Aus-Brokkies – Afrikaanse Doer-Onder e-nuusbrief 25 Desember 2016

Kortpad na advertensies Algemene nuusbrokkies Gemeenskapsadvertensies Kleinadvertensies (Persoonlik) Kleinadvertensies (Besigheid) Geestelike Pitkos Werksgeleenthede Afrikaanse kerkdienste Landswye dagboek Riglyne vir adverteerders Kanselleer intekening / Unsubscribe

25 Desember 2016

Redakteursbrief Om praktiese redes aan die einde van ‘n baie besige jaar vir my, gebruik ek heelwat van dieselfde inligting wat in hierdie week se Kiwi-Brokkies verskyn ook hier weens die generiese aard daarvan. Dit was ‘n geskiedkundige jaar in die sin dat Aus-Brokkies ewe beskeie uit Nieu-Seeland se BROKKIES (wat toe reeds vir 15 jaar lank bestaan het) gebore is. So het die twee susterspublikasies ontstaan: Aus-Brokkies en Kiwi-Brokkies. Dit was die verwesenliking van ‘n droom vir my. Ons het nou ook vir die soveelste keer die voorreg om Kersfees te vier, en spesifiek die herdenking van die geboorte van ons Verlosser Jesus Christus, die Goeie Nuus wat soveel eeue lank deur profete voorspel is. Baie mense in hierdie deurmekaar wêreld erken Homs slegs as mens. Hulle is ten minste eerlik oor die emmers vol historiese getuienis (ook buite-Bybels) dat Hy wel bestaan het. Hulle het egter vir hulself ‘n versperring opgerig by die kwessie of Hy wel die dood oorwin het en of Hy God in mensgestalte was. As Jesus nie na sy Kruisdood opgestaan het nie, was hy slegs ‘n goeie mens. Indien Hy egter wel uit die dood opgestaan het, verdien dit dieper besinning – vir ons eie siel se onthalwe. Uit sy Woord leer ons dat Hy elke persoon geskep het met ‘n diepliggende kennis van Hom. Hy sê elke mens weet dat God bestaan, hoewel dit dikwels ten sterkste deur mense betwis word. Hul ingeboude gewete is dus ‘n ‘eie besef’ van wat reg of verkeerd is – ‘n maaksel van die mens self. Die probleem met die goed ontwikkelde wêreld is dat ons voorspoed maklik ook ons geestelike ondergang kan word. Dinge gaan so goed dat ons geleidelik ons sin vir afhanklikheid verloor. In ons individualisme voel ons dikwels nie meer afhanklik van ander om ons te verryk nie, en ons skud maklik die afhanklikheidsgevoel van ons Skepper af. Wat ons net meer as 2,000 jaar gelede ontvang het, is daar vir elkeen om te omarm en hul eie te maak. Ja, Jesus is gebore om vir ons die pad deur ons menslike onperfektheid na God te berei. Maar ewe belangrik is die ander deel van die rede waarom Hy gebore is, en waarom ons fees vier: Hy het gekom om te sterf. Vir ons. Dat Hy in die proses ook die dood oorwin het, is wonderlik, maar logies omdat Hy God is; die skepper van lewe. Sy doel om vir ons te kom sterf was juis om seker te maak dat ons in ons gebroke, sondige toestand wel ons perfekte Vader sal kan ontmoet as ons so kies. Hierdie week se Pitkos-rubriek is opgeskuif omdat dit so mooi by hierdie tema inskakel. Ds Johan Hendricks gesels oor hierdie kwessies en meer. Ook in hierdie uitgawe is daar ‘n berig oor ‘n ander dominee oorspronklik vanuit Suid-Afrika, dr Mario Weyers, wat ‘n boek vrygestel het. Hy kyk ook na geloof vanuit die bril van die sekulêre wêreld. Ek wens elke leser en adverteerder van Aus-Brokkies ‘n baie geseënde Kersfees toe. Vertel jou viende asb van Brokkies. Philip Langenhoven Redakteur (Skryf gerus aan my by www.brokkies.net/kontak )

Aus-Brokkies – Afrikaanse Doer-Onder e-nuusbrief 25 Desember 2016

Geestelike Pitkos

Terug na bo...

Dit is Kersfees!

Kersfees is sekerlik een van die mees gevierde feeste in die Westerse wêreld. Almal weet daarvan, want reeds in Oktobermaand begin Kersfees-advertensies en word winkelvensters en rakke met Kersfeestemas opgetooi. Veral vir mense wat in die Christelike tradisie grootgeword het, is die Kersverhaal met die Baba in die krip, Josef en Maria, die engele wat sing, die herders en die wyse manne en die ster oor bekend. Die oorbekendheid van Kersfees hou ‘n groot gevaar in. Dit is dat ons die storie so goed ken, en met die beskikbaarheid van soveel bronne op die internet, selfs nog meer inligting kan kry oor verskillende aspekte van Kersfees. Dinge soos die verskillende teorieë oor die herkoms van Kersfees en die spesifieke datum domineer talle gesprekke. Ons kan dit alles doen; die verhaal so goed ken, verskillende teorieë oor Kersfees nahou of selfs ywerig ondersteun sonder om aangeraak te word deur die Kind wat gebore is en wat ‘n verskil in elke mens se lewe wil maak. Ons lees in Matteus 2:1-12 dat die wyse manne in Jerusalem by die paleis gaan navraag doen het oor die geboorte van die koning wie se ster hulle gevolg het. Ons lees in vers 4 dat Herodus by die Skrifkenners en priesterhoofde navraag gedoen het en dat hulle presies kon bepaal en geweet het waar die Messias gebore sou word! Hulle kon dit uit die Skrifte aanhaal en hulle het die getuienis van die wyse manne gehad en die ster wat verskyn het! Maar ten spyte van dit alles het hulle niks gedoen om self die Kindjie te gaan opsoek, te ontmoet of te aanbid nie. En dit terwyl wyse manne van ver kom, en skaapwagters hulle skape in die nag in die veld los om die Kind wat gebore is persoonlik te ontmoet en aanbid. Kan ons nog opgewonde raak oor Jesus? Kan ons verby al die versierings en presente kyk, en besef dat die belangrikste van alles is om Jesus persoonlik te ontmoet en as my Here en Verlosser te aanbid? Dan maak die tierlantyntjies, die plastiekversierings en selfs nie eens die geskenke saak nie, want dan kan ek in aansluiting by die woorde van Simeon met die Jesus-baba in sy arms sê: nou kan ek met God se vrede lewe en in vrede sterwe, want ek het my Verlosser ontmoet! Dan is Kersfees waarlik die Christusfees wat God vir ons gegee het. Ds Johan Hendricks (Gasskrywer uit Nieu-Seeland)

Aus-Brokkies – Afrikaanse Doer-Onder e-nuusbrief 25 Desember 2016

Algemene nuusbrokkies

Terug na bo...

2016 was Aus-Brokkies se 1ste jaar - met baie nuusbrokkies

Aus-Brokkies se moederpublikasie, Brokkies, bestaan al vir bykans 16 jaar. Vir die grootste deel daarvan was Brokkies die mondstuk van Die Afrikaanse Klub van Nieu-Seeland. Toe die klub 'n paar jaar gelede besluit om halt te roep, wou hulle die suksesvolle Brokkies laat voortgaan en het hulle dit geprivatiseer. Lees dié geskiedenis by www.brokkies.net . ‘n Jaar gelede is beide Aus-Brokkies en Kiwi-Brokkies uit die ou Brokkies gebore. Albei publikasies beleef ‘n groeiende leserstal en Aus-Brokkies ‘n uitbreidende verspreiding oor Australië. Huidige intekenaars weet dat inskrywing gratis is, en tans kan enige immigrant in Australië wat ‘n onderneming van die een of ander aard het, gratis hierin adverteer. Aus-Brokkies bied aan lesers ‘n gereelde proesel Afrikaanse leesstof – en dit in hul Australiese konteks. Die blad bied ook aan mense in ons immigrantegroep die geleentheid om hul aktiwiteite bekend te stel en mense met mekaar te laat skakel, of om sommer net aan hul skryflus uiting te gee. Daar is oor die jaar stories geplaas oor immigrante se prestasies of interessante bedrywighede. Daar was stories oor die kunssinniges onder ons, die vindingrykes, die toegewydes en sommer net lekker immigrasiestories. Eienaars van kleinsake het hul besighede deur middel van promosie-artikels bemark. Aus-Brokkies ontvang soms briewe van lesers (maar nog nie genoeg nie!) en tussen die erns deur probeer ons ‘n ligte trant handhaaf. Die geestelike Pitkos-rubriek bring ‘n paneel van Afrikaanse leraars byeen en bied hul verskeidenheid van inspirasie uit die Bybel tot lesers. Gemeenskapsgeleenthede is bemark en Afrikaanse kerkdienste het soos altyd gratis blootstelling gekry Die jaar lê al op sy rug, dit is Kersfees, en hier's 'n oorsig van die verskeidenheid wat vanjaar in Aus-Brokkies belig is: Januarie 2016

• GROOT OOMBLIK: Aus-Brokkies word gebore! • Ons vra die groot vraag: Behoort plakkies aan Australië of Nieu-Seeland? • Die geestelike sanggroep, ‘Manne wat Glo 2’ se koms na Australië word bemark. • Dit was weer ‘n lekker ou Australia Day!

Februarie 2016

• Brokkies se webwerf word selfoon- en tabletvriendelik gemaak – en ons vertel die wêreld daarvan. • Kyk bietjie wie stig moontlik bosbrande in Australië! • Ons stel KykNet se ongelooflike verskeidenheid van bekostigbare Afrikaanse aanlynflieks en -programme bekend • Huur jy huis in Sydney? Weet jy van hierdie regte wat jy spesifiek in Sydney het?

Maart 2016

• Die vriendelike Friendly Hostel nooi jou Queensland toe. • Aussieland se heuning is baie beter as wat gerugte dit wil hê. • Paastyd: ‘Van Bethlehem tot Skedelbult: Wat is die waarheid oor die Man van Nasaret?’ • ‘n Leser, Francois Stemmet, deel ‘n lekker staaltjie uit sy kinderdae wat met duwweltjies te doen het.

April 2016

• Ons onthou Anzac Day saam met Australië, en grawe redelik diep om mooi te verstaan. • Michiel Goosen van Perth toor met Australië se harde hout.

Aus-Brokkies – Afrikaanse Doer-Onder e-nuusbrief 25 Desember 2016

• Ons gee ‘n oorsig van vakansies wat elke Australiër moet beleef. • Ons vra: Wat dink jy van Aussieland se nuwe $5-noot?

Mei 2016

• Word Australië geleidelik die wêreld se ‘ark’? • Pa’s en seuns het weer VET pret gehad op die Pa en Seun Mannekamp! • Ons bekyk die vraag of mens jou Suid-Afrikaanse kredietkaart in Australië mag gebruik. • Al meer SA-immigrante met kleinsake in Australië benut die geleentheid om gratis in Aus-Brokkies te adverteer.

Junie 2016

• Graham en Sherill Botha van Kintore vertel hul pragtige bedieningstorie uit Australië se ‘woestyn’. • Werksverlies in die middeljare: Is daar raad? • Ons kyk hoe weeg Junie se ‘nuwe’ Springbokspan op teen die All Blacks en die Wallabies. (Nou weet ons.) • Ons kyk na en simpatiseer met die knyptang-droogte wat Namibië in sy kloue het.

Julie 2016

• Kiwi-Brokkies verskyn nie gedurende Julie nie omdat die redakteur Suid-Afrika besoek. Augustus 2016

• Adam Small sterf, en die redakteur onthou in ‘Op my voorstoep’ hoe hy hierdie befaamde digter ontmoet het • Brokkies is bors-bars trots op Wayde van Niekerk, seun van Suid-Afrika se Olimpiese sukses. • Afrikaans het geen grense op hierdie Afrikaanse Aussie-radioprogram nie! Ons kuier by Rochelle Nieuwenhuizen. • Nuwe hoop vir ‘n (bedreigde) witrenoster na gesig-rekonstruksie.

September 2016

• Ons is saam met Australië trots op al hul Olimpiese atlete en hul mooi prestasies. • Ons waarsku lesers dat hul geldige paspoort dalk weens ‘n drakoniese reël onbruikbaar mag wees. • Ons vier die puik Aussiespan se 5de plek by die Paralimpiese Spele. • ‘n Rekord-getal Aussies het in Nieu-Seeland wintervakansie gehou. • Die redakteur se oorsese reisverslag bekyk die Kruger-wildtuin, die mense en die land in verskillende aflewerings

Oktober 2016

• Australië is op die punt om nuwe werksvisums in te stel. • Die goeie nuus oor die moontlikheid van ‘n nuwe, tydelike ouer-visum vir Australië word bespreek. • Geselsrubriekskrywer BITTERGAL vra tong in die kies of die Springbok nou finaal in die hek geduik het. • Vrystaat se Cheetahs wen die Curriebeker ‘n 5de keer! (Die redakteur se sentiment word skaamteloos gedeel…) • 5 Cholesterol-mites verkeerd bewys.

November 2016

• Willem Lombard van Nambour, Queensland bid via Facebook vir Suid-Afrika “in een jaar”. • Het hulle hier ‘n genesing vir Alzheimer’s beet? • ‘n Faksie van die regerende Liberale Party wil alle immigrasie na Australië stopsit.

Desember 2016

• Jeanie Herselman van Melbourne reflekteer oor haar en haar gesin se eerste jaar in Australië. • In die slotaflewering van sy oorsese reisverslag gesels die redakteur oor sy drie dae in Sydney.

Aus-Brokkies – Afrikaanse Doer-Onder e-nuusbrief 25 Desember 2016

2de druk van gewilde ‘FAK-sangbundel’ nou te kry Onthou jy nog hoe ons as kinders uit die ou FAK-sangbundel gesing het? Van die bekendste volksliedjies was daarin saamgevat, en baie van ons het daarmee grootgeword. Baie mense is dalk nie daarvan bewus nie dat ‘n Volume II met nuwe liedjies later van tyd die lig gesien het. Volgens Netwerk 24 was die eerste druk van Volume II so ’n groot treffer dat die hele oplaag uitverkoop het. Nou het die tweede druk van FAK-sangbundel Volume II verskyn. Die 1979-uitgawe van die FAK-sangbundel is in die FAK-sangbundel Volume II van 2012 aangevul met liedjies wat die afgelope 40 jaar in Afrikaanse musiek geblom het. Hierdie nuwe sangbundel maak plek vir 400 liedjies wat geskryf en gesing is sedert die vorige uitgawe in 1979. 2012 was ook die 75ste bestaansjaar van die FAK-sangbundel en juis daarom is besluit om die wonder van Afrikaanse musiek behoorlik te vier met die uitreiking van ’n nuwe sangbundel. Die nuwe kategorieë sluit in: immergroen en populêr, kleinkuns, kinderliedjies, geestelike liedjies, tradisionele liedjies; kunsmusiek en koormusiek. Van die gewildste en bekendste werke deur Afrikaanse musieklegendes soos Rina Hugo, Gé Korsten, Chris Chameleon, Steve Hofmeyr, die Briels, Anton Goosen en Laurika Rauch is vervat in die bundel wat treffers soos “Ballade vir ’n enkeling”,“De la Rey”, “Engel”, “Houtkruis” en “Kinders van die wind” insluit. Kenners van Afrikaanse musiek, soos Mimi Coertse, Wessel van Wyk, Anneke Lamont en wyle Christa Steyn was betrokke by die keuse van die beste uit die nuwere Afrikaanse musiekskat. Die nuwe FAK-sangbundel Volume II vervang nie die ou bundel met sy bekende volksliedjies soos “Aanstap Rooies”, “My hartjie, my liefie” en “Sarie Marais” nie. Die nuwe bundel stel eerder ten doel om die skatkis van Afrikaanse musiek uit te brei wat bewaar moet word. Die bundel kan bestel word deur kraal@solidariteit.co.za

Onhou jy nog hierdie ou FAK-sangbundels? En wat van die liedjies hier bo?

Aus-Brokkies – Afrikaanse Doer-Onder e-nuusbrief 25 Desember 2016

Afrikaanse dominee publiseer sy eie boek Een van die talle Suid-Afrikaanse dominees wat hulle deesdae buite Suid-Afrika bevind, dr Mario Weyers, het pas ‘n boek uitgebring. ‘Belonging before believing – Connecting your church with your community’ is geskryf na aanleiding van sy navorsing wat aangetoon het dat mense in hoogs ontwikkelde lande en in post-Christelike omgewings nie alleen die kerk en die gemeenskap van gelowiges ontgroei het nie, maar dat ‘milleniums’ in die algemeen geen begrip het van die Evangelie, die Kerk of die Bybel nie. Mario sê: “Ek het ook gevind dat mense in. Post-Christelike gemeenskappe nie meer behoefte aan godsdiensbeoefening het nie. So, wat bly oor vir die kerk? Na my mening is die uitdaging om nie alleen anders te begin dink oor die kerk se roeping nie, maar ook om met ‘n ander bril na gemeenskappe buite die kerk te kyk. “Ek hoop dat die boek, binne die ‘buitelandse’ konteks, gesprekke sal stimuleer wat vrienskaps-evangelisasie sal aanwakker en terselfdertyd die leser sal inspireer om die Bybel strategies te lees. Die boek is geskik vir persone in formele en informele bedieninge, binne of buite die kerk, wat ‘n hoë premie plaas op verhoudings tussen die kerk en die gesekulariseerde gemeenskap en diegene wat wonder oor ‘n weg vorentoe vir die kerk.” Terwyl Mario in die bediening in Suid-Afrika was (hy was in die Ned. Gerf. Kerk) het hy korttermyn kerkplanting in die Noorde van Belgie verrig. Na 15 jaar se betrokkenheid hiermee in Vlaandere, met sy hoogs gesekulariseerde samelewing en post-Christelike konteks, was dit vir hom duidelik dat die kerk sy relevansie verloor het. Die vraag na hoe die kerk relevant kan bly en sy identiteit kan behou het hom aangespoor om hieroor navorsing te doen. Die navorsing is in 2012 voltooi, maar eers in 2016 hersien en herskryf sodat dit vir Jan en alleman toeganklik is. Die boek word deur Mediacom in Australië uitgegee en kan by hulle bestel word by mariond@mediacom.org.au Mario sal graag ook wil kontak maak met mense wat in die saak belangstel. Boeke kan ook regstreeks by hom bestel word, solank voorraad hou. Hy kan gekontak word by 00 64 220 894 395 of 2m.weyers@gmail.com

Leser Wynand Kriedemann skryf weer ‘n Kersfeesgedig

‘n Kersfeesgedig

In stilte lê die kleine dorp Betlehem geen idee waarvoor is hy bestem

‘n helder ster hang aan die hemelruim ‘om hier op aarde ‘n lig te laat skyn

In ‘n herberg woon ‘n vriendelike man

met donkie en skaap in ‘n stal Meneer, het jy dalk slaapplek?

net om ons gesinnetjie te bedek

Iewers in die Stille nag is daar skaapwagters wat wag onder die blinkend sterrehemel word 'n boodskap oopgesleutel

In 'n nederige krip, met strooi bedek

kom maak Immanuel aarde Sy woonplek Herbergman het jy ooit kon dink

dat God Sy Seun vir ons sou bring?

Die Kerskind vir ons gestuur om vrede en vreugde te bring

en Sy koms, ons vir eeue lank sal vier, mag Sy liefde hierdie kersfees vir jou ook vrede,

vreugde en liefde bring.

Deur Wynand Kriedemann

Aus-Brokkies – Afrikaanse Doer-Onder e-nuusbrief 25 Desember 2016

Feestelike bierhoender vir die feestyd (Deur Carolie de Koster van Carolie’s Culinaire, Omokoroa, Tauranga – Epos caroliedekoster@gmail.com) (Met erkenning aan SA- fotograaf – Sam Linsell) Te lekker om nie met mede Suid-Afrikaners te deel nie! Oorsig Voorbereidingstyd: 20 minute Gaarmaaktyd: ± 2 uur Lewer: 6 porsies Bestanddele 1 groot hoender (bv. nr 16) mooi vasgebind om vorm te behou 1 ui, grof gekap 2 wortels, geskil en opgesny 1 botteltjie bier (330 ml) 1 hoenderekstrakblokkie 1 E (15 ml) gekapte roosmaryn + 4–5 takkies vir pan 2 E (30 ml) gekapte pietersielie 2 - 4 knoffelhuisies, gekap 1 t (5 ml) aangemaakte mosterd 2 E (30 ml) heuning ¼ t sout Gemaalde swartpeper ‘n Biejtie meel of souspoeier om die sous te verdik. Metode 1. Voorverhit die oond tot 200 ºC 2. Plaas die hoender, ui en wortels in ‘n diep oondbraaipot. 3. Meng die bier, mosterd, heuning, knoffel, kruie, sout en peper en giet oor die hoender. Bedek and bak 1½ uur of

tot gaar. Draai die hoender om en bak oop vir nog ongeveer 20 minute tot mooi bruin en bros. Plaas die hoender op ‘n bedienbord en hou warm. Verdik die sous indien nodig en kook tot gaar. Bedien apart in ‘n bakkie of sny die hoender in porsies en giet die sous en groente oor.

Soutige karamel cassata roomys met warm sjokoladesous (Nog een deur Carolie de Koster van Carolie’s Culinaire, Omokoroa, Tauranga – Epos caroliedekoster@gmail.com) Omskep 2 liter vanieljeroomys in ‘n fees-nagereg! Oorsig Voorbereidingstyd: 15 minute Gaarmaaktyd 5 minute by 180 ºC om amandels te rooster Lewer 12 porsies Bestanddele Cassata roomys 100 g (1/2 k / 125 ml) suiker ¼ t (1 ml) sout ¼ k (60 ml) melk 2 liter vanieljeroomys, 10 minute uit yskas voor gebruik

100 g (1/2 k / 125 ml) rooi / gemengde glanskersies, in kwarte gesny 100g (1 kp / 250ml) geskaafde amandels. liggerooster 50 g sjokolade, met ‘n mes in skaafsels geskraap Kakaopoeier om oor te strooi

Aus-Brokkies – Afrikaanse Doer-Onder e-nuusbrief 25 Desember 2016

Metode 1. Voer ‘n 2 liter broodpan met liggewig foelie uit. 2. Plaas die suiker en sout in ‘n klein kastrolletjie en

smelt oor matige hitte sonder om te roer. Kantel die kastrol af en toe sodat die gesmelte suiker die korrels bedek. Verwyder van die hitte wanneer goudbruin en voeg die melk by. Plaas terug op die plaat totdat die karamel in die melk gesmelt het en laat afkoel.

3. Plaas die effens saggemaakte roomys in ‘n bak en voeg die kersies, amandels en karamelmelk by. Roer liggies om te meng en skep in die pan. Vries minstens 8 uur of oornag vordat dit uitgekeer word. Sif kakaopoeier oor.

4. Om te bedien, sny in skywe, plaas op bordjies en garneer met die sjokoladesous.

Warm sjokoladesous Hierdie sous oortref die meeste ander warm sjokjoladesouse! Voorbereidingstyd: 5 minute Gaarmaaktyd: 5 minute Lewer : 12 porsies Bestanddele ½ k (125 ml) suiker 1/3 k (100 ml) kakaopoeier ¼ k (60 ml) vlapoeier 2 k (500 ml) kookwater ‘n Knippie sout 1 t (5 ml) vanieljegeursel 1 k (250 ml) room

Metode 1. Plaas die suiker, kakaopoeier en vlapoeier in ‘n 2 liter oondvaste bak

en roer om te meng. Voeg die kookwater by en meng met ‘n draadklopper.

2. Mikrogolf op HOOG vir 2 minute, klits goed en mikrogolf nog 1 minuut langer of totdat die sous begin borrel en verdik

3. Voeg die vanieljegeursel by en mikrogolf vir nog 1 minuut. Bedien warm of laat afkoel om later weer te verhit en warm te bedien. Heerlik!

As jy ‘n resep wil instuur, lees eers hierdie riglyne:

• Bydraes moet in Afrikaans wees, en jou resep moet 'n naam hê • Resepte kan tradisioneel of nuut wees, maar pas ou gunstelinge aan met plaaslike bestanddele. • Stuur saam met die resep 'n foto van die gereg wat jy gemaak het (Nie te naby sodat die foto uit fokus is nie; neem asb ‘n

paar uit verskillende hoeke en van verskillende afstande en stuur almal na my om uit te kies.) • Verskaf ‘n kort beskrywing van waarom dit vir jou spesiaal is, of enige ander agtergrond wat sin maak (baie kort) • Stuur jou bydrae vanaf Brokkies se webwerf by www.brokkies.net Gebruik die skakel 'Bydraes'.

Aus-Brokkies – Afrikaanse Doer-Onder e-nuusbrief 25 Desember 2016

Vir nuwe lesers: So lyk en werk Aus-Brokkies…

Ter wille van die talle nuwe intekenaars wat sedert Aus-Brokkies se loodsing enkele maande gelede bygekom het, volg ‘n beknopte opsomming van wat toe geskryf is: Brokkies was vir bykans 15 jaar ‘n huishoudelike naam onder Suid-Afrikaanse en Namibiese immigrante in Nieu-Seeland, en onlangs is sy eweknie in Australië gebore. Na lang voorberei-ding het Brokkies in twee nuusblaaie vertak: Kiwi-Brokkies en hierdie Aus-Brokkies. Lees Brokkies se geskiedenis. Die advertensie-afdeling het al ‘n goeie klompie adverteerders bygekry, maar daar is nog baie oop spasies. Mense wat kleinsake in Australië bedryf en wat graag die openingsaanbod van GRATIS advertering wil benut, kan op die Bokkies-webwerf gaan lees hoe advertering werk en voorbeelde van advertensies sien. Bemark jou gemeenskapsgeleentheid Aus-Brokkies bied die geleentheid om jou kerk- of gemeenskapsaak se spesiale geleenthede in meer diepte bekend te stel en dit versterk jou promosies op Facebook. Afrikaanse kerke kan hul gereelde dienste GRATIS adverteer. Kyk ‘Afrikaanse Kerkdienste’ elders. Afrikaanse radiostasies, taalklasse en sosiale geleenthede soos potjiekos, braaivleise en musiekaande kan ook gratis geadverteer word. Ook ‘Aussie-gerigte’ geleenthede waarby SA immigrante betrokke is. Aus-Brokkies benodig jou stories of storiewenke! Watter soort stories word benodig? Mense se prestasies, interessante stokperdjies, belangstelling, aktiwiteite, of hul eie skryfwerk is goeie materiaal. Dit kan gaan oor mense se deelname op werk-, studie-, sport-, kultuur-, sake- of sosiale gebied. As jy voel jy skryf nie te lekker nie, gee net die inligting deur en ons doen die res! Lees net eers ons riglyne vir plasing van artikels by www.brokkies.net/bydraes.

Land van verskeidenheid

Aus-Brokkies – Afrikaanse Doer-Onder e-nuusbrief 25 Desember 2016

Vertel ons van mense se prestasies of belangstellings Ken jy ‘n mede-immigrant vanuit SA of Namibië wat ‘n prestasie behaal het of ‘n interessante werk, belangstelling of stokperdjie het? Of dalk het hulle iets baie interessant beleef. Onthou, Aus-Brokkies soek altyd sulke stories om gereeld sy Afrikaanse lekker met almal te deel. Jy kan help deur stories self te skryf; ons sal dit redigeer indien nodig. Of, jy kan net die agtergrond deurgee met die persoon se kontakinligting sodat ek dit met hulle kan opneem. Kyk by www.brokkies.net hoe dit werk by 'Bydraes'.

Gee jy jou Brokkies aan vir iemand? Hier’s ‘n spesiale versoek aan alle intekenaars... Talle lesers van die vorige Brokkies het hul kopie van die e-pos wat Brokkies se jongste uitgawe bekend stel, aan familie en vriende elders aangestuur. Dit is goed dat hierdie proesel Afrikaans so versprei word, maar mense kan ons baie help om ‘n beter gevoel te kry vir die werklike aantal lesers wat Brokkies weekliks bykry. Daar is derduisende gesinne wat op Kiwi-Brokkies ingeteken is en Aus-Brokkies se adreslys groei reeds sterk. Daar is ook talle ander, ook buite Australasië, wat dit onregstreeks ontvang. Hiermee ‘n versoek dat jy liewer hierdie skakel aan hulle stuur sodat hulle self kan inskryf.

Kom gesels saam op Facebook in Afrikaans Het jy al op Facebook die onlangs hernude groep ‘Afrikaans in Australia’ raakgeloop? Indien nie, maak gerus daar ‘n draai en gesels lekker met ander lede. Nooi ook jou vriende uit om by die groep aan te sluit.

Besoek ‘Afrikaans in Australia’ op Facebook

Die Brokkies-webwerf bied alles wat jy nodig het Of jy wil inteken op Aus-Brokkies, vir die redakteur wil skryf, stories wil aanbied,‘n advertensie wil bestel of hernu, of jou adres wil verander - alles word deur die Brokkies-webwerf gedoen. Alle uitgawes van Brokkies word op die webwerf gehuisves vir mense wat iets soek wat in ‘n vorige uitgawe verskyn het.

Besoek Brokkies se Facebook-bladsy Brokkies het sy eie Facebook-bladsy. Die adres is https://www.facebook.com/Brokkies.Net Help ons asseblief deur die nuwe webwerf se skakel (www.brokkies.net) aan vriende en familie te stuur. Onthou om te ‘like’ as jy dit ‘like’!

Kommunikeer so met Aus-Brokkies Vir Advertensie-riglyne, om 'n brief of ander bydrae in te stuur, om iemand in te teken of jou adres te verander, besoek www.brokkies.net. Die webwerf bevat skakels waardeur al bogenoemde funksies verrig kan word. Om op te hou om Aus-Brokkies te ontvang, besoek http://brokkies.net/skryf-in en versoek dat jou e-posadres verwyder word. Aanspreeklikheid en Regte (Lees volledige Gebruiksvoorwaardes en Privaatheidsbeleid by brokkies.net - heel onder aan tuisblad) • Die redakteur van Aus-Brokkies aanvaar nie aanspreeklikheid vir die korrektheid, wettigheid of algemeen aanvaarbaarheid van enige nuus-of

algemene item nie. Dieselfde geld ook vir enige geplaasde advertensie of advertensie-artikel se inhoud of die belofte van ‘n produk of diens se gehalte wat in advertensies vermeld word. Enige probleme met advertensies se inhoud, dienslewering of produkgehalte moet regstreeks met die adverteerder opgeneem word, en die redakteur raak nie by daardie proses betrokke nie.

• Die redakteur behou die reg voor om enige voorgelegde bydrae (nuus of advertensie) van die hand te wys en nie te publiseer nie, sonder verstrekking van redes. Dit sluit in die reg om te enige tyd korrespondensie oor diesulke situasies eensydig te beeïndig.

Aus-Brokkies – Afrikaanse Doer-Onder e-nuusbrief 25 Desember 2016

Gemeenskapsadvertensies

Terug na bo...

1. Afrikaans Sonder Grense (ASG) – Vars uit Australië!

Afrikaans Sonder Grense (ASG) is 'n 2 uur lange Afrikaanse musiek radioprogram wat weekliks lewendig uitgesaai word uit Bundaberg, Queensland in Australie. Wanneer : Elke Donderdag 6-8 nm (Queensland-tyd) Waar: Via Internet by www.coralcoastradio.net.au en op radio in en om Bundaberg op 94.7 Fm.

Hoofsaaklik Afrikaanse musiek vir jonk en oud, nuusgebeure, humor en onderhoude met besoekende kunstenaars. Van tyd tot tyd kry ons interessante Suid Afrikaners wat vir ons kom kuier in die ateljee. 'Like' ons op Facebook by Afrikaans Sonder Grense met Rochelle en word so deel van ons Afrikaanse musiekfamilie in Australië. As jy jou e-pos met ons deel, ontvang jy altyd 'n briefie van wat in die program gaan gebeur. Skryf vir Rochelle by rochelle.radio@yahoo.com.au Die e-pos in die ateljee tydens ASG is: requests@coralcoastradio.net.au (stuur ons jou versoeke!) 2. australia.gov.au webwerf vir al jou inligtingsbehoeftes Australië se regering het 'n baie bruikbare inligtingswebwerf genaamd australia.gov.au. Dit vat al die staatsdepartemente se inligting vir die publiek in een webwerf saam. Hoewel jy 'n soektog deur die soekfunksie kan doen, word die volgende temas aangebied waaronder 'n mens na inligting kan soek: • Voordele en betalings • Omgewing • IT en Kommunikasie • Openbare veiligheid en die Reg • Besigheid en Industrie • Familie en Gemeenskap

• Werk en Werkplek • Sekuriteit en Verdediging • Kultuur en Kuns • Gesondheid • Geld en Belasting • Vervoer en Streke

• Opvoeding en Opleiding • Immigrasie en Visas • Paspoorte en Reis • A-Z van regeringsdienste Besoek australia.gov.au

Wil jy in Gemeenskapsadvertensies adverteer? Hierdie spasie is hoofsaaklik bedoel vir Suid-Afrikaners in Australië wat hul steungroepe, sosiale groepe, klubs of Afrikaanse kerke se spesiale geleenthede wil adverteer of bevorder. Of die funksie of projek op mede-immigrante gerig is, of ook op die breër Aussie-gemeenskap, maak nie saak nie. Solank daar ‘n Suid-Afrikaanse konneksie is (bv omdat ‘n SAner dit vir ‘n breër gemeenskapsgroep reël, of omdat dit op SAners gemik is) kan advertensies hier geplaas word. Dit is GRATIS om hier te adverteer. Al wat benodig word, is die Wat (paragraaf of twee), Wanneer, Waar, Koste, Kontakbesonderhede. Besoek www.brokkies.net/adverteer

Kleinadvertensies (Persoonlik)

Terug na bo...

1. Midweek time of fellowship – Perth Kerksku?! Many ex Southern Africans do not go to church on a Sunday for whatever reason. Dolores and I are opening our home in Perth on Tuesday evenings for bible study, discipleship, prayer, maybe a song or two and Fellowship. Two great reasons to attend: Its free and we know what 'lekker' means. See you soon! Please contact Giulio di Somma of Alkimos Lifegroup. Tel. +61 414 344 632 / +61 450 460 623 or email disomma15@gmail.com Wil jy jou motor of kajak verkoop, ‘n ou meubelstuk verkwansel, boeke weggee, of benodig jy ‘n geleentheid om ‘n paar items in iemand anders se vraghouer vanuit Suid-Afrika na Australië te laat kom? Dit is maar enkele voorbeelde van die soort advertensie wat vir bostaande Persoonlik adertensie-kategorie bedoel is. Of verras almal met iets interessant! Daar is tans gratis advertensieruimte beskikbaar; benut die geleentheid – Lees meer by www.brokkies.net/adverteer

Aus-Brokkies – Afrikaanse Doer-Onder e-nuusbrief 25 Desember 2016

Kleinadvertensies (Besigheid)

Terug na bo...

Klik op die besigheidstipe van jou keuse:

Algemeen Eiendomme te huur of te koop Professionele dienste Versekering Akkommodasie / Tydelike verblyf Finansiële dienste Rekenaardienste SA-produkte Ambagsmanne / Kontrakteurs Motors Skoonheid & Gesondheid

Algemeen

Terug na besigheidstipes...

1. ONStv bring die beste Afrikaanse flieks na teaters in Australië en jou woonkamer Besoek www.onstv.net en sien waar die fliek gaan wys asook die ander tuisvermaak wat NOU beskikbaar is om te huur/te koop. 'LIKE' ons Facebookblad www.facebook.com/ONStv en bly op die hoogte van die nuutste verwikkelinge. 2. Frendz Art & Craft Supplies and Café in Clarkson,WA Besoek ons vir al jou Art en Craft produkte onder een dak. Klasse in pewter, mosaïek, “scrapbooking” kaartjies, kalligrafie, olie/ water/ pastel/ akriliese verf. Ook klasse vir kinders in craft, pastel/water/akriliese verf, teken en klei. Kinderpartytjies ook aangebied. Skakel Wilna 0894078860. Epos: frendz@frendz.com.au. Webwerf: www.frendz.com.au 3. ‘Fingerboards R’us maak ou herinneringe weer werklikheid Vingerbord ... Vingerbakatel ... Flicker-bord ☆ Uitmuntende kwaliteitborde en diens ☆ Kan jy nog onthou? Het jy goeie kinderdae-herinneringe rondom die gesins-gunsteling? Jy kan een by jou deur afgelewer kry; bel nou vir ‘n kwotasie! Puik vir interaksie tussen oud en jonk! Hoor weer jou gesin lag en gesels rondom die gewilde spel! Kontak Zenobia Pretorius | 04 669 07699 | E-pos: info@fingerboardsrus.com.au | www.fingerboardgame.com 4. kykNET op ShowMax bring lekker Afrikaanse TV-programme binne jou bereik! Jy kan nou elke dag al die lekkerste Afrikaanse programme kyk al woon jy nie meer in SA nie. Teken in op kykNET Internasionaal op ShowMax teen net US$8.99 pm. Gaan na ShowMax.com vir ’n 7-dae gratis proeflopie. 5. Eksklusiewe Juwele! Ontwerp en vervaardig volgens jou smaak Ons ontwerp en vervaardig bekostigbare, eksklusiewe juwele soos verloof- en trouringe, oorbelle, hangertjies, armbande en mansjuwele. Ons ontwerp dit volgens jou persoonlike smaak en voorkeur. Kontak ons vandag vir 'n gratis konsultasie om jou behoeftes te bepaal. Liana Coetsee | liana@thediamondtree.com.au | www.thediamondtree.com.au | +61 04 280 75775 6. Geleentheid om groente te produseer By die Lifestyle Centre in Samford / Brisbane is daar 2.5 akker met waterregte beskikbaar vir die regte persoon teen minimale teenprestasie. Die ideale persoon moet belangstel in plaaslike voedselproduksie (‘local food growing’) met minimale tot geen gebruik van chemiese gifstowwe. ‘n Vraag na die produk bestaan reeds. Registreer jou belangstelling by izak@lifestyle.net.au 7. Strykwerk gedoen vir jou – Mindarie / Clarkson en omgewing Strykwerk gedoen in 'n rook- en dierevrye huis, in Mindarie, Clarkson en omgewing. Volwassenes se items: $2.00 per item Kinders (7-10 jaar): $1.50 per 2 items Kinders (0-6 jaar): $1.50 per 3 items Skooluniforms: $1.50 per uniform Ook beddegoed, tafeldoeke ens. Alle pryse beskikbaar op ons Facebook-bladsy Yolandi van der Merwe, Ironmate Ironing Services, tel 0452484677, e-posadres: yolvdmerwe@gmail.com

Aus-Brokkies – Afrikaanse Doer-Onder e-nuusbrief 25 Desember 2016

Akkommodasie / Tydelike verblyf

Terug na besigheidstipes...

Gratis advertensieruimte beskikbaar – Lees meer by www.brokkies.net/adverteer

Ambagsmense / Kontrakteurs

Terug na besigheidstipes...

Gratis advertensieruimte beskikbaar – Lees meer by www.brokkies.net/adverteer

Eiendomme te huur of te koop

Terug na besigheidstipes...

Gratis advertensieruimte beskikbaar – Lees meer by www.brokkies.net/adverteer

Finansiële dienste

Terug na besigheidstipes...

1. Omega Finance Brokers vir jou Huislening Ons maak seker jou huislening pas by jou omstandighede en spaar jou so duisende Dollars. Kontak Gideon vir gratis evaluering en diens by 0411 236 620 of gideon@omegafinancial.com.au Gideon Kirsten is a Credit Representative (#465060) of BLSSA Pty Ltd ACN 117 651 760 (Australian Credit License # 391237) 2. cashkows.com – Ons vir jóú Suid-Afrika Nes die Engelse gesegde, ‘I’ve got your back’, so help cashkows.com duisende Suid-Afrikaners om toegang te kry tot hul fondse wat nog in ‘n Suid-Afrikaanse polis of aftree-annuïteit lê. Klik hier vir professionele advies - ons maak die proses maklik en pynloos. ‘n Diens deur Suid-Afrikaners aan Suid-Afrikaners. 3. Is jy bekommerd oor jou geld wat nog in SA is? Rand Rescue is ‘n plaaslike maatskappy wat Suid Afrikaners voorsien van praktiese en koste-effektiewe maniere om hulle Rande te “Rescue”! Ons spesialiseer in geblokkeerde fondse soos uittree-annuïteite, pensioenfondse, aandele en erfgeld. Ons doen ook kontantoorplasings vanuit enige SA-handelsbank en kan jou help met jou SARS belasting uitklarings. Kontak Marlene: 02 9098 0380 / 0420 663 562 / www.randrescue.com

Motors

Terug na besigheidstipes...

Besit jy ‘n motorwerktuigkundige besigheid? Hierdie ruimte is GRATIS beskikbaar. Meer by www.brokkies.net/adverteer

Professionele dienste

Terug na besigheidstipes...

1. Oorweeg jy om na Nieu-Seeland te verhuis? Indien jy oorweeg om Australië vir Nieu-Seeland te verruil, kontak ons gerus vir bystand en advies. Ons netwerk kom een keer per maand in Auckland bymekaar om nuwe immigrante by te staan met advies en netwerkgeleenthede. Besoek ons webtuiste by www.networkfinancialservices.co.nz of kontak Eugene by euegene@networkfinancialservices.co.nz of +64 22 276 0082

Aus-Brokkies – Afrikaanse Doer-Onder e-nuusbrief 25 Desember 2016

2. Leiding met Loopbaan-, Studie- en Vakkeuses Potential Profiling help jou kind ‘n loopbaan kies wat sy/haar brein se natuurlike denkvoorkeure pas. Verhoed teleurstelling, frustrasie, tydmors, demotivering, konflik, onderprestasie en studieskuld-las eie aan verkeerde beroepskeuses. Vir ‘n unieke loopbaanleidings-diens, skryf vir Martin Hefer by cmgt22@gmail.com 3. Regsadvies vir Suid-Afrikaanse Aussies – MiGrate Lawyers Met kantore in beide Suid-Afrika en Australië, en Afrikaanssprekende prokureurs wat steeds in beide lande op die rol is, kan ons help met alles van huiskoop (in Queensland), visas, boedelbeplanning, oprigting van maatskappye en trusts en testamente wat oor beide jurisdiksies sal strek - veral as jy nog belange in Suid-Afrika het. Alex Pretorius | Tel 07 4154 5500 | E-pos: alexpretorius@migratelawyers.com | Web: www.migratelawyers.com Tipiese adverteerders in bogaande seksie sluit ook in prokureurs, dokters, tandartse, immigrasie-adviseurs, ens. Jy kan tans gratis adverteer. Besoek www.brokkies.net vir meer inligting.

Rekenaardienste

Terug na besigheidstipes...

Of jy rekenaars herstel, bou of verkoop – of dienste soos programmering of webontwerp doen, hierdie afdeling is vir jou. Jy kan tans gratis in hierdie advertensieruimte adverteer met geen verpligting later nie. Kyk www.brokkies.net/adverteer

Skoonheid & Gesondheid

Terug na besigheidstipes...

1. SOLAL* nou in Australië beskikbaar! SOLAL is ‘n uitgebreide verskeidenheid van gesondheid- en welstandprodukte met innoverende en doeltreffende voedingsaanvullings wat geformuleer is om jou te help om die onderliggende oorsake van gesondheidsprobleme meer natuurlik aan te spreek. Kontak ons per epos by info@theskinworx.com of KOOP AANLYN by www.theskinworx.com

Versekering

Terug na besigheidstipes...

1. Is jy nuut in Australië? Ons help nuwe immigrante oor die laaste 15 jaar met hulle:

• Lewensversekering • Pensioenfondse (Superannuation) • Aftreebeplanning

Kontak ons vir vriendelike en professionele dienste. Marius De Lange | Nautilus Financial Planning | Tel 04 025 77 374 | E-pos riskreview@gmail.com

SA-produkte

Terug na besigheidstipes...

1. Spaza | Ons bring Suid-Afrika na JOU! Kry 'n stukkie van Suid-Afrika by Spaza. Ons bring die nuutste Suid-Afrikaanse musiek-CD's, DVD's, films en boeke na jou. Ons het ook 'n verskeidenheid mans- en vroueklere reekse beskikbaar van gewilde SA vervaardigers. Gesels met Jaco Ungerer van Spaza, by tel 04 289 64112 of 04 6857 1042, of e-pos hom by spazashopping@gmail.com Besoek ook Spaza se webwerf: www.spaza.com.au

Aus-Brokkies – Afrikaanse Doer-Onder e-nuusbrief 25 Desember 2016

2. Ausrika – Unieke SA-geskenke vir jou (In ons winkel OF aanlyn!) Ausrika verkoop unieke Suid-Afrikaanse geskenke en huishoudelike items, met die fokus op Afrikaanse sê-goed. Ons winkel is in Baldivis, Perth en ons het ook ‘n webwerf waar mense aanlyn kan koop. Ons pos gereeld produkte na kliënte regoor Australië. Ons voer gereeld nuwe produkte in vanaf Suid-Afrika, so mense is welkom om met ons te gesels indien hulle ‘n bestelling wil plaas vir iets spesifieks. Jean-Marie van Niekerk | Tel: 042 047 3559 | E-pos: ausrika@simplybusi.com.au Webwerf: www.ausrika.com.au | Adres: 14 Jutland Ave, Baldivis, Perth

Werksgeleenthede

Terug na bo...

Geleentheid om groente te produseer By die Lifestyle Centre in Samford / Brisbane is daar 2.5 akker met waterregte beskikbaar vir die regte persoon teen minimale teenprestasie. Die ideale persoon moet belangstel in plaaslike voedselproduksie (‘local food growing’) met minimale tot geen gebruik van chemiese gifstowwe. ‘n Vraag na die produk bestaan reeds. Registreer jou belangstelling by izak@lifestyle.net.au _______________________________________________________________________________________________

Hierdie ruimte is beskikbaar vir advertensies van vakatures; en in die meeste gevalle word hulle GRATIS geplaas om ons immigrantegemeenskap te ondersteun. Doen navraag by die redakteur by www.brokkies.net deur die skakel 'Kontak' en hy sal meer riglyne verskaf.

________________________________________________________________________________________________

Afrikaanse kerkdienste Terug na bo...

Afrikaanse kerkdienste in Australië Terug na bo... 1. BUNBURY – Gereformeerde Evangeliese Kerk Eredienste elke Sondag om 9vm in Afrikaans. Adres: RSL Saal, 19 Spencer straat, Bunbury. Kontak ds Gawie Cloete by 0420481965 of 08-97951125 vir meer inligting. 2. PERTH - Eredienste in Suide van Perth op 3 plekke: Deo Gloria Community Church Afrikaanse diens in Leeming Ons het elke Sondag om 9vm ’n diens in Afrikaans by Livingston Seventh Day Adventist Church, Nicholson Rd, Canning Vale, waar ds Gerhard Bredenkamp die voltydse leraar is. Daar is ook in een van die ander lokale ‘n erediens vir Engelssprekendes om 9vm elke Sondag. Ds Dirk de Swardt bied die dienste aan. Dirk is ook die voltydse leraar vir ons hoërskooljeug en jong werkendes. Afrikaanse diens in Secret Harbour Terselfdertyd vergader ons elke Sondag om 9vm ook in Afrikaans te Secret Harbour Community Centre, Oasis Drive, Secret Harbour, waar ds Peet Grobbelaar die voltydse leraar is. Engelse diens in Mandurah Vir Suid-Afrikaners en ander Engelssprekendes wat dalk in Engels bedien wil word, het ons ’n gemeente in Mandurah, wat op Sondag om 9.30vm te Foundation Christian College, Multi-Purpose Hall Valentine Drive, Greenfields bymekaarkom. Ds Johan de Swardt is die voltydse leraar. Besoek ons webwerf by www.deogloria.org.au of volg ons direkte uitsendings by http://deogloria.sermon.net/main

Aus-Brokkies – Afrikaanse Doer-Onder e-nuusbrief 25 Desember 2016

Kontak ds Peet by 0415 680 930, ds Gerhard by 0450 467 557 of ds Johan by 0417 981 614 of ds Dirk by 0481 331 138 veral vir jeug-verwante aangeleenthede. 3. WES-AUSTRALIë – Eredienste op die PLATTELAND van WA: Outreach WA in

samewerking met die Gereformeerde Evangeliese Kerk van Australië Eredienste word gereeld op rotasiebasis in Afrikaans gehou by die volgende dorpe: Esperance, Albany, Katanning, Brookton, Northam en Hyden. Daar word gewoonlik na die diens saam ge-eet en gekuier. Vir meer inligting en ook vir die reël van ‘n pastorale besoek, kontak ds Gawie van der Merwe (woonagtig in Perth) op selfoon 0415846599 of e-pos na ds.gawie@parc.org.au 4. WES-AUSTRALIë - Eredienste op Geraldton: Living Word (GEKA) Elke Sondag om 9vm in die SDA Kerk, 8 Milford Street, Geraldton. Die leraar is dr Tienie Bekker. Na die diens word daar lekker saamgekuier oor ‘n koppie koffie/tee. (Indien daar Engelse mense in die erediens is dan vind die diens in Engels plaas.) Skakel Tienie by 0458 976 007 of e-pos na leraar@bigpond.comvir meer inligting of besoek ons webwerf: http://www.livingwordgeraldton.com.au/ 5. PERTH - Eredienste met Geloofsonderrig: Drie bedieningspunte - Lux Mundi-gemeente Clarkson Om 9:30vm in die Sewende Dag Adventiste kerkgebou op hoek van Marmion Ave en Renshaw Blvd, Clarkson. Elke eerste Sondag van die maand is dit ‘n Engelse erediens maar al die ander Sondae van die maand word daar gelyklopend ‘n Afrikaanse sowel as ‘n Engelse erediens in twee verskillende lokale aangebied. Kontakpersoon is Ds Manie Strydom by tel 0487768936 of e-pos manie@luxmundi.org.au Ellenbrook Afrikaanse eredienste elke Sondag om 9:30vm Engelse eredienste elke eerste en derde Sondag van die maand, ook om 9:30vm Adres: Ellenbrook Christian College te 5 Santona Blvd, Ellenbrook. Kontak Ds James Walters by tel 0424824897 of e-pos james@luxmundi.org.au vir meer inligting. North Beach Om 9vm in die Sewende Dag Adventiste kerkgebou te Wendling rd, North Beach. Elke Sondag is daar ‘n Afrikaanse erediens. Kontakpersoon is Ds Manie Strydom by tel 0487768936 of e-pos manie@luxmundi.org.au

Landswye dagboek

Terug na bo...

Dagboek: Melbourne Besoek http://www.eventfinda.com.au/whatson/events/melbourne-inner-city vir aktiwiteite. Dagboek: PERTH Besoek http://www.eventfinda.com.au/whatson/events/perth vir aktiwiteite. Dagboek: Sydney Besoek http://www.sydney.com/nz/events vir aktiwiteite. Dagboek: Canberra Besoek http://www.eventfinda.com.au/whatson/events/canberra vir aktiwiteite. Dagboek: Brisbane Besoek http://www.queensland.com/en-AU vir aktiwiteite. Dagboek: Adelaide Besoek http://goo.gl/SkxjJ7 vir aktiwiteite. Laat weet maar van ander stede of dorpe se ‘event’ inligting, by www.brokkies.net

Aus-Brokkies – Afrikaanse Doer-Onder e-nuusbrief 25 Desember 2016

Riglyne vir adverteerders

Terug na bo...

Lees Aus-Brokkies se advertensieriglyne by www.brokkies.net/adverteer,

Kanselleer intekening / UNSUBSCRIBE

Terug na bo...

Om Aus-Brokkies te kanselleer, doen dit by http://brokkies.net/skryf-in of doen dit vanuit jou weeklikse subskripsie e-pos. To unsubscribe email brokkies@afrikaansnz.net with subject ‘Unsubscribe'. Provide your old email address in the body.