu
ifadə edir.
Sözün ən geniş mənasında son dərəcə əhatəli reallığı, obyektiv mövcudluğu, insan şüurundan asılı
olmayan gerçəkliyi bildirən ən ümumi fəlsəfi kateqoriyadır.
Varlıq – dünyanın real mövcudluğunun fəlsəfi məcmusu, təbiət və cəmiyyətin, maddi və mənəvi
aləmin vəhdətinin ən ümumi ifadəsini bildirən fəlsəfi kateqoriyadır. Beləliklə varlıq kateqoriyası özündə
həm maddi, həm mənəvi ideal olanı əhatə edir. Varlığın növlərini belə qruplaşdırmaq olar:
1. Təbiət və ya maddi varlıq - Buraya insanı əhatə edən maddi gerçəklik daxildir ki, onun iki
aspekti vardır: təbii mühit və insan əməyi ilə yaradılmış, “süni mühit” və ya “ikinci təbiət”.
Bunu insan şüurundan asılı olmayan təbii–maddi mövcudluq adlandırmaq olar.
2. Mənəvi və ideal varlıq - Buraya insanı əhatə edən mənəvi aləm, ideal mövcudluq,
mədəniyyət, elm, incəsənət, adət - ənənələr, ideoloji formalar məcmusu daxildir.
3. İctimai münasibətlərin sosial – siyasi strukturunun durduğu sosial – siyasi
varlıq - Buraya cəmiyyətin sosial strukturlarının, ictimai, siyasi, sinfi, milli və s. proseslərin idarə
edilməsi və s. bağlı insan fəaliyyəti sahələri daxildir.
4. İnsanın obyektiv real mövcudluğu və ya varlığı - Bunu iki qismə ayırmaq olar:
ictimailəşmiş insan – şəxsiyyət aləmi və fərdiləşmiş insan – fərd aləmi.
Varlıq kateqoriyası dialektik təbiətə malikdir. Bu dialektik təbiəti Hegel hərtərəfli şəkildə tədqiq
edərək aşkara çıxarmışdır. O, yazırdı: “Əgər biz dünyanı nəzərdən keçirərkən yalnız o, mövcuddur,”–deyib artıq heç nə əlavə etmiriksə, onda biz müəyyən olanı nəzərdən qaçırır, deməli mütləq dolğunluq
əvəzinə mütləq boşluq yaradırıq”.
Varlıq kateqoriyasının fəlsəfi anlayışı haqqında ilk fikir qədim yunan fəlsəfəsində Sokrata
qədərki, dövrünə aiddir.
O, dövr mütəfəkkirlərindən Poqrmenid varlıq dedikdə madi əbədi, mükəmməl Kosmosu nəzərdə tutmuş, Heraklit isə onu fasiləsiz qərarlaşan kosmos adlandırmışdır. Platon isə varlığı – həqiqi dünya
mövcudluğu kimi səciyyələndirir.
Aristotel varlığa forma və materiyanın vəhdəti kimi baxırdı.
Orta əsrlər ilahiyyatında (xristian, islam və s.) varlıq anlayışına ilahi məna verilir, “Allah –
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 28
həqiqi varlıq”, “maddi və ideya vəhdəti isə”, qeyri – həqiqi, yaradılmış mövcudat adlandırılır. XVII–
XVIII əsr maarifçiliyində isə varlığa ancaq maddi təbii olanın aid edilməsi, mənəvi aləmin ona daxil
edilməməsi ideyaları üstün olmuşdur.
Orta əsr və sonrakı dövrdə Şərq və Azərbaycan fəlsəfəsində varlığa zəruri və mümkün varlıq kimi
iki hissəyə bölmüş zəruri varlıq bütün gerçəkliyin, mümkün varlığın səbəbi və ilkin substansional əsası
kimi baxmışlar.
Hegeldə isə “varlıq – mütləq ideyanın, ruhun “özü–özündən yüksəlməsi prosesi, obyektiv ideal
gerçəklikdir.
Marksist fəlsəfi konsepsiya varlığa birtərəfli olaraq, əsasən onun maddi – təbii tərəflərinin
obyektiv reallığı kimi baxırdı.
I. Materiya anlayışının formalaşması və mahiyyəti - Materiya haqqındakı təsəvvürlər
çox qədimdir. Həqiqi və rəngarəng aləmlər, varlıq və yoxluq əbədi və fani olan arasındakı fərqin kifayət
qədər müəyyən şəkil almış ifadəsinə Qədim Şərqin qorunub saxlanmış yazılı abidələrində rast gəlmək
mümkündür.
Materiya haqqındakı fəlsəfi təlim öz mənşəyinə görə qədim insanların zamanca başlanğıcı
olmayan, yəni heç kim tərəfindən yaradılmamış və bütün dəyişmə və çevrilmələrində həmişə özünə
bərabər qalan, heç vaxt yox olmayan, əbədi varlığın mövcudluğuna inamı ilə bilavasitə bağlıdır.
Dünyada mövcud olan hər şey zaman etibarilə başlanğıcı və sonu olmayan - əbədi varlığın – ilk
başlanğıcın – müxtəlif şəkil dəyişmələrindən başqa bir şey deyildir.
Qədim Milet fəlsəfi məktəbinin banisi Fales dünyanın ilk mütləq başlanğıcının əsasını suda,
Anaksimen havada, Heraklit və başqaları isə oddan ibarət hesab edirdi.
İlk başlanğıc kimi götürülən hər üç maddənin xarakterik cəhəti ondan ibarətdir ki, onların hamısı
insanlara məlum olan konkret predmetlərlə müqayisədə kifayət qədər qeyri–müəyyən struktura və xarici
görünüşə malikdir.
İlk başlanğıc kimi götürülmüş predmetin dəqiq strukturu və forması onun başqa cisimlərə
çevrilməsinə müqavimət göstərir. Digər tərəfdən isə o, fikirdə formaca tamamilə qeyri – müəyyən, mücərrəd reallıq kimi canlanır. Materiya o vaxt konkret əşyaya çevrilir ki, ona konkret struktur forma
verilir, deməli buna qədər o formaca qeyri – müəyyən varlıq kimi çıxış edir. Buna görə də bütün mövcudatın ilk tikinti materialı kimi götürülən ilk başlanğıclar elə
obyektlərdən seçilməli idi ki, onlar konkret predmetlərlə müqayisədə kifayət qədər qeyri – müəyyən formaya malik olsun.
İlk başlanğıc ideyası Qədim Yunan atomistlərinin təlimində öz ifadəsini tapır ki, əgər Milet fəlsəfəsində və Heraklitdə ilk başlanğıc formaca yəni kəmiyyətcə qeyri – müəyyən idisə, indi o
keyfiyyət qeyri – müəyyənliyi kəsb edir. Qədim yunan atomistlərinin mütləq varlıq konsepsiyası yunan fəlsəfəsinin iki nüfuzlu cərəyanının
milet və eley fəlsəfi ənənələrinin təsiri altında formalaşmışdır. Milet məktəbinin filosofları mütləq
əbədi varlığı “ilk başlanğıc” şəklində axtarırdılarsa, eley məktəbi əksinə, mütləq varlığı keçici, dəyişkən hissi predmetlər aləmində mövcud olmasını inkar edirdilər. Atomistlərə görə atomlar hisslərlə deyil,
yalnız zəka ilə dərk oluna bilərlər. Bu qarşıdurmanın aradan qaldırılması İntibah dövrü fəlsəfəsindən başlanır.
Materiya haqqındakı təsəvvürlərin inkişafında yeni dövrün xarakterik xüsusiyyəti diqqəti mütləq
varlığı bütün mövcudatın əsasını təşkil edən başlanğıc şəklində axtarmaq üzərində deyil, bu varlığın
ayrılmaz xassələrinin atributlarının axtarılıb tapılması üzərində cəmləşdirilməsidir. Dekarta görə
materiyanın bu əsas xassəsi uzunluqdur. Lokkun fikrincə “materiya ideyasız uzunluğa və sıxlığa malik
substansiyadan ibarətdir, belə substansiya olan hər yerdə materiya və onun mahiyyəti vardır”. Yeni dövr
materializminin banisi F.Bekon materiyanı hissi olaraq qavranıla bilən xassələrini “sadə təbiətlərin”
məcmusu hesab edirdi.
Materiya onun xassələri arasındakı qarşılıqlı münasibətin belə anlaşılması metafizik təfəkkürün
birtərəfliliyi, mexaniki məhdudluğu ilə şərtlənirdi.
Lakin bütövlükdə yeni dövr fəlsəfəsi üçün materiyanı xassələrin daşıyıcısı olan, kəmiyyət və
keyfiyyət cəhətdən mütləq qeyri – müəyyənliyi üzündən bizə naməlum qalan substrat şəkildə
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 29
anlamaq meylli xarakterik idi. Belə mücərrəd varlığın qəbul edilməsi yeni dövr fəlsəfəsinin ruhuna
qətiyyən uyğun gəlmirdi, buna görə də daha adekvat konsepsiya ilə əvəz olnmasını tələb edirdi.
Bu da XVIII əsrin görkəmli fransız filosofu Holbax tərəfindən müvəffəqiyyətlə ödənildi.
Materiya kateqoriyasının mahiyyətini, ona əks olan kateqoriya ilə subyektlə münasibətini aşkara
çıxarmaqla aydınlaşdırmaq olardı. Bu münasibətin iki başlıca momenti vardır: 1) materiya subyektdən
kənarda, ondan asılı olmayaraq mövcuddur; 2) materiya subyektə təsir edərək onda duyğu oyadır. Holbax
tərəfindən materiyaya verilən tərif bu iki cəhəti özündə birləşdirir. Bizə münasibətdə materiya,
ümumiyyətlə, bizim hiss üzvlərimizə hansı yollasa təsir göstərən bütün şeylərdir”.
Sonralar dialektik materialist fəlsəfədə materiyanın belə tərifi meydana çıxmışdır.
“Materiya insana öz duyğuları ilə verilən, duyğularımızdan asılı olmayaraq mövcud olan və
duyğularımızda əks olunan, surəti alınan inkas edən obyektiv reallığı göstərmək üçün fəlsəfi bir
kateqoriyadır.
Materiyanın yeganə əsas xassəsi onun maddiliyidir. Maddilik və obyektiv reallıqla yanaşı,
materiyanın ən ümumi tükənməzlik, yaradılmazlıq, sonsuzluq, daim hərəkətdə olmaq, əbədilik və s. kimi fəlsəfi xassələrinin də olduğunu qeyd etmək olar.
Hərəkət - İnsanların gündəlik təcrübəsi və təbiətşünaslığın inkişafı göstərirdi ki, dünyada mütləq
sükunətdə olan heç bir reallıq mövcud deyildir. Predmet və hadisənin sabitliyi, dayanıqlığı müvəqqəti
dayanıqlığın pozulmasına gətirib çıxarır. Predmet və hadisənin sabitliyi, dayanıqlığı müvəqqəti
dayanıqlığın pozulmasına gətirib çıxaran dəyişilmələr, arasıkəsilməz proses olduğundan obyektlərin
zəruri tərfləri kimi çıxış edən sükunət momenti nisbi dəyişiklik ilə mütləq xarakter daşıyır.
Dünyada olan bu dinamik baxış tarixən müxtəlif formalar olan fəlsəfi hərəkət konsepsiyasını
meydana gətirmişdir. Fəlsəfədə hərəkət dedikdə hər cür dəyişiklik başa düşülür.
Materializmə görə dünya yalnız materiyadan onun hallarından, xassələrindən ibarət olduğundan dəyişkənlik prosesindən kənarda mövcud olmadığından hərəkət materiyanın mövcudluq üsulu kimi başa
düşülür.
Milet məktəbi üçün hərəkət problemi mövcud deyildir, çünki dünyanın daxili fəallığı və
hərəkətliliyi heç bir sübuta ehtiyacı olmayan özlüyündə aydın bir fakt kimi təsəvvür olunurdu. İlk yunan
filosoflarının əsərlərində hərəkət termininə rast gəlmirik.
Məsələn: Anaksimandr dünyanın ilk başlanğıcını əbədi hərəkətdə olan varlıq kimi deyil, “qocalmayan”, “məhv olmayan” kimi xarakterizə edirdi.
Qədim yunan filosofu Heraklit isə “hərəkət”, “dəyişkənlik” kimi sözlər işlətmir, hər şeyin oda çevrilməsini ifadə edirdi.
Hərəkət və sükunət məsələsini ilk dəfə olaraq, Eley filisofları mübahisə predmetinə çeviriblər.
Eley fəlsəfəsi hərəkət məsələsini yunan mütəfəkkirləri qarşısına qoydular. Onlar ilk dəfə olaraq
hərəkətin mənbəyi kimi fundamental məsələ qaldırdılar. Onlar da ümumi dəyişkənlik prosesində
hərəkətin heç bir növünə aidetmirdilər. Hərəkət haqqında nəzəri təlimi yalnız Platon xüsusən Aristotel yaratdılar. Aristotel hərəkətə belə
tərif vermişdir: “Hər bir növdən olan varlıqla, gerçək varlıq fərqləndiyinə görə mən hərəkət dedikdə
imkan şəklində mövcud olanın həyata keçməsini başa düşürəm”.
Yeni dövrdə dünyanın mexaniki mənzərəsinin formalaşması, ilə əlaqədar olaraq, hərəkət
anlayışını mexaniki yerdəyişmə ilə əlaqələndirirdilər. XVIII əsrin fransız materialistləri hərəkət haqqında bir sıra mülahizələr söyləsə də bu XIX əsrin II
yarısında elm və fəlsəfədə kök salabildi.
F.Engels həmin dövrdə elm və təbiətşünaslığın nailiyyətlərini ümumiləşdirərək hərəkətin əsas
formalarının aşağıdakı təsnifatını vermişdir:
1. Mexaniki hərəkət
2. Fiziki hərəkət
3. Kimyəvi hərəkət
4. Bioloji hərəkət
5. Sosial hərəkət
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 30
Ümumiyyətlə hərəkət formalarının keyfiyyət müxtəlifliyi materiyanın özünün keyfiyyətcə
müxtəlif struktur səviyyələrinə malik olması ilə şərtlənir.
Hərəkətin iki əsas tipini ayırd etmək olar. Birinci predmet və hadisədə baş verən dəyişikliklər
onun nisbi sabitliyini pozmur, obyekt və keyfiyyət müəyyənliyini saxlayır. Lakin predmetin
mövcudluğu əbədi olmadığına görə, o, gec – tez yox olub gedir, öz əsas keyfiyyətini itirərək, yeni
keyfiyyət kəsb edir. Predmetin bir keyfiyyət halından digərinə keçməsi, müşayiət olunan dəyişmələr
hərəkətin əsas ikinci tipini təşkil edir.
Məkan və zaman - Dünyada mövcud olan bütün predmet və hadisələrin müəyyən ölçüsü,
cisimlərin uzunluğu, eni, hündürlüyü vardır. Predmetlər bir – birinə müxtəlif vəziyyətlərdə yuxarıda,
aşağıda, sağda, solda yerləşirlər. Cisimlərin malik olduqları bu xassə və münasibətlər məkan
kateqoriyasının məzmununu təşkil edir. Predmet və hadisələrin nisbi sabitliyinin dayanıqlığının,
keyfiyyət bütövlüyünün ölçüsü vardır. Həmin ölçü predmetin prosesin mövcudluq, davametmə
müddətini ifadə edir və sürəklik adlanır. Cisim və hadisələr yerləşmələrinə görə bir – birilə müəyyən
münasibətdə olurlar.
Məkan və zaman varlığın materiyanın mövcudluğu formasıdır. Gerçəklikdəki bütün cisim və proseslər müəyyən məkan və zamanda mövcuddurlar.
Məkan – maddi cisimlərin və hadisələrin mühüm yer tutumuna malik olmasını, cisimlər arasında xüsusi surətdə yerləşməsini ifadə edir. Zaman - isə cisim və hadisələrin müəyyən ardıcıllıq sürəkliklə
davam etməsini mərhələlər üzrə inkişaf etməsi xassəsini ifadə edir.
Məkan və zaman obyektivdir, insan şüurundan asılı deyildir. Məkan – zaman sonsuzdur, tükənməzdir, onların sonsuzluğu konkret cisim və hadisələrin sonsuzluğunun vəhdətindən
məcmusundan yaranır.
Gerçəklikdəki bütün cisim hadisə və proseslər məkan – zaman xassələrinə malikdir. Məkanın üç
ölçüsü vardır: uzunluğu, eni, hündürlüyü.
Zamanın isə bir ölçüsü vardır: cisimlər ancaq zamanca keçmişdən gələcəyə doğru bir istiqamətdə hərəkət edə bilər. Zaman qayıtmazdır, keçmişi qaytarmaq mümkün deyildir, zaman ancaq irəliyə hərəkət
edir.
Məkan və zaman haqqındakı təsəvvürlərin təzəcə formalaşmağa başladığı ilk dövrlərdə qədim
insanın təfəkkürü onları hələ maddi predmet və hadisələrin ayrıca bir tərəfi kimi seçib ayıra bilmirdi.
Varlığın məkan və zaman xarakteristikası onunla tam bitişik şəkildə təsəvvür olunurdu. Məkan haqqında
təsəvvür anlaşılmasına ilk dəfə olaraq atomistlərin təlimində rastlaşırıq.
Demokrit məkanı boşluqla eyniləşdirərək, onun mövcudluğunu atomların mövcudluğu qədər real
hesab edirdi. Məkan və zaman kateqoriyaları vasitəsilə dünya insan təfəkküründə birbaşa vasitəsiz surətdə əks olunur.
İnsanın gündəlik həyatında, ictimai praktikası və nəzəri fəaliyyətində dünya özünü ilk növbədə
hər şeydən əvvəl öz məkan və zaman xarakteristikaları vasitəsilə təzahür etdirir. Təsadüfi deyildir ki,
Hegel məkanı “təbiətin ilk və bilavasitə tərifi onun vasitələrindən məhrum fərqsizliyi” adlandırırdı. Məkan və zaman materiyanın müxtəlif struktur təşkili səviyyələrinə münasibətdə neytral qalmalıdır.
Materiyanın xassələrindəki hər hansı keyfiyyət dəyişmələri, məkan və zaman kateqoriyalarının
srtukturunda hər hansı dəyişiklik doğura bilməz. İlk baxışda bu nəzəriyyə nisbilik nəzəriyyəsinin və
müasir Kvant fizikasının verdiyi faktlar zidd görünə bilər.
Nisbilik nəzəriyyəsinə görə predmetik hərəkət istiqamətlərindəki ölçüsü və hadisələrin baş vermə
müddəti onların yerləşdiyi hesablama sisteminin hərəkət sürətindən asılıdır. Ümumi nisbilik nəzəriyyəsinə görə yüksək intensivlilik qravitasiya sahəsində zaman qravitasiya sahəsinin zəif olduğu
yerlərindəkinə nisbətən ləngiyir.
Nisbilik nəzəriyyəsinin banisi Eynşteyn belə hesab edirdi ki, zaman anlayışı ölçmə prosesindən
(saatlardan) kənarda məzmunsuz anlayışdır: hər hansı prosesin ölçmə əməliyyatından kənarda öz–
özlüyündə heç bir müddəti yoxdur. Bunun prinsipial əhəmiyyəti bundadır ki, zaman anlayışının məzmunu
yalnız ölçmə prosesində formalaşdığından, xarici aləmdə ona uyğun gələn obyektiv xarakteristika
mövcud deyildir. Deməli zaman kateqoriyasını ölçmə ilə eyniləşdirən nöqteyi nəzər özü fiziki deyil,
fəlsəfi məzmun daşıyır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 31
MÖVZU 9
FƏLSƏFƏDƏ ŞÜUR PROBLEMİ
Şüur, onun mənşəyi, mahiyyəti və gerçəkliyə münasibəti məsələsi filosofları daim düşündürən ən
aktual problemlərdən olmuşdur. Şüur problemi çox mürəkkəb olub, hazırda yalnız fəlsəfi tədqiqatın deyil, habelə bir sıra humanitar və təbiətşünaslıq elmlərini, o cümlədən sosiologiyanın, psixologiyanın,
dilçiliyin, pedaqoqikanın, ali əsəb fəaliyyəti fiziologiyasının, kibernetikanın, informatikanın tədqiqat predmetinə çevrilmişdir.
Bəşəriyyət tarixində əldə edilmiş bütün maddi və mənəvi sərvətlər üçün insan şüuruna borcludur.
Şüurlu fəaliyyət nəticəsində insan ilk ibtidai daş alətlərdən başlamış, müasir mürəkkəb texnoloji
prosesərə qədər tərəqqi yolu keçmişdir, dünyanın təbii – elmi mənzərəsini yaratmışdır.
İnsan öz şüurluğu sayəsində ətraf aləmi dərk edərək təbiət və cəmiyyət qanunlarını
mənimsəməklə onlardan əməli məqsədlər üçün istifadə edir. Şüur sayəsində insan yer kürəsinin təbiətini öyrənmiş, üzünü kosmik fəzaya çevirmiş, oraya
uçmuş, Ayın və digər kosmik cisimlərin sahələrinə bələd olmağa başlamışdır.
Müasir dünya dinlərində də ruha etiqad, ruhun əbədiliyi, “ölməzliyi” haqqında təsəvvürlər yaşamaqdadır.
Lakin bunlar şüur (ruh) haqqında elmi biliyə malik olmayan insanın təsəvvürüdür, elmi–nəzəri
bilik deyildir. Elmi – materialist nəzəri baxış şüurun mahiyyətini başqa cür izah edir.
Şüurun mahiyyəti problemi indi də bir çox insanlara “sirli” olaraq qalır; Əgər şüur əbədi deyilsə,
insandan asılı deyilsə o, necə əmələ gəlir? İnsan beynində xarici qıcıq, siqnal informasiya şüura necə
çevrilir? Şüurla beyin arasında nə kimi qarşılıqlı münasibət vardır? Axı şüur olmadan heç bir yaradıcılıq,
real fəaliyyət ola bilməz? Şüurun inikası materiyanın ən ümumi xassəsi olması nə deməkdir və s. Bütün
bu suallara cavab vermək üçün insana şüur haqqında fizioloji, psixoloji, mənəvi, elmi – nəzəri bilik
lazımdır.
Fəlsəfə şüura “materiya birinci, şüur ikincidir, materiyadan törəmədir və onun funksiyasıdır”,
“gerçəkliyin fəal inikasından ibarət olan insan beynin funksiyasıdır”, “hərəkətdə olan materiyanın
xassələrindən biridir, “insanı əhatə edən gerçəkliyin”, yüksək təşəkkülü materiyanın, insan beyninin
xassəsidir.
Şüura “materiya inkişafının atributudur”, “fikirləşən ruhdur”, “materiyanın ən ümumi xassəsidir”, “ictimai şüur, ictimai varlığın inikasıdır” və s. kimi təriflər verilir.
Dar mənada şüur – materiyanın insan beyninin xassəsidir, gerçəkliyin ancaq insana məxsus
inikasıdır.
Geniş mənada şüur – bütöv mənəvi tamlıqdır, insan beyninin mərkəzi əsəb sisteminin
xarici aləmi əks etdirərkən əldə etdiyi bütün duyğu, qavrayış, təsəvvür, təfəkkür əqli nəticələr və s.
məcmusudur, insanın zəkası, ağlı, dərrakəsidir.
İnikasın təkamülü, cansız və canlı təbiətdə inikasın xüsusiyyətləri
Şüurun mahiyyətini səciyyələndirən bir sıra cəhətlər vardır: əsas xüsusiyyət şüurun materiyaya nisbətən ikinci olması ondan törəməsidir. Elm sübut edir ki, şüura malik insanın mövcudluğuna qədər
“tarix” uzun bir yol keçmiş, materiya inkişafının müəyyən mərhələsində materiyanın şüura malik bir
növü yaranmışdır.
Gerçəkliyin insan beynində surətləri, obrazları yaranmadan, heç şüur əmələ gələ bilməzdi. Bu
mənada şüurun inkişaf yolunu müəyyən etmək olar: “cansız materiyadan, canlı materiyaya və oradan da
düşünən materiyaya və ya insan beyninə”.
Şüurun əsas xüsusiyyətlərindən birini, onun insan beyninin xassəsi olması yəni yüksək təşəkküllü materiyanın xassəsi olması təşkil edir. Şüur materiyanın bütün təzahürlərinə deyil, ancaq insan beyninin
məhsuludur.
Şüurun əsas xüsusiyyətlərindən birini onun inikasın müxtəlif səviyyələri və növləri ilə
səciyyələnməsi təşkil edir. Əslində inikasın növləri ilə səciyyələnməsi təşkil edir. Əslində inikasın
növləri bunlardır: cansız təbiətdə inikasın növləri bunlardır: cansız təbiətdə inikas, canlı təbiətdə
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 32
inikas və sosial inikas. Hər üç inikas növünün əsasında gerçəkliyin insan beynindəki inikası durur, bu
cəhətdən onlar ümumiləşir.
Cansız təbiətdə inikasa ancaq hava, günəş enerjisi, rütubət və s. təsirində cisimlərin “yaşamağa
uyğunlaşması”, aşınması, formasını dəyişməsi və s. aiddir. Cansız təbiətdə inikasın xüsusiyyəti odur ki,
təsir edən obyekt təsir olunanda heç bir fəallıq doğurmur. Məsələn, günəş enerjisi daima təsir edib, onu
qızdıra bilər, lakin daşda müəyyən fəallıq, hərəkət doğura bilməz. Güzgüdə, suda, hamar səthdə
cisimlərdə də inikas var, cismin surəti əks olunur, lakin burada da tam, daxili fəal inikas yoxdur.
Canlı təbiətdə isə inikasın müxtəlif səviyyələri vardır: qıcıqlanma səviyyəsi, hissiyat sahəsi, bu
səviyyədə duyğulanma vasitəsilə hissi əks reaksiya əsasında orqanizmdə görmə, eşitmə, toxunma, iy və
dad bilmə duyğularının fəaliyyəti ilə gerçəkliyə hissi münasibət formalaşır: sevinmək, kədərlənmək və
s. Duyğular obyektiv reallığın subyektiv surətləridir. Akademik Pavlov şüurun əmələ gəlməsi üçün
duyğuları insanla gerçəklik arasında qapı adlandırırdı. Onun fikrincə insan gerçəkliyi dərk etmək üçün
hökmən həmin qapıdan keçməlidir: neytrofizioloji inikas səviyyəsi, psixik – nəzəri inikas səviyyəsi.
İnsan ətraf aləmdə fəaliyyəti məqsədli istiqamətləndirir, əks olunan obyekt haqqında çoxlu informativ siqnallar alır.
Sosial inikas cəmiyyətdə baş vermiş ictimai–tarixi proseslərin, sosial əlaqə və münasibətlərin
insan beynində inikasından dolayı yaranan ideya, təsəvvür, baxış nəzəriyyəni əks etdirir. Sosial inikas
bütövlükdə ictimai varlığı əks etdirir.
Şüurun əsas xüsusiyyətlərindən biri də onun varlığa nisbətən, ikinci törəmə olsa da, varlığa fəal
dəyişdirici təsir etmək imkanına malik olmasıdır.
Bu, o deməkdir ki, şüur materiyanın inikası onun ümumi xassəsi olsa da, varlığa güclü təsir edir,
onun inkişafını sürətləndirir və ya ləngidir. Şüurun bu cəhətini nəzərə alaraq belə nəticəyə gəlinmişdir
ki, insan öz idrakı sayəsində gerçəkliyi dərk edir, təbiət qanunauyğunluqlarından istifadə edərək, onu öz
məqsədlərinə uyğun şəklə salır, “ikinci təbiəti”, “süni təbiəti” yaradır. Dialektik fəlsəfə insan şüurunun
belə fəal yaradıcı mahiyyətini, nəzərə alaraq qeyd edir ki, “İnsan şüuru obyektiv dünyanı nəinki əks
etdirir, həm də onu yaradır”.
Fəlsəfə tarixində şüur probleminə münasibət - Fəlsəfə tarixində şüura münasibətdə çox
müxtəlif mövqe və konsepsiyalar olmuş, heç də həmişə şüura materiyanın xassəsi, insan beyninin
funksiyası kimi baxmamışlar. Yalnız materialist konsepsiya hesab etmişdir ki, şüur materiyanın uzun
sürən təkamülünün nəticəsidir. Materiya, təbiət, həmişə mövcud olmuş, insan isə daha sonralar meydana
çıxmışdır. Şüur isə materiyanın yüksək inkişaf etmiş təzahürünün, insan beyninin xassəsi, məhsuludur.
Qədim fəlsəfənin materialist filosofları: Demokrit, Epikür, Lukretsi Kar və başqaları iddia
etmişlər ki, şüur insan bədənindən asılıdır. O, insanın anadan olması ilə meydana gəlmişdir. Əgər uşaqda
durmaq, hiss etmək zəifdirsə, fikirlər yoxdursa, bunlar hamısı bədənin təkmilləşməsi və inkişafı ilə
tədricən yaranır və inkişaf edir, təfəkkür meydana gəlir.
Platon isə xüsusi “İdeyalar aləmini”, “Maddi aləmə” qarşı qoymuş, birincini müəyyənedici hesab
etmişdir.
Platondan Hegelə qədər Fixte, Şellinq, Berkli və başqaları real gerçəkliyin şüurun asılı olduğunu
müxtəlif formalarda əsaslandırmağa çalışmışlar. C.Berkli şüurun müəyyənediciliyini, onun fəallığı ilə
əsaslandırırdı. Hegel şüuru “subyektiv ruh” adlandırsa da nəhayət onu “obyektiv ruhla” eyniləşdirirdi.
Yeni dövr filosoflarından olan T.Hobbsa görə şüur insan bədəninin daxili orqanlarının nəticəsidir.
XVII əsr fransız materialisti G.Helvetsi isə iddia edirdi ki, yaddaş qabiliyyətinin nəticəsidir,
şüurun mənbəyi maddi xarici aləmdir, vasitəsi isə duyğulardır.
XIX əsrdə şüura münasibətdə K.Foqt, L.Byuxner və Y.Moletott kimi fizioloq – təbiətşünasların adı ilə bağlı olan vulqar materializm mövqeyi də yayılmışdır. Onlar beyin kimi, şüuru da maddi hesab
edərək, onların hər ikisini maddiləşdirib, eyniləşdirirdilər.
Onlar deyirdilər ki, qaraciyər öd ifraz etdiyi kimi, beyin də şüur ifraz edir. Şüurla beynin
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 33
eyniləşdirilməsi fikrini materialist filosof İ.Disgen (828–1898) ciddi tənqid edirdi. O, göstərirdi ki, ruh
stoldan, rəng səsdən fərqlənmirsə, onda bu şeylər bir – birindən nə ilə fərqlənirlər? Fikri maddi
adlandırmaq, materializmi idealizm ilə qarışdırmağa tərəf atılmış yanlış addımdır. Fikir şey deyildir onu görmək foto şəklini çəkmək olmaz. Fikir dünya predmetlərinin və hadisələrinin surətidir.
İnsanın heyvandan fərqi ondadır ki, insan fikirləşməyə yəni gerçəkliyi fəal əks etdirməyə, bu və ya
başqa məqsədləri irəli sürüb, bunların həyata keçirilməsinə qabildir.
Mənlik şüuru. Şüur və süni intellekt - Şüurun struktur komponentlərindən biri də
mənlik şüurudur. Bu dünyaya münasibətdə insanın fəal mövqü tutması, subyektin özü – özündən
ayrılması, öz məninin düzgün qiymətləndirmək qabiliyyəti, özünə kənardan baxıb, fəaliyyətini
qiymətləndirmək şüurudur. Onun ilkin forması öz hissiyatıdır. Mənlik şüurunun ikinci yüksək
formasının insanın özünün hansı ictimai cəmiyyətə mənsub olduğunu dərk etməsi səviyyəsidir. Mənlik
şüurunun yüksək forması “Mən” fenomeninin formalaşmasını təşkil edir. Mənlik şüuru
“özünüqiymətləndirmə”, “özünənəzarət” və “özünü dərketmədən” ibarətdir.
İnsanın özünü dərketməsi üçün “özünə kənardan başqalarının gözü ilə baxmağı” bacarması
lazımdır. Kənardan baxanda hər şeyi: qabiliyyət, bacarıq, gözəllik və daha dərindən dərk etmək olar. “Göz hər yeri görür, özündən başqa”.
Müasir dövrdə insan şüurunun funksiyalarını yerinə yetirir.
Əgər 50–ci illərdə kompüterlər saniyədə yalnız 100 min əməliyyat icra edirdilərsə, indi cəmi 30 ildən bir qədər artıq keçməsinə baxmayaraq baş vermiş kompüter inqilabı nəticəsində süni intellektin
imkanları olduqca artmışdır: indi onlar saniyədə trilyon əməliyyatı icra edə bilirlər. İndi maqnit diskin yaddaşının həcmi ən yaxşı bir kitabxananı ötüb keçir. Kompüterlər proqram əsasında xəstəliklərin dəqiq
diaqnoz verilməsinə kömək edir, məsul, iqtisadi, sosial qərarlar qəbul edir və s.
Mürəkkəb kompüter texnikasını yaradan və idarə edən insandır, o, insan şüuru və əməyinin məhsuludur. İnsanın emosional halı, həyəcanları, sevinci və kədər hissləri kompüterdə yoxdur. Odur ki,
müasir kompüter texnikası insanı əvəz edə bilməz.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 34
MÖVZU 10 İDRAK NƏZƏRİYYƏSİ
İdrak anlayışı, idrakın obyekti və subyekti - Dünyada insanın fəal istiqaməti götürməsi,
müvəffəqiyyətli fəaliyyət göstərməsi onun gerçəkliyi hansı dərəcədə dərk etməsindən asılıdır. Gerçəklik
insan şüurunda nə dərəcədə əks olunursa, insan da ona uyğun fəal olur, qarşısına məqsədlər qoyur və
məqsədyönlü fəaliyyət göstərir. Həmin prosesin qanunauyğunluqlarından gerçəkliyin məqsədyönlü
inikasından bəhs edən xüsusi elm sahəsi vardır: qnoselogiya. Buna görə də idraka fəlsəfənin predmeti
kimi baxılmalıdır.
İdrak nəzəriyyəsinin problemi fəlsəfənin meydana gəlməsi ilə birgə yaranmışdır. Qədim yunan
fəlsəfəsində idrakın təbiətini təhlil etməyin əsasını Demokrit, Platon, Aristotel epikürçilər skeptiklər
qoymuşlar. Sonralar F.Bekon, R.Dekart, C.Lokk, B.Spinoza, Q.Leybnits, İ.Kant, D.Didro, H.Helvetsi,
G.V.Hegel, L.Feyerbax, A.İ.Gertsen, N.Q.Çernışevski və başqa filosoflar idrak prosesinin təhlilinə
mühüm hədiyyə bəxş etmişlər. Fəlsəfə tarixində müxtəlif konsepsiyalar və baxışlar olmuşdur. Əvvəlki
materializmin nöqsanı onun metafizik xarakter daşımasıdır. Metafizik materialistlər idrak prosesinin
dialektik xarakterini anlaya bilməmiş, onun ziddiyyətli mahiyyətini, maddi dünyanın insan tərəfindən
dərk edilməsini, mürəkkəb bir proses kimi anlaya bilməmişlər. Bu filosoflar gerçəkliyin dərk edilməsini
qəbul etsələr də, orada obyektiv, mütləq və nisbi həqiqətin hissi və rasionalın nisbəti məsələlərini düzgün
qiymətləndirməmişlər. Eyni zamanda onlar idrakda ictimai praktika anlayışını təhlil edə bilməmişlər.
Onlar ən yaxşı halda onu təcrübə, eksperiment kimi anlamış, praktikanı bütöv idrak prosesinin əsası,
həqiqətin obyektiv meyarı və idrakın son məqsədi kimi anlaya bilməmişlər. XIX əsrə qədərki
qnoseologiyanın əsas məhdudluqlarından biri onun seyrçi olmasıdır. Obyektiv idealizmin
nümayəndələri, xüsusilə Hegel gerçəkliyin, onun qanunlarının dərk edilməsinin mümkünlüyünü qəbul
etsə də, onun təbiətini idealistcəsinə həll edirdi. O, gerçəkliyin qanun və qanunauyğunluqlarının mütləq
ideyadan asılı olmayan obyektiv mahiyyətini qəbul etmir, onları xalis təfəkkür və idrak qanunları kimi
təqdim edirdi. Lakin Hegel Kantın sirli “özündə şeylərini” qəbul etmir, onları ciddi tənqid edirdi.
Subyektiv idealizmin, xüsusilə aqnostsizmin bir sıra nümayəndələri (məsələn, D.Yum və başqaları)
idrakın imkanlarının məhdud olduğunu, müəyyən “çərçivə daxilində” olduğunu qəbul edir, dünyanın və
onun qanunlarının dərk edilməsinə şübhə ilə yanaşır, əsasən onu inkar edirdilər. Kant gerçəkliyin predmet
və hadisələrin obyektiv “özündə şey” olduğunu qəbul edirdi, onun dərk edilməsini, qanunların kəşf
edilməsinin mümkünlüyünü, “bizim üçün şeylərə” çevrilməsini inkar edirdi. Kantın fikrincə idrakın
imkanları məhduddur, onların mahiyyətini aşkara çıxarmaq imkanı yoxdur. Bir sözlə “şey özündələr”
dərk olunmazdır.
XX əsrin bəzi fəlsəfi cərəyanının nümayəndələri, neokantçılar, neotomistlər, məntiqi
pozitivistlər və başqaları belə bir ideyanı sübut etməyə şalışırlar ki, bizim biliklərimiz obyektiv
aləmininikası deyil, insan əqlinin subyektiv quraşdırmasıdır. Onlar varlıqla təfəkkür qanunlarının
eyniyyəti ideyasını rədd edirdilər. Müasir qabaqcıl fəlsəfəyə görə isə gerçəklik və onun qanunları
dərkediləndir. İdrak – obyektiv aləmin, təbiət, cəmiyyət və təfəkkürün predmet və hadisələrinin,
xassələrinin, keyfiyyətlərinin, tərəflərinin əlaqə və münasibətlərinin insan da şüurunda inikasıdır. İdrak
gerçəklik və onun qanunlarının dərk edilməsi haqqında təlimdir. İdrakı düzgün başa düşmək üçün
subyekt və obyekt anlayışlarını bilmək lazımdır.
Subyekt dedikdə idrakı və ya digər fəaliyyəti məqsədyönlü həyata keçirən ayrıca şəxsiyyət və ya
sosial qrup başa düşülür. Bu mənada insan idrakın subyekti, həm də obyekti ola bilər.
İdrakın pillələri, onların formaları və vəhdəti - İdrak bir yerdə durmur, o daim hərəkət
edir, inkişaf edir. “Canlı seyrdən abstrakt təfəkkürə və bundan praktikaya – həqiqəti dərk etməyin, obyektiv
reallığı dərk etməyin dialektik yolu belədir”.
İnsan idrakında gerçəkliyin dərk edilməsi uzunmüddətli, mürəkkəb bir prosesdir. Burada hissi və
məntiqi momentlər, praktik dəyişdirici və elmi – nəzəri fəaliyyət bir – birini əsaslandırır və tamamlayır.
İdrak adi – empirik səviyyədən elmi – nəzəri səviyyəyə yüksələnədək ziddiyyətli bir yol keçir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 35
Bu mənada idrakın iki mərhələsi – hissi və məntiqi idrak bir – birindən fərqləndirilməlidir.
Hissi idrak – dünyanın dərk edilməsinin əsas, başlanğıc və ilkin mərhələsidir.
Hissi idrak insanla gerçəklik arasında əlaqə yaradır, gerçəkliyin hissi mənimsənilməsi imkanını
açır.
Hissi idrakın üç forması vardır: duyğu, qavrayış və təsəvvür. Predmetlər, insanın hiss
orqanlarına (görmə, eşitmə, iybilmə, dadbilmə, toxunma) təsir edərək onun şüurunda, hər şeydən əvvəl
müxtəlif duyğular (müəyyən, rəng, forma, iy, dad və s.) yaradır. Duyğu predmetin ayrı–ayrı xassələrinin, xüsusiyyətlərinin, tərəflərinin inikasıdır, onun yalnız bir konkret xassəsini əks etdirir.
Duyğular idrak prosesində bir sıra mühüm funksiyaları yerinə yetirirlər: a) idrakın əsası və
mənbəyi rolunu oynayırlar; b) obyektiv aləmin subyektiv obrazının alınmasına imkan verirlər; c)
insanın gerçəkliyi dərk etməsində yeganə “qapı” əhəmiyyəti kəsb edirlər; ç) xarici qıcığın, təsirin şüur
faktına çevrilməsini təmin edirlər, xarici qıcıq verən analizatorlarına təsir edir, onlar reseptorlar
vasitəsilə baş beyin qabığına ötürülür, orada duyğuya şüur faktına çevrilir; e) nəhayət, elementar
təsəvvürlərin əmələ gəlməsinin əsasını qoyurlar.
Duyğunun köməyilə bizim şüurumuzda predmet və hadisənin ayrı – ayrı xassələri həm də təcrid
olunmuş şəkildə əks olunur. Həmin predmetlər haqqında bütöv obraz isə hissi idrakın nisbətən daha
yüksək və mürəkkəb forması olan qavrayış vasitəsilə mümkündür. Məsələn, biz hər hansı bitkinin
formasını, rəngini, bütövlüyünü duyuruq. Qavrayış duyğuların, mexaniki cəmi deyil, bu predmet və
hadisələrin hissi obrazıdır, duyğuda əks olunan xassələrin, keyfiyytələrin, tərəflərin vəhdət halında
götürülmüş məcmusudur. Qavrayış – müşahidə nəticəsində əldə olunan maddi predmetin hissi bütöv
obrazıdır.
Maddi aləmin insan şüurunda hissi əksinin üçüncü forması təsəvvürdür. Predmetlərin hiss
orqanlarına təsiri kəsildiyindən sonra da insanın şüurunda yaranan qavrayış tamimilə yox olmur. Onun
izləri müəyyən müddət qalır, ona görə də insan bir müddət keçdikdən sonra bunları öz şüurunda bərpa
edə canlandıra bilir ki, buna da təsəvvür deyilir.
Təsəvvür - əvvəlcə qavranılan insan şüurunun bərpasıdır. Təsəvvürlər əsasında fikirlər, anlayışlar
əmələ gəlir. Məsələn, biz tanıdığımız adamı uzun illər görməsək də, onun surətini bərpa edə bilərik,
təsəvvürə gətirə bilərik. Memar gələcək binanın simasını nəinki tikilməzdən qabaq, hətta onun eskiz
rəsmindən də əvvəl təsəvvür təsəvvür edir. Bundan əlavə də insan öz təsəvvürlərində hissi obrazın
xarakterini geniş miqyasda dəyişdirə bilər. Ağ xalat geymiş həkim, yaxud od püskürən əjdaha təsəvvür
etməkdə heç kəs bizə mane olmur. Bütün bu hallarda təsəvvür qabiliyyəti böyüyüb xəyala keçir. Lakin
şüurda yaranan obrazlar nə qədər əfsanəvi olsalar da nəticə etibarilə keçmiş təcrübənin ünsürlərindən
əmələ gəlir.Məsələn, anadangəlmə korun ən zəngin xəyalı olsa da, o ağ xalat geymiş həkimi, yaxud
qırmızı qızıl gülü təsəvvürə gətirə bilməz. Təsəvvür dünyanın hissi inikasının ən yüksək formasıdır.
Hissi idrak vasitəsilə insan bütövlükdə gerçəkliyi deyil, onun ancaq müəyən tərəflərini, xüsusilə
müşahidə olunan, görünən cəhətlərini, konkret xüsusiyyətlərini dərk edə bilər. Hissi idrak şeylərin daxili
təbiətini onların mahiyyətini aşkara çıxara bilməz. Burada məntiqi təfəkkür onun köməyinə gəlir.
Məntiqi idrak mərhələsi – gerçəkliyin dərk edilməsinin yüksək keyfiyyət mərhələsidir, anlayışlar,
mühakimələr, ümumləşdirmələr, fərziyyələr, nəzəriyyələr vermək yolu ilə, gerçəkliyin dərk
edilməsidir, təfəkkür prosesidir. Məntiqi idrakın, təfəkkürün üç forması mövcuddur: anlayış, mühakimə
və əqli nəticə.
Anlayış, şeylərin, hadisələrin xarici cəhətlərini, əlaqəsini deyil, onların mahiyyətini, daxili
əlaqəsini ifadə edir. Anlayış təsəvvür və qavrayışların ümumiləşdirilməsi nəticəsində meydana gəlir.
Anlayışlar predmet və hadisələrin, onların ziddiyyətlərinin və inkişafının ən mühüm əlaqə və
münasibətlərini əks etdirən təfəkkür formasıdır. Anlayışlar məzmunca obyektiv, məntiqi formasına
görə isə universaldır, ümumidir. Məsələn, “varlıq”, “insan”, “idrak” anlayışları olunmaqla, hər bir
insanın başqa insanlardan fərqli xüsusiyyətləri, özünəməxsusluğu da ifadə olunur. Annlayışlar
əsasında mühakimələr, fikirlər, ideyalar və s. yaranır. Mühakimə nəyi isə iqrar və ya inkar edən
fikirdir. Mühakimədə təkcə ilə ümuminin dialektikası əks olunur. Məsələn, “qızıl – metaldır”
mühakiməsində qızıl təkcədir, metal ümumidir. “Qızılgül çiçəkdir”; “Materiya insan şüurundan asılı
olmayaraq mövcud olan obyektiv reallıqdır” və s. bütün bunlar mühakimədir. “Qar ağdır”; “O, üzmək
bilmir”; “Şir yırtıcı heyvandır”. Bunların hamısı mühakimədir. Mühakimələr cümlələr şəklində ifadə
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 36
olunur.
Məntiqi təfəkkürün üçüncü forması - əqli nəticədir. Əqli nəticə - müəyyən mühakimələrdən
(müqəddimələrdən) yeni mühakimə (nəticə) alınmasıdır. Məsələn, insan yer ilə digər göy cisimləri
arasındakı məsafəni bilavasitə ölçməmişdir, lakin o əqli nəticə əsasında həmin məsafələri bilir.
Məlumdan naməluma keçilə bilməsinin obyektiv əsası təbiət və cəmiyyətədki qanunauyğunluqdur. Əqli
nəticə iki və ya daha artıq fikrin, mühakimələrin əsasında çıxarılan üçüncü fikirdir, nəticədir.
Mühakimələrin hər ikisi və ya biri yanlış olarsa düzgün əqli nəticəyə gəlmək mümkün deyildir.
Fəlsəfə tarixində hissi və məntiqi idrak məsələlərini bir – birindən ayırmaq, üstün tutmaq halları
da olmuşdur. Bəzi filosoflar – rasionalizm tərəfdarları (Dekart, Spinoza, Leybnits və s.) biliyimizin əsas
mənbəyini adamların əqli fəaliyyətlərində, zəkada görürdülər. Rasionalizm tərəfdarları, məntiqi
təfəkkürü, şüurun rolunu birtərəfli işlədərək, onu mütləqləşdirir, onu özünün mənbəyindən ayırırdı.
Onların qüsuru bundan ibarət idi.
Rasionalizm cərəyanının əksinə fəlsəfədə empirizm və ya sensualizm (Bekon, Lokk, fransız materialistləri Berkli, Yum, Avenarius və başqaları) cərəyanıdır. Onlar duyğuları idrakın yeganə
mənbəyi və əsası hesab edirdilər. Dialektik materialist fəlsəfə idrak prosesində hissi və məntiqi
vəhdətdə götürməklə qalmır, həm də dialektika, məntiq və idrakın eyniyyəti kimi mühüm ideyanı müdafiə edir, onların idrak prosesində də dialektikcəsinə düşünülməsini tələb edir.
Həqiqət haqqında fəlsəfi təlim - İdrakın məqsədi hissi və məntiqi təhlil əsasında gerçəkliyin
dərk edilməsi yolu ilə insanları gəqiqi biliklərə silahlandırmaqdan ibarətdir. Görək fəlsəfədə “həqiqət”
nədir?
Həqiqət dedikdə dialektik materialist fəlsəfə gerçəkliyin insan idrakında əsasən düzgün, doğru
inikasını, həmin dolğun inikasdan əldə edilən biliyi nəzərdə tutulur. Deməli, əgər biliklərimiz
gerçəklikdəki mövcud obyektin əlaqə və münasibətləri, qanunları düzgün əks etdirir, obyektiv varlığa
uyğun gəlmirsə, yanılmadır. Lakin, fəlsəfə tarixində heç də həmişə həqiqətə bir mənalı münasibət
olmamışdır. Hələ Aristotel hesab edirdi ki, həqiqət odur ki, həmin bilik insanı əhatə edən aləm haqqında
düzgün fikirlər söyləyir. Obyektiv idealist filosof olan Platon qeyd edirdi ki, maddi varlıq haqqında
biliklər həqiqət ola bilməz, ona görə ki, maddi dünya dəyişkəndir. Hegel isə həqiqəti biliyin mütləq
ideya dünya ruhuna uyğunluqdan ibarət hesab edirdi. Materialistlərin əksəriyyəti belə hesab edirdilər ki,
həqiqət biliklərimizin obyektiv maddi varlığa tam uyğun gəlməlidir. Yalnız insan praktikasından keçən,
insan fəaliyyətinə məqsədyönlülük verən, onu obyektiv zəruri biliklərlə silahlandıran biliklər – həqiqət
sayıla bilər. Buna görə fəlsəfədə praaktikaya idrakın əsası, başlanğıcı və məqsədi, həqiqətin meyarı kimi
baxılır. İdrak canlı seyrdən, müşahidədən başlanır, təfəkkürdən keçir, onun nəticələri isə praktikada
tələb olunub sınaqdankeçirilir.
Gerçəkliyi dəqiq və dolğun əks etdirmə səviyyəsinə ona uyğunluğu dərəcəsinə görə həqiqətlər də
müxtəlif olur. Bu mənada obyektiv mütləq və nisbi həqiqətləri bir – birindən fərqləndirmək lazımdır.
Obyektiv həqiqət vardırmı? Və ya obyektiv həqiqət nə deməkdir?
Müasir qabaqcıl fəlsəfə həmin suallara müsbət cavab verir: ümumiyyətlə bilik, həqiqət
subyektivdir, yəni insan idrakın məhsuludur. Lakin bu cəhət heç də həqiqətin obyektivliyini, obyektiv məzmun daşımasını inkar etməyə əsas vermir. Çünki həqiqət obyektivdir, dünyanın insan beynində
inikasıdır, o düzgündürsə həqiqətdir.
Obyektiv həqiqət – ayrı–ayrı fərdi insanlardan bütövlükdə bəşəriyyətdən asılı olmayaraq gerçəkliyi düzgün, obyektiv əks etdirən biliyə həqiqət deyilir. Obyektiv həqiqətə bəşəriyyət uzun sosial – tarixi və
idrakı təcrübə əsasında gəlib çıxmışdır. Obyektiv həqiqətlər praktikada tam təsdiq olunan bilikdir. 0
Məsələn, su 100 t–da qaynayıb buxara çevrilir; Yer – kürə şəklindədir; insan ictimai – şüurlu
varlıqdır; 28 May – Azərbaycanın istiqlaliyyət günüdür və s. Orta əsrlərdə insanlar belə hesab edirdilər ki, Yer mərkəzdir, Günəş və planetlər isə onun ətrafında fırlanırlar. Kopernik təlimi bu həqiqəti təkzib
etdi, sübut olundu ki, Günəş mərkəzdir, Yer və bütün planetlər onun öz oxu ətrafında fırlanırlar. Bu gerçəkliyin daha dolğun inikası idi, həqiqətə yaxın idi. Kepler sübut etdi ki, planetlər Günəş ətrafında
dairəvi deyil, ellipsvari hərəkət edirlər. Bu daha dolğun bilik idi. Həqiqət, deməli obyektiv həqiqət də tarixən inkişaf edir, hər bir yeni kəşflə daha da dəqiqləşir və təsdiqlənir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 37
İdrakın müəyyən səviyyəsinə uyğun əldə edilən, tarixi şərait və təcrübədən asılı olaraq
təsdiqlənən, özünün müəyyən dəqiqliyi, dolğunluğu ilə fərqlənən biliyə nisbi həqiqət deyilir. Predmet
və hadisələr haqqında daha dolğun, dəqiq, hərtərəfli, gerçəkliyə tam uyğun biliyə isə mütləq həqiqət deyilir.
Mütləq həqiqətlə, nisbi həqiqətin fərqləri bununla əlaqədardır ki, biliklərin gerçəkliyə uyğunluğu
dərəcəsi, insan zəkasının gerçəkliyi bilməsinin dərinliyi eyni deyildir. Mütləq həqiqət obyektiv
həqiqətdir, gerçəkliyin mütləq dürüst inikasıdır.
Mütləq həqiqəti dərk etmək olarmı? Prinsipcə olar, çünki bir tərəfdən dərkedilməz şeylər yoxdur, digər tərəfdən isə insan zəkasının idrak qabiliyyətinin həddi yoxdur.
Hər bir ayrıca adamda, insanların ayrıca bir nəslində olan idrak imkanları müvafiq tarixi şəraitlə
istehsalın, elmin və eksperimental texnikanın müəyyən inkişaf səviyyəsi ilə məhduddur. Buna görə də
tarixən müəyyən olan hər bir mərhələdə insanın bilikləri nisbidir, bu biliklər labüd surətdə nisbi həqiqət
xarakteri alır. Nisbi həqiqət biliklərin gerçəkliyə natamam uyğunluğudur. Bu həqiqət bəşəriyyətdən asılı
olmayan obyektin nisbətən düzgün inikasıdır. İdrakın tərəqqisi ondan ibarətdir ki, insan nisbi həqiqətləri
dərk etməklə, mütləq həqiqəti də dərk edir. Məsələn, atom haqqında müasir təlimi götürək. Bu təlim
gerçəkliyə əsasən uyğundur, lakin bütövlükdə hər halda nisbi həqiqətdir. Axı biz deyə bilmərik ki, atom
axıradək, mütləq surətdə dərk edilmişdir. İnsan idrakı həm mütləq, həm də nisbidir. Ona görə nisbidir
ki, insan idrakı hər şeyi əhatə etmir, gerçəkliyin daim yeni – yeni tərəflərini aşkara çıxarır, sonsuz
inkişaf edir, dərinləşir. Ona görə mütləqdir ki, onda əbədi mütləq dürüst bilik ünsürləri vardır. Gerçəklik
dəyişdikcə, onun haqqında biliyimiz də dəyişilməlidir. Biliyin həqiqiliyi məkandan, zamandan, şəraitdən,
onun formalaşdığı başqa şərtlərdən asılıdır. Bu şərtlərin dəyişməsi ona gətirib çıxarır ki, həqiqi bilik
daha həqiqi olmur. Bu o deməkdir ki, abstrakt həqiqət yoxdur, həqiqət həmişə konkretdir.
Həqiqət obyektiv əlaqələri, şərtləri, məkanı, zamanı, tarixi xüsusiyyətləri hərtərəfli öyrənib
nəzərə almaq yolu ilə əldə edilir, çünki bir şəraitdə həqiqi olan şey, başqa bir şəraitdə yanlış ola bilər, həm də əksinə.
ELMİ İDRAK, ONUN FORMALARI VƏ METODLARI
Elm – idrakın spesifik məntiqi–nəzəri və ən yüksək formasıdır. Elm – gerçəkliyin insan şüurunda
dolğun əsaslandırılmış, qanun səciyyəsi daşıyan inikasdır. Elm ancaq praktik fəaliyyətdə maddiləşməklə
özünün həqiqət olduğunu təsdiq edir.
Elm – çox mürəkkəb idraki hadisədir, özünəməxsus spesifik xüsusiyyətlərə
malikdir: 1. Gerçəkliyi nisbi dolğun əks etdirməsi, həmişə həqiqətin əldə edilməsinə istiqamətlənməsi;
2. Dünyanın obyektiv inikasını verdiyinə görə obyektivliyi;
3. Gerçəklikdə, praktikada maddiləşməsi və təsdiq edilməsi;
4. Müəyyən dəlil və sübutlarla,təbii tarixi faktlara istinad edib əsaslandırılması, sübut edilməsi; 5. Xüsusi elmi dillə - anlayışlar, qanunlar, kateqoriyalar, mühakimə və məntiqi nəticələrlə ifadə
edilməsi və s.
Bu cür spesifik xüsusiyyətləri ilə elm dünyanın adi, bədii, dini və s. mənimsənilməsi formalarından fərqlənir.
Elmi biliyin strukturu elədir ki, o, insana dünyanın təkcə təbii elmi mənzərəsi haqqında
informasiya, bilik verməklə kifayətlənə bilməz. O, həmçinin insanın gerçəklikdəki düzgün elmi
dünyagörüşü mövqeyi seçməsinə kömək edir, biliyin əqidəyə çevrilərək fəaliyyət amilinə çevrilməsini
şərtləndirir, humanist mənəvi sərvət əhəmiyyət kəsb edir. Bütün bunlar “elmi idrakın forma və metodları
anlayışının” düzgün təhlil edilməsi rolu ilə mümkündür. Elə ümumi idrak metodları, formaları vardır ki,
onlar ən ümumidir, biliyin bütün səviyyələri, formaları üçün təsir gücünə malikdir, məsələn, müşahidə,
eksperiment, analiz – sintez, induksiya – deduksiya, fakt informasiya və s.
Lakin elə forma və metodlar vardır ki, onlar idrakın yalnız müəyyən konkret növü və
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 38
səviyyəsinə aiddir, məsələn, gerçəkliyin adi, elmi, dini, bədii inikası vasitələri və metodları heç vaxt
ümumi ola bilməz, fərqlidirlər, spesifikdirlər.
Bütün elmi idrakın metodlarını şərti olaraq iki qrupa bölmək olar: 1) Ən ümumilik bildirən
materialist dialektik metod; 2) Bir neçə və ya bütün elmlər tərəfindən istifadə olunan ümumi metodlar.
(müşahidə və eksperiment, analiz və sintez, induksiya və deduksiya, tarixi və məntiqi, analogiya,
modelləşdirmə, formalaşdırma və s.); 3) Ancaq bir elm tərəfindən istifadə olunan xüsusi metodlar,
məsələn, riyazi induksiya.
İdrakın empirik səviyyəsinin əsas metodları bunlardır: müşahidə, eksperiment, model
eksperimenti. Müşahidə - gerçəklik hadisələrinin təbii halda seyr edilməsi yolu ilə qavranılması
metodudur. Eksperiment – subyektin öyrəndiyi obyektə fəal təsiri prosesidir, cihazların, qurğuların
köməyi ilə gerçəkliyin öyrənilməsi üsuludur. Eksperimentin bir növünü də, hazırda idrakda mühüm rol
oynayan model eksperimenti təşkil edir. Müşahidə, eksperiment və model eksperimentinə idrakın əsas
mənbəyi və hər iki idrak səviyyəsi üçün ümumi metod kimi baxılır.
Empirik səviyyədə əsas idrak formaları – elmi faktların müəyyənləşdirilməsi, aləmin qavranılması əsasında əldə olunan təsəvvürlər, ideyalar, fərziyyəvi mülahizələr, empirik qanunların
aşkar edilməsi və s.
Elmi – nəzəri səviyyədə isə spesifik idrak metodları bunlardır: abstraksiya, ümumiləşdirmə,
metodlaşdırma, modelləşdirmə, aksiomalaşdırma, hipotemik deduksiya, abstraktdan konkretə
yüksəlmə, tarixi və məntiqi, riyazi metodlar, sistem – struktur təhlil, müqayisə, analogiya və s.
Abstraksiya metodunda insan öyrəndiyi obyekti və onun xassələrini birdən – birə tam dərk edə
bilmir. İnsanın fikri bir anda obyektin bu və ya başqa tərəfini, xassəsini əhatə edir, öyrənir digər tərəf və
cəhətlərdən ayrılır, təcrid olunur.
Ümumiləşdirmə nəticəsində tədqiq olunan ümumi xassələri və əlamətləri müəyyənləşdirilir.
Ümumiləşmə xüsusi, az ümumi anlayış və mühakimələrdən ümumi və ən ümumi anlayış, mühakimə,
fərziyyə və nəzəriyyəsi yaradılması yolu ilə gedir.
Formalaşdırma elə idrak metodur ki, müəyyən obyekt öyrənilərkən onun formaları,
simvolları, maddi konstruksiyaları məzmundan ayrılıb ümumiləşdirilir, öyrənilir, ümumi məzmun
xassələri haqqında da nəticələrə gəlinir.
Elmi idrakın spesifik metodlarından biri də modelləşdirmədir. Hazırda elmin bütün sahələrində
bu metoddan daha geniş istifadə olunur. Məsələn, coğrafi xəritə ilə Yer kürəsi, fotoşəkil və onun əks
etdirdiyi obyekt oxşardır və s.
Hazırda elmi idrakda riyazi metodlardan da səmərəli istifadə olunur. Riyazi metodlardan təkcə
dəqiq – texniki elmlərdə deyil, həm də təbiət və ictimai elmlərdə də istifadə olunur. Sistem – struktur
təhlil – müasir elmi idrakın ən universal, kompleks metodlarından biridir. Həmin metod tələb edir ki,
tədqiq olunan obyekt əvvəlcə müəyyən sistem daxili əlaqə və münasibətlər şəraitində öyrənilsin, bütün
struktur ünsürləri kompleks təhlil edilsin, sistemlərarası əlaqə və münasibətlər dairəsində, yeri, rolu
müəyyənləşdirilsin.
Elmi nəzəri idrakın əsas formaları bunlardır: elmi fakt və problemin müəyyənləşdirilməsi,
ideyalar, prinsiplər və qanunların kəşf edilməsi, ehtimallar və fərziyyələr, nəzəriyyələr, təbii - elmi,
texniki və sosial bilik və s.
Elmi fakt və problemin müəyyənləşdirilməsi idrak üçün ilkin və zəruri şərtdir. Fakt problem subyektdən kənarda mövcuddur, obyektivdir, varlığın bir fraqmentidir. Elmi biliyin həqiqiliyi fakt və ya
problemin düzgün seçilməsindən asılıdır. “Fakt alim üçün havadır” (İ.P.Pavlov)
Elmi idrakın başlıca məqsədi və əsas forması elmi ideyalar, prinsiplər və qanunların kəşf
edilməsidir. Elm o vaxt həqiqi elm olur ki, onun özünəməxsus qanunları, prinsipləri olsun. Əgər qanunlar
aşkarda olsaydı, onda heç bir elmə axtarışa yer qalmazdı. Müxbirlər D.İ.Mendeleyevdən soruşanda ki,
“deyirlər Siz “elementlərin dövrü sistemi qanunu” nu yatarkən yuxuda kəşf etmisiniz, bu doğrudurmu?”
sualına o, çox narahat olaraq belə cavab vermişdir: “Mən həmin qanun üzərində bütün ömrüm boyu
işləmişəm”. Elmi idrakın ən yüksək formasını ehtimallar, fərziyyələr (hipotezlər) və nəzəriyyələr təşkil
edir. Güman, şübhə, qətiyyət – ehtimalı idrak üçün mühüm şərtlərdir. Həmin güman və ehtimallar
əsasında elmi fərziyyələr formalaşdırılır. Fərziyyə - faktlardan və əqli
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 39
nəticələrdən meydana çıxan, dünyanın hələlik dərk olunmamış sahələrinə nüfuz etmək məqsədi daşıyan
idraki müəyyənlikdir, gümandır, qabaqcadan verilmiş ideyadır. Fərziyyənin reallaşması çox vaxt uzun
müddətli bir yol keçir, elmdə kosmik uçuşlar fərziyyəsinin reallaşması üçün 150 ilə yaxın bir dövr lazım gəlmişdir. Elmdə fərziyyənin əvəzsiz əhəmiyyəti vardır.
Nəzəriyyə anlayışı aləmin hər hansı sahəsində hər hansı hadisələr haqqında həqiqi, sınanmış
təsəvvürlər, ideyalar, prinsiplər nəzərdə tutulur. Nəzəriyyə həmçinin bilik verməklə yanaşı metodoloji
funksiyasını da yerinə yetirir, dünyagörüşü üçün zəmin yaradır, prinsiplər və qanunlar əsasında yaradılır.
Elmi idrak vasitələri vardır ki, onlar idrakın bütün sahələrində, empirik və nəzəri səviyyələrində eynilə fəal istifadə olunur, universal idrak metodları hesab edilirlər: analiz və sintez, induksiya və
deduksiya abstraktdan konkret yüksəlmə, tarixi və məntiqi və s.
Analiz və sintezl - ən ümumi idrak metodudur. İdrakda onlar qarşılıqlı vəhdətdə çıxış edir, biri digəri olmadan mümkün deyildir. Obyektin mahiyyətinə varmaq heç vaxt analizsiz, yəni fikrən tədqiqat
obyektini daxili struktur hissələrinə, tərəflərinə parçalayıb tədqiq etmək deməkdir. Sintez isə elə
metoddur ki, bunun vasitəsilə öyrənilən predmet və hadisəni təşkil edən tərəflər, xassələr haqqında əldə olunan bilik fikrən birləşdirilir və vəhdət, sintez halında götürülür. Sintezin gedişində bütövdə heç
bir ünsürün yeri və rolu aşkaraçıxarılır.
Predmet və hadisələrin tədqiqat metodlarından biri də induksiya və deduksiyadır. İnduksiya (latınca - yönəltmə deməkdir) fikrin ayrı – ayrı hadisələrdən ümumi nəticələrə doğru
hərəkəti prosesidir. İnduksiya yeni bilik əldə etmək imkanı verir, çünki əvvəllər əldə edilən bilik induksiya vasitəsi ilə yeni predmetlərə şamil edilir. Fikrin təkcədən ümumiyə doğru inkişafı
induksiyadır. Əksinə, fikrin ümumidən təkcəyə doğru inkişafı isə deduksiyadır. Bunlar idrakın vahid inkişaf yolunun iki tərəfi olub vəhdət təşkil edirlər.
İdrak prosesində induksiyanın rolu nə qədər böyük olsa da, deduksiyasız zəif və birtərəflidir.
İnduktiv nəticə ayrı–ayrı faktların ümumiləşdirilməsi nəticəsində alınır. Elmi idrakın zəruri və tamamlayıcı momenti kimi ümumidə təkcəni, konkreti axtarmaq metodu olan deduksiya da zəruridir.
Empirik qanunların izahında, induktiv yolla alınan nəticələrin yoxlanılmasında onun rolu böyükdür. Təkcə deduksiya induksiyanı deyil, həm də induksiya deduksiyanı tamamlayır.
Predmet və hadisələrin dərk olunması həm də elmi idrakın məntiqi və tarixi metodlarının köməyi
ilə həyata keçirilir. Bunlar idrakın inkişafı prosesində vəhdət təşkil edirlər.
Tarixi real predmet və hadisələrin, özünün hərəkətidir, məntiqi isə tarixinin inikasıdır. Məntiqi yanaşma olmadan tarixi yanaşma kordur, tarixsiz isə məntiqi məzmunsuzdur.
Elmi idrak metodlarından biri də abstraktdan konkretə yüksəlməkdir. Predmet və hadisələr
haqqında çoxcəhətli, hərtərəfli bilik konkret bilikdir. Bunların müəyyən bir tərəfinin bir və ya bir neçə
aspektinin dərk olunması isə abstrakt bilikdir. Konkret bilik ona görə mümkündür ki, predmet və
hadisələrin özləri müxtəlif cəhətlərin, xassələrin və s. vəhdətidir, məsələn, dildə sözün fonetika,
semantika, qrammatika cəhəti vardır. Elmin vəzifəsi predmet və hadisələrin bu müxtəlif cəhətlərini bir
vəhdət halında aşkara çıxarmaqdan ibarətdir.
Abstrakt bilik isə ona görə mümkündür ki, predmet və hadisələrin ayrı – ayrı cəhətləri, xassələri nisbətən müstəqildir. Buna görə də, idrak bir xassəni, bir cəhəti götürüb, digərlərini sərf – nəzər
etməkolar.
Cəmiyyətdə insan fəaliyyətində özünü göstərən xüsusi fəlsəfi təlim olan sosial idrak məşğul olur.
Sosial idrak – cəmiyyətin və insanın mahiyyətini, onların inkişaf və tərəqqisinin dərk edilməsi qanunauyğunluqlarını və əməli məqsədlər üçün onlardan istifadə olunması forma və metodlarını öyrənir.
Sosial idrakın obyektini cəmiyyətin və insanın, bütövlükdə ictimai hadisələrin dərk edilməsi qanunauyğunluqlarının öyrənilməsi təşkil edir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 40
MÖVZU 11
DİALEKTİKANIN QANUNLARI.
Dialektikanın mənşəyi və mahiyyəti - Gerçəklikdə ümumi inkişaf və dəyişməni mütləq
mənada inkar edən heç bir fəlsəfi baxış və cərəyan olmamışdır. Lakin fəlsəfə tarixində inkişafın
mütləqliyi sonsuz və əbədiliyinə şübhə edən, onun mənbələri və hərəkətverici qüvvələrini fərqli,
ziddiyyətli mövqelərdən izah edən, inkişafın formaları və mərhələlərini müxtəlif tərzdə təhlil edən
cürbəcür fəlsəfi konsepsiyalar və cərəyanlar mövcud olmuşdur.
Dialektika, təbiətdə, cəmiyyətdə və təfəkkürdə baş verən dəyişmə inkişaf və əlaqələrin ən
ümumi səciyyəvi cəhətlərindən və qanunauyğunluqlarından bəhs edən xüsusi fəlsəfi təlimdir.
Dialektikada başlıca məsələ inkişaf ideyasıdır ki, onun da məzmununa a) inkişafın hər cür hərəkər və
dəyişkənlikdən fərqini; b) inkişafın mənbəyi və hərəkətverici qüvvələrini; c) inkişafın
formaları və növ müxtəlifliyini, inkişaf və perspektivlərinin müəyyənləşdirilməsi daxildir. Fəlsəfə təkcə varlıq və təfəkkürün, təbiət və insan, maddi və ideal və s. kimi mürəkkəb anlayışların
təbiətini öyrənməklə məhdudlaşa bilməz.
Gerçəklikdəki dəyişmə, inkişaf və qarşılıqlı əlaqələrin nisbəti, yeri və əhəmiyyəti, inkişafın ən
ümumi qanunauyğunluqları da elmi – nəzəri dəqiqliklə öyrənilməlidir. Bunsuz bitkin fəlsəfə elmi ola
bilməz. Əgər varlığın mahiyyətini ontologiya, qnoseologiya kimi fəlsəfi elmlər öyrənirsə, inkişafın
mahiyyətini, onun ən ümumi qanunauyğunluqlarını isə dialektika öyrənir. Ona görə dialektikaya qısa
şəkildə inkişaf, əlaqə və dəyişmə haqqında bitkin və hərtərəfli təlim kimi də tərif vermək olar.
Dialektika yunan sözü olub, mənası dialoq, söhbət aparmaq sənəti, mühakimə yürütmək deməkdir.
E.ə. V əsrin sonu IV əsrin əvvəllərində Yunanıstanın şəhərlərində (Milet, Hefes, Afina və s.)
xüsusi mübahisə etmək məclisləri, məktəblər fəaliyyət göstərirdi ki, onlarda iştirakçılar öz fikirlərini
əsaslandırmaq, özünün alternativ ideyalarını sübut etmək üçün bir–birinə suallar verir və bir sıra
məsələlərin həllində öz mövqelərini aşkarlamaqla çalışırdılar. Məhz belə mübahisələrdə həqiqətlər əldə
olunurdu.
Qədim yunan dialoq sənətinin böyük müəllimi Sokrat dialektikanı hətta bir – birinə zidd olan
rəylərin qarşılaşdırılması və reallaşdırılması yolu ilə həqiqətin aşkar edilməsi sənəti adlandırılmışdır.
Onun tələbəsi Platon isə dialektikaya analiz və sintez metodu vasitəsilə şox müxtəlif konkret fikirlərdən
ümumi anlayışlara yüksəlmək yolu ilə həqiqi mahiyyətə çatmaq sənəti kimi baxmışdır.
Sokrat belə hesab edirdi ki, dialoq, mübahisə etmək sənəti belədir ki, müzakirənin əvvəlində
həqiqət məlum deyil, lakin həqiqətin yaranması üçün getdikcə yeni – yeni bilik məlumat əldə edilir.
Həqiqətə bu yolla nail olmağı Sokrat evristik metod adlandırmışdır. İdeyaların, rəylərin toqquşması yolu ilə fikirdə ziddiyyətlər aşkar və həll olunaraq, ümumi rəy əsasında həqiqət qəbul olunur.
Dialektik inkişaf konsepsiyası - Varlıq və təfəkkürün bütün formalarında əlaqə dəyişmə və
inkişafın olduğu nəzəri və əməli olaraq çox qədimdən dərk edilmişdir. Lakin bu sahədə də dərk edilməmiş
və dərk edilmiş problemlər də vardır: dəyişməni anlamaq ziddiyyətli və çətindir, əlaqə və inkişaf
anlayışlarının mahiyyəti, “inkişaf ideyasının” məzmunu öyrənilsə də, tam açılmamışdır.
Dəyişiklik üçün müəyyən zaman tələb olunur ki, bu müddətdə hadisə, əşya, proses özünün müxtəlif
keyfiyyət və cəhətlərini itirsin, yenilərini qazansın. Gerçəklikdə heç də həmişə belə dəyişikliklər aşkar
hiss olunmur və ya onları hiss etməyə bir insan ömrü kifayət etmir. Odur ki, uzun zaman kainat, bitkilər
aləmi, canlılar, insan və s. dəyişməz hesab olunmuşdur. Dəyişkənlik ideyası sonralar qəbul olunmuşdur.
Dünyanın dəyişkənliyi haqqında ideyaların ilkin nümunələri qədim Çin, Hindistan, Yunanıstan kimi
ölkələrdə olmuşdur. Bu ölkələrdə dəyişmə və hərəkətin konkret formaları, növləri haqqında bilik
olmamışdır. Onlar ümumi bir ideyada yekdil olmuşlar: bizi əhatə edən dünya daim dəyişmə və hərəkətdə
mövcuddur.
Qədim fəlsəfədə dəyişmə və inkişaf ideyasını ilkin kəşf edən Heraklit belə hesab edirdi ki, varlıq daim hərəkətdə olan “yanar oddan” və ya “axar çaydan” ibarətdir. Onun fikrincə, bu dəyişkən, hərəkət
edən, dünyada əbədi heç nə yoxdur. Gerçəklikdə elə hadisə, əşya və proses vardır ki, onlarda
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 41
nə qədər dəyişiklik, hərəkət baş versə də, onlar hər halda özlüyündə sabit qalır, “mahiyyətcə onlar
dəyişmirlər. Məsələn, yaşa dolduqca insan xarici görünüş cəhətdən orqanizmin fizioloji funksiyaları
etibarilə, habelə “daxili aləmi” cəhətdən dəyişilir, “başqalaşır”, amma bunlara baxmayaraq hər halda, “insan insan olaraq qalır”, mahiyyətcə dəyişmir.
Dəyişmə, hərəkət, inkişaf anlayışlarının mahiyyətinin dərk edilməsində çətinlik və ziddiyyət
qədim fəlsəfədə də olmuşdur. Qədim yunan filosofu Zenon mexaniki hərəkətin anlaşılmasının
çətinliyini təhlil etmişdir. Onun fikrincə, hər bir anda yaydan çıxan ox müəyyən nöqtədədir, sabitdir,
həmin yerdə sükunətdədir. Hərəkət, dəyişməni fasiləsiz hesab edinlərin əksinə olaraq, Zenon onları
fasiləli hesab edirdi.
Dünyanın inkişafı ideyasının formalaşmasında mühüm addımı Dekart atmışdır. Onun fikrincə,
Allah dünyanı yaradaraq ona impuls, təkan verdi, saata uyğun olaraq onu qurdu, hərəkətə gətirdi. Lakin
Dekartda inkişaf cəmiyyətə aid edilmirdi. Ancaq fransız maarifçi filosofları Volter və Russo tarixi
inkişaf ideyasını irəli sürmüş, cəmiyyətin inqilabi yolla yenidən qurulmasının mərhələlərindən bəhs
etmişdir. Kondorose isə ictimai inkişafa xas olan fasiləsiz tərəqqi ideyasını irəli sürmüşdür. Bu
mütəfəkkirlərin hamısı cəmiyyətin inkişafını mənəvi amillərdə (mənəvi, dini və s. ideyalarda)
axtarmışdır.
İnkişaf haqqında mükəmməl ideyanın formalaşması alman klassik fəlsəfəsi ilə bağlı olmuşdur.
İnkişaf ideyasını Günəş sisteminə və başqa ulduzlar aləminə tətbiq edən Kant həmçinin mənəviyyatın
inkişafı, insanın sosial inkişafı haqqında da dəyərli fikirlər irəli sürmüşdür. Buradan da xalqların və
mədəniyyətlərin tarixi inkişafına ardıcıl baxmaq cəhdləri meydana çıxmışdır. İnkişaf haqqında bitkin
konsepsiyasını ilk növbədə bəşəriyyətin tarixi inkişafı haqqında ideyanı, idealist, çərçivədə olsa da
Hegel vermişdir. Hegel inkişafın daxili, ziddiyyətli mahiyyətini, “öz inkişaf”, “öz hərəkət səciyyəsi
daşıdığını”, “inkarı – inkar” xarakterini”, “kəmiyyətin keyfiyyətə qarşılıqlı keçməsi prosesini” bəşər
inkişafının daxili impulslarını və s. aşkar etmişdir.
Hər cür inkişaf prosesində, əvvəllər olmayan hər hansı yenilik baş verir, inkişaf prosesi
qayıtmazdır, geri dönməzdir, bu prosesin özünün xüsusi mənbələri və özünəməxsus forması olur, o keçmişdən başlayıb indidən keçir və gələcəyə gedir, eyni zamanda inkişafın hər bir mərhələsi özündən
əvvəlki vəziyyətlə şərtlənir və öz növbəsində özündən sonrakı inkişafı şərtləndirir.
Dialektikanın inkişaf yolu. Dialektika və metafizika - Dialektikanın formalaşması uzun
bir tarixi yol keçmişdir. Dialektikanın tarixi formalarından qədim dövrün sadəlövh dialektikası, alman
klassik fəlsəfəsinin idealist dialektikası və materialist dialektikanı xüsusi qeyd etmək olar. Klassik alman
fəlsəfəsində, xüsusilə Hegel irsində idealist dialektika haqqında fəlsəfi təlim yaranmışdır. O, təbiət,
cəmiyyət və təfəkkürün mənəvi həyatı ilə bağlı daim hərəkət və inkişaf haqqında mükəmməl təlim
yartamışdır. O, tarixi inkişaf haqqında fikri təhlil edərək, onu “mütləq ideyanın”, “dünya ruhunun”
qanunauyğun inkişafı nəticəsi hesab edirdi. Hegelin “Məntiq” əsərindəki təhlilə əsasən predmet, hadisə
və proseslərdə dəyişmə və inkişafın təbiətini izah edərkən dialektika aşağıdakı zəruri tələblərə riayət
etməyi nəzərdə tutur: inkişaf edən cisim, hadisə və prosesin obyektivliyinin, yəni şüurumuzdan asılı
olmadığının “özündə şey olduğunun qəbul edilməsi, inkişaf edən hadisə, proses və əşyanın” öz hərəkəti”,
“öz inkişafı”, onda daxili ziddiyyət və meyllərin həllediciliyi, inkişafın mənbəyini, əksliklərin
mübarizəsini, inkişafda yanaşı mövcudluqdan daxili əlaqəyə qarşılıqlı təsirə keçilməsi, ali mərhələdə
ibtidainin müəyyən cəhət və tərəflərinin təkrarı, sanki ibtidaiyə qayıtma “inkarı–inkar”, məzmun və
formanın mübarizəsi formanın atılması, məzmunun dəyişilməsi, kəmiyyətin keyfiyyətə qarşılıqlı
keçməsi.
Materialist dialektika mənəvi münasibətlərin inkişafına maddi - ictimai münasibətlərin inikası
kimi baxmış, tarixi prosesə “öz – özünün səbəbi” kimi yanaşmış,materializmi cəmiyyət həyatına tətbiq
edərək, onu dialektika ilə vəhdətdə götürmüş, cəmiyyət inkişafının tərəqqi meylli qarşısıalınmazlığı
haqqında dialektik təlim yartamışdır.
Gerçəklikdəki çoxsaylı əlaqə və münasibətlərin, qarşılıqlı təsir və dəyişmənin, hərəkət və inkişafın
iki cür alternativ fəlsəfi anlaşılması üsulu vardır: metafizik təfəkkür üsulu gerçəklik hadisələri arasındakı qarşılıqlı əlaqə və təsiri zəif nəzərə alır, ayrı - ayrı hadisə və prosesləri, onların element və
xassələrini ayrılıqda öyrənir, onlar arasındakı qarşılıqlı şərtlənmə əlaqələrinə xüsusi
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 42
əhəmiyyət vermir. Onlar bir biridən asılı olmayan müstəqil obyektlər kimi öyrənilir. Dialektik təfəkkür
anadangəlmə deyildir. Bu gerçəkliyin mənimsənilməsindən ibarət olan mədəniyyətin nailiyyətidir.
Dialektika təkcə nəzəri bilik deyil, həm də bacarıq, vərdiş, işgüzarlıq tələb edir. Dialektika heç də sadə
nəzəriyyə deyil, həm də yenini anlamağa, konkret şərait və problemi, onun müxtəlif çalarlarını
mənimsəməyə imkan verən yaradıcı metoddur. Bu metod yeninin aşkar və dərk edilməsi üçün daimi
axtarışlar aparmağı, çoxsaylı əlaqə və münasibətləri, keyfiyyətləri ayırd etməyi tələb edir.
Fəlsəfi ədəbiyyatda “obyektiv dialektika” və “subyektiv dialektika” terminləri də işlədilir. Bu cür
anlayışlar obyektiv zərurətdən deyil, insan şüurunun obyektiv dialektik əlaqə münasibət və
qanunuyğunluqları dərk etməsindən irəli gəlmişdir, gerçəklikdəki əlaqə, münasibət və inkişaf
qanunauyğunluqları obyektiv dialektik məzmun daşıyır. Bu obyektiv dialektika anlayışı ilə ifadə olunur.
Həmin dialektik əlaqə, münasibət, inkişaf qanunauyğunluqlarının insan idrakında inikası isə subyektiv
səciyyə daşıdığına görə “Subyektiv dialektika anlayışı ilə ifadəolunur”.
Qarşılıqlı əlaqə qarşılıqlı təsir haqqında dialektik təlim - Bütün bunlara əsasən
dialektikanı gerçəklik haddisələrinin bir–birilə qarşılıqlı əlaqəsi və qarşılıqlı şərtlənməsi haqqında təlim
adlandıranlar az deyildir. Çünki gerçəklikdə bir – birilə qarşılıqlı əlaqədə və təsirdə olmayan, təcrid
olunmuş halda mövcud olan heç bir hadisə yoxdur. Dünya özü bir–birilə qarşılıqlı əlaqədə olan çoxlu şey
və hadisələrin məcmusundan ibarətdir. Onlar qarşılıqlı təsirdə meydana çıxır, bir – birini şərtləndirir və
inkişaf edirlər. Bu prosesdə atom, canlı orqanizm, günəş sistemi, qalaktikalar, cəmiyyət və s. bir–birilə
əlaqəyə girir, şərtlənir və mövcud olurlar. Rus alimi K.A.Timiryazev bitkilərlə kainat və bəşəriyyətin
qarşılıqlı əlaqəsi haqqında dediyi sözlər yada düşür: “Bitki göylə yer arasında bir vasitəçidir. O, göydən
od oğurlamış Prometeydir. Onun oğurladığı günəş şüası sayrışan bir şüalıqda da, elektrik göz qamaşdıran
qığılcımında da yanır. Günəş şüası istər nəhəng buxar maşının əzəmətli nazik çarxını, istər rəssamın
fırçasını, istərsə də şairin qələmini hərəkətə gətirir.
Hərəkət, dəyişmə və inkişaf kimi əlaqələrin öyrənilməsi mühüm fəlsəfi elmi problemdir.
Əlaqələrin əhəmiyyəti haqqında qədim dünyanın böyük filosofu Aristotel demişdir ki, bədənin ayrı – ayrı üzvləri arasında əlaqədən kənarda ümumiyyətlə bədən yoxdur.
Dialektik materialist fəlsəfəyə görə bütövlükdə varlıq kimi, onun ayrı – ayrı konkret əlaqələri
arasındakı əlaqə də obyektivdir, bu əlaqələrdən kənarda heç bir təbiət, cəmiyyət və təfəkkür hadisəsi
mövcud deyildir, onları hamısı bir – biri üçün şərtdir. Əlaqələr çoxtərəfli xarakter daşıyır.
İnkişafda əlaqənin daxili və xarici formalarının da xüsusi rolu vardır. Daxili əlaqələr inkişafda
müəyyənedici, aparıcı, xarici əlaqələr isə təsiredici (sürətləndirici və ya ləngidici) əhəmiyyətə malikdir.
Bütün cisim və hadisələr yalnız əlaqədə deyil, həm də qarşılıqlı əlaqə və qarşılıqlı təsirdə
mövcuddur, bir–biri üçün şərtdir. Məsələn, cəmiyyətin mövcudluğu və inkişafı üçün iqtisadi, siyasi,
sosial – mənəvi və s. amillərin qarşılıqlı əlaqəsi, vəhdəti zəruridir. Bunsuz cəmiyyət mövcud ola bilməz.
Alman filosofu Höte demişdir ki, “Heç bir fenomen özlüyündə və özündən çıxış edərək izah edilə
bilməz”. Bu qanunauyğunluqlar gerçəklikdəki bütün təbiət, cəmiyyət və təfəkkür hadisələrinə eyni
dərəcədə şamil edilməlidir.
Gerçəklikdəki dəyişiklik universal səciyyə daşıyır, hər bir hadisəni əhatə edir. İnkişafda
dəyişkənlikdir, lakin xüsusi növ dəyişmədir. İnkişafda yeninin qarşısıalınmazlığı ilə şərtlənən bir
tərəqqi meyli, irəliləmə vardır, köhnəni yenini əvəz etməsi prosesi mövcuddur. Odur ki, inkişafın əsas
meyarı tərəqqidir. İnkişafda tərəqqi meyli əsas meyar kimi götürülsə də burada tərəqqi və tənəzzül özünü
vəhdət halında göstərir. İnkişafda tərəqqi ideyası kapitalizmin inkişafı ilə əlaqədar meydana çıxmış,
D.Viko, A.Tyurqo, İ.Qerder, J.Kondorse, K.Hegel və başqaları tərəfindən əsaslandırılmışdır. Onlar
cəmiyyət inkişafına aşağı, az təkmil formadan, yüksək, daha təkmil tərəqqi mərhələsinə keçilməsi kimi
baxırdılar.
Tərəqqi inkişaf edən sistemdə yeninin təkmilləşməsi və inkişafı üçün imkanların artması, ona
kömək edən amillərin əlaqəsi və təsirinin genişlənməsi, sabitləşməsi, möhkəmlənməsi, inkişaf etməsi və s. ifadə edir. Əgər inkişaf prosesində qeyd olunan amillər sabitliyini itirərsə, əlaqə və təsirini
zəiflədərsə, yeniliyin baş erməsi və möhkəmlənməsi üçün fəaliyyət meydanı zəifləyər və daralarsa
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 43
həmin prosesi tənəzzül adlandırmaq olar. Dialektika inkişaf üçün tərəqqi və tənəzzül vəhdətini zəruri şərt hesab edir, çünki heç bir inkişaf
daim, xalis tərəqqi və ya xalis tənəzzüldən ibarət ola bilməz. Biri olmadan digəri yoxdur. Həyat və ölüm
sistemlərinin yaranması və məhv olması, yüksəlmə və enmə həmişə bir - birini izləmişdir.
Qanun və qanunauyğunluq
Gerçəklikdə predmet hadisə və proseslərin mövcudluğu və inkişafı onların arasındakı mühüm əlaqə
və münasibətlərlə şərtlənir. Predmet və hadisələrin bir – biri və daxili tərəfləri arasındakı ən mühüm
qarşılıqlı əlaqə və qarşılıqlı münasibətləri isə əsasən qanun və qanunauyğunluq anlayışını ifadə edir.
Çünki, bu anlayışların hər ikisi, obyektiv, mühüm və başlıca əlaqələri əks etdirir.
Hadisələr arasındakı ümumi qarşılıqlı əlaqələr qanunauyğun səciyyə daşıdığı üçün qanun da həmin zəruri və daxili mahiyyətli əlaqələri ifadə etdiyi üçün hər iki analyış “eyniləşir”. Qanunlar xüsusi
sistemlərdəki mühüm əlaqələri ifadə etdiyi, halda qanunauyğunluq daha geniş miqyaslıdır, ən ümumi mahiyyət kəsb edir, 2- cisi müəyyən bir qanunauyğunluq çoxlu qanunların fəaliyyəti təsirində həyata
keçirilir, çoxsaylı qanunların məcmusundan yaranır.
Məsələn, Azərbaycan Respublikasının suverenliyinin təmin edilməsi qanunnauyğunluğu çoxlu
iqtisadi, siyasi, hüquqi, sosial, mənəvi və s. qanunların birgə, kompleks fəaliyyəti nəticəsində həyata keçirilə bilər.
Qanun predmet və hadisənin mövcudluğu və inkişafını şərtləndirən obyektiv, ümumi təkrarlanan,
mahiyyəti, nisbi, sabit, zəruri daxili və ən mühüm əlaqə və münasibətləri əks etdirən fəlsəfi
kateqoriyadır. Qanun əlaqələrinin bir sıra spesifik xüsusiyyətləri vardır: a) qanun predmet və hadisələrdə
nisbi sabit və təkrarlanan əlaqə və münasibətdir, bir predmet və hadisəyə deyil, onların bir qrupuna deyil,
müəyyən bir sistemə və ya sistemlərə xas olan əlaqə və münasibətlərdir. Məsələn, enerjinin itməməsi və çevrilməsi qanunu, maddənin növlərinin çevrilməsi qanunu və
s. bütün maddi cisimləri əhatə edir.
Fəaliyyətinə görə qanunların iki növü vardır. Funksiya qanunları müəyyən zaman və məkan
daxilində mövcud olan cisim və hadisələr arasındakı mühüm və zəruri əlaqələri ifadə edən qanunlardır.
Məsələn, ümumdünya cazibə qanunu.
İnkişaf qanunları isə hadisələrin aşağı mərhələlərindən yüksəyə, sadədən mürəkkəbə doğru inkişafını ifadə edən, əlaqələri əks etdirən qanunlardır.
Fəaliyyət miqyasına qanunların üç növünü qruplaşdırmaq olar; Ən ümumi, ümumi və xüsusi.
Ən ümumi qanunlar təbiətdə, cəmiyyətdə və təfəkkürdə fəaliyyət göstərən, gerçəkliyin bütün
sahələrinə aid olan ən ümumi əlaqə və münasibətləri əks etdirən qanunlardır. Dialektık fəlsəfənin üç
əsas qanunu (“Kəmiyyət dəyişikliklərinin keyfiyyət dəyişikliklərinə keçməsi”, “Əksiklərin vəhdəti və
mübarizəsi qanunu”, “İnkarı–inkar” qanunu”) ən ümumi qanunlar adlandırmışdır.
Ümumi qanunlar obyektiv gerçəkliyin ancaq bir tərəfində, müəyyən sistem daxilində və
sistemlərarası fəaliyyət göstərən qanunlardır. Məsələn, ictimai, siyasi, mənəvi qanunlardır.
Xüsusi qanunlar isə gerçəkliyin ancaq müəyyən bir hissəsində elmin bu və ya digər sahəsində
fəaliyyət göstərən qanunlardır. Cisimlərin atom çəkisinə dair elementlərin dövri sistemi qanunu, bazisin
üstquruma nisbətən müəyyənedicilik, dəyər qanunu və s.
Qanun və qanunauyğunluqlar fəaliyyət təsiri dairəsinə görə dinamik və statistik olmaqla da iki növə ayırmaq olar.
Dinamik qanun və qanunauyğunluq bütöv predmet, hadisə və proseslər məcmusunun hər bir ayrıca ünsürü üçün təsir qüvvəsinə malik olan əlaqə və münasibətlərin əks olunmasıdır.
Statistik qanun və qanunauyğunluq isə bütöv hadisələr sistemi üçün təsir qüvvəsinə malik olan
qanunları ifadə edir ki, bu qanun və qanunauyğunluqlar bütövün hər biri ayrıca ünsürü üçün təsir
qüvvəsinə malik deyildir. Statistik qanunauyğunluqda bir çox hadisələr içərisində bir ümumi əlaqə,
əlamət müxtəlif şəkildə yayılmışdır.
Bu ümumi əlamət, qanunauyğunluq çoxsaylı hadisələr sistemində müxtəlif şəkildə təzahür edir, aşkara çıxarılır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 44
Kəmiyyət dəyişikliklərinin keyfiyyət dəyişikliklərinə qarşılıqlı keçməsinin
dialektikası - Kəmiyyət dəyişikliklərinin keyfiyyət dəyişikliklərinə keçməsi gerçəkliyin ən ümumi,
obyektiv qanunlarından biridir. Bu qanunun mahiyyətini və fəaliyyət mexanizmini başa düşmək üçün
“keyfiyyət”, “xassə”, “kəmiyyət”, “ölçü”, “sıçrayış” və s. anlayışları bir – birindən fərqləndirmək və
mənimsəmək lazımdır.
Məlimdur ki, gerçəklikdə çoxsaylı predmet və hadisələr vardır. Onlar nə qədər çox, bir–birinə
bənzər və mürəkkəb olsalar da əsasən biz onları qarışdırmır, bir – birindən fərqləndiririk. Ona görə ki,
onların hamısının spesifik, özünəməxsus fərqləndirici xüsusiyyətləri, xassələri keyfiyyətləri vardır.
Məsələn, metallardan dəmir, polad, mis, qızıl və s. kimi metallar ümumi xassələrə malik olsalar da
onların hər birinin ayrılıqda özünəməxsus atom çəkisi, elektriki keçirmə qabiliyyəti, hava və rütubətə
davamlılığı xassəsi, isitilik keçirmə qabiliyyəti və s. vardır.
Predmet və hadisələri bir – birindən fərqləndirən cəhət onların xassələıri və başlıcası isə onların
keyfiyyətləridir.
Keyfiyyət predmet və hadisəyə daxilən xas olan, onu başqa predmet deyil, məhz həmin predmet
edən saysız – hesabsız başqa predmetlərdən fərqləndirən ən başlıca cəhətdir, bütün mühüm xassələrin,
qabiliyyət və cəhətlərin məcmusudur.
Keyfiyyət predmetin müəyyənliyi və mənliyidir. Keyfiyyətini itirdikdə cisim daha mövcud halını da itirmiş olur, başqa keyfiyyətə çevrilmiş olur.
Xassə predmet və hadisələrin başqaları ilə qarşılıqlı münasibətlərində meydana çıxır. Xassə
predmet və hadisənin ancaq konkret bir cəhətini, bir xüsusiyyətini əhatə edir. Məsələn, metalın bərkliyi,
ərimə temperaturu, elektriki keçirməsi, atom çəkisi və s. onun konkret xassələridir. Deməli, xassə
predmet və hadisənin ancaq bir cəhətini, konkret bir xüsusiyyətini bildirdiyi halda, keyfiyyət predmetin
bütövlüyünü ifadə edir. Cisim bütün xassələrini itirməsi, onun elə keyfiyyətinin itirməsi deməkdir.
“Alma” əgər dadını, iyini, görünüşünü, fiziki xassələrini və s. itirərsə, o artıq alma deyil lazımsız bir
əşya, tullantıdır. Keyfiyyət və xassə obyektivdir, cisim və hadisələrə daxilən xasdır, atributiv səciyyə
daşıyır. Kəmiyyət cisim və hadisələri fərqləndirən obyektiv dərəcədir.
Kəmiyyət predmet və əşyanın məkanda ölçüsünü, çəkisini, yerdəyişmə ardıcıllığını, böyüklüyünü,
həcmini sürəkliyini, dəyişmə sürətini, inkişaf dərəcəsini, intensivliyini, ümumiyyətlə miqdar
müəyyənliyini ifadə edən fəlsəfi kateqoriyadır. Bir qayda olaraq kəmiyyət rəqəmlə ifadə olunur, ölçü,
çəki, həcm və s.bildirir.
Ölçü kəmiyyət xassələrinin elə mövcudolma intervalıdır ki, həmin çərçivə daxilində mütləq
cismin keyfiyyəti də mövcud olur. Ölçü pozulduqda, cisim köhnə halında qala bilmir, o başqa cismə
çevrilir. Ölçü kəmiyyətlə keyfiyyətin vəhdətidir, onun pozulması kəmiyyət dəyişikliklərindən
keyfiyyətə keçilməsidir.
İnkişaf məhz kəmiyyət dəyişmələrinin müəyyən səviyyədə ölçünü pozması yeni keyfiyyət
dəyişikliklərinin qarşılıqlı bir – birinə keçməsindən ibarətdir. Bu inkişafın obyektiv dialektik qanunudur.
Bu inkişafın ona görə ən ümumi qanunudur ki, bütün real gerçəklikdə təbiətdə, cəmiyyətdə və təfəkkür prosesində fəaliyyət göstərir, inkişafı səciyyələndiri.
Kəmiyyət dəyişmələrinin ölçünü pozaraq müəyyən səviyyədə keyfiyyət dəyişmələri doğurması,
köhnə keyfiyyətdən yeni keyfiyyətə keçilməsi də düzxətli, birbaşa baş verən proses deyildir. Burada
kəsilməzlik və kəsilənlik, tədricilik və sıçrayışlı inkişaf formaları vəhdət halında özünü göstərir.
Kəsilməzlik (və ya fasiləsizlik, tədricilik) yavaş–yavaş baş verən, çox az nəzərə çarpan kəmiyyət
yığımı prosesidir. Bu mərhələdə mövcud olan artır, yaxud azalır, lakin keyfiyyət dəyişmir, cisim və hadisə köhnə halında qalır.
Kəsilənlik (və ya sıçrayışlı inkişaf) cisim və hadisənin keyfiyyətində dəyişiklik əmələ gəlir, köhnə
keyfiyyətin mövcudluğu sanki kəsilir, yeni keyfiyyət halına keçir, köhnə keyfiyyət artıq köhnə forma
və şəraitdə mövcud olabilmir.
Sıçrayış köhnə keyfiyyətdən, yeni keyfiyyətə keçid formasıdır, predmet və hadisənin açıq, sürətli keyfiyyət dəyişikliklərinin ifadəsidir. Keyfiyyət dəyişikliklərinin tədricən baş verməsi belə yenə
sıçrayışdır, çünki burada köhnə keyfiyyət halından yenisinə keçilir. Sıçrayışın iki növü vardır: tədrici (yavaş–yavaş) və ani, sürətlə (təcili, qəflətən) baş verən keyfiyyət dəyişikliklərini ifadə edən
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 45
sıçrayışlar. Sıçrayışlar vaxt etibarilə qəflətən ani olaraq, bəzən on illərlə, milyon, milyard illərlə davam
edən bir müddət ərzində baş verə bilər. Məsələn, Yerdə insanın əmələ gəlməsi milyon illərlə davam edən
ən böyük keyfiyyət sıçrayıçıdır. Müəyyən bir sosial inqilab isə bir il müddətində və ya bir ay, bir neçə gün bir an içərisində baş verə bilər.
Əgər mikroproseslərdə sıçrayış ani, hətta bir neçə saniyədə baş verirsə, kosmik proseslərdə
milyard illəri əhatə edir.
Məhz bu cəhətlərə görə inkişafın təkamül və inqilab kimi iki formasını qeyd etmək olar. Təkamül tədrici kəmiyyət artımı mərhələsinə, inqilab isə keyfiyyət dəyişikliyi mərhələsinə sıçrayışlara
uyğundur. Təkamül mövcud olanın tədricən, kəmiyyətcə dəyişməni nəzərdə tutursa, inqilab mövcud
olanın əsaslı keyfiyyət dəyişkənliyidir, sıçrayışıdır. Onlar bir – birilə qarşılıqlı əlaqədardır və inkişaf prosesində biri digərinə keçə bilər.
Əksliklərin vəhdəti və mübarizəsi qanunu - Bu qanun ümumi hərəkət və inkişafın
səbəblərini, mənbələrini, hərəkətverici qüvvələrini müəyyən edir, “inkişaf nə səbəbə baş verir?” sualına
cavab verir.
Bu nöqteyi - nəzərdən materialist filosoflar “əksliklərin vəhdəti və mübarizəsi” qanununu
dialektikanın məğzi, özəyi adlandırmışlar. Həmin filosoflara görə cisim və hadisələrin bir – biri və daxili
tərəfləri arasındakı ziddiyyətlər, onların həll edilməsi və mübarizəsi hərəkət və inkişafın mənbəyi,
səbəbidir, bunsuz heç bir inkişaf baş verə bilməzdi. Bu mənada inkişaf “özinkişafdır”, hərəkət
“özhərəkətdir”, “əksliklərin vəhdəti və mübarizəsidir”.
Əksliklərin vəhdəti və mübarizəsi qanununu başa düşməkdən ötrü “eyniyyət”, “fərqlilik”, “ziddiyyət”, “əkslik”, “münaqişə” və s. anlayışların mahiyyətini bilmək, onları fərqləndirmək zəruridir.
Bu anlayışları iki mənada səciyyələndirmək olar: 1. “Əkslik” gerçəklik hadisələrinə xas olan, onların inkişafını şərtləndirən ən ümumi
müəyyənlikdir, digər anlayışlar (“fərqlilik”, “ziddiyyət”, “münaqişə” və s.) isə əksliyin təzahür
xüsusiyyətləridir.
1. “Əkslik” ziddiyyətlərin kəskinləşməsi dərəcəsi, mənafe fərqlərinin artıb tam qütbləşməsi və
barışmazlığı forması və təzahürüdür. Bu mənada “əkslik” fərqliyin ziddiyyətə, ziddiyyətin inkişaf edib
əksliyə və münaqişəyə çevrilməsi prosesinin ifadəsi, ziddiyətin kəskin və yüksək dərəcəsidir.
Bir hadisədə onu həm ümumi hadisələrlə birləşdirərək “eyniləşdirən” eyniyyət cəhətləri həm də onları ümumidən ayıran fərqlilik vardır.
Eyniyyət predmet, hadisə və proseslərlə başqa predmet və onların öz daxili tərəfləri arasındakı
əlaqə və münasibətlərin məzmun və formaca, xassə və vasitə oxşar, ümumi eyniyyət təşkil edən
cəhətlərin ifadəsinə deyilir. Fərqlilik predmet, hadisə və prosesin daxili tərəf və meyllərini biri–
birindən və başqa xarici hadisələrdən ayıran, fərqləndirən cəhətlərin ifadəsinə deyilir. Eyniyyət və
fərqlilik anlayışları nisbidir, müəyyən şərait dəyişdikdə bir – birinə keçə çevrilə bilərlər. Hadisələr
arasındakı müxtəliflik, fərqlilik cəhətləri, meylləri isə mütləqdir, onlar inkişaf edərək ziddiyyətə gətirib
çıxara bilərlər.
Ziddiyyət predmet, hadisə və proseslər onların daxili tərəfləri arasındakı fərqliliyin, dərinləşməsi,
kəskinləşməsidir. Ziddiyyət əksliyə, əkslik də ziddiyyətə çevrilə bilər. Məsələn, kapitalizmin ilkin
dövrlərində burjuaziya və fəhlə sinfi arasında mənafe əksliyi üzrə ziddiyyət və əksliyə, əkslik münaqişəyə
çevrilə bilər.
Predmet və hadisələr daxilən obyektiv ziddiyyətli təbiətə malikdir. Aristotel qeyd edirdi ki, ola
bilməz ki, bir hadisəyə həm “hə”, həm də “yox” deyəsən. Müsbət və mənfi cəhətlər eyni hadisəyə daxilən
xas ola bilməz, “hə - hədir, yox – yoxdur”, başqa cür də ola bilməz. XVII–XVIII əsr metafizikləri də iddia
edirdilər ki, cisim və hadisələrdə heç bir daxili ziddiyyətlər yoxdur, onlar “özləri – özlərinin eynidir”.
Müasir metafiziklərin nümayəndələri predmet və hadisənin ziddiyyətli mahiyyətini qəbul etmir,
ziddiyyətlərin real mövcudluğunu rədd edir, onu ancaq fikirlərdə, təfəkkürdə ola biləcəyini söyləyir.
Əslində ziddiyyət obyektivdir, predmet və hadisənin başqa hadisələrlə və daxili tərəflə qarşılıqlı münasibətindən irəli gəlir: həyat və ölüm, müsbət və mənfi yük, təsir və əks təsir, maddələrin
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 46
assimilyasiyası və dissimilyasiyası, siniflər mübarizəsi məhz bu obyektiv ümumi qanunauyğunluğu
ifadə edir.
Ziddiyyətlər müxtəlif və rəngarəngdir. Ayrı – ayrı konkret elmlər gerçəkliyin bu və ya digər
sahəsində hərəkətin bu və ya digər növündə təzahür edən ziddiyyətləri öyrənir, aşkar edir, onlardan əməli
məqsədlərlə istifadə olunması və həll edilməsi yollarını öyrənir. Fəlsəfə gerçəkliyin bütün sahələri üçün
ümumi olan universal ziddiyyətləri öyrənir. Həmin ən ümumi ziddiyyətləri daxili və xarici, əsas və qeyri
- əsas başlıca və başlıca olmayan, antoqanist və qeyri – antoqanist və s. kimi növlərə ayırmaq olar.
Daxili ziddiyyətlər predmet və hadisənin daxilində bir – birinə zidd və ya əks tərəflərin qarşılıqlı
təsir münasibətlərini ifadə edən ziddiyyətlərdir.
Xarici ziddiyyətlər müəyyən predmet və hadisənin başqa xarici predmet və hadisələrlə, təbii və
sosial mühitlə qarşılıqlı təsir münasibətlərini əks etdirən ziddiyyətlərdir. Daxili ziddiyyətlər mühüm və
aparıcıdır, inkişafın mənbəyidir, özhərəkətin səbəbidir. Lakin xarici ziddiyyət də fəaldır, ciddi təsir
gücünə malikdir, inkişafı sürətləndirə və ləngidə bilər. Məsələn, cəmiyyət inkişafı üçün daxili və aparıcı
ziddiyyət məhsuldar qüvvələrlə istehsal münasibətləri arasındakı ziddiyyətlərdir. Onu tənzim və həll
etmədən cəmiyyət yaşaya bilməz. Əsas ziddiyyət inkişafda aparıcı rol oynayan, həll edilməsi iləbir çox
başqa ziddiyyətlərin də həll edilib, aradan çıxmasına səbəb olan ziddiyyətə deyilir. Məsələn, canlı
orqanizm üçün maddələr mübadiləsinə girmək, orqanizm ilə mühit arasındakı ziddiyyətlər əsas
ziddiyyətlərdir. Qeyri - əsas ziddiyyət isə inkişaf üçün aparıcı olmasa da, müəyyən təsiredici
ziddiyyətlərdir. Məsələn, cəmiyyət miqyasında iqtisadi ziddiyyətlərin həll edilməsi əsas olsa da sosial –
siyasi, mənəvi, məişət və s. kimi ziddiyyətlərin həll edilməsi, qeyri - əsas olsa belə çox əhəmiyyətli və
təsirlidir. Başlıca və başlıca olmayan ziddiyyətlər mahiyyət etibarilə əsas və qeyri - əsas ziddiyyətlərə
yaxındır, onlarabənzəyirlər.
Başlıca ziddiyyət, daxili və xarici, əsas və qeyri - əsas olmasından asılı olmayaraq, müəyyən zaman
daxilində birinci yerə çıxan həllini tələb edən ziddiyyətdir. Məsələn, bütün 1988-1993–cü illərdə bizim
müstəqil Azərbaycan Respublikası üçün başlıca ziddiyyət Ermənistanın törətdiyi təcavüzlə bağlı yaranan
müharibə və onunla bağlı problemlərdir. Bu zaman çərçivəsində isə bütün başqa ziddiyyətlər başlıca
olmayan ziddiyyətlərdir. Ziddiyyətlərin növlərindən birini də antoqanist ziddiyyətlər təşkil edir. Bunlar
təbiətdə bu və ya digər dərəcədə təzahür etsələr də əsasən ictimai və ya cəmiyyət ziddiyyətləridir,
cəmiyyətdəki müxtəlif ictimai sosial siyasi mənafeləri olan siniflər, soaial təbəqələr, qruplar, xalq və
millətlər, ictimai hərəkatlar, partiyalar və s.arasında mövcud olan qarşılıqlı əlaqə və münasibətləri əks
etdirən ziddiyyətlərdir.
İnkarı – inkar” qanunu - İnkarı – inkar dialektikasının ən ümumi qanunudur, gerçəklikdəki
inkişafın perspektivlərini, meyllərini və istiqamətlərini, forma və nəticələrini bildirir. İnkarı – inkar
gerçəkliyin bütün sahələrində (təbiətdə, cəmiyyətdə və idrakda) fəaliyyət təsirinə malik olan, inkişafda
qarşısıalınmazlıq və varisliyi vəhdət halında əks etdirən, köhnənin bir çox cəhətlərinin yenidən
təkrarlandığı ifadə edən ümumi qanundur. İnkişaf prosesində inkar yeninin köhnənin əvəz etməsidir; ölüb
getməkdə olanın yeni yaranmaqda olanla əvəz olunmasıdır, köhnəlik zəminində yaranan yeninin tədricən
möhkəmlənməsi, inkişaf etməsi və qələbəsidir, eyni zamanda köhnənin bir çox cəhətlərinin
təkrarlanmasıdır. “İnkar” terminini fəlsəfəyə Hegel gətirmişdir, “inkarı–inkar” termini şəklində
işlədilmişdir. Lakin obyektiv idealist mövqeyində duran Hegel, bu qanunun fəaliyyət mənbəyini də
idealistcəsinə mənalandırmışdır. Hegelin dialektik sistemində inkişaf məntiqi ziddiyyətlərin əmələ
gəlməsi və aradan qaldırılmasındanibarətdir.
Bu mənada inkişaf köhnə mərhələnin daxilən inkar edilməsidir, sonra isə həmin inkar edən yeni də bir müddət inkşafdan sonra inkar olunur, inkarı – inkar baş verir. Bu qanunun məzmununa daxil olan bir
sıra məsələlər yeninin qarşısıalınmazlığı, köhnənin inkar edilməsi, inkişafda varislik əlaqəsi,
inkişafın düz xətt üzrə getməsi və s. fəlsəfə tarixində Hegeldən çox əvvəllər də məlum idi. İnkarlı inkişaf xüsusiyyəti gerçəklik hadisələrinə daxilən xasdır, maddi hadisələrin inkişafının real
momentidir. Heç bir sahədə əvvəlki mövcudluq formalarını inkar etməyən inkişaf baş verə bilməz. Yer qabığının inkişafı və formalaşması bir neçə geoloji dövrdən keçmişdir. Əvvəlki mərhələ üzərində əmələ
gələn hər bir yeni dövr köhnədən özünə zəmin götürərək əvəz etmiş, bu prosesin
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 47
təkrarı üzrə inkarlı inkişaf baş vermişdir. Hər nəsil köhnə nəslin yaratdığı maddi və mənəvi sərvətlərdən
özünə faydalı olanı mənimsəmiş və ümumi varislik yaradaraq, köhnəni inkar edə - edə inkişaf etmişdir.
İnkarın anlaşılmasında münasibətdə dialektik və metafizik mövqe fərqləndirilməlidir.
İnkara metafizik münasibət, köhnənin mütləq məhv edilməsidir. İnkara dialektik münasibət isə
inkara köhnə ilə yeni arasında əlaqə momenti kimi, köhnədə yeni lazım olan keyfiyyətlərin
mənimsənilməsi kimi baxır.
Dialektikada köhnə inkar edilmədən yeninin meydana çıxması və bütövlükdə inkişaf prosesi
mümkün deyildir. İnkişaf mərhələlərlə davam edir ki, hər bir mərhələ özlüyündə üç yarım mərhələyə
bölünür: obyektiv çıxış nöqtəsi, onun öz əksliklərinə çevrilməsi və ya inkar, həmin əksliklərin də öz
əksliklərinə çevrilməsi. Dialektik inkar fasiləsizlikdə fasiləni, inkişafda varisliyi, yüksək mərhələdə
ibtidainin təkrarını ifadə edir.
Bu qanun həmçinin onu da göstərir ki, inkişaf prosesində köhnə içərisindən meydana çıxan yeni,
köhnə ilə varislik yaradarkən, köhnənin nisbi sabitliyi əsasında, ondan mütərəqqi cəhətləri alıb,
mənimsədiyi kimi, onun zərərli meyl və ənənələrini də mənimsəyib nəsildən – nəslə verir. Belə nisbi
sabitlik üzündən köhnəlikdən tezliklə xilas olmaq mümkün olmur. Bu cəmiyyətdən böyük iqtisadi,
sosial, siyasi və mənəvi tədbirlər işləyib həyata keçirməyi, yeninin qəti qələbəsini təmin etməyi tələb
edir. Bu xüsusiyyətlərin hamısı həm təbiət, həm cəmiyyət, həm də idrak hadisələrnə ümumən xasdır,
gerçəklik üçün fəaliyyət təsirinə malikdir. Məsələn, kapitalizmdə xüsusi mülkiyyət əvvəlki quldarlıq və
feodalizmdəki kimi təkrar olunur, sanki geriyə qayıdılır, lakin bu tamam yeni keyfiyyətli xüsusi
mülkiyyətdir, ancaq istehsal alət və vasitələri üzərindəki xüsusi mülkiyyətdir, insanlar, işçi qüvvəsi
üzərində yox. Deməli, dialektikaya görə inkişaf düz xətlə deyil, “spiralabənzər” davam edir, burada ilkin
ana qayıtma, köhnənin təkrarı vardır, lakin bu qayıdış və təkrarlar daha yeni əsaslarla, daha dolğun,
zəngin baş verir. Yeni köhnəni tamamilə atmır, köhnədə mütərəqqi olanların hamısını mənimsəyir,
yaşadır və inkişaf etdirir. Əgər, varislik, köhnədən istifadə ənənələri olmasaydı, onda bəşəriyyətin
yaratdığı mədəniyyət nümunələri yazı, musiqi, heykəltaraşlıq nümunələri, elm, bədii ədəbiyyat və s. bir
kənara atılmalı, rədd edilməli idi. Hər gələn yeni nəsil özü üçün yeni mədəniyyət yaratmalı idi.
Beləliklə, inkarın dialektik anlayışına görə inkarı–inkar obyektivdir, inkişafda yeni köhnəni tam
inkar etmir, inkişaf da yeni öz dövrünü başa vurduqdan sonra bu gün inkar edən yeni özü də inkar olunur,
inkarı–inkar baş verir; inkarı–inkar, köhnənin mütərəqqi cəhətlərinin mənimsənilməsinin köhnə ilə yeni
arasında varislik əlaqəsini ifadə edir, bu qanun həmçinin onu da göstərir ki, inkşaf prosesində köhnə
içərisindən meydana çıxan yeni, köhnə ilə varislik yaradarkən, köhnənin nisbi sabitliyi əsasında, ondan
mütərəqqi cəhətləri alıb mənimsədiyi kimi onun zərərli meyl və ənənələrini də “mənimsəyib” nəsildən–
nəslə verir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 48
MÖVZU 12
DİALEKTİKANIN KATEQORİYALARI
Kateqoriyalar: mahiyyəti, əhəmiyyəti və təsnifatı - Ən ümumi əlaqələr və dəyişilmə,
inkişaf qanunları haqqında elm olan dialektikanın öz anlayışları, kateqoriyaları vardır.
Kateqoriyalar gerçəklikdəki obyektiv, universal və ümumi, müəyyən etmək struktur, sistemlilik və
s. əlaqə və münasibətləri ifadə edir. “Kateqoriya” yunan dilində mənası “fikir söyləmək”, “mülahizə
yürütmək”, “mühakimə etmək” və s. deməkdir. Fəlsəfi mənada kateqoriyalar real gerçəklikdə (təbiətdə,
cəmiyyətdə və təfəkkürdə) mövcud olan, obyektiv qanunauyğun və mahiyyətli əlaqə və münasibətləri əks
etdirən ən ümumi və fundamental anlayışlardır. Anlayışlar olmadan heç bir fikir söyləmək mümkün
olmazdı.
Məsələn, “varlıq”, “təfəkür”, “idrak”, “qanun”, “hərəkət”, “inkişaf”, “əlaqə”, “səbəb” və s. fəlsəfi
anlayışlar – kateqoriyalardır.
Kateqoriyalar real gerçəklikdə - təbiətdə, cəmiyyətdə və təfəkkürdə predmet, hadisə və
proseslərin dəyişmə və inkişafını şərtləndirən obyektiv, qanunauyğun və mahiyyətli əlaqə və
münasibət əks etdirən ən ümumi və fundamental fəlsəfi anlayışlardır. Kateqoriyalar haqqında ilk
mükəmməl fəlsəfi baxış Aristotelin “Kateqoriyalar” adlı traktatında verilmişdir.
Kateqoriyaların mahiyyətinin təhlil edilməsində İ.Kantın xüsusi rolu olmuşdur. Kant
kateqoriyalara “özündə şeylər” dünyasının obyektivliyindən irəli gələn bir hadisə kimi deyil, subyektə,
təfəkkürə xas olan bir fenomen kimi baxmış, onları “mühakimənin, idrakın formaları” hesab etmişdir.
O, kateqoriyaların təsnifatını belə müəyyən etmişdir: keyfiyyət (gerçəklik, inkar, məhdudluq); kəmiyyət
(tək, cəm, bütöv, tam); münasibət (substansiya, xassə, səbəb, təsir və qarşılıqlı təsir); modallıq (imkan
və imkansızlıq). Lakin o, bütövlükdə kateqoriyaları gerçəklikdən ayırır, onlara təfəkkürün dəyişməz
formaları kimi baxırdı, onları obyektiv gerçəklikdən, təcrübədən asılı olmayan mühakimənin məhsulu
hesab edirdi.
Kateqoriyalar haqqında dialektik, obyektiv idealist baxışı Hegel əsaslandırmışdı. Onun fikrincə
kateqoriyalar daxili hərəkət və dəyişmə prosesinin əbədi atributu, anadangəlmə mütləq ideyalarıdır.
XIX–XX əsrlərdə burjua fəlsəfəsində kateqoriyalar haqqında xüsusi bir ideya, fikir söylənilmişdir. XX
əsr fəlsəfəsi kateqoriyaların obyektiv məzmununu qəbul etmir, onların arasındakı qarşılıqlı təsir və
çevrilməni rədd edir. (R.Karnap, O.Neyrat və s.)
Kateqoriyaların mahiyyəti və təsnifatı haqqında fikirlərini belə yekunlaşdırmaq olar: onların ümumi
təsnifini, növlərini belə qruplaşdırmaq olar.
a) Ontoloji və ya substansiv kateqoriyalar. Onlara materialist, idealist, dualist münasibətlər xasdır. “Varlıq”, “materiya”, “ideya”, “təfəkkür”, “şüur” və s. belə ontoloji kateqoriyalardır.
b) atributiv kateqoriyalar, bunlar ontoloji kateqoriyaların mövcudluğu formalarını və ya ayrılmaz, atributiv xassələrini təşkil edir, onların mahiyyət və mövcudluğunu şərtləndirir.
“Məkan”, “zaman”, “hərəkət”, “ziddiyyət”, “keyfiyyət”, “kəmiyyət”, “ölçü”, “hal” və s. atributiv
kateqoriyalardır. c) nisbət və ya relyativ kateqoriyalar. Onlara “cüt” kateqoriyalar da deyilir. Bunlar üçün
əsas əlamət odur ki, onlar ikitərəflidir (tək və ümumi, səbəb və nəticə, zərurət və təsadüf və s.) birinin
möcudluğu digərini də tələb edir, onlar ayrılıqda mövcud ola bilməzlər.
Ən ümumi və ya universal əlaqələri ifadə edən kateqoriyalar - Tək, xüsusi və ümumi.
Hər bir əşya, hadisə və prosesdə yalnız onun özünəməxsus, onu başqalarından, hətta ona oxşar
hadisələrdən fərqləndirən bir sıra xüsusi cəhətlər vardır. Məsələn, müəyyən konkret bir şəxsin (Əli, Vəli,
Məhəmməd və b.) özünəməxsus danışıq tərzi, qavrama qabiliyyəti, vərdişləri, yerişi və s. vardır. Məhz bu
cəhətlər ilə o, başqalarından ayrılır.
Təkcə ayrılıqda götürülən predmet, hadisə faktdır. Tək – özünəməxsus keyfiyyət, zaman, məkan
və digər xüsusiyyətləri ilə başqa, hətta oxşar əşya, hadisə və proseslərdən fərqlənən ayrıca götürüləni,
təkcəni səciyyələndirir. Tək ayrılıqda mövcud ola bilməz, bir adamın ölkədə, regionda, Yer kürəsində
yaşayan milyonlarla, insanlarla çoxlu ümumi cəhətləri, əlaqələri, oxşar taleləri vardır. Bütün insanların
ümumi anatomik–fizioloji quruluşu, psixik – şüurlu fəaliyyəti, sosial – ictimai
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 49
əlaqələri vardır. Deməli, tək həm də ümumidir, tək ümumiyə aparan əlaqədən başqa ayrı cür mövcud
deyildir. Ümumi – odur ki, onun vasitəsilə ilə çoxlu tək – tək, ayrı – ayrı əşya, hadisə və proseslər
arasındakı oxşar, ümumi cəhətlər təmsil edilmiş olur. Deməli, ümumi ayrıca götürülmüş xüsusi əşya,
hadisə və prosesin başqaları ilə oxşar, ümumi cəhətlərinin birgə ifadə vasitəsi, məcmusudur, ümumi
təkin başqaları ilə eyni qrup, sinif və millətə mənsub olduğunu bildirən ümumi əlaqələrin sisteminin
ifadəsidir.
Gerçəklikdəki konkret real predmet təkdir; lakin mütləq tək predmet mövcud ola, yaşaya bilməz;
o, yalnız ümumidə, milyon tellərlə başqaları ilə əlaqə və vəhdətdə mövcuddur. Ümumi və tək arasında
möhkəm dialektik qarşılıqlı əlaqə vardır.
Bəs xüsusi nədir? Xüsusi – ümumi ilə təkcə arasında əlaqə formasıdır, təki ümumiyə aparan
əlaqədir, yoldur. Hər bir əşya, hadisə və prosesdə tək və ümumi arasındakı dialektik qarşılıqlı əlaqəni
“xüsusi” fəlsəfi kateqoriyası ifadə edir. Məsələn, bitki ümumini, taxıl xüsusini, arpa təki, canlı
ümumini, insan xüsusini, Həsən isə təki ifadə edir və s. “Qızılgül çiçəyi bitkidir”, “qızılgül – təkcə”,
“çiçək” – xüsusi, “bitki” isə ümumidir.
Hər bir predmetin yalnız ona aid olan xüsusi cəhətləri vardır. Müəyyən konkret adamın (Əlinin,
Həsənin və s.) təkrar olunmayan öz xüsusi cəhətləri, bacarıqları, vərdişləri, marağı və meylləri, yerişi, danışıq tərzi vardır. Məhz bunlar həmin adamın planetimizdə yaşayan başqa adamlardan ayırır.
Tək, xüsusi və ümumi arasındakı qarşılıqlı əlaqələrin düzgün mənimsənilməsinin həm nəzəri, həm
də ciddi ictimai – praktik əhəmiyyəti vardır.
Mahiyyət və təzahür – dialektikanın ən ümumi universal kateqoriyalarından biridir. Mahiyyət –
cisim, hadisə və prosesin müəyyənliyidir, mənliyidir, onu başqa cisim, hadisə və proseslərdən
fərqləndirən, onu məhz həmin cisim və hadisə edən başlıca keyfiyyətlərdir. Azərbaycan Respublikası
müstəqillik əldə etdikdən sonra onun mahiyyəti gündəlik, həyatımızın gerçəklik hadisələrində; 20
sentyabr 1994–cü ildə Azərbaycanın neft sənayesində yeni eranın başlanmasında, Azərbaycanın Avropa
Şurasına üzv qəbul olunmasında, iri şirkətlərin Azərbaycanda fəaliyyət göstərməsində, xəstələrə,
qocalıqda əlilliyə görə təqaüd verilməsində və s. ifadə olunur.
Təzahür – mahiyyətin, xarici ifadəsi, formasıdır. Təzahür – elə konkret cisim, hadisə və prosesdir
ki, onun vasitəsilə gerçəkliyin və onun müxtəlif tərəflərinin mahiyyəti, müəyyənliyi zahirən ifadə
olunur, təzahür edir. Mahiyyət təzahür vasitəsilə özünü göstərir. Mahiyyət və təzahür arasında möhkəm
qarşılıqlı təsir əlaqələri vardır. Dünyada dərk olunmayan və müxtəlif hadisələrdə təzahür etməyən, təcrid
olunmuş halda mahiyyət yoxdur. Elə təzahür (hadisə) də yoxdur ki, özündə mahiyyət haqqında bu və ya
digər informasiyanı daşımış olmasın. Mahiyyət ilə təzahür həm vəhdət təşkil edir, habelə bunlar bir –
birinə əksdir. Onların əksliyi gerçəklik predmetlərinin özlərinin daxili ziddiyyətlərinin ifadəsidir. Hər
bir elmi axtarış o zaman məqsədinə çatmış olur ki, tədqiq etdiyi təzahürlərin ifadə etdiyi həqiqi mahiyyəti
aşkara çıxarmış olur.
Struktur əlaqələri ifadə edən kateqoriyalar - Məzmun və forma – struktur əlaqələri ifadə
edən kateqoriyalardan biridir. Gerçəkliyin hər hansı bir obyekti məzmunla formanın vəhdətindən ibarətdir.
Dünyada ümumiyyətlə məzmun yoxdur və ola da bilməz, yalnız müəyyən şəkildə formalaşmış məzmun
vardır. Bu və ya digər cismi, hadisəni və prosesi təşkil edən bütün elementlərin, cəhətlərin, tərəflərin,
qabiliyyət, əlaqə və münasibətlərin məcmusuna məzmun deyilir. Forma isə məzmunun qurulması
qaydaları, məzmunun təşkili sistemi və strukturunun ifadəsidir, onun tərkib hissələri arasında əlaqə
vasitəsidir, həmin cisim, hadisə və prosesi təşkil edən hissələrin məcmusudur, məzmunun ifadəsi və
təzahür vasitəsidir. Forma məzmunun zahiri ifadəsi deyil, ona daxilən xasdır. Görünüşün dəyişilməsi və
hətta itirlməsi məzmunda o qədər də dəyişiklik əmələ gətirmir. Məsələn, yazıçı İ.Şıxlının “Dəli Kür”
romanının üz qabığındakı kənd mənzərəsi, at, çay və s. onun məzmunundan xəbər versə də, onun
məzmununu tam ifadə etmir.
Canlı orqanizmin məzmunu maddələr mübadiləsi, qıcıqlanma, yığılma prosesləri və başqalarıdır, habelə bu proseslərin baş verdiyi orqanlar, toxumalardır. Orqanizmdə həyat proseslərinin cərəyan
etməsi qaydası, onun orqanları və toxumalarının strukturu canlı orqanizmin formasıdır. Məzmun və forma bir–birilə möhkəm qarşılıqlı əlaqə və təsirdədir; obyektiv vəhdət halındadır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 50
Sosial inkişafda da məzmun və forma uyğunluğu tarazlığı tələb olunur. Eyni vahid məzmun müxtəlif
formalarda təzahür edə bilər. Məsələn, Azərbaycanın milli mədəniyyəti çoxsaylı və rəngarəng milli
musiqimizdə, rəssamlıq və heykəltaraşlıq əsərlərində, elmi–fəlsəfi, bədii və mənəvi irsimizdə, toxuculuq sənətmizdə, folklorumuzda və s. təzahür edir, xalqımızın, müasir dünyanın sivilizasiyalı
millətləri sırasında layiqli yer tutmasına imkan verir.
Struktur və element (ünsür) kateqoriyası – struktur əlaqələr sistemində mühüm əhəmiyyət kəsb
edir. Bu kateqoriya bir sıra fəlsəfi ədəbiyyatda “Sistem, struktur və element” şəklində də qeyd olunur. Çünki bu kateqoriya ümumi sistemlilik prinsipinə istinad edir və hər hansı strukturu və elementi
müəyyən yarımsistem, sistemdaxili və sistemlərarası əlaqələrdə götürür.
Sistemlilik prinsipi əsasən XIX əsrdə formalaşmışdır. Ona qədər elmi idrak və elementarizm
mövqeyindən əsasən hissələrdən tama doğru getmiş, tam hissələrin məcmusu kimi yanaşmışdır. Yalnız
təbiətşünaslığın inkişafı əsasında İ.Kant qeyd edirdi ki, “elm aqreqat deyil, sistemdir”. XIX əsrdə bəşər
cəmiyyəti və bioloji aləmin qanunauyğunluqlarının kəşf edilməsi əsasında sistemlilik prinsipi də qəbul
edildi.
Determinlik əlaqələrini ifadə edən kateqoriyalar - Determinlik fəlsəfənin ən qədim
prinsipi və konsepsiyasıdır. (latınca “determino” müəyyən edirəm deməkdir). Bu, maddi və mənəvi aləm
hadisələrinin obyektiv qanunauyğun qarşılıqlı əlaqələnməsi, qarşılıqlı səbəblə bağlı olması və qarşılıqlı
şərtlənməsi haqqında ən ümumi prinsipdir. Determinlik həmçinin gerçəklikdə baş verən dəyişiklik və
inkişafın səbəblərinin izah edilməsi üsuludur, hərəkətlərin daxili səbəb və şərtlənməsi haqqında fəlsəfi
təlimdir. Determinizm konsepsiyasının özəyini səbəbiyyət ideyası, bir hadisənin səbəb, başqasının
nəticədən ibarət olması, onların bir – birinə qarşılıqlı keçməsi müddəası təşkil edir. Determinizm
prinsipini inkar edən baxış isə fəlsəfədə indeterminizm adlanmışdır. İndeterminizm hadisənin inkişafının
qanunauyğunluğu və səbəblə şərtlənməsini inkar edir. Lakin gerçəklik indeterminizm baxışını təsdiqləmir.
Determinlik əlaqələri özünün əsas ifadəsini səbəblə nəticənin qarşılıqlı münasibətində daha qabarıq
şəkildə biruzə verir.
Səbəb və nəticə - Gerçəklikdə cisim və hadisələr arasında obyektiv səbəb – nəticə əlaqəsi
mövcuddur: səbəb olmayan heç bir nəticə; nəticə ilə bağlı olmayan heç bir səbəb yoxdur. Onlar dialektik
vəhdətdədir: biri digərinə çevrilə bilər. Səbəb özündən sonra müəyyən predmet və hadisənin əmələ
gəlməsinə imkan verən, müxtəlif predmet və hadisələrin qarşılıqlı əlaqəsini yaradan amilləri ifadə edən
fəlsəfi kateqoriyadır. Nəticə isə - səbəbin təsiri ilə əmələ gələn hadisəni ifadə edən kateqoriyadır. Səbəb
həmişə nəticədən əvvəl gəlir. Məsələn, ilin fəsilləri ardıcıl olaraq bir – birini əvəz etsə də, heç də bir –
birinin səbəbi deyildir. Səbəb o, hadisədir ki, nəticədən əvvəl gəslin və hökmən yeni bir hadisəni
(nəticəni) doğursun. Məsələn, Yerin Günəş və öz oxu ətrafında fırlanması, gecə - gündüzdən əmələ gəlir
və s.
Səbəbiyyət və hadisələrdəki determinlik əlaqəsi obyektivdir, universal səciyyə daşıyır.
Səbəbiyyətin obyektivliyini qəbul etməyən müəyyən baxışlar da vardır. Əgər indeterminizm, zərurəti və
səbəbiyyəti tam inkar edirsə, dini teoloji baxış səbəbiyyəti başqa mövqedən izah edir. Bu baxışa görə
(yunan dilində - “teleos”– məqsəd, “logos”–təlim deməkdir) dünyanın inkişafı əvvəlcədən ilahi qüvvənin
müəyyən etdiyi məqsədlərin həyata keçirilməsindən ibarətdir. Burada səbəbiyyət obyektiv
qanunauyğunluq deyil, ilahi məqsədə uyğunluq əsas şərtdir. Əslində isə hər şey təbii səbəblər və obyektiv
qanunauyğunluqlar əsasında baş verir. Səbəb – nəticə əlaqələrinin fəlsəfi mahiyyətini bilməsək belə,
əməli fəaliyyətdə biz yenə də onların tələbləri ilə işləyir nəticələr çıxarırıq.
Zərurət və təsadüf - Müəyyən şərait olduqda daxili qanunauyğun əlaqələrin fəaliyyəti
nəticəsində hökmən (mütləq) baş verən hadisəyə zərurət deyilir. Zərurət inkişaf edən cisim, hadisə və
prosesin daxili, qanunauyğun əlaqələrindən, mahiyyətdən əmələ gəlir. Zərurət obyektivdir, müəyyən
sistem hadisələr çərçivəsində nisbi sabit və əbədidir. Təsadüf isə müəyyən şərait daxilində baş verməsi
məcburi olmayan hadisədir, həmin şəraitdə baş verə də bilər, baş verməyə də bilər. Təsadüf cisim və
hadisənin daxili təbiətindən irəli gəlmir, sabit deyildir, müvəqqətidir. Həmin anda mövcud şəraitin deyil,
başqa hadisələr sisteminin fəaliyyəti nəticəsində meydana çıxır. Toxumun torpağa düşməsi ilə əlverişli
şəraitdə (su, hava, Günəş şüalarının təsiri və s.) cücərməsi, gövdə bağlaması və dən verməsi zərurətdirsə,
dolu vurub onu zədələməsi və ya məhv etməsi təsadüfdür. Çünki həmin anda dolu məhz
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 51
bu ərazidə düşədə bilərdi, bilməyə də. Təsadüf səbəbsiz deyildir. Eyni bir hadisə eyni zaman daxilində
həm zəruri, həm də təsadüfü ola bilər. Dolunun bitkini məhv etməsi təsadüfdürsə, dolunun məhz həmin
ərazidəki atmosfer şəraitində baş verməsi zərurətdir. Metafizik təfəkkür metodunun bəzi nümayəndələri
yalnız zərurəti qəbul edir, həyatda baş verən hər şeyi zərurətlə bağlayır, təsadüfi tam inkar edirdilər.
İnsanlar zərurətin qarşısında acizdir, insan yalnız hadisələrin labüd qarşısıalınmaz gedişini fəaliyyətsiz
sürətdə gözləməlidir, onun “çalışıb–çabalaması əbəsdir”. Bu baxış, nəhayət fatalizmə gətirib çıxarır.
Fatalizmə görə dünyada baş verən bütün hadisə və proseslər zərurətin hakimiyyətinə tabedir, hər şey
əvvəlcədən müəyyən olunmuş yol ilə gedir.
Zərurətlə təsadüf arasında qarşılıqlı çevrilmə əlaqəsi vardır: müəyyən zaman daxilində zəruri olan,
başqa şəraitdə təsadüfü olur və əksinə. Təsadüf və zərurət təcrid olunmuş halda “xalis” şəkildə mövcud
ola bilməz. Tarixi prosesdə də zərurətlə təsadüfün münasibətində onların qarşılıqlı əlaqədə götürülməsi
mühüm şərtdir. Bu və ya digər ölkədə, zəruri şərait olduqda hökmən görkəmli tarixi şəxsiyyətlər meydana
çıxır. Lakin həmin görkəmli şəxsiyyətin məhz Napoleon, Hitler, Stalin və b. olması təsadüfdür. Həmin
təsadüflər də tarixi prosesdə müəyyən əhəmiyyətli rol oynayırlar.
İmkan və gerçəklik - İnkişaf üçün əsas şərt yeninin meydana çıxmasıdır. Yeni inkişafın irəliyə
doğru qarşısıalınmazlığını ifadə edən, hadisələrin zəruri və qanunauyğun əlaqələrindən yaranan, öz
imkan sərvət və vasitələri ilə indi meydana çıxan hadisə və prosesdir. Köhnə isə inkişafın tənəzzül
meylini ifadə edən, tarixi rolunu oynamış, öz imkan, sərvət və vasitələrinə sərf etmiş hadisə və prosesdir.
İnkişaf prosesində yeni ilə köhnənin mübarizəsində yenilik daim özünə yol açır, meydana çıxır, çünki
o hadisələr arasındakı obyektiv, qanunauyğun və zəruri əlaqələrdən doğur. Yenilik, öz–özünə, kortəbii
surətdə əmələ gəlmir, onun üçün şərait yaradılır, uğrunda mübarizə aparılır. Yeninin meydana çıxmasına
şərait yaradan həmin zəminə və ilkin əsasların məcmusuna imkan deyilir. Gerçəklik imkanın həyata
keçməsi, fəaliyyət göstərməsidir.
İmkan obyektiv qanunauyğunluqların fəaliyyəti təsirindən zəruri olaraq meydana çıxır. Müəyyən obyektiv şərait mövcuddursa, yenilik üçün lazım olan imkan da meydana çıxır və gerçəkliyə çevrilir.
Onun fəaliyyətini ləngitmək və sürətləndirmək olar, lakin obyektiv qanunauyğunluqlara əsaslandığı üçün qarşısını almaq olmaz.
İmkanlar mütərəqqi və mürtəce də ola bilər. Yeniliyin zəif olduğu, köhnəliyin üstünlüyü, ciddi
müqaviməti nəticəsində mürtəce imkan fəallaşır, yeniliyin inkişafı ləngiyir, müəyyən şəraitdə köhnə
ilə yeninin mübarizəsində köhnəlik qələbə çala bilər. Lakin bu hal hadisələrin irəliyə doğru, zəruri
inkişaf meylinə, mütərəqqi qüvvələrin mənafeyini ifadə etmədiyinə görə müvəqqəti səciyyə daşıyır,
gec – tez öz yerini yeniliyə verir.
Bundan əlavə real və abstrakt (formal) imkanları və imkansızlığı bir–birindən fərqləndirmək lazımdır.
Real imkan – elə imkandır ki, müəyyən konkret şəraitdə onun həyata keçməsi üçün real zəruri və
obyektiv zəmin vardır. Məsələn, SSRİ–nin dağılması və müstəqil milli respublikaların əmələ gəlməsi
məhz belə real imkanı ifadə edir. Abstrakt (formal) imkan isə elə imkandır ki, onun reallaması həyata
keçməsi müəyyən, mövcud tarixi şəraitdə mümkün deyildir. Məsələn, Günəş sistemi planetlərinin digər
böyük səma cisimləri ilə toqquşması abstrakt (formal) imkandır. İmkansızlıq heç zaman reallaşa
bilməyən hadisədir. Çünki onun obyektiv zəmini yoxdur, hadisələr arasındakı qanunauyğun, zəruri
əlaqələrdən irəli gəlmir. Real və abstrakt imkan arasındakı əlaqədən asılı olaraq onlar bir – birinə keçə
bilər. Əgər XIX əsrdə insanın kosmosa uçması abstrakt, qeyri – real idisə, XX əsr onu mümkün etdi,
reallığa çevirdi. Arzular həqiqətə, abstrakt imkanlar reallığa çevrilə bilər, bütün mürəkkəb, hətta ən çətin
problemlərin də həlli yolları tapılabilər.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 52
MÖVZU 13
FƏLSƏFƏDƏ İNSAN PROBLEMİ
Qədim yunan filosoflarından biri olan Diogen əlində fanar “insan” axtarıram demişdir. Yer
üzərində bütün maddi və mənəvi mədəniyyətin, ictimai formaların yaradıcısı və müəyyənedicisi insandır. Onun formalaşmasında bioloji, psixoloji və sosial amillər vəhdət təşkil etmişdir.
Lakin fəlsəfə tarixində heç də həmişə insanın mahiyyətinə bioloji, sosial və mənəvi–psixoloji
amillərin vəhdəti kimi baxmamışlar. Antik fəlsəfə insanı “mikrokosm” adlandıraraq ona kainatın bir
hissəciyi kimi baxmışdır. İslam, xristian və digər dini fəlsəfədə insana ruh və canın vəhdəti kimi
münasibət bəsləmişlər.
Materialist fəlsəfə isə insana biopsixososial varlıq kimi baxır, onu bəşər cəmiyyətinin yaratdığı ən qiymətli sərvət hesab edir.
Əmək nəticəsində insanda yeni sosial – insani keyfiyyətlər: dil, nitq, təfəkkür, ünsiyyət, əqidə,
inam, dünyagörüşü və s. formalaşmışdır. Psixoloji planda insanda ilkin instinktiv qabiliyyət formalaşıb
inkişaf etmişdir. Bu yolla da yeni bioloji növ olan “Homo sapiens” (ağıllı ictimai insan) – ictimai
münasibətlərə girən ağıllı insan əmələ gəlmişdir. Antropososgenez kompleks xarakter daşıyır və insan
probleminin öyrənilməsində bütün humanitar, təbiət və texniki elmlərin içərisində insanın sosial
təbiətini öyrənən elm – fəlsəfə aparıcı rol oynayır.
XIX əsrin II yarısında elm insani–bioloji təkamül nəticəsi hesab edirdi. Əsas diqqət insanla ən inkişaf etmiş heyvanlar arasında fərqlərin müəyyən edilməsinə verilmişdir. Heyvan müəyyən instinktiv
normalarla doğulur və öz davranışını müəyyən edir.
Tarixən müxtəlif cəmiyyətlərə və qruplara malik olan insanların davranış normaları, tərzləri çox müxtəlif olur, baxmayaraq ki, bioloji növ eynidir. Odur ki, insanın mənşəyi məsələsini ancaq bioloji
amillərlə izah etmək kifayət deyildir.
İnsanlar özlərini heyvanlardan hər şey üzrə fərqləndirə bilərlər: şüura görə, dinə görə və s.
Lakin bu fərqlənmə insanın özünə yaşayış vasitələri əldə etməsindən başlanır İnsanın heyvanlardan ayrılması da, cansızdan canlı varlıqların ayrılması qədər böyük sıçrayışdır.
Əgər antropoloqlar ağıllı insanın əmələ gəlməsini təkamül prosesi ilə izah edirlərsə, filosoflar onu
inqilabi sıçrayışla bağlayırlar. Elm sübut edir ki, bu uzunmüddətli prosesdir, o, birdəfəlik aktla əmələ
gələ bilməz. Burada antropogenez və sosiogenez qarşılıqlı əlaqədə olmuşdur. Həmin prosesin elm 3 -
3,5 milyon il müddətində uzandığını ehtimal edir.
Antropososigenezdə ailə münasibətlərinin formalaşması da müəyyən rol oynamışdır. Həmin
praktik proses isə heyvani sürüdən ibtidai qəbilə icmasına keçiddən başlanır, o, da ailə prosesinin
formalaşması ilə səciyyələnir. Bütün bu bioloji əlaqə münasibətlər “Neolit inqilabı” ilə nəticələndi:
ibtidai insan təbii sərvətləri yığıb toplamaqdan, ovçuluqdan, təsərrüfat fəaliyyətinə keçdi, (əkinçiliyə,
maldarlığa, sənətkarlığa) bununla da insanın formalaşması başa çatdı.
İnsan tarixi – fəlsəfi baxış - İnsan kimdir? Dünyada onun yeri və məqsədi nədir? Onun
cəmiyyətdə borcu, vəzifələri nədən ibarətdir? Qədim Misirdə, Çində, Yunanıstanda, Romada böyük
müdriklər həmişə bu suallara cavab axtarmışlar. Tarixi inkişafın sonrakı mərhələlərində mütəfəkkirlər
bu suallara müxtəlif mövqelərdən cavab vermişlər. Bəziləri insanı ağıllı, yaradıcı varlıq, bəziləri şüurlu
fəaliyyət göstərən varlıq, bəziləri emosiyaları təbəssümlü, əxlaqlı varlıq adlandırmışdılar. Bu cavablar
insanı müəyyən cəhətdən xarakterizə edir, lakin insan haqqında bütöv tərif vermir. Yunan sofisti
Protaqor demişdir: “Bütün şeylərin meyarı insandır”. Qədim yunan mütəfəkkiri Sokrata görə insan “xeyri dərk edən və yaradandır”. Sokrat insanı öz
– özünü dərk etməyə çağırır, ona “özünü dərk et” deyə müraciət edirdi. İnsanın imkanlarının məhdud
olduğuna görə, Allaha pənah gətirmək lazım gəldiyini xatırladırdı. İnsanda mötədilliyi, ağıllılığı, sözlə işin düz gəlməsini Demokrit ən yüksək vəziyyət elan edirdi. O, deyirdi ki, insan müdrikliyi aşağıdakı üç
bəhrəni verir: yaxşı düşünmək, yaxşı danışmaq, yaxşı hərəkət etmək. O, deyirdi ki, “İnsana lazım olan nə varsa, hamısını insan təbiətdə və özündə toplamalıdır”.
Qədim Yunanıstanın ensiklopedik mütəfəkkiri Aristotel fəlsəfəsində inasnın ümumi
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 53
mahiyyəti, onun fərdi təbiəti ilə əlaqəli şəkildə tədqiq olunur. Aristotel belə hesab edirdi ki, insan
ictimai heyvandır. O, cəmiyyət yaradır və cəmiyyətdə yaşayır. İnsan haqqında təlimdə sosial – ictimai
motivlər intibah, yeni dövr və XVII–XIX əsrlər fəlsəfəsində xeyli güclənir. İnsanın şüurlu, zəkalı varlıq olmaq ideyasının təbliği bu dövr mütəfəkkirlərinin nailiyyəti hesab oluna bilər. Lametri “İnsan
– maşındır” adı verməklə onun ictimai təbiətini ön plana çəkir.
Holbaxa görə insan iki əsas meyllə, yəni özünü mühafizəyə və səadətə səyi ilə səciyyələnir. İnsan
haqqında fəlsəfi baxışların formalaşmasında XIX əsr alman klassik fəlsəfəsi, xüsusilə
Hegel və Feyerbaxın ideyaları mühüm bir mərhələ təşkil edir. Hegelin insan haqqında ideyaları da onun fəlsəfi sistemi və idealist dialektikası ilə şərtlənir.
Hegel insan ilə təbiətin keyfiyyət fərqini daim qeyd edir ki, bu özlüyündə müsbət cəhətdir.
Hegelə görə insan cəmiyyəti, bəşəriyyəti əsil “ruh səltənətidir”.
Feyerbax isə iddia ki, insan özünü duyğularda, fiziki varlıqda, təbiətlə vəhdətdə hiss edir. Müasir
qabaqcıl fəlsəfə insanı, təbiətin bir hissəsi kimi deyil, onu təbiətin ən yüksək məhsulu,
xüsusi biçimli bir təbii varlıq hesab edir. Ən yeni fəlsəfi konsepsiyalar insanı təkcə materiyanın yüksək forması kimi deyil, həmçinin materiyanın yüksək forması olan ictimai materiya kimi öyrənməyi lazım
bilir.
Fərd özü ictimai varlıqdır. İnsan konkret fərdlərin məcmusudur, təbiətin bir hissəsidir, insan
təbiətin məhsuludur, həm də ən yüksək ictimai məhsuludur.
İnsanda təbii (bioloji) və ictimai (sosial) vəhdət - İnsanda təbii, ictimai və mənəvi amillər
qarşılıqlı vəhdətdə təzahür edir, onun formalaşmasını və inkişafını şərtləndirir. İnsanın
biolojiləşdirilməsi və ya sosiolojiləşdirilməsi mövqeləri arasında fikir ayrılıqları vardır.
İnsanın formalaşmasında təbii, bioloji cəhətləri mütləqləşdirən irqçilik, sosial – darvinizm,
maltusçuluq və s. konsepsiyalar məhz biolojiləşdirmə mövqeyindən çıxış etmişlər. XVIII əsrdə ingilis
iqtisadçısı T.Maltus iddia edirdi ki, ictimai həyat fərdlərin yaşayış uğrunda mübarizəsidir. XIX əsrdə
Ç.Darvin isə insanın yetişməsində təbii seçmə və təkamülü əsas gütürmüşdür.
İnsanın mahiyyəti nədən ibarətdir? Sualına Azərbaycan Sovet Ensiklopediyası belə cavab verir:
“İnsan fiziki və mənəvi, təbii və sosial, irsi və həyatda edilənlərin vəhdətindən ibarətdir. İnsan şüurlu və
şəxsiyyət səviyyəsində spesifik qanunauyğunluqları olan sosial varlığa çevrilmişdir. İnsan fiziki, mifoloji
orqanizm kimi həyatda materiyanın ən yüksək mütəşəkkil formasıdır”.
İnsan şəxsiyyət olmaqla ictimai mahiyyətə çevrilir. Şəxsiyyət həmişə ictimai inkişaf, sosial münasibətlərin daşıyıcısına çevrilmiş insandır. İnsanı istiqamətləndirən və onu ətraf sosial–təbii
mühitlə bağlayan onun dünyagörüşüdür, mənəvi simasıdır, iradəsi və mənəviyyatıdır.
Müəyyən konkret şəraitdə mövcud olan, həmişə konkret mahiyyət daşıyan insan kollektiv
vasitəsilə cəmiyyətə məxsus olur, müəyyən sosial əlaqə və münasibətlərə girir. Kollektiv fərdi, insanı
cəmiyyətə bağlayır.
İnsanda bioloji prosesi pozan, onun təbii halına mənfi təsir edən, çoxlu texniki vasitələrin
yaradılması, kimyəvi proseslərlə hava, su, atmosferin çirkləndirilməsi, insanın əsəbi – stress vəziyyətinə düşməsinə, orqanizmin bir çox sahələrdə bioloji funksiyaların pozulmasına gətirib çıxarır. Odur ki,
bəşəriyyət özünü məhv etmək təhlükəsini dərindən hiss etməli, başa düşməlidir ki, insanda bioloji xüsusiyyətlərə belə laqeyd məsuliyyətsiz münasibət daha yolverilməzdir.
İnsan həyatının mənası. Həyat və ölüm - İnsan yeganə varlıqdır ki, özünün ölümünün baş
verəcəyini, həyatının müvəqqəti olmasını dərk edir. Odur ki, həyatın mənası, insan həyatının məqsədi
məsələsi onun qarşısında daha kəskin durur. Müəyyən cəmiyyət, kollektiv, ailədə birləşən insan “həyat
yolu tutur”, özünün məqsədli fəaliyyətini həyata keçirir. İnsan həyatının mənası xeyir və şər, ədalət və
ədalətsizlik, həqiqət və yalan arasında düzgün mövqe tutub məqsəd seçməkdən, həmin hərəkətlərə cavab
tapmaqdan ibarətdir. İnsan öz tarixi təcrübəsindən yəqin etmişdir ki, insan ölməzliyini ancaq özü qazana
bilər, fiziki cəhətdən olmasa da o mənən, mənəviyyatca ölümə qalib gələ bilər. Dinə görə insan
həyatının mənası, dini ehkamlara itaət etməyə və ayinləri icra etmək, onlara daxili inam bəsləmək,
Allaha, axirətə, taleyə etiqad etmək və s. ibarətdir. “Fərd – ictimai varlıqdır” – deyən Karl Marks insan
həyatının məna və məqsədini də ictimaiyyətlə, cəmiyyətlə bağlayır. Fərdin əsas keyfiyyətini cəmiyyətə
xidmətdə görürdü. L.N.Tolstoy insan həyatının mənası
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 54
haqqında demişdir ki, insan heyvanlar içərisində heyvani canlı kimi, cəmiyyətdə isə onun bir üzvü kimi
mövcud ola bilər. Cəmiyyətin rifahı naminə işləməyən insan “heyvani şəxsiyyətdir”. İnsan ömrü, onun
uzunluğu məsələsi də təkcə bioloji məsələ deyildir, burada sosial – mənəvi amillərin ciddi təsiri vardır.
İnsan, ölüm və ölməzliyin qarşılıqlı nisbəti məsələsinə XX əsrin çərçivəsindən baxsaq, onda insan
yaşaya bilib – bilməməsi, bəşəriyyətin mövcudluq problemi öz həllini gözləyən bir nömrəli məsələ kimi
diqqəti cəlb edir. Hazırda ekoloji, demoqrafik siyasi və s. problemlərlə yanaşı insanlar elə dağıdıcı
vasitələrə malikdirlər ki, həmin dağıdıcı vasitələr bəşəriyyəti bir neçə dəfə məhv etməyə çatar. Deməli
bəşəriyyət belə qlobal təhlükəyə məruz qalmışdır. Belə qlobal təhlükənin qarşısı, ancaq insanların bütün
səylərinin birləşdirilməsi və birgə yolu ilə alına bilər. Belə bir vəziyyətdə qlobal təhlükəyə qarşı qlobal
vəhdət tələb olunur.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 55
MÖVZU 14
CƏMİYYƏTİN MƏNƏVİ HƏYATI VƏ İCTİMAİ ŞÜUR
Cəmiyyət 2 hissədən - maddi və mənəvi həyatdan ibarətdir. Əgər cəmiyyətdəki bütün maddi
nemətlərin istehsalı prosesi, insanların əmək fəaliyyətinin maddiləşməsi sahəsi, sosial - maddi yaşayış
tərzi, maddi - ictimai varlığı cəmiyyətin maddi həyatını təşkil edirsə, mədəni fəaliyyət dairəsi; təhsil, peşə,
elmi - texniki, bədii yaradıcılıq prosesi, əxlaqi - estetik və hissi psixoloji hərəkətlərin, davranışın,
mənəviyyatın, dünyagörüşün və s. məcmusu mənəvi həyatı təşkil edir. Mənəvi həyat tərzi, maddi yaşayış
üsulu, maddi - ictimai varlıq əsasında formalaşır və ona uyğun olur. Cəmiyyətin mənəvi həyatın ictimai
- iqtisadi quruluşu müəyyən edir. Odur ki, hər ictimai - iqtisadi formasiyaya uyğun mənəvi həyat olur.
“Cəmiyyətin mənəvi həyat” anlayışını, “ictimai şüur” anlayışı ilə eyniləşdirmək olmaz. Mənəvi həyat ən
ümumini ifadə edib, geniş əhatə dairəsinə malikdirsə, ictimai şüur onun tərkib hissəsidir, əhatə dairəsi
cəhətdən nisbətən məhduddur. Cəmiyyətin mənəvi həyatının heç də bütün tərkib hissələri - mədəniyyət, dünyagörüşü, adət -
ənənələr, təhsil, peşə fəaliyyyəti və s. ictimai şüur anlayışına aid edilə bilməz.
Dialektik sosial fəlsəfə cəmiyyət inkişafının hərəkətverici qüvvələri haqqında təlimi işləyib
hazırlayarkən, cəmiyyətin mənəvi həyatının inkişaf qanunauyğunluqlarını da, mənəvi münasibətlərin,
ictimai varlıqla ictimai şüurun dialektik əlaqəsini də müəyyən etmişdir. Bu fəlsəfəyə görə, iqtisadi -
istehsal münasibətləri ictimai inkişafın başlıca aparıcı amilidir. Lakin cəmiyyətin dəyişməsi və inkişafı
qanunauyğunluqlarını dərk etmək üçün təkcə maddi - iqtisadi amilləri bilməklə kifayətlənmək olmaz.
Bunun üçün cəmiyyətin mənəvi həyatının inkişaf xüsusiyyətlərini, ictimai şüurun, ictimai varlıqla
qarşılıqlı əlaqə və təsirini də nəzərə almaq lazımdır. Çünki insanlar maddi - iqtisadi fəaliyyətlərində siyasi
və əxlaqi ideyaları rəhbər tutur, elmi bilik baxışlar və nəzəriyyələr əsasında hərəkət edirlər.
İctimai şüur - ictimai varlığın inikasıdır, cəmiyyətin mənəvi həyatının başlıca hissəsidir. İctimai şüur - ictimai ideya və nəzəriyyələrin, siyasi, elmi, fəlsəfi, əxlaqi, bədii baxışların,
ictimai hiss, mənəvi keyfiyyətlərin məcmusudur. İctimai şüurun inikas obyekti - ictimai varlıqdır.
İctimai varlıq müxtəlif olduğu üçün onun inikası olan ictimai şüur da mürəkkəb struktura malikdir.
İctimai varlıq ictimai şüurdan asılı deyildir. İctimai şüur isə ictimai varlığı əks etdirir. İctiami şüurun mənbəyini, cəmiyyətin maddi həyatında, iqtisadi münasibətlərdə axtarmaq lazımdır.
İqtisadi münasibətlər dəyişildikdə siyasi, hüquqi, fəlsəfi, əxlaqi, dini və başqa ideya, baxış və
nəzəriyyələr də dəyişilir. Bu dəyişmə kortəbii baş vermir, burada ictimai şüurun nisbi müstəqilliyi də
özünü göstərə bilir: ictimai şüur inkişafda ictimai varlıqdan geri qalır, ictimai şüur öz inkişafında ictimai
varlığı qabaqlaya da bilir. Bu o deməkdir ki, ictimai şüurun ictimai varlıqdan geri qalması mütləq deyil,
nisbidir, müəyyən şəraitlə bağılıdır, ictimai şüur öz inkişafında varisliyə malikdir. Varislik sahəsində
mənəvi sərvətlər nəsldən - nəslə verilir, ictimai şüurun, ideologiyanın gerçəkliyə fəal təsir göstərməsi
də onun nisbi müstəqilliyinin ifadəsidir. Qabaqcıl ideyaları rəhbər tutan kütlələr qarşısında duran ən
mühüm ictimai vəzifələri dərk edərək onları yerinə yetirməyə qadir olan başlıca qüvvədir.
İnkişaf prosesi həm də ictimai şüurun müxtəlif formaları arasında qarşılıqlı əlaqə və təsirdə davam edir (siyasi ideyalar, əxlaq, elm, incəsənət). Siyasi, hüquqi, fəlsəfi, dini, ədəbi və s. inkişaf iqtisadi
inkişafa əsaslanır.
Lakin bunların da hamısı bir - birinə həm də iqtisadi əsasa təsir göstərir.
İctimai şüurun strukturunda ictimai və fərdi şüurun qarşılıqlı münasibətinin düzgün
müəyyənləşdirilməsinin mühüm metodoloji və nəzəri - idraki əhəmiyyəti vardır.
İctimai və fərdi şüur dialektik qarşılıqlı əlaqədədirlər. Fərdi şüur həm də ictimai şüurdur. İctimai
mühitdən kənarda fərd yoxdur. Onun da şüuru ictimaidir. Lakin onların mühüm fərqləri də vardır.
Fərdi şüur - şəxsiyyətin mənəvi aləmidir, şəxsin baxışları, hissləri və vərdişlərinin məcmusudur. Fərdi şüur şəxsin mənlik şüurudur. Lakin fərdə obyektiv mühit də təsir edir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 56
İctimai şüur - cəmiyyətin ən ümumi, qanunauyğun şüurudur. İctimai şüur, ictimai qanunları dərk
etmək yolu ilə yaranır. İctimai şüur fərdi şüur vasitəsilə gerçəkliyi dolğun əks etdirən, fərdlərin vasitəsilə
sosial qrupun, sinfin, bütövlükdə cəmiyyətin ümumiləşdirilmiş, qanuniləşdirilmiş şüurudur.
İctimai şüur çox zaman adi kütləvi (və ya gündəlik) şüur adlandırılan şüuru da əhatə edir.
Adi - kütləvi (və ya gündəlik) şüur - insanların gündəlik həyat proeslərində,əmək - istehsalat,
ictimai - siyasi və mənəvi fəaliyyətlərində gerçəkliyə münasibətləri, öz vəziyyətləri haqqında əldə
etdikləri bilikləri və s. əhatə edir. Adi şüur gerçəkliyin nəzəri anlaşılması səviyyəsinə qalxabilmir.
Adi kütləvi şüurun əsas funksiyası faktlar əsasında əldə edilmiş biliyi praktik fəaliyyətə tətbiq etməkdən ibarətdir. Onun əsas mahiyyətini - praktik fəaliyyətini öyrənilməsini təşkil edir.
Adi kütləvi şüura əsasən aşağıdakılar daxildir: 1.Əmək fəaliyyətində insanların əldə etdikləri təcrübə;
2.Əmək prosesində əldə edilmiş əxlaq və davranış normaları;
3.Xalq yaradıcılığı;
4. Xalq təbabəti, təbii - tarixi biliklər.
5. Gündəlik birgə yaşayışdan əldə edilmiş adət - ənənələr.
İctimai şüurun müxtəlif formaları mövcuddur: siyasi ideyalar, hüquq, əxlaq, elm, din və s.
İctimai şüurun müxtəlif formaları arasında möhkəm, qarşılıqlı təsir qanunauyğunluğu təsir
göstərir.
İctimai şüur formalarının yeri, rolu, mövqeyi müxtəlifdir. Məsələn: feodalizmdə din,
kapitalizmdə - siyasət və s. cəmiyyətin mənəvi həyatına güclü təsir göstərmişdir.
Siyasi şüur - dövlətin yarandığı dövrdə formalaşmağa başlamışdır. Siyasi şüur – xalqın və
siniflərin dövlət hakimiyyətinə münasibətləri əsasında yaranan sosial - iqtisadi və ictimai - siyasi mövqe
və mənafeləri əks etdirən ideyaların, təsəvvürlərin məcmusudur.
Siyasi şüur - siyasi fəaliyyətdə, dövlət sənədlərinin irəli sürülməsində, dövlət çevrilişlərində,
sosial inqilabda və s. təzahür edir.
Sinfi mənafe obyektivdir və ona görə də cəmiyyətin bütün üzvlərini əhatə edir. Siyasi mənafe
cəmiyyətdəki bütün ümummilli, sosial. İqtisadi, sinfi, mənəvi məqsədləri mərkəzləşdirərək sintez halında ifadə edir. Odur ki, siyasi mənafe cəmiyyətdəki bütün ziddiyyətlərin və toqquşmaların
əsasındadurur.
Həmin mübarizədə ideoloji mübahisələr şəklində - şüur formaları da cəlb olunur, onlar siyasətin
təsirinə məruz qalır.
Hüquqi - şüurlu cəmiyyətdəki qəbul edilmiş rəsmi qanunlar və normaların mahiyyəti və həyata
keçirilməsi prosesində əldə edilmiş biliklərin, normaların məcmusudur.
Qanun və normalar cəmiyyətdə mövcud olan müəssisələrin, insanların və s. sosial - iqtisadi
fəaliyyətini rəsmi - hüquqi tənzim edir. Hüquq - müəyyən cəmiyyətdə siyasi qüvvələrin, bütövlükdə
xalqın iradəsini ifadə edən, dövlət tərəfindən bəyənilmiş qanunlardır. Hazırda respublikamızda qarşıda
duran mühüm iqtisadi, siyasi və sosial mənəvi vəzifələrin dərk edilib həyata keçirilməsi üçün insanların
hüquqi şüur səviyyəsinin əsaslı yüksəldilməsinə zəruri tələbat yaranmışdır. Əxlaqi şüur – müəyyən
cəmiyyətdə insanların bir - birinə, əmək kollektivinə, sinfə, dövlətə, millətə və bütövlükdə cəmiyyətə
münasibətdə əldə etdikləri davranış normaları, hərəkətlər, vərdişlər mənəvi ideya və hisslərin xüsusi
sistemi mənəvi təcəssümüdür.
Əxlaq - cəmiyyətdə insanların hərəkətlərini tənzim edən birgə yaşayış normalarının davranış
qaydalarının məcmusudur.
İnsanların mənəvi təkmilləşməsi, mənəvi münasibətlər sistemində insani prinsiplərin qərarlaşdırılması, bürokratizmə yol verilməməsi cəmiyyətin sosial - mənəvi tərəqqisinin mühüm
vasitəsidir.
Dini şüur - ictimai şüurun formalarından olmaqla, insanı onu əhatə edən təbii və sosial
gerçəkliyə münasibətinin mənəvi inikasının növlərindəndir.
Qədim dövrdə dinlər politeizm (çoxallahlılıq) formasında, sinfi - antoqonist formasiyalarda isə monoteizm (təkallahlılıq) formasında olmuşdur. Monoteist dinlər bunlardır: buddizm, iudaizm,
xristianlıq, islam.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 57
İudaizmi çıxmaqla (iudaizm - milli yəhudi dinidir) qalan üç din müasir dünya dinləri hesab olunur.
Dini şüurun başlıca ünsürü dini ideya və təsəvvürlər, onun nəzəri forması isə dini ideologiya və ya teologiyadır (ilahiyyat).
Respublikamızda Azərbaycan Ali Sovetinin 1991 - ci il avqustun 20 - də qəbul etdiyi “Dini etiqad
azadlığı haqqında” yeni qanuna əsasən vətəndaşlara vicdan azadlığı verilmişdir.
İqtisadi şüur - iqtisadiyyatın inkişaf qanunauyğunluqlarını onun təşkili və idarə olunması
formalardan daha yüksək elmi - nəzəri iqtisadi şüur səviyyəsi tələb edir. İnsanlarda bütövlükdə elmi,
iqtisadi təfəkkür formalaşdırılmalıdır.
Estetik (və ya bədii) şüur - ictimai şüurun formasıdır. Əmək bölgüsünün təkmilləşməsi ilə
müxtəlif sənətlər meydana çıxmışdır; rəssamlıq, heykəltaraşlıq və s.
Elmi şüur - bütün ictimai şüur formalarının intelektual səviyyəsini dərinləşdirərək onları
“elmləşdirir”. Hazırda elm - cəmiyyətin məhsuldar qüvvəsinə çevrilmişdir.
Elm - gerçəkliyin obyektiv inikasıdır, varlığı, anlayışlar, məntiqi nəticələr, mükəmməl
ümumiləşdirmələr əsasında formalaşan təlim və nəzəriyyələrlə, qanun və kateqoriyalarla əks etdirən
ictimai şüur formasıdır.
Elm müxtəlif sahələrdə, növlərdə formalaşmışdır; təbii - texniki elmlər, ictimai - cəmiyyət elmləri, humanitar elmlər (sosial mövcudluq olan insanı öyrənən elmlər), fəlsəfi elmlər.
Hər bir elmdə və ya elmi şüur formasında iki səviyyə - emprik və nəzəri səviyyələr bir - birindən
fərqlənməlidir.
Emprik səviyyə - müşahidə və eksperiment yolu ilə faktik materialların təhlili əsasında əldə
edilmiş kütləvi bilikdir.
Nəzəri - səviyyə - isə gerçəkliyin verdiyi materialların ümumiləşdirilməsi əsasında, sistem -
struktur təhlil və digər emi idrak metodları (induksiya, dedukdiya, analiz, sintez və s. ) vasitəsilə əldə
edilmiş ehtimallar, nəzəriyyələr, qanunlar, prinsiplər sistemidir.
Elmin ictimai məzmunu insanın həyatını və əməyini yüngülləşdirməkdən ibarətdir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 58
MÖVZU 15
MÜASİR DÖVRÜN – QLOBAL PROBLEMLƏRİ
I. “Qlobal problem” anlayışı. Qlobal təhlükə və qlobal vəhdət Hazırda tarixin tərəqqisi bəşəriyyəti elə qlobal - sosial problemlər qarşısında qoymuşdur ki,
onların həll edilməsinin gecikdirilməsi bəşəriyyəti məhv edə bilər, dünya sivilizasiyasının nailiyyətlərini aradan qaldırır. Müasir dünya mürəkkəbdir, çoxcəhətlidir, dinamikdir.
İnsanın təbiətlə və cəmiyyətlə qarşılıqlı əlaqə və münasibətləri, onlardan daha çox mənfəət
götürmək hərisliyi olduqca kəskin və mürəkkəb, iqtisadi, sosial - mənəvi, siyasi, hərbi, müdafiə əhali,
təbiətin mühafizəsi və s. problemlər yaratmışdır ki, onlar da qlobal problemlər adlanır.
Deməli, müasir dövrdə bəşəriyyətin mövcudluğu üçün mühüm həyati əhəmiyyət kəsb edən və
ictimai tərəqqinin ondan asılı olduğu problemlərin məcmusu qlobal problemlər adlanır. Məsələn,
müasir dövrün qlobal problemlərinə misal olaraq: dünya istilik nüvə müharibəsinin qarşısını almaq və
bütün xalqların inkişafı üçün sülh şəraitinin təmin edilməsi, insanların həyat səviyyəsində getdikcə artan
iqtisadi təminat, işsizliyin, savadsızlığın aradan qaldırılması, sürətlə artan əhalinin maddi və mənəvi
tələbatının ödənilməsi, atmosferin, suyun məhvedici çirklənməsinin qarşısının alınması, ETİ– nin
dağıdıcı nəticələrinin aradan qaldırılması və s. göstərmək olar.
Səhiyyə, təhsil mənəvi tənəzzül və s. məsələlər də qlobal problemə çevrilə bilər. Bu problemlərin bir qismi əvvəllər də mövcud olmuşdur. Lakin onlar heç vaxt indiki kimi ümumi planetar səciyyə
daşımamışdır.
Alimlərin rəyinə görə həmin problemlər ETT–nin daha çox mənfəət götürmək məqsədlərinə tabe
edilməsinin, bəzən təbiətin geoloji və bioloji qanunauyğunluqlarına məhəl qoymamasının, ictimai inkişafda kortəbiilik və təsərrüfat quruculuğunda pozğunluq və anarxiyanın baş alıb getməsinin,
müstəmləkəçilik siyasətinin, hərbləşmənin nəticəsidir.
Müasir dövrün qlobal problemləri - XX əsrin II yarısındakı sosial iqtisadi inkişafın və
ETT–nin kortəbiliyi və qeyri – bərabərliyinin təbii–tarixi nəticəsidir. İndiki qlobal problemlərin həlli
üçün ümumdünya miqyasında əməkdaşlıq fəaliyyəti zəruridir.
Qlobal təhlükə də bəşəriyyətin qlobal vəhdətini, qlobal siyasət yürüdülməsini tələb edir. Tədqiqatçıların fikrincə heç də hər cür, miqyasca geniş hadisələri “qlobal” adlandırmaq olmaz. “Qlobal
problemlərin meyarı müxtəlif şəkildə təhlil olunur:” Birinci mövqeyə görə “qlobal problemlər” aşağıdakı meyarlarla müəyyən olunur:
1. Miqyası və əhəmiyyətinə görə ən geniş, çox mühüm əhəmiyyətli, bütün dünya ölkələrini əhatə
edən
2. Sintetik mahiyyət daşıyan, bütün sahələri əhatə edən
3. Ümumbəşər planetar, beynəlxalq səciyyə daşıyan
İkinci mövqeyə görə “qlobal problemlər” aşağıdakı kimi müəyyən olunur: 1. Hadisələr “qlobal xarakter” daşıyır ki, onlar çox aktual ziddiyyətlərdir, ictimai tərəqqiyə mane olur
və sivilizasiyanı məhv etmək təhlükəsi yaradırlar.
2. Onlar bütün xalqların və dövlətlərin, bütün bəşəriyyətin mənafeyinə toxunurlar. 3. Onlar özlərində ictimai və təbii prosesləri birləşdirərək, qovuşuq sosial – təbii və biososial mahiyyət
daşıyırlar.
4. Onların həll edilməsi kollektiv nəzarət, beynəlxalq əməkdaşlıq tələb edir.
Müasir dövrdə qlobal problemləri belə qruplaşdırmaq olar: 1. Planetar bəşəri təhlükə doğuran ictimai - iqtisadi, sosial - siyasi qlobal problemlər; müharibə və
sülh problemləri, hərbiləşmə, iqtisadi fəlakətlər, aclıq, işsizlik, əhali təbəqələri arasında iqtisadi təminat və gəlir fərqlərinin kəskin sürətdə artması və s.
2. Planetar təbii təhlükə doğuran qlobal problemlər: təbiətin mühafizəsi və ondan səmərəli istifadə
edilməsində törədilmiş bəşəri problemlər: yeraltı və yerüstü sərvətlərin, dəniz və okeanların
sərvətlərinin tükənmək təhlükəsi, təbii, yaşayış vasitələrinin: su, hava, atmosfer və s. çirkləndirilməsinin
yararsız hala salınması, enerji mənbələrinin tükənmək təhlükəsi.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 59
3. Əhali artımı və mənəvi tənəzzüllə bağlı meydana çıxan demoqrafik mənəvi qlobal problemlər:
əhalinin sürətlə artması, yaşayış vasitələrinin zəif inkişaf etməsi
II. Qlobal müharibə və sülh problemləri - Hazırda insan özünü və bütün Yer kürəsini məhv
edəcək real dünya raket, nüvə müharibəsi təhlükəsi yaratmışdır. Odur ki, bütün dünyanın sülhsevər
qüvvələri sülhün, bəşəriyyətin yaşamasının təmin edilməsi uğrunda mübarizəyə qoşulmalıdır.
Müharibə dövlətlər, siniflər və xalqlar (millətlər) arasında aparılan mütəşəkkil silahlı mübarizədir,
həmin qüvvələr arasındakı əlaqə və münasibətləri ifadə edən siyasətin zor vasitəsilə silah gücünə həyata keçirilməsidir.
Müharibələr iki qrupa ayrılırlar: işğalçılıq və müdafiə müharibələri. İşğalçılıq məqsədi daşımayan,
öz ölkəsinin müdafiəsi naminə, azadlıq və istiqlaliyyət uğrunda aparılan müharibələr ədalətlidir. Bəzən
ədalətli müharibə ədalətsiz müharibəyə çevrilə bilər. Məsələn, Napaleon müharibələri əvvəlcə
Fransanın azadlığı, siyasi suverenliyinin təmin edilməsi uğrunda ədalətli müharibə idi, sonra isə o,
Fransanın sərhədlərindən kənara çıxmaqla başqa əraziləri zəbt etməklə ədalətsiz müharibəyə çevrildi.
Müharibələr yaradılmış maddi və mənəvi sərvətlərin məhv edilməsi ilə bağlı olduğundan, onların
qarşısının alınması, bəşəriyyətin bu bəladan xilas olması məsələsi həmişə mühüm dünyagörüşü və
fəlsəfi qlobal problem olmuşdur.
Yer üzərində ən qədim dövrlərdən 1980–cı ilə qədər 14550 böyük və kiçik miqyaslı müharibələr olmuşdur. Həmin müharibələrdə məhv olanların sayı 3,6 milyard nəfərdir. I və II Dünya müharibəsində
130 milyondan çox insan tələf olmuşdur.
Müasir elmi – texniki nailiyyətlərin hərbi məqsədlərə tabe edildiyi şəraitdə müharibələr daha
dağıdıcı xarakter alır.
Lakin bunun üçün bəşəriyyətin tarixi qanunauyğunluq və zərurəti düzgün başa düşməsi və
düzgün qərar qəbul edib onu həyata keçirməsi lazımdır. Bu məqsədlə hazırda istilik - nüvə müharibəsinin qarşısı alınmazdır. Elə bu dünya sülhsevər
qüvvələrin birgə fəaliyyəti, xüsusilə böyük dövlətlərin kifayət qədər olan hərbi potensialı müharibəyə
qarşı duymaq, dünyanın sülhsevər qüvvələri ilə birləşərək, sülhü qorumaq, müharibələrin qarşısını almaq
imkanı yaradır. Bütün insanlarda müharibə əleyhinə, sülhün təmin olunması uğrunda yeni siyasi
təfəkkür formalaşdırılmalıdır. Yeni siyasi təfəkkür işlənib hazırlanmalıdır ki, onun da başlıca tələbləri bunlardır:
1. İstilik nüvə müharibəsinin qarşısını almaq
2. Kosmosdan dinc məqsədlər üçün istifadə etmək
3. Müxtəlif sosial – iqtisadi quruluşu və siyasi sistemli ölkələrin dinc yanaşı yaşaması
4. Sürətlə silahlanmanın dayandırılması və tərkisilah
5. Beynəlxalq əməkdaşlıq prinsiplərinə əməl olunması
6. Sülhün və xalqlar təhlükəsizliyinin təmin olunması
Təbiət - cəmiyyət münasibətləri, müasir qlobal ekoloji problemlər Müsir qlobal problemlərin müəyyən qismi təbiət cəmiyyət, təbiət insan qarşılıqlı
münasibətlərindəki tarazlıq qanunauyğunluqlarının pozulması, təbiəti daha çox istismar etmək sahəsində
getdikcə güclənən insan fəaliyyəti nəticəsində baş vermişdir. Bunların müasir sosial və ETT şəraitində
meydana çıxmış “ekoloji böhran” adlandırmaq olar; insan öz mövcudluğunu təhlükə altına alır.
Hazırda təbiət insan münasibətlərində yeni ekoloji təfəkkür, ekoloji dünyagörüşü
formalaşdırılması zərurəti meydana çıxmışdır. Təbiət cəmiyyət qarşılıqlı münasibətləri sistemində
meydana çıxan, planetar səciyyə daşıyan və həll edilməsi zəruri və təxirəsalınmaz olan qeyd etdiyimiz
kəskin və mürəkkəb, həll edilməsi çətin olan ziddiyyətlərin məcmusu “qlobal ekoloji problemlər”
adlanır. Bu problemlərlə, xüsusilə təbiət və insanın qarşılıqlı münasibətlərinin qanunauyğunluqları ilə
xüsusi elmi - ekologiya məşğul olur. İnsan həmişə təbiəti daha dərindən dərk etməyə və bununla da öz
mövcudluğunu təsdiqləməyə cəlb etmişdir.
Təbiət - bəşər cəmiyyətinin mövcudluğu və inkişafını şərtləndirən təbii şəraitin məcmusu, ilkin
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 60
əsası kimi çıxış edir. Məhz bu baxımdan insan təbiəti öz məqsədlərinə uyğun istiqamətləndirməyə
çalışır. Bu qanunauyğunluq, insanla təbiət arasındakı daimi maddələr mübadiləsi, ictimai istehsalı
tənzim edən mühüm qanundur: belə bir mübadilə olmadan insan həyatının özü də ola bilməzdi, cəmiyyət yaşaya bilməzdi.
İnsanla təbiət arasındakı maddələr mübadiləsinə girmək prosesi heç vaxt ziddiyyətlərsiz,
problemlərsiz olmamış, düz xətt üzrə getməmişdir.
“Demoqrafik partlayış” və onun həll edilməsi məsələləri - Əhlinin sosial - iqtisadi,
əmək və mənəvi fəaliyyəti olmadan cəmiyyət inkişaf edə bilməz. Lakin əhalinin maddi və mənəvi
tələbatının ödənilməsi nisbidir, çünki əhalinin sayının daim artması, müharibələr, sosial–iqtisadi
böhranlar, xəstəliklər və s. həmişə ölkə qarşısında əhalinin maddi və mənəvi tələbatının ödənilməsi ilə
əlaqədar mürəkkəb problemlər qoyur.
Həmin problemlər hətta “demoqrafik” partlayış səviyyəsinə yüksəlir. Bu, ən çox əhalinin sürətlə
artması və onların maddi və mənəvi tələbat mallarına olan ehtiyaclarının ödənilməsi arasında tarazlığı pozulması, dərin ziddiyyətlərin baş verməsi şəraitində meydana çıxır.
İndi Yer kürəsində təqribən 6 milyard əhali yaşayır. İndiki maddi və mənəvi sərvətlər səviyyəsində
həmin əhalinin yaşayış vasitələrinə tələbatların ödənilməsi çox ciddi problemlər “demoqrafik partlayış”
təhlükəsi doğuracaq. “Demoqrafiya” yunanca “xalq” və “yazıram” sözlərindən əmələ gəlmişdir. Bu
sözü ilk dəfə 1855–ci ildə fransız alimi A.Qiyar işlətmişdir. Hazırda “demoqrafiya” xüsusi elm
sahəsidir; cəmiyyətdə əhalinin strukturu, yerləşdirilməsi və inkişaf dinamikasının qanunauyğunluqlarını
öyrənir, əhali nəzəriyyəsini və siyasətini işləyir, hazırlayır, əhalinin təbiət artımı haqqında proqnozlar
verir və s.
Müasir dünyada 10 milyonlarla uşaq aclıq, baxımsızlıq üzündən ölür. Başlıca müasir qlobal
problemlərdən biri də insanın fiziki və mənəvi sağlamlığının təmin edilməsidir. Hədsiz kimyəvi
maddələrin, dərmanların işlədilməsi, ağır informasiya axını və s. insan sağlamlığına, psixikasına
olduqca mənfi, dağıdıcı təsir edir.
Əhali artımı və onun yaşayış vasitələri ilə təmin edilməsi əhalinin fiziki və mənəvi sağlamlığının
və başqa məsələlər qədim dövrlərdən cəmiyyətşünas alimlərin, iqtisadçı, filosofların diqqətini cəlb
etmişdir. Bu məqsədlə əhali artımı ilə yaşayış vasitələrini tarazlaşdırılması başlıca ideya olmuşdur.
Maltusçuluq və yeni maltusçuluq cərəyanlarının nümayəndələri əhalinin yaşayış vasitələri ilə təmin
etmək üçün süni yollarla (müharibə, kütləvi xəstəlik, zəhərlənmə və s.) əhali artımının qarşısını almağı
göstərir. Onların fikrincə cəmiyyətdə insanların yaxşı olmayan vəziyyətini ictimai quruluşda deyil,
əhalinin sürətlə artmasında axtarmaq lazımdır.
Müasir burjua sosioloqları əhalinin sayını azaltmaq üçün xəstəlikləri “ən demokratik üsullar”
adlandırırlar. Lakin bəzi sosioloqlar Cenn Orr və başqaları bidirirlər ki, əhalinin yaşayış vasitələri ilə
təmin edilməsinə ümüdsizliklə yanaşmağa əsas yoxdur. Maddi nemətlər istehsalı ilə əhali artımı nisbəti
bəşər və dövrlər nəzarəti ilə tənzim edilməli, anarxiyaya yol verilməməlidir.
Gələcək: cəmiyyət inkişafının proqnozlaşdırılması problem - Real xoşbəxt gələcəyin
Yer üzündə, insanın əməyi və yaradıcı fəaliyyəti ilə qurulacağına inam insanı tərk etməmiş; onu daim fəal
mübarizəyə ruhlandırmışdır. Bu sahədə o real və xəyali qabaqgörənlik ideyalarına əsaslanmışdır.
Qabaqgörənlik gerçəklikdə mövcud olmayan lakin inkişaf prosesində özünün potensial imkanlarını biruzə
verən, obyektiv və subyektiv ilkin əsasları qərarlaşmaqda olan gələcək haqqında bilikdir. Gələcəyin
obyektiv və subyektiv potensial imkanları özünün maddi – texniki və social – iqtisadi şəraitdə müxtəlif
yeni ehtiyat mənbələrinin aşkar edilməsində, insan fəaliyyətində qarşıya qoyulmuş məqsəd aydınlığında,
sosial və siyasi qüvvələrin nisbətində və s. göstərməlidir. Qabaqgörənliyi qnoseoloji əsaslarını - ali əsəb
sisteminin fəaliyyəti onun bəzi formalarının gerçəkliyi qabaqlayaraq əks etdirməsi qabiliyyəti təşkil edir.
Bu əsaslar insan gerçəkliyi həm nəzəri, həm praktik dərk edir və bütöv bir epoxanı müəyyənləşdirməyə
dair qabaqgörənlik biliyi verəbilir.
Sosial qabaqgörənlik - cəmiyyət hadisələri inkişafın zəruri əlaqələrinin düzgün müəyyən
edilməsi, gələcəyi qabaqlayaraq təfəkkürdə əks etdirilməsidir. Sosial – qabaqgörənliyə dair çıxarılan nəticələrin düzgünlüyü, onların obyektiv ictimai varlığın
inkişaf qanunauyğunluqlarının dolğun əks etdirməsindən asılıdır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 61
Odur ki, gələcək üçün hər hansı ideyanın həyata keçirilməsi üçün tam obyektiv və subyektiv ilkin
əsaslar maddi və mənəvi şəraitin yetişməsi vacibdir. Həmin şərait yetişdikdə gələcək ideyalarının
həyata keçirilməsi obyektiv zərurət olur, qarşısıalınmaz hal alır.
Dialektik fəlsəfə belə hesab edir ki, bəşəriyyət həmişə qarşısına həll edilməsi mümkün olan sosial
- siyasi məqsəd vəzifələr qoyur, vəzifə, ancaq onun üçün ilkin əsaslar yetişdikdə meydana çıxır. Gələcək
haqqında qabaqgörənlik ehtimalının doğruluğu və yanlışlığı da həmin biliyin ilkin əsasları hansı
səviyyədə dolğun əks etdirilməsindən asılıdır. Bilavasitə gələcək 20 - 30 il qabağı “dəqiq” görə bilir.
Müşahidə olunan uzaq gələcək isə daha çox ehtimali səciyyə daşıyır.
Elmi qabaqgörənlik və sosial proqnozlaşdırmada çoxsaylı elmi və xüsusi metodlardan məntiqi və
texniki vasitələrdən istifadə olunur.
Elmi qabaqgörənlik və sosial proqnozlaşdırmanın məzmun və məqsədinə görə 4 əsas növə
bölmək olar: axtarıcı, normativləşdirici, xəbəredici proqnozlar.
Axtarıcı proqnozlar - bu günkü gerçəkliyin real faktik təhlili əsasında gələcəyi müəyyən etməkdir; Normativləşdirici proqnozlar - gələcək haqqında konkret inkişaf planı və proqramları yaratmaq
üçün tövsiyələr verməkdir.
Xəbəredici proqnozlar - isə gələcək haqqında təqdim olunmuş müəyyən ideyanın, kütlələrin, şüur
və əxlaqına təsirinin vaxtında qarşısının alınmasının məqsədilə xəbərdarlıq etməkdir. Gələcək haqqında
nəzəriyyələrin hazırlanmasında gələcəyin real perspektivlərinin müəyyənləşdirilməsində elmlərin
inteqrasiyası xüsusilə humanitar təbii - elmi və texniki biliklərin vəhdəti yeganə qabaqgörənlik təminatı
verə bilər.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 62
MÖVZU 16
MƏDƏNİYYƏT FƏLSƏFƏSİ. MƏDƏNİYYƏT SİSTEMİNDƏ TƏBABƏT PLAN 1. Mədəniyyətin mahiyyəti, məzmunu, struktur və funksiyaları.
2. Mədəniyyət sistemində təbabət. Həkim şəxsiyyətinin mədəniyyəti.
MƏDƏNİYYƏTİN MAHİYYƏTİ, MƏZMUNU, STRUKTUR VƏ FUNKSİYALARI
“Mədəniyyət” terminin kökləri latınca “cultura” sözünə gedib çıxır. Torpağın becərilməsi, əkin üçün
hazır vəziyyətə salınması, yəni təbii səbəblərin təsirindən fərqli olaraq insanın təsiri ilə ətraf mühitdə baş
verən dəyişiklikləri bildirir.
“Mədəniyyət” sözü Avropa sosial fikrində yalnız XVII əsrin ikinci yarısında bərqərar olsa da,
anlayışın təşəkkülü bütün bəşər tarixi ilə müşayiət olunur.
Qədim Yunanıstanda mədəniliyi, hər şeydən əvvəl, tərbiyəlilik kimi başa düşmüşdür. Tərbiyənin
olmamasını barbarlığın əlaməti kimi sayırdılar. Qədim Roma dövründə mədəniyyətin, sosial ukladı,
həmçinin şəxsi təkmilləşmə dərəcəsi olması haqqında təsəvvürlər meydana gəlir. İntibah dövründə
mədəniyyət insanın humanist ideallarına uyğunluq fenomeni kimi təsəvvür edilirdi. XVII əsrin Fransız
maarifçiliyi (Volter, Didro) mədəniyyətin məzmununu insan “zəkasının” inkişafı anlayışına müncər
edirdi. Millətin mədəniliyi, onların təsəvvürüncə, ictimai nizamın, quruluşunun və siyasi təsisatların ağıllı
qurulmasından ibarətdir, mədəniyyətin özü isə elm və incəsənət sahəsində nailiyyətlərin məcmusu ilə
ölçülür. İ.Kant mədəniyyətin nüvəsini insan zəkası ilə hissi barışdırmaq qabiliyyəti olan əxlaqı hesab
edirdi. Hegel mədəniyyət anlayışını insanın mənəvi azadlığı sahəsində axtarırdı. Herder mədəniyyəti insan əqlinin qabiliyyətlərinin mütərəqqi aşkarlanması kimi nəzərdən keçirmişdir.
Tədqiqatçılar müasir ədəbiyyatda mədəniyyətin yüzlərlə tərifini hesablamışlar. Mədəniyyətin
anlamı bu və ya digər definisiyanın əsasında duran fəlsəfi konsepsiyanın baza dəyərlərindən törəmədir.
Əgər mədəni – fəlsəfi baxışların əsasında dini müddəalar durursa, onda belə çıxış mövqeləri ona gətirib
çıxaracaq ki, hər bir mədəniyyət dini zəminə əsaslanmalı olacaq.Mədəniyyət dinin reallaşması vasitəsi
olacaqdır. Dünya mədəniyyəti sistemində bu və ya digər dinin aparıcı konkret tarixi rolundan danışmaq
düzgün olardı, lakin mədəniyyətin bütün çoxcəhətliliyini həmin mədəniyyətin tərkib hissəsi olan dindən
çıxarmaq yolverilməzdir. Bu müddəanı nəzərə alaraq mədəniyyəti dindarlıq formasına görə
fərqləndirirlər. Politeizmə (çoxallahlığa) və monoteizmə (təkallahlığa) əsaslanan mədəniyyətlər
mövcuddur. Mədəniyyətin təzahürlərindən, məsələn, xristian, islam, buddist mədəniyyətlərini göstərmək
olar.
Bundan əlavə, mədəniyyət təkcə filosofların, kulturoloqların deyil, həmçinin tarixçilərin,
etnoqrafların, arxeoloqların, sosioloqların, politoloqların diqqət mərkəzində duran predment kimi çıxış
edir.
Mədəniyyəti dərk edərkən, insan ondan hansısa asılı olmayan reallığı deyil, özünün mədəniyyət faktlarında təcəssüm edən mövcudluğunu dərk etmiş olur. Mədəniyyəti başa düşərək bəşəriyyət öz
varlığının mənası, özünün fəaliyyəti və özünün mühiyyəti kimi “əbədi məsələlərə” cavab verməyə cəhd etmək kimi arzularını reallaşdırmaq kimi üzə çıxır.
İnsan fəaliyyətinin nəticəsi kimi meydana gələn mədəniyyət, mürəkkəb, dinamik özüinkişaf edən
sistemdir.
Mədəniyyətin fəaliyyəti, onun üç tərkib hissəsinin-mədəniyyətin predmentlərinin, insan
fəaliyyətinin vasitələrinin və insan keyfiyyətlərinin vəhdətində təqdim etmək olar. Lakin mədəniyyətin
hansı tərəfini nəzərdən keçirsək, o, həmişə “insaniləşdiriləcəktir.” Arxeoloqlar hansı kəllə sümüyünü
tədqiq etsələr, onun dəyəri yalnız onun özlüyündə kəllə olmasında deyil, ona görə dəyərlidir ki, keçmiş
epoxaların insanın təfəkkürünü səciyyələndirir. İnsan fəaliyyətinin istənilən vasitəsi insanın mahiyyət
qüvvələrinin reallaşma dərəcəsini xarakterizə edir. Yalnız kulturoloji yanaşma çərçivəsində mənəviyyat,
azadlıq, humanizm kimi spesifik insani keyfiyyətlərin məzmununu başa düşmək
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 63
mümkündür. Məhz bu anlayışlar ali dəyərlərini ifadə edir. Mədəniyyətin meydana gəlməsinin şəraiti və mahiyyət əlaməti azadlıqdır, yəni insanın fəaliyyəti
yalnız hər bir insan tərəfindən öz davranışının məqsəd və vasitələrinin sərbəst seçimi əsasında heyata
keçirilə bilər.
Humanizm – mədəniyyətin keyfiyyət meyarı, həqiqilik ölçüsü, onun daxili mahiyyətinin
göstəricisidir. Öz növbəsində mədəniyyət hadisənin zahiri əlamətini deyil, onun məzmununun
humanistliyi, ideal yönümlənmələrini və səylərini ifdadə edir. Mədəniyyət sistemində humanizm ideyaları
insanın özünə zəkalı, mənəviyyatlı və azad varlıq kimi hərəkətinin istiqamətini göstərən mənəvi
oriyentirlər kimi çıxış edir.
Mədəniyyət mürəkkəb, çoxsəviyyəli sistemdir. Belə qəbul edilmişdir ki, mədəniyyəti onun
daşıyıcılarına görə təsnif etmək lazımdır. Bundan asılı olaraq, dünya milli mədəniyyətlərini, həmçinin
müxtəlif sosial ümumiliklərin (şəhər, kənd, peşə, gənclər, ailə, ayrıca insanın) mədəniyyətlərini
fərqləndirirlər.
Ümumiyyətlə, mədəniyyəti xalq (qeyri-peşəkar) mədəniyyətə bölürlər. Mədəniyyət müxtəlif növlərə və cinslərə bölünür. Belə bölgünü vacib edən əsas insan fəaliyyətinin
müxtəlifliyinin nəzərə alınmasıdır.
Məzmununa və insana təsirinə görə mədəniyyəti bir sıra müxtəlif mütərəqqi, reqressiv, mürtəce
mədəniyyətlərə bölməyi təklif edirlər. Mədəniyyət insanı formalaşdıran başlanğıc kimi fərdi hən əxlaqi,
həm də əxlaqsız şəxsiyyət kimi tərbiyə edə bilər. Bu bir sıra obyektiv və subyektiv faktor və şərtlərdən
asılıdır. Bədii mədəniyyət cəmiyyətin, şəxsiyyətin mənəvi mədəniyyəti çərçivəsində həyata keçirilir.
Bədii mədəniyyəti mədəniyyətin xüsusi spesifik fenomeni kimi ayırmaqla biz onun insanın mənəviyyatı
sistemində xüsusi statusunu qeyd etmək istəyirik. Mədəniyyətin hər bir qatı öz spesifikasına, öz daxili
quruluşuna malikdir.
Maddi mədəniyyətin birinci sahəsinə maddi istehsalın nəticəsi olan predmentlər, həmçinin istehsalın texniki tərkib hissəsi aiddir. Bu elə bir şeydir ki, bunu “istehsal - texniki aspektlərini (texnoloji
mədəniyyəti) ehtiva edir.
İnsanın həyat fəaliyyətinin sahəsi olan təbabət, çox zaman mədəniyyətin bu sahəsindən asılıdır və
bəzən bu sahədəki işlərin vəziyyəti ilə şərtlənir. İstehsalın imkanları, sosial münasibətlərin durumu,
işçilərin texniki potensialının mövcudluğu və saxlanması, istehsala son elmi nailiyyətlərin tətbiq edilməsi
imkanı – bütün bunlar açıq şəkildə səhiyyənin vəziyyətində və insanların sağlamlığında əksini tapır.
Maddi mədəniyyətin ikinci sahəsi insanın öz intim həyatında davranışı vasitəsilə bağlıdır. İnsan nəslinin təkrar istehsalı mədəniyyəti müəyyən dərəcədə, fərdin ümumi mədəniyyətinin səviyyəsini
xarakterizə edir.
Mədəniyyətin başlıca funksiyası insani yaradıcılıq, yaxud humanist funskiyadır.
Ən mühüm funksiya kimi informasiya funksiyası, sosial təcrübənin ötürülməsi (translyasiyası) sayılır. Mürəkkəb sosial orqanizm, işarələr sistemi olan mədəniyyət nəsillərdən – nəsillərə, zamandan
– zamana, ölkədən – ölkəyə sosial təcrübəni ötürən yeganə mexanizmdir. Mədəniyyəti buna görə,
bəşəriyyətin sosial yaddaşı adlandırırlar.
Digər aparıcı funksiya idraki anoseloji funksiyadır. Özündə çoxlu nəsillərin ən yaxşı sosial
təcrübəsini cəmləşdirən mədəniyyət dünyada ən zəngin bilikləri toplamaq bacarığını və bununla da onun
dərki və mənimsənilməsi üçün əlverişli şərait yaratmaq qabiliyyətini əldə edir.
Mədəniyyətin requlyativ (normativ) funksiyası insanların ictimai və şəxsi fəaliyyətinin müxtəlif tərəflərinin növlərinin tənzimlənməsi ilə bağlıdır. Məhz məişət, əmək, şəxsiyyətlərarası münasibətlər
sahəsində mədəniyyət onların davranışlarını, hərəkətlərini, dəyər yönümləri seçimini müəyyən edir.
Semiotik, yaxud işarə funksiyası dildə reallaşır. Müvafiq işarələr sistemini öyrənmədən
mədəniyyəti başa düşmək, xüsusilə də onun nailiyyətlərini mənimsəmək qeyri – mümkündür. Belə ki, dil
(şifahi, yaxud yazılı)- insanların ünsiyyət vasitəsidir. Ədəbi dil milli mədəniyyətə yiyələnməyin ən
mühüm vasitəsidir. Musiqi, teatr, təsviri sənət kimi fenomenlərin xüsusi aləmini dərk etmək üçün spesifik
dillər lazımdır. Təbiət elmi fənləri (fizika, kimya, riyaziyyat, biologiya və s.) də öz işarə sistemlərinə
malikdirlər.
Dəyər, yaxud aksioloji funksiya mədəniyyətin ən mühüm keyfiyyət durumlarını əks etdirir.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 64
Dəyərlər sistemi olmaqla mədəniyyət insanda müəyyənləşmiş dəyər tələbatlarını və yönümlərini
formalaşdırır. Onların səviyyəsi və keyfiyyətinə görə çox zaman, bu və ya digər insanın
mədəniyyətliliyi barədə fikir söyləyirlər. Əxlaqi və intellektual məzmun, bir qyada olaraq, müvafiq qiymətləndirmənin meyarı kimi çıxış edir.
MƏDƏNİYYƏT SİSTEMİNDƏ TƏBABƏT. HƏKİM ŞƏXSİYYƏTİNİN
MƏDƏNİYYƏTİ.
Mədəniyyət anlayışınnın özünün mürəkkəbliyinə baxmayaraq real mövcudluğunu “üç üqnumda”
modallıqda təqdim etmək olar. Hər şeydən əvvəl, mədəniyyət insanın daxili keyfiyyətlərinin –
tələbatlarının, qabiliyyətlərinin, bacarıqlarının məcmusudur ki, bunlarında sayəsində, o, bilikləri,
dəyərləri, yönümlənmələri, idealları formalaşdırır. İkincisi, mədəniyyətin prossesual – fəaliyyətli aspekti
barədə mülahizə söyləmək mümkündür, çünki, insanın mənəvi məzmunu onun müxtəlif fəaliyyət
vasitələrində təzahür edir. Bu mənada çədəniyyət insan fəaliyyətinin təcəssüm qapdığı özünün predment
modallığına da malikdir. Bu, texnika, elm, incəsənət, fəlsəfə, din əsərləri siyasət və hüquq fenomenləri
ola bilər.
Bu üç aspektin hər birində təbabət mədəniyyətin bütün çalarlarının “reallaşdığı”, təzahür etdiyi,
insan fəaliyyətinin xüsusi növü kimi çıxış edir. Elmi ədəbiyyatda həkimin təfəkkür mədəniyyəti, təbabətdə dinin və incəsənətin, qarşılıqlı münasibətlər və davranış rolu problemləri nəzərdən keçirilir.
Predmet modallığı sahəsində mədəniyyət və təbabət ən müxtəlif altsistemlərində - “texnikanın
predmetləri- təbabət”, “məişət predmetləri – təbabət”, “sənət - əsərləri – təbabət”, “fəlsəfə əsərləri- -
təbabət”, “din fenomenləri – mədəniyyət” və s. ən ümumi əlaqələrə malikdirlər.
Burada “mədəniyyət – təbabət” sisteminə daxil oluna biləcək bütün elementlərin nəzərdən
keçirilməsi imkan xaricindədir; bunu hətta həmin sistemin moduslarından birinə peşəkar insanın, həkimin keyfiyyətlərinə nəzərən belə etmək çətindir. Həkim mədəniyyətinin tərkib elementləri olan fəlsəfi,
siyasi, əxlaqi keyfiyyətlər ayrıca predmet kimi nəzərdən keçirilə bilər.
Dünya mədəniyyəti tarixində həkimlik, bilik və vacib tibbi yardım göstərmək bacarığı ruh yüksəkliyi
ilə qəbul edilmiş, hətta ilahiləşdirilmişdir. Belə ki, qədim Misir mifologiyasında məhz Osiris allahı
insanlara elm, sənət, həkimlik sənətini öyrətmişdir. Qədim Hind mədəniyyətində biliklərin saqhibi
nadanlığa qalib gəlmiş Sira allahına etiqad edirdilər. Qədim Yunan mifologiyasında Titan Prometey
haqqında mifdə bu fikir təsbit olunmuşdur. Prometey nəinki insanlara ilahi odu ötürmüş, hətta onlara
müxtəlif sənət öyrətmiş, sirli bilik vermişdir və buna görə də allahlar tərəfindən cəzalandırılmışdır.
Təbabət, hər şeydən əvvəl bilik deməkdir. Həkimin cəmiyyətdə rolu nədən ibarətdir? Bu barədə
“təbabətin atası” Hippokrat obrazlı belə demişdir: “Filosof həkim Allaha bənzəyir, zira şeylərin
mahiyyətini dərk edir.”
Dünya mədəniyyəti tarixi sübut edir ki, həkimin məyi və sənətkarların fəaliyyəti həmişə yanaşı durmuş və çox zaman da bir şəxsiyyətdə təcəsümünü tapmışdır.
Empedokl həkimlik fəaliyyəti ilə yanaşı fəlsəfə, siyasət, poeziya ilə məşğul olmuşdur; o, yüksək
bədiiliklə seçilən “Təbiət haqqında” və “Saflaşma” poemalarını yazmışdır. Dövrümüzə və Empedoklun
450 şeri gəlib çatmışdır. Anatomiya və fiziologiyanın problemlərini o, bədii – obrazlı formada ifadə
etməyə çalışmışlar.
Aristotel – böyük filosof və həkimin - özünün “Metafizika”sında şəfa verənin sənətinin
böyüklüyü və vacibliyi barədə mülahizə yürüdərkən belə bir fikir söyləyir: “həkim xəstəni müalicə
etməzdən əvvəl, bu və ya digər xəstənin vəziyyətində konkret təzahürü mahiyyətinin spesifikasını
öyrənməlidir”. “Nəfs haqqında” əsərində insanın ruhi aləminə, psixoloji vəziyyətinə müraciət edir.
Tibbi təhsil almış və dünya şöhrəti qazanmış görkəmli yazıçılar içərisində Lui Bussenari, Konan Doyli, Albert Şveytseri, A.Çexovu, M.Bulqarovu, V.Dali göstərmək olar. Öz rübailərini yazan Ömər
Xəyyam həm də xəstələri müalicə edirdi. A.Çexov “Darıxdırıcı hadisə” əsərində təbabət professorunun oxuduğu mühazirənin gözəl təsvirini
verir və onu belə bir nəticə ilə başa çatdırır: “Heç bir idman, heç bir əyləncə və oyunlar heç
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 65
zaman mənə mühazirə oxumaq qədər həzz verməmişdir. Yalnız mühazirədə mən öz ehtiraslarıma
qapılıram və başa düşürəm ki, ilham şairlərin uydurması deyildir, həqiqətən də mövcuddur.”
Çox adama məlumdur ki, Qalileyin atası çox istəyirdi ki, onun oğlu həkim olsun, Qalileyin özü Piza universitetinin tibb fakultəsində oxumuşdur. Heliosentrik sistemin banisi Kopernik riyaziyyatçı,
həkim olmuş, bədii ədəbiyyatdan tərcümələr etmişdir.
Həkimlər geniş dünyagörüşə malik olmuş, planetlər kəşf etmiş, enerjinin saxlanması qanunu
öyrənmişlər. Onlar kimyəvi elementləri öyrənir və yüksək səviyyəli bədii əsərlər yazır, öz öldürücü zəhəri təcrübədən keçirir, insan xəstəliyinin səbəbini aşkar etnək naminə sarı qızdırmadan ölmüş
xəstələrin paltarını geyirdilər. Təbabəti bürüyən romantizm haləti həkimlik diplomu olmayan, lakin insan
xəstəliyi ilə ürəkdən mübarizə aparan istedadlı insanları özünə cəlb edirdi.
Mədəniyyət insanın həyat fəaliyyəti vasitəsi, varlıq forması kimi özündə humanizm, azadlıq, zəka
və mənəviyyat daşıyan səy və davranışlarla xarakterizə olunur. Yalnız mədəniyyət məkanında insan
özündə yerləşən mahiyyət keyfiyyətlərini reallaşdıra bilər, humanist dəyərləri qəbul etmiş şəxsiyyət
kimi reallaşa bilər. Təbabət və mədəniyyət özünün bütün çalarları ilə bir – birilə bağlıdırlar, insanın
inkişafı onun keyfiyyətcə təşəkkülü kimi ümumi vəzifən həyata keçirirlər. Həkimin fəaliyyəti elə
səviyyəli şəxsi keyfiyyətlər tələb edir ki, bunlar təbabət praktikasının ali insani idealları həqiqəti, xeyri və
gözəlliyi təsdiq etmək metodları və formaları olsun.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 66
MÖVZU 17
CƏMİYYƏTİN HƏRƏKƏTVERİCİ QÜVVƏLƏRİ.
XALQ VƏ ŞƏXSİYYƏT
Şəxsiyyət anlayışı. Şəxsiyyət və cəmiyyətin qarşılıqı münasibəti - Bütövlükdə
cəmiyyətin subyekti əhalidir, xalq kütlələridir. Müəyyən tarixi inkişaf mərhələsində ictimai əlaqə və
münasibətlərə girən insanların fəaliyyəti olmadan cəmiyyət nə mövcud ola, nə də inkişaf edə bilməz.
Cəmiyyətin mövcudluğunun inkişafının əsas şərti əhalinin, xalq kütlələrinin əmək – istehsal, sosial –
siyasi və mənəvi fəaliyyətidir.
Məhz görkəmli şəxsiyyətlərin istiqamətverici rəhbərliyi ilə xalq kütlələrinin maddi istehsal və
sosial – siyasi inqilabi mübarizə fəaliyyəti cəmiyyətin, tarixi prosesin hərəkətverici qüvvələrini təşkil
edir.
Şəxsiyyət – ictimailəşmiş, sosial münasibətlərə girən, inkişaf etmiş insandır. “Şəxsiyyət” anlayışı
üçün başlıca cəhət bioloji, psixofizioloji deyil, sosial mahiyyətdir. Buna görə də dialektik materialist sosial fəlsəfə “Şəxsiyyət nədir?” sualına “ictimai münasibətlərin daşıyıcısı olan insan”, “sosial
münasibətlərin məcmusu olan insan”, “sosiallaşmış insan” kimi cavablar verir.
“Şəxsiyyət” anlayışına həm birgəyaşayış, həm də elmi kateqoriya kimi baxılmalıdır.
Bu anlayış: 1) sözün ən geniş mənasına, ictimai münasibətlərin və şüurlu fəaliyyətin daşıyıcısı olan subyekti,
müəyyən şəxsi və ya fərdi insanı bildirmək üçün işlədilir;
2) bu və ya digər cəmiyyətə və ya birliyə məxsus olan üzvü, nisbi sabit sosial əhəmiyyətli cəhətləri
ilə fərqlənən fərdi bildirir. Hər iki mənada bu anlayış “insanın bütövlüyünü”, “bütöv insan və ya sosial
– psixoloji siması olan şəxsiyyəti ifadə etmək üçün işlədilir.
Hazırda fəlsəfədə şəxsiyyət haqqında iki ümumiləşmiş konsepsiya mövcuddur: şəxsiyyət insanın funksional səciyyəsidir və şəxsiyyət insanın mahiyyət səciyyəsidir. Birinci, insanın cəmiyyətdə oynadığı
rolu, həyata keçirdiyi ictimai funksiyaları ifadə edir, burada daxili mahiyyət, insanın “öz mənəvi dünyası” deyil, zahiri fəaliyyəti ön plana çəkilir; ikinci isə insanın daxili mənəvi potensialını, xarakter və iradəsini,
mənlik şüurunu, mənəviyyatını ifadə edir.
Şəxsiyyətə münasibətdə hər iki konsepsiyanı vəhdət halında götürən müasir filosofların çoxu, düzgün olaraq, belə hesab edirlər ki, “Şəxsiyyət” onu təşkil edən üç cəhətin məcmusudur: biogenetik
qabiliyyət (imkan), sosial amillərin təsiri (mühit, şərait, normalar, tənzimedicilər) və onun psixo– sosial nüvəsi – “mən”i. Məhz bu əsasda şəxsiyyətin psixik xarakteri, fəaliyyət istiqaməti, təlabat və mənafeyi,
əqidə və dünyagörüşü formalaşır və inkişaf edir.
Lakin fəlsəfə tarixində insana, xüsusilə “sosial mahiyyətli insana” – şəxsiyyətə, onunla bağlı olan
suallara müxtəlif mövqelərdən cavablar vermişlər. Həmin mövqelər nə qədər müxtəlif olsa da, onlar bir
nöqtədə ümumiləşir, vahidləşirdilər: bütün bu baxışlar şəxsiyyətin əsas meyarı olan “ictimailəşmiş
insan”, “sosial münasibətlərin məcmusu olan insan” baxışını ya qismən, ya da tam inkar edir, qəbul
etmirdilər. Ən yaxşı halda şəxsiyyətə “fərdi varlıq”, “biofizioloji fərd” kimi baxırdılar. Şəxsiyyət üçün
əsas cəhəti təbii, fərdi, fitri, bioloji keyfiyyətlərdə axtarırdılar.
Şəxsiyyətin fəlsəfi problemi – insanı, onu əhatə edən dünyada nə kimi və necə yer tutur? Onun
ətraf aləmə və özünə münasibəti necədir? O özünü və dünyanı dərk edə və ona fəal təsir edə bilərmi?
İnsanın özünü dərketməsi və “mənlik şüuru” səviyyəsi necədir? Onun azad iradəsi vardırmı? Və s. kimi
mürəkkəb suallara elmi – fəlsəfi cavab verməyi tələb edir.
Qədim yunan fəlsəfəsində Sokratın insana müraciətində dediyi “Özünü dərk et!” ideyası ilə
şəxsiyyətin fəlsəfi təhlilinin əsasları qoyulmuşdur. Aristotel şəxsiyyətin “ictimailəşmiş varlıq” kimi səciyyələndirmişdir.
Yeni dövr, XVII əsr və maarifçilik fəlsəfəsində şəxsiyyətin əsasına zəka, mənəvi mahiyyət
üstünlük verilmirdisə, digər cəhətdən irrasionalizm mövqeyi təbliğ olunurdu. Bunlar isə insana dualist
münasibətdən irəli gəlir. Bu dövr fəlsəfəsində çox vaxt insanın öz – özünə münasibəti, özünü
dərketməsi ön plana çəkilir, şəxsiyyət “mən” lə eyniləşdirilirdi.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 67
Alman klassik fəlsəfəsinə, xüsusilə Kanta görə insanın özünü dərketməsi, “mənlik şüuru”
ifadəsində şəxsiyyətə çevrilir: bu yolla insan özünü başqa canlılardan fərqləndirir, öz “mən”–ini
yaradaraq onu mənəvi qanunlara tabe edir.
XIX əsr fəlsəfəsində də şəxsiyyətin əsasına mənəvi başlanğıc qoyulur. Burada insanın şəxsiyyət
kimi formalaşması üçün onun gerçəklik hadisələrində maddiləşməsi, cəmiyyətdən keçərək, cəmiyyət
vasitəsilə bütün kainatla əlaqələnməsi tələb olunur.
Şəxsiyyətin formalaşması üçün ona zəka, iradə, xarakter, emosiya, əmək, ünsüyyət və s. kimi
sosial – mənəvi keyfiyyətlərin məcmusu kimi yanaşılması zəruridir.
Alman klassik fəlsəfəsində xüsusilə Fixte və Feyerbax şəxsiyyətə sosial mahiyyət verməyə
çalışmışdır. Onlar belə hesab edirdilər ki, cəmiyyətdən təcrid olunmuş, müəyyən əlaqə və ünsiyyətə
girməyən insan, fərd mövcud ola bilməz. Başqa adamlarla sosial əlaqə və münasibətlərdə “insan insan
olur”, yəni şəxsiyyət kmi çıxış edir.
Müasir freydizmə görə şəxsiyyətin psixik strukturu “üç mərhələlidir”. Freydə görə “əsas mərhələ”,
ilkin başlanğıc, ən qüdrətli “O”–dur. Buraya bioloji impulslar, ehtiraslar, qeyri – şüuri emosiyalar və s.
aiddir. Bu qeyri – şüuri əsas üzərində şüurlu mərhələ yüksəlir – bu “mən”- dir. Nəhayət, üçüncü mərhələ
- “mən”- dən yüksəkdə duran” insan ruhu mərhələsi gəlir. İlk əsas isə psixik olan “ondan ibarətdir ki,
o da insanın bütün psixik fəaliyyətini müəyyən edir, onun hisslərini, etirazlarını, cəhdlərini, hərəkətlərini
idarə edir, deməli Freyd şəxsiyyətin sosial mahiyyətinin mənbəyini subyektiv idealizm mövqeyindən
həll edirdi, psixik olana istinad edirdi. Şəxsiyyətlə cəmiyyətin qarşılıqlı münasibətlərin tarixən aşağıdakı
formalarda olmuşdur: 1) Onlar arasında şəxsi asılılıq münasibətləri. Bu forma kapitalizmə qədərki bütün
formasiyalar üçün xasdır. İbtidai cəmiyyətdə şəxsi asılılıq ənənəvi, yaşayış tərzi qaydalarına uyğun
formalaşmış, istismara əsaslanmırdı. Quldarlıq və feodalizmdə isə şəxsi asıllıq istismara əsaslanmış,
insan istehsaldan, cəmiyyətdən tam asılı şəklə salınmışdır; 2) Maddi - əşyavi asılılıq münasibətləri.
Kapitalizmdə şəxsi asılılıq qanun üzrə aradan qalxır, qanunla hamının hüquq bərabərliyi, söz, mətbuat,
seçmək azadlığı elan olunur. İnsanın qeyri – iqtisadi asılılığı ləğv olunur.
Lakin şəxs iqtisadi - əşyavi cəhətdən asılı vəziyyətə düşür; 3) Fərdiyyət azadlığı münasibətləri.
Sosializm cəmiyyətində kollektivçi şəxsiyyət tipi formalaşmışdır. Şəxsiyyət kollektiviçərisində əriyib
itmir, fərdilik öz rəngarəngliyini, zənginliyini saxlayır. Lakin bizim ölkəmizdə sosializm şəraitində
şəxsiyyətin əlaqəsinin qiymətləndirilməsinin humanist ölçüləri şəxsiyyətə pərəstiş, durğunluq illərində
inzibati – amirlik üsul - idarəçiliyi metodları əsasında pozulmuş, bu sahədə bir çox prinsiplər
deformasiyaya uğramış, Stallin repressiyası üzrə bir çox görkəmli şəxsiyyətlərə divan tutulmuşdur. Bu
hal 30–40–cı illərdə Azərbaycanda daha şiddətli şəkil almışdır.
Tarixi prosesdə xalq kütlələri və görkəmli şəxsiyyətlərin rolu - Materialist sosial
fəlsəfənin nümayəndələri və bir sıra mütərəqqi fikirli başqa nəzəriyyəçilər belə hesab edirlər ki, maddi
və mənəvi nemətləri istehsal etməsəydilər, cəmiyyət nə yarana, nə də inkişaf edə bilməzdi. Dialektik
materialist fəlsəfə xalq kütlələri dedikdə, həmişə zəhmətkeşləri – antoqanist sinfi cəmiyyətlərdə istismar
olunan kütlələri nəzərdə tutur. Xalq kütlələrinin əmək fəaliyyəti olmasaydı onlar istehsalı az müddətə belə
dayandırsaydılar, bəşəriyyət məhv olub gedərdi. Amma bunu belə başa düşmək lazım deyildir ki, tarixi
prosesin də heç bir rolu yoxdur. Əksinə, onların böyük rolu vardır. Bu rol ondan ibarətdir ki, görkəmli
şəxsiyyət tarixi prosesin zəruri əlaqələrini və qanunauyğun gedişini düzgün dərk etsin, kütlələrin
fəaliyyətini həmin mütərəqqi istiqamətə yönəltsin və onları məqsədəuyğun idarə etməyi bacarsın.
Şəxsiyyətin yetişməsinin başlıca amili ictimai mühit, onun müxtəlif sosial əlaqə və münasibətləridir. Məhz ictimai – tarixi şərait, sosial mühit şəxsiyyəti formalaşdırır.
Odur ki, şəxsiyyət tarixi prosesə müsbət və mənfi təsir etsə də, onu yarada bilməz. Tarixin həqiqi
yaradıcısı xalq kütlələridir. Xalq kütlələri tarixin yaradıcısı olmaq şərtilə üç amilə əsaslanır.
Birincisi, ona görə ki, məhz zəhmətkeş xalq kütlələrinin fəaliyyəti ilə maddi nemətlər istehsal olunur: yemək, geymək, mənzil və digər yaşayış vasitələri əldə edilir. Bunlar isə cəmiyyət inkişafının
başlıca amilidir.
İkincisi, ona görə ki məhz zəhmətkeş xalq kütlələrinin fəaliyyəti ilə ictimai tarixi hadisələr
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 68
yaranır, inkişaf edir. Xalq kütlələrinin fəal iştirakı olmadan heç bir sosial – tarixi hadisə baş verə bilməz.
İnqilabçı xalq kütlələri yetişmədən, təkcə bir neçə rəhbərin olması şəraitində “tarixin lokomotivləri olan
sosial inqilab baş verə bilməz,” üçüncüsü, ona görə ki, məhz zəhmətkeş xalq kütlələrinin fəaliyyəti,
yaradıcılığı, mənəvi mədəniyyətin, incəsənətin, elmin və s. mənbəyidir. Xalqın yaradıcılığı, onun
folkloru, xalq təbabəti, təbiət haqqında biliklər, tibb elminin, biologiyanın, bədii ədəbiyyatın, incəsənətin
mənbəyi, əsasıdır.
Lakin xalq kütlələrinin maddi, sosial–siyasi və mənəvi fəaliyyəti o zaman böyük nailiyyət qazanır
ki, ona görkəmli şəxsiyyətlər, rəhbərlər düzgün istiqamət verir.
Bu və ya digər görkəmli şəxsiyyət müəyyən zəruri şərait olduqda meydana çıxır. Məsələn, XIX
əsrin 30 - 40–cı illərində Avropa ölkələrində tarixi şərait fəhlə sinfinin inqilabçı sinif kimi meydana
atmış, inqilabi proletar hərakat üçün zəmin yaratmışdır. Bu şərait, sosialist nəzəriyyəçiləri və inqilabi
hərakatın liderləri kimi görkəmli şəxsiyyətlərin meydana çıxmasını zəruri edirdi. Lakin həmin şəraitdə
görkəmli şəxsiyyətlərin deyil, məhz həmin şəxslər olması xalis təsadüfi səciyyə daşıyır.
Şəxsiyyət tipləri: fərd, fərdilik, kollektiv və cəmiyyət - Şəxsiyyət – içərisində yaşadığı
tarixi dövrün, ictimai – siyasi quruluşun, sosial mühütün məhsuludur. Buna görə də o, ümumiyyətlə
şəxsiyyət deyildir, konkret tarixi səciyyə daşıyır. Odur ki, şəxsiyyət tipləri ancaq müəyyən konkret tarixi
dövrün, mədəniyyətin, mənəvi tərəqqi və dünyagörüşün məhsuludur, antik, orta əsr, intibah, yeni dövr
və s. konkret tarixi dövrün və s. konkret – tarixi cəmiyyət tiplərinə uyğun şəxsiyyətlər də mövcud
olmuşdur.
Hər bir tarixi şərait “öz şəxsiyyətini” doğurur. Məsələn, XX əsr şəxsiyyəti keyfiyyətcə qədim orta
əsr, XVIII və XIX əsr şəxsiyyətlərindən əsaslı qaydada fərqlənir. İctimai – iqtisadi formasiyaların dəyişməsi və şəxsiyyət tipləri də dəyişir.
İlkin şəxsiyyət tipi ibtidai icmada formalaşmışdır. Burada şəxsiyyət üçün fərdilikdə çox, ümumilik keyfiyyətləri: ənənəyə sədaqət, qan qohumluğu, ümumi mənəvi normalar və s. əsas idi.
Quldarlıq və feodalizm cəmiyyətində fərqli sinfi, iqtisadi, sosial mənafelərin, xüsusi mülkiyyətin mövcudluğu şəraitində yeni şəxsiyyət tipi meydana çıxır. Burada şəxsiyyətə bir tərəfdən kollektivçilik
ənənələri, digər tərəfdən isə sinfi məhdudluq öz təsirini göstərir.
Burjua münasibətlərinin qərarlaşması ilə “azad iradəyə malik, özünü dünyanın ağası” hesab edən
yeni şəxsiyyət tipi də meydana gəldi. Sosializm şəraitində isə sosial – iqtisadi əsasını ictimai mülkiyyət
təşkil edən kollektivçi şəxsiyyət tipi xas idi.
Fərd də həmişə ictimai mövcudluqdur: yaşadığı ictimai münasibətlərin məhsuludur. Fərd
sosiallaşaraq şəxsiyyətə çevrilir.
Mütləq mənada ayrıca fərd yoxdur, “ictimailəşmiş” kollektivin bir üzvü, tamın bir hissəsi kimi
sosial fərd vardır. Fərd cəmiyyət içərisində yaşayır. Dövr, mədəniyyət, ictimai inkişafın xüsusiyyətləri
və s. fərdi davranışda təzahür edir, şəxsiyyətin fəaliyyətində reallaşır. Fərdilik təkrarolunmazlıq kimi
qalır.
Cəmiyyət bütün canlı orqanizmlər içərisində ən yüksək mütəşəkkillikdir. İnsan həyatda nəyə nail
olmuşsa, nə kimi maddi və mənəvi sərvətlər əldə etmişsə, bunun üçün cəmiyyətə minnətdar olmalıdır. İnsan cəmiyyətdə kollektivlər vasitəsilə əlaqəyə girir
Kollektiv şəxsiyyətin özünəməxsusluğunu itirmir, onu qoruyur, fərdi təşəbbüsə geniş meydan
verir. İnkişaf edən orqanizm kimi kollektiv də müəyyən problemlərlə qarşılaşır, ziddiyyətləri həll etməli
olur.
Şəxsiyyət azadlığı. İnsan amili və şəxsiyyətin hərtərəfli inkişafı problemi. Hər bir ictimi – tarixi hərəkatın vüsəti oraya xalq kütlələrinin hansı səviyyədə cəlb olunmasından,
xalqın sosial – yaradıcı fəallığından asılıdır.
İnsanın sosial – yaradıcı fəallığının əsas göstəricisi onun azadlığı səviyyəsidir, təbiət və cəmiyyətin inkişaf qanunauyğunluqlarını dərk etməsi, onların kortəbii fəaliyyət təsirindən çıxmaq imkanı
azad və şüurlu surətdə həmin qanunauyğunluqlardan və əməli məqsədlərinə uyğun istifadə etmək
bacarığıdır. Ancaq belə insan azad və fəaldır.
Şəxsiyyət azadlığı fəlsəfənin ən mürəkkəb, çoxsahəli və ziddiyyətli problemlərindəndir. Bəzən
iddia olunur ki, cəmiyyətdə şəxsiyyət azadlığı onun sərbəst fəaliyyəti mümkün deyildir. Çünki
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 69
cəmiyyət obyektiv ictimai qanunların fəaliyyət təsirindəndir, insan da bu qanunlardan asılıdır, ictimai
qaydaların ancaq icraçısıdır. Lakin biz ancaq zərurəti qəbul edir, şəxsiyyətin azad fəaliyyətini
görmürüksə, onda şəxsiyyətin məsuliyyət hissini, cavabdehliyini, vəzifələrini də qəbul etməməliyik. Bu
düzgün deyildir. Ona görə də fəlsəfə tarixində belə bir ümumi nəticə qəbul olunmuşdur: “Mədəniyyət
tarixində irəliyə atılan hər bir addım, insan azadlığına doğru atılmış addımdır”. Cəmiyyətdə şəxsiyyət
öz fəaliyyət məqsədini müəyyən etməkdə azaddır. Şəxsiyyət azadlığı cəmiyyətdəki sosial, siyasi, mənəvi
və s. azadlıqların mövcudluğu səviyyəsindən də çox asılıdır. İnsan, şəxsiyyət azadlığı uğrunda mübarizə
cəmiyyətin əsas hərəkətverici amillərindən biridir. Antoqanist cəmiyyətlərdə siyasi hakimiyyət iqtisadi
cəhətdən hökmran olan sinif və başqa ictimai qüvvələrin əlində olduğuna görə, orada şəxsiyyət iqtisadi
cəhətdən hökmran olan sinif və başqa ictimai qüvvələrin əlində olduğuna görə, orada şəxsiyət azadlığı
da hakim sinifin iradəsinə tabe edilmişdir. Məsələn, kapitalizmdə şəxsiyyətin sinfi, milli
mənsubiyyətindən asılı olmayaraq hüquq bərabərliyi, siyasi, mənəvi, hüquqi azadlıqları elan olunsa da
burjua demokratiyası şəraitində şəxsiyyətin həqiqi azadlığı məhduddur, axıradək həyata keçirilə bilmir.
Lakin indiki şəraitdə kapitalizm XX əsrin əvvəlindəki kapitalizm deyildir; bir çox kapitalist ölkəsində
zəhmətkeşlər həqiqi hüquq və azadlıqlar qazanmış, onların maddi və mənəvi tələbatlarının ödənilməsi
üçün şərait yaradılmış həyat səviyyəsi yüksəlmişdir.
İnsan amilini fəallaşdırmağın ən ümdə şərtlərindən biri əməyə birinci həyati zərurət kimi
münasibət bəsləməsinə nail olmaqdan ibarətdir; bundan başqa, müasir şəxsiyyət vətəndaşlıq mövqeyi və
siyasi şüura yiyələnməlidir. Bunsuz, insanın ağıllı təlabatı və mənafeyinin obyektivliyi təmin oluna bilməz, onun ictimai və şəxsi mənafeyini vəhdət halında birləşdirmək qeyri – mümkün olur.
İnsan amilinin fəallaşdırılması, şəxsiyyətin hərtərəfli inkişafı, öz – özünə baş verən, kortəbii bir
proses, ziddiyyətlərsiz, problemlərsiz bir hadisə deyildir. Burada daimi diqqət tələb edən, həll edilməsi
zəruri olan ciddi məsələlərvardır.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 70
MÖVZU 18
FƏLSƏFİ FİKİRDƏ TƏRƏQQİ PROBLEMİ
I. İctimai tərəqqi anlayışı - Tərəqqi bəşər cəmiyyətinin irəliyə doğru tarixi inkişafının zəruri,
istiqaməti meylidir. Bəşəriyyətin aşağıdakı mərhələlərdən yüksəyə inkişaf etdikcə daha da yetkinləşir,
tərəqqi edir.
Bəşəriyyət ibtidai sürüdən, qəbilədən indiki cəmiyyətədək uzun, ziddiyyətli yol keçmişdir. Lakin
bu inkişaf heç də səhvsiz getməmişdir. Bəzi ədalətli, mütərəqqi hərəkatlarda cəmiyyətin qabaqcıl,
mütərəqqi qüvvələri belə məğlub olur, tənəzzül edir. Lakin tərəqqi inkişafın mütləq meylidir, əbədi və
qarşısıalınmazdır.
Cəmiyyət inkişafında hər yeni mərhələ köhəyə nisbətən mütərəqqidir, ictimai tərəqqinin daha
yüksək mərhələsidir. Bu mənada bəşəriyyətin keçirdiyi beş ictimai – iqtisadi formasiyanı, ictimai
tərəqqinin mərhələləri adlandırmaq olar. Hər formasiya əvvəlkinə nisbətən həm məhsuldar qüvvələrin
yetkinliyi səviyyəsinə görə həm də istehsal münasibətləri və mənəvi münasibətlərin təkmilləşməsi
dərəcəsinə görə də mütərəqqidir.
Tarixlə az–çox tanış olan adam, mütərəqqi inkişafın qarşısıalınmazlığını, onun aşağı formalardan
yuxarıya doğru yüksəlməyinin asanlıqla dərk edir. Şübhəsiz “Homosapiens” (ağıllı insan) bioloji növ
kmi öz sələfləri olan pitekantron və niandertallara nisbətən təkamül nərdivanının yüksək pilləsində
durur. Tərəqqi texnikanın inkişafında daha aydın hiss olunur. Cəmiyyət inkişafı da aşağı, ibtidai, qəbilə -
tayfa münasibətlərindən hazırki sivilizasiyalı sosial – tərəqqiyə doğru uzun və qarşısıalınmaz bir yol
keçmişdir. Tərəqqi inkaredilməzdir, göz qabağındadır.
Müəyyən vaxtlarda nəinki tərəqqi ideyasını qəbul etməmişlər, hətta onu inkar etmişlər. Lakin
ümumi ictimai – tərəqqi ideyası, əsasən insanları həmişə düşündürmüş, onları tərk etməmişdir. Bu
ideyanın özünəməxsus uzun tarixi dünyagörüşü, idraki (qneseoloji), sosioloji (siyasi) və mənəvi –
emosional (psixoloji) aspektləri vardır. Çox qədim zamanlardan insanlar düşünmüşlər ki, onların
yaşadıqları cəmiyyətin tərəqqisi onları xoşbəxt edə bilərmi? Yoxsa, onları bədbəxtliklərmi gözləyir? Bu
nöqteyi – nəzərdən insanlar dünyagörüşcə gələcəyə ya nikbin münasibət bəsləmişlər. Bir sıra
mütəfəkkirlər ümumi ictimai tərəqqi ideyasını qəbul etməmiş, gələcəyə bədbin münasibətdə olmuş,
“xoşbəxtlik keçmişdə qaldı” deyərək idealizə etmiş, insanların geriyə - “qızıl əsrə” qayıtmağa
çağırmışlar. “Keçmiş də insanlar yoxsul da olsalar, bərabər və xoşbəxt olmuşlar” nəticəsinə gəlmişlər.
Onlar nəinki ibtidai bərabərlik cəmiyyətini, hətta quldarlığı da müasir dövrdən daha tərəqqi etmiş hesab
edirlər. İntibah dövrünü tərəqqinin zirvəsi adlandırmışlar. Bəzi antik mütəfəkkirlər (Olaton, Aristotel və
b.) tarixi prosesə əvvəlki dövrlərin mərhələsi, təkrari və ya dövranı kimi baxmışlar. Sonralar tərəqqi
ideyasını ən çox insan idrakına onu aşağıdan yüksək mərhələyə yüksəlməsinə aid etməyə başlamışlar.
Bekon, Dekart və başqaları idrakın inkişaf yolunu tərəqqidə görürdülər. Sonralar tərəqqi ideyasını XVIII
əsr maarifçilərindən A.Tyurqo, J.Kondorose və başqaları ictimai münasibətlər sisteminə aid etmiş,
ictimai tərəqqiyə cəmiyyətin mərhələli inkişafının ifadəsi kimi baxmışlar. Viko, Russo və başqaları isə
ilk dəfə tarixi tərəqqinin ziddiyyətli səciyyəsindən bəhs etmiş, tərəqqinin tarixi geriyə döndərilməsi,
“qızıl əsrə” qayıdış kimi mənalandırmışlar. Lakin tərəqqinin mahiyyətinin keçmişə qayıdışdan və ya
tarixi dövrandan ibarət olduğunu iddia edən baxışları Hegel ciddi tənqid etmişdir. Hegel tarixi inkişafı –
ayrı – ayrı konkret mərhələlərin bir – birini əvəz etməsindən ibarət olan vahid və qanunauyğun proses
hesab edirdi. Hegel insan azadlığını tarixi tərəqqinin əsas meyarı və göstəricisi hesab edirdi. Onun
fikrincə, azadlıq şüuru – tərəqqinin ölçüsü, meyarıdır.
Bütövlükdə XIX əsrdən tərəqqi ideyasının, yəni inkişafın yuxarıya qarşısıalınmazlığı, təbii– bioloji
təkamül, elmi – idrak və və cəmiyyət inkişafı üçün səciyyəvi olması qəbul edilmişdir. Bu ideya əsasında
“ictimai tərəqqi” anlayışı yəni cəmiyyətin, tarixi prosesin irəliyə doğru, qarşısıalınmaz inkişafı, həmin
prosesin obyektivliyi, qanunauyğunluğu mərhələləri birinin digərinə nisbətən yüksək və mütərəqqi
mərhələ olması əsaslandırılmışdır. Tarixən ictimai tərəqqinin iki növü qəbul edilmişdir: antoqanist və
qeyri – antoqanist ictimai tərəqqi növləri. Sosial tərəqqinin antoqanist sinfi mənafeləri olmayan
cəmiyyətlərdəki (ibtidai icma, sosializm), qeyri – antoqanist ictimai tərəqqi, antoqanist sinfi
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 71
mənafeləri olan, istismar sosial ədalətsizlik, təzahürlərinin mövcud olduğu cəmiyyətlərdəki (quldarlıq,
feodalizm, kapitalizm) növü isə antoqanist ictimai tərəqqi hesab olunur. Lakin sosial tərəqqinin qeyri –
antoqanist növünün də öz ziddiyyətləri, problemləri vardır. Sosializmin müasir tənəzzülü bunu tam təsdiqetdi.
İctimai tərəqqinin meyarı problem - Dialektik sosial fəlsəfədə ictimai tərəqqi və onun meyarı
haqqında təlimin də əsasında tarixə dialektik – materialist münasibət haqqında baxış durur: bəşər tarixi
daim irəliləyən obyektiv, təbii – tarixi, qanuuyğun prosesdir, cəmiyyətin inkişafı gedişində istehsala olan
təlabat məhsuldar qüvvələri daim təkmilləşdirir, yeniləşdirir. Yeni məhsuldar qüvvələr öz xarakter və
səviyyəsinə uyğun yeni istehsal münasibətləri tələb edir. Həmin ziddiyyət sosial inqilab vasitəsilə həll
olunur, yeni ictimai quruluş meydana çıxır, bəşəriyyət tərəqqi eləyir,irəliləyir.
İctimai tərəqqinin əsasında yenə də əmək insanların istehsal və sosial dəyişdirici fəaliyyəti durur.
İctimai tərəqqinin nüvəsini, onu ən yüksək meyarını məhsuldar qüvvələrin, xüsusilə onun subyekti olan
insanın inkişafı səviyyəsi təşkil edir. İctimai tərəqqinin meyarını məhsuldar qüvvələrin texniki – iqtisadi
tərəfinin inkişafı baxımından deyil, məhsuldar qüvvələrin inkişafında elmin nailiyyətlərinin
maddiləşməsi, cəmiyyətin sosial – siyasi vəziyyəti, təhsil, səhiyyə, mənəvi tərəqqi, ictimai şüur və s.
baxımından yanaşılmalıdır. İctimai tərəqqinin həqiqi meyarı məhz istehsal üsulu özüdür. İstehsal üsulu
inkişafının hər mərhələsi, hər növü ictimai tərəqqinin də müəyyən növü və mərhələsinə uyğun gəlir, onlar
da bir – birindən iqtisadi, sosial, siyasi, mədəni və mənəvi yetkinlik səviyyəsinə görə fərqlənirlər.
Məsələn, ictimai tərəqqinin antoqanist növü quldarlıq, feodalizm və kapitalizm mərhələlərindən keçir,
onun qeyri – antoqanist növünə isə iki mərhələ - ibtidai icma və sosializm daxildir. Bunlar həmçinin
istehsal üsulunun növləri və mərhələləridir.
İctimai tərəqqinin meyarını müəyyən edərkən ona nisbi anlayış kimi baxmaq, burada “inkişafın
çoxamilliliyi” konsepsiyasına əsaslanmaq, məhsuldar qüvvələri əsas, başlıca, digər amilləri isə (ictimai
münasibətləri, mənəviyyatı, ictimai şüuru və s.) təsiredici mühüm kimi nəzərə almaq lazımdır.
Q.V.Plexanov “Tarixə minist baxışın inkişafı haqqında məsələyə dair” əsərində sosial tərəqqinin
meyarı, ona təsir edən amillər məsələsinə geniş yer vermişdir.
Q.V.Plexanov maddi istehsalı, xüsusilə məhsuldar qüvvələrin yetkinliyini sosial tərəqqinin əsas
meyarı hesab etsə də, ona tarixi inkişafın başlıca amili kimi baxsa da “çoxamilliliyə” daha üstünlük
verirdi. Onun fikrincə maddi amil aparıcı olsa da yeganə deyildir. Bir çox amillərin (maddi – texniki
tərəqqi, şəxsiyyət azadlığı, əqli yetkinlik, mənəvi saflıq və s.) qarşılıqlı təsiri nəzərə alınmalıdır.
Tərəqqi hərtərəfli olmalıdır. Antoqanist cəmiyyətlərdə isə, çox vaxt tərəqqi müəyyən sinifin xüsusi
məqsədlərinə tabe edildiyindən birtərəfli gedir. Tərəqqi çox vaxt özündə xeyirlə şəri, ədalətsizliklə
ədaləti birlikdə aparır. Özlüyündə mütərəqqi olan hadisə mürtəce, zərərli nəticələr də doğura bilmir.
Məsələn, adi silahlarla üz - üzə vuruşan insanların odlu silah əldə edib, uzaqdan gizli mürtəce, zərərli
nəticələr də doğura bilmir. Məsələn, adi silahlarla üz – üzə vuruşan insanların odlu silah əldə edib,
uzaqdan gizli mövqelərdən vuruşmağa keçməsi, odlu silahdan atəş açıb tək – tək adamları öldürməkdən
kütləvi qırğın silahlarına (atom, hidrogen silahlarına keçməsi və s.) tərəqqidirmi? Koroğlu odlu silahın
meydana çıxması ilə qılıncını yerə qoymuş, “kişilik dövrü qurtardı” demişdir.
Tərəqqi faydalı olanla, faydasızı birləşdirir, eyni zamanda dağıdıcı, mürtəce məqsədlərə xidmət
edir. Odur ki, hər tərəqqi bəşətiyyətin ağıllı, qanunauyğun, xeyirli məqsədlərinə tabe olunmalı, beynəlxalq nəzarət və əməkdaşlıq şəraitində inkişaf etdirilməlidir.
İctimai – tərəqqinin mərhələləri və onların tarixi prosesdə yeri - İctimai tərəqqinin
mərhələləri problemi də müasir sosial fəlsəfədə və sosiologiyada mübahisəli həll olunur. Hələ qədim
dövrlərdən cəmiyyət inkişafının ibtidaidən aliyə, aşağıdan yuxarıya doğru necə getdiyi, düzxətlimi, yoxsa
mərhələlimi olduğu, sadəcə təkrarmı, yoxsa dövran səciyyəsi daşıması məsələsi mübahisəli olmuşdur.
XVII–XIX əsrlərdə isə mübahisə əsasən həmin mərhələlərin necə müəyyən edilməsi, onlar
arasında keyfiyyət fərqinin olub – olmaması ətrafında getmişdir: keçmiş sadəcə təkrarmı olunur, yoxsa hər mərhələ öz mahiyyət etibarilə irəliyə doğru atılmış, yeni keyfiyyət addımıdır? Nəhayət
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 72
mərhələli inkişaf hər bir yeni mərhələlənin köhnə zəmində əmələ gəlməsi və köhnəyə nisbətən yeni
keyfiyyət addımı olması qəbul edildi. Bu sahədə yenə də mübahisələr qalmışdır ki, bu mərhələlər
hansılardır və bir – birindən necə fərqlənir? Hələ vaxtilə Morqan və Engels tarixi prosesin belə
mərhələlərini insanların həyat tərzi və yaşayış üsulları, təbiətə təsiretmə vasitələri əsasında vəhşilik,
barbarlıq və mədəniyyət deyə üç hissəyə bölmüş, hər mərhələlənin də aşağı, orta və yüksək inkişaf
səviyyəsini qeyd etmişlər.
İctimai – iqtisadi formasiyaları tarixi tərəqqinin mərhələləri hesab edən marksist – leninçi
konsepsiyanı qəbul etməyən müasir burjua sosialogiyası və tarixi fəlsəfənin R.Aron, P.Sarokin və
başqaları kimi nümayəndələri cəmiyyət inkişafının mərhələlərini mədəniyyətin tarixi inkişafı ilə
əlaqələndirir, tarixi prosesin açarını, hərəkətverici amillərini insan idrakının dərketmə qabiliyyətində,
zəkanın yetkinliyi səviyyəsində, texniki təkmilləşmədə və s. axtarırlar. İngilis tarixçisi A.Toynbi “Tarixi
tədqiqatlar” əsərində qeyd edir ki, tarixi proses müxtəlif mədəniyyətlərin yaranması, inkişafı və məhv
olmasından ibarətdir. O, müxtəlif sivilizasiyalara əsasən tarixi mədəniyyət mərhələsinə bölürdü: Hind,
Çin, Yapon – Koreya, Uzaq Şərq, Ərəb, Vizantiya, Rus, Qərbi Avropa. O.Şpenqler isə “Avropanın süqutu”
əsərində tarixi – inkişafın ictimai – iqtisadi formasiyaların bir – birini əvəz etməsindən ibarət təbii –
tarixi obyektiv qanunauyğun proses olması ideyasını qəbul etmirdi, göstərirdi ki, cəmiyyət heç vaxt
sehrli bir dairədən çıxa bilmir, burada daim üç mərhələ bir – birini əvəz edir: yaranma, tərəqqi, tənəzzül.
ABŞ sosioloq – tarixçisi P. Sorokin qeyd edir ki, tarix həmişə köhnədir, öz – özünü təkrar edir.
Hər bir konkret mərhələni təşkil edən cəmiyyətin özünəməxsus məhsuldar qüvvələri və istehsal
münasibətləri vardır. Hər bir mərhələ xüsusi konkret bir cəmiyyətdir ki, marksizm onu ictimai – iqtisadi formasiya adlandırır.
İctimai – iqtisadi formasiya tarixi – inkişafın müəyyən mərhələsində duran özünəməxsus istehsal
üsuluna malik olan öz bazisi və üstqurumu ilə, maddi və mənəvi münasibətlərin spesifik tipi ilə
fərqlənən, özünəməxsus ailə, məişət və s. kimi ictimai hadisələrlə səciyyələnən xüsusi növ mütəşəkkil
cəmiyyətdir. İctimai – iqtisadi formasiyaların səciyyəvi xüsusiyyətlərinin təhlili geniş və mürəkkəb
problemdir, onun iqtisadi, sosial, siyasi, mənəvi məişət, hüquqi aspektləri vardır.
İbtidai icma və ya qəbilə - tayfa quruluşu ilkin formasiyadır, bu insanın meydana gəlməsindən
başlayaraq, quldarlıq cəmiyyəti formalaşanadək (e.ə. III minilliyədək) davam etmişdir. Quldarlıq və
köləlik - ilk sinifli ictimai – iqtisadi formasiyadır.
Quldarlığın əsas xüsusiyyətini istehsal qüvvələri və işçi qüvvəsi – qullar üzərində qul sahiblərinin tam xüsusi mülkiyyət təşkil edir.
Təhkimçilik quruluşunda və ya feodalizmdə istehsal alət vasitələri və torpaq üzərində
feodalların xüsusi mülkiyyəti mövcud idi. Təhkimli kəndlilər feodallara tərəfindən istismar olunurdu.
Təhkimli kəndlilər köhnə istismar şəraitində yaşaya bilmirdilər, kəndli üsyanları geniş vüsət alırdı.
Məhsuldar qüvvələrin inkişafı sürəti daha mütərəqqi istehsal münasibəti tələb edirdi.
Bu şəraitdə baş verən kəndli üsyanları və burjua inqilabları feodalizmin dağılması ilə nəticələndi. Ona nisbətən mütərəqqi quruluş olan kapitalizm ictimai - iqtisadi formasiyası qərarlaşdı.
Kapitalizm feodalizmə nisbətən mütərəqqi quruluş olsa da burjuada daxili antoqanist ziddiyyətlər
insanın insan tərəfindən istismarı, kiçik sosial qrup əlində cəmləşən xüsusi mülkiyyət qalırdı, burada onların ancaq tipi dəyişilmişdir. Kapitalizmdə sənaye çevrilişləri baş verdi, iri maşınlı
sənaye yarandı, texniki tərəqqiyə geniş meydan verildi.
Kapitalizmin inkişafının son mərhələsi olan imperializm “inqilabi şərait” doğurur. Nəhayət
kapitalizmi sosializm əvəz edir.
Sosializm – cəmiyyətin ictimai tərəqqisinin yeni mərhələsi, bəşəriyyətin mütərəqqi cəmiyyət
arzularının təcəssümüdür. Bu cəmiyyət sosial ədalətə əsaslanan insanın insan tərəfindən istismarına son
qoyan, mülkiyyətin xalqa məxsus olduğunu reallaşdıran bir cəmiyət olmalı idi. Lakin SSRİ – də qurulan
cəmiyyət sosializm prinsiplərini axıradək həyata keçirmədi, adamların sosial ədalətə dair arzularını
doğrultmadı.
Keçmiş SSRİ–də dövlət quruculuğunda sosialist – demokratik prinsiplərə məhəl qoymamışdır.
Millətlərarası münaqişələrin çoxu artıq qanlı müharibələrə çevrilmişdir. Hələ 1985–ci ilin aprelindən başlamış sosializmi təkmilləşdirmək və yeniləşdirmək, iqtisadi, sosial, siyasi və mənəvi həyat
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 73
sahələrində demokratikləşmə və aşkarlıq əsasında dərin islahatlar həyata keçirmək uğrunda gedən
yenidənqurma xətti əslində özünü doğrultmadı. Artıq geriyə yol yox idi, sosializmi təkmilləşdirmək və
yenidən qurmaq mümkün deyildir.
Elmi – texniki inqilab və bəşəriyyətin tərəqqisi - Əsrimizin 50–ci illərində elmdə və
texnikada baş vermiş inqilabi keyfiyyətlərin dəyişikliklərinin ifadəsi olan sivilizasiyanın tərəqqisi üçün
əhəmiyyət kəsb edən elmi – texniki inqilab (ETİ) baş verdi. Tarixi tərəqqi prosesində məhsuldar
qüvvələrin inkişafı gedişində üç böyük inqilab olmuşdur:
Cəmiyyətin mövcudluğunu təmin edən maddi istehsalın meydana gəlməsi və ya keçmişin “aqrar
inqilabı” əl əməyindən maşınlı əməyə - texniki əməyə əsaslanan istehsala keçilməsi və ya XVIII əsrin sonu XIX əsrin əvvəllərində baş vermiş “sənaye inqilabı”.
Maşınlı istehsalatdan avtomatlaşdırılmış istehsala keçirilməsi və ya istehsal prosesində insanın
yeri və rolunun köklü qaydada dəyişilməsi. Bu üçüncü forma ETİ–dir
ETİ–nin mahiyyətindən bəhs edərkən belə düzgün nəticəyə gəlirlər: elmi – texniki tərəqqinin
müasir inkişaf mərhələsini əks etdirən ETİ (olmuş) elmin bilavasitə məhsuldar qüvvəyə çevrilərək maddi
istehsalın inkişafında köklü keyfiyyət dəyişikliyinin, gerçəkliyin obyektiv qanunauyğunluqlarının dərk
edilməsindəki keyfiyyət sıçrayışının baş verməsinin ifadəsidir. ETİ məhsuldar qüvvələr sistemində
keyfiyyət dəyişikliyi yaratmaqla bərabər istehsal münasibətləri sistemində də insanların həyat tərzində
də ciddi yeniləşmə əmələ gətirir, əmək məhsuldarlığını əsaslı qaydada yüksəldir, vaxta qənaət edir. Odur
ki, ETİ–yə təkcə elm və texnikanın inkişafında yeni hadisə kimi baxmaq olar, ona həm də mühüm
sosial hadisə, ictimai tərəqqi amili kimi baxılır.
Hazırda kompüterlər, atom enerjisi, kosmik raketlər, lazer şüaları, robot texnikası, ETİ–nin bu
nailiyyətləri – bütün müasir dünyanı, həyatın bütün sahələrini inqilabiləşdirir. Cəmiyyət ona nail
olmalıdır ki, ETİ–nin nailiyyətləri ilə humanist məqsədlər üzvü surətdə birləşdirilmiş olsun. ETİ–nin XX
əsrin ortalarında meydana çıxmasına təsir göstərən bir sıra sosial – iqtisadi amilləri belə qruplaşdırmaq
olar: ictimai tərəqqinin sürətlənməsi, məhsuldar qüvvələrin yüksək inkişaf səviyyəsi, istehsalın və
texnikanın sürətlə inkişafına ictimai tələbatın artması, elmin istehsal layihələrinin meydana çıxması,
ümumi təhsil, peşə və texniki hazırlıq səviyyəsinin yüksəlməsi, elmin istehsalla, texnika ilə qarşılıqlı
təsirinin güclənməsi və s.
Sosial – iqtisadi ilkin şərtlər, elmi texniki şərait olmadan müasir ETİ yarana bilməzdi. XIX əsrin
sonu XX əsrin əvvəllərində təbiətşünaslıqda baş vermiş inqilabda ictimai tərəqqinin inkişafına təkan verdi.
Əsrimizin 70–80–ci illərini mütəfəkkirlər “mikroelektron inqilabı” adlandırırlar. Super
kompüterlərin vasitəsilə (əsasən) əmək məhsuldarlığının artmasına imkan verən maddi və mənəvi
həyatın bütün sahələrinə: istehsal, təhsil və s. daxil olmuş, “süni intellekt” yaratmaq mümkün olmuşdur.
ETİ nə qədər qlobal və beynəlmiləl xarakter daşısada, o müxtəlif sosial–siyasi quruluşlar şərait baş verdiyindən, iqtisadi, sosial – mənəvi nəticələr doğurur. (Çernobel fəlakəti və s.) Odur ki, hər hansı
ictimai şəraitdə ETİ–yə münasibətdə onun məqsədli idarə olunub istiqamətləndirilməsi aktual vəzifə
olaraq qalır.
Lakin ETİ–nin törətdiyi dağıdıcı nəticələrin səbəbi ETİ deyil, cəmiyyətdə sosial mühitdə onun
tabe edildiyi məqsəd, ictimai istiqamətlənməsi müəyyən edir.
İnsan ETİ–nin dağıdıcı nəticələrinin qarşısını almaq üçün öz fəaliyyətini onların tənzim olunmasına yönəltmişdir. Lakin belə faydalı, pozitiv nəticələri ilə ETİ bəşəriyyətin mövcudluğu ilə
yanaşı müasir təhlükə altına alan sosial, siyasi, hərbi, mənəvi və s. nəticələr doğurur.
Bəşəriyyət öz gələcəyi naminə, ETİ–nin nailiyyətlərini humanist məqsədlərə istifadə
olunmasında, onun bütün cəmiyyətin rifahına və insanın hərtərəfli inkişafına xidmət etməsinə nail
olmalıdır.
Odur ki, cəmiyyətin özündə elə ümumxalq nəzarəti sistemi formalaşdırılmalıdır ki, orada ETİ–
nin nailiyyətlərindən cəmiyyətin ümumi mənafeyi naminə istifadə olunsun.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 74
MÖVZU 19
DÜNYA AZƏRBAYCANLILARININ HƏMRƏYLİYİNİN
MÖHKƏMLƏNDİRİLMƏSİNDƏ ÇOX MÜHÜM TARİXİ MƏRHƏLƏ
Dünya azərbaycanlılarının I qurultayı 2001–ci ilin 9 - 10 noyabrında keçirilib. Qurultayda 1105
nəfər iştirak edirdi. Bunlar 36 ölkəni təmsil edirdilər. Azərbaycan Respublikasının prezidenti qurultayda böyük nitq söyləmişdir.
Dünya azərbaycanlılarının I qurultayı Müstəqil Azərbaycanın həyatında, bütün dünya
azərbaycanlılarının həyatında tarixi hadisədir. Bütün dünyada yaşayan azərbaycanlıların, azərbaycan
icmalarının nümayəndələri ilk dəfə olaraq Azərbaycana, onun paytaxtı Bakı şəhərinə, toplaşmış və
özlərinin I qurultayını keçirirdilər.
Biz Azərbaycanda yaşayan azərbaycanlılar öz həmvətənlərimiz haqqında daim düşünmüşük. Uzun
illər Sovet İttifaqı kimi böyük dövlətin tərkibində ikən xaricdəki soydaşlarımızla həmvətənlərimizlə
əlaqə saxlamaq mümkün olmadığı halda biz daim düşünmüşük ki, müxtəlif ölkələrdə azərbaycanlılar
necə yaşayırlar, nə edirlər və məhdud imkanlardan istifadə edərək onlarla əlaqələr qurmağa çalışmışıq.
1991–ci ildə Sovetlər İttifaqının dağılması və Sovetlər İttifaqının tərkibində olan 15 müttəfiq
respublikanın öz müstəqilliyini əldə etməsi, Azərbaycan xalqının milli azadlığa arzularının yetişməsi,
1920–ci ildə itirilmiş müstəqilliyi bərpa etməsi bizə imkan verdi ki, müxtəlif ölkələrdə yaşayan
azərbaycanlılara öz əlaqələrimizi genişləndirək, onlarla həmrəylimizi bildirək və dünya
azərbaycanlılarının daha da həmrəy olması üçün öz xidmətimizi göstərək. Biz hələ müstəqilliyimizin ilk
aylarında 1991–ci il dekabr ayının 31–də Dünya azərbaycanlılarının həmrəylik günü haqqında qərar
qəbul etdik. O vaxtdan biz bu günü bayram kimi qeyd edirik. Bunlar hamısı Azərbaycanın müstəqilliyinin
və Azərbaycan xalqının milli azadlığının nəticəsidir.
Azərbaycan xalqı böyük, qədim tarixə malikdir. Çoxəsrlik tariximizdə xalqımız bir çox sınaqlardan
çıxmış, yaşamış, öz mənliyini itirməmiş, dünya sivilizasiyasına dəyərli qüvvələr vermiş, dünya
sivilizasiyasının zənginləşdirmişdir. Ancaq tarixin müxtəlif mərhələlərində azərbaycanlılar bəzi
mərhumiyyətlərə düçar olmuşlar. Ona görə də bütün dünyaya səpələnmiş azərbaycanlıların birliyi,
həmrəyliyi indi həm bizim üçün, müstəqil Azərbaycan dövləti üçün həm də dünyanın müxtəlif ölkələrində
yaşayan azərbaycanlılar üçün xüsusi əhəmiyyət kəsb edir.
Azərbaycan öz dövlət müstəqilliyini elan edəndən sonra çox böyük şanlı - şöhrətli eyni zamanda
məşəqqətli yol keçmişdir. Azərbaycanın müstəqilliyi və 10 il müstəqil dövlət kimi yaşaması bizim
çoxəsrlik tariximizdə ən əhəmiyyətli, ən vacib, ən dəyərli bir hadisədir. Bizim üçün müstəqil
Azərbaycan üçün 10 il asan yol olmayıbdır. Biz Azərbaycanda yeni həyat qurmağa başlamışıq.
Azərbaycanda hüquqi, demokratik, dünyəvi dövlət qurulması işinə başlamışıq. Azərbaycanın
iqtisadiyyatını dünya iqtisadiyyatı inkişaf etmiş ölkələrin iqtisadiyyatı ilə inteqrasiya etmək bazar
iqtisadiyyatı sisteminə keçmək prosesinə başlamışıq.
Bunlar hamısı Azərbaycanın ağır və çətin bir şəraitdə yaşadığı zaman baş vermişdir. Hamımız yaxşı
bilirik ki, Azərbaycan öz dövlət müstəqilliyini əldə edərkən Ermənistan tərəfindən hərbi təcavüzə məruz
qalmışdır və 4 il idi ki, Ermənistan – Azərbaycan, Dağlıq Qarabağ münaqişəsi davam edirdi. Azərbaycanın
alınmaz hissəsi olan Dağlıq Qarabağ bu illərdə demək olar ki, Azərbaycanın nəzarətindən çıxmış
Ermənistan silahlı qüvvələri tərəfindən işğal olunmuş və onun ətrafında olan yaşayış məntəqələrinə də
təcavüzlər başlanmışdır. Məhz belə bir tarixi şəraitdə Azərbaycan öz dövlət müstəqilliyini elan etmişdir.
Belə bir şəraitdə müstəqil dövlət qurmaq çox ağır və çətin bir iş idi. Həm də Azərbaycan özünü müstəqil
dövlət elan etdikdən sonra Azərbaycanın həyatında çox mürəkkəb proseslər baş vermişdir. Ermənistanın
silahlı qüvvələri torpaq iddiası ilə çıxış edərək Azərbaycanın Dağlıq Qarabağ vilayətini əlinə keçirmək
məqsədilə hərbi əməliyyatlara başladığı və ermənilərin hamısı bu amal ətrafında yumruq kimi birləşdiyi
bir halda təəssüf ki, bu Azərbaycanda olmamışdır. Çünki o illər Azərbaycanda bütün xalqı birləşdirib, səfərbər edib, torpaqlarımızı qorumaq və
Ermənistan silahlı qüvvələrinə lazımi cavab vermək əvəzinə hakimiyyət mübarizəsi getmiş, daxili
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 75
çəkişmələr mövcud olmuş, ayrı – ayrı silahlı dəstələr meydan sulamışlarr. Bu da təbii ki, Azərbaycanın,
xalqın birliyini zəiflətmiş və nəhayət 1993–cü ildə Azərbaycan vətəndaş müharibəsi ilə üzləşmiş,
Azərbaycanın varlığı təhlükə altına atılmışdır və ölkəmizin parçalanması artıq başlanmışdır. Buna görə
də müstəqillik elan olunandan sonra Azərbaycanda dövlət quruculuğu işi çox zəif getmişdir. Bunlar
hamısı Azərbaycanda ictimai – siyasi sabitliyi pozmuş, xalqın rifah halını ağırlaşdırmışdır.
Beləliklə Azərbaycan torpaqlarının 20% Ermənistan silahlı qüvvələrinin işğalı altına düşmüş, həm
Ermənistan ərazisindən çıxarılmış, həm də işğal olunmuş torpaqlardan çıxarılmış 1 milyondan artıq
azərbaycanlı indiyədək ağır vəziyyətdə çadırlarda yaşayır. Azərbaycan belə bir şəraitdə müstəqil dövlət kimi ilk illərini yaşamışdır.
Azərbaycanda ondan sonrakı dövr ictimai–siyasi sabitliyin yaranması dövrü olmuşdur. Biz ondan
sonra da 1994–cü ilin oktyabrında 1995–ci ilin martında hakimiyyəti silahla devirmək cəhdləri ilə
rastlaşdıq. Bunların qarşısı alındı, ancaq bunlar da Azərbaycana zərbələr vurdu.
Biz Ermənistan – Azərbaycan, Dağlıq Qarabaq münaqişəsinin həll edilməsi ilə ciddi məşğul olaraq
1994–cü ilin mayında atəşkəs haqqında razılığa gəldik. İndi 7 ildən artıqdır ki, müharibə getmir, qan
tökülmüş, işğal olunmuş torpaqlardan çıxarılmış qaçqınlar, köçkünlər ağır vəziyyətdə yaşayırlar.
Azərbaycanın müstəqilliyinin 10 illiyini sonrakı mərhələsi ölkəmizin daxilində ictimai–siyasi
vəziyyəti sabitləşdirməkdən, Azərbaycanın dünyada mövqelərini möhkəmləndirməkdən, Azərbaycanın bir müstəqil dövlət kimi yaşatmaq və inkişaf etdirməkdən ibarət olubdur. Biz çox çətin ağır yollardan
keçərək ötən 10 il müddətində buna nail olmuşuq. Onun milli dövlət bayrağı, milli himni, milli gerbi var. Azərbaycan artıq, dünya birliyində özünə layiq yer tutubdur.
Azərbaycanda damokratik, hüquqi, dünyəvi dövlət qurulubdur. Azərbaycan tarixdə ilk dəfə özünün
milli Konstusiyasını qəbul edibdir, azad seçkilər vasitəsilə
Milli Məclisin parlamentini, ölkənin prezidentini seçibdir. Azərbaycanda bütün sahələrdə
islahatlar həyata keçirilir.
Azərbaycanın müstəqil dövləti onun böyük iqtisadi və intellektual potensialı üzərində qurulubdur.
İndi biz tamamilə başqa iqtisadi siyasi sistem yolu ilə gedirik. Keçmişdəkiləri dəyişdirmək, onlardan
imtina etmək, yeni sistemdə iş qurmaq onu həyata keçirmək, bu ağır çətin bir prosesdir. Bu bizim keçid
dövrümüzdür və keçid dövrümüzün böyük problemləri var. Birincisi insanların şüurunda çox böyük
dəyişikliklər baş verməlidir. İkincisi yeni iqtisadi siyasət uğurla getməlidir. Bunun üçün isə gərək iqtisadi
şəraitdən yeni iqtisadi şəraitə keçid uğurlu olsun. Biz bütün bunlar üçün islahatlar həyata keçirirk. Siyasi
iqtisadi, sosial, humanitar sahələrdə bir çox islahatlar həyata keçirilmişdir və onların müsbət nəticələrini
əldə etmişik. Azərbaycan 1990–cı ildə başlamış iqtisadi tənəzzülün qarşısını 1995–96–cı illərdə ala
bilmiş, ondan sonrakı dövr isə Azərbaycanın həyatında inkişaf dövrü olmuşdur. Azərbaycanda
iqtisadiyyatın bütün sahələri inkişaf edib. Bu sahəıdə görülən işlər sırasında Azərbaycanın dövlət neft
sənayesinin xüsusi əhəmiyyəti var. Biz bu strategiyanın 1993–94–cü illərdə hazırlayıb həyata keçirməyə
başlamışıq, Azərbaycanın zəngin sərvətlərindən olan neft, qaz yataqlarının dünyanın böyük müasir
texnikaya, texnologiyaya malik olan neft şirkətləri ilə müştərək işlənməsi üçün 21 müqavilə
imzalanıbdır, xarici ölkələrdən 32 böyük neft şirkəti bu müqavilələrin iştirakçısıdır. Artıq biz
gördüyümüz işlərin neft strategiyasının real nəticələrini əldə etmişik. İki neft kəməri – biri şimal
istiqamətində Bakı–Novorossiysk, biri də qərb istiqamətində Bakı–Supsa yaranıbdır. Azərbaycan neftini
ixrac edir.
Son illərdə çox böyük layihə üzərində işləmişik və Azərbaycanın gələcəkdə hasil olunacaq böyük
həcmli neftinin dünya bazarında ixracı üçün Bakı–Tbilisi - Ceyhan neft kəmərinin inşasına artıq
başlanmışdır. Azərbaycanın zəngin “Şahdəniz” yatağından hasil olacaq qazın da Türkiyəyə ixracı üçün
lazımi müqavilələr imzalamışıq və qaz kəmərinin inşasına başlayırıq. Hamımız yaxşı bilirik ki,
Azərbaycan nefti dünyada məhşurdur. Hələ 150 il bundan əvvəl dünyada ilk dəfə sənaye üsulu ilə
Azərbaycanda neft hasil olub. Sonrakı illərdə neft hasilatı artıb, ancaq bu Azərbaycan xalqına məxsus
olmayıbdır. Bizim hasil etdiyimiz zəngin neft və qaz, yetmiş il Sovetlər İttifaqının ümumi iqtisadiyyatına
qatılıbdır. Biz bundan lazım olan bəhrələri götürməmişik. Azərbaycan çox mühüm bir coğrafi strateji
mövqeyə malikdir. Bunun həm iqtisadi, həm də siyasi əhəmiyyəti var. Bu
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 76
baxımdan biz Avropa birliyi ilə başqa beynəlxalq təşkilatlarla müştərək işlər görürük. Avropa birliyinin
TASEKA proqramının həyata keçirilməsi, tarixi İpək yolunun bərpa olunması sahəsində Azərbaycan çox
işlər görmüşdür və biz bunun müsbət nəticələrini əldə edirik. Gələcəkdə də bu proqram, müsbət nəticələr
verəcəkdir. Böyük İpək yolunun bərpası, TASEKA proqramının həyata keçirilməsi ilə əlaqədar 1998–
ci ildə Azərbaycanda Avropa birliyi ilə beynəlxalq konfrans keçirildi. Şərqdə Yaponiyadan, qərbdə
İspaniya qədər olan 32 dövlətin 14 beynəlxalq təşkilatın nümayəndələri, bu konfransda iştiraketdilər.
Dünya azərbaycanlılarının birinci qurultayının keçirilməsi, həm Azərbaycan üçün həm də bütün
dünya azərbaycanlıları üçün çox böyük əhəmiyyət kəsb edir.
Azərbaycanlılar dünyada gedən miqrasiya prosesi nəticəsində bir çox ölkələrə səpələnmişdilər.
Bu təbii bir prosesdir. Onun qarşısını almaq olmaz. Bəzi müxalifər dairələri bizi tənqid edirlər ki,
Azərbaycan əhalisinin xeylisi kənarda yaşayır. Çünki hər bir millət, hər bir xalq ancaq öz doğma
çərçivəsində milli məhdudiyyət şəraitində yaşaya bilməz. Əgər azərbaycanlılar bu proses nəticəsində
dünyanın bir çox ölkələrində məskunlaşıblarasa orda özləri üçün həyat qurublarsa bunlar hamısı
dünyada azərbaycanlıların nə qədər geniş şəkildə yayıldığını göstərir.
Biz hesab edirik ki, müxtəlif ölkələrdə yaşayan azərbaycanlıların hər biri yaşadığı ölkədə həyatını
özü istədiyi kimi qurub yaşayır. Yaşadığı ölkənin vətəndaşıdır, onun qanun–qaydaları ilə yaşamışdır və
istədiyi yol ilə getməlidir.
Biz indi böyük məmuniyyətlə qeyd edə bilərik ki, dünyanın bir çox ölkələrində - Avropada, Şimali
Amerikada artıq böyük Azərbaycan icmaları yaranıbdır. Biz istəyirik ki, müxtəlif ölkələrdə yaşayan
azərbaycanlılar həmin ölkələrin vətəndaşı kimi istədikləri kimi yaşasınlar. Ancaq heç vaxt öz milli
köklərini, milli mənsubiyyətlərini itirməsinlər. Bizim hamımızı azərbaycanlıları birləşdirən milli
mənsubiyyətimizdir, tarixi köklərimizdir, milli mənəvi dəyərlərimizdir, mahnılarımızdır,
incəsənətimizdir, ədəbiyyatmızdır, musiqimizdir, xalqa mənsub olan adət - ənənələrdir. İnsan hansı
ölkədə yaşamasından asılı olmayaraq gərək öz milliyətini qoruyub saxlasın.
Azərbaycan dövlət müstəqilliyi əldə edəndən sonra Azərbaycanlılıq aparıcı ideya kimi, həm
Azərbaycanda həm də bütün dünyada yaşayan azərbaycanlılar üçün əsas ideya olubdur. Biz həmişə bu
ideya ətrafında birləşməliyik. Azərbaycan Respublikasının prezidenti Heydər Əliyev öz çıxışında qeyd
etdi ki, bizim bu qurultayı keçirməkdə məqsədimiz məhz bundan ibarət olmuşdur. Prezident öz çıxışında
qeyd etdi ki, bu qurultay bizim qarşımızda duran vəzifələrin yerinə yetirilməsində çox böyük rol
oynayacaqdır, öz xidmətlərini göstərəcəkdir.
Müstəqil dövlət kimi Azərbaycan öz milli mənafeyinə uyğun olan müstəqil xarici siyasət aparır.
Azərbaycan sülhsevər dövlətdir. Biz dünyanın bütün ölkələri ilə lazım olan səviyyədə iqtisadi, siyasi,
ictimai, elmi, humanitar əlaqələr yaratmışıq. Ancaq Azərbaycan heç öz müstəqil siyasətindən geri
çəkilməyəcəkdir, onun müstəqil xarici siyasəti, Azərbaycan müstəqilliyinin əsas rəmzidir, əsas
göstəricisidir. Azərbaycan dünyanın bütün təşkilatlarının üzvüdür. Bu ilin əvvəlində Azərbaycan mötəbər
Avropa şurasının da üzvü seçilibdir. Bunlar Azərbaycanın xarici siyasətini eyni zamanda Azərbaycanın
həyatında aparılan demokratik dəyişikliklərin bütün sahələrdə tətbiq olunan islahatların məntiqi
nəticəsidir.
Azərbaycan dünyəvi dövlətdir və dünyəvi dövlət kimi dünyada öz yerini tutubdur. Ancaq bizim üçün
ən çətin problem Ermənistan – Azərbaycan Dağlıq Qarabağ münaqişəsidir. İşğal edilmiş torpaqlarımızın
azad olunması Azərbaycanın ərazi bütövlüyünün bərpa edilməsidir. 1993–cü ildə BMT təhlükəsizlik
şurası Ermənistan silahlı qüvvələrini işğal etdiyi torpaqlardan qeyd–şərtsiz çıxması barədə 4 qətnamə
qəbul edilmişdir. Təhlükəsizlik şurasının 6 bəyanatı var, ancaq Ermənistan bunlara məhəl qoymur. 1996–
cı ilin dekabr ayında ATƏT–in Lissabon zirvə görüşündə Azərbaycanın ərazi bütövlüyünün təmin
olunması və Ermənistan - Azərbaycan münaqişəsinin sülh yolu ilə həlli haqqında çox əhəmiyyətli bir
sənəd qəbul edilmişdir. ATƏT–in tərkibində olan 54 dövlətdən 53-ü buna səs vermiş, təkcə Ermənistan
etiraz etmişdir. Ancaq təəssüflər olsun ki, bu mötəbər təşkilatın ATƏT–in zirvə görüşünün irəli sürdüyü
qərar yenə də Ermənistan tərəfindən qəbul olunmur. Biz məsələnin sülh yolu ilə həll etmək üçün daim
çalışırıq. Hələ 1993–cü ildə Ermənistan – Azərbaycan münaqişəsini həll etmək üçün ATƏT–in Minsk
qrupu yaranıbdır. Minsk qrupuna 1997–ci ilin əvvəlindən sonra üç böyük dövlət - Rusiya, ABŞ və Fransa
rəhbərlik edir. Biz ötən illər bu təşkilatla
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 77
onun həmsədrləri ilə çox işlər görmüşük. 3 - 4 gün bundan öncə həmsədrlər Rusiyanın, ABŞ–ın və
Fransanın təmsilçiləri yenə bölgəmizdə olmuş bizimlə görüşüb danışıqlara aparılmış, Ermənistanda
olmuşlar. Biz bir daha bəyan etmişik ki, məsələnin sülh yolu ilə həll olunmasının tərəfdarıyıq və bunu
hər iki tərəfdən müəyyən kompromislər nəticəsində həll etmək olar. Ancaq bu beynəlxalq hüquq
normaları əsasında dünyada hamı tərəfindən tanınmış prinsiplər - ölkələrin ərazi bütövlüyü, suverenliyi
və sərhədlərinin toxunulmazlığı prinsipləri əsasında həll olunmalıdır.
Bu sahədə beynəlxalq təşkilatlarla yanaşı, Azərbaycan diasporuna da böyük ehtiyacımız var.
Azərbaycan diasporu son illər təşkilatlanır və Azərbaycan icmaları, diasporu yaşadıqları ölkədə
ümumiyyətlə beynəlxalq aləmdə artıq özlərini göstərirlər. Amma bu bizim diasporun formalaşmasının ilkin mərhələsidir. Hamımız çox iş görməliyik ki, Azərbaycanın güclü diasporu yaransın.
Müstəqil Azərbaycan dövləti gənc olduğu kimi, Azərbaycanın həmrəyliyi də, dünya
azərbaycanlılarının birliyi də, müxtəlif ölkələrdəki azərbaycan icmaları da gəncdirlər.
Biz formalaşırıq, müstəqilliyimiz möhkəmlənir, xarici ölkələrdə yaşayan azərbaycanlılar daha sürətlə təşkilatlanır və bizim hamımız birlikdə azərbaycanlılığı yaşadacağıq, daimi, əbədi edəcəyik.
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 78
MÖVZU 20
AZƏRBAYCAN DÖVLƏTİNİN MÜSTƏQİLLİYİ DAİMİ VƏ ƏBƏDİDİR
1991–ci il oktyabrın 18–də “Azərbaycan dövlət müstəqilliyi haqqında” Konstitusiya aktının qəbul
edilməsi ilə ölkəmizin tarixinin yeni bir dövrü - müstəqil inkişaf dövrü başlanmışdır. Tarixi baxımdan
çox qısa bir dövr olan bu dövr ərzində Azərbaycanda demokratik, hüquqi, dünyəvi dövlət qurulmuş, onun
təsisatları yaradılmışdır.
On bir il Azərbaycanın çoxəsrlik həyatında tarixi nöqteyi - nəzərdən az bir zamandır. Lakin
Azərbaycan xalqı bu illər ərzində böyük məsafə qət edibdir. On bir il müstəqil yaşamaq, yaratmaq, irəliyə getmək! Bu on bir ilin mənasının xalqımız üçün böyük əhəmiyyəti budur.
Bu illər ərzində Azərbaycan xalqı bəyan etdiyi demokratik, hüquqi, dünyəvi dövlət qurubdur, onun
təşkilatlarını yaradıbdır. Bu dövlətin yaşaması və inkişaf etməsi üçün çoxsaylı qanunlar qəbul edibdir.
Bazar iqtisadiyyatı yolu ilə gedərək bütün sahələrdə islahatlar aparılıb və bu islahatların nəticəsinə nail
olmuşuq. On bir il müddətində Azərbaycan dünya miqyasında özünə layiqli yer tutubdur, bütün
beynəlxalq təşkilatlarda təmsil olunubdur.
Azərbaycan bu on bir il müddətində çox ağır, çətin, keşməkeşli yol keçibdir. Azərbaycan xalqı
bütün sınaqlardan keçərək, bütün təhlükələrin qarşısını alaraq müstəqilliyini qoruyub, saxlayıb və daim
inkişaf edibdir. İndi bu on bir ili başa vurarkən qətiyyətlə deyə bilərik ki, Azərbaycan xalqı bu
nailiyyətlərlə fəxr edə bilər. Azərbaycanın bütün dövlətçiliyi bütün dünyaya nümayiş etdirilibdir. Bu on
bir il içərisində bütün dünyaya nümayiş etdirmişik və sübut etmişik ki, Azərbaycan xalqının müstəqil
yaşamaq arzusu həmişə olmuşdur.
Azərbaycan dövlət müstəqilliyini bəyan edən zaman, yəni 1991–ci ilin oktyabr ayının 18–də çox
ağır, mürəkkəb bir dövr yaşayırdı. O, vaxt Azərbaycanda bəziləri Azərbaycanın müstəqil yaşamaq
imkanına şübhə edirdi, yaxud inanmırdı. Bəziləri nəinki istəmirdi, hətta buna mane olurdu. Azərbaycan
xalqının çox əsrlər ərzində qəlbində yaşatdığı istək və arzu bütün bunların hamısına qalib gəldi.
Azərbaycan dövlət müstəqilliyini əldə etdi və müstəqillik yolu ilə uğurla irəlilədi. Bu vaxt bir qrup
adamlar xalqın bu istəyinin, arzusunun qarşısını almaq istəyirdilər. Təsadüfi deyildir ki, 1991–ci ilin mart
ayının 7 - də Azərbaycanın Ali Sovetində SSRİ tərəfindən ortaya atılmış yeni bir tədbir, SSRİ–nin
qorununb saxlanılması haqqında referendumun keçirilməsi tədbiri müzakirə olunarkən, o vaxtkı
respublika rəhbərliyi nəyin bahasına olursa olsun, SSRİ–nin, Moskvanın bu arzusunu yerinə yetirmək
istəyirdi.
Ona görə deputatların bir qismi referendumun keçirilməsinin əleyhinə çıxdığı halda, tam
əksəriyyəti referendumun keçirilməsinin tərəfdarı oldu.
Martın 17–də referendum keçirildi və xalqın iradəsinə zidd olaraq, referendum nəticə verdi ki,
Azərbaycan əhalisi, seçiciləri SSRİ–nin saxlanılmasının tərəfdarıdır. Ancaq hadisələr çox sürətlə inkişaf
edirdi. Ümumiyyətlə, 1980–90–cı illərdə dünyada gedən proseslər, Avropada xüsusən Şərqi Avropa
ölkələrində gedən proseslər artıq SSRİ–nin ciddi laxladığını göstərirdi. Artıq onun yaşamaq
imkanlarının olmadığını göstərirdi. Martın 17–dən sonra SSRİ–nin dağılması ilə əlaqədar Moskvada 19
avqust hadisələri baş verdi, SSRİ dağıldı və bundan istifadə edən bütün müttəfiq respublikalar öz
istiqlaliyyətini bayan etdi və Azərbaycan da oktyabr ayının 18–də müstəqillik haqqında konstitusiya aktı
qəbul etdi. Ancaq təəssüflər olsun ki, Azərbaycanı o vaxt idarə edənlər bundan sonra da müstəqilliyə
inanmırdılar. Düşünürdülər ki, bəlkə hələ bu müvəqqəti bir şeydir, SSRİ yenə də bərpa olunacaqdır.
SSRİ–nin yenidən bərpasına xalq inanmırdı. Amma xalq çox ağır və gərgin proseslər içərisində yaşayırdı.
Bu isə Ermənistanın Azərbaycana təcavüzü, Dağlıq Qarabağ probleminin meydana çıxması və
Azərbaycanın daxilində ictimai – siyasi sabitliyin pozulması, Azərbaycan iqtisadiyyatının tənəzzülünün
başlanması ilə əlaqədar idi. Azərbaycan iqtisadiyyatının bəyan etməsindən və sonra keçən 11 ili bir neçə mərhələyə bölmək
olar. Birinci mərhələ oktyabrın 18–dən sonrakı dövr idi. 1992–ci ilin mart ayında Azərbaycanda hakimiyyət dəyişikliyi, hakimiyyət böhranı baş verdi. Bu hakimiyyət böhranı bir neçə ay davam etdi.
1992–ci ilin iyununda Azərbaycanda yeni prezident seçildi. Belə bir ağır vəziyyətdə,
Ermənistanla müharibə getdiyi bir zamanda, Azərbaycanın həyatında hərc – mərclik, xaos, özbaşnalıq
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 79
hökm sürürdü və bunların da hamısının səbəbi hakimiyyətsizlik idi. Çünki istiqlaliyyət elan ediləndən
sonra, olan hakimiyyət özünü rahat hiss edə bilmirdi. Bu da hakimiyyətin səhnədən getməsi ilə qurtardı.
1992–ci ilin iyun ayında prezident seçildi, Xalq cəbhəsi hakimiyyətə gəldi, xalq onlara inandı, etimad
göstərdi. Ancaq onlar anlamadılar ki, Azərbaycanı bu ağır şəraitdə idarə etməyə qadir deyillər. Onların
bir illik hakimiyyət dövrü, demək olar ki, Azərbaycanda sürətlə gedən dağıdıcı, pozucu bir prosesə
çevrildi. 1993–cü ildə Azərbaycanda həm iqtisadi, həm siyasi böhran, həm də dövlət böhranı baş verdi.
Azərbaycan böyük təhlükə qarşısında idi. Çünki Azərbaycanın müstəqil yaşamasının əleyhinə olan
həm daxili qüvvələr güclü idi, həm də Azərbaycan kimi böyük coğrafi–strateji əhəmiyyətə malik olan,
böyük təbii sərvətləri olan ölkənin tam müstəqil olması başqa ölkələrdə bəzi dairələri qane etmirdi.
Ermənistanın Azərbaycana etdiyi təcavüzün nəticəsində Azərbaycanın zəifləməsi, məğlubiyyətlərə
uğraması, ikinci tərəfdən də daxili hakimiyyət çəkişməsi, hakimiyyət mübarizəsi 1992–ci ilin iyun
ayında hakimiyyətə gəlmiş qüvvələri bir ildən sonra hakimiyyətdən xalq özü saldı.
Nə üçün 1992–ci ilin mart ayında dövlət böhranı baş verdi və hakimiyyət istefa verməyə məcbur
oldu? Çünki, xalq ona etimad göstərmədi. 1992–ci ilin iyun ayında xalq digər bir qüvvələrə etimad
göstərdi, inandı. 1993–cü ildə məlum hadisələr baş verdiyi zaman xalq həmin hakimiyyətin arxasında
durmadı, onu dəstəkləmədi. Bir ilin müddətində inamını itirdi və Azərbaycan böyük bir fəlakət qarşısında
qaldı.
1993–cü ildə Azərbaycan parçalanmış bir dövlət kimi, məhv olmaq təhlükəsi altında idi.
Azərbaycanda vətəndaş müharibəsi baş vermişdi. Bundan istifadə edən bəzi qüvvələr, həmin o Xalq
Cəbhəsinin içərisindən çıxmış qüvvələr Azərbaycanın cənubunda yeni bir “cümhuriyyət” yaratmağa
çalışdılar. Bu baş tutmadı. 1993–cü ildə xalqın tələbi ilə iyun ayının 9-da Heydər Əliyev Bakıya gəldi.
Heydər Əliyevin hakimiyyətə gəlişi ilə Azərbaycanda vəziyyət müəyyən qədər normallaşdı. 1994–cü ilin
oktyabr ayında Azərbaycanda yenidən hakimiyyəti zorla, silah gücü ilə ələ almağa cəhd göstərdilər. Lakin
yenə də biz bu ağır vəziyyətdən çıxdıq. Xalq hər bir rayonda, hər bir şəhərdə onların qarşısını aldı.
1995–ci ilin mart ayında olan hadisə Surət Hüseynovun başladığı hərəkatın davamı idi. Bir çox
xarici ölkələrin ayrı – ayrı nümayəndələrinin dəstəyi ilə Azərbaycanda Xalq Cəbhəsi Hakimiyyəti
nümayəndələrinin dəstəyi ilə XTRD hakimiyyət uğrunda mübarizəyə başladı. Ancaq yenə Azərbaycanın
dövlətçiliyi, dövlətin qüdrəti yenə də xalqın Azərbaycan dövlətinə inamı bizi bu böyük xətadan qurtardı.
1995–ci ildə Müstəqil Azərbaycanın ilk milli Konstitusiyası qəbul olundu. Həmin o il Azərbaycanın ilk
Milli Məclisi seçildi. 1995–ci ildən sonra Azərbaycanın iqtisadiyyatını inkişaf etdirmək üçün müəyyən
imkanlar yaradıldı.
Özəlləşdirmə proqramı, onun hazırlanması həyata keçirildi. Dövlət quruculuğu sahəsində, idarəetmədə struktur dəyişikliklər əmələ gəldi.
Azərbaycan Respublikasının Prezidenti Heydər Əliyevin 30 ildən artıq davam edən ictimai– siyasi
fəaliyyətində elmə, təhsilə göstərilən qayğı daim mühüm yer tutmuşdur. Heç də təsadüfi deyildir ki,
XX əsrin son 30 ilində Azərbaycan intibahını şərtləndirən amillər sırasında elmin və təhsilin yüksəlişi xüsəsən diqqəti cəlb edir.
XX əsrin əvvəlində Azərbaycan Respublikası dünyanın 30–dan çox ölkəsi ilə ali təhsil sahəsində
geniş miqyaslı əməkdaşlıq edir.
Səhiyyə sahəsində islahatlar keçirildi. Respublikamızda səhiyyənin inkişafı və əhalinin sağlamlığının qorunması sahəsində son on bir ildə əldə edilən nailiyyətlər möhtərəm Prezident Heydər
Əliyevin adı ilə bilavasitə bağlıdır.
Məhz ölkə başçısının yeritdiyi böyük siyasətin nəticəsində səhiyyə sahəsində də həyata keçirilən
islahatlar xalqın sağlamlığına dövlət səviyyəsində göstərilən müstəsna qayğı və diqqətin əsl mənada
parlaq nümunələri sayıla bilər. İndi Azərbaycan səhiyyəsinin uğurları təkcə respublikamızda, keçmiş
postsovet məkanında deyil, həm də inkişaf etmiş ölkələrdə o cümlədən, ABŞ, İngiltərə, Fransa,
Almaniya, Kanada, İtaliya və s. tərəfindən təsdiq edilir və qəbul olunur. 1991–ci ildən 1995– ci ilə qədər
ümumi daxili məhsul 58%, sənaye məhsulu 67%, kənd təsərrüfatı məhsulu 48% azalmışdı. Amma
1996–cı ildən 2001–ci ilə qədər ümumi daxili məhsul 57% artmışdı. Sənye məhsulu 20%, kənd
təsərrüfatı məhsulu 30% artmışdır. Əgər 1991–95–ci illərdə kapital qoyuluşunun
Fənn: Fəlsəfə Şöbə: “Tibb bacısı işi”
1 nömrəli Bakı Tibb Kolleci 80
həcmi 43% azalmışdırsa, 1996–2001–ci illərdə 4 dəfə artmışdır. İqtisadiyyatı inkişaf etdirmək üçün hər
şeyə sərbəstlik verilmişdir. Bu gün Azərbaycan 120–dən çox ölkə ilə xarici ticarət aparır.
Müstəqillik əldə etdikdən sonra demokratik dövlət quruculuğu yoluna qədəm qoymuş gənc
Azərbaycan Respublikasının üzləşdiyi sosial – iqtisadi və siyasi problemlərin müvəffəqiyyətli həlli
onun beynəlxalq aləmdəki mövqeyi, ayrı – ayrı ölkələrlə milli dövlət mənafelərinə cavab verən
qarşılıqlı faydalı əlaqələrin və dünya birliyinə inteqrasiyası prosesinin intensivliyi ilə sıx bağlı idi. Bu
mənada Azərbaycanın beynəlxalq əlaqələr sistemində layiqli yer tutması üçün dünya siyasətinin
formalaşmasında aparıcı rol oynayan dövlətlərlə və beynəlxalq təşkilatlarla qarşılıqlı münasibətlərinin
tənzimlənməsi və inkişaf etdirilməsi böyük əhəmiyyət kəsb edir.
Azərbaycan dövlətinin xarici siyasətinin çox vacib və əhəmiyyətli istiqamətlərindən biri də müasir
dünyanın yeganə fövqəl dövləti olan ABŞ ilə münasibətlərdir. Müstəqil Azərbaycanla bu ölkə arasında
daimi diplomatik münasibətlər 1992–ci ilin martın 18–də yaradılmışdır. Lakin, bu hələ ilk addım idi.
Bu yolla irəliləmək, bir sıra məsələlərə aydınlıq gətirmək, əlaqələri genişləndirmək, etibar qazanamaq,
Azərbaycanı layiqincə təqdim etmək üçün çox iş görmək, böyük diplomatik fəallıq göstərmək tələb
olunurdu. 1994–cü ilin sentyabr ayında məşhur “Əsrin müqaviləsi”nin imzalanması bu yolda ən mühüm
başlıca amil, Azərbaycanla Qərb arasındakı münasibətlərə yeni həm dönüş nöqtəsi oldu.
Qısa müddət ərzində Azərbaycanın özünə Böyük Britaniya, Almaniya, Fransa, İtaliya kimi çox
nüfuzlu həmfikirlər əldə etməsi Heydər Əliyev tarixi siyasətinin Avropa istiqamətinin çox mühüm
böyük uğuru oldu.
Özünün uzaq tarixi köklərə malik demokratik dövlətçilik ənənələri ilə seçilən Böyük Britaniya və
İrlandiya Birləşmiş Krallığı beynəlxalq münasibətlərə təsiretmə gücünə görə dünya siyasətinin
yönümünün müəyyən və beynəlxalq aləmin ən ümdə problemlərinin həllində xüsusi çəkisi olan ölkələr
sırasına daxil olduğundan Azərbaycan ilə bu ölkə arasında qarşılıqlı faydalı əməkdaşlıq və dostluq
əlaqələri qurulmuşdur.
Yalnız Prezident Heydər Əliyevin Respublika rəhbərliyinə yenidən qayıtmasından sonra Azərbaycanın xarici siyasətində O cümlədən, dünyanın böyük və nüfuzlu dövlətlərindən sayılan Fransa
ilə münasibətlərdə də dönüş baş verdi.
Bu illərdə dövlət başçısı H.Əliyevin İrana, Türkiyəyə, Səudiyyə Ərəbistanı və Pakistana səfərləri
və apardığı danışıqlar çox əhəmiyyətlidir.
Azərbaycan Prezidenti yeni xarici siyasət xəttində beynəlxalq təşkilatlarla əməkdaşlığın
genişləndirilməsi məsələlərinə də böyük diqqət yetirir. Məhz buna görə Azərbaycan Birləşmiş Millətlər Təşkilatı (BMT), Avropada Təhlükəsizlik və Əməkdaşlıq Təşkilatı ( ATƏT), Avropa Şurası (AŞ),
Müstəqil Dövlət Birliyi, İslam Konfransı Təşkilatı (İKT), Qara Dəniz İqtisadi Əməkdaşlıq Təşkilatı (QİƏT), Parlamentlərarası İttifaq (Pİ), İqtisadi Əməkdaşlıq Təşkilatı (İƏT), kimi beynəlxalq
təşkilatlarin üzvü olmaqla bərabər Avropa Birliyi, NATO, Beynəlxalq Valyuta Fondu, Avropa Yenidənqurma və İnkişaf Bankı və digər təşkilatlarda da fəal əməkdaşlıq edir.
Azərbaycan Prezidentinin ardıcıl və məqsədyönlü şəkildə həyata keçirdiyi xarici siyasət kursunun
ən mühüm uğurlarından biri də 2001–ci ilin əvvəlində tarixi əhəmiyyət daşıyan hadisə Azərbaycanın
Avropa Şurasına üzv qəbul edilməsi, Avropa ailəsinə qovuşması oldu. Beləliklə müstəqilliyimizin ilk on
ili ərzində Azərbaycan xalqı Prezident Heydər Əliyevin rəhbərliyi altında ən mürəkkəb və sərt maneələri
dəf etdi. Azərbaycanda demokratik hüquqi, dünyəvi dövlət quruculuğu və vətəndaş cəmiyyəti
formalaşmasında qətiyyətli addım atıldı. Azərbaycanın Avropa Şurasına tam hüquqlu üzv qəbul edilməsi
həm ölkəmiz üçün, həm də bu təşkilat üçün xüsusi əhəmiyyət kəsb edir.
Azərbaycan Respublikasının Prezidenti Heydər Əliyev öz çıxışında demişdir ki: “İnsan cürbəcür
şəraitlərdə yaşaya bilər. Amma insan üçün, xalq üçün hər şeydən qiymətli, hər şeydən əziz müstəqillikdir,
azadlıqdır. Biz çox əsrlər bu azadlığın, müstəqilliyin arzusunda olmuşuq. Ötən on bir ildə
müstəqilliyimizi möhkəmləndirmişik, inkişaf etdirmişik, dönməz etmişik və gələcək nəsillərə bu
müstəqilliyi töhfə edirik və inanırıq ki, xalqımız bu müstəqilliyi heç vaxt əlindən verməyəcəkdir.
Müstəqil Azərbaycan yaşayır və bundan sonra da uzun illər yaşayacaq, əbədiyyətə qədər yaşayacaqdır”.