djalogi taċ ċittadini - european commission · ewrobarometru juri wkoll li bejn ir-rebbiegħa...
TRANSCRIPT
Djalogi taċ-ċittadini
u konsultazzjonijiet
maċ-ċittadini
Il-Konklużjonijiet ewle
It-30 ta’ April 2019
Werrej
Unjoni taċ-ċittadini ......................................................................................................................................................... 4
Appell għal Ewropa prospera .................................................................................................................................... 7
1. Ewropa li tipproteġi ....................................................................................................................................... 10
2. L-indirizzar tal-migrazzjoni........................................................................................................................ 11
3. Ekonomija dinamika ..................................................................................................................................... 12
4. Il-ġlieda kontra t-tibdil fil-klima, il-ħarsien ambjentali .............................................................. 13
5. Ewropa tal-valuri ............................................................................................................................................ 14
6. Perspettiva għall-ġenerazzjoni żagħżugħa ....................................................................................... 15
7. Ewropa aktar b’saħħitha fid-dinja ......................................................................................................... 16
L-involviment taċ-ċittadini u t-tfassil tal-politika ........................................................................................ 17i
2
‘“L-Ewropa hija primarjament Unjoni taċ-Ċittadini.
Huma l-qalb, ir-ruħ u l-mutur tal-proġett tagħna Jean-Claude Juncker, il-11 ta’ Diċembru 2018
Ir-rapport attwali huwa bbażat fuq kontribuzzjonijiet minn mijiet ta’ eluf ta’ ċittadini li semmgħu leħinhom permezz ta’ madwar 1,600 djalogu maċ-ċittadini u permezz tal-konsultazzjoni online dwar il-Ġejjieni tal-Ewropa.
Dan għandu l-għan li jinforma lir-riflessjoni tal-Mexxejja tal-EU27 fl-okkażjoni tal-laqgħa informali tagħhom f’Sibiu. Ir-rispons u l-interazzjoni maċ-ċittadini saħħew ukoll il-kontribut tal-Kummissjoni għall-Aġenda Strateġika li se tiġi adottata mill-Mexxejja f’Ġunju 2019 (L-Ewropa f’Mejju 2019: It-tħejjija għal Unjoni aktar magħquda, aktar b’saħħitha u aktar demokratika f’dinja li dejjem aktar qed issir inċerta).
3
4
Unjoni taċ-ċittadini
L-impenn maċ-ċittadini u s-smigħ tal-aspettattivi, il-preokkupazzjonijiet u l-ideat tagħhom kienet parti integrali
mill-ħidma ta’ din il-Kummissjoni Ewropea sa mill-bidu nett. L-ittri ta' missjoni mibgħuta lill-Kummissarji kollha fil-
bidu tal-mandat kienu jappellaw b’mod espliċitu biex dawn ikunu "politikament attivi fl-Istati Membri u fid-djalogi
maċ-ċittadini, billi jippreżentaw u jikkomunikaw l-aġenda komuni, jagħtu widen għall-ideat u jikkollaboraw mal-
partijiet ikkonċernati”. Il-White Paper dwar il-Ġejjieni tal-Ewropa1, ippreżentata mill-President Juncker fl-1 ta’
Marzu 2017, fetħet fażi ġdida b’sensiela ta’ għażliet mingħajr preċedent dwar kif l-Unjoni tagħna tista’ tevolvi fil-
ġejjieni, filwaqt li inkoraġġiet dibattitu madwar il-kontinent kollu.
“Din il-White Paper jenħtieġ li tagħti bidu għal dibattitu onest u estensiv maċ-ċittadini dwar kif għandha tevolvi l-Ewropa fis-snin li ġejjin. Il-Kummissjoni Ewropea, flimkien mal-Parlament Ewropew u l-Istati Membri, se tospita sensiela ta’ "Dibattiti dwar il-Ġejjieni tal-Ewropa" fil-Parlamenti nazzjonali, l-ibliet u r-reġjuni tal-Ewropa kollha. L-ideat u d-determinazzjoni ta’ mijiet ta’ miljuni ta’ Ewropej ikunu l-katalizzatur tal-progress tagħna”.
Mill-bidu tal-Kummissjoni Juncker, saru 1,572 djalogi taċ-ċittadini 2 f’583 lokalità. Barra minn hekk, fid-9 ta’ Mejju
2018 il-Kummissjoni nediet konsultazzjoni online dwar il-Ġejjieni tal-Ewropa, b’mistoqsijiet imfassla minn panel ta’
ċittadini li jirriflettu d-diversità fl-Ewropa.
Il-Kummissjoni Ewropea ħadet sehem f’20 dibattitu ta’ profil għoli organizzati mill-Parlament Ewropew ma’
mexxejja nazzjonali, laqgħet il-proġetti ewlenin tal-Kumitat Ekonomiku u Soċjali Ewropew u l-Kumitat tar-Reġjuni3, u
appoġġat b’mod attiv il-Konsultazzjonijiet taċ-Ċittadini li tnedew mill-Istati Membri. Dawn l-inizjattivi kollha, kif ukoll
dawk organizzati minn istituzzjonijiet politiċi oħra jew mis-soċjetà ċivili, huma kumplementari għal kollox.
Il-Kummissjoni ppreżentat rapport tal-progress dwar id-Djalogi maċ-ċittadini u l-Konsultazzjonijiet maċ-Ċittadini4
lill-Kunsill Ewropew f’Diċembru 2018, filwaqt li identifikat seba’ oqsma ewlenin li fihom l-Ewropej jistennew ħafna
mill-Unjoni. Għall-ewwel darba, il-konklużjonijiet tal-Kunsill Ewropew laqgħu d-Djalogi u l-Konsultazzjonijiet u
fformaw rabta diretta mat-tħejjija tal-Aġenda Strateġika.
1 https://ec.europa.eu/commission/sites/beta-political/files/white_paper_on_the_future_of_europe_en.pdf
2 Id-Djalogi taċ-Ċittadini huma dibattiti f’livell muniċipali. L-ewwel dibattitu sar fis-27 ta’ Settembru 2012 fil-belt portwarja Spanjola ta’
Cadiz mal-Viċi-President ta’ dak iż-żmien Viviane Reding. Minn dak iż-żmien ’l hawn ġew żviluppati mill-Kummissjoni Ewropea mill-2013
’il-quddiem.
3 https://cor.europa.eu/en/engage/Pages/Reflecting-on-Europe.aspx
4 https://ec.europa.eu/commission/sites/beta-political/files/eu-progress-report-consultations-111218_en.pdf
4
Il-White Paper dwar il-Ġejjieni tal-Ewropa
Il-White Paper ippreżentata mill-President Juncker fl-1 ta’ Marzu 2017 ipproponiet ħames xenarji
possibbli għall-ġejjieni tal-Unjoni tagħna ta’ 27 Stati Membri. Ix-xenarji ma kinux preskrittivi,
eżawstivi jew esklużivi b’mod reċiproku, u tfasslu biex jalimentaw dibattitu estensiv.
XEN
AR
JI
Inkomplu
mexjin kif aħna
Is-Suq Uniku
biss
Min irid iżjed
jaħdem iżjed
Isir inqas, iżda
b’mod aktar
effiċjenti
Nagħmlu ħafna
iktar flimkien
X’I
NH
U I
NV
OLU
T?
L-EU27
timplimenta u
ttejjeb l-aġenda ta’
riforma attwali. Il-
prijoritajiet jiġu
aġġornati
regolarment, il-
problemi jiġu
indirizzati meta
jitfaċċaw u
leġiżlazzjoni ġdida
tiġi aġġornata kif
xieraq.
L-EU27 tillimita
ruħha biss għall-
approfondiment
tal-aspetti ewlenin
tas-suq uniku.
L-EU27 tippermetti
lill-Istati Membri
disposti li jaħdmu
aktar f’oqsma
politiċi speċifiċi.
Għalhekk, l-Istati
Membri jaqblu dwar
arranġamenti
baġitarji u legali
speċifiċi biex
japprofondixxu l-
kooperazzjoni
tagħhom. Stati
Membri oħra
jistgħu jissieħbu
magħhom maż-
żmien.
Meta jkun hemm
qbil dwar il-ħtieġa li
jiġu indirizzati aħjar
ċerti prijoritajiet
flimkien, l-EU27
tiffoka l-attenzjoni
u r-riżorsi tagħha
biex tagħti aktar
riżultati u b’mod
aktar rapidu f’ċerti
oqsma ta’ politika,
filwaqt li f’oqsma
oħra tieqaf taġixxi
jew tagħmel inqas.
L-Istati Membri
jikkondividu aktar
setgħa, riżorsi u
teħid ta’
deċiżjonijiet fl-
oqsma kollha ta’
politika, l-euro
jissaħħaħ, u d-
deċiżjonijiet fil-
livell tal-UE jiġu
infurzati b’mod
rapidu.
5
Id-djalogi taċ-ċittadini
194,000
parteċipant
1.6 miljun
spettatur isegwi permezz
tax-xandir online
Il-konsultazzjoni online
Konsultazzjoni
pan-Ewropea
multilingwa
12-il mistoqsija(mistoqsijietmagħluqa u
miftuħa)
Appoġġata minn attivitajiet tal-
medja soċjali
87,000 parteċipant
201553
2016
126
2017443
2018
1,263
2019sat-30 ta' April
1,572
L-għadd totali tad-djalogi maċ-ċittadinisa mill-bidu tal-Kummissjoni Juncker
White Paperdwar il-Ġejjienital-Ewropa
6
Appell għal
Ewropa prospera
7
Il-konklużjonijiet tad-Djalogi maċ-Ċittadini u l-konsultazzjoni online dwar il-Ġejjieni tal-Ewropa
għandhom tendenza li jikkonverġu, u huma konformi ma’ dawk li l-Istati Membri użaw mill-eżerċizzji
tagħhom stess, minkejja d-diversità tal-formati.
Ġeneralment, il-parteċipanti għandhom tendenza li jipperċepixxu l-Unjoni Ewropea b’mod
pożittiv. Stħarriġiet tal-opinjoni jwasslu għal konklużjonijiet simili. Skont stħarriġ tal-
Ewrobarometru mwettaq fost kampjuni rappreżentattivi tal-popolazzjoni, 62 % tal-Ewropej iqisu s-
sħubija ta’ pajjiżhom fl-Unjoni Ewropea bħala ħaġa tajba. Dan hu l-ogħla livell f’dawn l-aħħar 27
sena. 11 % biss jaraw is-sħubija fl-Unjoni bħala ħaġa ħażina, filwaqt li l-oħrajn huma newtrali. L-
Ewrobarometru juri wkoll li bejn ir-Rebbiegħa tal-2014 u l-Ħarifa tal-2018, il-fiduċja fl-Unjoni
Ewropea żdiedet bi 11-il punt (minn 31 % għal 42 %), possibbilment bis-saħħa tal-approċċ il-ġdid li
fih l-inizjattivi Ewropej jiffukaw fuq it-tħassib taċ-ċittadini. Il-fiduċja fil-Parlament Ewropew u fil-
Kummissjoni Ewropea t-tnejn żdiedu bi 11-il punt, għal 48 % u 43 % rispettivament. Matul l-istess
perjodu ta’ żmien, il-fiduċja fil-gvernijiet nazzjonali telgħet bi 8 punti, għal 32%.
L-Unjoni Ewropea hija perċepita bħala l-post leġittimu u l-aktar effettiv biex fih jiġu indirizzati l-
isfidi globali. Meta ġew mistoqsija x’inhuma d-deċiżjonijiet Ewropej li jagħmluhom kburin li huma
msieħba fl-Unjoni, ir-rispondenti tal-konsultazzjoni online semmew b’mod spontanju kwistjonijiet
relatati mal-ambjent u l-klima, il-migrazzjoni u r-refuġjati, l-affarijiet barranin u d-difiża.
Konsultazzjoni online
“Liema deċiżjonijiet meħuda fil-livell Ewropew jagħmluk aktar kburi li int parti mill-Unjoni”’
(Mistoqsija miftuħa)It-tweġibiet ġew raggruppati mill-ġdid skont is-suġġett bl-użu ta’ tekniki tal-estrazzjoni tat-test. Id-
daqs taċ-ċrieki huwa proporzjonali għall-frekwenza tagħhom u l-lokalitajiet relattivi tagħhom jirriflettu l-qrubija tematika.
Migranti Refuġjati
Governanza
Ġlieda kontra l-korruzzjoni
DifiżaAffarijiet Barranin
Ambjent
Drittijiet soċjaliTassazzjon
i
Klima Enerġija
Liberta tal-espressjoni Drittijiet tal-bniedem Skambji
Kultura
Soċjetà diġitali
Benesseri tal-
annimaliSħubija fl-UE
Responsabbiltà liċ-ċittadini Żvilupp
Kooperazzjoni
8
L-istħarriġ tal-Ewrobarometru Standard li sar f’Novembru 2018 jikkonferma li meta r-rispondenti
kienu mistiedna jagħżlu ż-żewġ kwistjonijiet ewlenin li l-Ewropa trid tiffaċċja, il-kwistjonijiet globali
kienu l-ogħla fil-klassifika, minn lista ta’ erbatax. Il-migrazzjoni għadha l-aktar suġġett imsemmi,
iżda ħafna inqas milli fl-2015, filwaqt li l-ġestjoni tal-migrazzjoni qed tħalli l-frott tagħha. Dan
huwa konsistenti mal-fatt li kien hemm inqas mistoqsijiet dwar is-suġġett fid-djalogi maċ-ċittadini
organizzati fl-2019. It-terroriżmu jikklassifika bħala t-tieni prijorità. Għall-ewwel darba, it-tibdil fil-
klima huwa wieħed mill-ħames suġġetti l-aktar imsemmija.
L-Ewrobarometru, Standard, Ħarifa 2018
“ X’taħseb li huma l-aktar żewġ kwistjonijiet importanti li qed tiffaċċja l-UE bħalissa?”
(Massimu ta’ żewġ risposti minn lista b’erbatax-il proposta)L-aktar sitt tweġibiet magħżula biss huma
rrappreżentati fil-graff.
Minħabba li l-Ewropa mxiet mill-irkupru ekonomiku għall-espansjoni f’dawn l-aħħar ftit snin, il-
kwistjonijiet ekonomiċi u soċjali għandhom rwol inqas prominenti milli kellhom qabel il-bidu tal-
Kummissjoni Juncker. Madankollu, il-ħtieġa għal ekonomija dinamika li tiffoka fuq id-diġitali, ir-
riċerka u l-innovazzjoni, u żona tal-euro stabbli hija tema prominenti ħafna - bħalma hi tema
prominenti x-xewqa ċara għal livell għoli ta’ korrettezza u ta’ protezzjoni soċjali.
L-Ewropa hija perċepita wkoll bħala kontinent ta’ valuri, li fih l-istat tad-dritt, il-ġlieda kontra l-
korruzzjoni u n-nondiskriminazzjoni jridu jkunu protetti.
Il-Brexit ġie diskuss b’mod aktar regolari f’dawn l-aħħar xhur, iżda kollox ma’ kollox il-parteċipanti
fid-Djalogi u fil-konsultazzjoni online kienu l-aktar ħerqana li jiddiskutu dwar il-ġejjieni tal-EU27.
Kollox ma’ kollox, il-parteċipanti fid-dibattitu dwar il-Ġejjieni tal-Ewropa jixtiequ li l-Unjoni Ewropea
tiffoka fuq suġġetti li diġà jinsabu fil-qalba tal-aġenda Ewropea, notevolment l-għaxar
prijoritajiet politiċi tal-Kummissjoni Juncker. Il-kontribut tal-Kummissjoni għall-Aġenda Strateġika u
l-proposti tal-Kummissjoni għall-baġit fit-tul tal-Unjoni Ewropea jirriflettu wkoll l-aspettattivi taċ-
ċittadini.
9
1. Ewropa li tipproteġiIl-kontributuri għad-dibattitu dwar il-Ġejjieni tal-Ewropa għandhom it-tendenza li jistennew li l-
Unjoni Ewropea tiggarantixxi l-benessri tagħhom u tipproteġi d-drittijiet soċjali tagħhom. Il-
parteċipanti spiss jitolbu li jkun hemm drittijiet soċjali aktar b’saħħithom u jqajmu mistoqsijiet dwar
id-differenza bejn il-pagi tal-irġiel u n-nisa, il-liv tal-ġenituri u kwistjonijiet soċjali oħra, inkluża l-
kwistjoni dwar is-saħħa. Filwaqt li ħafna parteċipanti jesprimu tħassib dwar inugwaljanzi li qed
jiżdiedu, dawn ġeneralment jitolbu għall-protezzjoni tal-persuni l-aktar dgħajfa fis-soċjetà,
bħall-anzjani u l-ħaddiema bi ftit kwalifiki.
Id-drittijiet tal-konsumatur huma parti importanti minn din is-sejħa għall-protezzjoni. Is-
sikurezza alimentari u l-kwalità tal-prodotti tal-ikel jissemmew regolarment. Iċ-ċittadini jistennew
li l-ftehimiet kummerċjali jirrispettaw l-istandards għoljin, inklużi dawk soċjali u ambjentali. Ħafna
huma mħassba dwar dak li huma jqisu bħala tassazzjoni inġusta, speċjalment għall-benefiċċju ta’
kumpaniji kbar.
Iżda l-ħtieġa għal Ewropa aktar protettiva hija primarjament espressa fir-rigward tal-kriminalità u
s-sigurtà, b’enfasi speċjali fuq it-terroriżmu. Il-ġlieda kontra l-korruzzjoni tissemma wkoll ta’ spiss.
Biex jitħallew jidħlu fl-UE, il-prodotti minn pajjiżi terzi jenħtieġ li jirrispettaw l-istess standards ta’ kwalità. Parteċipant online minn Spanja
Hemm bżonn ta’ armonizzazzjoni soċjali u fiskali biex tiġi eliminata l-kompetizzjoni inġusta fl-Ewropa. Parteċipant online minn Franza
Jenħtieġ li l-UE tgħin lin-nies li jgħixu fil-faqar. Id-djalogu maċ-ċittadini f’Lubljana, is-Slovenja
Mill-bidu tal-Kummissjoni Juncker inħolquaktar minn 12.5 miljun impjieg.
Fin-negozjar ta’ ftehimiet kummerċjali, il-Kummissjoni Ewropea qed tipproteġisetturi sensittivi u ma taċċettaxkompromessi fir-rigward tal-istandardstas-sikurezza. Id-drittijiet tal-bniedem,tax-xogħol u dawk fundamentali jinsabufil-qalba tal-politiki kummerċjali tagħna,kif tinsab is-sostenibbiltà.
Bejn l-2014 u l-2020, l-Unjoni Ewropeaipprovdiet EUR 86.4 biljun għall-FondSoċjali Ewropew.
Ir-reviżjoni tar-regoli dwar l-istazzjonartal-ħaddiema proposta mill-Kummissjonistabbilixxiet il-prinċipju ta’ “paga ugwaligħal xogħol ugwali fl-istess post”.
10
2. L-indirizzar tal-migrazzjoniIl-migrazzjoni tibqa’ kwistjoni ta’ tħassib għal ħafna ċittadini, iżda f’dawn l-aħħar xhur il-kwistjoni tqajmet
b’mod inqas frekwenti mill-parteċipanti.
L-opinjonijiet espressi huma polarizzati, waqt li jirriflettu d-diversità tal-fehmiet tal-Ewropej dwar kwistjonijiet
ta’ migrazzjoni u ażil. Għadd sinifikanti ta’ parteċipanti jappellaw li tintemm il-migrazzjoni irregolari kif
ukoll għar-ritorn ta’ migranti li ma għandhom l-ebda dritt li jibqgħu fl-UE.
Ħafna jsejħu għal Unjoni Ewropea aktar akkoljenti jew għal tip ta’ azzjoni biex jieqaf it-telf ta’ ħajjiet
umani fil-Mediterran. L-integrazzjoni tal-migranti u l-kooperazzjoni ma’ pajjiżi mhux membri tal-UE,
notevolment fl-Afrika, huma diskussi wkoll. Ħafna parteċipanti jitolbu għal solidarjetà fost il-pajjiżi tal-UE
jew jenfasizzaw il-ħtieġa ta’ kontrolli tal-fruntieri armonizzati, kemm fuq il-baħar kif ukoll fuq l-art. Ħafna
parteċipanti fid-Djalogi huma mħassba dwar il-manipulazzjoni u r-retorika simplifikata żżejjed meta jiġu
diskussi dawn il-kwistjonijiet.
Hemm nies barra mill-Ewropa li għandhom bżonn l-għajnuna, minħabba li hemm gwerra f’pajjiżhom, jew għax qed imutu bil-ġuħ. Aħna nistgħu ngħinuhom. Parteċipant online mill-Awstrija
Minbarra r-refuġjati, hemm nies minn partijiet oħra tad-dinja li qed jaħarbu l-faqar. L-UE qed taħdem flimkien ma’ dawn il-pajjiżi biex tgħinhom jiżviluppaw? Id-djalogu maċ-ċittadini fl-Imsida, Malta
Għandha titfassal u tiġi implimentata politika Ewropea għall-ġestjoni kondiviża u l-protezzjoni tal-fruntieri tal-art u dawkmarittimi.Parteċipant online minn Ċipru
Il-qsim tal-fruntieri irregolari lejn l-Unjoni Ewropea huwa lura għal-livellita’ qabel il-kriżi.
L-operazzjonijiet tal-Unjoni Ewropeagħenu biex isalvaw aktar minn730,000 ħajja mill-2015.
Il-Gwardja Ewropea tal-Fruntiera utal-Kosta tiskjera madwar 900gwardja biex tikkomplementa l-kapaċitajiet eżistenti tal-Istati Membri.Dan jista’ jissaħħaħ fil-ġejjienib’massimu ta’ 10,000 gwardja tal-fruntiera.
L-Unjoni Ewropea qed tiffinanzjaprogrammi f’pajjiżi terzi li jindirizzawil-kawżi fundamentali tal-migrazzjoniirregolari.
11
3. Ekonomija dinamikaIl-parteċipanti fid-dibattitu dwar il-Ġejjieni tal-Ewropa huma dejjem aktar interessati fix-xejriet il-ġodda
li qed isawru l-ekonomija tal-ġejjieni. Ħafna jesprimu tħassib dwar kif l-Ewropa kollha kemm hi kif ukoll
l-individwi nfushom se jadattaw irwieħhom għall-ekonomija dinamika.
Bosta mistoqsijiet jikkonċernaw l-ekonomija diġitali u l-implikazzjonijiet tagħha għall-kisba ta’
ħiliet, il-ħolqien ta’ impjiegi ġodda, u l-protezzjoni ta’ data personali, b’bosta jitolbu li tiġi rregolata l-
pożizzjoni b’saħħitha ta’ atturi kbar fis-suq diġitali. L-intelliġenza artifiċjali u r-robotika huma wkoll
għoljin fuq l-aġendi tal-parteċipanti, fejn l-Ewropa hija mistennija kemm li taħtaf l-opportunitajiet kif
ukoll li tillimita r-riskji possibbli..
Tema popolari oħra hija l-ekonomija ċirkolari u l-benefiċċji potenzjali tagħha.
Il-ħtieġa li r-riċerka u l-innovazzjoni jkunu prijoritizzati u inċentivati ta’ spiss titqajjem, flimkien ma kif
jista’ jittejjeb l-aċċess għall-finanzjament u l-investiment, speċjalment għal kumpaniji żgħar u medji.
Il-benefiċċji tal-baġit Ewropew huma diskussi b’mod partikolari fir-reġjuni.
Il-moviment liberu fi ħdan l-Unjoni Ewropea ġeneralment jitqies bħala vantaġġ għall-ekonomija u
għaċ-ċittadini nfushom. L-euro, is-suq uniku u l-kummerċ internazzjonali fil-biċċa l-kbira tagħhom
jitqiesu bħala opportunitajiet għall-kumpaniji u l-konsumaturi, għalkemm xi wħud jibżgħu li prodotti ta’
kwalità baxxa jistgħu jiġu importati fl-Unjoni.
Investiment fir-riċerka u l-innovazzjoni kif ukoll fl-edukazzjoni. Parteċipant online mill-Ġermanja
Meta se jkollna fl-Unjoni Ewropea pijunieri diġitali li huma fuq quddiem fil-livell dinji? Id-djalogu maċ-ċittadini fil-Lussemburgu
Għandna nnaqqsu d-distakk bejn iż-żoni rurali u l-bliet il-kbar fil-forniment tal-internet b’veloċità għolja. Id-djalogu maċ-ċittadini f’Jasinka, il-Polonja
L-Unjoni Ewropea tinsab f’fażi ta’tkabbir għal sitt snin konsekuttivi.
Il-Pjan Juncker, imniedi f’Novembru2014, skatta EUR 400 biljunf’investiment addizzjonali, li kien ta’benefiċċju għal kważi miljun kumpanijażgħira u ta’ daqs medju.
Il-Kummissjoni Ewropea qed tipproponili żżid l-investiment fir-riċerka u l-innovazzjoni b’50% fil-baġit fit-tul lijmiss.
L-UE qed timplimenta strateġija biextiżviluppa l-ekonomija diġitali.
12
4. Il-ġlieda kontra t-tibdil fil-klima, il-ħarsien
ambjentaliIt-tibdil fil-klima u l-ħarsien ambjentali huma ta’ tħassib dejjem akbar.
Kumplessivament, l-Ewropej jiddubitaw ftit li xejn li t-tibdil fil-klima huwa, almenu parzjalment,
dovut għall-attivitajiet tal-bniedem. Parteċipanti fid-Djalogu maċ-Ċittadini mhux biss riedu jkunu
jafu aktar dwar il-mod kif l-Unjoni Ewropea qed tindirizza din l-isfida dinjija, iżda wkoll dwar kif
huma stess jistgħu jgħinu.
Il-pjanijiet biex jitnaqqsu l-emissjonijiet tal-gassijiet serra huma fuq quddiem fl-aġenda taċ-
ċittadini. Minkejja tħassib serju, hemm kummenti ta’ tama fl-iżvilupp tal-enerġija rinnovabbli, fl-
investiment fl-ekonomija ekoloġika u fl-innovazzjoni possibbli biex jgħinu fil-preservazzjoni tal-
ambjent.
Matul id-Djalogi maċ-Ċittadini, jitqajmu ħafna mistoqsijiet dwar il-ġestjoni tal-iskart (speċjalment
il-plastik), il-pestiċidi u l-bijodiversità, u dwar il-benessri tal-annimali.
Il-ġlieda kontra t-tibdil fil-klima jenħtieġ li ssir l-ewwel prijorità fil-politiki pubbliċi. Id-djalogu maċ-ċittadini f’Lisbona, il-Portugall
Jenħtieġ li l-UE tieħu miżuri drastiċi biex tipproteġi l-oċeani tagħna. Id-djalogu maċ-ċittadini f’Nikosia, Ċipru
Jenħtieġ li l-prodotti kimiċi li għandhom impatt negattiv fuq is-saħħa tal-bniedem jiġu eliminati. Parteċipant online mill-Kroazja
L-Unjoni Ewropea hija l-unika ekonomijakbira li qed tittrasponi b’mod sħiħ l-impenji tagħha tal-Ftehim ta’ Pariġif’leġiżlazzjoni domestika vinkolanti.
Bejn l-1990 u l-2016, l-emissjonijiet tal-gassijiet serra naqsu bi 22%, filwaqt li l-ekonomija tal-Unjoni kibret b’54%.
Il-Kummissjoni Ewropea ppreżentat l-ewwel strateġija komprensiva għall-plastik fid-dinja, flimkien ma’ miżurikonkreti għall-projbizzjoni ta’ prodottiprinċipali tal-plastik li jintużaw darba biss.
Il-Kummissjoni qed tillimita l-esponimentgħal sustanzi kimiċi li jikkawżaw il-kanċerfil-post tax-xogħol, li għandu jsalva aktarminn 100,000 hajja fil-50 sena li ġejjin.
13
5. Ewropa tal-valuriIl-valuri u l-identità Ewropej ikomplu jkunu importanti għal ħafna parteċipanti. L-Unjoni Ewropea hija
primarjament perċepita bħala proġett ta’ paċi u bħala żona ta’ libertà u drittijiet fundamentali.
Ħafna parteċipanti jesprimu t-tħassib tagħhom dwar il-korruzzjoni u l-istat tad-dritt f’xi Stati
Membri, u jitolbu lill-Unjoni Ewropea tirreaġixxi.
In-nozzjoni ta’ solidarjetà tibqa’ konsistentement għolja ħafna fuq l-aġenda. L-ugwaljanza bejn il-
ġeneri u n-nondiskriminazzjoni huma kkunsidrati bħala pilastri maġġuri tas-soċjetà tagħna.
Filwaqt li l-fiduċja fl-istituzzjonijiet Ewropej ilha tiżdied mill-2014, ħafna parteċipanti għadhom
iqisuhom bħala remoti wisq u jistennew li jkunu aktar effiċjenti u trasparenti.
Xi kontribuzzjonijiet jappellaw biex tittieħed azzjoni li tqarreb l-Unjoni Ewropea lejn iċ-ċittadini
tagħha. Din l-azzjoni tinkludi mhux biss l-iskambji kulturali, it-tagħlim ta’ lingwi oħra u t-tagħlim dwar l-
Ewropa fl-iskejjel, iżda wkoll l-użu ta’ simboli Ewropej bħall-bandiera u Jum l-Ewropa.
Ftit xhur qabel l-elezzjonijiet Ewropej, xi parteċipanti huma mħassba li d-diżinformazzjoni tista’ tfixkel
il-proċess demokratiku. Iċ-ċittadini japprezzaw aktar informazzjoni dwar l-Unjoni biex tgħinhom jifhmu
aħjar u jinfluwenzaw id-deċiżjonijiet.
Il-minoranzi sesswali għandhom id-dritt għas-sigurtà u għall-ħajja ħielsa mill-vjolenza. Parteċipant online minn Spanja
Jenħtieġ li l-attakki ta’ informazzjoni minn barra, bħal kontijiet tal-midja soċjali foloz u trolls, ikunu kwistjonijiet għall-gvernijiet, għall-istituzzjonijiet tal-UE u għal kull ċittadin. Id-djalogu maċ-ċittadini f’Talinn, l-Estonja
Aħna nikellmu wisq dwar l-UE li hija remota u mbiegħda. Madankollu, l-UE hija aħna u jekk aħna ma ninpenjawx ruħna, jekk ma nkunux parti mill-politiki u mid-dibattitu, ma nistgħux nistennew li l-UE tkun eqreb tagħna. Id-djalogu maċ-ċittadini f’Lubljana, is-Slovenja
L-Unjoni Ewropea hija wieħed mill-aktarreġjuni avvanzati fid-dinja f’dak li għandux jaqsam mal-ugwaljanza bejn il-ġeneri ul-ġlieda kontra d-diskriminazzjoni.
Il-Kodiċi ta’ Kondotta l-ġdid għall-Membrital-Kummissjoni żgura l-ogħla standardsetiċi għal persuni li għandhom karigi fl-Ewropa u lil hinn minnha.
Ir-riforma tar-regoli dwar il-protezzjonitad-data li daħlet fis-seħħ f’Mejju 2018hija pass ewlieni lejn it-tisħiħ tad-drittijietfundamentali taċ-ċittadini fl-era diġitali.
Ġew adottati regoli ġodda biex tiżdied it-trasparenza fil-kampanji elettorali,b’sanzjonijiet possibbli meta r-regoli majiġux rispettati.
14
6. Perspettiva għall-ġenerazzjoni żagħżugħaĦafna studenti u żgħażagħ jieħdu sehem fid-djalogi maċ-Ċittadini. Huma jitolbu aktar influwenza
fit-tfassil tal-politika, speċjalment fid-dawl taż-żieda reċenti fl-attiviżmu taż-żgħażagħ marbut mat-
tibdil fil-klima.
Iċ-ċittadini jorbtu din id-domanda ma’ suġġetti bħall-mobilità, l-edukazzjoni u l-programmi ta’
skambju. L-Erasmus huwa msemmi b’mod konsistenti u espliċitu bħala eżempju, u ħafna
parteċipanti jixtiequ li jingħata baġit ogħla. Il-qgħad fost iż-żgħażagħ għadu ta’ tħassib kbir għaż-
żgħażagħ, u ħafna jaraw rwol ewlieni għall-Unjoni Ewropea fl-għajnuna biex tadatta l-għoti ta’
taħriġ għal xejriet ġodda bħall-ekonomija diġitali.
Flimkien ma’ suġġerimenti għal curriculum komuni jew għar-rikonoxximent reċiproku tad-diplomi,
bosta jaraw l-iskejjel bħala post fejn l-Ewropa jenħtieġ li tiġi mgħallma u fejn il-ġenerazzjoni
żagħżugħa tista’ titgħallem dwar il-valuri komuni tal-Ewropa.
L-iżvilupp ta’ skambji ma’ skejjel permezzta’ proġetti konġunti ta’ ħidma li jużaw it-teknoloġija, bħal klassijiet virtwali. Dan ikunmod kif jiġu skoperti metodi ta’ ħidma oħrakif ukoll kulturi oħra.Parteċipant online minn Franza
L-implimentazzjoni ta’ kors ta’ edukazzjoniċivika dwar standards morali bażiċi, it-tolleranza u l-fehim tal-governanza fil-livelli tal-UE, nazzjonali u lokali.Parteċipant online mill-Irlanda
L-Erasmus diġà ta aktar minn 9 miljunopportunità lil persuni biex jistudjaw,jitħarrġu, jivvjaġġaw, jagħmlu volontarjatjew jiksbu esperjenza barra minnpajjiżhom. Il-Kummissjoni qed tipproponi litirdoppja l-baġit għal EUR 30 biljun bejn l-2021 u l-2027.
Wara l-proposti ppreżentati mill-Kummissjoni, l-Istati Membri impenjawruħhom li jrawmu r-rikonoxximentreċiproku tad-diplomi, li jsaħħu l-kompetenzi ewlenin bħall-ħilietintraprenditorjali u diġitali, u li jsaħħu l-edukazzjoni inklużiva, il-promozzjoni tal-valuri komuni tal-Ewropa u d-dimensjoniEwropea tat-tagħlim.
B’baġit ta’ kważi EUR 9 biljun bejn l-2014u l-2020, l-Inizjattiva favur l-Impjieg taż-Żgħażagħ qed tappoġġa liż-żgħażagħ lima kellhomx il-possibbiltà li jkunu fl-edukazzjoni, l-impjieg jew it-taħriġ.
15
7. Ewropa aktar b’saħħitha fid-dinjaBosta ċittadini jsejħu għal koordinazzjoni u konsolidazzjoni ulterjuri tal-azzjonijiet esterni tal-Unjoni
Ewropea. Huma jridu jaraw kemm politika barranija komuni iżda wkoll politika tad-difiża
komuni. Qed jissemma l-ġbir flimkien ta’ riżorsi għar-riċerka u l-innovazzjoni, b’xi wħud saħansitra
jissuġġerixxu armata Ewropea.
L-Unjoni Ewropea spiss titqabbel mal-bqija tad-dinja u, b’mod ġenerali, il-parteċipanti jfaħħru r-rwol
tal-Unjoni fuq il-pjattaforma internazzjonali. Skont stħarriġ tal-Ewrobarometru li sar f’Novembru
2018, 76 % jaħsbu li l-Unjoni hija post ta’ stabbiltà f’dinja mimlija problemi.
Il-kontributuri ta’ spiss isemmu setgħat globali oħra bħar-Russja, iċ-Ċina u l-Istati Uniti, xi drabi
b’rabta ma’ tħassib dwar iċ-ċibersigurtà jew il-kummerċ. Huma jaspiraw b’mod ċar li l-Ewropa
tkun attur daqstant b’saħħitha, iggwidata minn prinċipji, fix-xena ġeopolitika dinjija. Bosta jitkellmu
dwar il-ħtieġa ta’ “vuċi komuni”, waqt li oħrajn jipproponu l-"unifikazzjoni” tal-politiki barranin.
Nittama li l-UE jirnexxielha tibni front magħqud biex tirrappreżenta s-solidarjetà, id-diversità kulturali, l-istat tad-dritt u l-ħarsien tal-ambjent. Parteċipant online minn Franza
L-armonizzazzjoni tal-objettivi tal-politikatad-difiża u tal-affarijiet barranintippermetti lill-Unjoni Ewropea titkellemb’kapaċità ta’ rappreżentanza politika lijistħoqqilha l-piż ekonomiku tagħha.Parteċipant online mill-Ungerija
Sabiex niffrankaw il-flus u nużawhom b’mod aktar effiċjenti, neħtieġu standards tekniċi komuni fl-industrija tad-difiża. Djalogu Live fuq Facebook
L-Unjoni Ewropea hija sieħbaaffidabbli meta tiġi biex tiddefendiordni internazzjonali bbażat fuq ir-regoli.
L-Unjoni Ewropea u l-Istati Membritagħha jipprovdu aktar minn nofs il-kooperazzjoni għall-iżvilupp fid-dinja.L-għajnuna umanitarja tal-UE tilħaqaktar minn 120 miljun ruħ kull sena..
L-Unjoni Ewropea bħalissa għandha16-il missjoni militari u ċivili madwarid-dinja.
Il-Kummissjoni Ewropea adottat programmi ta’ ħidma għal kofinanzjament ta’ proġetti industrijali konġunti tad-difiża fl-2019-2020. Għall-baġit fit-tul tal-UE li jmiss, il-Kummissjoni pproponiet Fond Ewropew għad-Difiża ta’ EUR 13-il biljun.
16
AGĦTI L-OPINJONI
TIEGĦEK
Tista’ tipparteċipa fid-dibattitu dwar il-Ġejjieni tal-Ewropa.
https://ec.europa.eu/commission/future-europe_mt
L-involviment taċ-ċittadini u t-tfassil tal-
politika
F’dinja li qed tinbidel malajr, iċ-ċittadini Ewropej huma konxji mill-isfidi globali li l-Ewropa trid
tiffaċċja, iżda konxji wkoll mill-assi tagħha.
Huma jistennew ħafna mill-Unjoni Ewropea, li jenħtieġ li, flimkien mal-Istati Membri tagħna,
tiddefendi l-valuri tagħha, tipproteġi ċ-ċittadini tagħha, u tinstema’ fix-xena internazzjonali. It-
tħassib tagħhom diġà jinsab fil-qalba tal-azzjonijiet tal-Kummissjoni Ewropea.
Id-dibattitu wera li l-parteċipanti jistgħu jkunu minn ta’ quddiem fil-bidla: Huma interessati
f’ekonomiji ċirkolari u diġitali u f’metodi ġodda ta’ parteċipazzjoni demokratika.
Iċ-ċittadini jridu Ewropa kompetittiva, ġusta u protettiva, li taqdi bis-sħiħ ir-rwol tagħha
fid-dinja, b’mod partikolari f’dak li għandu x’jaqsam mal-ġlieda kontra t-tibdil fil-klima u
mal-ħarsien tal-ambjent. Huwa b’dan l-appell għal Ewropa prospera, li l-Kummissjoni
attwali ħadet l-inizjattivi mill-2014 u ħejjiet il-kontribut tagħha għall-Aġenda Strateġika
li se tiġi adottata mill-Mexxejja Ewropej f’Ġunju 2019.
Id-dibattitu dwar il-Ġejjieni tal-Ewropa wera wkoll kemm huma ħerqana ħafna miċ-ċittadini li
jesprimu l-fehmiet tagħhom u li jsiru aktar attivi fil-proċess politiku. Bosta għodod jippermettulhom
jagħmlu dan, inklużi l-konsultazzjonijiet pubbliċi u l-Inizjattivi taċ-Ċittadini Ewropej. Il-Kumitat
Ekonomiku u Soċjali Ewropew u l-Kumitat tar-Reġjuni wkoll għandhom rwol ewlieni biex jiżguraw li
l-ilħna kollha jkunu jistgħu jinstemgħu. Hija r-responsabbiltà tal-istituzzjonijiet kollha, fil-livell
Ewropew, nazzjonali, reġjonali u lokali, iżda wkoll tas-soċjetà ċivili nnifisha li torganizza Djalogi u
Konsultazzjonijiet. Id-demokrazija rappreżentattiva hija insostitwibbli, iżda tista’ tibbenefika ħafna
mill-iżvilupp ta’ forom ġodda ta’ involviment min-naħa taċ-ċittadini.
17
19
Il-Kummissjoni mhijiex responsabbli għall-konsegwenzi eventwali li jistgħu jinqalgħu mir-riutilizzazzjoni ta’ din il-pubblikazzjoni.
Il-Lussemburgu: L-Uffiċċju tal-Pubblikazzjonijiet tal-Unjoni Ewropea, 2019 © Unjoni Ewropea, 2019
Ir-riutilizzazzjoni hija awtorizzata dment li s-sors jiġi kkwotat. Il-politika dwar ir-riutilizzazzjoni tad-dokumenti tal-Kummissjoni Ewropea hija rregolata bid-Deċiżjoni 2011/833/UE (ĠU L 330, 14.12.2011, p. 39).
Għal kull użu jew riproduzzjoni ta’ ritratti jew materjal ieħor li ma jaqax taħt id-drittijiet tal-awtur tal-Unjoni Ewropea, irid jintalab permess direttament mid-detenturi tad-drittijiet.
DRITTIJIET TAL-AWTUR
Ir-ritratti kollha © Unjoni Ewropea, sakemm ma jkunx iddikjarat mod ieħor.
19
2132
Print ISBN 978-92-76-02612-9 doi:10.2775/325212 NA-03-19-258-MT-C
PDF ISBN 978-92-76-02577-1 doi:10.2775/36176 NA-03-19-258-MT-N