euskal herriko bilgune feministarenbilgunefeminista.eus/uploads/erab_1/2015/04/1428348718... ·...
TRANSCRIPT
Euskal herriko bilgune feministaren Jardun feminista
2010eko IRAILA
Aurkibidea
1. BILGUNE FEMINISTAREN ESTRATEGIA AZTERGAI
BALANTZE OROKORRA ............................................................. 4
1.1.Sarrera. ............................................................................ 4
1.2.Helburuen garapena: .......................................................... 4
1.3.Lan estiloa ........................................................................ 6
1.4.Lan ildoak: ........................................................................ 8
1.5. Barne maila: Antolakuntza ............................................... 11
1.5.1 Eraketa: .................................................................... 11
1.5.2. Komunikazioa ........................................................... 12 1.5.3. Diruzaintza: .............................................................. 12
1.5.4. Emagin: ................................................................... 13 1.6. Ondorio Nagusiak:........................................................... 13
2. MUGIMENDU FEMINISTA ETA HERRI MUGIMENDUAREAN
ANALISIAREN ONDORIOAK ................................................... 16
3. EUSKAL HERRIKO BILGUNE FEMINISTAREN JARDUN
FEMINISTA ............................................................................ 19
3.1.Sarrera ........................................................................... 19
3.2.Egungo egoeraren koordenadak ......................................... 20
3.3.Patriarkatua Euskal Herrian ikuspegi feministatik ................. 21
3.4.Emakumeon zapalkuntzaren diskriminazio nagusiak ............. 24
3.4.1. Prekarietatea enplegua eta jabetzan ......................... 24
3.4.2. Indarkeria sexista ................................................... 24 3.4.3. Politika instituzionala............................................... 25
3.4.4. Osasuna ................................................................ 26 3.4.5. Hezkuntza ............................................................. 26
3.4.6. Komunikabideak ..................................................... 27 3.4.7. Kultura .................................................................. 27
3.4.8. Sexualitatea ........................................................... 27 4. BILGUNE FEMINISTAREN JARDUNAREN KOORDENADAK . 28
4.1.Euskal emakumeon eskubideen aldeko borrokaren kokapena . 28
4.2.Estrategia politikoa: Anexo 2 (eskema politikoa) .................. 28
4.3.Hurrengo faserako helburu nagusiak ................................... 30
4.4.Lan ildoak ....................................................................... 30
4.5.Lan estiloa ...................................................................... 31
4.5.1. Egiturazko zapalkuntzari, erantzun integrala ................. 31
4.5.2. Teoria eta praktika feminista ....................................... 32 4.5.3. Kontzientziazioa, autogestioa eta kalea ........................ 32
4.5.4. Emakume eta feministen sarea .................................... 32
4.5.5. Antolakuntza: Anexo 3 (organigrama)......................... 33
ERANSKINA 1 ANALISIRAKO KUADROA ................................ 33
Eranskina 2 ESTRATEGIA POLITIKOAREN TAULA .................. 34
3.Eranskina: Bilgune Feministaren egitura ............................ 35
1. BILGUNE FEMINISTAREN ESTRATEGIA AZTERGAI BALANTZE
OROKORRA
1.1. Sarrera.
Erakunde feminista gara, euskal feminismoan kokatutako erakundea. Oro har, bai
hizkuntza, bai irudia, bai lan estiloan feminismoa dugu ardatz.
Bestalde, sexuen arteko botere harremanak gainditzea da helburua eta eguneroko
jardueran (presen) dugu; eta gure ardatza berriz, emakumeon eskubideen aldeko
borroka da. Bide honetan, Euskal Herriko erakundea bilakatu eta nazio izaera
lortzeko zailtasunak daude.
Euskal Herrian feminismoaren bilgunea izan gara eta izan nahi dugu. Euskal
feminismoa artikulatzeko eta dinamika feminista sendotzeko oinarri sendoak jarri
ditugu. Aliantza feministaren dinamizatzaile bilakatu gara.
1.2. Helburuen garapena:
Azken zortzi urtetan helburuen birkokapen ezberdinak egin ditugu, emakumeon
egoera eta dinamika feministaren garapena kontuan hartuz, baina birgogoratu
beharra dago bilgunea sortu genuenean jarritako helburuak zeintzuk izan genituen.
1.2.1. Bilgune feminista sortu genuenean planteatutako helburuak:
Patriarkatua ikusarazi, berdintasunaren diskurtsoa eta praktika kolokan jarri.
Emakumeon bizi baldintzak hobetu.
Sexuen arteko harreman berriak sortu.
Hiru helburu nagusi jarri genituen eta bost urteko balantzea egin ondoren
emakumeon eskubideen aldeko borrokaren artikulazioa gure lanaren ardatz gisa
kokatu genuen; eskubideen aldeko borroka eta mugimendu feministarekin aliantza
estrategikoa garatuz lortuko genuen hau.
1.2.2. l.Barne hausnarketa. Helburuak:
Emakumeon eskubideen aldeko borroka antolatzea: emakumeon eskubide
formalak erreal bihurtzeko borroka artikulatu eta antolatu behar dugu.
Emakumeok aktibatzea eskubideen aldeko borrokan: adin, kolore eta ideologia
guztietako emakumeak eskubideen aldeko borrokan aktibatu behar ditugu,
bakoitzak bere esparrutik eta betiere, aliantzak sortuz. Emakumeok gure
eskubideen borrokan jardun behar dugunaren kontzientzia zabaldu behar dugu.
Mugimendu Feministaren barneko aliantza lortzea eskubideen aldeko borrokan:
Mugimendu Feministaren barneko aliantza eskubideen aldeko borrokan kokatu eta
borrokarako paktuak sortu behar ditugu.
Azken bi urteetako balantzea egin eta eztabaidatu ondoren mugimendu
feministarekin aliantza birdefinitu genuen, hau da, mugimendu feministako
dinamizatzaileak izanik, aliantza estrategikoen aukera urrun zegoela ondorioztatu
genuen.
Ondorioak kontuan hartuz dinamika feminista bateratua izendatuz, aliantza
puntualen aldeko apustua egiteko erabakia hartu genuen.
Aliantza, berriro ere definitzeaz harago joan ginen eta gure proiektu politikoaren
defentsaren beharra ere izan zen beste ondorioetako bat; beraz, eskubideen aldeko
borrokaz gain bilgune feministaren proiektua lantzea erabaki genuen.
1.2.3. Azken urtetako helburuak:
Emakumeon eskubideen aldeko borroka antolatzea: emakumeon eskubide
formalak erreal bihurtzeko borroka, artikulatu eta antolatu behar dugu.
Emakumeok aktibatzea eskubideen aldeko borrokan: adin, kolore eta ideologi
guztietako emakumeak eskubideen aldeko borrokan aktibatu behar ditugu,
bakoitzak bere esparrutik eta aliantzak sortuz. Emakumeok gure eskubideen
borrokan jardun behar dugunaren kontzientzia zabaldu behar dugu.
Mugimendu Feministarekin aliantza puntualak lortzea eskubideen aldeko
borrokan: Dinamika feminista bateratua.
Bilgune feministaren proiektuaren erreferentzia lantzea: Gure proiektuaren
oinarriak kontutan hartuz Euskal Herri feminista sortzearen bidean diskurtsoa
garatzea, nolabait, borroka ideologikoari bide emanez. Proposamen orokorrean
biltzen diren lehentasunezko helburuak berreskuratuko ditugu.
Azken urtetako helburuekin alderatuz, egun, jarritako helburuetan gehiago
sakontzen dugu. Lau helburu hauen garapena nolakoa izan den aztertu ondoren
gure proiektuaren garapena eta erreferentzia lantzea ezinbestekotzat jo
genuen/genituen eta aurten adibide argia izan da subjektu feministen
eztabaidarekin egindakoa. Gure proiektuaren erreferentziari dagokionez eztabaida
ideologikoan aurrerapauso sendoak eman ditugu, barne mailan izan bada ere.
Gainera, emakumeon eskubideen aldeko borrokari dagokionez, ez dugu lortu nahi
genuen garrantzia izatea, arrazoi ezberdinak daudela esan daiteke; herri dinamikak
sortzerakoan izan dugun hutsunea arrazoietako bat izanik.
Honez gain, mugimendu feministaren egoeraren inguruan irudikapen ezberdinak
egon dira eta daude, momentu honetan dinamika puntualen aldeko apustua egokia
izan zela baloratzen da, baina mugimenduaren analisia egiteko momentua dela
ikusi dugu.
Halaber, mugimendu feministari buruz ari garenean ezin dugu alde batera utzi
dinamika bateratu guztietan lortu dugula herri izaera onartzea, herri bezala
aurkeztea. Azken urteetako indar-gune nagusi bat bezala kokatu behar dugu hau.
1.3. Lan estiloa
Dinamika feminista berria martxan jartzea lortu dugu. Lan estilo feminista
eta integratzailea sustatzeko baldintzak sortu ditugu. Bakoitzaren borondate eta
aukeren araberako partaidetza lortu da nolabait. Lan estilo berria sustatu nahi
dugun heinean, dinamikak eta hauek izango duten garapenaren arabera lortuko
dugu benetan beste era bateko lan estiloan fintzen joatea.
Jakitun gara, emakume kolektibo ezberdinetara heltzeko beharraz, baina
zailtasunak ditugu kolektibo ezberdinekin lan egiteko. Gure aliatu nagusiak
emakume gazteak eta abertzaleak dira.
Emakume gazteak eta ikasleak eragile garrantzitsuak bihurtu dira eta gure
sarean kokatu ditugu.
Azken urtetan emandako eztabaidaren zergatia ez dugu ondo azaldu eta
emakume askok ez dute beharrezkoa ikusi.
Sarea: gure lan estiloaren ardatz nagusietako bat izan da Bilgune Feminista
definitu genuenetik. Aurrerapauso sendoak eman ditugu, emakume
askorengana heltzen gara, nazio zein herrietan. Nahiz eta oraindik,
artikulazioari begira hausnarketa egin behar dugun.
Mugimendu feministarekin egindako lana asko izan da baina ez dugu lortu
nahi genuen aliantza estrategikoa. Honen ondorioz, gure lan estiloaren ber
definizioa egin genuen mugimendu feministari dagokion esparruan, inflexio
puntu garrantzitsuak egon dira. Abortuaren manifestazio nazionalak adibidez.
Mugimendu feministarekin egindako ibilbidean, Jardunaldi Feministak
inflexio puntu garrantzitsuak izan ziren baina ez dugu lortu bertatik ateratako
ondorioak gestionatzea; ez Bilgune Feministaren proiektua
erreferentzializatzeari begira ezta mugimenduarekin egin beharreko aliantzan
ere. Bestalde, mugimendu feministak Euskal Herria aintzat hartzea lortu dugu.
Eraldaketa sozialaren aldeko eragileekiko harremanak eta aliantza landu da;
azken urtean nahiko eskasak izan badira ere. Beste eragileekin harremanak
puntualak eta dinamika zehatzen araberakoak izan dira.
Beste eragileekin elkarlanean aritu gara, adibide asko jar ditzakegu, baina
ez dugu elkarlana eskubideen aldeko borrokan kokatu bere osotasunean.
Diskurtso feminista berria garatu dugu, non, kontzientzia kolektibo eta
indibiduala aktibatzeko baldintzak sortu ditugun. Borroka ideologikoa garatzea
dinamika ororen oinarria izan da eta gure proiektuaren erreferentzia lantzea ere
aurrerapauso handia izan da.
Astintze lana eginik emakumeon eskubideen aldeko borrokaren erdigunean
egotea lortu dugu. Berau, herri mugimenduko kide garen momentutik gure lan
estiloaren ezaugarri nagusietako bat da; hau honela izanik, gure dinamiketan
oso presente egon da.
Gure lan estiloa instituzioei dagokionean, elkarlanean eta interpelazioan
kokatu genuen baina oraindik orain, irizpideak argitzeko beharra dago. Eta
gabezi hau edo falta hau behin eta berriro agertu izan da. Herri bakoitzaren
arabera aldakorra da instituzioekiko harremana; eta honek, irizpide finkoak
jartzea zailtzen du.
Herri dinamikak sortzea izan dugu beste helburuetako bat, baina ez dugu
lortu. Herri batzuetan dinamika lokalak sortu dira baina ez dugu jakin nola
mantendu.
1.4. Lan ildoak:
Azken urtetan egindako balantzeen laburpena egin dugu ildo bakoitza aztertzerako
garaian.
1.4.1. Eskubideen aldeko borroka: Mundu martxa eta garapen propioa.
o Eskubideen aldeko borroka ez dugu lortu gure lanaren ardatza izatea.
o Eskubideen karta egitearen prozesua luzea izan da eta ez dugu jakin gero nola
egin kartaren jendarteratzea; mugimendu feministak eta eragile ezberdinek ez
dute ezer inbertitu eta ez diete kartari garrantziarik eman nahi izan.
o Mundu martxako dinamikan eta egituran dinamizatzaile nagusiak izan gara:
solaskide nagusiak izan gara. Aztertu behar dugu nola egingo dugun aurrera,
gure inplikazioa handia izanik ez dugu lortu gure proiektuaren berezko garapena.
1.4.2. Indarkeria: Autodefentsa, protokoloa, Azaroak 25
o Pauso handiak eman ditugu dinamikan eta diskurtsoan.
o Gauza asko egiteko eta denbora gutxi. Autodefentsaren ildoa zabaldu dugu eta
oso positiboki baloratzen dugu: talde askok herrian dinamika lokalak sortzeko
bitartekoa izan da eta izango da Autodefentsa Txokoen bitartez.
o Neurrien eta legeen azterketa egin nahi genuen baina ez dugu aurrera pausu
handirik eman.
o Azaroaren 25ean mobilizazioak ugarituko ditugu; kontzentrazioak eskualdeetan
egiteko apustua aurrera doa. Mobilizazioetan jende kopurua bikoiztu egin da.
o Azaroaren 25ean instituzioen diskurtsoak eta praktika jarri dute erdigunean,
batez ere, komunikabideek; eta hau honela izanik, gure diskurtsoa estalita
geratzen da.
o Erantzuna artikulatzeko bitartekoak jarri ditugu baina oraindik herrietan lan
handia egin behar dugu.
o Erasotzaileekin zer egin eztabaidatu behar dugu oraindik: bazterketa soziala,
e.a.
1.4.3. Osasuna: Abortua, Maiatzak 28
o Abortua izan da borroka izarra azken urteetan. Diskurtsoa ondo garatu dugu eta
bilgunean ariketa ideologikoa eginez gure aldarrikapenaren kokapena guztion
artean garatu dugu. Dinamika feminista bateratu bakarra izan da, bi nazio
manifestazio egin ditugu. Bietan ere, herri izaera eta aldarrikapena uztartzen
asmatu dugu.
o Osasunaren eztabaida hasi dugu baina oraindik aldarrikapen zehatzen azterketa
egin behar dugu. Gai honek, herri dinamikak sortzeko aukerak ematen ditu eta
pixkanaka dinamika hauek pizten joan behar gara.
o Maiatzaren 28an ez dugu lortzen dinamikak sortzea herrietan aztertu beharra
dago zer egin data honekin.
1.4.4. Sozio-ekonomia: Prekarietateari aurre egin. Maiatzak 1
o Sozio-ekonomian gure bidea zein izan behar duen eztabaidatu eta landu dugu:
hau da gure indar-guneetako bat.
o Krisiaren irakurketa propioa egin dugu eta lortu dugu emakumeon egoerak
erreferentzi bat izatea.
o Elkarlanaren arloan hutsune nagusi bat izan dugu azken urteetan bai sektore
konkretuekin; gazteekin, pentsionistekin, baserritarrekin eta baita, sindikatuekin
ere. Ezin gara egon itxaroten.
o Herria Abian izan da azken bi urteetan sortu den eragile nagusia eta bertan,
erreferente gara.
o Maiatzaren 1ean ez dugu inolako erreferentziarik, nahiz eta azken urteetan gure
presentzia ziurtatu dugun, ez du inolako oihartzunik izan.
1.4.5. Sektoreetako dinamikak: Jaiak, publizitate sexista, matrikulazio
kanpaina
o Herri jai parekideen dinamika herri dinamika izatea lortu dugu. Bakoitzak bere
erritmoa planteatuz eta lehentasunak markatuz. Emakumeak plazara ekimena
martxan jarri dugu.
o Publizitate sexistaren kanpaina indarra galtzen joan da. Aztertu beharra dago
aurrera begira nola kokatu
o Matrikulazio kanpaina urtero egin arren indar gutxi dauka: minimoak dira.
1.4.5.1. Sektoreetako proiektuak: Hezkidetza gida. Emakumeok Plazara
o Hezkidetza gida bukatu eta ikastaroa antolatu dugu. Jarritako helburuak ez
ditugu bete baina astiro badoa ere erreferentzia izatea lortzen ari gara.
o Emakumeok plazara martxan jartzeko lan taldea sortu dugu eta lehenengo
pausuak eman ditugu. Gure proiektuaren lanketan lehentasunezkoa dela baloratu
dugu.
1.4.6. Politika instituzionala
o Politika instituzionalaren inguruan momentu ezberdinetan eztabaidatu izan dugu.
Hala nola, 2008ko Jardunaldietan proposamen zehatza garatu genuen edota
iazko ikasturtean mintegi bat egin genuen feministok instituzio publiko
politikoetan eduki beharreko jarduna definitze aldera.
o Mugimendu feministarekin planteatutako aliantza ez da lortu. Aliantzaren
beharra ez da konpartitzen.
o Oraindik irizpideak argitu behar ditugu, elkarlana eta interpelazioa nola uztartuko
ditugun aztertzeko.
o Instituzioetan dauden emakume ezberdinen egitekoak zeintzuk diren argitzeko
beharra azken topaketetan agertu zen.
o Instituzioen diskurtsoek eta praktikek mugimendu feministaren asimilazioa eta
instituzionalizazioa dakarte.
1.4.7. Martxoak 8
o Mobilizazioa handitzea lortu dugu herri batzuetan.
o Dinamika propioak garatu arren ez dugu lortzen bilgune feministaren
erreferentzia
o Diskurtsoa guztiz da mediatikoa; eta instituzioek, protagonismo osoa dute baina
kalea gurea izatea lortu dugu.
o Mugimendu feministaren dinamizatzaileak izanik gure proposamenek aurrera
egiten dute.
1.4.8. Ekainak 28:
o Urtetan zehar gure presentzia oso txikia izan da.
o Sexualitatearen eztabaida argitu gabe egon arren aurten kokapen berezia izatea
lortu dugu.
o Azken bi urteetan dinamika propioak eta koordinadoretan parte hartzea lortu
dugu.
o Oraindik ez dugu gure lekua oso ondo aurkitzen.
2. Dinamikak/Proiektuak:
lV. Jardunaldi feministak:
o Emakume asko gerturatzea lortu genuen, gure proiektuarekin bat eginez.
o Aliantzari begira jarritako helburuak ez genituen lortu mugimendu feministak ez
zuelako horren beharra ikusten.
o Ateratako ondorioak ikusita ez dugu jakin nola gestionatu eta kudeatu, nolabait,
gure proiektuak jardunaldietan izandako indarra kapitalizatu eta artikulatzeko.
o Mugimendu feministarekin aurrera begirakoa nolakoa izango den argitu genuen.
o Barne mailan ariketa ideologiko oso txukuna egin genuen ponentzien
prestaketan.
o Euskal Herria herri bezala kokatzea lortu dugu, Euskal Herriko koordinadora
feminista izanik hauen antolatzailea. IPEHan oraindik hutsune garrantzitsua
dugu.
o Emakume abertzale eta feministen lV.topaketak
o Ariketa ideologiko garrantzitsua izan da bilguneko kideentzako.
o Mugimendu feministan dagoen eztabaidari irakurketa propioa egiteko gaitasuna
izan dugu.
o Gure sare hurbileko hainbat emakumek ez dute ulertu eta ez dute konpartitzen
eman diogun dimentsioa.
o Emakume gazteen topaketak:
o Gure inbertsioa orokorrean nahiko eskasa izan da, asistentzia eskasa.
o Ez da gure plangintzaren erdigunean egon; ez dugu kontuan hartu emakume
gazteak gure sarearen parte oso garrantzitsua direla.
o Ideologikoki ez ditugu landu.
1.5. Barne maila: Antolakuntza
1.5.1 Eraketa:
Hemeretzi herritan gaude, taldeek oso modu ezberdinetan funtzionatzen
dute. Talde batzuen osasuna nahiko txarra da, erreleboak nola lortu eta
bateragarritasuna nola uztartu dira eman beharreko eztabaidak.
Herri askotan kontaktuen sarea dugu eta gure ekimen asko aurrera
eramaten dituzte.
IPEHan dugu hutsune nagusia.
Hainbat herritan ez da bilgune feministako taldetxoa sortu nahi eta
emakume taldeak sortu dira bilguneren proiektuarekin bat egin arren. Talde
hauekin komunikazioa landu dugu baina oraindik ikusi behar dugu nola mantendu
eta zer egin.
Sektoreen egoera oso ezberdina da. Orain dela hiru urte emandako
egituraren inguruko eztabaidaren ondorioz hartutako erabakiak ez ditugu martxan
jarri. Berriro ere aztertzeko beharra dago.
Sarea osatu eta artikulatzeari dagokionean, aurrerapauso sendoak eman
ditugu: nahiz eta horretarako, tresna zehatzik erabili ez dugun arren. Modu
desordenatu batean bada ere sarea osatzen ari gara. Tresnak sortu eta barne
komunikazioa garatzeko beharraren ondorioa azken urtetako balorazio guztietan
aipatu dugu.
1.5.2. Komunikazioa
Komunikazioko atal ezberdinetan balorazio desberdinak egin ditugu baina
ondorio nagusia, ordenatu eta plan bat egin behar dugula izan da.
o Prentsan: presentzia bat izatea lortu dugu, erreferentea gara.
o Emaraunak, garapen oso positiboa izan duela esan daiteke.
o WEB gunea komunikazioan hutsune handia izan dela esan daiteke.
o Bitartekoetan eta diseinuan gora-behera ezberdinak egon direla
baloratzen dugu.
o Komunikazioan; prentsan izan ezik, gainerakoan ez ditugu errekurtso
finkoak izan.
1.5.3. Diruzaintza:
Diru iturriak egonkortzea lortu dugu. Bilgune feministaren aurrekontua.
betetzeko plangintzan aurrera pausuak eman ditugu baina tentsioa mantentzea
beharrezkoa da.
Egiturarik ez dugu; bakarrik arduradun nazionala dugu, eta honek, ardurak ondo
ez banatzea dakar.
Bidelagun feminista kopurua oso txikia da oraindik ez dugu kanpainarik egin eta
ez dira helburuak bete.
1.5.4. Emagin:
Formakuntza ordenatu eta beharren arabera egokitzea lortu dugu azken urtetan.
Mugimendu feministaren kronika azken urteetako lan garrantzitsua izan da baina
ez dugu lortu bukatzea. Inbertsio handia egin arren helburuak ez ditugu ondo
planteatu eta proiektuaren dimentsioak jan gaitu.
Ikastaroen eskaintza dugu eta lekutxo bat egin dugu. Gure helburuak eta
edukiak ondo ordenatuz borroka ideologikorako tresnak dira hauek.
1.6. Ondorio Nagusiak:
Jada hamar urteko ibilbidea dugu, pixkanaka urtetan zehar Bilgune Feministaren
estrategian eta jardunean fintzen joan gara: baita, ikasturte hasieran jarritako
helburuak betetzeko garaian ere. Erakundearen barnean izandako faseen eta
egoeraren arabera ordenatzeko ariketa etengabea egin dugu.
Bada, gure jardunaren oinarrian emakumeen eskubideen aldeko borroka
izan da oinarri, eta berau, egoeraren arabera modu anitzetara egokitu izan dugu.
Hasieran, mugimendu feministarekin aliantza iraunkorrak egitearen aldeko apustua
egin bagenuen ere, denboraren eta praktikaren ondorioz konturatu ginen aliantza
puntualen aldeko apustua egitea eraginkorragoa litzakeela eta halaxe egin genuen.
Adibidez, Emakumeen Mundu Martxa edota abortuaren aldeko bi nazio
manifestazio. Beraz, mugimendu feministarekin batera egindako ibilbideak gora
beherak izan ditu. Egun, mugimendu feminista, gainerako mugimenduen gisara
birdefinitzen eta dibertsifikatzen ari dela esan genezake. Batetik, mugimendu
feminista tradizionala deitu genezakeena gainbeheran dagoela esan genezake: ez
aldarrikapenak lortu ditugulako: ez ba, errealitatea gogortzen ari baita; urtetan
lortutako eskubideak galtzear daude (batzuk jada galdu dira lan erreforma
berriarekin batera edota pentsioen erreformaren aldaketekin adibidez), urtetako
aldarrikapenak bizi-bizirik diraute, hala nola, abortua libre eta doakoa izatea, bizi
baldintza duinen lorpenaren egitatea, emakumeon kontrako indarkeria desagertzea,
balore justuagoetan hezitako jendartea lortzea e.a. Hein batean, jendarte eredua
aldatzen ari: indibidualismoa, teknologia, berehalakotasuna, e.a dira egun
gailentzen diren baloreak, eta borroka feminista ere testuinguru honetan ari da
garatzen; komunikazioan, antolaketan, aldarrikapenetan, e.a. aldaketak ematen ari
dira eta guzti hauek uztartzeko lanean gabiltza gogoz eta itxaropentsu. Bereziki
aipatu genezake, teknologia berrien bitartez, sarea aldarrikapen feministak
zabaltzeko eta lantzeko bitarteko garrantzitsua izaten ari dela eta hau, emakume
gazteak feminismora gerturatzeko zubia izaten ari da.
Honela, gure jardunean emakume kolektibo desberdinetara heldu gara
urteotan zehar: gazteak, langileak, ikasleak, etorkinak, e.a. Baina bereziki
emakume gazteak eta ikasleak bilakatu dira eragile feminista garrantzitsuan. Beraz,
garrantzitsua ikusten dugu aurrera begira, bestelako emakume sektoreekin batzea,
hitz egitea eta euren aldarrikapenei tarte gehiago egitea: adibidez, baserritarrei,
zaintzaileei edo etorkinei. Ibilbide honetan zehar, emakume batzuekin erreferentzia
eta gertutasuna irabazten joan garen heinean, beste batzuekin galtzen joan gara:
gure diskurtsoa edota momentuan eman ditugun eztabaida batzuen beharra ez
dutelako lehentasunezkotzat hartu. Adibidez, azken urtean emandako subjektu
feministen inguruko eztabaida.
Gainera, urte hauetan zehar, ideologiko aurrerapauso garrantzitsuak eman
ditugu eta ekoizpen propioek indarra hartu dute. Pixkanaka, diskurtsoak sortu eta
garatzeaz gain, aniztasuna ezaugarri duten proiektuak jarri ditugu martxan:
Hezkidetza Gida, Autodefentsa Txokoak, Duintasunerako Premisak, e.a. eta guzti
honetarako, euskal feminismoan jarduten duten emakume askoren laguntza izan
dugu. Eskerrik asko!
Hau honela izateak ahalbidetu digu mugimendu feministan, eragileen artean
zein emakumeen artean ere Bilgune Feminista eta bilgune kideon jarduna
erreferente izatea. Feminismoan aritzen garen eragile moduan bereizi egiten duen
sarearen funtzionamenduan sakondu dugu, nolabait, gure lan estiloa eta
konpromisoak hartzeko era anitzek emakume askorengana heltzea ahalbideratu
digu. Eta honetan jarraituko dugu!
Honez gain, feminismoak eraldaketa soziala oinarri duela kontuan hartuta,
guretzat ezinbestekoa da aldaketa sozialaren alde aritzen diren taldeekin
elkarlanean jardutea. Eraldaketa sozialaren gaian, orokorrean, eraldaketa
sozialaren aldeko eragileekiko harremanak eta aliantzak landu ditugu; nahiz eta,
azken urtean nahiko eskasak izan diren. Gainerakoan, beste eragileekin
harremanak puntualak eta dinamika zehatzen gainekoak izan dira. Beste
eragileekin elkarlanean aritu gara, adibide asko jar ditzakegu, baina ez dugu lortu
bere osotasunean, elkarlana, eskubideen aldeko borrokan kokatzea.
Bestalde, ezin dugu ahaztu nazio mailako eragilea garela, eta honek bere
zailtasunak badauzkala; adibidez, herrietan taldeak sortzerako garaian zailtasunak
izan baditugu, nazio izaerak gertukoa irentsi dezakeen beldurrez, adibidez. Beraz,
ondo aztertu beharra daukagu eta zubiak emakume talde guztiekin eraiki behar
ditugu, eta bereziki, gure proiektuarekin bat egiten dutenekin. Honela, Euskal
Herriko herrietako oinarriak sendotzeko saiakera egin behar dugu, militantzia
eredua jasaten ari den aldaketak aintzat hartu, barne antolaketari garrantzia eman
eta bateragarritasuna nola uztartu eta erreala izan dadin baliabideak, bitartekoak,
ordutegiak, biltzeko tokiak e.a. erreparatu. Hala, militante aniztasuna areagotzea
eramango gintuzkeen neurriak kontuan hartzea ere garrantzitsua dela baloratzen
dugu. Nagusiki, Bilgune Feministan jarduten dugun emakumeok gustura gaude;
Euskal Herriak behar duen aldaketa soziala feminismotik etorriko dela sinesten
dugu eta egunerokoan gure eskubideen aldeko defentsan gabiltza: unibertsitatean,
herrian, lantokian, osasun etxean, tabernan, e.a. Emakumeon arteko elkartasuna
dugu gure lanaren oinarrian eta berau ahalik eta anitzagoa izan orduan eta
indartsuago izango da elkartasuna eta guztion arteko indarra!
Gaiez gaiko ondorio orokorrekin jarraitzeko, gure lanaren ahalik eta
errentagarritasun handiena lortzeko komunikazioan denbora gehiago inbertitzea
ezinbestekotzat jotzen dugu. Azken batean, egiten duguna, aldarrikapenak,
ekintzak, herrien arteko ezagutza, e.a. areagotzeko komunikazioa oinarrizkoa da
eta iaz gogotsu heldutako saiakeran gogotsu jarraituko dugu. Horrez gain, kanpo
komunikazioaz gain barne komunikazioa landu behar dugu; herri eta sektoreen
artean lotura indartzea, dinamikak ondo jakinaraztea, alegia.
Bukatzeko, formakuntzari dagokionean oso aurrerapauso garrantzitsuak
eman ditugu, oinarri ideologikoak lantzeko tresna desberdinak sortu ditugu.
Adibidez, Hezkidetza Gida; ikasle, irakasle zein hezitzaileentzako hezkidetza saioak;
komunikabideetan sexismoa ekiditeko neurriak; gazteekin hezkidetza lantzeko
saioak, e.a. Eta honekin lotuta, Emaginen proiektua birkokatu genuen, nahiz eta
egun ere birkokatze fasean dagoen; hori bai jada, lan taldea osatuta, egitura
aldatuta eta Hezkidetza Lau Haizeetara proiektuarekin buru belarri. Hala,
formakuntzan planteatutako helburuak lortzen ari gara baina pixkanaka hauek ere
fintzen joan behar gara.
2. MUGIMENDU FEMINISTA ETA HERRI MUGIMENDUAREAN
ANALISIAREN ONDORIOAK
Atal honen helburua da: Euskal Herriko mugimendu feminista eta herri
mugimendua nola dauden, zein diren indarguneak eta ahulguneak, aukerak, e.a.
aztertzea. Nolabait, aldika elkarlotuta doazen bi mugimendu hauen osasuna,
aliantza eta elkarlana izango dira azterturiko gakoak.
Lehenik, mugimendu feministaren inguruko azterketarekin hasiko gara.
Gure herrian, nagusiki, feminismoan jarduteko lau joera nagusi daude:
Euskal feminismoa nagusiki guk ordezkatzen duguna, berdintasunaren feminismoa,
ezberdintasunaren feminismoa eta gaur egun, batez ere, emakume gazteengan
hazten doan transfeminismoaren teoria eta praktika, Queer teoriei lotuta. Bada,
80ko hamarkadan zehar sortutako mugimendu feministako talde historiko asko
desagertu diren arren, oraindik mugimendu feministako talde historikoak
mantentzen dira; hala nola, Bizkaiko Emakumeen Asanblada, Lanbroa, Arabako
Emakumeen Asanblada,----. Batzuek, taldean sartutako belaunaldi berriei esker,
aurrera eta lanean jarraitzeko osasun ona dute, eta beste batzuk, berriz, kili-kolo
dabiltza. Bestalde, Euskal Herriko herrietan talde feministak ari dira sortzen, eta
horietako asko Bilgune Feministako taldeak edota hurbileko sarekoak dira.
Hein batean, urtetako jardunaren eraginez, esan genezake mugimendu
feministak instituzionalizazioari bide eman eta atomizaziorako joerari eutsi diola
orokorki. Hau da, mugimendu feministak urtetako borrokari eta kontzientziazioari
esker; kalean, etxean, lantokian, e.a. eginiko aldarrikapenak barneratzen doaz
herritarrak pixkanaka. Eta lanketa honetan, batez ere, 90ko hamarkada amaieratik
aurrera, instituzio publiko politikoak orduraino mugimendu feministarenak ziren
esparruak, aldarrikapenak, jardunak astiro baina, beraienak izan ez ziren esparru
batzuk bereganatzen joan dira. Honek izan du eraginik; emakumeon desaktibatzea,
talde askoren desagerpena, hainbat talde feministen jarduera asistentziala izatea,
hau da, instituzioek eskaintzen dituzten zerbitzuetan dauden hutsuneak betetzea
(emakumeon kontrako indarkeria protokoloen aplikatzea baina emakumeari
formakuntza bitartekoak ez eskaintzea askatasunez bizitzeko, herri txikietan batez
ere dagoen zerbitzu eskasia osagarritzea) eta gure ustez larriena dena da: borroka
feminista eta feminismoaren beharra zalantzan jarri dituztela.
Baina egoera iraultzen doa, belaunaldi berriak borroka feministara lotzen ari
dira, askok eta askok Bilgune Feministaren proiektuarekin bat egiten dute;
unibertsitateetan eta herrietan emakume taldeak sortzen edo bizi berritzen ari dira.
Eta emakume gazteen esparruan ere, transfeminismoaren inguruan kokatzen diren
hainbat talde sortu dira eta interneten ere presentzia nabaria badute; hauek,
feminismo tradizionaleko taldeekin duten lotura txikia izan arren, koordinadora
anitzetan elkarrekin parte hartzen dugu denok. Honela bada, gaur egun
identitateen gaineko ezta nabaria da ere Euskal herriko mugimenduan, subjektu
feminista anitzen inguruko hausnarketarekin lotuta doa hau.
Horrez gain, eta mugimendu feministaren aliantzari dagokionean, azken
jardunaldi feministetan argi geratu zen aliantza estrategiko baten aukerarik ez
dagoela eta aliantza puntualen aldeko apustua lehenetsiko genuela. Eta horrelaxe
izan da, adibide gisa ditugu, abortuaren alde eginiko bi nazio manifestaldiak edota
Emakumeen Eskubideen Aldeko Gutunaren idazketa; nahiz eta azken honetan,
eskubideen aldeko borrokan ez dugun lortu aliantza nazionala erdiestea. Hasieran
aipatutako IV. Jardunaldi feministak inflexio puntu oso garrantzitsua izan zen baina
ez dugu lortu denon artean tentsioa mantentzea eta bertan ateratako ondorioak
behar bezala lantzea. Gainera, aipatzekoa da herrietako zein nazional mailako
elkargune hauetan, mugimendu feministako kideez gain sindikatuetako ordezkariak
ere bertan izaten direla, gehienetan, emakumeen arloaz arduratzen diren
emakumeak badira ere, elkartze honek gune hauek ere indartzen ditu.
Bestalde, hastapenetatik, gure herria eraikitzeko jardunean gabiltza lanean:
hezkuntzan, komunikabideetan/kin, emakumeen kontrako indarkerian, sorkuntzan-
kultura eta sozioekonomian. Egun, dituzten ahulguneak aztertzeari ekin, eta
pixkanaka gure etorkizuneko herrialdearen bizkarrezurra eraikitzeko lanean
gabiltza. Jardun honetan, emakume feminista anitzen lana eta borondatearekin
lortu dugu, jada oinarri batzuk jartzea eta mugimendu feministako taldeak
osotasunean jardun honetan aritu ez diren arren, herrietako mugimendu
feministako zenbait emakume herri estrategiak garatutako bidean inplikatzea eta
parte-hartzea lortu dugu. Pixkanaka, talde feminista batzuk ere bide honetan
kokatzen ari dira: Hala nola, gatazkaren konponbidearen inguruan egindako
irakurketa eta ibilbidean, gutunean bertan, mundu martxako plataforman,
emakumeon kontrako indarkeriaren protokoloan, e.a.
Jarraian, atal honen bigarren zatiaren hasiko gara, hau da, herri mugimenduaren,
eragile politikoen eta sindikatuen azterketarekin, alegia.
Herri mugimenduko hainbat talde, eragile politikoak zein sindikatuak
mugimendu feministako hainbat markoetan parte hartzen ari dira eta eragin handia
dute: batetik, sindikatuak herrietan zein nazio mailan, mugimendu feministarentzat
sostengu garrantzitsuan bilakatzen ari dira. Baina, interes desberdinak daudenez
tarteko, batzuetan aurrera egin beharreko jardunean desadostasunak sortzen dira,
beraz, ezinbestean aurrera begirako jarduna definitu eta adostu beharko dugu;
kontuan hartuta, ahalik eta indar gehienak batzeak aurrera jarraitzea erraztuko
digula. Honez gain, eragile mixtoen artean urtetako jardunaren eta inplikazioaren
eraginez erreferentzia lortu dugu. Askotan eragileen arteko elkarlana lortzea izan
dugunez helburu, proiektu ezberdinak aurrera ateratzeko aukera izan dugu. Nahiz
eta azken urtetan, gure herriak bizi duen errepresio egoera dela eta ez dela,
koordinazio eza nabaria izan da, baina pixkanaka hau gailentzeko lanean gabiltza.
Bestetik, alderdi politikoek,”politikoki zuzena” denez diskurtsoan aukera
berdintasuna eta emakumeon eskubideak beti presente dituzte nahiz eta praktikan,
hauek aurrera eramateko borondate eskasa, eta are eta, aurrekontu eskasagoak
onartu. Herrietan Udalek duten funtzioen araberako harremana dugu haiekin;
herri batzuen, harremana ona da: parte hartzeko batzordeak sortzen dituzte, bi
aldetako ordezkaritzekin elkarlana adosten da, e.a. Eta beste batzuetan, aldiz,
harremana hutsaren hurrengoa da. Honela, gertuen ditugun alderdiekin bestelako
ekimenak martxan jarri ditugun arren, orokorrean, askotan ezinezkoa zaigu,
instituzioetan alderdi politikoek betetzen duten papera baloratuz, elkarlan
iraunkorrak indartzea eta bultzatzea. Lekuan leku aldakorra da hauxe.
Aldiz, gazteetan dauden eragileekin elkarlana oso estua da: aurten,
emakume gazteen topaketak antolatzeko lan talde berezi bat sortu genuen eta
feminismoari begira duten atxikimendua ez dela bakarrik diskurtsoan oinarritzen
ikusi dugu. Gazte antolakundetik ere, pixkanaka euren jardunean feminismoa
kontuan hartu eta garrantzia emateko lanetan jarraitzen dute.
Orokorki, sektore ezberdinetan lanean dauden eragileekin dugun elkarlana
iraunkorra ez bada ere proiektu dezente jarri ditugu, adibidez; Hezkuntza arloan
egindako lana izan daiteke. Bada, herri mugimenduan dauden hainbat plataforma
nazional eta lokaletan parte hartzen dugu, eta mugimendu feministako talde
bakarrenetakoak izanik, perspektiba feminista garatzeko ardura dugu eta
erreferente nagusia gara honelako esparruetan. Beraz, gure aldetik, plataforma edo
herri eragileen elkargune hauetan parte hartzen jarraitzeko ezinbestekotzat jotzen
dugu. Eta pixkanaka, ikuspuntu feminista bestelako eragile, alderdi edota
sindikatuetan lantzeak ekarri du nolabait euren baitara so egin eta emakume arloen
antolaketa berrikustea, feminismoa txertatzeko ariketa egitea, e.a. Honek, eragile
askoren inplikazioa ekarri du MFren baitan, eta baita, hainbat gaietan emakumeon
egoera ikusarazten ere.
3. EUSKAL HERRIKO BILGUNE FEMINISTAREN JARDUN FEMINISTA
3.1. Sarrera
3.1.1. Eztabaidaren helburuak
Euskal Herriak behar duen aldaketa politiko eta sozialaren bidean
emakumeak subjektu feminista bihurtu eta gure eskubideen aitortza lortu.
Euskal herriak behar duen aldaketa politiko eta sozialaren bidean gure
ekarpen feminista zein izango den definitu. Aldaketa hori, ikuspegi
feministatik ezaugarritu.
Gure jarduera feminista egokitzeko beharrezkoa den emakumeon egoeraren
gaineko analisia gaurkotu.
Bilgune feministaren datorren faseko helburuak eztabaidatu, adostu eta
dagokien praktika politikoa definitu.
Gure jardun politikoak behar duen egitura egokitu.
Eztabaida emakumeok gaur egun Euskal herrian dugun egoeraren koordenadetan
eta egoera iraultzeko beharrezkoa dugun borroka feministaren koordenadetan
zentratuko da.
Emakumeon egoera zein den, patriarkatuaren osasuna zein den, emakume eta
gizonen artean zein emakumeon artean dauden bereizkeriak zeintzuk diren biltzen
saiatuko gara.
Bestetik, borroka feminista eraldaketarako borroka gisa kokatuko dugu. Gaur egun
borroka feministak zentzua izaten jarraitzen du, emakumeon egoera hobetu ez
delako, mugimendu feministak gure aldarrikapenak gauzatuta ikusi ez ditugulako
eta emakumeok subjektu feministetan bilakatzeko ahalmena dugulako.
Emakumeon egoera eta borroka feministaren nondik norakoak. Bilgune
feministaren jarduna hurrengo urteetarako definitzeko ezinbesteko bi analisi.
3.2. Egungo egoeraren koordenadak
3.2.1. Zergatik behar dugu emakumeok Euskal Herri feminista bat?
Atal honetan aldaketa emateko arrazoiak eta baldintzak aztertuko ditugu.
Aldaketa horren ezaugarritze bat ere egingo dugu.
Kapitalismoan, estatu patriarkalak ez ditu aldarrikapen feministak bete.
Emakumeon behar eta interesen defentsa baino kapitalaren exijentzietara
moldatu da soilik.
Instituzioetatik martxan jarritako mekanismoek ez dute emakumeon
egoeran hobekuntzarik ekarri.
Gaur egungo krisi egoerak aldaketa horren beharra areagotu du. Sortu
dituen bereizkeriak sistema hau agortuta dagoela adierazten jarraitzen du.
Euskal emakumeon egoerak, eragile eta jarduera feministek aldaketa baten
beharra exijitzen dute. Gaur egungo egoeraren aldaketa eta behin betirako
errotik emango den aldaketa.
Euskal herrian garatu den borroka feministak, errotik eman beharreko
aldaketa kokatu du historikoki. Sexuen arteko botere harremanak gaindituko
dituen aldaketaren aldeko borroka da.
Euskal herrian, egun, aldaketa politiko eta sozialaren beharra eragile askok
plazaratu dute.
Emakumeon bizi baldintzen hobetzeak eta eskubideen aitortza hutsak ez
dute patriarkatua gaindituko.
Emakumeon askatasuna, esplotazio eta zapalkuntzarik gabeko pertsonen
arteko harreman sozialek bermatuko dute.
Euskal herriak behar duen aldaketa egiturazkoa izan behar du. Emakumeon
behar eta interesak bermatuko dituen aldaketa hain zuzen. Emakumeon
interesei buruz hitz egiten dugunean, emakumeon zapalkuntza egoera
objektiboa eta egoeran horren gainean dugun kontzientzia maila subjektiboa
ezberdinduko genuke. Hau da, emakumeon interes objektiboak, patriarkatua
iraultzea izango lirateke.
3.3. Patriarkatua Euskal Herrian ikuspegi feministatik
Atal honetan, emakumeon egoeraren gaineko analisi bat egingo dugu. Analisi
horrek ordea, egoera ezberdinak kontutan hartzeko helburua dauka eta horretarako
sexu genero sistemaren dimentsio ekonomikoa, politikoa eta ideologikoa kontutan
hartuko ditu, klase eta nazio zapalkuntzarekin lotuta. Errealitatearen azterketa
feminista batek, zein arazo eta aspektutan eta ze norabidean eragin behar dugun
esango digu.
3.3.1. Analisirako eskemaren azalpena: ERANSKINA 1 (Analisirako koadroa)
Eskemak emakumeon egoera aztertzeko hiru maila proposatzen ditu.
Ezberdintasun hau ordea analitikoa da, denak batera ematen direlako. Nahiz eta
ekonomikoak, politikoak edota ideologikoak diren egoerak aztertu, hiru dimentsioak
aztertzen dugun edozein errealitatean emango dira.
Horrelako kate bat egiten saiatuko gara:
Diskriminazioak gatazkak bereizkeri
sistemak
kontraesanak interesen
oposizioa
Kontraesan hauek patriarkatuak ezartzen dituen bi sexu/generoen (maskulinoa
eta femeninoa) artean ematen dira, beharrezkoak, kontrajarriak, desberdinak eta
osagarriak era berean. Sexu biologiko eta soziala erreprodukzio biologikoan
egokitzen zaigun funtzioaren arabera ezartzen da. Horregatik, erreprodukzio
biologiko eta soziala, sexualitatea eta honen kudeaketa soziala gure analisian
zeharka lantzen ditugu. Sexuak Euskal Herriko harremanak egituratzen ditu, hau
da, ekonomikoki, sozialki eta ideologikoki arautzen ditu.
3.3.1.1. Dimentsio Ekonomikoa
Definizio orokorra: Herritar talde batek dauzkan baliabideak dira.
Sistema kapitalistaren ezaugarritzea
Sexuen arteko lan banaketa. Baliabide eta teknologiaren jabetza pribatua
eta publikoaren arabera egiten du banaketa hori.
Neoliberalismoan, gaur egungo fasean, ekonomia merkatuaren interesei
erantzuten dio soilik. Edozein baliabide, merkantzian bilakatzen du.
Emakumeon lanaren balioa eta baliabideen jabetzaren inguruko analisi bat
egiten badugu, sexuaren araberako bereizkeri egoera argia ikusten da.
Sistemarentzako oso errentagarriak gara emakumeak, produktore,
ugalketarako baita kontsumorako ere. Emakumeok aberastasun hori doanik
sortzen dugu eta ez dugu inongo irabazirik ikusten. Sexu industriak,
ugalketarako industriak, kosmetikoenak edo publizitateak sekulako irabaziak
sortzen ditu esaterako. Ugalketan gu bezalako baliorik ez dago, bai eremu
biologikoan zein sozialean. Kontsumitzaile eta aurrezle gisa, etxeko
ekonomiaren ardatza gara, merkaturako pizgarria izanik.
Krisiak emakumeak nabarmenago esplotatzen ditu. Gaur egun prekarietatea
emakumeon egoera ekonomikoa deskribatzeko kontzeptua izango litzateke.
Prekarietatea, merkatuan egondako atzerapauso eta eskubide laboralen
urraketari dagokionez.
3.3.1.2. Dimentsio Politikoa
Definizioa: herritar talde batek erabakiak hartzeko daukan sistema.
Erabakiak hartzeko marko gisa, estatua eta nazioaren arteko kontraesana
geroz eta nabarmenagoa da.
Egitura estatalak kapitalaren mesedera jarri dira. Estatuen arteko egiturek
erabakietan geroz eta garrantzi gehiago dute.
Herritarron erabakiak inoiz ikusi ez ditugun inposizio mekanismoen bidez,
parte hartze eta adierazpen politiko “demokratikoa”ren menpe gelditzen
dira. Erabat murritzailea eta errepresiboa den eredu demokratiko honek,
behatze lanetan eta kontrolean oinarritu eta jendartearenak diren jabetzak
indarrez kentzen ditu. Espainiar eta frantziar estatuen arteko egiturak lege
manipulazioan oinarritzen dira.
Estatuak indarkeria erabiltzeko duen zilegitasunak, “ordenaren” koste
ekonomikoak, errentagarritasun politikoak eta berme ideologikoak
beldurraren jendartea ezartzen du. Baina ez dirudunen beldurra baizik eta
pobre, emakume eta umeen beldurra baizik.
Demokratizazioa eta globalizazioa patriarkalak dira. Emakumeon eskubideen
urraketa horren adibidea da.
Instituzioetatik bideratzen diren berdintasun politikek ez dituzte emakumeon
beharrak asetzen.
Legedi sistemek diskriminazioak arautu eta mantenarazten dituzte.
Emakumeon parte hartzea handia da. Hori hala ere ez da egitura sozial eta
politikoetan islatzen.
3.3.1.3. Dimentsio Ideologikoa
Definizioa: Herritar talde batek errealitatearen inguruan egiten duen
irakurketa izango litzateke. Pentsamenduak, balio sistemak...
Jardutera eramaten gaituen pentsaera bat da. Jarduera indibidual eta
kolektiboa da, egoera onartu edo iraultzen duena.
Ideologia patriarkalak emakumeon egoeraren inguruko kontzientzi faltsua
sortu du. Berdintasun faltsua.
Gainera emakume izateko eredu itxiak bultzatzen ditu. Emazte eta “ama
ona” den emakumea eta profesionala eta iniziatibaduna den emakume
ereduak nagusitzen dira. Biak kontraesankorrak edota osagarriak ez diren
arren, ideologia patriarkala sistemaren baitan kokatzeko ahaleginean dago.
Eragile feministetan bilakatzeko oztopoak jartzen ditu.
Feminismoak sekulako gutxiespena jaso izan du.
Ideologia menperatzaileari aurre egiten zioten diskurtsoek atzera egin dute.
Sexua, klasea eta nazioa elkarlotzen dituzten balio sistemen inguruko
hausnarketa egiteko beharra.
Aparatu ideologikoek, familiak, eskolak, komunikabideak edota koadrilak,
interesen arabera aldakorrak diren arren, menpeko harremanak birsortzen
dituzte.
Menperatze ideologikoa ezinbestekoa da gure burua egituratu eta gu
pertsona “normalak” izateko ahaleginean. Jendarteratze prozesuetan gure
gorputz sexu-tuen nolakotasunak arautu eta instituzionalizatzen dira.
Subjektu feministetan bilakatzeko, jarduera feminista bat garatu al izateko,
ezinbestean egoeraren kontziente izan behar dugu. Identifikatzen ditugun gatazka
edota diskriminazio egoera nagusien jabe egin eta eragiteko gaitasuna eman behar
digu gure jarduera feministak.
3.4. Emakumeon zapalkuntzaren diskriminazio nagusiak
3.4.1. Prekarietatea enplegua eta jabetzan
Enplegua: Emakumeon lan baldintza prekarioak. Erregimen bereziak (etxeko
langileak, baserritarrak …) Ekonomia ezkutuan emakumeok dugun
presentzia nabaria. Enpleguaren sarbidea.
Jabetza: Emakumeak sistemak daukan baliabide nagusia gara, guk egiten
ditugun lanak ez baitira merkatuan baloratuak eta ekonomikoki baloratzen
direnak erabat prekarioak direlako. Gainera, ez gara gure lan indarraren
jabe, ez ditugu teknologia berriak eskuragarri eta lurraren jabe izateko
zailtasun handiak ditugu.
Zaintza eta etxeko lanak: Ez dira sozialki beharrezkotzat hartzen eta
emakumeon esku gelditzen dira. Azkeneko neurri instituzionalek egoera
mantendu besterik ez dute egin.
Kontsumoa: Kontsumorako objektu eta subjektu nagusiak gara. Gu gara
kontsumitzaile nagusiak.
Prestazioak jasotzeko zailtasun nabaria daukagu. Ez daude emakumeon
eskura.
Zerbitzu sozialetan murrizketa nabariak egon dira. Horrek emakumeon bizi
balditzetan guztiz eragiten du.
Krisiarekin hartu diren neurriek ez dute emakumeon egoera hobetu. Krisi
honengatik ahaztuak izan gara.
Osasun laborala
Sektore feminizatuetan gizonezkoen sarbidea
Gatazka laboral ezberdinak: Zahar etxeak ,… Zaintzarekin lotutakoak
Teknologien erabilpena
Proposamenak: Kontsumo greba, etxeko lanen greba
3.4.2. Indarkeria sexista
Emakumeon kontrako indarkeria egiturazkoa da. Dimentsio ekonomiko,
politiko eta ideologikoa dauka, eremu guztietan eta oso modu anitzetan
ematen da. Gizonek dute indarkeria erabiltzeko zilegitasuna. Sistema
mantentzeko tresna nagusia da.
Herri honen kontrako errepresioak ere modu sexista batean funtzionatzen
du. Tortura sexistak.
Instituzioetatik bideratzen diren politikak konpromiso falta argia eta
aurrekontu falta argia azaleratzen dute. Modu isolatuan lantzen dituzte
erasoak eta horrek arazoa politikoa ordez, pertsonala gisa identifikatzera
eramaten gaitu.
Gainera, hartutako neurri eta legeek emakumeon autonomia indartu ordez,
erabat sumisoak egiten gaitu. Emakumeak biktimizatu egiten gaituzte.
Instituzioak salbatzaile gisa agertzen dira.
Komunikabide eta hezkuntzaren bidez emakumeongan beldurra sortzen
dute. Gainera ez gaituzte gure buruaren jabe egiten, menpeko baizik.
Mugimendu feministak urteetan garatu duen borrokaren topeak ikusi ditu.
Erantzuna gogortzeko arazoak daude, emakumeengana iristeko
zailtasunak...Autodefentsaren bidea berraztertzeko beharra dago.
Autodefentsaren beharra
Kontzientziazioa falta gure gune hurbiletan
3.4.3. Politika instituzionala
Marko juridiko eta politikoa patriarkala da. Familian oinarritutako sistema
batean bizi gara. Demokrazia falta argi bat dago.
Herri gisa erabakitzeko ahalmenik ez dugu.
Berdintasunean oinarritutako jendarte batean bizi garenaren ideia zabalduta
dago.
Ez daude ikuspegi feministatik egindako aurrekonturik. Ez daude herritarron
behar eta interesetara egokitutako aurrekonturik.
Berdintasun politikak ez daude botere harremanak gainditzeko bideratuta.
Emakumeak indibidualki boteredun egin nahi ditu, sekulako paternalismoa
erabiliz.
Parte hartzerako ireki berri dituen espazioekin mugimendu feministaren
asimilazioa lortu du. Parte hartzea ahalbideratzen duten arren ez dute
erabakitzeko ahalmenik ematen.
Egoera salatzeko bitarteko instituzionalik ez dago.
MF-ren Asimilazioa eman da
Instituzio batzuetan lan egiteko aukerak daude baina irizpideak markatu
behar dira
3.4.4. Osasuna
Sexua/generoa, osasunean determinante bat da. Osasuna bizitzeko,
lantzeko, gaixotzeko eta laguntza eskatzeko modu ezberdinak ditugu.
Emakumeok gure osasunaren pertzepzio txarra daukagu. Gaixo gaudela
sentitzen dugu.
Osasunaren kontzepzio biomedikoak arazo eta sendagarri zehatzak ematen
ditu emakumeon egoeraren aurrean. Ez ditu egungo bereizkeri egoerak
gainditzeko bitartekorik jartzen ez eta gure gorputzaren ezagutza
bultzatzen.
Prebentzioa ez da lantzen. Gaixotasunean oinarritutako osasun sistema
dugu.
Emakumea ugalketarekin erabat lotzen da.
Krisiak osasun protokolo askotan aldaketak ekarri ditu. Pribatizazioa. Ohiko
ginekologia zerbitzuak desagertzeko zorian daude.
Emakumeok ez dugu libre eta dohainik abortatzeko eskubiderik. Ezin dugu
gure gorputzaren gainean erabaki.
Osasun laborala ez da emakumeon kasuan lantzen.
Osasun sistemak enpresa farmakologikoen menpe daude. Ekonomikoki
erabat baldintzatuta dago.
Osasun mentalaren azterketa
Reproduccion asistida: Emakumeekin esperimentatzen
3.4.5. Hezkuntza
Sistema osoa androzentrikoa da. Egiturak, edukiak, espazioak...
Hezkuntza formala. Hezkuntza komunitate osoan botere harremanak oso
argiak dira.
Asimilazioa bultzatzen duten espazioetan bilakatu dira eskolak.
Rolak birsortzeko tresna eta espazioak dira.
Kontrolerako espazioetan bilakatu dira eskolak.
Hezkidetza. Irakaslegoaren borondatearen arabera lantzen da.
Instituzioetatik konpromiso falta. Itxurazko onarpen bat lortu duen arren
praktikan oso gutxi lantzen da.Nahiz eta onarpen bat lortu duen ez dago
edukien ooinarrian.
Hezkidetza aisialdiarekin lotuta egotea lortu da. Eremu honetan garrantzi
gehio hartu du eragile sozial eta mugimendu feministari esker.
Familiek ez dute rolen inguruko kontzientziarik eta eragiteko oso eremu zaila
da.
Hezkuntza komunitate osoaren analisia eta inplikazioa beharrezkoak
dira(Irakasleak, gurasoak, hezitzaileak, …)
Irakasleen formakuntza eta kontzientziazio falta nabaria da
Formakuntza, ikerketa, analisia, baliabide pertsonal eta ekonomikoen falta
nabaria da.
3.4.6. Komunikabideak
Sistema mantentzeko tresna nagusi bat dira.
Emakumeon gorputzen esplotazioa, gure ekarpenaren inbisibilizazioa eta
manipulazioa bideratzen dute.
Objektuetan bilakatzen jarraitzen digute.
Emakumearen irudi zehatza sortu, bultzatu eta beste guztiak kriminalizatzen
dituzte.
Emakumeak erabili kontsumitzeko eta emakumeei zuzenduta
kontsumitzaileak izateko
3.4.7. Kultura
Kultura harremanak sortzeko eta bizitzeko moduak transmititzen ditu.
Bizitza eredua
Euskal kultura, kultura minorizatu bat da. Kulturen artean ere botere
harremanak daude. Euskal herrian bereizkeri egoeran kultura euskaldunaz
gain, beste batzuk aurkitzen ditugu.
Emakumeak kultur sortzaile, transmisore eta jasole izan behar dugu.
Ez dugu ohitura transmititu nahi, etorkizuna baizik. Ohiturak gailentzen dira.
Kultura bakar batez ezin dugu hitz egin
3.4.8. Sexualitatea
Sistema sexuan oinarrituta dago. Heterosexualitateak araututako sistema
bat da.
Eredu heterosexual zehatz bat bultzatzen du: gizonen plazerean oinarrituta,
monogamian, ezkontzan, maitasun erromantikoan, pasioan...oinarrituta.
Homosexualitatea eta lesbianismoa ez dira aukera sexual zilegitzat hartzen.
Bakarrik aurreko ereduan oinarritzen direnean onartzen den aukera da.
Askatasun faltsu batean bizi gara.
Sexuaren gain-balorazioa ematen da.
Naturalizazioa
Sexualitatea ugalketarekin lotuta dago, eta ugalketarekin ez bada,
afektibitatearekin.
4. BILGUNE FEMINISTAREN JARDUNAREN KOORDENADAK
4.1. Euskal emakumeon eskubideen aldeko borrokaren kokapena
Emakumeon eskubideen bermeak jendartearen eraldaketa ekarriko luke.
Emakumeon eskubideen aldeko borroka emulgentetzat eta aglutinantetzat
hartzen dugu
Aglutinantetzat: Borroka dibertsifikatu baina era berean batu egiten
dituelako.
Emulgentetzat: subjektu feminista eta praktika politiko anitzak azaleratzen
dituelako.
Emakumeon eskubideen aldeko borrokak fase ezberdinak izango ditu.
Momentu honetan, eskubideen aitortza lortzeko bidean aurkitzen garen
arren, kontzientziazioa eta autogestioaren bidean ere emakumeon bizi
baldintzak hobetzen joango gara.
Emakumeon eskubideen bermeak, Euskal Herria feminista ekarriko luke.
4.2. Estrategia politikoa: Anexo 2 (eskema politikoa)
Bilgune feministaren estrategia politikoaren oinarrian, eskubideen aldeko
borroka dago. Aurretik aipatu ditugun arrazoiek eraman gaituzte gure
estrategiaren ardatzean kokatzera, ez emakumeon bizibaldintzak hobetzeko
bide gisa soilik, baizik eta jendartearen eraldaketara eramango gaituen bide
gisa baizik. Hortaz, emakumeon eskubide guztien bermeak Euskal Herria
feministan bilakatzeko bidean kokatzen gaitu. Dena den, bidea ez da zuzena eta
motza izango. Bide luzea izango da, eta horretarako fase ezberdinak kokatzea
garrantzitsua da. Euskal herria feminista helburu, momentuan momentuko
helburu txikiagoak jartzen joatea.
Eranskinean dagoen kuadroak fase hauek ezaugarritzen ditu. Kuadroa, ez guztiz
guztiz lineala. Pauso eta eskenatoki ezberdinak dira, bizi dugun momentuarekin
bat datozenak. Baina etorkizunean datozen faseak ere gaurdanik lantzen ditugu,
askotan Euskal Herria feminista ikutzen dugulako, edo beste batzuetan
autogestioaren bidez eskubide batzuk lortzen ditugulako. Pausoz pauso garatzen
joango garen ibilbidea da, nahiko modu linealean, baina ez itxian.
Ibilbide osoan zehar ere, emakumeak subjektu feministetan bilakatzea izango
da momentuko helburuak lortzeko oinarria. Emakumeon antolaketa eta eremu
ezberdinetan emakumeon eragiletza sustatzea izango baita fase batetik bestera
pasatzeko izango dugun berme nagusia, besteak beste.
Modu anitzetan ere egingo dugu Euskal Herri feminista lortzeko bidea. Agitazioa,
aldarrikapena, kale astintzea, kontzientzia sortzeko eta proiektu propioak
garatzeko borroka moldeak izango dira. Kontzientzia eta autogestioaren bideak
lantzea ezinbestekoa izango dira.
Orain gauden fasea, eskubideen aitortza lortzeak ezaugarrituko du. Emakumeak
gure eskubideen jabe izateko kontzientziazio lana lehentasuna izanik,
ezinbestean eskubideen aldeko borrokaren aktibazioan indarrak jarri behar
ditugu. Gainera, egun Euskal Herrian aldaketa politiko eta sozialerako aliantza
babestu eta bultzatzea ezinbestekoa da, aldaketa honetan emakumeon
eskubideak aitortuak izatea helburua izanik. Guzti hau aurrera ateratzeko,
Euskal emakumeon eskubideen karta tresna nagusia izango da, orain urte
batzuk onartua izan zena baina bide luzea izango duena.
Baina emakumeon eskubideen aitortzan ezin gara gelditu. Eskubide hauetaz
jabe izateko eta eskubide hauek aplikatuak izan daitezen lan egin behar dugu.
Modu horretan gure helburu nagusietako bat den, emakumeon bizi baldintzak
hobetzeko oinarriak jarriko ditugu. Fase honetan, eskubideen karta oraindik
baliatu beharko dugu baina ezinbestean eragile feminista anitzen aliantza
lortzeko indarrak jarri behar ditugu. Eskubideen jabetza eta aolikaziorako,
eragiletza feminista hau ordezkatuko duen espazio edo markoa sortu beharko
genuke, askotan emakume kontseilua deitu izan duguna.
Bi fase hauek beteta plan estrategikoaren definizioa eta aplikazioan indarrak
jarri beharko ditugu, Euskal Herria feminista horren oinarri nagusiak zaintzuk
izango diren adostu eta bide komunak diseinatuko dituen plana.
Plan estrategikoaren aplikaziorako aldiz, ezin gara emakume kontseiluan
gelditu. Haratago joan eta Euskal Herriaren erakkundetze prozesuarekin batera
emakumeon eskubideen bermea eta plan estrategikoaren aplikazioa oinarri
izango duen erakundea sortzeko indarrak jarriko ditugu.
Modu honetan Euskal Herria feminista izateko oinarri nagusiak jarrita egongo
lirateke. Pertsonen artean harreman berriak eraikiko lituzkeen herria.
4.3. Hurrengo faserako helburu nagusiak
Emakumeon eskubideen aldeko borroka eskubideen aitortzari begira Euskal
Herrian artikulatu
Emakumeok subjektu feministetan eratu
Mugimendu feminista eta emakume feministekin aliantza puntualak landu
Eragile sozial, sindikal eta politikoekin aitortzari begirako lanketa egin
Bilgune Feministaren proiektu politikoa erreferentzializatu; Euskal Herri
feministaren oinarriak gaurdanik landu
4.4. Lan ildoak
Emakumeon egoeraren inguruan egin dugun irakurketa eta gero hauek izango
lirateke Euskal Herriko Bilgune Feministaren jardunak kontutan hartuko dituen ildo
nagusiak:
4.4.1. Prekarietatea
ESKUBIDEa lana baldintza duinetan izateko
ESKUBIDEa zainduak izateko eta emakumea izateagatik etxeko eta
zaintza lanak egitera. behartuak ez izateko.
ESKUBIDEa lanean aukera berdintasunean partehartzeko, sartzeko,
orientatzeko eta prestakuntzarako.
ESKUBIDEa,laguntza sozialak eta ekonomikoak jasotzeko, hauek
famili unitatepean egon barik.
4.4.2. Indarkeria sexista
ESKUBIDEa, emakumeak izateagatik gure kontrako biolentziarik ez
jasateko
4.4.3. Politika instituzionala
ESKUBIDEa, aktiboki parte hartzeko eta aintzat hartuak izateko
jendarteko edozein arlo eta jardueratan.
4.4.4. Osasuna
ESKUBIDEa emakumeon beharrei erantzungo dien osasun zerbitzu
erabatekoa eta publikoa izateko.
4.4.6. Emakumeok gatazkaren konponbidean
4.4.7. Hezkuntza
ESKUBIDEa, emakumeon ekarpenak eta balore feministak izango
dituen hezkuntza eredua izateko
4.4.8. Komunikabideak
4.4.9. Kultura
ESKUBIDEa, balore feministetan oinarritutako euskal kultura sortu,
garatu eta transmititzeko.
ESKUBIDEa, emakumeak ikusezin bilakatzen ez dituen edo
diskriminatzen ez dituen hizkuntza erabili eta garatzeko
ESKUBIDEa, emakumeok historian eginiko ekarpenak ezagutu eta
transmititzeko.
4.4.10. Sexualitatea
ESKUBIDEa, nahi dugun harreman afektibo mota sortu eta garatzeko,
eredu heterosexistaren gainetik.
ESKUBIDEa gure identitate sexuala edozein izanda ere sexualitatea
askatasunez bizitzeko.
ESKUBIDEa gure gorputzaren inguruan askatasunez erabakitzeko eta
aukeratzeko
4.5. Lan estiloa
4.5.1. Egiturazko zapalkuntzari, erantzun integrala
Emakumeon zapalkuntza egiturazkoa dela kontutan hartuta gure jarduna
ezaugarri horretara egokitu behar dugu. Sistemaren iraulketa da gure
helburu nagusia. Goitik behera eta behetik gora, sistema irauliko dugu.
Patriarkatuaren dimentsio politiko, ideologiko eta ekonomikoari aurre egingo
dion jarduera sortuko dugu. Sistema patriarkalaren egituretan eragina
daukan jarduera aurrera eramanez.
Jendartean dauden esparru guztietan eragina izango duen jarduera izango
dugu. Jendarteko esparru estrategikoak gure jardueraren esparru nagusiak
izango dira; komunikabideak, kultura, sozioekonomia eta hezkuntza.
Instituzioekiko (zentzu zabalean ulertuta) lana ere gure jardunaren oinarrian
egongo da.
4.5.2. Teoria eta praktika feminista
Feministak gara eta feminista gisa jarduten dugu. Teoria eta praktika
uztartzen ditugu gure jardueran.
Konpartitzen dugun testuingurutik abiatuko da gure jardun feminista. Euskal
herriko emakume langileak gara. Sexu-genero zapalkuntza, klase
zapalkuntza eta nazio-kultura zapalkuntzak gaur egun duen adierazpenetik
abiatu eta egokituko dugu gure jarduera.
4.5.3. Kontzientziazioa, autogestioa eta kalea
Kontzientziazio lana, autogestioa eta kaleko lana ardatza izanik,
kritikotasuna, salaketa, erantzuna, interpelazioa...landuko ditugu.
Sistema patriarkalak eraiki dituen egitura guztiak deseraiki eta berriak
eraikitzea izango da gure lanaren funtsa. Horretarako ez dugu egungo
instituzioetatik edo sortu daitezkeen berrietatik gure lana bideratuko
bakarrik. Autogestioa, gure alternatiba propioak eraikitzeko bideak ireki
behar ditugu. Dagozkigun eskubideak eskuratzeko beharrezkoak diren
bideak landuko ditugu.
4.5.4. Emakume eta feministen sarea
Gure jarduera eragile eta pertsona bakoitzaren marko errealetik abiatuko
da. Bakoitzak dituen estilo eta izaera kontutan hartuz eta aniztasuna
aberasgarritzat hartuz. Horretarako kolore anitzetako eragile eta
emakumeekin lan egitea ezinbestekoa da.
Eragile feminista eta nazio zein herri eraikuntzan lanean dauden eragileekin
izango ditugun harremanen ondorioz elkarlana bultzatuko dugu. Aliantza
puntualak eraikiz, dinamika bateratuak garatuz, jardun feminista bultzatuz...
Bilgune feministaren motore bat beharrezkoa den arren, gure jardueraren
oinarrian emakume anitzen sarea izango dugu. Elkar elikatzeko tresna
nagusia izango da, elkarren arteko zubiak eraikitzea ezinbestekoa da.
Herrietan eta sektore estrategikoetan antolatuko gara. Antolaketa hau,
tokian tokiko eta sektore bakoitzaren ezaugarrietara moldatuko da.
4.5.5. Antolakuntza: Anexo 3 (organigrama)
ERANSKINA 1 ANALISIRAKO KUADROA
Zapalkuntza
Dimentsioa SEXUA KLASEA NAZIOA
EKONOMIKOA
SEXUAREN ARABERAKO
LAN BANAKETA
Produkzioa/ugalketa
LANAREN BANAKETA
SOZIALA
Kapitala/lana
LURRALDE
BANAKETA
ABERASTASUN ETA
BALIABIDEETAN
Jabetza
pribatua/publikoa
POLITIKOA
SEXUAREN ARABERAKO
BOTERE BANAKETA
DESBERDINA
Berdintasun
formala/erreala
BURGESIAREN
BOTERE POLITIKOA
Estatu
burgesa/estatu
sozialista
LURRALDE
SUBIRAUTZA
Estatua/nazioa
IDEOLOGIKOA
BERDINTASUN FALTSUA
Patriarkatua/feminismoak
ONGIZATEAREN
JENDARTEA
Oparotasuna/beharra
NAZIO
IDENTITATEA
Kultura/kontzientzia
Plan estrategikoaren oinarriak: EMAKUMEON ESKUBIDEEN ALDEKO
BORROKA Subjektu feministak sortu
Emakumeon esku
bideen aitortza
Aldaketaren beharra sustatu eta eragin
Eskubideen eskuratze
eta jabetze Emakumeon bizi baldintzak hobetu.
Plan estrategiko Oinarriak Definizioa Martxan jartzea
EH FEMINISTA
Eskubide guztiak
Harreman berriak
Eztabaidan eragin
Tresnak:
Karta
Aliantzak
Proiektuak
Egituratzea:
Kontseilua: TEK/POL/MF Tresnak: Eskubideen karta Aliantzak
Proiektuak
Plana: Modelo berri baterako oinarriak Tresnak: Kontseilua Eskubideen karta Aliantzak Proiektuak
Egituratzea: Kontseilutik haratago Tresnak: Kontseilua Eskubideen karta Aliantzak
Eranskina 2 ESTRATEGIA POLITIKOAREN TAULA
3.Eranskina: Bilgune Feministaren egitura
1. Herri eta sektoreak
1.2. Funtzioak
Bilgune feministaren proiektuaren araberako ildoak zehaztu
Plan estrategikoaren definizioan sakondu
Salaketak, aldarrikapenak, kaleak astindu...
Emakumeon sarea osatu
Herrietan dinamika propioak sortu
1.3. Osaketa
1.3.1. Sektoreak:
Hezkuntza, komunikabideak, sozioekonomia, kultura. Lau sektore
estrategiko hauetan egiturak sortuko ditugu. Bakoitzean hala ere, egitura
ezberdin bat egongo da, sortzen diren beharren araberakoa.
Sektoreko arduraduna, lan taldea eta eratortzen diren ildoen araberako lan
talde edo egiturak.
Sektoreetako emakume sareak.
1.3.2. Herriak:
Herri bakoitzean talde motore bat egongo da
Taldean, arduraduna, diruzaina eta ildoen araberako arduradunak egongo
dira
Herri bakoitzean dagoen emakumeen sarea
2. Bilgune Nazionala
2.1. Funtzioak
Erabaki gunea:
Bilgune feministaren norabidea markatu
Eztabaida politikoak eman
Balorazioak, planifikazio
Formazioa eta kontzientziazioa
Elkargunea:
Herri eta sektoreen arteko elkartrukerako espazioa da
Bilgune feministaren proiektu politikoa garatu: ideologikoki garatu, jardun
feministan sakondu eta ekonomikoki proiektua gauzagarria egin.
Bilgune feministaren norabidea jarraitzeko ezinbesteko markoa
2.2. Osaketa
Herrietako taldeetako militante guztiak
Sektoreetako militante guztiak
Bilguneko egituraren parte diren militanteak
Bilgune feministaren sarea osatzen duten emakumeak
3. Bilgune Txikia
3.1. Funtzioak
Gestio eta koordinazio gunea:
Bilgune nazionalean hartzen diren erabakiak koordinatu
Bilgune nazionalean hartzen diren erabakiak kudeatu
Bilgunearen dinamikan suertatzen diren erabakiak hartu
Bilgunea eztabaida politiko anitzekin elikatu
Horretarako sortzen diren lanak: Koordinazio orokorra, diruzaintza, herrien
jarraipen eta hedapena, sektoreetako koordinazioa, barne eta kanpo
komunikazioa, formazioa.
3.2. Osaketa (Ardura batzuk finkoak izango dira eta beste batzuk egoera
puntualari egokituta)
Koordinatzailea
Diruzaina
Eraketako arduraduna
Herrialdeko arduradunak
Sektoreetako koordinatzailea
Sektore ezberdinetako arduradunak
Ildo zehatzetako arduradunak
Komunikazio arduraduna
Emagin eta formazioaren arduraduna
4. Diruzaintza
4.1. Funtzioak
Bilgunearen proiektua ekonomikoki gauzagarria egin.
Bilguneko diru iturrien kudeaketa: Dirulaguntzak, kuotak, sarekideak,
ekarpenak, txosnak, materiala,...
Diru iturriak egonkortu
Diru iturri berriak bilatu
4.2. Osaketa
Arduraduna
Herrialdeko arduradunak
Herrietako eta sektoreetako arduradunak
5. Eraketa
5.1. Funtzioak
Barne mailan dauden beharrak identifikatu eta landu
Bilguneko egitura mantendu eta hedatu
Herri eta sektoreekin proiektu eta plangintzaren jarraipena egin
5.2. Osaketa
Arduraduna
Herrialde bakoitzeko arduraduna
Herri eta sektoreetako lan taldeak
Herrietako kontaktuak; emakume taldeak, emakume solteak...
6. Komunikazioa
6.1. Funtzioak
Definitzen dugun plan komunikatiboa garatu: barne eta kanpo komunikazioa
bermatu
Komunikazio bitartekoen jarraipena egin eta elikatu; Web, Emaraun,...
Irudi korporatiboa sortu, bermatu eta berrikusi.
Komunikabideen jarraipena egin eta haiekin harremanak sustatu
6.2. Osaketa
Komunikazio arduraduna
Lan taldea: definitzen ditugun beharren araberako lan taldea osatuko dugu
Kolaboratzaileen sarea: diseinuan, itzulpenetan, artikuluetan, ... laguntza
eskaintzen diguten emakumeen sarea.
7. Emagin- formazioa
7.1. Funtzioak
Garapen ideologikorako bitartekoak sortu:
Bilguneko formazio eta eztabaida beharrak identifikatu eta asetu
Oinarrizko formazioa eskuragarri egin
Eskola feminista: hausnarketa feminista bultzatu.
Kontzientziaziorako bitartekoak sortu
Gure ikuspegitik egindako ikastaroen eskaintza egin eta zabaldu
7.2. Osaketa
Formazioaren arduraduna
Lan taldea. Dauden beharren araberako lan taldea osatuko dugu.
Ikastaroak emateko emakumeen sarea
Hausnarketa feministarako emakumeen sarea.