Á döfinni// // fréttir frá laugalandsskóla//³v...litum sínum í svartan pappír og límdu á...
TRANSCRIPT
//Á döfinni// // Fréttir frá Laugalandsskóla//
5. tölublað október 2016
..::Íþróttahátíð::.. Íþróttahátíð 8.—10. bekkinga í Hvols-, Hellu- og Laugalands-
skóla verður haldin á Laugalandi fimmtudaginn 24. nóvember kl.
19:00 - 22:00
..::Jólabingó::.. Jólabingó foreldrafélagsins verður haldið föstudaginn
25. nóvember í matsal skólans kl. 19:30. Spjaldið kostar kr. 400. Að venju verða glæsilegir vinn-
ingar í boði og sjoppan til styrktar ferðasjóði nemenda
opin gestum og gangandi.
..:: Jólaprófin ::.. Jólapróf hefjast fimmtudaginn
8. desember og þeim lýkur miðvikudaginn 14. desember. Að jafnaði er eitt próf á dag.
Kennt er samkvæmt stundaskrá þessa daga.
..:: Föndurdagur ::.. Föndurdagurinn verður
Fimmtudaginn 15. desember. Þá föndrum við og skerum út laufa-brauð. Gott er að nemendur taki
með sér kerti til að skreyta, laufabrauðshníf og
ílát undir laufabrauðið. Við bjóðum foreldra og forráða-
menn barna í 1. - 4. bekk vel-komna í skólann þennan dag til
að taka þátt í föndrinu með börnum sínum.
Best er að koma einhverntíma á bilinu kl. 09:10 - 11:10 Gaman
væri ef allir tækju með sér jóla-sveinahúfu.
..::Kvenfélagið Framtíðin færði skólaeldhúsinu hrærivélar::..
Mörg góðgerðarfélög eru ákaflega hliðholl skólanum okkar og koma gjarnan færandi hendi til að sýna vel-vilja sinn í verki. Þarna eru kvenfélögin í nærsveitum okkar oft sterkur bakhjarl. Kvenfélagið Framtíðin í Ása-hreppi kom færandi hendi í skólann 13. október síðast-
liðinn og gaf skólaeldhúsinu tvær Kitchen-Aid hrærivélar með von um að þær muni nýtast nemendum skólans vel í framtíðinni. Að sjálfsögðu voru þær hafðar rauðar í anda kvenfélags.
Færum við Fram-tíðarkonum bestu þakkir fyrir og vitum að það verða margar dýrindis máltíðir hrærðar í þessum vélum. Á meðfylgjandi myndum má sjá þegar vélarnar voru afhentar og einnig þegar nemendur í 3. og 4. bekk nýttu þær til að
hræra í kanilsnúða hjá Erlu Brá og strákarnir í 8. bekk hrærðu í eftirrétt hjá Berg-lindi.
..::Myndmennt - verkefni haustsins::..
Viðfangsefni haustsins hjá Eyrúnu Óskarsdóttur með nemendum, hafa verið af ýmsu tagi.
Í þriðja bekk byrjuðu þeir að fjalla um lita-hringinn og hvernig litir blandast saman. Nemendur fengu m.a. að prófa að blanda saman matarlitum í vatn til að sjá hvernig litirnir virka saman. Svo máluðu nemendur einfaldan 6 lita hring. Í kjölfarið unnu þeir nokkur verkefni þar sem skoðað var hvernig litirnir passa saman. Svo gerðu þeir myndir úr álpappír og nú eru þeir að búa til hand-brúður. Sumar eru tilbúnar en aðrar eru enn á vinnslustigi.
//Á döfinni// // Fréttir frá Laugalandsskóla//
Ábyrgð: Sigurjón Bjarnason, skólastjóri
..:: Æfingadagur ::..
Föstudaginn 16. desember er æfingadagur. Þann dag eru
lokaæfingar fyrir litlu jólin. Jafn-framt skreyta nemendur kennslu-stofur sínar og þá eru síðustu for-vöð að setja jólakortin í póstkassa
skólans.
..:: Generalprufa ::..
Mánudaginn 19. des. verður jóla-hlaðborð og generalprufa fyrir
litlu jólin.
..:: Litlu jólin ::..
Þriðjudaginn 20. des. höldum við okkar hefðbundnu litlu jól frá
kl. 09:30-12:20. Þá bjóðum við öllum að
koma og sjá leikrit, söng-va og annað sem við
höfum æft og gleðjast saman. Að venju aka skólabílar nemendum
til og frá skóla. Kl. 09:40-10:30 verða nemendur í
stofum sínum með umsjónar-kennurum og skiptast á jóla-
kortum og fá einkunnir. Kl. 10:40 mæta foreldrar og
aðstandendur því þá hefst jóla- og skemmtidagskrá.
Frá kl. 11:40-12:20 verður dansað í kringum jólatréð og jólafrí hefst
svo að loknum litlu jólunum.
..::Skólabyrjun::..
Skólahald hefst aftur að loknu jólaleyfi þann 4. janúar með kennslu eftir hefðbundinni
stundaskrá
kl. 08:30
..::Myndmennt - verkefni haustsins::..
framhald
Í 4. og 5. bekk byrjuðu nemendur á að
búa sér til skissubók. Siðan fóru þeir út
og skissuðu útsýnið við skólann, að
bænum Nefsholti og unnu svo áfram með
þær skissur með því að mála myndir með
bleki.
Þá tók við heljar mikið verkefni við að
búa til hús úr skókössum og ýmsu til-
fallandi dóti. Það hafa nemendur í 6. og
7. bekk einnig gert og hafa mörg smáhýsin orðið til í myndmenntastofunni.
Verkefnið kennir nemendum að hægt er búa til
skemmtilega hluti úr umbúðum og alls kyns dóti
sem við annars hendum í ruslið.
Einnig höfum við verið
að teikna og læra um
fjarvídd, búa til
„skuggamynd“ af and-
litum, læra um mar-
moreringu og skemmti-
lega bókagerð og sitthvað fleira. Nú síðast gerðu krakkarnir vangamynd af and-
litum sínum í svartan pappír og límdu á hvítan bakgrunn.