Bayabas (Psidium guajava)

Gamit pang medical ug pamaagi sa pagandam

Tibuok tanum:Ang tibuok tanum o ang iyang mga udlot ginagamit panghaplas sa panit ug pampawala sa sakit kung dug-on, makwaan, magdugu ang matres, sa pagbati ug mga samad samad sa panit.

Panit sa kahoy:Ang panit sa kahoy nga gipabukalan (decoction) o gidukdok (poultice) magamit silbi astringent na makapaayu sa samad samad ug uban pang problema sa panit. Kini usab napamatudan na adunay antibacterial property o pamatay kagaw kuntra kolera busa kini makapaayu usab sa kalibanga.

Dahon:Ang duga sa dinukdok na dahon maayu ipahid sa mga samad, nuka ug uban pang impeksyon sa panit. Ang decoction o gipabukalan na dahon kay magamit pagpaubos sa hilanat, pawalag sakit sa kalawasan tambal sa rayuma, samad, ulser ug sakit sa ngipon. Ang tsaa na mahimu niini kay pantambal pod sa hubak, ubo ug uban pang sakit sa baga.Uban gamit sa dahon kay para sa kalibanga, impeksyun sa lagos, sakit sa tiyan, sakit sa ulo, ug uban pa.

Ugat:Ang ugat nga gipabukalan makatambal sa kalibanga, ubo, sakit sa tiyan, ngipon ug sa wala kahilisi o di kalibang.

Bulak:Ang bulak niini na gidukdok o gi-poultice kay maayu pantambal sa piskat.

Prutas:Ang juice sa prutas niini maayu pantambal sa kalibanga sa mga bata.

PanaganaAng pag konsumo ug subra subra na prutas sa bayabas kay makapatubol.