liber per politiken monetare
TRANSCRIPT
19
EFIKASITETI I POLITIKËS MONETARE
NË SHQIPËRI
DHE NEVOJA PËR REFORMA TË
MËTEJSHME
Michael Bolle*
Thomas Meyer**
ABSTRAKT
Një test kyç për të kuptuar nëse një bankë qendrore ka udhëhequr
një politikë të suksesshme monetare, është fakti se sa njerëzit i kanë
besuar parasë së tyre. Në këtë studim ne vlerësojmë efikasitetin e
Bankës së Shqipërisë, duke analizuar mekanizmat tradicionalë të
transmetimit të politikës monetare dhe duke analizuar të dhënat e
pritshmërive të inflacionit. Niveli i ulët i ndërmjetësimit financiar
dhe dollarizimi euroizimi i luhatshëm jozyrtar, përfaqësojnë pengesa
serioze për procesin e transmetimit. Për më tepër, duke marrë
ndryshimet në normat afatgjata të interesit midis valutave të forta
dhe lekut shqiptar si një të dhënë eksperimentale, ne vlerësojmë se
pritshmëritë e inflacionit nuk janë stabilizuar akoma në një nivel të
ulët, pavarësisht se inflacioni ka qenë i ulët dhe i qëndrueshëm vitet
e fundit. Ngjarjet e jashtme, si për shembull prurja e qëndrueshme
e remitancave, kanë kontribuar në regjistrimin e një inflacioni të
qëndrueshëm, sepse ato suportojnë kursin e këmbimit dhe presionet
e kufizuara inflacioniste nga ana e kërkesës.
Besueshmëria në politikën monetare dhe stabiliteti i sistemit
bankar duhet të krijojnë pritshmëri të ulëta dhe të qëndrueshme të
inflacionit. Nëse këto arrihen, atëherë duhet të ndërmerren hapa
drejt inflacionit të shënjestruar. Nga pikëpamja jonë, reformat duhet 20
të përqendrohen në katër pika: (i) pakësimi i sasisë së dollarizimit,
sepse bashkimet reale ekonomike janë shtuar jashtëzakonisht shumë
në Evropë. (ii) rritja e nivelit të ndërmjetësimit financiar, por duhet
të pengohet bumi i huamarrjes së pagarantuar; (iii) shndërrimi
i ekonomisë cash në një ekonomi të bazuar mbi bankat; dhe (iv)
përmirësimi i cilësisë së institucioneve.
Fjalët kyç: ekonomia shqiptare, politika monetare, inflacioni i
shënjestruar, zhvillimi financiar.
1. STABILITETI MONETAR DHE POLITIKA MONETARE:
RASTI I SHQIPËRISË
Stabiliteti monetar është një ndër gurët themelorë të suksesit
të fundit të zhvillimit ekonomik të Shqipërisë. Duke parë normat
e inflacionit si dhe luhatshmërinë e kursit të këmbimit, vihet re se
Shqipëria ka shënuar sukses të dukshëm:
• inflacioni i çmimeve të konsumit zbriti nga 40 për qind në
rreth 3 për qind në periudhën pas shpërthimit të krizës së skemave
piramidale në vitin 1997. Kjo është akoma më e dukshme, nëse
konsiderojmë faktin që vendet në tranzicion me rritje të shpejtë
normalisht jetojnë disa tendenca të brendshme në lidhje me
inflacionin për shkak të efektit Balassa-Samuelson (Kovács et al,
2002).
• Kursi i këmbimit është i qëndrueshëm; leku është vlerësuar
kundrejt euros, dhe kjo tendencë është akoma edhe më e theksuar
kundrejt dollarit.
Duke kërkuar një shpjegim për këtë sukses të jashtëzakonshëm,
vëmendjen ta tërheq menjëherë kontributi i politikës monetare të
Bankës së Shqipërisë, të cilën do ta cilësonim si të aftë, vendimtare
dhe të kujdesshme, të orientuar drejt objektivit të uljes së inflacionit.
Banka e Shqipërisë vlerëson dhe kontrollon ecurinë e treguesve
monetarë, të përcaktuar qartë në një program të përshtatshëm 21
monetar. Me një ambicie të qartë për të kaluar drejt inflacionit të
shënjestruar në një periudhë afatmesme (Hadëri/Kolasi, 2003),
Banka e Shqipërisë tashmë publikon një interval objektiv për nivelin
e inflacionit, aktualisht 2 - 4 për qind. Marrëveshjet e riblerjes repo
dhe operacionet e tregut të hapur janë instrumentet kryesore të
politikës monetare të Bankës së Shqipërisë. Politika e kujdesshme
e bankës qendrore bie në sy, sidomos në vitet 2002 dhe 2003, kur
normat e interesit të marrëveshjeve të riblerjes repo u rritën midis 7
dhe 8.5 për qind dhe më pas u ulën përsëri në 6.5 për qind, si një
reagim ndaj zhvillimeve monetare. Programi monetar për vitin 2003
u adoptua, duke marrrë parasysh raportin e parasë jashtë bankave
me ofertën e parasë dhe angazhimin e fuqishëm mbi depozitat me
maturim afatgjatë.
Përsa i përket kursit të këmbimit, banka qendrore operon brenda
regjimit të kursit të luhatshëm të administruar të këmbimit. Kursi i
këmbimit është klasifikuar si i pavarur dhe ndikohet nga ndërhyrjet e
Bankës së Shqipërisë – kur është e nevojshme – për të zbutur luhatjet
e lekut kundrejt dollarit dhe euros. Në periudhën janar – gusht 2003,
Banka e Shqipërisë ndërhyri në treg duke blerë 46 milionë dollarë,
me qëllim zbutjen e presionit të vlerësimit. Si rrjedhojë, në vitin 2003,
leku ishte mjaft i qëndrueshëm krahasuar me euron. Kjo eksperiencë
është e ndryshme nga ajo e vendeve të tjera të Evropës Qendrore
dhe Lindore, kurset e këmbimit të të cilave shpesh vlerësohen, por
normat e tyre nominale të kursit të këmbimit zhvlerësohen pak në
mënyrë tipike.
Banka e Shqipërisë merr seriozisht në konsideratë stabilitetin
financiar, sidomos nga pikëpamja e qëndrueshmërisë së kursit
të këmbimit dhe mbajtjes së inflacionit në nivele të ulëta. Edhe
në rastet kur Banka e Shqipërisë ndërhyn, e bën këtë veprim me
shumë kujdes, vendosmëri dhe me dëshirë të mirë. Këto ndërhyrje
janë vlerësuar edhe nga FMN, një institucion i njohur më tepër
për kritikat e ndërhyrjeve sesa për përgëzime. Raporti i FMN
për Shqipërinë (FMN, 2004) deklaron: “Banka e Shqipërisë ka
administruar likuiditetin në mënyrë të aftë dhe të kujdesshme, dhe
zbutja e kujdesshme e politikës monetare ka qenë e përshtatshme ...
Banka e Shqipërisë duhet të vazhdojë tendencën e saj graduale, duke
monitoruar kujdesshëm kushtet e ofertës së brendshme, çmimet 22
ndërkombëtare të energjisë dhe diferencat në normat e interesit”.
Nuk ka dyshim që Banka e Shqipërisë duhet të vlerësohet për ecurinë
e saj të mirë monetare, sepse ka kontribuar në stabilitetin e vendit
me qëndrimin e saj monetar “transparent, sistematik dhe të orientuar
sipas tregut” (Samiei, 2003).
Ne nuk jemi vetëm dhe zoti na ka dhënë dy sy: një për politikën
dhe tjetrin për tregjet. Politika monetare e Bankës së Shqipërisë
është mbështetur edhe nga politika fiskale, e orientuar drejt rifitimit
të stabilitetit makroekonomik. Pas disa episodeve të këqija, Qeveria
Shqiptare ka filluar të ripërforcojë kuadrin e kujdesshëm fiskal të
vendit. Deficiti vjetor zbriti nga 12.1 për qind e PBB-së në vitin 1999
në 5.6 për qind në vitin 2003, ndërsa borxhi i përgjithshëm zbriti
nga 71.6 për qind e PBB-së në vitin 2000 në 60.3 për qind në 2003
(BERZH, 2004). Këto shifra janë akoma edhe më domthënëse, nëse
marrim parasysh faktin se lufta kundër varfërisë dhe papunësisë
kërkon burime të konsiderueshme financiare. Duke vazhduar më tej
vlerësimin tonë, mund të themi se në Shqipëri ka pasur tregje të
favorshme. Meqënëse politika e qeverisë ka mbështetur angazhimin
e fuqishëm të Bankës së Shqipërisë drejt një stabiliteti monetar, të
njëjtën gjë kanë bërë edhe disa pjesëmarrës të tregut. Rritja e PBB-së
ishte e lartë dhe e fortë, duke favorizuar uljen e papunësisë dhe rritjen e
moderuar të pagave për të zbutur efektin e Balassa-Samuelson, ndërsa
vlerësimi i lekut zbuti koston, pa patur një ndikim të përgjithshëm
negativ mbi eksportet. Ka, pa dyshim, edhe faktorë të tjerë që mund
të kenë kontribuar në ecurinë bindëse të inflacionit dhe të kursit të
këmbimit në Shqipëri. Për shembull, mund të përmendim rrjedhjen
e kapitalit nga transfertat zyrtare dhe remitancat, të cilat mbështesin
kursin e këmbimit (Samiei, 2003; Muço et al., 2003), si dhe ngjarjet e
jashtme si faza dhe sasia e prodhimit të brendshëm ushqimor, të cilat
kanë pasur, gjithashtu, efektet e veta ndihmuese (Banka e Shqipërisë,
2004).
Mund të arrihet në konkluzionin se ecuria e shkëlqyer monetare, e
matur sipas treguesve standardë, ka ardhur si rezultat i ekspertizës së
politikës dhe i disa çështjeve të tregjeve të favorshme. Fati i mirë dhe
administrimi i mirë kanë patur një rol në këtë proces. Kushtet kanë
qenë të mira në Shqipëri, së fundmi, dhe Banka e Shqipërisë ka qenë
me të vërtetë e zgjuar për të përfituar nga kjo situatë e favorshme. Por, 23
mund të ndodhë në të ardhmen që, Shqipërisë t’i duhet të përballojë
stuhi të tjera dhe, në këto situata, politika monetare mundet që sërish
të bëhet më e komplikuar.
Politika monetare shqiptare tashmë funksionon në një ambient të
vështirë makroekonomik. Kështu, papunësia është jashtëzakonisht
e lartë dhe varfëria mbetet shqetësimi kryesor. Sektori informal
vështirë të integrohet me ekonominë formale. Problemet energjitike
vazhdojnë të ekzistojnë. Cilësia e institucioneve shqiptare është më
e ulët se ajo e atyre të vendeve fqinje: treguesit e rreziqeve në lidhje
me zbatimin e ligjit, me eficiencën e administrimit, me korrupsionin
dhe me krimin e organizuar, kanë dalë rregullisht me rezultate të
papëlqyeshme. Si pasojë e këtyre sfidave, mund të shtrohet pyetja,
nëse politika monetare është e përgatitur për kohë të këqija dhe nëse
Shqipëria do të jetë e detyruar të kalojë kohë të vështira. Në këtë rast,
mund të shikohet edhe kompozimi i kuadrit monetar, nëse vlerësimi
i rrezikut nxjerr në pah nevojën për reforma të mëtejshme.
2. KONVERGJENCA REALE DHE BAZAT MONETARE:
NJË BASHKËVEPRIM KOMPLEKS
Treguesit standardë të mirëqenies ekonomike tregojnë se
Shqipëria vazhdon të jetë një vend i varfër, sidomos në krahasim me
Bashkimin Evropian. Të ardhurat neto për frymë vlerësohen të jenë
rreth 1765 usd (BERZH, 2004), diku te 18 për qind e mesatares së
Bashkimit Monetar Evropian. Treguesit e paritetit të fuqisë blerëse
duken të njëjtë. Në vitin 2003, të llogaritura në bazë të paritetit të
fuqisë blerëse, të ardhurat neto për frymë ishin rreth 4700 usd, rreth
7 ose 8 për qind e mesatares së Bashkimit Monetar Evropian (WDI,
2004). Në mënyrë të dukshme, rritja reale e të ardhurave neto është e
dobët për të rritur mirëqenien e kombit dhe luftën kundër varfërisë,
si dhe për të luftuar papunësinë.
Rritja ekonomike është e fuqishme në Shqipëri: pas një uljeje të
ritmit në vitin 2002, rritja ekonomike arriti kulmin në 6 për qind.
Kjo shifër është e mirë dhe e konsiderueshme, por jo spektakolare,
duke qenë se Shqipëria hyri në tranzicion nga një bazë jo shumë
e ulët. Megjithatë, një shifër prej 6 për qind nuk duket të jetë e 24
mjaftueshme: një llogaritje e thjeshtë tregon se, me një rritje prej 6 për
qind, Shqipërisë do t’i duhej një periudhë 20 deri në 30-vjeçare për të
arritur mesataren e të ardhurave neto për frymë të Bashkimit aktual
Monetar Evropian në masën 50 deri në 70 për qind. Në llogaritjen
e kësaj kohe merret parasysh fakti që rritja mesatare ekonomike e
Bashkimit Monetar Evropian është 2 për qind dhe supozohet që
rritja ekonomike e Shqipërisë do të jetë 6 deri në 12 për qind (shih
figurën 1). Madje edhe me një rritje ekonomike prej 12 për qind dhe
me një llogaritje të bazuar në metodën Atlas (WDI, 2004), llogaritjet
tregojnë se procesi i arritjes do të donte të paktën një brez për të
arritur 70 për qind të mesatares së Bashkimit Monetar Evropian.
Procesi i konvergjencës, duke marrë 20-30 vjet me norma të larta
rritjeje, por me një progres të ulët në konsum, mund të jetë më i gjatë
sesa njerëzit janë përgatitur të presin. Ndoshta mund të kërkohet më
shumë durim dhe vendosmëri, duke qenë se krahinat e pasura janë
përgjatë kufirit ose gjatë bregdetit. Për më tepër, vende si Irlanda
kanë treguar se është e mundur të mbajnë norma të larta të rritjes për
një periudhë të gjatë kohe dhe të arrijnë një konvergjencë reale në
më pak se një brez.
Rritje e lartë do të thotë investime më të larta në kapitalin real
dhe njerëzor, të nevojshme për një progres më të shpejtë teknik. 25
Ekuacioni 1 në figurën 2, i referohet disa bazave të procesit të rritjes:
normat e rritjes varen nga raporti i investimit I/Y dhe eficienca
e investimit k. Në një model të thjeshtë Harrod-Domar të rritjes
ekonomike, të dy variablat janë marrë si të pavarur nga njëri-tjetri,
në një model Solow, të dy variablat janë marrë si të ndërlidhur
ndërmjet tyre nëpërmjet funksionit të prodhimit dhe tregjeve. Për t’i
bërë gjërat më të thjeshta – modeli Solow funksionon për tregjet që
funksionojnë mirë (neoklasike) të paktën në një periudhë shumë të
gjatë – ne i referohemi këtij shembulli, por jo në mënyrë të thjeshtë,
që rritja vret nga investimi në kapitalin real, kapitalin njerëzor dhe
disa lloje progresesh autonome teknike.
Problemet e hasura nga rritja ekonomike – dhe mësimet që duhen
nxjerrë – mund të vihen re lehtësisht. Një strategji konvergjence, e
orientuar drejt rritjes, kërkon një shpërndarje të lartë të investimit
sipas GNI
3
Problemi qëndron në faktin se një vend relativisht i .
varfër si Shqipëria, me një nivel të ulët konsumi, vështirë se mund
t’ia dedikojë burimet e saj të pakta rritjes së investimeve. Në kushtet
e agregatëve monetarë kjo përkthehet si më poshtë: në periudhën
afatgjatë, vende me të ardhura relativisht të ulëta si Shqipëria nuk
mund të rrisin kursimet e tyre në një nivel të mjaftueshëm për të
financuar investimet e larta, pa rrezikuar ekuilibrin monetar ose
më keq akoma stabilitetin politik. Për të siguruar një ekuilibër 26
midis kërkesës së përgjithshme dhe ofertës së përgjithshme janë të
nevojshme kursime më të larta, në mënyrë që të arrihet një investim
më i lartë. Në të kundërt, kërkesa e ndikuar nga inflacioni rrezikon
stabilitetin monetar.
Por, ka vetëm një përjashtim. Hendeku midis investimeve të larta
të nevojshme dhe kursimeve të ulëta, të kufizuara nga të ardhurat,
mund të mbyllet nëse një vend importon burime të jashtme
nëpërmjet deficitit të llogarisë korente. Nga pikëpamja e ekonomisë
së mirëqenies, një deficit i llogarisë korente mund të interpretohet
si një import i burimeve të jashtme, të financuara nga një rrjedhje
e njëtrajtshme e kapitalit të huaj në vend. Pra, niveli i kursimeve të
brendshme mund të jetë akoma i ulët. Por, nëse mungesa e burimeve
të brendshme plotësohet nëpërmjet një deficiti të llogarisë korente,
i cili mundëson investimet e larta, dhe nëse hendeku korrespondues
i kursimeve të brendshme mbushet nga një rrjedhje e kapitalit të
jashtëm, atëherë stabiliteti makroekonomik mund të garantohet,
ndërsa stabiliteti i jashtëm shprehet nëpërmjet një ekuilibri tregu të
bilancit të pagesave. Këto lidhje shprehen në ekuacionin 2 të paraqitur
në figurën 2. Ekuacioni 2 mund të interpretohet si një tautologji për
shkak të përkufizimeve të kursimeve, të investimeve dhe të deficitit
të llogarisë korente ose si një kusht i nevojshëm – veçanërisht
monetar – për stabilitetin makroekonomik. Në këtë studim, ne i
referohemi interpretimit të dytë duke interpretuar, në këtë mënyrë,
deficitin e llogarisë korente si një import të burimeve të jashtme në 27
vend, shumë të nevojshme për vendet e varfëra për të ekuilibruar
kërkesat e investimeve për rritje të lartë ekonomike dhe ruajtjen e
mundësisë së një vendi të varfër për të arritur një standard jetese.
Kjo është situata aktuale në Shqipëri. Figura 3 paraqet zhvillimet e
kursimeve dhe të investimeve si një përqindje e PBB-së në Shqipëri.
Duket qartë se raporti i kursimeve të brendshme kundrejt PBB-së
është më i ulët sesa ai i investimeve, që rezulton nga deficiti i llogarisë
korente.
Një deficit i llogarisë korente, i cili i korrespondon diferencës
së kursimeve dhe investimeve, është skicuar në figurën 4. Sipas
llogaritjeve të Bankës së Shqipërisë, deficiti i llogarisë korente
vlerësohet të jetë në masën 6.7 për qind të PBB-së në fund të vitit
2003 dhe është zvogëluar në mënyrë të konsiderueshme krahasuar
me atë të vitit 2002, ku ky raport ishte 8.7 për qind. (Shënim: deficiti
i llogarisë korente i Bashkimit Evropian arriti në 8.5 për qind në vitin
2003 dhe 9.1 për qind në vitin 2002; Komisioni Evropian, 2004.)
Këto shifra korrespondojnë me llogaritjet e paraqitura në figurën
2. Norma e rritjes prej 6 për qind korrespondon me një deficit të
llogarisë korente prej 6.5 për qind. Nëse raportet e kursimeve dhe
investimeve mbeten të pandryshuara, një proces arritjeje me norma
më të larta të rritjes ekonomike do të kërkonte një deficit më të lartë
të llogarisë korente. Llogaritjet tregojnë se deficiti i llogarisë korente
ka qenë në përpjestim të zhdrejtë me PBB-në, madje dyfishohet,
nëse norma e rritjes ekonomike është në nivelin 6-8 për qind. 28
Kjo është edhe ajo çka pritet: duke marrë parasysh vendimet
e pandryshuara mbi kursimet dhe vendosmërinë politike për të
përhapur stabilitetin monetar, rritje e lartë do të thotë deficite më
të larta të llogarisë korente, të nevojshme për të nxitur burimet
e huaja në ekonominë e brendshme. Pavarësisht nga fakti se në
Shqipëri deficiti i llogarisë korente përdoret më shumë për konsum
(nëpërmjet importeve të mallrave të konsumit), nuk duhet të harrohet
se ai është i lidhur me investimet nëpërmjet kostove oportune.
Importet e mallrave të konsumit kursejnw burimet e nevojshme për
investimet private dhe publike, duke patur parasysh nivelin e ulët të
kursimeve të brendshme në Shqipëri. Fatkeqësisht, të paktën nga një
këndvështrim ekonomik, ne nuk jemi duke folur për SHBA. SHBA
mund të përballojë deficite të llogarisë korente për vite me radhë
për shkak të rolit të dollarit. Kjo i takon institucioneve të pas Luftës
II Botërore (arkitektura ndërkombëtare e Bretton-Woods), dhe më
vonë tregjeve të kapitalit që funksiononin mirë. Leku nuk shërben si
një monedhë e rezervës ndërkombëtare dhe Shqipëria nuk mund të
thuhet se ka një treg të gjerë dhe të mirëfilltë kapitali. Për vende të
vogla dhe të varfëra si Shqipëria, deficite të larta të llogarisë korente
mund të provohen lehtësisht se janë të papërballueshme. Një hyrje e
qëndrueshme dhe e sigurt e kapitalit të huaj nevojitet për të financuar
deficitin dhe për të mbështetur monedhën.
Në këtë kontekst Shqipëria është me fat: deficiti i saj i llogarisë
korente financohet më shumë nga remitancat e emigrantëve
shqiptarë, nëpërmjet rrjedhjeve të investimeve të huaja dhe nëpërmjet
asitencës së huaj financiare (figura 5). Këto rrjedhje mbajtën të fortë
lekun dhe shërbyen për të përforcuar pozicionin e përgjithshëm të
jashtëm të Shqipërisë, gjatë vitit 2003. Leku është vlerësuar lehtë
në krahasim me euron, dhe akoma më shumë në krahasim me
dollarin. Për më tepër, rrjedhja mjaft e qëndrueshme e kapitalit ka
treguar se leku nuk ka qenë plotësisht volatil. Patjetër, mbështetja
në kushtet e favorshme, është një biznes me rrezik të lartë. Për
sa kohë vendimet në lidhje me kursimet dhe investimet bazohen
mbi perceptimet korrekte të kushteve të ardhshme ekonomike –
veçanërisht mbi vazhdimësinë e normave të rritjes ekonomike dhe
rrjedhjes së qëndrueshme të kapitalit drejt vendit – kushtet monetare
do të mbeten mjaft të qëndrueshme për funksionimin e procesit të
konvergjencës. Por edhe nëse ka shoke të jashtme apo nëse dikush 29
ankohet nga frika e një sulmi spekulativ, monedha e vlerësuar disi – e
matur sipas deficitit të llogarisë korente – mund të jetë nën presion.
Leku ka treguar qëndrueshmëri për shkak të disa karakteristikave të
veçanta të rrjedhjes së kapitalit të huaj. Remitancat nuk janë shumë të
ndjeshme ndaj spekulimeve, investimet direkte të huaja janë akoma
më të ulëtat në rajon sipas raportit investime të huaja për frymë,
rritja e eksporteve dhe inflacioni relativisht i ulët kanë ndihmuar në
sigurimin e stabilitetit të monedhës vendase, duke mundësuar në
të njëjtën kohë edhe financimin shumë të nevojshëm të deficitit të
llogarisë korente.
Nuk rekomandohet zbatimi i një stress-testi, duke ndjekur një
politikë të hapur me qëllim rritjen e deficitit të llogarisë korente
në një nivel shumë të lartë, që t’i besohet tregjeve ose duke hequr
dorë nga disiplina financiare apo monetare. Ekuilibri i jashtëm është
disi i paqëndrueshëm dhe kursi i këmbimit mund të luhatet, duke u
bërë më i paqëndrueshëm sesa pritej. Ka gjithmonë një mundësi të
shpërthimit të një krize të monedhës me karakteritikat e saj shumë të
njohura: zhvlerësim, krizë bankare dhe përhapje. Për të siguruar një
proces arritjeje të përmbajtur, politika duhet të krijojë mundësi për
kursime më të larta – domethënë një ulje të ngadaltë të konsumit!
– dhe nivele më të larta investimi. Në këtë mënyrë, strategjia e rritjes 30
ekonomike, e skicuar si më lart, duhet të jetë e në përputhje me
rritjen e bazës së eksportit dhe pakësimin e deficitit tregtar, pra në
njëfarë mënyre edhe me uljen e deficitit të llogarisë korente. Procesi
duhet të bëhet gradualisht, por në mënyrë të vendosur. Nga ana
tjetër, ky proces përmban edhe rreziqe: ka një kufi delikat që ndan
arritjen e këtij qëllimi nga një krizë ekonomike, e karakterizuar nga
nevojat afatshkurtra dhe qëllimet afatgjata. Por, ajo çka është më e
rëndësishme, është fakti se Shqipëria ka nevojë të mbajë një politikë
monetare serioze, për të siguruar një inflacion të ulët, të bazuar në
një besueshmëri të shëndoshë dhe afatgjatë të tregut në funksionimin
e procesit të konvergjencës.
3. RREZIQET DHE PASOJAT E TYRE NË POLITIKËN
MONETARE
3.1 Rreziqet: pritshmëritë afatgjata të inflacionit.
Sfida kryesore e Shqipërisë për vitet në vazhdim do të jetë realizimi
i konvergjencës reale, pa rrezikuar stabilitetin makroekonomik. Një
normë afatmesme e rritjes, me një mesatare midis 6 dhe 8 për qind,
duket si e realizueshme, me kusht që të vazhdojnë reformat strukturore
dhe që politika monetare të jetë e orientuar drejt stabilitetit.
Nëse konvergjenca do të bazohet në një normë rritjeje më të lartë
sesa mesatarja e viteve të fundit, ky proces domosdoshmërisht do të
shoqërohet me një deficit të llogarisë korente më të lartë se më parë.
Ky deficit do të jetë rezultat i rritjes së shkaktuar nga vëllimi i lartë i
importeve, të nevojshme për të ngushtuar hendekun midis konsumit
dhe kursimeve private. Megjithatë, kjo strategji disi e rrezikshme do
të funksionojë vetëm nëse ajo mbështetet nga politika monetare dhe
ajo fiskale, të cilat kanë për qëllim rritjen e kursimeve të brendshme
dhe të eksportit, në një periudhë afatmesme dhe afatgjatë. Me fjalë të
tjera, Shqipëria duhet që gradualisht, por në mënyrë të vendosur, ta
kthejë deficitin e saj të llogarisë korente në një suficit të sigurt.
Vazhdimësia e pozicionit të jashtëm të Shqipërisë mund të jetë nën
presion në një periudhë afatgjatë, nëse thellimi i deficitit të llogarisë
korente nuk reflekton vendimet e kursimeve dhe investimeve, të 31
bazuara mbi perceptimet korrekte të kushteve ekonomike. Rreziqet
potenciale ndaj vazhdimësisë së llogarisë korente lidhen edhe me
ndryshimet e mundshme në të ardhmen në çështjen e financimit si
dhe me një mbivlerësim të rritjes së outputit. Karakteristikat e këtij
procesi nënkuptojnë volatilitet të rritur të outputit si dhe sfida për të
administruar rrjedhjet volatile të kapitalit.
Strategjitë monetare dhe ato të kursit të këmbimit kontribuojnë
në mënyrë të rëndësishme në stabilitetin makroekonomik, duke
siguruar kredibilitet në lidhje me pritshmëritë e inflacionit. Treguesit
ekonomikë si për shembull, normat e ulëta dhe të qëndrueshme të
inflacionit, stabiliteti i kursit të këmbimit dhe përvetësimi i tronditjeve
(shokeve), janë thjesht tregues të besueshmërisë. Reputacioni
i një banke qendrore mund të njehsohet nëpërmjet shkallës së
besimit të njerëzve te paraja e tyre. Suksesi i një banke qendrore
vlerësohet përgjithësisht nga niveli i besimit që kanë njerëzit te
monedha. Regjimet e qëndrueshme monetare ndihmojnë në rritjen
e besueshmërisë dhe të pranimit.
Nëse njerëzit kanë besim te monedha e tyre, ata mund të pranojnë
përkohësisht edhe një inflacion më të lartë ose një kurs këmbimi më të
luhatshëm. Në të kundërt, kur njerëzit kanë dyshime mbi monedhën
e tyre, dyshimi i tyre do të shumëfishojë çekuilibrat afatshkurtër,
duke reaguar në mënyrë prociklike kundrejt tronditjeve më të vogla.
Për shembull, një zhvlerësim sado i vogël do të shkaktonte një
riorganizim të shkallës së gjerë kundrejt monedhave të huaja (strehët
e sigurta), sepse njerëzve do t’iu mungojë besimi në monedhën e
tyre. Në këtë rast, frika e një zhvlerësimi në shkallë të gjerë do të
ishte vetëvepruese.
Pavarësisht inflacionit të luftuar në mënyrë të suksesshme, ka disa
të dhëna që tregojnë se politika monetare shqiptare ka një arritje
më të ulët se sa ajo që besohet, përsa i përket përcjelljes së besimit
në stabilitetin e lekut dhe në vazhdimësinë e procesit të rritjes
ekonomike, domethënë shpejtësisë dhe cilësisë së konvergjencës reale
të ekonomisë. Gjykimi ynë bazohet mbi disa vëzhgime teorike dhe
empirike, të cilat lidhen me inflacionin e pritur. Nëse pritshmëritë
e inflacionit nuk janë të favorshme dhe nuk mbahen të ulëta dhe të
qëndrueshme, ato do të kanalizohen në norma interesi afatmesme dhe 32
afatgjata, si dhe në pritshmëri mbi zhvillimet e ardhshme të kursit
të këmbimit. Për këtë arsye, ato kanë një ndikim mbi ekonominë
reale dhe çmimet, sepse shumica e investimeve kanë një horizont
afatmesëm ose afatgjatë dhe firmat përpiqen të financojnë ato me
një maturim korrespondent, duke shmangur një mospërputhje të
maturimit midis investimit dhe financimit. Kontratat afatmesme
dhe afatgjata zakonisht marrin në konsideratë normat e inflacionit
të pritshëm. Pasiguria e lartë mbi inflacionin e ardhshëm, mund
të rezultojë jo vetëm me prime thelbësore mbi pozicionet afatgjata,
por gjithashtu mund të dekurajojë bizneset nga angazhimet e tyre në
kontrata afatgjata (në lekë). Kjo e fundit mund të reduktojë sasinë
e specializimit dhe të ndarjes së punës në ekonomi, sepse bizneset
nuk janë në gjendje të krijojnë marrëdhënie specifike, me efekte të
kundërta mbi rritjen ekonomike.
Një teori ekonomike e kohëve të fundit zbulon rëndësinë e
pritshmërive – veçanërisht mbi normat e inflacionit – në përcaktimin
e çështjeve të rritjes ekonomike dhe të punësimit. Shembujt më të
spikatur janë debatet në lidhje me stabilitetin e kurbës së Phillips,
me normën e papunësisë jopërshpejtuese të inflacionit të (nonaccelerating inflation rate of unempolyment NAIRU) dhe me vlerësimin e
ndikimeve jokejneziane të politikave të deficitit të shpenzimeve, për
shkak të efektit Rikardo. Lidhur me teorinë e kursit të këmbimit,
është i njohur roli i veçantë i pritshmërive mbi panikun spekulativ.
Teoritë ekonomike fokusohen mbi mënyrën se si janë të ndërtuara
pritshmëritë dhe mbi mënyrën se si shfaqen ato së bashku me
argumentet e zgjedhjes racionale dhe me idetë e pritshmërive të
adoptuara. Teoria ekonomike argumenton, megjithatë, se nuk ka
dyshim që pritshmëritë e inflacionit janë të lidhura ngushtë me
normat e inflacionit dhe kredibilitetin e politikave monetare të
bankës qendrore. Dhe nuk ka dyshim, gjithashtu, që pritshmëritë
e normave të inflacionit përfshijnë një vlerësim të karakteristikave
të rritjes ekonomike në të ardhmen dhe të rreziqeve të lidhura me
një funksionim eficient të bashkëveprimit kompleks midis variablave
monetarë dhe ekonomisë.
Teoria e ndërtimit të pritshmërive të inflacionit është disi
komplekse. Përsa i përket empirizmit të varfër dhe të thjeshtë,
gjërat janë më të lehta. Megjithatë, është ende vështirë të gjenden 33
treguesit e përshtatshëm për të matur pritshmëritë e inflacionit të
së ardhmes. Normat e interesit mbi kreditë e reja për maturime të
ndryshme, të marra nga INSTAT, përdoren si treguesi ynë kryesor.
Një vështrim i shpejtë mbi kurbën e yield-it të ndërtuar mbi bazën
e maturimeve na siguron disa konkluzione mbi inflacionin e pritur.
Kurba e yield-it ka një formë tipike jolineare, domethënë normat e
interesit rriten me rritjen e kohës së maturimit, për maturime më
të shkurtra se 6 muaj deri në 1-3 vjet, por norma e interesit për
periudha maturimi më të gjata se 3 vjet është më e ulët sesa norma
e interesit për periudha maturimi 1-3 vjet. Prandaj, kurba e yieldit është jolineare (shih figurën 6). Megjithatë, përveç pritshmërive
të inflacionit, kurba e yield-it ndikohet edhe nga shumë faktorë të
tjerë. Pasiguria mbi të ardhmen e institucioneve financiare mund të
shkaktojë prime të rëndësishme mbi angazhimet afatgjata, e cila të
krijon përshtypjen sikur pritshmëritë e inflacionit janë të larta, por
në fakt ato reflektojnë një besueshmëri të ulët në sistemin financiar
– domethënë një premium të likuiditetit të lartë. Ne iu drejtuam
kësaj vështirësie duke krahasuar normat e interesit për maturime të
ndryshme në monedha të ndryshme – domethënë lekë, dollar, euro
– duke supozuar që premiumi i likuiditetit bazohet në dëshirën për
fleksibilitet financiar dhe besueshmëri në institucionet financiare,
por është më pak i ndjeshëm ndaj valutave në të cilën është
kredituar. Maturimet afatgjata përfshijnë një premium likuiditeti,
sepse kredidhënësi heq dorë nga disa shkallë të fleksibilitetit në 34
rastin e shock-eve, nëse angazhohet me një kredi më afatgjatë. Për
më tepër, lloji i kolateralit, zakonisht i nevojshëm për të marrë një
kredi, duhet të variojë midis maturimit, dhe prandaj, shpjegon një
pjesë të kurbës së yield-it. Pjesa e mbetur e kurbës së yield-it mund
të shpjegohet nëpërmjet një përzierjeje të pritshmërive të inflacionit
dhe premiumit të likuiditetit.
Kurba e yield-it duket e njëjtë si për kreditë e reja në lekë ashtu
edhe për ato në dollarë dhe në euro. Të gjitha kanë një zhvillim tipik
jolinear. Megjithatë, gjerësia e diferencave midis normave të interesit
afatshkurtër dhe normave të interesit afatgjatë për kreditë e dhëna
në lekë, janë më të larta sesa ato të dhëna në dollarë apo në euro.
Për të ilustruar këtë pikë, figura 7 tregon diferencën në spredet midis
kredive të dhëna në lekë dhe atyre të dhëna në euro dhe midis kredive
të dhëna në lekë dhe atyre të dhëna në dollarë. Spredet janë llogaritur
si një diferencë midis normave të interesit për kreditë e reja me
maturim më të ulët se 6 muaj dhe normave të interesit të kredive me
maturim 1 - 3 vjet. Hendeku i spredeve përshkruan diferencën midis
spredeve të maturimit për ato kredi të akorduara në lekë dhe në
dollarë. Prandaj, një hendek me 4 pikë përqindjeje midis euros dhe
lekut tregon që diferenca midis normës së interesit të periudhave
afatgjata (1-3 vjet) dhe periudhave afatshkurtra (më pak se 6 muaj)
është 4 pikë përqindjeje më lart në lekë sesa është ajo në euro. 35
Studimi i hendekut të spredeve na lejon të ndajmë efektin e
pritshmërive të inflacionit dhe të premiumit të likuiditetit mbi kurbën
e yield-it. Duket bindëse të supozosh që premiumi i likuiditetit është i
pavarur nga valuta në të cilën është dhënë, sepse reflekton çmimin e
fleksibilitetit real ekonomik dhe financiar. Nëse ka shock-e frekuente,
të cilat rrisin nevojën e planifikimit fleksibël financiar, atëherë ato do
të ndikojnë kreditë në lekë, si dhe kreditë e dhëna në monedha të
tjera. Shock-et monetare, të cilat do të ndikonin vetëm një monedhë,
janë të përshira në pritshmëritë e inflacionit në mënyrë konceptuale.
Prandaj, krahasimi i spredeve na jep një ide në lidhje me diferencat e
inflacionit të pritur në ekonominë shqiptare. Hendeku i vazhdueshëm
pozitiv i spredeve midis kredive të dhëna në lekë dhe atyre të dhëna
në dollarë si dhe në euro, tregon që shumica e agjentëve ekonomikë
presin që inflacioni në Shqipëri të jetë më i lartë sesa në SHBA apo
në Bashkimin Evropian Monetar. Hendeku i spredeve nuk duhet të
neglizhohet: në qershor të vitit 2004, diferenca midis kredive të reja
të dhëna në lekë dhe atyre të dhëna në euro ishte 4 pikë përqindjeje,
ndërsa diferenca midis kredive të reja të dhëna në lekë dhe atyre të
dhëna në dollarë ishte akoma dhe më e lartë, 5.5 pikë përqindjeje.
Natyrisht kreditë e dhëna në lekë përfshijnë një premium më të
lartë mbi maturimet më afatgjata, të cilat mund të interpretohen si
mungesë e besimit në stabilitetin e lekut. Si pasojë, njerëzit paguajnë
më shumë kur bëhet fjalë për angazhimet e tyre afatgjata në lekë.
Premiumi i normave të interesit për kreditë e dhëna në lekë dhe
hendeku në spredet e maturimit, tregojnë që pavarësisht inflacionit të
fundit, besueshmëria afatgjatë në lekun dhe vazhdimësia e rritjes nuk
është shumë e lartë. Mund të arrihet në përfundimin se pavarësisht
të dhënave empirike të paraqitura më lart, pritshmëritë e inflacionit
nuk janë aq të favorshme sa për të deklaruar fitoren në luftën kundër
inflacionit në Shqipëri. Pritshmëritë e inflacionit nuk janë aq të
shëndosha sa të shërbejnë si një bazë e sigurtë për inflacionin e ulët
në një periudhë afatgjatë, për stabilitetin financiar dhe për rritjen të
lartë e vazhdueshme.
3.2 Rreziqet: ndërmjetësimi financiar.
Ndërkohë që procesi i arritjes drejt niveleve më të larta të të
ardhurave vazhdon, politika monetare ka kontribuar në katër pika 36
të rëndësishme, përsa i përket zgjidhjes së problemeve të stabilitetit
monetar dhe të shpërndarjes së burimeve:
1) rritja e investimeve private sipas nivelit të dëshiruar;
2) ekulibri i kursimeve të brendshme sipas nivelit korrespondues,
për të mundësuar kushtet makroekonomike kërkesë-ofertë,
të nevojshme për norma të ulëta inflacioni;
3) vendosja e normave të interesit të përshtatshme për të siguruar
një rrjedhje të qëndrueshme të kapitalit privat, të nevojshëm
për të financuar deficitin e llogarisë korente; dhe
4) nevoja për një shpërndarje eficiente ndërkohore të fondeve
sipas normave të qëndrueshme të kthimit dhe rrezikut.
Banka e Shqipërisë është e vetëdijshme për sfidat e politikës
monetare. Raporti vjetor i bankës deklaron “kanalizimi i kursimeve
sipas investimeve aktuale duhet të jetë një prej prioriteteve kryesore”
(Banka e Shqipërisë, 2004, f.27). Detyrat për politikën monetare janë
të përmasave herkuliane dhe mund të zgjidhen siç duhet, vetëm nëse
tregjet financiare punojnë në mënyrë eficiente. Banka e Shqipërisë
ka qenë disi optimiste: “Niveli i normave reale të interesit inkurajon
investimin e një pjese të kursimeve (private) si depozita bankare.”
(Banka e Shqipërisë, 2004). Ky konstatim reflekton një pamje realiste
të sistemit financiar dhe të funksionimit të tij në shpërndarjen e
investimeve dhe kursimeve.
Tregjet financiare shqiptare janë të cekta, pavarësisht se kjo
është e zakonshme dhe gjithashtu, përfaqëson edhe rastin e shumë
vendeve të tjera në tranzicion. Të dhënat teorike dhe empirike
tregojnë se tregjet financiare nuk janë të zhvilluara mjaftueshëm për
të siguruar një shpërndarje eficiente të përkohshme dhe ndërkohore
të burimeve:
a) ekonomia shqiptare është akoma një ekonomi cash. Kjo
provohet edhe nga struktura e portofolit financiar të vendit. Në
vitin 2000, tërheqjet spekulative të depozitave nxorën në dukje
besueshmërinë e ulët të publikut në monedhën shqiptare dhe nxitën
një rritje të rëndësishme të valutës përkundrejt ofertës së parasë. Në
fund të vitit 2003, niveli i valutës jashtë bankave në krahasim me
ofertën e parasë ishte 27 për qind, shumë afër me nivelin e lartë 37
historik të mesatares prej 29.4 për qind të 4 viteve të fundit. (Banka
e Shqipërisë, 2004.)
b) Shumica e kredive jepej në valutë të huaj. Gjykimi ynë
bazohet në të dhënat empirike në lidhje me përdorimin e dollarit dhe
të euros. Në Shqipëri (shih figurën 8) rritja e kredisë të dhënë në valutë
të huaj lë pas rritjen e kredisë të dhënë në lekë. Kjo e dhënë është
disi në përputhje me nocionin e stabilitetit monetar, sepse inflacioni
i ulët dhe kursi i qëndrueshëm i këmbimit do të rriste atraktivitetin e
lekut. Nga ana tjetër, është tërësisht në përputhje edhe me interesat
e vendosur për kreditë. Norma e interesit për kreditë e dhëna në
lekë është më e lartë, krahasuar me ato të kredive të dhëna në euro.
Në vitin 2004, spredi ishte midis 3.2 dhe 5.7 pikë përqindjeje (shih
figurën 9). Kjo diferencë është një argument i mirë për kërkimin e
kredive në euro sesa në lekë. Siç duket dhe pavarësisht suksesit të
politikës monetare, suksesi i shënuar monetar nuk i bind dot njerëzit
të kthehen te monedha e tyre.
Roli i fortë i dollarit në Shqipëri është një gjeagjëzë në vetvete,
duke qenë se vëllimi i tregtisë është më i lartë me vendet evropiane.
Pjesë e shpjegimit për pozicionin e fortë të dollarit mund të jenë
remitancat e larta në dollarë nga emigrantët shqiptarë, si dhe një stok
ekzistues i lartë i dollarit në qarkullim, ndoshta që prej ditëve të para
të tranzicionit. Në fakt, bankat kanë mbledhur më shumë depozita 38
në dollarë sesa në euro; vetëm gjatë muajve të fundit ky rregull
është përmbysur. Pas tronditjes së vitit 1997, askush nuk i qorton
shqiptarët për mosbesimin dhe mosdepozitimin e parave në sistemin
bankar. Në fakt, stabiliteti i cili duhet të jetë siguruar nëpërmjet
dollarit gjatë kësaj periudhe të vështirë, është ndoshta shpjegimi më
i mirë për trajtimin aktual më të favorshëm. Dollari është akoma një
njësi e rëndësishme llogarie, një mjet shkëmbimi dhe një denominim
për produktet financiare. Sidoqoftë, tregtia midis Shqipërisë dhe
SHBA është njëqind herë më e vogël se ajo midis Shqipërisë dhe
Bashkimit Evropian. Nevoja e marrëdhënieve tregtare çon në një
kalim nëpërmjet variacioneve të kursit të këmbimit nga efektet e
bilancit. Prandaj, mund të rezultojë me rregullime të vonuara dhe
efekte kundërintuitive.
c) gjendja e varfër e tregjeve financiare karakterizohet nga një
përdorim i ulët nga ana e publikut e kredive bankare dhe të kolateralit
për të siguruar transaksionet, të cilat me zor kryhen në sektorin
privat. Kreditimi i sektorit privat është në nivelin 6.8 për qind të
PBB-së (2002), pavarësisht se ai tregon një rritje të rëndësishme që
prej vitit 1999, kur ai ishte vetëm 3.8 për qind e PBB-së (WDI, 2004).
Kreditimi i përgjithshëm i ekonomisë i siguruar nga sektori bankar
ka rënë që prej vitit 1997, duke reflektuar një kreditim më të ulët ndaj
qeverisë. Megjithatë, pretendimet mbi qeverinë akoma llogariten mbi 39
85 për qind të kreditimit të brendshëm në vitin 2003, më i ulët nga
niveli prej 95 për qind i vitit 1998 (INSTAT, 2004).
d) ndërkohë që tregjet financiare në Shqipëri janë të sunduara
nga sektori bankar, shkalla e ndërmjetësimit financiar (roli i bankave
si ndërmjetësuese në kanalizimin e fondeve nga depozitorët te
huamarrësit) është akoma e ulët. Shkalla e ndërmjetësimit financiar
është akoma dhe më e ulët në krahasim me ekonomitë e tjera në
tranzicion. Ekspozimi i sektorit të ndërmarrjeve në valutë të huaj
duket shumë i lartë. Nëse monedha vendase do të dobësohej, për
sektorin bankar do të shfaqeshin rreziqet e kreditit, gjë që do të
sillte ndërlikime për drejtimin e politikave monetare dhe të kursit të
këmbimit.
Një shtim i shpejtë i ndërmjetësimit financiar dhe zgjerimi i bilancit
të sektorit financiar mund të sjellë një volatilitet të lartë në ecurinë
e institucioneve financiare individuale dhe të sektorit financiar,
në përgjithësi. Për shembull, duket se sipërmarrjet vendase do të
mbështeteshin kryesisht në burimet e jashtme të financimit sesa në
fondet e brendshme. Në të njëjtën mënyrë familjet, me përmirësimin
e prospekteve të të ardhurave dhe besueshmërisë, mund të marrin
pjesë në konsumin ndërkohor.
Në Shqipëri reformat e kuadrit financiar vazhdojnë me
paralajmërimin për ndërprerjen e kreditimit dhe të ndërmjetësimit
bankar. Sërish, theksojmë se autoritetet janë të ndërgjegjshme për
sfidat e së ardhmes. Qëllimi i privatizimit të Bankës së Kursimeve
ishte nxitja e dinamikës së sistemit të brendshëm bankar. Progres
i rëndësishëm është bërë edhe në zbatimin e planit mbikëqyrës të
zhvillimit. Përpjekjet për të reduktuar ekonominë cash reflektohen
në programin “Përtej parasë”, i inicuar nga Banka e Shqipërisë
dhe në përpjekjet e Qeverisë Shqiptare për të përdorur transfertat
bankare për të paguar punonjësit e tyre. Me asistencën teknike të
FMN-së dhe BB-së në disa fusha, janë realizuar tashmë mbikëqyrja
e kujdesshme dhe parandalimi i pastrimit të parave, janë marrë
masa për përmirësimin e cilësisë së sistemit financiar dhe të
ndërmjetësimit financiar. Megjithatë, karakteristikat ekzistuese të
sistemit financiar akoma kanë disa pasoja të ashpra për funksionimin
e politikës monetare për shkak të kanaleve të dobëta të transmetimit. 40
Sfida kryesore për politikëbërësit do të jetë administrimi i shtimit
të ndërmjetësimit financiar dhe një zgjerim dinamik i aktivitetit të
institucioneve financiare, pa rrezikuar stabilitetin e ekonomisë. Në
këtë nivel, tregjet financiare në Shqipëri nuk janë të përgatitura të
operojnë në mënyrë mjaft eficiente për të siguruar zhvillim ekonomik
të mëtejshëm, të shpejtë dhe të vazhdueshëm.
3.3 Pasojat: kanalet e dobëta të transmetimit.
Eficienca e tregjeve financiare është vendimtare në vendosjen
e stabilitetit makroekonomik, duke ekuilibruar kursimet private
(dhe ndoshta publike) dhe investimet. Duke influencuar normat
e interesit dhe kufizimet e kredisë një bankë qendrore mund të
kontrollojë procesin e rregullimit të kërkesës ndaj ofertës, duke
stabilizuar kërkesën e ndikuar nga inflacioni në një nivel të dhënë
papunësie. Procesi funksionon kështu: normat e larta të interesit dhe
kufizimet e kredisë i bëjnë investimet më të shtrenjta dhe kursimet
më tërheqëse. Kështu kërkesa ekonomike ulet, sepse firmat mund
të vendosin të investojnë më pak, dhe familjet të shpenzojnë më
pak. Për më tepër, bilanci i firmave mund të ndikohet në drejtim të
kundërt, sepse ato duhet të rifinancojnë kreditë ekzistuese me një
normë më të lartë interesi. Duke iu referuar disa aspekteve të teorisë
moderne ekonomike, mund të jemi të prirur të pranojnë nocionin e
influencës mbi pagat dhe mbi normat e udhëhequra nga pritshmëritë
të inflacionit përshpejtues. Duke analizuar kanalet e transmetimit
të politikës monetare në Shqipëri nëpërmjet interesit, kanaleve të
kredisë dhe kursit të këmbimit, mund të përftohen disa vëzhgime
për të vlerësuar instrumentet e politikës monetare shqiptare.
Kanali i kreditit funksionon nëpërmjet kufizimeve të kreditit. Nëse
bankat tregtare nuk janë në gjendje ose të gatshme, t`iu reflektojnë
klientëve të tyre ndryshimet e normave repo në një kohë të saktë,
atëherë ata mund të rregullojnë nivelin e kreditimit. Për këtë arsye
një rritje në normat repo mund të çojë në nivele më të ulëta kreditimi,
ndërkohë që normat e interesit mund të mbeten të pandryshuara. Në
Shqipëri, sektori bankar i siguron pak kredi sektorit privat, ndërkohë
që shumica e kredisë akordohet në valutë të huaj. Kështu, kanali i
kreditit mund të funksionojë si një sistem rregullator mbi çmimet e
brendshme. 41
Për një funksionim të mirë të kanalit të normës së interesit,
kalimi i ndryshimeve të normës së interesit të Bankës së Shqipërisë
vendimmarrësve, në sektorin privat, është vendimtare. Në një situatë
të zhvillimit të ulët financiar, normat e interesit në sektorin bankar
nuk reflektojnë domosdoshmërisht ekuilibrin midis investimeve dhe
kursimeve, por janë të drejtuara nga racionimi i kreditit dhe frika
e zgjedhjes së kundërshtarit. Një normë më e lartë interesi, nëse
nuk kalohet te klientët, mund të përkeqësojë cilësinë e portofolit
të kredisë dhe do të rezultojë me fitime më të ulëta. Në fakt, norma
e interesit afatshkurtër mbi kreditë e reja të dhëna në lekë u rrit
gjatë vitit 2004 me 1.5 pikë përqindjeje, ndërsa Banka e Shqipërisë
uli normën e interesit në të njëjtën kohë nga 7 deri në 6 për qind
në qershor (INSTAT, 2004). Kjo e dhënë eksperimentale të paktën
tregon se Banka e Shqipërisë duhet të merret me diferencat e mëdha
kohore, ndërsa ndryshimet e normave të interesit të kalohen. Për
më tepër, vëllimet e ulëta të kredisë dhënë sektorit privat, dhe në
përgjithësi niveli i lartë i parasë në qarkullim - Shqipëria shpesh
konsiderohet një ekonomi cash – tregojnë që, edhe nëse ndryshimet
e normave të interesit do të kalohen shpejt, efekti real mbi kërkesën
dhe çmimet duhet të jetë disi i kufizuar. Qeveria qendrore është
huadhënësi kryesor (nga vëllimi prej 85 për qind) dhe mund të vihet
në dyshim fakti që shpenzimet qeveritare do të ngadalësoheshin nga
rritja e moderuar e normave të interesit, sepse nuk ka një shtrëngim
të fortë buxheti. Stimujt e vendosur nga ndryshimet e normave të
interesit, mund të mos jenë të mjaftueshëm për rregullimet thelbësore
të çmimeve në një periudhë kohe të paparashikueshme.
Delikatesa e kanalit të kursit të këmbimit qëndron në faktin se
ajo mund të ndikojë çështje të ndryshme të ekonomisë me shpejtësi
të ndryshme. Çmimet e mallrave të importuar reagojnë shpejt ndaj
ndryshimeve të kursit të këmbimit. Megjithatë, efekti i ndryshimeve të
kursit të këmbimit mbi konkurrencën mund të transmetojë ndryshime
më të vogla në kërkesën agregate të brendshme. Kjo mospërputhje
në intervalet kohore mund të prodhojë një efekt kamzhik në ekonomi,
nëse banka qendrore përqendrohet më shumë në inflacionin aktual se
sa në atë afatgjatë (Ball, 1999, Svensson, 2000).
Në ekonomitë e vogla të hapura si Shqipëria funksionimi i kursit
të këmbimit është më i ndjeshëm ndaj sasisë së transaksioneve, 42
aseteve dhe detyrimeve në valutë të huaj. Transfertat zyrtare të
larta dhe remitancat nga emigrantët shqiptarë përfaqësojnë pjesën
më të madhe të rrjedhjeve të kapitalit. Ato mund të konsiderohen
më pak të ndjeshme ndaj themeleve ekonomike; ato supozohen
të reagojnë kundërciklikisht, sepse “anëtarët dhe miqtë e familjes”
jashtë shtetit (përfshi FMN) mund të tregohen më zemërgjerë, në
kushte të vështira ekonomike. Megjithatë, presioni i lekut së bashku
me ngjarjen e depozitave të vitit 2002, është një tregues që kjo lidhje
është më e cekët se sa duket.
Për më tepër, efekti i bilancit – domethënë efekti i ndryshimeve
të kursit të këmbimit mbi vlerën neto të kompanive me detyrimet në
valutë të huaj (dhe asetet) – mund të shkaktojë një efekt të kundërt
mbi kërkesën. Nëse detyrimet në valutë të huaj nuk kufizohen, nga
të ardhurat në valutë ose instrumentet financiare, bilanci i kompanisë
mund të vuajë nga një zhvlerësim, dhe firmat mund të detyrohen të
shkurtojnë investimet. Një zhvlerësim i monedhës atëherë mund të
shkaktojë një ulje të kërkesës së brendshme pavarësisht efekteve të
tij ekspansioniste (Kasa, 2001). Pozicioni i fortë i dollarit dhe euros
në ekonominë shqiptare plotëson kanalin e kursit të këmbimit.
4. QËLLIMI PËR REFORMA: NJË PËRQASJE
EKSPERIMENTALE
Rreziqet e sipërpërmendura dhe dobësia e dukshme e kanaleve
të transmetimit janë kushte të vështira për një politikë monetare
eficiente. Kjo është veçanërisht e vërtetë, nëse të dhënat empirike
tregojnë pritshmëri të papëlqyeshme të inflacionit. Inflacioni solid
i pak viteve më parë mund të mos ketë qenë i mjaftueshëm për
të krijuar një kredibilitet largpamës në vazhdimësinë e rritjes
dhe të konsolidimit të sistemit financiar. Kjo del si konkluzion i
konsideratave teorike dhe të dhënave empirike të mbledhura këtu.
Stoku relativisht i vogël i kredive private dhe niveli i lartë i kredive
dhënë në valutë të huaj, tregojnë faktin se sektori financiar është
shumë i cekët për të suportuar efektivisht zhvillimin ekonomik.
Brishtësia financiare dhe monetare theksohet edhe nga pritshmëritë e
normave të inflacionit në të ardhmen, të cilat shprehen në diferencat 43
e spredeve të maturimit midis lekut dhe dy valutave kryesore. Vihet
re mungesa e një besimi afatgjatë nga ana e pjesëmarrësve të tregut
në lidhje me vazhdimësinë e konvergjencës reale dhe eficiencën e
bazave monetare, të cilat i shtohen brishtësisë së situatës aktuale.
Shock-et më të vogla mund të shkaktojnë çrregullime thelbësore,
sepse njerëzit kanë tendencën të reagojnë në një mënyrë kapriçioze,
ndërkohë që nevojitet një besim i shëndoshë afatgjatë në kredibilitetin
dhe vazhdimësinë e monedhës. Pritshmëritë destabilizuese mund të
jenë vetëvepruese.
Fatmirësisht, kushtet nuk janë aq të këqija në Shqipëri në vitin
2004. Të dhënat empirike përfaqësojnë një rritje të rëndësishme të
besueshmërisë në vazhdimësinë e çështjeve që kanë të bëjnë me
rritjen ekonomike dhe në potencialin për stabilitetin e ardhshëm
të monedhës shqiptare. Duhet të theksohet se këto sinjale janë
një tregues i besimit që njerëzit kanë në angazhimin e Bankës së
Shqipërisë për të ndjekur stabilitetin e orientuar nga politika monetare
në të kaluarën. Duhet të evidentojmë disa sinjale pozitive:
a) një zhvendosje drejt depozitave bankare nga mbajtjet e cashit si dhe një rritje e raportit të depozitave në lekë kundrejt
totalit të depozitave, reflektojnë një rritje të besueshmërisë.
Për më tepër, besueshmëria në sektorin bankar duket se është
përmirësuar, nëpërmjet rritjes së depozitave lokale dhe të
huaja në vitin 2003 (Banka e Shqipërisë, 2004);
b) në fund të vitit 2003, struktura e portofolit të aseteve financiare
shqiptare të matur nga raporti i parasë jashtë bankave ndaj
ofertës së parasë, ishte afër nivelit të katër viteve të fundit
(mesatarisht 29.4për qind), (Banka e Shqipërisë, 2004, faqe
52). Pas tërheqjes të depozitave në vitin 2002, ky është një
zhvillim inkurajues;
c) zhvillimi i strukturës së portofolit në drejtim të kredive
afatmesme dhe afatgjata është një sinjal pozitiv. Bankat
tregtare janë më të prirura drejt financimit të projekteve
afatgjata. Kjo tregon besueshmërinë në stabilitetin afatgjatë
të monedhës vendase dhe në perspektivën për një rritje të
mëtejshme ekonomike;
d) ka edhe disa të dhëna empirike që flasin për një zhvillim
më të balancuar të strukturës së ofertës së parasë krahasuar 44
me strukturën e ofertës në valutë të huaj. Rritja e pritur e
kredisë për shkak të përfshirjes së Bankës së Kursimeve, do të
kontribuojë në rritjen e kredive të dhëna në lekë. Diferencat
e normës së interesit për kreditë e dhëna në lekë dhe atyre të
dhëna në valutë, shfaqin një tendencë në rënie, duke shkaktuar
kështu një rritje të kredive të dhëna në lekë.
Nivelet e ulëta të zhvillimit financiar, si rezultat i mungesës së
ndërmjetësimit të përshtatshëm financiar, janë pengesa serioze për
rritjen ekonomike afatgjatë, për stabilitetin e brendshëm dhe të
jashtëm të sistemit financiar dhe për funksionimin e qetë të kanaleve
të transmetimit. Përpjekjet e vazhdueshme janë të nevojshme
për të rritur ndërmjetësimin financiar, pa kompromentuar
cilësinë e shpërndarjes, në mënyrë që të parandalohet një bum i
papërballueshëm i kredive. Sektori financiar akoma ka nevojë të
forcojë strukturat e tij, duke përfshirë bankingun, duke u fokusuar
mbi zhvillimin e produkteve dhe lehtësive për të operuar në vende
të tjera. Ndërmjetësimi financiar dhe mbikëqyrja e kujdesshme do të
luajnë një rol të rëndësishëm në kthimin e ekonomisë nga orientimi
i saj mbi financimin e cash-it në një sistem financiar të automatizuar.
Një numër i rëndësishëm hapash është hedhur në këtë drejtim.
Nuk ka dyshim që cilësia e institucioneve financiare ka nevojë
të përmirësohet. Sipas karakteristikave të çështjeve ekonomike dhe
politike të së kaluarës, dikush mund të jetë i prirur të jetë dakord me
konstatimet, të cilat theksojnë se reformat kanë qenë të pamjaftueshme.
Gjatë negociatave të fundit mbi Marrëveshjen e Stabilizim-Asocimit,
zyrtarët e Bashkimit Evropian shprehën mendimin se “Shqipëria
duhet të përshpejtojë shpejtësinë e reformave të saj, në mënyrë që
të sigurojë që në fund të procesit të negociatave të jetë në gjendje të
zbatojë marrëveshjen në rregull” (KOM, 2004). Raporti i Bashkimit
Evropian përmend disa çështje të lidhura me korrupsionin dhe
krimin e organizuar, me sistemin juridik dhe administrimin publik,
me funksionimin e duhur të demokracisë, të të drejtave të njeriut
dhe të minoriteteve, dhe me formalizimin e mëtejshëm të ekonomisë.
Duket që raporti nuk e përmend fare Bankën e Shqipërisë.
Cilësia e dobët e institucioneve është një pengesë serioze për
rritjen dhe zhvillimin. Mund të jetë e vërtetë që është bërë vetëm 45
një progres i ngadaltë në ndërtimin e institucioneve si për shembull,
përforcimi i ligjit dhe mbrojtja e të drejtave. Reformat, si privatizimi
dhe heqja e barrierave administrative për hapjen e bizneseve të reja
kanë marrë sërish një vrull të ri (BERZH, 2004). Dhe Komisioni
Evropian deklaron se vendosmëria dhe angazhimi i gjerë politik janë
të nevojshme, në mënyrë që t’u jepet drejtim shumë çështjeve të
mbetura pezull (KOM,2004).
Banka e Shqipërisë ka provuar tashmë angazhimin e saj për një
politikë monetare transparente dhe të orientuar sipas stabilitetit
dhe reformave institucionale. Lista e reformave të fundit, siç janë
përmendur edhe nga Banka e Shqipërisë në Raportin Vjetor të vitit
2003 (Banka e Shqipërisë, 2004), është vërtet shumë mbresëlënëse:
modernizimi i sektorit financiar, forcimi i ndërmjetësimit bankar,
miratimi i standardeve të kontabilitetit dhe kapaciteti mbikëqyrës.
Shembuj të bindshëm në lidhje me punën për një infrastrukturë
tregu më të sigurtë dhe eficiente vihen re edhe në përfundimin e
sistemit RTGS dhe vendosjen e lehtësive të kredive njëditore të
kolateralizuara. Ekspertiza dhe kuadri ligjor janë përmirësuar me
teknikën e ofruar nga Banka Botërore, FMN, BE, BERZH dhe
donatorë të tjerë të Bankës së Shqipërisë.
Por, ka akoma shumë punë për t’u bërë në kuadrin e ndërtimit “të
sektorit financiar shqiptar”. Liberalizimi i lëvizjeve të kapitalit mund
të shërbejë si një shembull i mirë. Kjo detyrë ka të bëjë më shumë
me transfertat e kapitalit jashtë, drejt një zgjerimi më të vogël të
transfertave të kapitalit brenda dhe me kuadrin ligjor për mbrojtjen
e të drejtave të investitorëve dhe për riatdhesimin e fitimeve. Sipas
një deklarate të BERZH (EBRD, 2004), autoritetet shqiptare janë të
vendosura të sigurojnë liberalizimin e plotë deri në fund të vitit 2010
dhe duket se ka një konsensus mbi faktin se vazhdimi i reformave
të sektorit financiar, përmirësimet e instrumenteve të politikës
monetare dhe përmirësimet e mbikëqyrjes bankare, janë shumë të
rëndësishme për progresin e Shqipërisë drejt një tregu më të fortë
kapitali.
Banka e Shqipërisë duket se ka një qëllim të vendosur për të shkuar
zyrtarisht drejt inflacionit të shënjestruar në një periudhë afatmesme
(Hadëri dhe Kolasi, 2003). Sipas Memorandumit Suplementar 46
mbi Politikat Ekonomike dhe Monetare për Shqipërinë, Banka e
Shqipërisë ka theksuarr së fundmi vendosmërinë e saj për të forcuar
kapacitetin e saj për të adoptuar regjimin e inflacionit të shënjestruar
(FMN, 2004). Këshillohet që procesi të mos jetë i shpejtë. Kalimi në
një regjim të ri të politikës monetare nuk duhet të bëhet së afërmi.
Sipas të dhënave të prezantuara këtu – ndërmjetësimi i ulët financiar,
kreditë e dhëna kryesisht në valutë dhe pritshmëritë e pafavorshme
të inflacionit, të shprehura nëpërmjet diferencave të spredeve të
maturimit midis lekut dhe valutave të huaja – theksojmë se duhet të
bëhet me kujdes prezantimi i kujdesshëm, interpretimi dhe trajtimi
i regjimit të inflacionit të shënjestruar. Kjo duhet të shërbejë për
gjetjen e hapësirës dhe të kohës për përmirësimin e besueshmërisë
afatgjatë dhe zhvillimit të mëtejshëm të institucioneve të tregut
financiar.
Teoria ekonomike rendit një numër kushtesh që duhet të
përmbushen përpara se inflacioni i shënjestruar të bëhet një strategji
e suksesshme, duke përfshirë një mandat të qartë për stabilitetin e
bankës qendore,për një kurs fleksibël këmbimi, për një inflacion të
ulët dhe për një pritshmëri të ulët të inflacionit, për një administrim
transparent të politikës monetare dhe për një kuptim të gjerë të
mekanizmave të këtij regjimi, nga ana e publikut.
Shumë prej këtyre kushteve janë përmbushur në Shqipëri: një
mandat i qartë për stabilitetin e çmimeve të një banke qendrore,
kurs fleksibël këmbimi dhe inflacion i ulët. Administrimi i
politikës monetare është transparent. Deri tani, gjithsesi, pritjet për
inflacionin nuk duken të jenë të bazuara në besueshmërinë afatgjatë
të qëndrueshmërisë së rritjes së lartë ekonomike, normave të ulëta të
inflacionit në periudhën afatgjatë dhe eficiencës së regjimit të kursit
të këmbimit. Gjithashtu, mund të ketë hapësirë për përmirësimin e
edukimit të publikut, në lidhje me mekanizmat e politikës monetare.
Banka e Shqipërisë është duke punuar mbi çështjen e komunikimit,
nëpërmjet një fushate publicitare kundër spekulimit të rritjes së
çmimeve, gjatë festave. Kjo fushatë po kryhet për herë të dytë këtë
vit (Banka e Shqipërisë, 2004).
Vendosja e inflacionit të shënjestruar konsiston në lejimin e
sigurimit të një ankore për ndërtimin e pritshmërive. Kjo kërkon 47
një zotësi për të reaguar në mënyrë fleksible ndaj çdo lloj shocku financiar, monetar dhe ekonomik, duke rritur kapacitetin për
kontroll efektiv. Por, nëse objektivi nuk përmbushet shumë herë për
shkak të shock-eve të shpeshta të jashtme, mund të vihet në rrezik
besueshmëria e bankës qendrore. Ekonomia shqiptare, ashtu si edhe
ekonomitë e tjera të vogla të hapura, mund të jetojë eksperiencën
që inflacioni të ndikohet më shumë nga shock-et e jashtme si kursi
i këmbimit dhe lëvizjet e kapitalit, sesa nga faktorët e brendshëm
(Mishkin, 2000, Masson et al, 1997). Për më tepër, mund të ketë disa
probleme praktike. Për shkak të shkallës së ulët të ndërmjetësimit
financiar dhe të prishjeve strukturore të shpeshta të serive kohore,
mund të jetë e vëshirë të bësh parashikime të sakta.
Inflacioni i qëndrueshëm i viteve të fundit mund të mos ketë
qenë i mjaftueshëm për të krijuar një besueshmëri largpamëse të
shëndoshë. Në vend të prirjes për të prezantuar një regjim të ri të
politikës monetare kaq shpejt, qëllimi i Bankës së Shqipërisë duhet
të jetë krijimi i besueshmërisë afatgjatë në monedhën vendase, gjë që
do të shërbejë si një aset i besueshëm në procesin e konvergjencës
reale. Besueshmëria afatgjatë në monedhën vendase është kërkesa
themelore për suksesin e politikës monetare, e cila do të lejojë të
merren vendimet e duhura mbi investimet dhe kursimet, që janë
të nevojshme për vazhdimësinë e rritjes ekonomike. Në këtë rast,
tregjet mund të pranojnë pak volatilitet në kursin e këmbimit ose
deviacione më të vogla nga objektivat e shpallur të inflacionit.
Adoptimi zyrtar i regjimit të inflacionit të shënjestruar mund të
presë deri në një rritje të besueshmërisë së tregut dhe deri në një
materializim të lekut. Për sa kohë pritshmëritë mbi inflacionin në
të ardhmen nuk sinjalizojnë një rritje të besueshmërisë, një regjim i
tillë mund të shtojë pasigurinë në drejtimin e politikës monetare. Të
dhënat empirike mund të gjenden duke vëzhguar spredet e maturimit
të kredive të dhëna në lekë, në euro dhe në dollarë, ashtu siç tregohet
edhe këtu.
Duhet të ketë një ankorë për të zhvilluar besueshmërinë në
monedhën vendase përtej qëndrimit të pastër dhe kompleks të
politikës monetare. FMN sugjeron që Banka e Shqipërisë duhet të
vazhdojë përqasjen e saj graduale për të mbajtur një inflacion të 48
ulët, të monitorojë kushtet e ofertës së brendshme dhe të vëzhgojë
diferencat e normës së interesit (FMN, 2004). Kjo do të funksionojë
në një sistem të kursit fleksibël të këmbimit, nëse tregjet mësojnë t’i
besojnë monedhës së tyre dhe nëse pritshmëritë e inflacionit fillojnë
të shprehin konsolidimin e besueshmërisë afatgjatë. Vendet kanë
zhvilluar strategji të ndryshme për të ankoruar monedhën e tyre
dhe për të kontribuar në ndërtimin e besueshmërisë së tyre afatgjatë
si për shembull, kurset e këmbimit, bordet e monedhës ose (alas)
inflacioni i shënjestruar. Shqipëria nuk ka nevojë për një kurs monetar
për të arritur një sukses në ndërtimin e besueshmërisë së saj, sepse
ajo tashmë ka një kurs, ende të panjohur për teorinë ekonomike,
por të lehtë për t’u zbuluar nëpërmjet vlerësimit të kujdesshëm të
drejtimit të politikës monetare të Bankës së Shqipërisë, e cila është
e mirëzhvilluar dhe i shërben qëllimit për të cilin është krijuar. Ne
dëshirojmë ta quajmë atë, kurs institucional.
Në Shqipëri, ky kurs bazohet në angazhimin e qëndrueshëm dhe të
provuar të reformave institucionale, të nevojshme për konvergjencën
e Sistemit Evropian të Bankave Qendrore. Në vitet e fundit, Banka
e Shqipërisë ka shprehur ambicien e saj për të përafruar modelin
e saj me atë të Bankës Qendore Evropiane. Kjo ankorë mund të
konsiderohet një benchmark i rëndësishëm, bazuar në një angazhim
lehtësisht të ndjekshëm. Cilësia institucionale nuk përfshihet ndër
detyrat e një banke qendore. Megjithatë, duke patur parasysh
rëndësinë e institucioneve në drejtimin e politikës monetare dhe në
zhvillimin e ekonomisë si dhe të shoqërisë civile, Banka e Shqipërisë
ka pranuar rolin e saj drejtues në ndërtimin e institucioneve në
Shqipëri.
Banka e Shqipërisë ka treguar se është në gjendje të realizojë këtë
angazhim. Gjatë vitit 2003, Banka e Shqipërisë ka përmirësuar kuadrin
operacional dhe sistemin e saj mbikëqyrës rregullator, në përputhje
të plotë me kërkesat e harmonizimit të Bashkimit Evropian (Banka
e Shqipërisë, 2004).
Dhe angazhimi në vetvete është shumë i qartë: “ Banka e Shqipërisë
u ka prezantuar përqasjen e saj strategjike përfaqësuesve të Bankës
Qendrore Evropiane, në drejtim të arritjes të një konvergjence me
Bankën Qendrore Evropiane. Ky objektiv i rëndësishëm reflektohet 49
në një prej neneve të një marrëveshjeje dypalëshe midis Republikës
së Gjermanisë dhe Republikës së Shqipërisë, sipas të cilës ekspertët
gjermanë do të asistojnë Bankën e Shqipërisë në procesin e
konvergjencës” (Banka e Shqipërisë, 2004).
Ne jemi të lumtur dhe të nderuar që jemi në bord.50
LITERATURË
Ball, Laurence (1999): “Policy Rules for Open Economies”, in Monetary
Policy Rules, ed. John Taylor, University of Chicago Press, Chicago.
Banka e Shqipërisë, (2004): Raporti Vjetor 2003, Tiranë.
Banka e Shqipërisë (2004a): Buletini Ekonomik, Maj 2004, Tiranë.
COMM (2004): Albania - Stabilisation and Association Report 2004,
Working Paper, COM (2004) 203 final, European Commission, Brussels.
EBRD (2004): Transition Report update, European Bank for Reconstruction
and Development, London.
ECB (2004): Annual Report 2003, European Central Bank, Frankfurt/
Main.
Hadëri, Sulo dhe Kolasi, Gramoz (2003): A duhet të adoptojë Banka
e Shqipërisë një regjim të inflacionit të shënjestruar, studim i prezantuar në
Konferencën e Katërt Ndërkombëtare: Ekonomia Shqiptare, Ecuria dhe Sfidat
e Politikës, Shtator 11-12, 2003, Sarandë, Shqipëri.
IFS (2004): International Financial Statistics, Washington DC.
IMF (2003): Albania: Selected Issues and Statistical Appendix, Country
Report No 03/64, International Monetary Funds, Washington DC.
INSTAT (2004): Seritë kohore në ekonominë shqiptare.
Kasa, Kenneth (2001): Will Inflation Targeting Work in Developing
Countries?, in FRBSF Economic Letter, 2001-01.
Kovács, Mihály A. et al (2002): On the Estimated Size of the BalassaSamuelson Effect in Five Central and Eastern European Countries, in NBH
Working Paper, 2002
Masson, Paul; Savastano, Miguel and Sharma, Sunil (1997): The Scope
for Inflation Targeting in Developing Countries, in Working Paper No. 130,
International Monetary Fund, Washington, DC.
Mishkin, Frederic S. (2000): Inflation Targeting in Emerging Market
Countries, in NBER Working Paper No. 7618.
Muço, Marta; Peter Sanfey dheTaci, Anita (2003): Inflacioni, Kursi i
këmbimit dhe Roli i Politikës Monetare në Shqipëri, studim i prezantuar në
Konferencën e Katërt Ndërkombëtare: Ekonomia Shqiptare, Ecuria dhe Sfidat
e Politikës, Shtator 11-12, 2003, Sarandë, Shqipëri.
Samiei, Hossein (2003): Vlerësimi i Politikës Monetare në Shqipëri duke
përdorur Rregullin e Normës së Interesit, studim i prezantuar në Konferencën
e Katërt Ndërkombëtare: Ekonomia Shqiptare, Ecuria dhe Sfidat e Politikës,
Shtator 11-12, 2003, Sarandë, Shqipëri.51
Svensson, Lars E. O. (2000): Open-Economy Inflation Targeting, in
Journal of International Economics, 50, pp. 155 - 183.
WDI (2004): World Development Indicators, World Bank, Washington
D.C. 52
SHËNIME
* Michael Bolle është Profesor i Politikës Ndërkombëtare
Ekonomike dhe Koordinator i Ezoneplus, një projekt ndërkombëtar
kërkimi mbi Zgjerimin Lindor të Eurozonës. (www.ezoneplus.org).
** Thomas Meyer është Kryeasistent Kërkimi dhe merret kryesisht
me çështjet kërkimore të lidhura me tregjet e kapitalit, me bankingun
dhe me politikën monetare.
1
Gross National Income-E ardhura kombëtare neto.