alamat ng alitap
TRANSCRIPT
ALAMAT NG ALITAP-TAP
Noong unang panahon, sa baryo ng Kuliglig ay may isang dalagang nag
ngangalang “Alitap”. Siya ay isang magandang dilag. Lahat ng nasa baryo ay
nabibighani sa kanyang ganda. Isang araw pumunta siya sa bukid upang puntahan ang
kanyang mga magulang. May dala siyang pagkain at tubig. Sa kanyang paglalakad
kitang-kita sa mga mata ng mga nakakakita sa kanya ang lubos na paghanga sa kanya.
madalas siya din ang laman ng usapan ng mga kalalakihan sa baryo. Nadatnan niya
ang mga magulang sa ilalim ng puno at namamahinga ang mga ito. Habang kumakain
sila na pagkwentuhan nila ng kanyang mga magulang ang tungkol sa buhay pag-ibig ng
kanilang anak. Dahil nasa tamang gulang na si Alitap. At dahil si Alitap ay isang
dalagang pihikan at walang maibigan sa kanilang baryo. Kahit na maraming nanliligaw
dito at halos gabi-gabing maraming dumarayo sa kanilang tahanan upang mangharana.
Ngunit sadyang hindi makapili ang dalaga. Isang araw na isip ng dalaga kung anu-ano
ang mga katangian na nanaisin niya sa isang lalaki. At naisip niyang hindi niya
kailangan ang lalaking gwapo at matipuno ang pangangatawan. Ang nais niya lang ay
makisig, mabait at handa siyang ipaglaban kahit anung mangyari.
Sa kabilang daku ng kabundikan may isang lalaking naninirahan sa bayan ng
Tutubi na nagngangalang “Tap”, isa siyang kagalang-galang at makisig na lalaki at
kilala siya sa kanilang baryo. At siya rin ang pinapantasya ng mga kababaihan sa
kanilang baryo. Siya ay anak ng mayamang tao sa “Tutubi” siya ay nasa wastong
gulang na din para mag-asawa. Iniisip na din ng kanyang ama kung anong gagawin
para ito’y makahanap ng kabiyak.
Naisip ng kanyang Ama’t Ina na ipakilala si Tap sa mga anak na babae ng
mayayamang pamilya. Dahil doon halos gabi-gabing may pumupuntang mayayamang
pamilya sa tahanan nila upang ipakilala ang anak nilang babae sa kanilang anak na si
“Tap”, ngunit wala alinman sa kanila ang nagustohan nito.
Sa itaas ng bundok ang paboritong lugar ni Tap. Kung dati ay halos araw-araw
kung siya ay magpunta doon, subali’t dahil sa gabi-gabing iba’t-ibang babae ang
pumupunta sa tahanan nila upang ipakilala sa kanya ng kanyang mga magulang kung
kaya’t hindi na siya nagagawi roon. At isang araw naisipan niyang muling magpunta
roon, at nakita niya ang isang dalagang waring naliligo sa batis. Napansin niyang hindi
pala ito naliligo roon at meron lang pala itong kinukuha sa tabi ng batohan. Bumaba
siya malapit sa batis, subali’t nadulas ang babae at ito ay nalunod. Dahil dun agad-
agad tumalon si Tap sa tubig upang sagipin ang dalaga, nawalan ito ng malay kaya’t
binuhat niya ito at dinala niya ito sa ilalim ng puno malapit sa batis. Pinagmasdan niya
ang mukha ng dalaga at siya ay nabighani sa kanyang kagandahan, maya-maya ay
nagising na ang dalaga. Sa unti uniting nagmulat ang kanyang mga mata at mukha ng
isang lalaki ang kanyang napagmasdan. Agad nagtanong ang dalaga “Sino ka?” agad
sumagot ang binata “Ako si Tap! Mula sa bayan ng tutubi, Ikaw anong pangalan mo?”
Sumagot ang dalaga “Ako si Alitap mula sa bayan ng kuliglig”. Nagtanong ulit ang
binata “Anong ginagawa mo sa batis?” ang sagot ng dalaga “Kumukuha ako ng mga
gamot para sa aking ina”. Nagkakwentuhan sila at nagkapalagayan ng loob, hindi nila
napansin na hapon nap ala kaya’t nagpaalam na sla sa isa’t isa. Subalit bago sila
umalis nagtanong agad ang binata. “Magkikita pa ba tayo ulit?!” ang sagot ng dalaga
“Siguro,pero sana” at agad umalis ang dalaga. Sa paguwi nila sa kani-kanilang
tahanan, hindi mawala sa kanilang isipan ang isa’t-isa.
Pagkalipas ng ikatlong araw ay nagtungo si Alitap sa batis sa itaas ng bundok
kung saan sila nagkita. Pagkarating ni Alitap sa taas ay agad niyang nakita si Tap.
Nagka-kwentuhan ulit sila ng matagal hanggang dumating na ang hapon at kinailangan
na nilang maghiwalay, habang tumatagal ay lalong dumadalas ang kanilang pagkikita,
ngunit hindi magawang ng binata na ipakilala ang dalaga sa kanyang mga magulang
dahil si Alitap ay mahirap lamang at alam niya na hindi matatanggap ng kanyang mga
magulang ang dalaga, pero madalas parin silang magkita. Isang araw pinasundan ng
Ama si Tap, napasin kasi niya na madalas umalis ito at hapon na kung umuwi, at sa
pag uwi ni tap ay agad siyang pinatawag ng kanyang ama, nalaman na kasi niya na
nakikipag mabutihan si Tap sa isang anak ng magsasaka. Sa kabila ng pagbabawal ng
ama ni Tap na umalis ng bahay, pagsapit ng gabi ay palihim siya umalis at nakipagkita
sa dalaga dahil kahit si Alitap ay pinagbawalan din na makipagkita sa kanya dahil alam
ng kanyang mga magulang na hindi siya matatanggap ng mga magulang ng binata,pero
kahit ganun ay pilit parin silang nagkikita. Sa mga dala nilang mga lampara ay sapat na
para mabigyan ng liwaag ang punong malapit sa batis at bago sumapit ang umaga ay
agad silang uwuwi sa kani-kanilang tahanan. Paulit-ulit nila ginagawa ang pagkikitang
iyon, Subalit isang gabi ay sinundan sila ng kanilang mga magulang; ang kanilang mga
lamparang dala na nagbibigay liwanag sa kanila tungo sa kanilang dating tagpuan ay
siya rin ang nagging gabay tungo sa pagkikita ng kani-kanilang mga magulang. Ang
saya sa kanilang mga mata ay biglang napalitan ng pangamba. Agad-agad silang
pinaghiwalay ngkanilang mga magulang, at nung gabing iyon ang kanilang nagging
huling pagkikita. Dahil sa higpit at utos ng kanilang mga magulang, natagpuan nalang
silang patay sa kanilang mga silid dahil mas ginusto panila yun kaysa mabuhay na wala
ang isa’t-isa.
Pagkalipas ng apat na araw sa pagsapit ng gabi ay nagtungo ang mga magulang
ni Alitap sa lugar kung saan sila nagkikita ni Tap. Napansin ng mga mgaulang ni Alitap
na isang kumukutikutitap sa kanilang harapan at pinagmasdan nila ito hanngang sa
makarating sila sa lugar na tagpuan ng dalawa. Ngunit hindi lang sila ang naruon,
nakita din nila ang mga magulang ni Tap at pinagmasdan lang nila ang dalawang
insektong kumukutikutitap. Iniisip nila ang kanilang mga anak. Tinawag nila itong Alitap-
tap na pangalan din ng kanilang mga anak at sa tuwing sasapit ang gabi, ang mga puno
aylumiliwanag sa pagmamahalan nila Alitap at Tap.
Proyekto
Sa
Filipino
Alamat ng mga Alitap-tap
Ipapasa nina:
Acuña, Mark Leo A.Ladesma, Noven A.Moran, Noel B.
Ipapasa kay:
Bb. Kristal Jane Flores