wambar quechua
TRANSCRIPT
GENOVEVA ALARCON AYBAR
WAMBAR
AKAKAW TINAQA
Kaypim willakun Sardaniel Wambar Lórdigo llaki kawsayninta, chanzawan
chapu chapuykuspa, runasimipiraq kastilla simipiraq.
Kasarakuy parlaymanta
Kuyasqay Tuertoni, ñuqapa sinchi
llaki kawsayninta willasqayki, kay
traguchata upyaykuspanchik. Kay
llaqtayman chayaramuptiymi ayqaduy
Bernaco Ccopa warmi urquypi
pawakachasqa chaymi ñuqaqa
padrinumpaq akllasqa karqani.
Chay raykun puripakurqani tuta,
warmi urquypi, Ccorimanya ayllupa
warmichurin rayku upyachispa.
Yayalawan parlay
Yayapa wasimpi
Yaya Manolo Asnovilpa wasinmanmi rirqani misa urquq. Chaymi Yayalaqa
achka qullqita mañaykuwan, pisillataya, nispa mañakutiy piñarukuspa asnaq
chakintaraq muchaykachiwan
Kasarakuy qillqamanta
Chaymantaqa Yayalaqa utqayllamanñan qillqaykun, hinaspa tapuykuwan
kasarakuqkunapa sutinta, inallataq ñuqapa sutiykunatapas. Aswanmi
yuyaymanaykuspan niwan: Chay ayqaduykiqa Angelayla panikiwanmi
1
GENOVEVA ALARCON AYBAR
kuyanakusqa, manan kasarakunmanchu nispa. Hinaptinmi sayapaykukuni
Bernakumanqa, manan chaynachu, ama runapa simintaqa kasuychu nispa.
Paqarin punchawpaqmi qiparqaniku misa kanampaq.
Yayalapa akllasqa kuyaynin
Yayalapa wasimpin kasqa huk suma sumaq warmicha Aledaida Pitorrez
sutiyuq, sumaq tipi wiqawcha, puquy puqucha, tuqu ñawicha. Payta
rikuruptiymi unqurpaniraq munakuy unquywan.
Kasarakuy punchaw
Paqarinnin punchawtan rirqaniku iglesiaman kasarakuyman, chaymi
Yayalaqa piñallaña suyaykuwasqaku, mana utqayman riptiyku. Hinaspanmi
Ciriacata Bernakutawan kasararparichin, wiñaypaq kuyanakunkichis, ama
usuchinakuspa nispa.
Kasarakuqkunapa wasimpi
Hakuyá wasiyman niptiymi Yayalaqa tapuwan: ¿pikunataq rinqari? Nispa.
Qayllas umayuq wiraquchakunallan niptiymi, kusisqallañan riykun.
Mikuykuna, tusuykuna upyaykuna
2
GENOVEVA ALARCON AYBAR
Tukuy munay mikunakunatan mikuykuniku. Sumaq pasñachakunapas
tusuykunkun, chaymi Yayalaqa taqllapayaykuwan warmi churiy Ramonata
munapayaspa. Chaypa qipallanmami macharuspay rimayta qallaykuni
Aledayda Pitorrezmanta. Chaymi Yayalaqa waputa piñarpakuspa uyaypi
laqyakuwan tawa kutita. Chay rayku wasiyman ripukurqani sullu wayra
unquywan kuska.
Uyaypiy laqyaykuwan yayalaqa
Yayala unqunankama Aledaydata suwarqani
Yayalaqa ispay tipiwan unquruspanmi kawitupi kumparayasqa, chaykaman
Aledaydawanqa, tuta parapi, pasakurqani ancha kusiqallaña.
Apichikuymanta hinaspa chinkakuymanta
Chay tuta, miskita puñukuchkaptiymi, Yayalapa runakuna kunkaqaraymanta
hapirpariwan hinaspa carcelman apaykuwan. Aswan huk qurachawanmi
runakunataqa puñurpachispay pasakurqani Antaraqay llaqtaman. Chay
3
GENOVEVA ALARCON AYBAR
purichkaptiymi huk yana mana allinwan tuparquspay mancharikuni,
hinaspaymi chullanchakillaraq pitaykuni wañuy kawsay pachapi rikukuspay.
Unqurparirqani
Huk wasiman chayaruspanmi usturpani yawarniyuq unquq warmiman ,
aswan chaypin, llaqallan wañunipas “urqus ayparuwasqa” hinaptinmi
millaykunata nuspaykuni, machaqwaykunata, qarachupakunata,
yanawillkakunata. Aledaydapa sutillantaqañan rimaykunipas. Chay
qayaparuwaptinñan kawsariramuni. Chitapa caldunta mikuruspañan
runayaramuni.
Aledayda maskasqaympin siqukurqani
Chaymataqa allinyaruspa, Aledayda maskaypin puriykuni, manan maypipas
tarinichu. Chay raykun apukunataña qayachirqani, hinaptinmi sinchi llakita
willawarqa: Amaña maskaychu, ñan Aledaydaqa qusayuqña, wiksayuqña,
nispa.
Llakimantan siqukurqani
4
GENOVEVA ALARCON AYBAR
Chayta yacharuspaymi wañuyllapiñan yuyaymanaykuni, chaymi huk waskata
sachaman wataruspay kunkaymantaraq wiqawniymatarqa siqukurqani.
Chaytan runakuna qawapayawarqa. Chaymi qunqayllamanta Aledayda
rikuriramuptimni pawaykuni qasqunman.
Yayalamanta karunchakuspay
Yayalamanta karunchakuspaymi ripukurqaniku Parinacochas llaqtaman,
chaypim llankapakuyta maskaykuni. Yanupakuypin llankarqani,
chaymantapapas qarquruwarqan, runtu suwa nispan. Aledaydañataqmi
atipaykakamun llaqtayman kutimuyta. Chay kutimusqaypin Chalwanca
llaqtapi cumadrita qispichirqani, tantawawata yakunchaspay, chaymi anchata
macharuspaymi cumadriyta panarpani, chay raykun carcelman apararuwarqa,
aswan chaymatapas lluksiruspaymi Andahuaylas llaqtaman kutimurqani
Aledaydawan tupanay rayku, payqa sapaq ñannintan ampurqa.
Kichkapataman chayaramuptiymi mikuywan tusuywan cumpadrey Evaristo
Chipana suyawasqa. Chaypa qipallantan Yayalapa runankuna yapamanta
apirpawarqa.
Yayalapa qayllampi
Ocobambamanmi guardiakuna aparawarqa, chaypin, piña alluqu hina, Yayala
suyaykuwachkasqa. Anchatan kamiykuwaspan, panaykuwaspan watukaykun
Aledaydata. Andahuaylas carcelamanmi chaymataqa kutichimuwarqa.
Chaypin tuparquni Jualianawan ñawpa kuyasqay waynaywan, payta
rikuspaymi yuyarirqaniraq warmayanay kuyakuyniyta.
Qipallanmanmi, Ayacucho llaqtaman apawarqa, Yayala Kamachikuptin.
Chaymi, huk tuta suwakunawan tuparuptiykun guardiakunaqa chiqirparinku,
ñuqaqa sapallaymi qiparqani Saccsahuasi llaqatapi. Chaypin unay
5
GENOVEVA ALARCON AYBAR
tiyapakurqani Aledaydata yuyarispa, watukaspay, hinaspaymi qillqarqani
sumaq harawikunata cartakunatapas apachirqanin. Chaymantapas qillqarqanin
harawikunata Ayacucho sipas ñawpa waynaykunata yuyarispay: Epifaniapaq,
Tomasapaq, Rosariopaq, Rafaelapaq. Aledaydaqa cartaramuwaspanmi
llakillaña nimuwan: ñan wawaykiqa paqarirunña, warmichan, qan hinallaña
nispa. Ñuqapas cartataqa kutichirqanin kay kuska kanaykupaq.
Aledaydawan tuparuspay
Pusaq punchawmantan Aledaydaqa watukaramuwan, wiqi ñawillaña,
warmachayqa wañurusqan manchirisqa unquywan. Chaymi warmi qari
Ayacucho llaqtaman ripukurqaniku. Aswan Chincheros llaqtapin ñuqapas
unqurpani llaqallan wañurunipas. Chaypa qipanmanmi allinyaruspa
purirqaniku, aswan Pampas mayupi, akakichki apiruwarqa tunas mikusqaypi.
Chaypin puñurqani tukuy imata yuyaymanakuspa.
Ninabambaman chayaruspaykun don Trifonpa wasimpi mikupakurqaniku.
Chaymantaqa sacha sacha sikikunapi puñustinmi Ñahuinpuqioman
chayarqaniku chaypin tuparqani Ayacucho obispuwan, Yayalamantapas
willauykunin, tukuy millay rurasqanmanta, aswan upatukurpaspanmi manan
imatapas niwanchu.
Ayacuchuman chayaruytiyqa
Ayacuchu llaqtaman chayaruspaymi abogadota maskarqani, yayalata juiciopi
apinaypaq. Mama Cegundapa wasimpin tiyapakurqani, chaymi kimsa sipas
wawankuna karqa, sumaq pasñakuna, paykunatan pukllapakurqani tutakuna.
Chayta qawaspanmi Aledaydaqa celaykuwan hinaspa wischuwayta
munaykun.
6
GENOVEVA ALARCON AYBAR
Aswampas chay kimsa sipaskunaqa: Aurora, Adriana hinaspa Victoria
sutiyuqkuna, munapayaykuwaspa cartakunataraq qillqaykuwan, chaynallataq
ñuqapas kutichirqani sumaq kuyakuyniyta.
Aledaida ripukuptin
Chay tutallan Aledaydaqa, miskita puñukunaykama pasakusqa, chaymi
punchaw punchaw maskaykuni, huk hukta tapukuspa manan maypipas
tarinichu. Chaymi sunquypas llaki llaki kaykun yanayta yuyarispan.
Aledaydata tariruspaymi, mama Ustapa aqallanta upyakuni kusikuymanta.
Chayqa Aledaydaqa Cornelio Kachakuwan kuska kasqaku, manañan qantaqa
kuyaykichu nispa. Chaymi, manaña kasuwaptin wasimanta urquq rirqani,
chaymi llaqalla wañunaykama Cornelioqa panarpariwan.
Cornelion panaykuwan
7
GENOVEVA ALARCON AYBAR
Chaymi, wañuy pachapiña kaptiy, yaya cura Pujado quchaykunata
pampachawarqa, asllatan musyakunipas, chaypin kasaraykachiwan huk
warmiwan, chayqa kasqa Aledaydan. Corneliotaqa wischurusqakun guardia
kayninmantan, hinaptinmi ñuqatañan paypa llankayniman churaykuwanku.
Chay tutallan huk suwa chinkarpan carcelamanta, chaymi ñuqata
tumpaykuwaspa carcelman haykurpawan. Revolver nisqanwanmi,
balearpakuni, manataqmi apichikunichu, uyaykunatapas yawarniywan
chaqchuykuspaymi wañuqtukurpani. Chayta qawaspan wiraquchakuna
morgueman apaykuwanku, qalallata alluquta hina kallin kallin
chutaykuwaspa, hinaspa rumi mesapi churaykuwaptin mañaykukuni
santukunata, doctorkunañataq kuchuwayta qallarickaptin supiy pawarpan
ispaynintin. Runakunaqa mancharisqallañan qawaykuwan, ñuqaqa
pitaqachaykuni qalalla kuchun kuchun. Huk kachakun hapirpawaspa
yapamanta carcelman pusaykuwan.
Warmimanta pachasqan puriykachiwan
8
GENOVEVA ALARCON AYBAR
Aledaydañataq walinta urquspa churaykachiwan, mama Potamiañataq
riwusanta mantuykachiwan, chaymi warmi hina pachasqa puriykachiwan
kallin kallin, runakunañataq rimasqaku. – pitaq wak warmiri, qari uya kasqa,
nispanku.
Wakin warmikunañataw, warmimasinta kuyapayawaspa, tantakunata, tukuy
mikunata wischumuwasqa, ñuqañataq walisniypi chaskiykukuni hinaptimi
rikurpakun qari kayniy, chaymi runakunaqa apirpawaspa chutaykuwan
panawanampaq, allimpaqcha guardiapas arkaykun, mana pipas
maqawanampaq. Chaypa qipanmanqa carcelpin yapamanta wichqarpariwan.
Iskay chachaysapa wiraquchakuna
Paqarin punchawtan watukamuwasqa iskay wiraqukuna, hinaspanmi niwan:
qanqa loco unquyniyuq, mana allin umayuqmi kanki,nispa. Chaypa
qipallanmanni willaykuwan Aledaydamanta, chay wiksa wawan
wañurukusqa, hinaspa anchata unquykusqa rupakuywan, chaymi
aparamuwaptin ñuqaqa hampirquni.
Ripukuy
Juicio tukuruptinmi, wiraqucha juez nirqa: locopa wasinman apaychis nispa.
Chaymi iskay kachakukuna pusaykuwan, ñuqañataq takikustin riykuni,
chaymi simipi laqyarpawan upallay nispa.
Chay kachakupa sutinmi karqa Cornelio Vergara. Manaraq Pacaywasiman
chayaruptiymi, Aledaydaqa Corneliuta parlapayaykun ñuqata
kachariwanampaq, payñataq Curneliowan qipanan karqa, ñuqa rayku. Arí
chaynan karqa. Ñuqata kachaykuwan payñataq Corneliowan pasakun
wiñaypaq Wanta llaqtaman. Ñawiypas wiqillaña, utqayllaman, qipata qawa
9
GENOVEVA ALARCON AYBAR
qawarikuspan kutiykamuni llaqtayman. Ichaqa maypiraq kuyasqay
Aledaydayqa kachkan. Manañacha wiñay tupasaqchu.
Chayllan chay
10