TUTI MUNDI

Moduloko lana

EGILEAK:

Goreti Sagastibeltza

Ane Salaberria

Jaione Sukunza

Miren Zatarain

Donostiako Irakasleen Unibertsitate Eskola

2011-12 ikasturtea

Lehen Hezkuntza

Tutorea: Lourdes Sagarzazu

1

AURKIBIDEA

1.Sarrera .................................................................................................................................... 2

2.Egunerokoa ...............................................................................................................................

3.Jostailua .................................................................................................................................. 3

Helburua ...................................................................................................................................... 3

Deskripzioa ................................................................................................................................. 3

Ezaugarriak ................................................................................................................................. 5

Balore atxikiak ............................................................................................................................ 6

Nori zuzendua ............................................................................................................................. 6

4.Iragarkia ................................................................................................................................. 6

Prozesua ...................................................................................................................................... 6

Emaitzak ..................................................................................................................................... 7

Besteen emaitzak....................................................................................................................... 10

5.Etorkizunera begira ondorioak .......................................................................................... 12

6.Erabilitako informazio iturriak .......................................................................................... 13

7. CD-a .........................................................................................................................................

2

1.SARRERA

Hasiera batean, moduloko lanaren ideia azaldu zigutenean, pixka bat galduta geunden,

ez baikenekien ondo nondik heldu lanari ez eta nondik hasi ere. Egun batzuk pentsatzen eman

ondoren, ideia desberdinen “brainstorming” delakoa burutu genuen eta hauek dira burutik

pasa zitzaizkigun ideietako batzuk: espaziotik etorritako hitz egiten zuen estralurtar panpina

didaktikoa, tangram bat… eta beste hainbat ere. Azkenean, mahai joko bat egitea erabaki

genuen baina oraindik ez geneukan argi zein gairi lotuta egongo zen. Ondo pentsatu ondoren,

ikuspegi didaktiko eta entretenigarri batetik begiratuz, kulturartekotasunaren gaian

sakontzeko, Tutimundi bururatu zitzaigun, haurrak munduko kultura desberdinak ikasiko

dituztelarik, era alai, dinamiko eta parte hartzaile batean.

Tutimundi jolasa, mahai joko bat da, bigarren zikloko haurrei zuzendua dagoena.

Bertan, munduko kultura ezberdinen inguruko informazioa ikusi eta ikasi daiteke. Horrela, lau

kontinente hartu ditugu abiapuntutzat: Asia, Afrika, Europa eta Amerika. Horiek, euren artean

oso desberdinak dira, eta gure helburuetako bat, haurrek gauza berriak ikasteaz gain,

herrialdeen desberdintasun horien kontzientzia hartzea da, ikuspegi positibo eta aberasgarri

batetik begiratuz, errespetua, azal kolore, kultura, edo beste edozeren gainetik dagoela garbi

edukiz.

3

3. JOSTAILUA

Gure jostailua, mahai joko bat da kasu honetan, Tutimundi izenekoa, munduko

kontinente eta kultura desberdinak ezagutzea baitu xede nagusi.

HELBURUAK

Honakoak dira bere helburu nagusiak:

-Haurrek, munduko kontinente eta kultura ezberdinen berri izatea eta ezagutzea.

-Binaka arituko direnez, elkarlana bezalako baloreak lantzea.

-Munduko kulturen ezaugarri nagusiak barneratzea: gastronomia, kokapena, ohiturak …

-Berezko ezaugarriak dituzten gizarte eta kultura taldeetako kide-izatea onartzea eta aintzat

hartzea.

-Norberaren kulturaren ezaugarriak eta gainerako taldeekiko ezberdintasunak balioestea,

gainerako identitate, kultura eta herriak errespetatzea.

-Talde jardueretan parte hartzea, betiere erantzukizunaz eta era konstruktiboan jokatuz.

-Euskal Herriko natura, gizarte eta kultura ingurunearen elementu nagusiak identifikatzea, bai

eta gainontzeko kontinenteetako herrialdeenak ere.

-Aniztasun kulturala eta inguruan bizi diren herri-adierazpenak identifikatzea, denboran izan

duten eboluzioa ezagutzea eta gizarte-kohesio eta aberastasun elementutzat hartzea.

-Mapan, lurralde historikoak, norberaren lurralde historikoko eskualdeak eta herrigune

garrantzitsuenak kokatzea.

-Munduan topa daitezkeen ohitura, tradizio eta adierazpen kulturalekiko errespetua eta

interesa izatea.

-Zenbait garai historikotako gizarteetara hurbiltzea.

DESKRIPZIOA

Jolasaren deskripzioari so eginez, erabilitako materialari dagokionez, material ugaria eta

anitza erabili dugu. Batetik, mahai jokoa eraikitzeko, honako material zerrenda erabili dugu:

koloretako kartulinak eta zelo beltza (tableroa txukuntzeko), pintzelak, tenperak, munduko

4

mapa, kola, lehorgailua, kaxa, munduko argazkiak, igeltsua, ura, kola zuria, forratzeko

papera, errotulagailuak, pasta zuria (dadoa eta fitxak egiteko) eta koloretako gometxak.

Horretaz gain, mahai jokoarekin batera, galderen fitxak prestatu ditugu, lau koloretakoak,

kolore bakoitza kontinente bateri dagokiolarik.

Jolasaren koloreekin jarraituz, mahai jokoa, berdea eta urdina da batez ere. Mahai

jokoaren fondoan, munduko mapa dago. Beraz, berdez dagoenak gure planetako lurra osatzen

du, eta urdinez dagoen gainerakoa ozeanoa eta itsasoak dira. Kolore horiek erabili ditugu

errealitatera hurbiltzeko asmoz.

Horretaz gain, aipatu behar da mahai jokoa

nahiko sinplea dela, ulerterraza alegia eta bikoteka

jokatzekoa. Jolasa honetan datza: mahai jokoan,

jolasaren ibilbidea suge itxurakoa da, mundua

zeharkatzen duelarik. Bertan, 20 lauki daude, lauki

bakoitza froga bat delarik. Lauki bakoitzak kolore

bat dauka, eta guztira lau kolore daude (kolore

bakoitza kontinente batekin loturik dago): urdina Afrika da; gorria Asia; berdea Amerika eta

azkenik, Europari kolore horia dagokio. Ondoren, koloretako lauki bakoitzaren barruan,

goialdean tokatutako froga motaren iruditxoa dago: eskuak imintzioka esan nahi du; X-arekin

dagoen ahoak taboo; arkatzak marraztea egokitu zaizula esan nahi du eta azkenik, galdera

ikurrak, galdera bati erantzun beharko diozula.

Beraz, kontinente bakoitzeko lau froga desberdin tokatu daitezke. Jolasa nahiko osoa da

nolabait esateko eta hasieran batean, informazio asko dagoela iruditu arren, bere erabilera

nahiko sinplea eta erraza da. Garrantzitsua da gogoratzea jolasa binaka aritzeko dela, froga

gehienetan bikoteetako batek ariketa burutu beharko duelarik eta besteak asmatu.

Behin jolasaren jarraibideak aipatu ditugula, arauekin jarraituko dugu. Egokitutako

froga ongi egiten den partida bakoitzeko, aurrera jarraituko du bikoteak eta berriz jaurtiko du

dadoa. Gaizki egiten badu froga edo bikoteak asmatzen ez badu, txanda pasa gertatuko da eta

berriro ere beren txanda iritsi arte itxaron beharko dute.

5

EZAUGARRIAK

Tutimundi mahai jokoaren ezaugarriekin jarraituz, esan behar da biak, didaktikoa eta

denbora-pasakoa dela. Batetik, didaktikoa da horrekin jolastuz asko ikasi daitekeelako

munduko kultura ezberdinen inguruan eta bestetik, iragarkiaren leloak islatzen duen bezala,

gozatuz ikasteko era bat baita, oso dibertigarria

eta haurren parte hartze aktiboa bultzatzen duena. Haiek frogak eskatzen dieten paperean

sartzen dira eta saiakera handia egiten dute beren kideak asma dezaten. Bestetik, jada esan

bezala binaka aritzeko jolas bat da, era honetan elkarlana eta lankidetza bezalako baloreak

ahaztu gabe eta lagunartean, familian eta beste hainbat testuingurutan erabiltzeko egokia da.

Horretaz gain, eta jolasaren ezaugarriekin jarraituz, pilarik gabea da eta kontsumorik

gabea, ez baitu inolako kanpo energiarik behar. Dado batekin eta haurren sormen eta

imajinazioarekin jolasa aurrera eraman daiteke.

Erabilitako materialari dagokionez, mahai

jokoa egiteko nahiko material ekologikoa erabili

dugu: buztina, igeltsua … Jolasaren kaxa

egiteko, materiala berrerabili dugu, jada sortua

zegoen kutxa bat erabili baitugu itxura berritzaile

bat emanez, beste kutxa bat sortzeko. Beraz,

birziklapenaren ideia ere ez dugu ahantzi eta

erabilitako material gehiena birziklagarria dela esan daiteke. Tenperen kasuan, material

kutsakorra dira hein batean, baina ahalik eta gutxien erabiltzen saiatu gara, ingurugiroaren

zaintzan nahiko kontzientziatuta baikaude.

Azkenik, aipatzekoa da ezaugarrien artean, oso jolas erakargarria iruditu zaigula itxuraz,

bai kolore biziak dituelako eta baita kaxaren eta mahai jokoaren beraren formarengatik eta

antolakuntzagatik ere. Kaxa nahiko berezia eta originala da, izan ere munduko argazkiz

apaindutako collage erako bat burutu dugu, eta erdian, munduko globoaren zati bat sortu

dugu, benetako bolumenarekin, kaxa erakargarria suertatzeko helburuarekin.

6

BALORE ATXIKIAK

Jolasaren balore atxikiei erreparatuz gero, hainbat ondorio atera ditzakegu. Batetik, esan

behar da, jolasa, munduko kulturei eta kontinenteei buruz denez, atzean daukan mezua

kulturartekotasunarena dela. Gaur egun, bizi garen mundu globalizatu hau dela eta, munduko

edozein herrialderen berri daukagu denbora errealean. Balore atxiki gisa beraz,

kulturartekotasuna lantzea eta berdintasuna sustatzea daude. Munduan arraza, kultura, ohitura,

janari … desberdinak egon arren, haurrek ikas dezaten guztiok bat garela eta denak maila

berean gauden pertsonak garela. Beraz, jolasak atzetik nolabaiteko kulturarteko hezkuntza bat

sustatu nahi du. Era honetan, irakatsiz munduan kultura desberdinak egon arren, guztiok

elkarbizitzan egon behar dugula, eta azkenean, denok bat garela.

Beraz, esan daiteke jolasak norbanakoaren balio etikoak lantzen dituela. Munduko

kultura ezberdinen inguruan hausnarketa bultzatuz eta ikasiz era berean. Jolasak beraz,

partaideak pertsona gisa ere hezten laguntzen du hein batean. Jolasa hain justu kulturen

ingurukoa denez, erreferentzia kultural ugari daude jokoan zehar. Lau fitxa daude, gehienez

lau bikotek hartu dezaketelarik parte, eta fitxa bakoitza munduko kontinenteen sinbolo bat da:

Afrikarako piramide bat dago, Amerikarako mexikarren txanoa, Europarako euskaldunen

lauburua, eta azkenik, Asiarako Ying-yang bat. Horretaz gain, kaxa apaintzeko munduko

kultura desberdinen argazkiak erabili ditugu.

NORI ZUZENDUA

Jolasaren erabiltzaileei dagokionez, jolasa 8 urtetik gorako haurrek erabiltzeko ikusten

dugu egokia, bigarren zikloa abiapuntutzat hartuz. Gurasoak eros dezakete mahai joko hau,

edo baita eskolek ere, puntu didaktikoa eta ongi pasatzekoa baitu. Horretaz gain, aipatzekoa

da mahai joko honetan edozein pertsonak jolastu dezakeela, komenigarria delarik haurrak

gutxienez 8 urte izatea, jokoa nolabaiteko azkartasun eta malgutasunarekin aurrera eramateko.

4. IRAGARKIA

PROZESUA:

Iragarkia osatzeko prozesuan, material desberdina erabili dugu. Eguberri garaian girotu

nahi izan dugu iragarkia eta ondoren jada, mahai jokoan zentratu gara. Saiatu gara iragarkiak

dakarren kultur aniztasuna adierazten eta beraz, hainbat kontinentera igaro gara segundo

7

batzuez, eta hango jendearen rolean sartu. Beraz, herrialde horietako ezaugarri batzuk erabili

ditugu.

Eguberrietako momentua girotzeko, Irunen grabatu dugu, taldekide baten etxeko salan,

familiarteko gabon giroan sartzeko ahaleginean. Bertan, taldekide baten lehengusuak gure

mahai-jokoan jolasten jarri genituen, honen nondik norakoak azaldu ondoren. Azkenik, lau

kontinenteetarako traslazioak, edo igaroaldiak, Leitzan grabatu genituen, paisaia desberdinak

probestuz, eta gu egun batez, aktoresa bihurtuz, herrialde horietako jendearen paperean sartuz,

horien ohituretako batzuk antzezten ahalegindu ginen. Prozesu hau guztia, kamara batekin

grabatu genuen. Esan behar da, lan handia egin genuela eta grabaketa prozesua bi egunez

burutu genuela. Izan ere, gauzak nahi bezala ateratzeko, eta azken emaitza lortzeko, saiakera

asko egin behar izan genituen. Iragarkia aberasteko asmoz, bideo kamararekin plano

ezberdinak grabatzen saiatu ginen, leku eta posizio anitzak frogatuz.

Behin iragarkiaren zatiak atalka grabatuak genituela, muntaketa lanari ekin genion, eta

hau Moviemaker eta Pinnacle programen laguntzarekin burutu genuen. Lehenik eta behin,

oinarrizko muntaketa Moviemaker-en egin genuen, eta ondoren soinu eta irudien hobekuntza

Pinnacle-rekin burutu genuen, kalitate hobeagokoa baita.

EMAITZA:

- OSAGAIAK

- Musika: Lau herrialde ezberdinetara igarotzeko, guk sortu dugu musika guztia: Asian,

metalofono, karriloi eta musika txinatarra lortzeko instrumentu ezberdinez baliatu gara hango

musikara hurbiltzeko asmoz. Afrikan, tribu baten ospakizun edo abesti batean girotzen saiatu

gara eta tinbalen laguntzaz eta gure ahotsak erabiliz sortu dugu musika, gutako bakoitza tonu

desberdin batean zentratuz. Amerikan, Mexikon ezagunak diren rantxera bat aukeratu genuen

abestitzat. Horretarako, kaxa espainiarra eta kitarra erabili ditugu eta azkenik, gutako bik

abestu dugu, bi ahotsetan ( Adelitaren moldaketa bat). Azkenik, Europari erreferentzia

egiteko, Euskal Herriko arin arin bat aukeratu dugu, esku soinua eta panderoaren laguntzaz,

Euskal Herriko oso musika tresna tipikoak baitira. Trikitilari baten laguntzarekin bai eta

panderoaren laguntzaz, arin-arin bat grabatu genuen.

Bestalde, iragarki osoan zehar, Kepa Junkeraren “Bok Espok” abestia txertatu genuen,

izan ere, kulturen arteko lotura azpimarratzeko kantarik aproposena iruditu zitzaigun. Kepa

Junkera mundu osoan zehar ibili zen giran, eta beraz, kanta hau lagun izan zuen gainontzeko

8

herrialdeak zanpatzean. Horretaz gain, abesti honekin bertsio desberdinak egin zituen

kontinente ezberdinetan, bakoitzean hango berezko beste musika tresna batzuekin nahastuta,

ukitu berritzaile bat emateko.

Azkenik esan, iragarkia eguberri garaian girotuta dagoenez, hasiera emateko

trikitixarekin jotako “Hator hator” abestia jarri dugu. Bukaeran berriz, trikitixarekin baita ere

“Vuelve a casa por navidad” abestia jarri dugu, hasi eta buka gabon kantekin egiteko asmoz.

Beraz, esan daiteke, musika aldetik aberastasun handiko iragarkia dela hau.

- Testua: iragarki osoan zehar, iragarkia saltzeko gure ahotsak sartu ditugu deigarria eta

erakargarria suerta dadin. Honela, iragarkiari lotutako esaldiak aipatu ditugu: “mundua

ezagutzeko!”, “primeran pasatzeko!” “Amerika, Asia, Afrika, eta Europa” … Jokoaren berri

emateko ere eta bere funtzionamendua ulertzeko, froga bakoitzaren izena esan dugu ahotsez:

“imintzioka, taboo, galdera, marraztu”. Eta bukaera emateko gure iragarkiari, mahai-jokoaren

logoa eta honen eslogana edo leloa gehitu dizkiogu. Honakoa bai ahoz bai idatzirik eman

dugularik bisuala izan dadin: “Ikasiz gozatu, gozatuz ikasi! Tutimundi, zure mahai-jokoa”.

- Irudiak: Lehenik eta behin, Danik bidali zigun gidoi teknikoa eta honen inguruko azalpenak

oinarritzat hartuz lanari ekin genion. Hasieran, ideiak ez genituen batere argi eta gidoi

teknikoa egiten joan ginen heinean, iragarkia forma hartuz joan zen eta buruan nolabaiteko

etorkizuneko iragarkia sortu genuen. Eszenatoki ezberdinak aukeratu genituen eta honela

gelditu zen gure iragarkia:

Dena eguberrietan girotu dugu, Olentzerok opariak utzi dizkie haurrei zuhaitzaren

azpian eta horietako bat gure iragarkiaren protagonista da: TUTIMUNDI mahai- jokoa, hain

zuzen. Ondoren, haurrak esnatu bezain pronto opariak irekitzera gerturatzen dira ilusioz

gainezka eta mahai jolasa ikusi bezain pronto,

honekin jolasten hasiko dira. Tutimundi,

kultura eta mundua ezagutzeko aukera

paregabea denez, munduko herrialde

ezberdinen inguruko galderak eta froga

ezberdinak egiten dizkie jokalariei. Honela,

ondo pasatzeaz gain, gauza berri asko ikasten

dituzte haurrek. Hau dena kontuan hartuz,

haurrak jokoarekin jolasean hasten dira eta

lauki bakoitzean erortzean, kontinente bateko galderak edo frogak egin beharko dituzte.

9

Iragarkian kontinenteen galderak egiterakoan, kontinente bakoitzeko traslazioa egitea

ideia polita izango litzatekeela pentsatu genuen eta horregatik, Asiako laukian erortzean,

Txinara bidaiatzen du ikusleak. Berdina gertatzen da gainontzeko kontinenteekin. Bueltan

haurrek jokoarekin jarraitzen dute eta iragarkiari amaiera ematen diogu jokoaren argazki

batekin eta azkenik, logoarekin.

- Edizioa: Iragarkiaren edizioari begira, gorabehera handiak izan ditugula aipatzekoa da.

Hasieran ez genekien zein programa erabili iragarkiaren ediziorako baina Danik esandakoa

kontuan hartuta, azkenik, Moviemaker programa erabiltzeko erabakia hartu genuen. Programa

ulertzeko arazorik ez genuen izan, jada ezagutzen genuelako. Bertan, irudiak eta musika

ezberdinak elkartu genituen baina honako programa nahiko sinplea denez, ahotsak

txertatzerako orduan ezinezkoa suertatu zitzaigun, ez baitzen oso zehatza, eta ahotsak lekuz

kanpo gelditzen ziren. Beraz, irakaslearen laguntzat, Pinnacle programarekin ahots ezberdinak

txertatu ahal izan genituen bideoan. Bukatzeko, iragarkia youtubera igo genuen eta egun,

bertan dago ikusgai “Tutimundi iragarkia” izenburupean.

- IRAGARKIA EGIN ONDORENGO HAUSNARKETA:

Lehenik eta behin, aipatu behar dugu taldekideok gustura gelditu garela gure

iragarkiaren emaitzarekin. Iragarkia ikustean, nabari da atzetik lan handia egina dagoela, eta

ez dela azkar batean burututako lana. Lorpenen identifikazioari helduz, musika aldetik asmatu

dugula iruditzen zaigu, transmititu nahi genuen mezuarekin bat baitzetorren, musikak berak

ere esanahi egokia baitzuen testuinguru horretan.

Bestetik, hobetzeko alderdiei erreferentzia eginez, egongelan haurrak mahai jokoarekin

dauden momentuaren grabaketan, argitasun gehiago jarriko genuke, koloreen kontrastea ez

baita oso garbi antzematen. Horretaz gain esan behar da, gure kamerak ez direla hoberenak

ere, eta beraz, kalitate hobea beti lortu daiteke.

Iragarkia bukatzean, jendearen harrera oso ona izan zen. Lehenik eta behin, familiari eta

lagunei erakutsi genien eta asko gustatu zitzaien izan ere, guri herrialde desberdinetako

jendearen paperean sartuta ikusteak irribarre bat margotu zien. Horretaz gain, esan ziguten

jolasa ondo ulertzen zela, ideia oso ona izan zela, eta nabari zela atzetik lan asko zegoela

10

eginda. Gainera, asko baloratu zuten jokoa bera ere guk geure esku eta sormenarekin sortua

zela.

Ondoren, iragarkia areto nagusian ikustean, klasekide batzuk lehen aldiz ikusi zuten

iragarkia eta asko gustatu zitzaien. Batzuk esan ziguten oso deigarria zela, beste batzuk oso

orijinala … Gainera, batzuk esan ziguten iragarkia oso dinamikoa zela, izan ere sekuentzia

aldaketa asko ditu, eta beraz, iragarkia bi minutu baino zertxobait luzeagoa bada ere, oso arina

dela, ikusterreza eta ez dela astuna gertatzen esan ziguten. Orokorrean, jendeari asko gustatu

zitzaiola iruditu zitzaigun.

Laburtzeko, esan dezakegu gustura gaudela lortutako emaitzarekin. Beti dago zer

hobetua, kasu honetan batez ere irudien kalitate aldetik, distira … baina hori, adibidez

Pinnacle programaren erabileran sakontzearekin hobetzen joango garen detaileak dira. Baina

momentuz oso gustura gaude lortutako emaitzarekin, eta uste dugu moduloko lanaren

helburua ongi bete dugula, bost ikasgaietako elementuak iragarki honetan uztartzea.

BESTEEN EMAITZAK:

Lehenik eta behin, esan behar dugu desberdintasun handiak nabaritu dugula iragarki batetik

bestera, baita iragarkien kalitatean jauziak ere. Atzetik nork egin duen lan asko nabari da eta gero

hori iragarkian islatua ikusten da, azkenean lanak bere fruituak ematen baititu. Guk esfortzu eta lan

gehiago egina dagoela ikusten dugu, bai musika eta baita jolasa bera ere, taldekideek sortua izan

denean, iragarkia gero muntaiaren aldetik hoberena izan ez arren, atzetik dagoen saiakera baloratuz.

Honakoak dira hoberenak iruditu zitzaizkigun iragarkien balorazioak:

Iragarkirik deigarriena “mundu kolore” iruditu zitzaigun, arrazakeriaren aurkako iragarkia

hain zuzen ere. Plastilinarekin burutua, oso deigarria eta polita iruditu zitzaigun eta ideia ongi

landua. Jostailurik iragartzen ez zen arren, alde horretatik lan gutxiago zuen baina oso ideia polita

iruditu zaigu, musikaren aldetik ere egokia. Argazki muntai baten bitartez burutua, ikusterreza da,

eta istorioa oso ongi ulertzen da. Hau da iragarki sinple baino on baten adibiderik onenetakoa.

Iragarkirik originalena “Zatoz baserrira” mahai jokoarena iruditu zitzaigun. Izan ere, batetik,

musika guztia haiek sortua zen eta baita mahai jokoa ere. Horretaz gain, beraiek eskura zituzten

baliabideak oso ongi erabili zituzten eta atzetik lan handia zegoela ikusten zen. Oso barregarria

izan zen frogak egiten ari ziren momentua, izan ere gu haiek unibertsitatean ikusten ohituta gaude,

11

eta horrela beraien ume rolan hain sartuta ikusteak irribarre bat atera zigun. Iragarkia oso ongi

ulertzen zen eta ideia ere oso ona zela iruditu zitzaigun.

Teknikoki aipagarriena izan zen iragarkia “Artoplay-ez utzi amesteari” iruditu zitzaigun. Izan

ere, argazkien muntaiaren bidez, eta ordenagailuko software aurreratuen bidez, oso iragarki landua

lortu zuten, benetako iragarki bat zirudien. Nabari da talde honetakoek ongi menperatzen dituztela

horrelako bideoak egiteko programak eta oso iragarki txukuna gelditu zen, teknikoki aipagarriena.

Iragarkirik egokiena aukeratzeko zalantzak izan ditugu, bat baino gehiago iruditu baitzaizkigu

onak eta politak. “Matxinsalto” aukeratu genuen egokiena bezala, izan ere moduloko lanaren

helburuak betetzen zituela iruditu zaigu. Mahai jokoa taldekideek beraiek sortu zuten sormena

lagun, eta jolasa oso didaktikoa da, dibertigarria izateaz gain. Oso iragarki alaia da eta haurrek

gozatzeaz gain, asko ikas dezakete. Gainera, taldean jolasten denez, lagunekin aritzeko egokia da,

baita familian ere. Oso erakargarria suertatzen da iragarki hau eta egokia ikusten dugu.

Maila berean, iragarki oso egokia iruditu zaigu baita ere, “Las pinturas del respeto”. Ideia oso

ona da eta atzetik hainbat balore atxiki lantzen ditu, birziklapena bezalakoak. Taldekideak paperean

ongi sartu dira eta musika on baten laguntzat, oso ongi egin dute beren lana. Iragarkiko ideia oso

polita da. Pinturak bezalako gauza bat era eder batean saltzeko iragarkia iruditu zaigu eta oso

erakargarria da.

Horietaz gain, “Tangram” eta “Kexkamuxala” iragarkiak ere oso onak iruditu zaizkigu,

bigarren honetan balore asko lantzen direlarik.

5- ETORKIZUNARI BEGIRA. ONDORIOAK

- APLIKAZIOAK HEZKUNTZAN:

Lehenik eta behin, esan beharra da Tutimundi jolas didaktikoa eta interaktiboa dela. Izan ere,

parte hartzaileak beraien artean jolasten dute, bikotek, eta horrek elkarreragin positibo bat

bultzatzen du beraien artean.

Batetik, didaktikoa da, izan ere, haurrek ongi pasatzen duten bitartean, munduko kultura eta

kontinente ezberdinen inguruko informazio asko dute eskuragarri. Beraz, jolas honen bitartez,

haurrek gure planetako kultura orokorra ikas dezakete, historiako, geografiako eta beste hainbat

12

arlotako atal nagusienak bilduz. Esan bezala beraz, haurrek munduko etnia nagusienen ezaugarri

garrantzitsuenak ikas ditzakete, baita herrialde garrantzitsuenetako bizi ohitura nagusienak zeintzuk

diren, munduko geografiako puntu garrantzitsuenak zeintzuk diren ere. Jolastu ondoren, haurrek

gehien gustatu zaien munduko ezaugarriaren inguruko marrazkiak egin ditzakete, lanak munduko

herrialdeei buruz, plastikan eskulanak … hainbat gauza egiteko aukera eskaintzen duen jolasa da.

Beraz, jolas honek badu baita ere bere aplikazioa hezkuntzan, izan ere, eskolako haurren

ingurunea, historiako gaiak barne hartzen ditu, eta oso jolas didaktikoa da, bai eskolan eta bai

eskolaz kanpo zentzua izango lukeena jolasteko.

- ZEHARKAKO GAIAK:

Jolas honek zentzua dauka izan ere, gaur egungo munduko globalizatu honen esanahia baitu

atzetik. Gaur egun, teknologiak argiaren abiaduran garatzen doazen mundu honetako partaide gara,

eta honek abantaila eta desabantailak ditu. Abantailen artean aipagarria da, teknologiei esker,

munduko edozein lekutan gertatzen den edozeren berri daukagula denbora errealean, eta internet

bezalako fenomenoei esker, munduko herrialde askotan inoiz egon ez arren, bertako informazio

guztia lor dezakegula sarean saltseatuz.

Horretaz gain, kulturartekotasunaren ideiarekin eskutik lotuta doa jolasa baita ere. Izan ere,

jolasaren helburuetako bat honakoa da: haurrek ikas dezaten munduan kultura, ohitura aniztasun

handia egon arren, denak errespetatu behar direla eta denok maila berean gaudela, larruaren kolorea,

janari mota, lurraldea … aintzat hartu gabe. Guztiok bat garela esan nahi da, munduko herritarrak

guztiok garela eta beraz, inor ez dagoela beste bat menpe edo maila baxuagoan; ez dira

gainontzekoak gutxietsi behar. Uste dugu gainera gaur egun dagoen immigrazioarekin, etorkinen

fluxua gero eta handiagoa den mundu honetan, ideia interesgarria dela lantzeko, eskoletan haurrek

gero eta gehiago horrelako kasuak biziko baitituzte, eta beraz, integrazio prozesuan lagundu

beharko dute.

Honez gain, binaka eta taldean jolasten ere ikasiko dute, balore desberdinak sustatuko

direlarik; hala nola, elkarrekiko errespetua (txandak errespetatuz…), lankidetza, laguntasuna

sustatuko dituzte.

Azkenik, esan behar da zeinen erreza den askotan ikasiz ongi pasatzea, eta hori askotan

ahaztu egiten zaigu. Jolas hau, familiarekin, lagunekin … jolasteko aproposa da, eta ikastea eta ongi

pasatzea merkea dela argi gelditzen da. Haurrek, imintzioak, marraztu bezalako frogak dituztenez

mahai joko honetan, paperean guztiz sartzen dira, eta barneko espiritu lehiakor hori ateratzen zaie.

13

Beraz, gure iragarkiaren leloak dioen bezala, ikasiz gozatzea eta gozatu bitartean ikastea

ahalbidetzen duen mahai jokoa dugu Tutimundi.

6. ERABILITAKO INFORMAZIO ITURRIAK:

1) http://www.pinnaclesys.com/VideoSpinSupport/OnlineHelp/sp/help/005S_Ch01

.htm

2) http://www.didatecnia.com/

3) http://www.tuwebdeinformatica.com/Videos/movie_maker.html

4) http://es.wikipedia.org/wiki/Plano_cenital

5) http://www.muyinteresante.es/asi-nos-influye-la-musica-de-un-anuncio

Horretaz gain, aipatu behar dugu iragarkia egiteko ideia gehienak gure sormenetik atera

genituela, gure artean hitz eginez, eta iragarkia pixkanaka - pixkanaka ideia berriekin aberastuz.