d1%e6%c7... · web viewام سهيل: بوسهيل ام هزاع اليوم خبرتني ان...

الرئيسة السيرة الأخبار المرئيات الصور الشعر المدونات المنتديات

العودة منتديات فزاع > :: قسم فزاع :: > قسم الادب العربي > عالم القصص والروايات > قسم الروايات والقصص الطويلة

تحديث الصفحة رواية يا عين حني على قلب استصاب منك من أول نظرة \ للكاتبة n-warey

حفظ البيانات؟

التسجيل القوانين التقويم

الذهاب إلى الصفحة...

Tweetإضافة رد صفحة 1 من 12 1 2 3 11 > Last »

أدوات الموضوع

قديم 07-06-2011, 7:37 PM #1

Ms_ShoSho

عضو متميز

تاريخ التسجيل: May 2011

الدولة: الإمارات ... ~

المشاركات: 1,728

معدل تقييم المستوى: 2

Ms_ShoSho is a jewel in the rough Ms_ShoSho is a jewel in the rough Ms_ShoSho is a jewel in the rough افتراضي رواية يا عين حني على قلب استصاب منك من أول نظرة \ للكاتبة n-warey

--------------------------------------------------------------------------------

السلام عليكم ورحمة الله وبركاته ... ~

أنا قريت هذي الرواية ف منتدى ثاني وعيبتني وحبيت أنقلها لهالمنتدى ... ~

ونوروا الموضوع بردودكم وإذا ما عيبتكم عادي بوقف النقل ... ~

Ms_ShoSho غير متصل رد مع اقتباس

Ms_ShoSho

مشاهدة ملفه الشخصي

إرسال رسالة خاصة إلى Ms_ShoSho

البحث عن المشاركات التي كتبها Ms_ShoSho

قديم 07-06-2011, 7:46 PM #2

Ms_ShoSho

عضو متميز





Ms_ShoSho is a jewel in the rough Ms_ShoSho is a jewel in the rough Ms_ShoSho is a jewel in the rough افتراضي رد: رواية يا عين حني على قلب استصاب منك من أول نظرة \ للكاتبة n-warey

--------------------------------------------------------------------------------

خلونا بالاول نتعرف ع العايلة الاولى

عائلة حارب بن محمد بن ال....... حارب متوفي هو وزوجته وتركو 3اولاد ووبنت واحد من اولاده من حرمته الاولى وتوفقت بعد ولادته بسنة ونص وبعدها خذ حرمته الثانية وحرمته الاولى يابت ولد وسمته محمد الي هو بوهزاع

اول بجرهم هو بوهزاع

عايشين بابوظبي ونصهم برماح الي عايشين بابوظبي هم

بوهزاع

نتعرف على عايلة بوهزاع

بوهزاع اسمه محمد وعمره 42سنة رجل اعمال طيب وحنون ويوم ينذكر اسمه بالميالس الكل يفز له باحترام وله شركة وطبعا بمشاركة اخوانه

متزوج من بنت خاله ام هزاع واسمها فطيم وهي اصغر من بو هزاع بسنتين يعني عمرها 40 سنة بس الي يشوفها يقول مستحيل ب 40 سنة حلوة طيوبة وحنونه على اولادها مثقفة خريجة دبلوم تحب القراءة ومهوووسة بالكتب وعندهم مكتبة بالبيت فيها كتب وايد طبعا هي الي شرت الكتب وتلاقيها بوقت الفراغ كل بالمكتبة

وعندها من بوهزاع 6 منه 3 اولاد و3 بنات

بجرها هو سيف وعمره 26 سنة متزوج من بنت عمه بوذياب هنودة وعمرها 25 سنةمرة طيبة وحبوبة والكل يحبها ومنها ولد واسمه محمد على اسم يده وعمره 4 سنين سيف يشتغل بالشرطة طويل حنطاوي شعره يوصل لين الرقبة اسود عيونه ناعسة عسلية وحبوب ويحب زوجته ويموت فيها ودوم قبل مايظهر من البيت لازم يتغزل في حرمته ولازم يتصل لها وهو في الدوام

من بعد سيف شما وعمرها 23 سنة خريجة باكالوريوس تشتغل بشركة ابوها لها غرفة خاصة حنونة وطيبة تحب سهيل ولد عمها بس ماتحب حد يعرف الوحيدة الي تعرف هي اختها مياسة لانها توصل لها اخباره عن طريق اخته دانة الي هي ربيعة الروح بالروح لمياسة طويلة وشعرها واصل لين الكتف لون كستنائي وعيونها ناعسات شرات اخوها سيف بلون بني

من بعد شما هزاع عمره 22 سنة وهزاع هو بطلنا خلوني اوصف لكم هزاع اوسم واحد بالعايلة وحليو وعذوب الكل طايح بهواه من وحدة تشوفه تتخبل به وتتمنى انه يكون من نصيبها خقاق شعره اسود غامق واصل لين الرقبة عيونه كبيرة ووساع بنية الخشم سيف له غمازات يوم يضحك >>>مالوم البنات يوم يحبونه له صوت حلو يوم يشل معضل وافضل عطرين له شيوخي وعود العربي مايظهر من البيت الا هو متسبح بهم يحب يروح العراقيب والكورنيش والعزبة وخاصة العزبة له حركات يعني شوي مغازلجي مركب تقويم بلون رصاصي لامع عسب يعدل من اسنانه على قولته

من بعد هزاع مياسة عمرها 20 سنة تدرس بجامعة زايد تخصص ادارة اعمال متوسطة الحجم يعني لاطويلة ولاقصيرة رشيقة بشرتها ناعمة بنيى على بياض عيونها صغار لونها بني صاحبة سوالف وضحك وخاصة يوم تكون ويا دانة بنت عمها مايخبن عن بعض ابدا كل الي يصير من بينهن لازم ينعرف

من بعد مياسة منصور عمره 18 سنة يدرس بجامعة ابوظبي تخصص ادارة اعمال مع انه ماله خص بالادارة يحب الفوتوشوب ويتفنن فيه اربع وعشرين ساعة ع النت اما للفوتوشوب او المنتديات لا طويل ولاقصير شوي مربرب شعره قصير ما يحب يطول شعره عيونه صغيرة بلون اسود

واخر العنقود مريامي شبيهة هزاع لي هالدرجة يحبها وايد عمرها 4 سنين بعمر ولد اخوها يعني ام هزاع بالاول ولدت مريامي وبعدين باسبوع ولدت هنودة ويابت محمد فتلاقيهم دوم ضرابة اذا تبا شي لازم يكون عندها او ينسمع صوتها للشارع حشرية ماتسكت الا اذا يابو لها الي تباه

وعندهم بشكارتين ميري تشتغل حق البيت وروني طباخة ودريول اسمه سلمان

ثاني عايلة هي عايلة بوسهيل

بوسهيل واسمه حمد متزوج من بنت جيرانهم طيب واب حنون يحب البنات وايد مانقول يفضلهم بس متعلق اكثر شي بالبنات وريال الكل يحترمه هو اصغر من بو هزاع ب3 سنين لان في واحد اكبر منه الي هو بوذياب

ويشتغل ويا اخوه بالشركة

ام سهيل واسمها شيخة مرة حنون وطيبة تحب تربي اعيالها ع الصح وماترضى بالغلط وماتحب تشوف بوسهيل يدلع بناته وايد ومنه 3 بنات ولد

بجرها سهيل وعمره 24 سنة يشتغل في الجيش يحب بنت عمه ومايخبر حد ابد انه يحبها ومحير لها بس هو ماخر الخطبة عسب انه هو يبا يتكفل بكل شي حنطاوي البشرة له غمازات عيونه وساع بنية اللون ملتحي ومعضل يعني نقول وسيم

وبنفس الوقت سهيلة هي التوم لسهيل وعمرها 24 سنة شبيهة اخوها تحب الطبخ طيبة وتحب اعمال المنزلية

بعد سهيلة دانة وعمرها 20 سنة بعمر مياسة تدرس بجامعة زايد نفس تخصص المياسة ربيعتها الروح بالروح مايفترقن ابد كل شي الي يصير من بينهن لازم ينعرف ومايخبن على بعض مرحة ومرتبشة دوم ماتحب الشجار او الصراخ مزوح عيونها بلون بني شعرها طويل وتحب دوم تخليه ماتربطه مع ان امها ماترضى عسب لا احد يحسده رشيقة ودلوووعة ابوها من الخاطر لان ابوها هو الي رباها عسب ان ام سهيل تعبت بولادتها فابوها هو الي اهتم بها ورعاها

واخر عنقودهم هي العنود وعمرها 7 سنين رقيص وربشة من تسمع اغنية نانسي ولا هيفا يبدا عندها الرقص بس امها ماتحب تشوفها ترقص اتم تصرخ عليها وتهاوشها بنوته حليوة تحب دوم تلعب بالماي ودلوعة ابوها بس مب اكثر عن دانة

عندهم بشكارة وحدة واسمها لونا حق البيت والطبخ مرة وحدة ماعندهم دريول الابو مايحب اييب واحد غريب بس ناوي اييب لهم وحدة تسوق السيارة عسب توصلهم للمشاوير

وهذيلا هم عايلة بو سهيل

خلونا ننتقل مرة وحدة لرماح ونتعرف على عايلة بوذياب وام غانم

وقبل ما ننتقل لرماح راح اعرفكم على اخت فطيم الي هي ام هزاع من الرضاعة مريم

عايلة بوسلطان

بوسلطان اسمه علي ريال طيب وحنون مدين دوم تلاقي القران بيده يقراه بوقت الفراغ ودوم يذكر الله مدير مدرسة بو سلطان متزوج وحدة مغربية قبل ماياخذ مريم بس توفت المغربية

تزوج مغربية وماكانت تهتم فيه ولا بعياله فاظطر انه يتزوج على راسها وحدة ثانية الي هي مريم

واعياله من المغربية

هم سلطان وعمره 27 سنة متزوج من بنت عمه واسمها امنه ومنه ولدين توم عمرهم 7 سنين بثاني ابتدائي

عبدالله وعلي حبوبين ويونسون الواحد بس دوم يضاربون بوقت الجيم اذا حد خسر يصيح وتصير مشاكل سلطان يشتغل بالاتصالات اما حرمته حاليا حامل بالشهر الخامس

وبعدها اي حمد ربيع الروح للروح لهزاع مايتفارقون ابد ابيضاني حليو اكبر من هزاع بسنة يعني 23 سنة صاحب حركات مغازلجي بس ناوي يترك هالعادة من بعد ماشاف دانة بنت عم هزاع مرة شافها بالمطبخ وتحراها ميري وراح شرب ماي وكانت مو منتبهة له ويلس عالطاولة وهو يشرب الماي فتحرى دانة هي ميري :حمد : ميري روحي زقري هزاع اي بسرعة اهني يبست مكانها دانة ماعرفت شو تسوي عصب حمد : ميري شو فيج صمخة روحي زقري وقبل مايكمل رفع راسه وانصدم يوم شاف وحدة بنت غاوية وماخاز عينه عنها دانه حست انه وقفتها غلط وظهرت برع المطبخ ومن بعدها حمد يفكر بدانة

اما عياله من مريم 2 ولد وبنت

بجرها هي الريم وعمرها 22 سنة بعمر هزاع تحب هزاع بس ماتعترف لحد وتتمنى انه يخطبها بس هي عارفة انه مستحيل لان هزاع يعتبرها شرات اخته فهي تحاول تنساه جامعية تدرس بجامعة العين لان يابت نسبة ما اهلت الها انها تدخل جامعة زايد فدخلت جامعة العين تخصص علوم انسانية

وبعد الريم سعيد عمره 18 سنة مهووس بالبلايستيشن يوم يقعد ع الجيم مستحيل ينش من اللعبة الا يوم يفوز وهو بكلية التقنية تخصص كمبيوتر ويحب ركوب الدراجات

اكيد تستغربون ليش ينادون مريم ام سلطان مع انهم هب عيالها بالعكس مريم هي اللي ربت عيال المغربية وهم صغار لان امهم بذاك الوقت ماكانت تهتم الا للموضة وخرابيطها اما التربية خلتها حق مريم تربيهم مريم ماقصرت وياهم واعتبرتهم شرات اعيالها لي درجة ينادونها بامهم وينادونها ام سلطان وام هزاع يعتبرونها شرات خالتهم

وعندهم بشكارتين نرجس للبيت وماريا حق اعيال سلطان والدريول خلف مع ان مريم تحب هاي تشتغل ما تحب الشغالة تشتغل بدالها

الحين نتعرف على عائلة بوذياب اللي في الرماح

بوذياب ريال والنعم فيه الكل يشهد له يحب حرمته ويموت فيها بس مو كثر العزبة يعشق شي اسمه عزبة وكل ويك اند تلاقيه بالعزبة اسمه عبدالله ويشتغل بالشركة بس هو يقعد بالبيت ويخلي بداله يروح ولده مبارك وذياب

ام ذياب واسمها مهرة مرة طيبة بس هذرة وايد من تسمع خبر تلاقي الخبر منتشر يعني ايلس بالبيت عسب تسمع الاخبار شو صار بالدنيا بس حبوبة والكل يحبها

ذياب هو بجرهم وعمره 28 سنة متزوج من ربيعة اخته غبيشة الهنوف يحبها ويعزها ومايروم على فراقها ومنه 3 عيال بنتين توم وولد (مهرة على اسم يدتها طيبة وحنونة تحب عمتها غبيشة وايد ودوم تلجا الها بوقت الضيق وخاصة يوم تضارب مع اختها التوم شيما وهم بنفس العمر 9 سنين شيما عين الشر بحد ذاتها ولسانها متبري منها شرات عمتها ظبية طالعة عليها واخوهم الصغير اسمه عبدالله على اسم يده حبوب وخريش ومررتبش دوم وعمره 5 سنين بالروضة

من بعد ذياب هنودة الي هي حرمة سيف

من بعد هنودة اي مبارك وعمره 24 سنة اسمراني شوي وعيونه ناعسات سودة طيب وحبوب والي بقلبه يتم مايخبر حد عنه الا اخته غبيشة ويحب بنت خالة هزاع الريم مرة شافها يوم راح يزور بيت عمهم بو هزاع وانعجب فيها ودوم يفكر فيها معضل انيق دايما وهو الصراحة غرشوب رماح

من بعد مبارك اي ميحد وعمره 23 سنة يحب اغاني ميحد ودوم يغني ولا ننسى عوده دوم وياه يدرس بجامعة الشارقة تخصص هندسة بس يدرس بايام الويك اند يروح الجامعة وباقي الايام ع العود ماله شغل بسوالف البنات

من بعد ميحد محبوبة البيت والكل يحبها غبيشة وعمرها 22 سنة لها سوالف وتضحك الي مايضحك الواحد يرتاح لها يوم يكون مضايق والبيت من دونها مو شي يعني هي الي محلية البيت وخريشة وفيها شوية خبال وبنت اخوها مهرة وايد تحبها وتتمنى تطلع شراتها تدرس بكلية التقنية بتخصص علوم زراعية تحب الزراعة

واخر عنقودهم ظبية مغرورة متكبرة ماتحب حد غير عن اخوانها متسلطة عمرها 17 سنة بثالث ثانوي ادبي تلاقيها اربع وعشرين ساعة ع التلفزيون او النت اذا شي مايعيبها تسوي مشاكل طبعا شيما ماخذة منها هالصفات يعني كريهة وشايفة نفسها وايد وتحس انها احلى البنات مربربة شوية شعرها كاري عيونها بنية صغيرة

عائلة بوغانم

اخته اسمها لطيفة متزوجة من عبدالرحمن بوغانم توفى وترك لها 3 اعيال تربيهم مرة طيبة وحبوة وحنونة واوقات مشددة بسبب الخوف على اعيالها ماتبا يطيحون او يرتكبون الغلط رفضت تتزوج من بعد بوغانم الله يرحمه وفضلت تربي اعيالها وطبعا بوهزاع مايقصر فيها دوم يطرش لها فلوس تراها اخته

بجرها غانم ووحيدها وعمره 25 سنة يشتغل في شركة عمه خريج بكالوريوس درس بالخارج يحب بنت خاله سهيلة وناوي يخطبها بس الي في القلب يتم مستور حلو غرشوب وجميل عيونه ناعسات ذباحية حنطاوي مايل للبني معضل وعنده ربيع بطي الروح بالروح دوم وياه بالعرقوب يشكي احواله حق ربيعه

بعد غانم اخته عويش مخلصة الثانوية ويالسة بالبيت ماتحب شي اسمه دراسه مع ان ماشاء الله عليها يابت نسبة حلوة في الثمانينات عمرها 21 سنة تحب الطبخ وتتفنن في الطبيخ شعرها واصل لين نص الظهر ناعم وحلو خشمها صغير مرتب وعيونها سودة

واخر عنقودهم نورة ثاني ثانوي وعمرها 16 سنة مربربة تحب الاكل ماشاء الله عليها من الاوائل تتمنى تصير دكتورة لو يابت نسبة عالية خاطرها تسافر برع تدرس مع ان هالشي مستحيل فقبلت بالواقع انها تدرس الطب بجامعة العين حلوة والي محلنها غمازاتها وجسمها ملائم تقول تبا تسوي رجيم عسب تخف لكن طبعا من تشوف الاكل تنسى كل شي وهمها الوحيد هو الاكل

هذي هي عائلة حارب بن محمد بن ال .....

وبعدين راح اعرفكم على عائلة بطلتنا بس مو الحين يوم نعرفها اكثر

لا لا تعذب لي فؤادي

ياقايد أريام البوادي

مفنود عن كل العباد

والقلب مايتحمل الزود


Ms_ShoSho




قديم 07-06-2011, 7:49 PM #3

Ms_ShoSho

عضو متميز






--------------------------------------------------------------------------------

الصباح ع الساعة 6:30

بالتحديد في بيت بوهزاع

الكل يالسين في غرفة الطعام يفطرون ما عدا هزاع

بو هزاع يالس يتغزل بحرمته جدام اعياله عادي تراهم تعودوا

ام هزاع : يوه بلاك يابو هزاع استح ماتشوف عيالك هني ماتيوز انت عن هالغزل

بو هزاع : وانا شو علي منهم شو اسوي يام هزاع دام الغزال يالس يمي فديتج والله اني احبج واااااااااااااايد

الكل :يوووووووووووووووووه صوبنا صوبنا

ام هزاع استحت وصار ويها شرات اشارت المرور

مريامي ترمس ابوها : بابا بابا اتني كولن فلكس ابا اتل يوآنا (بابا بابا عطني كورن فلكس ابا اكل يوعانه)

بوهزاع : ان شاء الله وانتي حياتي ليش ناشة ماعندج شغل ولا مدرسة روحي نامي

مريامي: مابي ابا اتل (ماابي ابا اكل

الام يالسة تشوف بنتها مياسة وهي متوترة

ام هزاع: مياسة بلاج مويمة متوترة ما تاكلين؟

مياسة وهي خايفة: يمه اليوم عندنا امتحان والله يستر

أم هزاع: سمي بالرحمن أول ما تدخلين الكلاس واقري المعوذات قبل ما تبدين بالامتحان ولا تتوترين

منصور: بل امس ماكلة الكتاب اكل حتى العشا ماتعشيتيه والحين خايفة

ام هزاع: قول ماشاء الله عن لاتحسد اختك يالله اشوف نش روح تراك تاخرت عن الكلية

ام هزاع : مياسة خلي اخوج هزاع يوصلج اليوم للجامعة

مياس : ليش وين سلمانو

بوهزاع: طرشته العزبة ينظفها عسب الويك اند بنروح العزبة هناك وراح نجتمع مرة وحدة ويا اعمامج وعماتج

مياسة وهي طايرة من الفرح: والله حلو والله خاطري من زمان اروح العزبة من زمان مارحت اشوفها

هزاع وهو نازل من الدري وريحت العطر واصلة لي اخر الدنيا

هزاع : السلام عليكم وصباح الخير

الكل : وعليكم السلام

وراح باس راس امه وابوه

ام هزاع : هزاع يما خذ اختك ووصلها الجامعة اليوم عسب سلمانو راح العزبة ينظفها

هزاع : ان شا الله يالغالية امري امر انتي بس ياجميل انته

ام هزاع" شو هذا بعد ماتيوز انت طالع على ابوك وانا اقول حق ابوك عيب جدام اليهال ايقولي لا عادي اثاري هو الي علمك هالرمسة الشينة

بو هزاع : فديت فراشتي انا ( بو هزاع كان دوم يزقر حرمته بالفراشة )

بوهزاع يرمس بنته شما : يالله يابنيتي خلينا نروح الشركة عن لانتاخر وانت ياهزاع لاتتاخر عن شغلك

وظهر بوهزاع مع بنته

وبعدها راحت ام هزاع تكمل رقادها وترقد مريامي وياها

ومن ناحية سيف يالس يتغزل بحرمته بصوت واطي يتحرى محد يسمعه ههههههه

هزاع ومنصور ومياسية : يووووووووووووه صوبنا صوبنا

هنودة استحت وصار ويها شرات الطماط

سيف: سكتو انتو مالكم خص بحرمتي

ويروح سيف وقبل مايظهر اشر حق هنودة تروح للمطبخ اونه على اساس يبا ماي

والكل يالس يضحك على روميوا دومه على هالمنوال قبل مايظهر ويروح الدوام لازم ياشر على حرمته تروح المطبخ

دخلت هنودة المطبخ وبسرعة من دون ماتحس مسكها من يدها وشدها لي ناحيته وبدا الحبيب يتغزل

ومن صوب البنت الويه ويه طماطة على اشارة مرور لاتلومونه الحبيب يحب ويعشق

وظهر من البيت وبالطريج اتصل حق حرمته

رن ترن

تشل هنودة تيلفونها : الو

سيف : السلام عليكم

هنودة تضحك :هههههههههههههههههه وعليكم السلام

سيف : لو سمحتي اختي ممكن اتعرف ؟

هنودة : السموحة اخوي انا متزوجة وما احب اخون زوجي .

سيف : انزين ماعلي شوفيها

هنودة : اخوي ريلي يشتغل شرطي لا تخليني اتصرف تصرف ثاني

سيف: والله انا بعد اشتغل شرطي

هنودة تضحك

سيف: هنودة هنودة

هنودة: نعم

سيف : احبج

هنودة : وانا بعد

سيف : انتي شو

هنودة يووووه سيف بس عاد باروح ولدك يصيح باروح له

سيف: سوى عمره زعلان : خلاص زعلت هنودة : سيافي احبك مووووووووووووووت باي

وسكرت الخط

هذيلا حالهم دوم قبل مايظهر من الدوام

المهم نرد لهزاع يالس ينتظر منصور ومياسة عسب ياخذهم الجامعة

في الطريج حب منصور يغلس على مياسة ورفع المسجل على اغنية اه من قلب

اهني مياسة عصبت : منصوووووووووووور سكر المسجل ابا اذاكر حرام عليك وراي امتحان صعب اف

منصورررر: بل امس ماكلة الكتاب اكل انتي حرام عليج ارحمي حاله راح يشتكي منج يوم القيامة

مياسة: والله حرام عليك وشوي تبا تصيح

هزاع : منصور سكر المسجل وخلها تذاكر \

وسكر المسجل

مياسة : فديتك والله ياهزاعي واخوي واحبك مو منصوروا

وصلو مياسة الجامعة وطبعا بما انها جامعة بنات جامة هزاع منزلها عسب البنات يشوفونه ويسمع شو يقوله.>>اقول عن الخقة الزايدة >>> كيفي

طبعا البنات عرفن ان هذا هزاع اخو مياسة لان هو سيارته رنج رمادرية وعليها مخفي بلون الرمادي اللمعة

من او ماشافنه الي متغشية عقت غشوتها واللي تتفداه والي تقول ياويلي حالي كم بعيش والي تقول ليته من نصيبي

وغيرها

وهزاع يسمعهن ويضحك على خبالهن

وبعدين راح يوصل اخوه منصور للجامعة وبعدين راح الشركة

انا اللي لو هزني الكون ما انساك..لو ارغمني الزمان بالجفاء ماجفيتك

في الرماح وبالتحديد في بيت بوغانم الله يرحمه

الصباح الكل ناش يالسين ع الطاولة يفطرون ام غانم توجه رمستها حق بنتها نورة : يما بسرعة كلي راح تتاخرين عن الباص وبعدين ماعندج حد ياخذج وخوج موناقص يوديج كل يوم المدرسة هو بروحة وراه طريج لين بوظبي

نورة والاكل بفمها وترمس امها : ان شا الله يمه بس خليني اخلص من اكل خبز المحلى تدرين بي اموت بخبزج المحلى اانا عمري ماشفت حد يسوى هالاكلة الغاوية

ام غانم وهي تضحك : هههههه الله يغربل بليسج دومج ع المنوال الاكلة اللي مو حلوة تغدي حلوة عندج حتى لوتهمة او مرة

نورة : يما تدرين احب اكل اوكي ابا اخذ وياي خبز محلى عسب اكلهم بالفصحة

عوووش وهي تضحك : هههههههههه حتى خبز محلى ماسلم منج بسج خفي عن لاتزيدين وتغدين دبدوبة وبعدين محد راح ياخذج

نورة : ماعليج بعد المدرسة ناوية اسوي رجيم

ام غانم وعوشة يضحكن

ام غانم : يما منج دوم تقولين باسوي رجيم يوم تخلص المدرسة عاد من تخلص المدرسة مانلاقيج الا بالمطبخ

عوشة : هههههههههه انزين انا حطيت لج خبز محلى عسب تاخذينه وياج المدرسة ادري فيج لازم تاخذين وياج اكل راح تلاقينه بالمطبخ بالطاولة روحي خذيه

نورة : تسلمين حبيبتي الله لايحرمني منج ومن امي الغالية وشافت اخوها ينزل من الدري وكملت من اخوي الغالي

غانم ضحك عليها لانها كانت ترمس وتاكل بنفس الوقت

ام غانم : ها يمة على وين كلك لقمة قبل ماتروح الشغل مو زين تروح وبطنك خالي

غانم : لاتحاتين يما بس مااشتهي اليوم يالله انا اترخص منكم تامرونا بشي

ام غانم :سلامتك وبحفظ الرحمن وتحمل ع الطريج يالغالي

وراح باس راس امه وظهر

ونشت نورة عسب تلحق ع الباص من بعد ماباست راس امها

وبعدين نشت ام غانم عسب تروح وتكمل رقاد

وقبل ماتروح وصت بنتها عوش انها تشل السفرة وترتب المطبخ وبعددها تروح تنام

نرد لبيت بو هزاع

ع الساعة 10:30 صباحا

نشت ام هزاع وراحت يكرمكم الله الحمام تسبح وبعدها ظهرت واتصلت حق اختها مريم الي هي ام سلطان عسب اطرش الدريول لانها بتزورها مرة وحدة ومرة اتصلت حق ام سهيل عسب تتزهب تروح وياها

من بعد ماتزهبت ولبست وتكشخت

ام هزاع تنادي ميري :ميري ميري ميري ييبي البخور بسرعة

ميري وهي تربع :اوكي ماما هذا بخور مال انتي

ام هزاع: واي منج ليش تربعين كم من مرة قلت لج لاتربعين عن لاتخرطفين وتنكسرين لا وبعد شاله البخور لو طاح منج البخور شو راح تسوي راح تحرقينا

ميري: سوري ماما بس انتي يقول ميري ميري ميري فانا يقول يمكن انتي يريد يروه بسرئه

ام هزاع: يعني الحين لو زقرتج 3 مرات او 4 معناتها اني مستعيلة محد المستعيل غيرج المهم روحي شوفي خلف دريول ماما مريم وصل

ميري:ان شاء الله ماما

وبعد لحظة تربع ميري لين عند ام هزاع:ماما خلفوووووووووو يجي

ام هزاع تضحك: حسبي الله عليج كم مرة قلت لاتربعين ولا بعد خلفوووووووووو مرة وحدة المهم انا باروح الحين عند بيت ماما مريم ولين تنش مريامي عطيها كاكاو وبدلي ملابسها وان سالتج عني خبريها اني رحت بيت ماما مريم اوكي

ميري :ان شاء الله ماما

ظهرت ام هزاع من البيت متوجه لبيت ام سهيل عسب يروحون لبيت اختها مريم يوم وصلت عند بيت بوسهيل اتصلت حق ام سهيل تظهر خاري عسب هي وصلت وظهرت ام سهيل من البيت وركبت السيارة وتوايهت مع ام هزاع

وصلو لبيت ام سلطان

دقوا الباب فتحت لهم نرجس الي هي بشكارتهم

ام هزاع وام سهيل :سلام عليكم وين ماما مريم

نرجس: وعليكم السلام ماما ماما مريم فوق غرفة مال هوه

ودخلو الصالة ولاقو سعيد يلعب بلاي ستيشن

ام هزاع:اسلام عليك سعيد اشحالك

نش سعيد :بخير يسرج الحال خالتي اشحالج انتي واشحال عمي بوهزاع

ام هزاع:بخير يسرك حالهم سعيد ليش مو رايح الكلية عسى ماشر

سعيد: ماشي بس عندنا كلاس واحد والاستاذ موشي ولا يفهم ابد قلت اغيب احسن بدل ماايلس من دون ماافهم شي

ام هزاع:بما انكم ماتفهمون له ليش ماتغيرونه احسن لكم

سعيد:حرام خالتي الاستاذ طيب وحرام بعدين بيزعل

ام هزاع:بيزعل ولا قولو تبون الفكة وماتبون تدرسون انزين واخبار حرمة اخوك سلطان وينها هي اهني ولا في بيت امها

سعيد:لا راحت عند امها تقول هي تتعب وتبا تريح عند امها

ام هزاع: وعيل عيال اخوك وينهم منو يهتم بهم

سعيد: عيال اخوي بالمدرسة عندهم بشكارتهم ماريا وياهم بس امي ماتحب البشكارة تهتم فيهم فامي متكفلة بهم

ام هزاع: اها زين عيل وين امك ليش تاخرت روح ازقرها مانروم نتاخر ورانا طباخ وعيال

سعيد: ان شاء الله خالتي

وراح سعيد فوق يزقر امه وبعدها راح ينام

نزلت مريم وتوايهت ويا اختها ام هزاع وام سهيل ويلسو يرمسون وبعدين كل وحدة راحت لبيتها


Ms_ShoSho




قديم 07-06-2011, 7:52 PM #4

Ms_ShoSho

عضو متميز






--------------------------------------------------------------------------------

الحين ما راح أكمل لين ما أشوف الردود ... ~


Ms_ShoSho




قديم 07-06-2011, 11:28 PM #5

Ms_ShoSho

عضو متميز






--------------------------------------------------------------------------------

أفااا ...~

ولا رد للحين ... ~


Ms_ShoSho




قديم 09-06-2011, 9:47 AM #6

Ms_ShoSho

عضو متميز






--------------------------------------------------------------------------------

نروح لجامعة زايد عند مياسة ودانة

دانة : الله يغربل بليسها حقيرة مادانيها هالمس والله يابت لنا صعب انا زين مني يالله حليت اثنين او ثلاث خبريني انتي شو سويتي

مياسة : والله مادري انا حليت والباقي على الله مع انه صدق صعب وايد

دانة: غربل بليسها ويا ويها شو فيها الظاهر مسوية عداوة ويانا عسب تصعب لنا يعلها بريل احول قولي امين

مياسة تضحك :ههههههههههه غربل الله عدوج شو ريل احول لاتنسين ان ريلها مدرس بالجامعة الي هو استاذ جيكوب

دانة : انا مادري شلون خذها مسكين قصو عليه قالو حلوة وغزال انقص عليه يعور قلبي المهم خلينا من سيرتهم امشي خلينا ناكل احس اني بموت من اليوع لو مااكلت

مياسة : بل عليج شو تاكلين خفي على عمرج كل تاكل مع هذا ماتنشطين امشي ماباقي عن الكلاس الثاني غير 10 دقايق يدوب نطلب وناكل وبعدين مالنا خلق ويا مس روندا تحط لنا غياب

دانه: تخسي الا هي تحط غياب

مياسة :هذا انتي تبين قولي انج حاطتنها براسج الا تضاربين وياها

دانة : عيل شو تبين اروح ابوسها ويه العنز ويا ويها اخر مرة طردتني من الكلاس

مياسة : من حقها الصراحة لانج محطية تيلفونج ع العام احمدي ربج انها طردتج ولا خلتج تروحين للمدير وبعدين يطردونج من الجامعة بالاساس

دانة: اقول خلينا نروح الحين نطلب وناكل لاني ماروم ارمس وبطني خالي

راحو مياسة ودانة يطلبون لهم ويلسو ياكلون بحديقة الجامعة عند الشلال

من بعد ماخلصو تنش مياسة ودانة وركيض ع الكلاس قبل ما تدخل المس لكن للاسف اتاخروا فحطت لهم غياب

مياسة حاولت ويا المس وتترجاها ماتحط لها غياب وانها اخر مرة لكن من دون فايدة المس عنيدة

ودانة ولايهمها المهم انها كلت ومن قلبها يالسة تسب المس وتطنز على شكلها

بالكلاس مياسة منتبهة حق الدرس الا ورقة ستيكر مطرشتنها لها دانو

فتحت مياسة الورقة وقرت : مياسو منو هذاك الغاوي الي حدر علي المطبخ وتحراني ميري بشكارتكم ضحكت مياسة لي درجة ان المس سمعتها فطلبت منها انها تسكت و

كتبت مياسة لها وطرشته حق دانه

فتحت دانة الورقة وقرت " هذا حمد ولد خالتي مريم الي ربته واهتمت فيه الي امه المغربية اقول انسيه تراه راعي سوالف ومغازلجي "

كتبت دانة بالورقة وطرشت لها

خذت مياسة الورقة وقرت " اها لا لاتخافين بس اقولج شوفي نعال المس شكلها شارته من الهند اصدقين يبالي واحد اشتري منه وايد غاوي هههههه"

مياسة ضحكت والمس سمعتها فعصبت المس" miassa pls silent

مياسة " sorry miss

مياسة تهمس حق دانو : الله يغربلج فضحتيني سكتي واسمعي للشرح

الا دق ع الباب تدخل منه بنت الكل طالعها عرفت على نفسها وبعدين راحت تيلس ورا مياسة ودانة

اهني انتهى الجزء الاول من البارت الاول

ياترى منو هالبنت ؟\

وليش الكل يطالعها؟

معقولة تكون بطلتنا للقصة ؟ ومنو هي ؟ وبنت منو؟

هل راح تصير ربيعة حق مياسة ودانة ولا لا ؟

وليش دخلت عليهم متاخرة ؟

شو سالفتها ؟

وين باقي العائلة من عائلة حارب بن محمد ولا مالهم محل بالقصة؟وهل هناك اعائلات اخرى ولا لا ؟

المهم حبايبي راح اخليكم وراح اشوف توقعاتكم بعدين لو عيبتكم القصة خبروني راح اكملها ان ماعيبتكم راح أوقف النقل ...


Ms_ShoSho




قديم 09-06-2011, 11:25 PM #7

شوق العامري

عضو جديد


الدولة: هناك عــــــلــــى الخريطــــــــة

العمر: 21

المشاركات: 52


شوق العامري has a spectacular aura about شوق العامري has a spectacular aura about افتراضي رد: رواية يا عين حني على قلب استصاب منك من أول نظرة \ للكاتبة n-warey

--------------------------------------------------------------------------------

هلا و الله

القصه روعه

دخييييييييييييييلش كمليها

واييييييييييد حلوه

فــ إنتظاااااااااااااااااااااااااار الباااااااااااااااارت...

يسلموووووووووووووووووووووووووووووووووووووو


شوق العامري غير متصل رد مع اقتباس



إرسال رسالة خاصة إلى شوق العامري

البحث عن المشاركات التي كتبها شوق العامري

قديم 09-06-2011, 11:30 PM #8

Ms_ShoSho

عضو متميز






--------------------------------------------------------------------------------

يسلمووووو على مرورج ... ~

عيونج الأحلى أختي ... ~

وإن شاء الله رح أكملها ... ~


Ms_ShoSho




قديم 09-06-2011, 11:33 PM #9


عضو جديد


الدولة: هناك عــــــلــــى الخريطــــــــة

العمر: 21



شوق العامري has a spectacular aura about شوق العامري has a spectacular aura about افتراضي رد: رواية يا عين حني على قلب استصاب منك من أول نظرة \ للكاتبة n-warey

--------------------------------------------------------------------------------

اتوقع:

ياترى منو هالبنت ؟\ اتوقع بطلتنا

وليش الكل يطالعها؟ يمكن واااااايد حلوه

معقولة تكون بطلتنا للقصة ؟ايوه ومنو هي ؟البطله و اللي بيعيبها هزاع وبنت منو؟ الله اعلم

هل راح تصير ربيعة حق مياسة ودانة ولا لا ؟ اتوقه اهااااااااا

وليش دخلت عليهم متاخرة ؟ طالبه يديده

شو سالفتها ؟ ما دري

وين باقي العائلة من عائلة حارب بن محمد ولا مالهم محل بالقصة؟ لا اكيد لهم بقعه وهل هناك اعائلات اخرى ولا لا ؟ يمكن عايلة الطالبه اليديده و لا غيرها

و انشاء الله تتقبلييييييييييييين مرووووري

شوق العامري غير متصل رد مع اقتباس



إرسال رسالة خاصة إلى شوق العامري

البحث عن المشاركات التي كتبها شوق العامري

قديم 09-06-2011, 11:40 PM #10

Ms_ShoSho

عضو متميز






--------------------------------------------------------------------------------

مرحبا بالقصيد وأهله مليون ترحيبه…..

واعداد هبت هبوب الذواري…..

وصلنا الله يسلمكم لين البنت الي حدرت عليهم بالكلاس مرة وحدة وعرفت عن نفسها ودخلت بكل اناقتها

وعفويتها وابتسامتها الي ماتبعدها عن ويها وعيونها اللامعة وعرفت عن نفسها وراحت تمشي بكل اناقة

وخطواتها الرقيقة لمحلها وكانت شالة كتابها الجامعي ودفتر وردي اللون مزغرف باشرطة بلونين االوردي

والاحمر ومعلق عليه قلم وردي وكانت لابسة عباية مفتوحة وعليها فصوص بلون وردي واحمر على أشاكل

مربعة ودواير وشيلة بنفس تشكيلة العباية وتوقيع من محل العبايات سويت ليدي وتحت العباية كانت لابسة

قميص ابيض كت فيه فصوص وردي وازرق باشكال زهور وشريطة وردية بالنص وتنورة بيضة بنفس تشكيلة

القميص وشنطة وردية ولها شريطة حمرى من ماركة Diorولابسة نظارة من ماركة Diorوجوتي كعب مسطح

اسود من باشوتي

وراحت تيلس ورا مياسة ودانة وكل الانظار متوجه لها حتى المس كانت اطالعها >>>لا تلومونهم اول مرة

يشوفن بنت غاوية تقط الطير من السما البنات ما استلمن منها عيل لو الشباب الله يستر

هذي هي بطلتنا قصايد

خلوني اعرفكم عليها

قصايد عمرها 20 سنة بعمر مياسة ودانة انتقلت من سويحان الي ابوظبي بحكم شغل ابوها وانتقلت من جامعتها

الي كانت تدرس فيها جامعة الامريكية بدبي لي جامعة زايد دلوعة امها وابوها طالعة على امها حلوة لان امها

مغربية الاصل خلونا نشوف اول شي مواصفاتها حلوة وجميلة العيون وساع ذباحية بلون رمادي لامع يوم

تعصب او العين تدمع تبدا عيونها تلمع وهذا شي يخليها تحلو وفوق هالشي عندها غمازات اتخلي الواحد يذوب

منها متناسقة الطول والوزن يعني طولها 148 ووزنها 48 بيضة شعرها طويل يوصل للركبة ناعم متدرج

بالالوان البني الغامق لين الفاتح خشمها عادي وملائم طفولية تحب الشعر والقصايد لي هالسبب عندها دفتر

خاص لها وتحب اللونين الوردي والاحمر

اما من ناحية اخلاقها طيوبة وحبوبة تدخل القلب من اول مرة ربشة وحلو الواحد يقعد وياها دوم مبتسمة بس عاد

مشكلتها الوحيدة تجذب وتنقع صواريخها على الكل تحب ركوب الدراجات وخاصة يوم تروح العزبة لازم تركب

الدراجات هي وبنت عمها وحبيبة قلبها شويخ بعدين راح اخبركم عنها مشاغبة الكل يوم شافها اتحرى انها هادية

ومالها خص بالمشاكل والمشاغبة وصوتها حلو

دانة يالسة تهمس مياسة : الله ياهي حليوة والله شكلها غاوي شفتي كيف الكل يطالعها ماشاء الله عليها لاحتى

روندوا مااستلمت منها اقول شو رايج نرابعها ونعرفها ع الحرم الجامعي بما انها طالبة يديدة

مياسة : سكتي الحين خلينا بالاول نخلص الكلاس وبعدها الله كريم

وقصايد كانت تسمع شو يهمسون وتضحك

من بعد ما خلص الدرس صار وقت البريك

وبسرعة بلمحة البصر نشة مياسة ودانة وتعرفوا عليها وبعدها خذوها جولة لين الحرم الجامعي وعرفوها ع

الاساتذة حتى المدير ودوها عسب تعرفه وخذوها وراووها كل الاماكن وخبروها عن البنات الي منهم اوكي والي

المفروض تحذر منهم والبنات الخقاقات والبنات الي يحبن الدراسة بصوب والبنات الي يحبن يسايسوون

(يتعرفون)ع البنات وغيرها وبعدين عزموها على ايس كريم

انتهت جولتهم والتعرفات على بعض واتبادلوا ارقام التيلفونات والايميلات بنفس الوقت كانت قصايد تفكر بشي

ثاني ومتضايقة ومحد انتبه لها

وبعدين كل واحد رد للبيت

تدخل قصايد للبيت وتسلم ع الكل

خلوني اعرفكم على عايلة بطلتنا وضواحيها

عايلة سالم عبدالله ال....... سالم متوفي وترك زوجته وعيالها 5 3 اولاد وبنتين

اول وعايلة بوفهد واسمه عبدالله بجرها يشتغل ضابط شرطة وهو برتبة العقيد انتقل لي بوظبي درس بالمغرب

واتعرف على ام فهد حباها من اول نظرة ايحبها ويمووووت عليها ومايرضى لو حد زعلها بالبداية الاهل

رفضوها لانها غريبة لكن بعدين حبوها وبسبب اسلوبها الحلو وطيبتها ورقتها بوفهد ريال والنعم فيه طيب

وحنون يحب بنته ووحيدته قصايد مدلعنها دلع وايد كل الي تباه يتنفذ وعاطنها الحرية التامة وواثق منها

ومحافظ على صلاته وماتفوته ولا صلا

ام فهد مغربية الاصل واسمها ليلى اصغر من بوفهد مرة حلوة وطيبة وانيقة تحب الاناقة بس ماتزيد عن الاناقة

والموضة تحب اعيالها, وماتحب وتكره شي اسم الدلع وخاصة يوم بوفهد يدلع بنته ماتبا بنتها تفسد بالتربية ام

حنونة وعطوفة تلاقي الحنان عندها ابد ماتتشكى دوم تحمد ربها سواء كان بالنعمة او النقمة ومرة تحب تتعرف

واجتماعية وطبعا قصايد ماخذة شكل امها يعني تشبها بس العين مختلفة عين ام قصايد بلون البني ع الرمادي

وعندها 3 اعيال من بوفهد

اولهم وبجرهم فهد وعمره 25 سنة معضل وسيم وحلو اكيد امه مغربية شعره شوي طويل وناعم يعني مايوصل

للرقبة عيونة بنية محبوب بس مو متزوج عاف الزواج لان مرة حب بنت لكن البنت خانته مع ربيعه وتوفو

الاثنين بحادث سيارة يحب قصايد وايد وهو الي سما قصايد بهالاسم ومايحب يزعلها ودوم يشتري لها حلويات

عسب اتحطها بثلاجتها لكن مرده هو الي ياكلها يشتغل بغرفة تجارة وصناعة ابوظبي يحب البر

من بعد فهد فارس وعمر 22 سنة مهووس بشي اسمه كمبيوتر عنده 3 انواع من اللابتوبات HP,توشيبا و الدل

ويحب يصلح الكمبيوترات بنفسه اذا اخترب او تفيرس وطبعا يعني لو قصايد اتفيرس او حابة تحط برنامج بس

تروح لي اخوها وتعطيه يصلح لها بس مو ببلاش حليو طيوب ومرتبش دوم يدرس كمبيوتر بجامعة التقنية اخر

سنة له

ومن بعد فارس بطلتنا قصايد خبرتكم عنها

وعايش وياهم بالبيت عمها خليفة وعمره 29 سنة محبوب الكل وطيب متزوج من موزة بنت يارتهم بسويحان

توفوا اهلها امها وابوها واخوها يوم هم رايحين العمرة فتكفلت بها عمتها بالتربية ومن غدت بنت خطبها خليفة

وخليفة يموت فيها ومايحب يفارقها ماعندهم عيال وصار لهم 5 سنين وهم متزوجين مع ان موزة خاطرها بولد

لكن خليفة عادي عنده اهم شي انه يكون ويا موزة وراح اخبركم بعدين سالفة تاخر بالحمل وخليفة يشتغل

بالعقارات

وساكنة وياهم الام الكبيرة الي هم ام عبدالله وخليفة وحميد الي هوبوحمدان وام كايد وسلوى راح اعرفكم عليهم

بعدين كل شي بوقته حلو

وينادونها ام عبدالله واسمها شيخة مرة كبيرة بالسن طيبة وحنونة تحب اعيالها واحفادها وماتحب تشوف الغلط

وخاصة قصايد ماتحب تشوفها من دون شيلة او انها تتلبس الجينزات او التنانير تحب تشوفها بالكنادير المخورة

تعصب عليها لو غلطت بس مع ذالك تحبها وماتبى حد يرمس عنها بالسوء تبا الكل يرمس عنها بالطيب ويقولون

عنها هذي بنت عبدالله بن سالم بنت اصل وفصل وتخاف عليها لازم قبل ماتظهر لازم تقرا عليها المعوذات عن

عين الحسد واذا تبا شي لازم يصير والا بالعيرة وحرمة فيها ضغط وسكر والي تهتم بادويتها ومواعيدها هي

موزة

وعندهم ساكنة وياهم اخت عبدالله سلوى مريضة ماتحب تيلس وياحد كل بالغرفة يالسة ماتسمع ولا تتكلم صابها

المرض يوم توفى ابوها انصدمت بالخبر وصار لها انهيار عصبي دوم تصيح بالليل وقصايد ماتتركها لحالها

تحاول تظهرها من عزلتها وعندها ممرضة تهتم بها واسمها كيكي اجنبية تعلمها وتهتم بها

وعمرها 30 سنة يعني اصغرهم هو خليفة وبعدين اتي سلوى وبعد سلوى ام كايد وبعد ام كايد ابو حمدان وبعدها

البجر بوفهد

وعندهم 3 بشكارات ودريول طبعا بيت عود ويباله الاولى اسمها تارا حق الطبيخ والثانية تينا حق شغل البيت

وتساعدها مارلين ودريول اسمه عبدالقادر ولاننسى الممرضة كيكي حق سلوى

خلونا ننتقل لي عايلة بوحمدان عايشين بابوظبي

بوحمدان واسمه حميد ريال طموح ويحب الاجتهاد له افكار ويحب الشغل ويحب يسوي مشاريع عنده محل

للكاميرات وادوات الكترونية يحب حرمته ويعزها وايد بس شوي عصبي يوم يعصب الكل يبتعد عنه بس الوحيدة

الي تهديه هي شويخ ماتحب تشوف ابوها يعصب فهي المسيطرة

متزوج من بنت الجيران ام حمدان نادية مرة طيبة وحنون ماتحب الهذرة الزايدة تكره الغيبة والنميمة ودوم تحث

اولادها ع الصلاة وتصوم كل اثنين وخميس ماشاء الله عليها حافظة القران وهي بنت صغيرة والكل يحبها

وعندها 3 اعيال من بوحمدان

اول بجرها حمدان وعمره 24 سنة يموت بشي اسمه قصايد وايد يحبها ويتمنى بيوم ان قصايد تحبه بس قصايد

تعتبره شرات اخوها لانها كانت دوم تزورهم واوقات تبات عندهم طبعا كله عند شويخ لانهم بنفس العمر وهو

بنفس اليوم يو للدنيا ولي هالسبب تلاقونهم دوم ويا بعض ,اسمراني شوي يحب دوم يشوف قصايد مبتسمة

يضايق لو شافها متضايقة معضل وسيم شعره ناعم قصير عيونه بني غامق واسعات وخشمه صغير

من بعد حمدان شويخ وعمرها 20 سنة تدرس بجامعة زايد لكن مو نفس التخصص تدرس قانون تحب القانون

وهالشي الوحيد الي يختلفن فيه وحدة قانونية والثانية ادارية بزنز خلوني اوصف لكم شويخ او شواخي على اسم

يدتها امسمينها, خباال ع الأصوول..خريييييش وما ترووم تسكت..تحب اتسولف وتضحك..بيضا وعيونها وساع

وجحيلة..شعرها طاايح واسود وواصل لركبها يعني شرات قصايد تراهم دوم يسون شرات بعض ..حياتها كلها

سواالف وتحب تضحك..محد سلم من لسانها. يعني هي المعلم الاساس لقصايد يعني شويخ هي الي خربت قصايد

ولا بالاول قصايد وين والحين وين بس طيوبة شويخ والكل يحبها اوقات تلاقيها تزعل ليش مايدلعونها لانها

البنت الوحيدة

واخر العنقود حامد وعمره 19 سنة يدرس بكلية خاصة كمبيوتر يحب السيارات والدراجات ودوم تلاقيه يغير

موبايله مايصير له 3 شهور الا عنده تيلفون طويل وحلو ومعضل عيونه ناعسات سودة هادي الطبع بس يوم

يكون ويا شويخ عاد تلاقيهم شرات شنغل ومنغل الي بسبيستون وضرابة على ضحك على زعل بس مع ذالك

مايفترقون ويحب هيوم ربيعة شويخ بالجامعة وبنفس التخصص شافها مرة يوم وصلها لبيتهم لان دريولهم

مريض فشويخ قالت حق اخوها يوصلها للبيت وشاف عيونها بالمنظرة ذوبته من اول نظرة ايحبها ويتفداها دوم

شويخ تعرف ان حامد يحبها لان دوم يسال عنها واوقاتا شويخ تحب تغلس على اخوها وماتخبره عنها مع انها

اكبر منه بسنة مو مهم العمر طبعا .

وعندهم بشكارة وحدة اسمها سكرين بس شويخ تناديها سكروب ودريول اسمه جمال

خلونا انطير مرة وحدة لسويحان ونتعرف على اختهم ام كايد الي رفضت تنتقل وظلت بسويحان

ام كايد مرة حنون طيبة حلوة الي يشوفها يقول مستحيل هذي مرة ل3 اعيال وغير هالشي جدة بس حبوبة دوم

تلاقيها طايحة بسوق القطع تموت على شي اسمه قطع من تشتري لازم اتخيطه ماتحب تحتفظ بشي واذا مابغت

الكندورة او القطع تتصدق عليهم مرة تحب تشتغل ترفض ان يكون عندها بشكارة مع ان ولدها كايد خبرها ان

لازم ترتاح وان هو راح يقدم على بشكارة فهي طبعا ترفض زوجها بوكايد عبد الرحمن متوفي من سنة ونص

ومنه 3 اعيال ولدين وبنت

اولهم كايد وعمره 27 سنة متزوج من فطوم ويدلعها فطيم بنت جيرانهم يحبها موت ومايرضى لو تفدت غيره

حتى لو كان ولدهم عبدالرحمن حنطاوي البشرة عيون عسلية صغار له غمازات وطيب يشتغل بالشرطة وله

شفتات ودوم تتغير اما صباح او مسا عنده من فطيم حماني عبدالرحمن امسمينه على اسم ابوه الله يرحمه وعمره 4

سنين حبوب والكل يحبه والي يبا شي لازم يحصله ومايحب يشوف حد يصيح ولا راح يصيح وياه فديته

هالحماني

من بعد كايد مانع وعمره 24 بعمر حمدان سنة يشتغل بشركة بوهزاع واخوانه موظف بوقت الفراغ يحب يلعب

البلايستيشن طيب وحنون هادي مايعصب رحيم حتى ع الحيوان انقول انه هو غرشوب سويحان سيارته المفضلة

نيسان فتك محير حق بنت خاله شويخ مع انه يكره شي اسمه محير خبر امه انه اذا يبا يعرس هو بنفسه راح

يختار البنت الي يباها مو ان الاهل يحيرون ويحطون البنت برقبتهم لو هو مايباها, لان يعتبر شويخ صغيرة مو

مؤهلة انها تكون زوجة خريشة يعني بعدها ولايفكر فيها اصلا هم شويخ ماتفكر فيه

اخر العنقود هي حور اكبر من قصايد وشويخ يعني 21 سنة بس تحب تيلس وياهم تحب حماني وااااااايد وادلعه

لان هذا ابوها تدرس بكلية التقنية علم اجتماع تحب تكون معلمة اجتماعية تحب الفن تتفنن بالرسم وخاصة تحب

تنقش ع اليد يعني يوم يكون في عيد ولا اعراس طبعا قصود وشويخ مايقصرن يروحن عندها لان حلو تنقش لها

شعبية كبيرة والكل يمدحها وشاطرة وباقي لها سنتين وتتخرج

المهم خلونا نكمل اول ماحدرت عليهم قصايد سلمت ع الكل وراحت باست امها وابوها وبعدين راحت تبوس

يدتها بس هي تنادنيها اميه العودة

بعد لحظات يدخل عليهم فارس وفهد ويسلمون على الصالة وبعدها اي خليفة .

بغرفة الطعام ع الطاولة الكل متيمع يتغدى

بوقصايد يوجه رمسته لبنته وحبيبة قلبه قصايد : ها يا بنيتي شو كان اول يوم لج بالجامعة؟

قصايد: الحمد لله بخير.

فارس : يقلدها الحمد لله بخير اقص يدي لو ماسويتي مشكلة اليوم يا مع المدير او الاساتذة ,

انتي مايطوف عنج شي كل الشكر لشويخ الي علمتج .

قصايد: لافديتك ماسويت مشاكل فديتني هادية بس عصبت ع المدير لانه ماطاع بالبداية يعدل لي المواد طبعا من

بعد مشاحنات وياه وافق انه يعدلي المواد .

شيخه ام عبدالله : قصايد ماباج تسوين مشاكل اغدي مراة سنعة وزينة خلي كل البنات يرمسون عنج بالطيبة

والزين مابي حد يرمس عنج بالسوء ولا تدرين شو ينتظرج

فارس وفهد يضحكون : هههههههههههه ولا بالعيرة هاهاهاهاهاهاهاهاها

قصايد : هههه ماتضحكون

قصايد: لافديتج امي العودة فديتني ماسويت مشاكل والله اني طيبة وحبوبة حتى في بنتين تعرفت عليهم

وماقصروا وياي وخذوني وراووني الجامعة وعرفوني ع البنات والاساتذة بس

ام فهد : ويه وين عنج شويخ وهيوم ربيعتج ؟

قصايد هني عصبت يوم ذكرت امها شويخ وهيوم: فقدتهن هالويوه خلوني بحالي اليوم ولا يو الكلية والله لا

اراويهن الشغل الزين مسودات الويه اول مارحت خفت لا اضيع .

فهد: اها زين والنونو ماضاع بالجامعة ولا شو .

قصايد : لافديتني عندي خارطة الجامعة اعرف شبر شبر اصلا انا كنت اعرف المكان كله وقبل ما البنتين الي

تعرفت عليهم يراووني ياه بس سويت عمري مااعرف شي ههههههههههههههه.

فارس: هههههههه انتي تضيعين ها يافهد اسمع راسمة لها خارطة بالله عليك هاذي الضيع, الكل يضيع الا هي

عيل ماتحيد اول يوم شو سوت بجامعة الامريكية بدبي وانت الي ييت تعبان وهالك وييت بروحك من الجامعة

ويالس ادورها بكل مكان اخر شي كانت الحبيبة يالسة تشوف حرم الجامعي وتتعرف ع الاماكن وانت الي كنت

مسكين ذابح عمرك تلف يمين وشمال على بالك انها ضايعة واخر شي هي الي ردت البيت مكيفة ومرتاحة

فهد: هههههههههه اسكت لاتذكرني بذاك اليوم والله اني هلكت فيه يلست يومين في البيت وريولي مو رايمة

تشلني

ام عبدالله: توجه رمستها لقصايد : وهذي شويخ مسودة الويه وينها عنج ليش هي غايبة وانتي ماقلتي انها راح

تكون وياج وراح اتعرفج ع جامعتج دواها عندي ه الملعونة والله لاشطبها بهالعيرة

قصايد ماهان عليها تخلي يدتها تهزب ربيعتها الروح بالروح وتوأم روحها: لايدتيه فديتج كل ولاشواخي

ماارضى عليها ماعلي مسامحتها وقلبي ابيض عليها ومن داخلها ناوية شر عليها.

ام عبدالله : فديتج يا قصايد حشيمة وطيبة هي جي اباج مو شرات هالشويخ ملسونة ولسانها طويل.

خليفة يالس بصوب يرمس مويز ويتغزل بها جكتهم ام عبدالله : وانت ماتخوز عن حرمتك خلها بل ماتشوف

المراة غادي ويها طماط خف عليها .

خليفة :يما فديتج شو اسوي هب انا الي اتغزل بها

ام عبدالله : واي منك عيل منو يتغزل بها اليني ؟

خليفة : لافديتج هذا القلب يوم حب يتغزل بمحبوبه.

فهد وفارس وقصايد يضحكون عرمسة امهم العودة

فارس : اقول ابويه مو ناويين تروحون العزبة بالويك اند ؟

بو فهد: الشور شور امك العودة.

فارس : امي العودة شو مو ناوية تروحين العزبة الويك اند ؟

ام عبدالله : لا خلنا بالبيت احسن الا تونا منتقلين خلنا نستقر اول وبعدين الله كريم

قصايد: ليش امي العودة الله يخليج خلينا نروح والله حرام

ام عبدالله: سكتي انتي ادري بج من اول ماتوطى ريولج ع العزبة ركيض ع الدراجات عنلات صداج مابنروح

قروا بالبيت ابرك لكم

طبعا ام عبد الله اذا قالت شي الكل يسمع كلمتها ومحد يعاندها لان الي براسها يستوي

بعدين نشت قصايد وعلى طول يكرمكم الله الحمام تغسل يدها وبعدها راحت حق عمتها سلوى

قصايد ادق الباب عسب كيكي تفتح لها

قصايد: Hi KIKI

كيكي: Hi Miss qassayed

قصايد:how is she know?shes okay?

كيكي:She’s fine

وتروح قصايد عند عمتها وتبوسها وترمس وياها بالاشارة لان قصايد تعلمت لغة الاشارة من كيكي كانت اتي

وتتخبر عن احوال عمتها من كيكي فمن كثر ماتشوف كيكي ترمس عمتها بالاشارة تعلمت بسرعة .

قصايد وهي تسوي الاشارة وترمس عمتها : اشحالج عمتيه اعلومج عساج بخير وماتشكين من شي ؟

سلوى : وهي تسوي الاشارة وتخبرها بانها الحمد لله ماتشكي باس.

وتمت قصايد يالسة ويا عمتها ترمس وياها وتونسها وطلعها من الجو الي هي فيه وخبرتها عن اليوم الاول

بالجامعة لها .

ياليت قلبي والله ينقسم لك نصفين...................

لااعطيك نصف واعيش انا بثاني...............

في بيت بوهزاع ع الساعة 3:30************

وهم بالصالة من بعد ماتغدوا ..........

بوهزاع يالس يتغزل بحرمته من صوب وسيف يتغزل بحرمته .......

منصور بيده اللاب توب وفاتح ع برنامج الفوتوشوب ويصمم له توقيع ....

هزاع يحدر من فوق : السلام عليكم .............

محد يرد .................

هزاع على صوته : قلنا السلام عليكم قلنا تغزلو عاد مو لي درجة انكم ماتسمعون السلام الا ياهي بلشة الحب

.

وسواها .........

الكل : وعليكم السلام ...........

وسار يلس عند امه وحب انه ينرفزها شوي .....

هزاع : انت ياجميل صوبنا انزين عطينا ويه شوي مو كله لي حبيب القلب ....^_*

ام هزاع : ويه يا سواد ويهك شو ها بعد يالس تتغزل بامك استح ياولد عيب محد مخربك غير ابوك هو الي علمك

هالرمسة ...

ابو هزاع : هي هزاع شو ها خلها لي روح انت دور لك وحدة ثانية تتغزل بها خل فراشتي حقي انا اصطدتها

قبلك (ومسوي عمره معصب).............-_-

ام هزاع : هي علمه انته بعد لا بعد تقول له روح درو غيرها اسميك خربت الولد وانا ماباهم يختربون ...

ويضحك هزاع : هههههههههههه فديتج اماية الا هي غشمرة بيه مو لي هالدرجة لاتخافين بعدين انا ما اخترب ..

وليش ادور البنات اصلا؟ البنات هم يلحقون,وراي ويتمنون اني اعطيهم نظرة شو اسوي يوم ربي خلقني ..

جميل ...>>>>اقول عن الخقة الزايدة >>انتي وش عليج تغارين >>>شو انا اغار ويه من زينك >هههه فديتني

جميل صح اعترفي >>>ماراح اعترف بشي بس خل هالشي الي راح تضوي شعرك وتكسر خشمك شوي من

الخقة ههههههه<<اقول روحي كملي البارت احسن ....

من صوب شما سرحانة بولد عمها سهيل وتفكر ليش هو مايا خطبها رسمي مياسة انتبهت لها مياسة تهمس لها :

لاتفكرين فيه وايد مو زين ...

شما : سكتي انتي ........

وتنش شما تستأذن وتروح غرفتها .....

ماهان على مياسة انها تشوف اختها بهالحالة فراحت لها بالغرفة وشافتها سرحانة ...

مياسة: بوووووووووووووووووووو وتنقع ضحك هههههههههههههههههههه

ههههههههههههههه..^_^

شما : غربل الله عدوج شو ها وانتي ليش ماادقين الباب وتستأذنين ...

مياسة :هي دقيت اكثر من عشر مرات لي درجة ان يدي عورتني شما بلاج ليش سرحانة؟ قولي لي وريحي اللي

بقلبج لي.

شما: مادري بس افكر ليش سهيل ماتقدملي رسميا مع ان احنا محايرين ؟والله اني احبه بموت لو دريت انه مايباني .

مياسة : لافديتج بعيد الشر, اصلا هو يحبج ويباج ماتشوفين دانة ماشاء الله عليها اتيب لنا الاخبار اول باول مع ان

اخوها مااعترف لها

شما : كيف يعني ماعترف لها وهي شو اكد لها انه هو يحبني .؟؟

مياسة: حبيبتي فديتها دانو مايخفى عنها شي عيونها تراقب سهيل وخاصة يوم ينذكر اسمج جدامه .

اقولج خليني اتصل حق ال سي ان ان الي هي دانة وامسمتنها" الغلا" بالموبايل اكيد سي ان ان لان الاخبار اتي من عندها .

واشوف اخر الاخبار ,وراحت مياسة غرفتها عسب اتييب التيلفون وتتصل حق دانة ...

كلمة أحبك غالية من بين الاحباب ...............

لاقالها خلي أحس بغلاها أعطش لها دايم وأدور لها أسباب ...........

أبيه ينطقها ويردد صداها ..............

في بيت بو سهيل *******

من بعد الغدى الكل موجود بالصالة ...........

بوسهيل يالس يلاعب بنته العنود........ وام سهيل تشرب الشاي ..........

سهيلة ودانة يالسات يحلن الكلمات المتقاطعة من المجلة وسهيل يقرا الجريدة ........

اهني تذكرت ام سهيل ان ام هزاع خبرتها انهم بالويك اند راح يجتمعون بالعزية .

ام سهيل: بوسهيل ام هزاع اليوم خبرتني ان اخوك بالويك اند رايحين العزبة فشو رايك نروح نغير جو مرة وحدة .

بو سهيل : حلو مرة وحدة نشوف احوال البوش, والبعير, والغنم .

بوسهيل يوجه رمسته حق سهيل: وانت ياولدي متى ناوي تخطب بنت عمك رسمي حرام تخليها متعلقة لين الحين .

دانة من سمعت ان السالفة فيها شما حطت اذونها ,وعيونها واتجهت بهم صوب سهيل.

سهيل وقلبه صاير الطبل من سمع سالفة العرس ولا هو يباها من زمان بس الي ماخرنه سالفة التكليف بالعرس

هو يبا يتكفل بكل شي: خلاص يبا بس باقيلي كم شغلة وان شاء الله بعدها افكر .

دانه: تفكر, بشو تفكر حبيبي قول هي وروح اخطبها قبل ما اي حد ياخذها ترا عادي شما توافق .

اهني سهيل من سمع رمست اخته ان شما يمكن تكون لغيره خاف فقال حق :ابوه :يصير خير ان شاء الله .

ام سهيل: شو رايك لو اخطبها لك رسمي من بعد مانرد من العزبة احسن .

دانه تروح لاخوها وتهمس له: اقول ادري انك ميت فيها وتباها اليوم قبل باجر قول لامي هي وريح عمرك عسب

تكوت شما لك .

سهيل: وانتي شو دراج اني احبها .

دانه وهي تضحك: ههههههه فديت اخوي كل شي باين عليك من ينذكر اسمها يفز قلبك لها, ويصير شرات الطبل

يدق, ويوم سمعت ان يمكن شما تكون لغيرك خفت على بالك اني مااعرف شي ترا العيون تشوف هههههه.

سهيل: دانو ياويلج لو حد عرف بذبحج ترا انتي ربيعة مياسة عادي تخبرينها بذبحج .

دانة وهي تخبي جذبها : لا لا انا ماقول بهالاشياء انا مالي خص لها صدقني>>>بدا الجذب

سهيل : خلاص يما توكلي على الله ..

دانة فرحاانة من الخاطر^_^:كلولولوووووووووووووووش امباركيت عرس الاثنين ليلة ربيع ليلة افراح ....

والكل ضحك عليها......^_^

ويدق تيلفونها برنة نانسي عجرم نص نص ...

وبدا الفيوز عند العنود ينقع وبدت ترقص............

اهني ام سهيل عصبت عليها : عنودوو ويهد شو ها ماقلت لج ابعدي عن هالخرابيط حسبي الله عليج راح

يحسدونج وياهالرقص مادري من وين تعلمتي الرقص...

ابو سهيل : خليها يام سهيل عسب ترقص بعرس اخوها .

ام سهيل : لا يابو سهيل كل ولا يحسدون بنتي عيون الحريم ماترحم الله يبعدهم عن بناتي .

الكل : امين.......

وتنش دانة والي متصل بها "غناتيه" هالاسم الي حطته لي مياسة برنة "نص ونص "وراحت تربع لحيرتها

وترد عليها .....

دانة :مرحب بملاييييييييييييين ولايسدن وان زادن وزعيهن ع الاحباب..وان ماتبين توزعيهن قطيهم وراج هههههه......

مياسة تضحك :مرحب باجي اشحالج علني فداج ..

دانة :بخير فديتج مانشكي باس بسرعة ماتولهتي علي لي هالدرجة مشتاقة.....

مياسة :شو اسوي احبح ههههههه.... اقول شو اخر الاخبار والتطورات عندج يالله سمعينا بسرعة فديت اختي

والله ....غامضتني يالسة تفكر ليش سهيلو مايا خطبها رسمي ........

دانة :اولا: ويا ويهج اسمه سهيل ما اسمح لج, وثانيا :لاتنسين انه هو زوج اختج المستقبلي,وثالثا :تونا من ساع

يالسين نرمس بالموضوع وقال لامي تخطبها رسمي بعد مانرد العزبة .

مياسة :والله احلفي بس ليش تاخر جي ؟

دانة :انتي تدرين اخوي يحب هو يتكفل بالعرس ما يبا حد يسااعده ريال فديته, بس اقولج لاتخبرين حد لان اخوي

متحلفلي انه يذبحني لو خبرتج ,ولاتنسين تخبرين اختج اتي العزبة ولاتستحي :يعني اتي ولا كانها تعرف انها

راح يخطبونها, ولا اخوي راح يشك اذا مايت العزبة اني انا خبرتج اوكي .

مياسة :اوكيك يالله باي ...............

دانة :باي .................

من بعد ماسكرت مياسة ركيض لشما وهي ادق الباب : شمو شمو لحقي سهيل ولد عمي .

اهني شما من سمعت اسمه خافت انه صار فيه شي..

شما : بلاه ولد عمي شو فيه شو صابنه قولي لي؟

مياسة تضحك على شكل اختها :ههههههههههههههههههه هههههههههههههههههه واااااااي بطني بلاج انتي هو

مافيه شي بس عطيني اول ماي اشرب عطشت من كثر ماركض .

شما :من طول المسافة مابين حجرتي وحجرتج يالله خبريني شو قالت دانة ..

مياسة بمكر : اول عطيني ماي .

شما : اوووووووووف خذي يالله بسرعة خبريني شو صار .

مياسة : الله يسلمج قالت لي انهم كانو من شوي يرمسون بالموضوع وسهيل قال روحو خطبوها لي بعد مانرد من

العزبة.

اهني ارتاحت راحة وكأن شلت هم كبير من قلبها .

شما:احلفي والله بس ليش تاخر ؟

مياسة: والله الله يسلمج اتاخر عسب انه يبا يتكفل بالعرس بنفسه مايبا حد يساعده.

شما :فديته والله بس خلاص ماني رايحة العزبة استحي .

مياسة: لا دخيلج شو ماراح اتين لازم اتين ولا كانج تعرفين ان هو راح يخطبج ترا حلفتلي دانو ان سهيل بيذبحها

لو خبرتني عسب لا اخبرج فراح يشك انج عرفتي اذا ماييتي فلازم اتين .

شما : اها الله كريم ذاك الوقت ماباقي غير يومين .

وكل وحدة راحت

غرفتها ترتاح .


Ms_ShoSho




قديم 10-06-2011, 3:53 PM #11

ممنۈع ٲلزعل

عضو جديد


الدولة: رِأإكٍ ـِداريِ .. ●»



ممنۈع ٲلزعل is on a distinguished road افتراضي رد: رواية يا عين حني على قلب استصاب منك من أول نظرة \ للكاتبة n-warey

--------------------------------------------------------------------------------

يااي روعه

كملييها حبوبه

ممنۈع ٲلزعل غير متصل رد مع اقتباس

ممنۈع ٲلزعل


إرسال رسالة خاصة إلى ممنۈع ٲلزعل

البحث عن المشاركات التي كتبها ممنۈع ٲلزعل

قديم 10-06-2011, 7:50 PM #12

Ms_ShoSho

عضو متميز






--------------------------------------------------------------------------------

اقتباس:

المشاركة الأصلية كتبت بواسطة ممنۈع ٲلزعل مشاهدة المشاركة

يااي روعه

كملييها حبوبه

أنتي الروعة حبيبتي ... ~

إن شاء الله رح أكملها .. ~


Ms_ShoSho




قديم 10-06-2011, 10:45 PM #13

Ms_ShoSho

عضو متميز






--------------------------------------------------------------------------------

ودي اجيك ملهــوف عـــابر بحور الخوف.... لكن كل شي ضدي حظي والدنــــيا والظروف......

في بيت بوحمدان اخو بوفهد *********

بالتحديد بغرفة شويخ

شويخ يالسة ترمس هيوم ع المسن ...........

وكان نك شويخ "" [c=6][a=8] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/a][/c] ""

ونك هيوم"" ماينساك قلب بالشــــــــوق اغلاك..لو تطلـــــــــب عيونه يقولك عطيتك""

شويخ :: [c=6][a=8] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/a][/c]

هيوم تدرين شو نسيناا؟؟؟؟؟؟؟؟

هيوم ::ماينساك قلب بالشــــــــوق اغلاك..لو تطلـــــــــب عيونه يقولك عطيتكشوووووووو........................

[b][c=6][a=8] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/a][/c]نسينا ان اليوم هو اول يوم حق قصايد بالجامعة وكان من المفروض ان احنا نروح الجامعة عسب نعرفها ع المكان...........

ماينساك قلب بالشــــــــوق اغلاك..لو تطلـــــــــب عيونه يقولك عطيتك

[/B]ابيه سكتي ويلنا منها اكيد ناويا علينا شر انا مايخصني انتي الي قلتي

خلينا نغيب ولا نروح المجمع الثقافي مع البنات ... %%

[c=6][a=8] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/a][/c] هي الحين حطي عليه كل اممممممم اف وانا شو نساني خوفي تخبر اميه العودة كل ولا امي العودة محد سلم من عيرتها.....

ماينساك قلب بالشــــــــوق اغلاك..لو تطلـــــــــب عيونه يقولك عطيتك

حوبتج تستاهلين يالدبة ان شاء الل�

d1%e6%c7... · web viewام سهيل: بوسهيل ام هزاع اليوم خبرتني ان...

Documents