年人面容頂勝利的笑容，看會出in得著誠大的滿足。毋過，無人疼

惜的海豬咧！敢有人問過in，為著人類的滿足佮幸福，就愛做這款

的犠牲咧？

可憐的海洋啊！恁是毋是會怨嘆人類的粗殘咧！恁是毋是會

毋甘願人類共恁當做是海豬的葬場咧！無膽的我，有幾若擺對夢中

驚醒，頭殼內一幅一幅的畫面，經過幾若年猶是無法度共伊放袂記

──啼哭的海豬、變色的海洋。　　　　　　　

變色的海洋三多國小/陳春美

自細漢序大人佮學校的師長，予阮的教示，攏是講毋通共家己

的歡喜建立佇別人的痛苦頂懸。毋過阮最近看過紹介『丹麥』風俗

民情的影片，佇闊莽莽的大海裡，有幾仔款無仝的色水，愈倚海墘

色水愈紅。一大片的海水，攏變成紅記記的色水，tshím頭仔阮掠

準是『丹麥』的海水較特別，色水有幾仔款，欲哪會知影紲落去一

幕一幕的鏡頭，予阮趕緊共目睭瞌起來，走去便所會吐吐甲袂吐，

實在是有夠恐怖的啦！彼鑿目的水色，竟然是上百隻海豬的血水。

無疑悟聽講以早是全世界上幸福的國家──『丹麥人』，會

共智商誠懸、佮咱人仝款有反應能力的『卡德龍』海豬刣甲流血流

滴，就為著成年禮的儀式。這款無人性的代誌，逐年攏會發生佇『

丹麥』的『斐羅島』。哪會按呢咧？慶祝成年的方式有千百種，敢

講一定愛用這款予人心疼的方式咧！根據阮上網所看著的資料，『

卡德龍』海豬in就佮其他種類的海豬仝款，已經欲倚滅絕消失的地

步矣。時時刻刻攏咧hán喝講愛注重生態保育的人類，敢真正是喙

唸阿彌陀、手夯刣豬刀，講一款做一款、喙無趁心的歹心人，若無

哪會據在家己無情的雙手，一刀一刀按呢共海豬的身軀liô落去、

刣落去。自私的人類啊！敢真正無聽著海豬像紅嬰仔無力、淒涼、

悲慘的哭聲？自稱萬靈的人類啊！敢真正無看著海豬一滴一滴的

血水，當咧催趕in的性命？可怕的人類啊！敢講一定愛共個人的快

樂，建立佇無反抗能力的動物身上？

影片內底有一大陣人，圍佇海邊咧看一齣殘忍、暴力的戲齣，

無人出手阻擋，干焦目睭金金咧看遐的少年人，三、四个人一組拖

一隻海豬，鬥鬥咧幾若十組人，用粗粗的索仔纏著大枝的鐵鉤，同

齊用鐵鉤共海豬的身軀鉤牢咧！出力拖上岸，來展示in已經轉大人

的能力。聽講滿足感會當影響咱人的幸福指數，是啦！咱對遐的少

社會組散文◎特優

22 23

毋過，我真正是毋願相信，嘛真毋甘，俗語講：「父母疼囝長

流水，囝想父母樹尾風」，佇我的生活中，你已經是我精神上的倚

靠，所有的心事攏真慣勢共你一个人講。佇歇熱的一禮拜前，我共

同事講：「我的阿母是我的寶。」毋過這馬，我的無價之寶，煞無

去呀！我實在毋知影，從今以後是欲按怎才好咧？因為自從二十年

前，凱文你的二囝婿過身，留落來一大筆的債務，佮兩个未成年，

猶閣咧讀冊的囝兒了後，我根本就無悲傷佮流目屎的時間，只有堅

強、勇敢，擔起晟養囝兒的責任。想袂到兩年後，老爸忽然間『心

肌梗塞』，離開世間，彼時，我除了痛苦、傷心，阿爸無應該佇我

失去翁婿無偌久，閣失去一个疼惜我的親人，毋過我閣較欣羨阿

爸，無拖累囝兒序細，真正是前世今生修來的福報。佇小妹三十九

歲過身的時，我感覺我敢若失去了手佮跤同款，痛苦足久，莫怪逐

家攏用“手足之情”來形容兄弟姐妹的感情。毋過對你來講『白髮

人送黑髮人』實在是一項足殘忍的代誌，你堅持決定欲照顧小妹十

歲的查某囝佮一歲的查埔囝，到今已經十六年，兩个囡仔沒予你失

望，已經揣著人生的方向，你嘛會使放心。

兩三工前，我用輕鬆的口氣共大姐講：「咱已經是無父無母的

孤兒呀，“長姐如母”你愛照顧阮喔！」其實我知影你上希望的就

是阮兄弟姐妹會當互相照顧，互相愛護，就親像你佮阿舅、阿姨的

感情仝款，阮會用“恁“做模範，一定做會到，請你放心。

阿母，這馬我的目睭，敢若看到一隻足水足水的仙鶴，輕輕

仔，佇天頂咧飛，歡喜咧看阮。阿母，阮逐家祝福你！

你的查某囝

青穗敬上

2006/8/6附記：青穗的阿母，名叫做“鶴子“

阿母，我敬愛的阿母：

七月初七透早，徛佇你的眠床邊，看你恬恬倒佇遐，表情是遐

爾安詳、輕鬆，真想欲共家己講：阿母咧歇睏，毋通共吵……。毋

過，其實，你已經永遠離開阮囉…。

我用倒手輕輕仔牽著你的倒手，用正手輕輕仔摸著你昨昏才洗

過的頭毛，閣輕輕仔摸你的面，喙裡一直唸佛號，強忍著傷心的目

屎，就按呢，大約過了二十分鐘，我的倒手，雄雄親像去予電電著

同款，麻幾仔下，這敢毋是咱兩人心靈相通的時陣咧！

佇這一個月守靈的期間，想著你一世人做人做事，充滿著愛

心、善良、忍耐、包容佮智慧，無論啥物時陣，連佇灶跤切菜、煮

菜，攏予人感覺是遐爾仔優雅。你佇八十歲的時陣，因為跤疼，行

路真無方便，聽朋友講，彈鋼琴會減輕痛苦，你對彼陣開始，逐工

練琴，至少一點鐘，疼痛真正減少足濟。八十二歲的時，有一工你

手指著壁頂的曆日，共我講：「我想欲畫彼隻“鶴”」，經過三工

了後，你真正完成了你這世人第一張的作品。你每工練琴、畫圖，

展現出你無平凡的性命力。你上愛拗紙鶴送人，為你身邊的親朋好

友祝福，猶會記得，佇2002年SARS病毒流行期間，你規工一直拗紙

鶴，祈求全國百姓渡過難關。

阿母，你在生的時陣，共後事安排甲足詳細，交代甲足清楚，

你定定共阮講，你無愛去蹛安養院，嘛無愛佇病院蹛傷久，毋通規

身軀插管，結果一切攏照你的心願，功德圓滿。其實這敢毋是咱每

一个人的願望咧？實在是足欣羨！足欣羨！這就是証明你一生修身

養性，已經達到上懸的境界，成做你的囝兒序細，實在是足有福

氣，嘛足感恩！

想欲閣佮你講一寡話……頂溪國小/李青穗

社會組散文◎優等

24 25

五分仔車的記持

毋閣為著彼鮮閣甜的滋味，無搝著是毋放伊煞！等到若搝著一枝出

來，阮隨就勇甲若牛傱去逐彼把甘蔗，因為有抽一枝出來就會較

冗，抽甘蔗就親像「桌頂拈柑」遐爾簡單。這時大漢的負責抽甘蔗

細漢的負責綴咧抾，紲落趕緊轉去園裡；跍佇塗跤齧甘蔗，喙齒若

無夠勇會齧袂贏，白甘蔗厚汁、粗絲閣韌咬袂斷，阮就愛那齧那哺

那欶食甲suh-suh叫，享受久久才有一擺的甘甜，歡喜佮滿足寫佇

阮遮的囡仔的面，甘蔗食煞彼甘蔗皮甘蔗粕抾抾綁綁咧提轉去曝乾

好起火；一屑仔都無拍損。

這個抽甘蔗的過程會當講是緊張刺激閣趣味，驚去予警備仔掠

著閣驚甘蔗縛傷絚抽袂出來，一個心肝是phit-phok-tsháinn，無這

種經驗的人是體會袂著的；毋閣阮嘛不時咧想，彼警備仔一定是一

目金、一目瞌，知影阮散赤無物食，才會激恬恬予阮偷抽甘蔗，照

按呢想起來，彼警備仔實在是誠有人情味。目一　三、四十年過去

矣！莫講這馬的囡仔人無這種生活環境，就連後日仔恐驚嘛無機會

閣拄著矣，聽講虎尾糖廠佇這一、兩年內無欲閣製糖，因為成本傷

懸袂趁錢，載甘蔗的五分仔車就欲來消失去矣。

「五分仔車矣!五分仔車，感謝你陪伴阮渡過物資欠缺的年

代；嘛感謝你予阮有遐爾趣味的囡仔時，你的形影，阮會共你囥佇

阮的心肝ínn，因為你永遠是阮上數念的記持。」

廣福國小/林春美

人講：「第一戇種甘蔗予會社磅；台灣糖籠有去無回」，會社

就是『日糖興業株式會社』，這句話是咧講日本時代辛苦種作的蔗

農受著無理的政權壓制佮剝削。彼時佇台灣有四十六間的糖廠，蔗

農創造會社糖業經濟的繁榮，毋閣可憐的蔗農辛苦拍拚煞無法度得

著三頓飽。綴著時空的轉變，民國三十五年國民政府共『日糖興業

株式會社』，改做『台灣糖業股份有限公司』是國營事業，蔗農才

有通出頭天。經過六十外年，現此時全台灣甚至是全東南亞，干焦

賰雲林縣虎尾鎮的虎尾糖廠有咧製糖；有五分仔車咧載甘蔗。

阮的後頭厝就蹛佇虎尾，離開故鄉出外讀冊、食頭路、

結婚也有三十年矣，毋閣心肝內思思念念的攏是彼個熟似的聲

音。新曆12月到3月若轉來後頭厝，沿路就聽會著噹~噹~噹~噹

poonn~~poonn~~khi-硞khi-硞kuainn~聽著彼个聲看著彼个影，

囡仔時代的記持袂輸搬電影，一幕一幕浮佇目睭前。

以早佇白甘蔗收成的季節，虎尾糖廠的五分仔車若出動，一節

一節的車台仔是躼躼長，若像一隻會衝烏煙的蜈蚣沓沓仔趖過街路

邊、軁過田園，落尾消失佇闊莽莽的甘蔗園裡。這陣阮規陣囡仔伴

就會去鐵枝路邊等五分仔車，一看車來，阮就會那咻那走那逐，佇

彼个年代庄跤囡仔罕得有機會坐火車，阮有通逐火車算是希罕閣好

耍的代誌。逐遍阮佇園裡做穡攏會niau-niau看彼五分仔車，毋知

伊當時欲翻頭，做穡就　　懶屍仔懶屍，毋過一聽著khi-硞khi-硞ki~kuainn的聲音，就隨有氣力起跤衝去鐵枝路邊仆佇塗跤等，為

著驚警備仔發現，阮會對較中節的車台仔下手，火車雖罔載重有駛

較慢，毋閣欲抽甘蔗若無兩步七仔是會看有食無的；就按呢阮會相

準彼有捅一橛的甘蔗出力搝，一跤拄佇甘蔗一跤佇塗跤tshiáng，雙

手出力下性命一直搝，喙齒根咬絚絚規個面若紅關公咧嘛閣那走、

那搝、那tshiáng，舞甲前氣袂接得後氣喘怦怦強欲軟跤兼消風，

社會組散文◎甲等

26 27

美麗校園 四季寒暑 伴我已經第六年

一冬過一冬 恬靜讀冊 運動走跳 戲弄吵鬧

有同學做伙的心適 有老師親切的教示

校園宛然是一齣閣一齣

花叢樹木 鳥隻蟲豸 佮囡仔朋友合奏的交響詩

今仔日 日頭光糝佇我身軀頂

後山膨鼠　　跳 長尾山娘規陣飛

提醒我出業矣 欲離開矣

這擺的熱天真特別 是阮講再會 老師放手的時陣

依依難捨 目屎含目墘

共友誼的記持佮老師的疼痛包一大包

攬佇阮心肝底 惜別 期待他日轉來相會的日子

光陰袂當拍損 性命著愛圓滿豐沛

時間到欲離別 再會啦！心心念念的校園

當今田蛤仔吼叫 蟬聲吱袂煞

燒熱的南風旋入窗 再會啦！

阮欲行出惜別人生的童年 阮欲離開

親像鴟鴞展翅的姿勢 佇校園的天頂

演奏出一首聲聲熱情 旋律輕快 音色美妙的交響曲

2013離別的交響詩北港國小/廖崇仁

快樂的光陰 流轉若溪流

熟似的童年 猶無拍算停跤

啥知離別的日子 已經恬恬到位

有人講阮是幸福的花蕊

校園才是永遠留戀的所在

毋過 阮所意愛的小學校

你煞親像日頭燒烙的母親

射出燦爛的光芒 直欲引　阮

行向夢中美麗的國度

人講 這陣結束嘛是對遮開始

鳳凰樹 落花遍地的艷麗

是阮起程的花紅地毯

出發 阮欲出發 駛離覕風的港口

阮心嚓嚓趒 阮心嘛沉重

講袂出喙 若準是歡喜 閣較親像傷悲袂止

早起的日頭 對山頂掃落大路 射入來教室門跤口

過晝 微微涼風 輕輕仔搧阮喙

順紲吹落幾片樹葉

天頂的白雲 向低 軟軟像棉花

規工聽阮ki-ki-kā-kā的笑聲

佇遮 鼓聲唸謠聲 有圖有詩意 有音樂的旋律

社會組新詩◎優等

28 29

春天的水池仔邊

柳樹 真好笑神

幌伊溫柔的柳枝

趁風來 共阮攬牢牢

談天說地 愛講笑詼

喝食暗頓 嘛無人欲回

春天愈來愈燒熱

草仔長 要去剃頭店剪頭鬃

花蕊芳 要倩蜂仔佮蝶仔

春天的樹木 愈來愈大欉

若大支傘 予咱覕雨 予咱歇涼

春天啊 春天

予阿母加一巡皺紋

予阿爸手蹄仔愈粗

予阿公阿媽閣較曲痀

毋過春天 嘛予我加一歲

予我捌事 教我規矩 知通感恩

知影世間的媠 知影生活的快樂

春天 快樂發佇山埔 比草仔較茂

春天 快樂開佇野外 比花蕊較媠

春天 快樂會激出人間的甜蜜

我知影春天佇佗位 快樂就佇佗位

我知影春天來到位 向望就會來到位

春天青山國中小/廖崇仁

春天 佇草埔滴露

佇花蕊採蜜 佇海面起帆

春天 予種子發芽

予樹枝發葉 予雪地變青

春天到矣

風寬寬 輕聲 歕樂伴奏

草仔親像 美妙優雅的舞者

姿勢同齊 隨旋律舞振動

有時徛挺 有時軟腰 有時轉踅

規工認真練舞 毋知通歇睏食晝

春天的花蕊

覕佇草仔埔 搖擺

春天的花蕊

飛去天頂尾 跳舞

春天的花蕊 插佇小妹仔的頭鬃

春花總是袂凍霜 五花十色

展開伊燦爛的笑容

春天的樹仔

佇厝前厝後 顧厝

春天的樹仔

佇路頭路尾 罰徛

春天的樹仔 真厚禮數

提伊的大頂帽仔

共過路人 行禮

社會組新詩◎甲等

30 31

無伴的時陣

跳索仔 拍球 踅運動埕

予日頭曝 汗水流鬢邊

狗仔囝佮我耍 貼倚來司奶

跳懸跳低 逐來逐去毋知愁

無伴的時陣

在我耍 在我喝 免聽阿母踅踅唸

拍開窗 微微仔風入來作伴

喙焦 愛啉就啉 枵就食

孤單煞像美妙的旋律

予家己眠夢　　我入去恬靜的世界

心花開佇幸福的棉被內

無伴的時陣

阿母毋知我偷旋出來

雨沃洗我的鬱卒

風順紲掃掉煩勞

予我的頭殼清彩 心開闊

日頭　我四界看

佮白雲鬥陣飛 免操煩毋知路

山 共我掠龍 海 伴我清閒

當爽快 大地勸我緊轉莫徘徊

無伴的時陣秀峰國小/廖崇仁

無伴的時陣

坐踮房間 哈茶 小說是四秀仔

音樂聲佇心肝頭軁來軁去

時間　袂予我厭

無伴的時陣

捘電視 看『海綿寶寶』變猴弄

佇網路的『非死不可（facebook）』佮同學拍拉涼

哈拉一寡趣味代 耍甲無死袂煞得

無伴的時陣 看尪仔冊

美麗的圖片佮故事

規氣入去內底 佮勇敢的王子做伙救公主

奇妙驚險的齣頭 害我煞袂記得食晝

無伴的時陣

我是厲害的歌手

「マイク」夯咧一直唱

傱 跳 流汗閣喝咻 袂輸佇演唱會現場

無伴的時陣

樹林內散步 吸彼號『芬多精』

日頭光影糝佇我身軀頂

無時閒 親像我是一隻青苔仔

喌喌叫自由飛 無人管我當時回

社會組新詩◎甲等

32 33