algemene jaarverslag 2016/17 - badisa tygerberg · gevalle waar ons dringende veilige versorging...
TRANSCRIPT
Algemene Jaarverslag Algemene Jaarverslag
2016/172016/17
Visie:
Aksie vandag vir ’n beter more!
Missie:
Badisa Tygerberg is ’n dinamiese organisasie met ’n
Christelike grondslag.
Ons streef daarna om deur omvattende
gemeenskapsgebaseerde programme en in
samewerking met vennote, mense met maatskaplike
behoeftes in staat te stel om selfstandig
te funksioneer.
Voorwoord:
Deur Waarnemende Voorsitter,
“Daar is altyd hoop…”
’n Paar jaar gelede het ek en my vrou
Marié aansoek gedoen vir visums om
in die buiteland te gaan woon en
werk.
Haar visum is enkele dae voor ons
vertrek afgekeur. Dit was ’n enorme
krisis. Ons moes van vooraf aansoek
doen. Die groot vraag was: sou hulle
hierdie keer haar aansoek goedkeur?
En indien wel, sou dit betyds hier in
die Kaap aankom?
Een van die amptenare wat die
aansoeke hanteer was bewus van
ons angs en spanning. Sy kalm
kommentaar was: “There is always hope…”
Badisa Tygerberg word teen
die agtergrond van hierdie
belydenis bedryf:
“DAAR IS ALTYD HOOP…”
Eintlik is dit ’n getuienis van
geloof en vertroue. Want
geloof so sê die Bybel is ’n
vaste vertroue op die dinge
wat ons hoop.
En dit is wat die afgelope jaar
gebeur het.
Badisa Tygerberg het ten
spyte van groot uitdagings
op sowel administratiewe as
finansiële gebied daarin
geslaag om al sy verant-
woordelikhede ten opsigte
van kinderbeskermingsdienste
na te kom.
Ek haal graag die terugvoer van ons Kantoorhoof,
Thys De Coning aan:
Die Departement Maatskaplike Ontwikkeling het gedurende
September 2016 ’n volledige monitering en evaluering gedoen,
en ons het met trots kennis geneem van die gevolgtrekking wat
in die moniteringsverslag gemaak is:
‘‘It can be concluded that Badisa Tygerberg renders services of
good quality within a service delivery area characterised by
gang related activities, substance abuse, violence
and poverty.’’
Dit kon alleenlik bereik word met die samewerking van ’n span
personeellede wat passievol hulself tot dienslewering aan jong
kinders en hul gesinne wat erge nood ervaar verbind.”
Die nuut saamgestelde Beheerraad het onlangs gekonstitueer.
Die primêre taak van dié nuwe bestuurspan sal wees om die
standaard van Badisa Tygerberg as kinderbeskermingsprogram
vir die groter Parow gebied te handhaaf en op ’n volhoubare
vlak te bestuur.
Ons wil elke vrywilliger en donateur vir hul onmisbare bydraes
en getroue ondersteuning opreg bedank.
Baie dankie vir u betrokkenheid en vir die subsidies wat ons van
u ontvang het.
Dit het ons bemagtig om soveel meer kinders en hulp-
behoewende gesinne by te staan. Ons sien met groot
opgewondenheid uit na die nuwe termyn wat voorlê.
Ons het volle vertroue in die kapasiteit van die nuwe Beheerraad.
Ons is ook dankbaar vir elkeen wat hulle gewig
onvoorwaardelik ingooi om die Badisa Tygerberg-wa deur die
drif te trek. Die hoop waarmee ons ons taak verrig sal ons nie
beskaam nie. Ons glo dat die God wat ons tot hierdie uitdagende
diens geroep het getrou sal bly en nooit die werk van Sy hande
sal laat vaar nie.
Dr Andrie Kilian
Waarnemende Voorsitter
BEDIENINGSGEBIED
Badisa Tygerberg lewer kinderbeskermingsdienste aan die
volgende gemeenskappe:
Parow
Parow Vallei
Uitsig
Ravensmead
Cravenby
Eureka
Connaught
DIENSLEWERING
Badisa Tygerberg lewer omvattende
kinderbeskermingsdienste aan individue, gesinne, groepe
en gemeenskappe.
Hierdie dienslewering geskied op
vier vlakke, naamlik:
Voorkoming
Vroeë Intervensie
Statutêre Dienste
Herintegrasie
VOORKOMINGS- EN BEWUSMAKINGSPROGRAMME
Met die toenemende voorkoms van klein kinders wat aan
ernstige kinderverwaarlosing, mishandeling en seksuele
molestering blootgestel word, is dit vir ons belangrik dat jong
kinders oor genoegsame kennis en vaardighede beskik om hulself
in gevaarlike situasies te kan beskerm.
Bewusmakingsprogramme is deurlopend in samewerking met die
Laerskole in ons bedieningsgebied aangebied, met die fokus op
die voorkoming van kindermishandeling en gepaardgaande regte
en verantwoordelikhede.
Bewusmakingsprogramme is by die volgende skole aangebied:
Uitsig Primêre Skool 138
Eurecon Primêre Skool 189
Northway Primêre Skool 65
Wepener Primêre Skool 178
LEWENSVAARDIGHEDE
Graad 7 leerders word by hierdie
sessies betrek om hulle te bemagtig
om verantwoordelike besluite te kan
neem en tot selfstandige optrede te
begelei.
Hierdie programme word in
samewerking met ’n vrywilliger
aangebied om die tieners te help om
meer selfhandhawend te kan optree.
456 leerders het by die
lewensvaardigheidsessies, wat by
die volgende skole aangebied is,
ingeskakel:
Northway Primêre Skool
Eurecon Primêre Skool
Ons opregte waardering aan Carol
Green wat so getrou haar dienste
vrywillig aanbied met die aanbieding
van hierdie sessies by ons skole.
BREAD FOR MY BUDDY PROJEK
In samewerking met die personeel, ouers
en leerders van Parow-Oos Laerskool
word daar weekliks broodjies voorsien wat
dan aan skole in mindergegoede
gemeenskappe versprei word.
Vier skole in Ravensmead en drie skole in
Uitsig vind by hierdie projek baat.
BOKSIE VIR BUKSIES PROJEK
Met die toenemende dwelmmisbruik wat ontoereikende
ouerskap tot gevolg het, gebeur dit dikwels dat jong kleuters
nie voldoende gestimuleer word om hul skool gereedheids-
potensiaal ten volle te bereik nie.
Om hierdie probleem aan te spreek, word dagmoeders in die
gemeenskap opgelei om voltyds tuis speelgroepies, waarby
kleuters vanuit die gemeenskap kan inskakel, te bestuur.
Hierdie dagmoeders word deur Badisa opgelei en van die
nodige opvoedkundige hulpmiddele voorsien ten einde dan
hierdie kleuters deur opvoedkundige spel te stimuleer en te
ontwikkel, met die doel om hul skoolgereedheidsvlakke te
verbeter.
Sewe dagmoeders is so opgelei en bestuur elk ’n speel-
groepie vanuit hul woning. Badisa bied die opleiding aan en
moniteer deurlopend die gehalte van programme wat
aangebied word. 42 kinders is voltyds by hierdie projek in-
geskakel.
Die kinders word ook daagliks van ’n voedsame maaltyd
voorsien.
Ons opregte waardering aan die Nuwe Apostoliese
Gemeente in Goodwood vir die donasies van voedsel wat
vir hierdie speelgroepies geskenk is.
KLEREPROJEK
Kleredonasies wat ontvang word, word aan gesinne in nood en
bejaardes in Ravensmead voorsien.
Hierdie projek het ook ’n entrepreneurskapontwikkelings-
komponent waar werklose moeders begelei word om hul eie
klein ondernemings te bedryf deur die koop en verkoop van
klere. Fondse word dan genereer om hul gesinne selfstandig te
kan onderhou.
“Ons hartlike dank aan al ons donateurs wat getrou
vir ons klere skenk om in hierdie behoefte
te kan voorsien.”
Aan al die vrywilligers betrokke by hierdie projek, ons
opregte waardering. Dankie aan Esmé Brink en haar span
personeellede van EB Consulting wat soveel ure vrywillige
diens gelewer het by ons kantoor om ons te help met die
organisering van ons noodklerekamer.
Hierdie gebaar het ons personeel se hande versterk en
verseker dat babas en kinders dringend met die
noodsaaklikste benodighede voor plasing by
veiligheidsouers toegerus kan word.
VROËE INTERVENSIE
Ten spyte van Suid Afrika se
gesofistikeerde regsstelsel en
wette wat geweld teen vroue en
kinders aanspreek, bied dit
steeds nie aan vroue en kinders
voldoende beskerming nie.
Dit is baie ontstellend om te
sien dat daar, na drie en twintig
jaar van demokrasie in Suid-
Afrika, steeds soveel geweld
teen vroue en kinders in ons
samelewing is. Alhoewel daar
sterk en moedige oproepe is vir
vroue en kinders se regte van
menige menseregtegroepe,
kinderbeskermingsorganisasies
en individue wat toegewyd is
aan die bemagtiging van vroue
en kinders, is daar steeds vroue
wat bang is en swyg oor die
misbruik.
Kindermishandeling vind
dikwels plaas in gesinne waar
daar 'n kombinasie van
risikofaktore is. Mishandeling en
verwaarlosing kom die meeste
in gesinne voor wat onder druk
verkeer as gevolg van sommige
of al dié volgende faktore:
Armoede
Gebrek aan onderwys
Ernstige huweliksprobleme
Gereelde veranderinge van
adresse
Geweld tussen familielede
en bendegeweld
Gebrek aan ondersteuning
van die uitgebreide familie
Eensaamheid en sosiale
isolasie
Werkloosheid
Onvoldoende behuising
Dwelm misbruik
Gesinne word by die
aanmeldings-beampte
vir risiko assessering en sifting
aangemeld. Daarna word dit na
die Vroeë Intervensie span
verwys om kinderbeskerming
dienste te lewer.
Kinderbeskerming het ten doel
om seker te maak dat ons
kinders veilig is en dat daar aan
hul fisiese, emosionele,
geestelike, ekonomiese,
sosiale en kulturele behoeftes
voldoen word.
Dit gaan dus oor die
bevordering van die
gesondheid en welsyn van
kinders en jongmense deur
hulle te help om in ’n veilige
en ondersteunende
omgewing groot te word.
Die meeste gesinne waarmee gewerk word, trotseer
multi-probleem omstandighede.
In die afgelope boekjaar is daar onder andere dienste gelewer
aan kinders t.o.v. die volgende problematiek:
Mishandelde kinders 108
Verwaarloosde kinders 291
Seksueel gemolesteerde 77
kinders
Verlate kinders 64
Weeskinders 65
Tienerswangerskappe 18
Gedragsmoeilike tieners 155
Slagoffers van geweld 40
Dwelmafhanklikheid onder 84
jeugdiges
Kindermishandeling, seksuele
en huishoudelike geweld is van
die mees vernietigende
ervarings waaronder vroue en
kinders ly. Die wye voorkoms
van hierdie tipe geweld eis ’n
enorme tol op die lewens van
individuele slagoffers sowel as
die wyer samelewing, deur
ontelbare gedrags-,
gesondheids-, sielkundige en
ekonomiese gevolge.
Daar is ook sterk bewyse dat
daar ’n ooreenkoms tussen
kindergeweld en volwasse
gesondheidsversteurings en
substansmisbruik bestaan.
Hierdie is dan ook een van
die oorheersende uitdagings
waarmee die gemeenskappe
te kampe het in die
gemeenskappe wat deur
Badisa Tygerberg bedien word.
Ons wil graag al ons veiligheidsouers bedank wat in
gevalle waar ons dringende veilige versorging benodig
vir kinders, hul harte oopmaak en hierdie kinders nie
net veilige huisvesting bied nie, maar met liefde, begrip
en deernis hanteer op hul pad na ‘n beter toekoms.
STATUTÊRE DIENSTE
Die Statutêre span by Badisa Tygerberg bestaan uit vyf
maatskaplike werkers en een hulp maatskaplike werker.
Die span lewer pleegsorgtoesigdienste aan die pleeggesinne
asook gesinsherenigingsdienste aan die biologiese ouers.
In die afgelope jaar is daar aan 554 pleegkinders en
193 gesinsherenigingsake dienste gelewer.
By gesinsherenigingsdienste het 5 biologiese ouers
gerehabiliteer. Die moontlikheid van terugplasing by hierdie
ouers kan nou ondersoek word.
Daar is 13 kinders hierdie jaar herstel in ouerlike sorg.
Die Pearson Institute het die afgelope jaar weer van hul
nagraadse studente beskikbaar gestel. Sodoende kon 18
pleegkinders suksesvol by terapetiese behandeling inskakel.
Ons kon ook kinders vir traumaberading, mediese behandeling
of rehabilitasie programme verwys.
Bendebedrywighede het in die gemeenskappe waar daar
dienste gelewer word toegeneem.
Kinders in hierdie gemeenskappe sukkel om bo hulle
omstandighede uit te styg en raak dikwels ook by
bendegeweld betrokke. Die ouderdom van kinders wat
gedragsprobleme openbaar en nie deur pleegouers beheer
kan word nie, word al jonger.
Maatskaplike dienste word aan die gesinne gelewer om die
kinders by die nodige ontwikkelingsprogramme in te skakel.
Vakansieprogramme waarby jong kinders kan inskakel word
ook in samewerking met Stad Kaapstad aangebied.
Badisa Tygerberg is trots op gemeenskapslede
wat bo die omstandighede van bendegeweld,
middelmisbruik en armoede uitstyg.
Voorbeelde sluit die volgende in:
‘n 14-jarige seun wat twee goue medaljes by
’n danskompetisie verower het. Sy biologiese
moeder kon weens swak omstandighede nie
vir hom sorg nie en hy was gevolglik in
pleegsorg geplaas. Sy pleegmoeder is
oorlede en hy moes weer aanpas by nuwe
pleegouers. Steeds het hy presteer in sy
skoolwerk en uitgeblink in sy danstalent.
‘n 18-jarige moeder wat besluit het om haar
skoolloopbaan op te gee ten einde vir haar
kind te sorg en te kan voorsien.
‘n 12-jarige seun wat kies om fietse te herstel
om homself besig te hou en sakgeld te
verdien, eerder as om by verkeerde vriende
en bendebedrywighede betrokke te raak.
Daar is talle ander kinders en pleegouers wat bo
die druk van die samelewing uitstyg en baklei vir
iets beter.
Die Statutêre span by Badisa Tygerberg besef dat
die versorging van iemand anders se kind met
baie opofferings gepaard gaan. Dit verg baie
geduld, energie en omgee van die pleegouers om
te verseker dat die kinders veilig, goed versorg en
gelukkig is.
Ons wil ons waardering uitspreek vir elke
pleegouer wat hul hande uitsteek om ons met
hierdie groot taak te help.
VENNOTE IN
DIENSLEWERING
Departement Maatskaplike
Ontwikkeling
Badisa Bestuursprogram
Kinder- en Jeugsorgsentrums
Kerke in ons bedieningsgebied
Skole en voorskoolse
ontwikkelingsprogramme
Nie-winsgewende organisasies
Pearson Institute
Hospitale en klinieke
SAPD
Die personeel en beheerraad bedank alle donateurs, kerke,
vrywilligers, besighede, organisasies, netwerke, veiligheidsouers
en pleegouers van die program wat die afgelope jaar bydraes
tot ons projekte gelewer het en by dienslewering aan ons
kinders en hul gesinne betrokke was. Sonder hierdie hulp en
ondersteuning sou ons nie al ons doelwitte tot dienslewering
kon bereik nie.
Opregte dank aan Esmé
Brink en haar span by EB
Consulting wat ons behulp-
saam was met die verspreiding
van ons nuusbriewe en die
bestuur van ons webtuiste en
sosiale media platforms.
Badisa Tygerberg se
Facebookblad het reeds oor
die 5 000 volgelinge en groei
maandeliks.
Die verkeer na ons webtuiste
het ook aansienlik toegeneem.
Ons het verskeie donasies
ontvang as gevolg van
plasings op ons Facebookblad
en baie bewusmaking geskep
oor ons aktiwiteite.
Dit het ons ook in staat
gestel om ons databasis te
vermeerder ten einde meer
kontakte te bereik met ons
nuusbrief.
Besoek gerus ons webblad by www.badisatygerberg.org.za
BADISA TYGERBERG PERSONEEL
Ten spyte van die moeilike ekonomiese klimaat, het ons
personeel die afgelope jaar volhard en werklik daarna gestreef
om deur hul dienslewering die waardes van ons organisasie,
naamlik: Diensbaarheid, Uitnemendheid, Geregtigheid en
Rentmeesterskap, uit te leef. Ons het die jaar met geen vakante
poste afgesluit.
Maatskaplike Werkers
Cathy Bantom
Pauline de Villiers
Antoinette Ellis
Charmain Germishuys
Penny Sandler
Karin Vervaart
Gerda Visser
Anzette Traut
Michelle Victor
Annerie van der Made
Administratiewe Personeel
Dalene Kok
Maatskaplike Hulpwerker
Aa-isha Fredericks
Kantoorhulp
Daphne Rooy
Gemeenskapswerker
Ragel Boes
Bestuurder Maatskaplike
Dienste
Reneé Pretorius
Kantoorhoof
Thys de Coning
BEHEERRAAD VAN BADISA TYGERBERG
Badisa Tygerberg het ’n nuwe Beheerraad wat tydens Maart
2017 aangestel is. Ons sien uit daarna om in samewerking met
die beheerraad die gehalte van ons kinderbeskermingsdienste
te verbeter en te ontwikkel tot ’n volhoubare vlak.
Beheerraadslede
Dr Andrie Kilian is tans die Waarnemende Voorsitter en
verteenwoordig Parow Panorama NG Gemeente.
Pastoor Nadine van Wyk het ’n bediening in die
gemeenskap van Uitsig en dien op die Bemarkings- en
Fondswerwingskomitee van die Beheerraad.
Loretta Jantjies verteenwoordig die gemeenskap van
Parow Vallei en dien op die Finansiële Komitee van die
Beheerraad.
Kobus Janse van Rensburg dien op die Finansiële Komitee
van die Beheerraad en verteenwoordig Parow Panorama
NG Gemeente.
Hermanus Mouwers is die Skoolhoof van Uitsig Primêre
Skool en dien op die Menslike Hulpbronne Komitee van
die Beheerraad.
Pastoor Kobus Roelofse is betrokke by dienste aan jong
jeugoortredes en dien op die Batebestuurskomitee.
Ds Aybrey Marais is predikant by die VGK Gemeente in
Ravensmead. Hy dien op die Menslike Hulpbronne
Komitee.
FINANSIëLE STATE APRIL 2016 TOT MAART 2017
BADISA TYGERBERG
INKOMSTESTAAT VIR DIE JAAR GEËINDIG 31 MAART 2017
INKOMSTE 2017 2016
Rand % Rand %
Donasies en Bemakings R 113 340 4 R 99 723,00 4
Toekenning NLDTF R -
- R 7 970,00 0
NLDTF ongespandeerde gelde R - - R - -
Badisa Bestuursprogram
Bydrae R 89 144 3 R 68 629,00 3
Fondsinsameling R 56 051 2 R 47 468,00 2
Huur Ontvang R 200 0 R 50,00 0
Rente Ontvang R 18 224 1 R 22 150,00 1
Spesiale Programinkomste R 8 754 0 R 11 287,00 0
Toename in Markwaarde van
Aandele R - - R 831,00 0
Subsidie R2 308 868 84 R2 254 559,00 86
Versekeringseise Ontvang R 3 046 0 R - -
Wins met Verkoop van Bates R 18 490 1 R - -
BEDRYFSVERLIES VIR DIE
JAAR R 119 409 4 R 107 697,00 4
TOTALE BEDRYFSINKOMSTE R2 735 526 100 R2 620 364,00 100
UITGAWES 2017 2016
Rand % Rand %
Salarisse R2 157 023 79 R2 101 211,00 80
Vervoeruitgawes R 55 653 2 R 56 756,00 2
Kantooruitgawes R 216 048 8 R 183 246,00 7
Grond en Geboue R 21 632 1 R 6 826,00 0
Programuitgawes R 136 164 5 R 126 722,00 5
Spesiale Dienste R 130 658 5 R 134 051,00 5
Waardevermindering R 18 348 1 R 11 552,00 0
BEDRYFSOORSKOT VIR DIE
JAAR R - -
TOTALE BEDRYFSUITGAWES R2 735 526 100 R2 620 364,00 100
27 Picton Street | PO Box 65, Parow, 7500
Tel: 021 939 9120 | Fax: 086 590 9460
Web: www.badisatygerberg.org.za
Email: [email protected]
011-891 NPO