Në emër të Allahut, Mëshiruesit, Mëshirbërësit!

Shkallëzimi i njerëzve sipas namazit

Ibnu El Kajimi (Allahu e mëshiroftë)

Kategoria e atij që i bën padrejësi vetes, neglizhenti, është ai i cili nuk plotëson

abdestin e namazit, kufijtë dhe shtyllat e tij.

Ai i cili kujdeset për kohën e namazit, për kufijtë, shtyllat e jashtme dhe abdestin, por nuk e lufton veten e tij nga vesveset dhe e kalon tërë namazin me vesvese dhe mendime.

Ai që kujdeset për kufijtë dhe shtyllat e namazit dhe e lufton veten e tij në parandalimin e veseve dhe mendimeve me një luftë si para armikut të tij, në mënyrë që mos ta tolerojë të vjedhë nga namazi i tij. Pra, ky është në namaz dhe luftë.

Ai i cili kur ngrihet për faljen e namazit, i plotëson të gjitha të drejtat e tij, pastaj shtyllat dhe kufijtë e tij dhe i është pushtuar zemra nga ruajtja e kufijve dhe shtyllave të namazit, në mënyrë që të mos i ikë asgjë nga ai namaz, madje synimi parësor i tij është kryerja e saj në formën e përkryer. Atij i është pushtuar zemra nga çështja e namazit dhe adhurimi i Allahut të Lartësuar.

Është si kategoria paraprake, por shtesë te kjo kategori është se ky njeri e ka vendosur zemrën e tij para Krijuesit aze ve xhel, duke pasur në konsideratë shikimin e Tij. Ai e ka mbushur zemrën e tij me dashuri dhe madhërim të Allahut a thua se është duke e parë. Ai që i ka mënjanuar ato vesvese dhe ka larguar çdo pengesë mes tij dhe Zotit të tij, dallon nga të tjerët me namazin e tij sikurse largësia e qjejve dhe e tokës. Në namazin e tij ky person është i zënë me Zotin e tij.

Kategoria e parë: Do të dënohet. E dyta: Do të llogaritet.E treta: Do t’i falet. E katërta: Do të shpërblehet.E pesta: Do të qëndrojë pranë Allahut të Lartësuar.