basic bible seminar

BASIC

BIBLESEMINAR

Module 1

ANG PAGPADAYAG

SA GINOO

Ang Ginoo sa Iyang dakong kaayo ug kaalam, gawasnon nga mipadayag sa Iyang Kaugalingon (Kinsa Siya?) ug sa Iyang Plano sa Kaluwasan (Unsa ang Iyang Kabubut-on?) nga kitang tanang mamahimong Iyang mga sinagop nga mga anak diha sa Iyang Anak nga si Hesukristo, pinaagi sa gahum sa Espiritu Santo, aron kitang tanan makaambit sa Iyang Diosnon nga Kinaiya.

KAHULUGAN SA IYANG PAGPADAYAG

Ang Kristohanon nga Pagtoo nagsumikad sa kamatuoran nga ang Dios gawasnon nga nagpadayag sa Iyang Kaugalingon (Kinsa Siya?) ug sa Iyang Plano sa Kaluwasan (Unsa ang Iyang Kabubut-on?) ug mihatag sa dakung kahigayonan nga mamahimong Iyang sinagop nga Anak, diha sa Anak, pinaagi sa gahum sa Espiritu Santo.

1. Gawasnon nga Mipadayag

Ang pagpadayag sa Ginoo sa Iyang kaugalingon (Kinsa Siya?) ug sa Iyang Plano sa Kaluwasan (Unsa ang Iyang Kabubut-on?) usa ka gawasnon Niyang lihok.

2. Ang Pagpadayag sa Dios

Kanunay natong hinumduman nga ang Pagpadayag sa Dios naglangkob sa duha ka bililhon nga kamatuoran: Ang Iyang Kaugalingon (Kinsa Siya?) ug Ang Iyang Plano sa Kaluwasan (Unsa ang Iyang Kabubut-on).

2.a Mipadayag sa Iyang Kaugalingon (Kinsa Siya?)

Ang Ginoo, sa Iyang dakong gugma ug kaalam mipadayag sa Iyang Kaugalingon ngadto sa Iyang

katawhan.

Ang Dios nga nagpadayag sa Iyang Kaugalingon nagpadayag usab kang

Moses aron Siya mamahimong Dios sa Katawhang Israel ug ang mga Israelita

mao ang Iyang Katawhan.

2.b Mipadayag sa Iyang plano sa Kaluwasan (Unsa ang Iyang Kabubut-on?)

Ang pagpadayag sa Dios sa Iyang kaugalingon, kung kinsa Siya, makita diha sa kasaysayan sa kaluwasan sa

katawhang Israel.

1. Una nga nagpadayag ang Dios isip Dios nga manluluwas sa katawhang Israel pinaagi sa Iyang pagluwas kanila gikan sa kaulipnan sa gahum sa mga Ehiptohanon.

2. Ikaduha, sa panahon sa ilang pag-ilog sa yutang saad gikan sa mga lumulupyo niini, gipakita sa Dios nga Siya Dios nga kanunay nga nag-uban kanila, kanunay nakig-away alang kanila.

3. Ang Katuyuan sa Pagpadayag sa Dios sa Iyang Kaugalingon (Kinsa Siya?) ug sa

Iyang Plano sa Kaluwasan (Unsa ang Iyang Kabubut-on?)

Ang Pagpadayag sa Dios sa Iyang Kaugalingon (Kinsa Siya?) ug sa Iyang Plano sa Kaluwasan (Unsa ang Iyang Kabubut-on?) adunay tumong ug padulngan. Kini mao ang musunod:

3.a Aron Mamahimo Kitang mga Sinagop nga mga Anak sa Dios

3.b Aron Makaambit kita sa Diosnong Kinaiya ug Kinabuhi