a famma ' e pullecenella · 2012. 1. 28. · ma chi son'io cu tutta sta famme? so...

'A FAMMA ' E PULLECENELLA

Fiore Ranauro nei panni di Pulcinella

di Gennaro Francione

G. DF. - S. A. per www.vesuvioweb.com

Gennaro Francione. Pullecenella. 2

Pulcinella dalle quinte fischietta la canzone di Palummella. Entra in scena e smorza il fischio. Sulla faccia porta la maschera nera con il grosso naso, occhi piccoli, sopracciglia folte,

zigomi sporgenti, fronte rugosa e bernoccoluta. Indossa una casacca sopra un pantalone di tela stretto ai fianchi da una cordicella. Scarpette nere sdrucite ai piedi.

È un Pulcinella roso da una grande fame, una fame viscerale, che mormora, borbotta, morde e gira per il palcoscenico nervosamente.

PULCINELLAPULCINELLAPULCINELLAPULCINELLA

Signure e bella gente, chi sonco io?

Io sonco Pullecenella Figlio di Tammero e Catammero, cetrulo de Madama Papera

Trentova e parente di messere Unze Dunze e Trinze e Quirinze e de Nacchete Conta

Cadece e de Tabuna Tabella Pagana Zulfana Minoffa Catoffa e Dece Minece

etcetera, etcetera.

Oggi 'o settanta pe' ciento de l'umanità se more 'e famme... e 'o restante trenta pe'

ciento sta 'a dieta. I' sonco 'o settanta pe ciento affamato 'o ciento pe ciento!

Vuje me verite: i' sonco n'ombra ianca ianca co no core e na faccia scura scura e na

panza chiena chiena chiena e.. vacantaria... (Declamando)

'A famma e 'e maccarune sonco l'apprietto 1 mio

Tengo na famma ca pure lo cuorpo mio me mangiarria...2

1Ossessione.



(Cantalenando)

Tengo na famma e na famma e na famma!

Tengo na famma e na famma e na famma! (Discorsivo)

Tengo na famma ca me mangiarria

Napole attorniato de panelle.

Tengo na sete ca me vevarria (Cantalenando)

Tengo na sete e na sete e na sete!

Tengo na sete e na sete e na sete!

(Discorsivo)

Tengo na sete ca me vevarria

agliatica co lo ntrinchete ntranchete

O me bastarria vevere

Poggio Reale co tutte 'e Fontanelle!3

Ma chi son'io cu tutta sta famme? So Pullecenella sicco sicco, struito ma gnurante!

Si madonna Pullecenessa, mammema, nun avesse fatto 'a pucinellata e me mannà â

scuola 'i sarria nu ciucco, o poco cchiù o poco meno e comme sonco mo, ma me

truvarria contento 'o stesso 'e essere Pullecenella. Appunto pecché m'hanno imparato

a leggere, m'aggio mparato nu sacco 'e purcarie, tanto ca saccio parlà pure d'a

funnuta4 e d'a pulenta5.

2Ricorda La fame di Zanni della commedia dell'arte che mangia il suo corpo, pezzo rimesso in vita da Dario Fo.

3D. Frisari, Il prigioniero per amore ovvero dallo sposo al famiglio, Venezia 1736. 4Fondu. 5Il brano riportato è tratto dal Viaggio di Pulcinella di Monaldo Leopardi, padre del grande

Giacomo. "In questo dialogo - scrive Alberto Moravia - Pulcinelta e il Dottore s'imbattono finalmente nell'Esperienza la quale affida loro una lunga lettera da presentare a tutti i re d'Europa. L'Esperienza, al solito, si rivela essere nient'altro che la privata e particolare



E sapite o pecché? (Muove gli occhi a dire "Cosa ho detto?")

Pecché tenco famma!

Pure si nun ce pare e me donco aria da cafune, i' sonco 'struito assaje. (Urlando come una

vajassa) A niscio catutene6!

Babbis como possibilis est

ca bubbes aizates cules

te cacacatrabbis traves?

E’ latino paleomaccheronico ca sisgnignifica… Papà cum'è pussibile ca 'o vòie, aizanno

'a cora caca ncopp'o succiélo e no pe terra? (Scuote la testa guardando in alto, poi la riabbassa piagnucolando)

Maronna pe sta famma, dint'o latrino 'e mammeta, me vene na cummurzione7! E

che lenga 'o latino maccheronico! (Fa il gesto con le mani del filoscio in bocca) E che

maccarune!

'O latrino 'e mammeta e soreta è na lagna

nun me parla che d'o magna magna!

Nominativo: caso sia, 'o pane cuotto;

genetivo: huius vescuotto, 'a soperzata;

dativo: huic cannata, 'a Jelatina;

accusativo: hanc gallina, l'uosso mastro;

vocativo: 'o pollastro, o tu capone;

ablativo: ah hoc sausicchione, 'a tommacella.

Et personaliter nominativo: he porcella, 'o casofrisco;

esperienza di Monaldo". Da Enzo Grano, Pulcinella & Sciosciammocca, Arturo Berisio ed., Napoli 1974, pp. 50-51.

6Deformazione probabile da una frase latina "Nescit Cato an" significante "Neppure Catone lo sa".

7Convulsione.



genetivo: huius sardisco, 'a pernice;

dativo: hanc radice, 'a pastenaca;

accusativo: hanc saraca, 'o tarantiello;

vocativo: o fecatiello, 'o pesce sarda;

ablativo: abhac mustarda, d'o crapetto8.

Tenco talmente famma ca pure 'e stelle me pareno affatate... (Luce solare)

'O sole splenne e me pare 'o velliculo d'o cielo ca fila sugo e maccarune ntramente ca

l'autre stelle se fanno 'a tarantella. (Prende a ballare una tarantella)

Tattaria tattaria tattaria tattarà

Tattaria tattaria tattaria tattarà

Ballate pure vuje sore e frate mieje, Lucia, Maz' Aniello, Santa Pia, Vicenzino 'o

Diavulo, bellu bellu nzemmur'a Pullecenella9.

(Stremato si ferma ansimando)

Quanno 'o ballo furnesce 'a da famme nun se n'esce.

M'arricordo 'e Sarchiapone ca magnava 'o pruvulone

M'arricordo 'e zi Taniello strafugava 'o mellunciello! (Toccandosi le spalle)

Mi so fatto sicco sicco e pure 'a gobba se n'è scesa...

8ò diventare base per un gramelot. 9Da un’idea di Tristan Corbierre (1845-1875), il poeta maledetto, in un breve soggiorno a Napoli

quando scrisse il Soneto a Napoli all' Sole alla' Luna all'Canonico a tutti quanti con Pulcinella, immaginando che il Sole, ombelico del giorno, facesse filare con il suo calore il maccherone. "L'ombilic du jour filant /Son macaroni brulant, Avec la tarantela: / Lucia, Maz' Aniello, / Santa Pia, Diavolo, / con Pulcinella".



Pe na fetta de sasicchio me starria a chiappempesa10!

Che belli ricordi! (Sognante verso la luna)

Luna, luna, luna!

Dammi no piatto'e maccarune;

e si nun me ddaje bell e vrasa11,

i' te rompo 'a rattacasa12.

Tu te scuorde 'e sto mappino?

Schiattimpace co lumino13!

'E maccarune... che cosa bella ca sonco 'e maccarune! (Fa con le mani il gesto di guardarli,

accarezzarli, mangiarli ad occhi chiusi) Bracalosse14 de juorno e suonno chino e panza

vacanta 'a notte...

'A notte è fatta pe l'ammore e i' nun faccio che penzà e me sunnà all'ammore 'e

Palummella...

Eh sì, Palummella mia de zucchero, io pe te non pozzo chiudere cchiù l'uocchie 'a

notte, pe' te non trovo cchiù pace né arricietto15 , tu m'haje apierto lo pietto comme a

no cascettino, e t'haje pigliato 'o core mio sano sano. Basta ca tu me dice na frenzola

'e parola o me faje sulo na guardata nnucente ca me sale 'o sango fino ncoppa a

l'uosso pezzillo! Damme n'abbraccio core mio, magna, sogna e canta cu me!

10Col sedere in aria. 11"Bragia", per trasl. "bollenti". 12Grattugia. Canto popolare sannita. 13Muori. 14Fantasmi. 15Assetto.



Canta la canzone "Palummella", mentre coi gesti mette una pentola sul focolare per la pasta e una per il sugo, accende il gas, mette a bollire l'acqua, versa i pomodori, fa il rumore del glo glo della bollitura, scola, gira il sugo e lo prova inzuppando il pane, scola la pasta, versa il sugo e mangia gli spaghetti con le mani alla Totò del film "Miseria e nobiltà" tracannando vino. Alla fine fa la scarpetta nel piatto col pane.

PALUMMELLAPALUMMELLAPALUMMELLAPALUMMELLA Palummella, zompa e vola

addó' sta nennélla mia...

Non fermarte pe' la via

vola, zompa a chella llá...

Co' li scelle,

la saluta...

falle festa,

falle festa

attuorno attuorno...

e ll'hê 'a dí

ca, notte e ghiuorno,

io stó' sempe,

io stó' sempe

a sospirá...

Palummella, vola vola

a la rosa de 'sto core...

Non ce sta cchiù bello sciore

che t'avesse da piacé...

'A ll'addore,

ca tu siente...

'a chill'uocchie,

'a chill'uocchie,

'a chillo riso...

credarraje,

ca, 'mparaviso,

tu si' ghiuta...

tu si' ghiuta...

oje palummé'!

A lu labbro curallino,



palummé' va' zompa e vola...

'ncopp'a chillo te cunzola

e maje cchiù non te partí!...

Ma si vide

ca s'addorme...

e te vène,

e te vène,

lo tantillo...

tu ll'azzecca

no vasillo...

e pe' me,

e pe' me,

n'auto porzí16!

e ll'hê 'a dí

ca, notte e ghiuorno,

io stó' sempe,

io stó' sempe

a sospirá...

Sì i' suspiro Palummè. Suspiro pe tte ca nun ma vole dare...

16Ancora. Il testo della canzone è riportato integralmente ma viene recitato a canovaccio pro

parte a gusto del regista-attore.



(Sbadiglia)

Chi ala17, o have suonno, o have famma, 'o l'ammore vi fonfà... Ah! A mme sta

magnata fatta 'e niente m'have 'overo stracquato... (Rutta) E che rutto e niente! M'è

venuto nu suonno pe sta stanchezza d'o tubo... Addrizzate tubo! Mo me faccio no

scampulillo e spero 'e me sunnà quaccosa cha m'allasca18 sta famme 'e lupo. Pur si,

pe' me sbarià19, avesse bisogno... 'e na pecora sana sana!

(Si siede e chiude gli occhi, restandosene in panciolle e ruttando)

Dormo e me sonno nu bellu tramonto, no n'isola vergine, no... Uh l'ammore che fa

ffà!... me sonno no gran piatto de maccarune, co le polpette ncoppa; stenno la mano,

afferro li maccarune, e polpette, l'acconcio, l'arravoglio, vado pe mme le ammoccà, e

me sceto corrivo corrivo 20co la passione a lo core, e mme metto a chiagnere comm'a

no peccerillo.

Cielo, quante so' belle 'e maccarune,

quanto è cchiù bella 'a maccarunara!

Palummè, vurria dormì 'na notte vicino a te,

tanta vase quanta maccarune vurraje fare21.

Nun tiene 'a farina e allora... puozze crepare

17Sbadiglia. 18Allenti. 19Distrarre. 20Stizzato. 21Canto popolare napoletano.



tu mammeta e soreta, cumme te pozzo amare!?

Manco 'a forza e te da nu vaso a pizzichello tenco

si nun magno armeno nu poco poco, pure sbilenco,

ma forse almeno (svenevole) riesco a te cantà... na canzuncella tanto pe nu

schiattà22.

(Cantando)

Palummella, zompa e vola

dint'e bracce 'e nenna mia...

Vancell'a 'dicere ca i' me moro

palomma mia palomma mia dincelle tu...



I' so malato 'e famma... e 'e maccarune sonco 'o spiercio23. 'A famma mia è famma

'overo.

E' famma viscerale 'a mia, no cumm'a vosta.

E' famma ca murmurea e mozzeca 'a panza e 'o riesto.

Tengo na famma ca me mangiarria

Napole attorniato de panelle;

22Dopo senso: morire, coitare. 23Rimedio.



Tengo na sete ca me vevarria

agliatica co lo ntrinchete ntranchete

O me bastarria vevere

Poggio Reale co tutte 'e Fontanelle!24

(Girandosi)

Nun tiene 'e maccarune Palumella mia?

allora granecame25 pane e presutto (ansimando)

ca so' proprio allancato26 da la famma!

Ma bastaria na zuppa 'e pasta 'e fasule

cu la festa 'Piererotta...

Pum, pam, pim!

Va', curre, Palummè, a la respensa

frugulea27 dint'a credenza e purtamelle

sasicce e friarielle!

Va', bella, a la despensa

pigliame robba assaje ...

Va’, curre, nun tricare28

portame robba tanta

ca accussì tu stutarraje

24D. Frisari, Il prigioniero per amore ovvero dallo sposo al famiglio, Venezia 1736. 25Procurami. 26Preso da desiderio struggente tanto da ansimare. 27Fruga. 28Indugiare.



chesta brutta famma mia...

e io pe controrialo29 stutarraggio

cu nu vaso azzuccusiello

'a passione toja pe mme. (Cantando mentre frammischia gesti di volo con le braccia, baci, manducare maccheroni,

spaghetti, fagioli ideali).







(Calando mentre esce di scena fa solo gesti di manducare maccheroni ideali baciandoli).







29Controregalo.



(Si guarda tra le mani.)

Palummè, maccarù addò state. (Si tocca gli occhi)

Palummè ' quanto si bella... Ma pecché nun ma vuò dà?

Cu tte uocchi chini e mane vacante.

'E c'addore 'e puparuole ca esce d'a casa toja

Naso mprenato30 'e chist'addore

panza chiena 'e vacantaria.

Occhi, naso e core chini e vocca senza sustanza... Accussì i' me moro... Si siede per terra piagnucolando, alternandosi tra morsi dei maccheroni e baci a vuoto

sull'immaginaria Palummella. Fischietta la canzone di Palummella. Si mette a terra su un lato accovacciato e

s'addormenta. Chiusura sipario.

Gennaro Francione

30Pieno.

a famma ' e pullecenella · 2012. 1. 28. · ma chi son'io cu tutta sta famme? so...

Documents