Reserbado an gabos na derechos © 2012 Angelito Ngipoy Delumen Madrilejos / Praning’s Korner Taga Legazpi Pwedeng kopyahon arin man sa parte kan libro basta magpaaram sa may kapot kan derechos. Magsurat sa praningauhs96@yahoo.com

MGA NILALAMAN

1. Lolo Bye / Uran / Ba’gong Aldaw / Natatapo 2. Pasko Sa Sakuyang Mata / Sa Sakuyang Paghurop Hurop Sa Buhay 3. An Pakikipaghuron Ko Sa Bua / Ako Asin Ang Demonyo 4. Ang Parol Ni Juan / Haiku / Kaitong Pasko 5. Napapahibi Ako / Aldaw Nin Pasasalmat 6. Uyan Na / Diamante / Arog Kang Sarong Burak / Ika (You) 7. Maswerte / Lost And Found / Teardrops / I Will 8. Pagsulnop / Ang Huring Rawit Dawit / Ang Ina / Sa Kahaluyan 9. Malilingawan Ko Daw / Ang Pagpadaba Nya / Sa Saindang Mundo

Sa May Mayon 10. Urakiyak / Ang Payaso / Palying With Death / Babaeng Naghahalat

Pa, Ika Na Ang Uragon 11.Sa Saindang Mga Ngirit / Pa’no / Junkshop / Bagyo

Ang Lalaking May Maurag Na Bigote 12.Amigo / One Afternoon

Pigsasapar Ko Ang Pagmating Pigaapod Nindang Kamunduan 13.Mental Block I / Mental Block II 14.Kang Nawara Ka / Sa Maawot / Kandila / Pait Kan Pagkamoot 15.Rasay / Groovy kind Of Love 16.Ang Gurang Sa Overpass / As Ocean

Lolo Bye

malipot ang paros tuninong ang banggi sige lang kugusa na ang ulunan mo masiram maimbong ang tamong piyunga na ang mata mo yaon ako digdi sa saimong taning dai ako maali kakantahan ta ka dai na pag kontrahon ang pirot sige na katurog na kakantahan ta ka babantayan uya na ang mga anghel pigsusundo ka na sige na iba na matoninong na ang bangi turog na ***************************************

Uran nag bagsak na ang mga sadit na dyamante panganoron ang nag linga ki bastante nagpoon na ang tugtog sa atop siram sana kan sabaw na mainit mag higop pighahale ang pagal ko kan kansyon sa pagbagsak sa tinampo maluwas mga aki sige ang karigos sa uran maogma maski nag titios sa pag uran nahuhugasan ang dalan sa pag pundo na malinigan man lamang sige sana ang durudalagan mandadakop ki sira sa may kabasan punpuna na ang binalaybay ta grabe na ang saguso mga manoy asin manay uyan ako man maluwas ta makarigos para mapara ang sa puso ko ang paglimos kan saimong pagkamoot na dai ko masasabing sakuya pag bagsak kan uran matatakluban sakong luha madya ta ang uran malipot lipot arog kan saimong pagkamoot

Ba'gong Aldaw [ Sa Pagtapos Kan Uran ] tapos na ang uran ubos na ang luha dinara na inanod na kan baha so pagkamoot mo na dai man maitata'o na muyang mamatian digdi sa sakuyang puso tapos na uran uya na ang aldaw nag sirang oras na para sa ba'gong lakdang dai na dapat mag mundo' maski makulog sa puso tapos na ang uran uyan na ang ba'gong aldaw ***************************************

Natatapo garo papel garo pisi diit diit akong nagigisi dati kaya ko ang bagyo ngunyan nagsisirong na ako dati kaya ko ang init maski makulog sa sakuyang kulit dati kaya ko ang baha maging literal man o luha dati kaya ko makulogan kayang kaya kan sakong daghan dati nag aapod ako saiya ngunyan putol na ang linya dati kaya kong lumuhod ngunyan pwede na akong magtalikod dati kaya ko ngunyan matapo na ako sarong hibla na lang kan pisi bilog na pagkatawo magigisi sa likod kang mga ulok asin ngarak ngak luha todo ang bagsak sa likod kang maogmang pagkatao hinanakit kulog pigtatago garo papel garo pisi diit diit akong nagigisi

Pasko : Sa Sakong Mata malipot lipot na ang paros sa maaga parongon na ang puto't bibingka ang parol sa bintana naka sa'bit na asin ang krismas tree nagkikimat kimat baguhon pa nag kakaroling mga aki sa banggui ok na ang itao singko dyes o bente sa lamesa may hamon ubas mansanas asin lechon bago ang pantalon asin mga bado sapatos relo asin kalo sa paglakaw lakaw ko iba ang pasko na sakong nahihiling mga aking nag lilimos nganing may pambakal maski kalingking ama na na nasa basurahan nag hahanap ki makakaon para sa noche buena pamilya nya mawara ang gutom lumang parol na daing sindi ang naka sa'bit sa harong na pinagtapal tapal asin atop inipit krismas tree na daing ilaw asin dekorasyon daing regalong nakalaag sa irarom ang pasko sa sakong mata bako arog kan sa TV o pelikula na maogma asin makolor asin maliwanagon na parol

Sa Sakuyang Paghurop Hurop Sa Buhay mintras ako nag tutukaw sarong bangi naghihiling kang mga tawo na nag aagi nag iisip nag huhurop hurop dangan pig kakalot ang mga bagay na sa sakong payo diit na nagraraot may mga pobre asin kulang sa pag iisip may nagkakaon ki sarong beses sakong nasi'rip nagkakatarog sa gilid kan dalan pagkaon na pigkukuwa sa basurahan bado na sa sarong bulan sana nalalabhan parong na mabata daing karigos sa laog ki sarong bulan aki na dapat nag aadal uyan sa tinampo nag aanap ki pagkaon pambakal ki pandesal nag papabakal ki sampagita sa may simbahan pigtituyaw pig papa hale dyan sa may hampangan ang mga anghel na ini nata napabayaan lugod sindang dapat maka sabot ang magtabang pag higop ko kan sakong pig iinom na kape napa agi so bua sa hampang mi dara dara mga bagay na para sai'ya kayamanan mga simpleng bagay digdi sa kinaban na hale sa basurahan simpleng buhay man sana siguro ang muya ninda ang makakaon ki tulong beses sa maghapon marhay na ang magkaturog na may maimbong na tamong sa may atop asin may lanob na harong

Ang Pakikipaghuron Ko Sa Sarong Bua inapod ako kan sarong bua kan ako naglalakaw sabi nya sako "mari digdi sa taning ko magtukaw" pig ambog sako ang saiyang kayamanan ang hapot ko hanggang sain man an binaba ang muro, tinuro so saiyang pigtutukawan hanggang sa dai mo na maiiling iyo an ako nag ulok pero ako saiyang iniling pinurot an saiyang kawing kawing ibahan mo ako ang taram sa sako sabihon sa sakuya nata bako? ako ang hadi sa lugar na ini gabos sako ang yaon digdi pigturo sako so mga aking nag ra rugby kung totoong may nagmamawot nata wara sinda digdi mga gurang na pinabayaan kan pamilya nata kaya kan saindang kunsenya mga mayaman na warang paki aram sa kapwa tawo maski piso dae makata'o politikong nagpapayaman kan sadiring bulsa mga pig sisirbihan kahirak na baga ako napa isip sa sinabi kang buan ini garo may tama baga siya adi sa sadiri nindang mudo sinda ang hadi nag uulok maugma minsan nag hihibi

Ako Asin Ang Demonyo nagtukaw ako sa simbahan aldaw nin domingo kan biglang nagluwas sa taning ko ang demonyo sabi ko bawal ka digdi harong ini na sagrado nginiritan asin inulokan lang ako sabi nya sako na bako man ini sagradong lugar mangalag kalag ka sakuyang ipuporbar sinaro saro nya sakuya mga bagay na nagpapangirit saiya ilinga daw an nagsisimba turugon baga ito pa na na duwa nakikipag tsimisan aber kung sala ako ako taraman nagtindog kami asin nagluwas sa gilid kan simbahan na mahiwas kung sagradong lugar ini nata may nag iilosyunan ang iba legs pighihiling pati daghan nata dakol ang naka mini skirt asin sleeveless mga sermon kan padi useless inibahan nya ako asin naglakaw lakaw pasiring sa park kaming duwa nag tukaw hilinga an pamilya na an ininot so pang mundong kaogmahan iniba nya ako kami naglayog sakuya mga bagay bagay pina balangibog uyan pa sabi nya sako imbis mag simba kapot baso nagdiretso kami harani sa dagat ilinga an sige karigos sige karawat ininot pansadiring kaogmahan kaysa sa inoton ang simbahan sige ang ulok kan demonyo sige man ang nigar ko

Ang Parol Ni Juan nagkakawat na aki nagdadalagan sa tinampo warang pambakal ki bado lechon hamon man o liempo maogma ang pamilya maski regalo sa lapang krismas tri wara saro lang ang nagtatao ki pag asa parol ni juan may liwanag pa ***************************************

Haiku uya na pasko parong na ang mga puto dali dalagan parol isabit krismas tree pailawan magkaroling na bibingka't puto kapeng mainit padi simbang gabi na malipot naman paros sa maagahon manok mata na

Kaitong Pasko nagdadangadang na naman ang kapaskuhan nagbabalik ang pasko kaito sako ngunyan dai mawawara sato ang paskong pinoy kaito kang kita mga nene asin mga nonoy mga tradisyon na satong kinamundagan digdi sa ibabaw kang kina'ban sarong grupo kami kaito nagkakaroling pinitpit na tansan na nag rarawing dawing naka tsinelas na luho asin naka sando buro bangi nagkakanta para sa piso mahirit na kang sa may bahay pakurusogan ki boses bawal ang maluway maski malipot ang banggui maogma kami kanta duman kanta digdi apat hanggnag limang kanta ba'go magtao ki kwarta igwa man ki galante igwang kuripot minsan patawad kulang itao ipot sa laog ki pirang oras na kanga ngawngaw minsan may biglang may makurahaw uya na so ayam dalagan na kamo makagat sa lubot makulog iyo pero maogma maski paligaon pig gigibo mi an taon taon

Napapahibi Ako na oogma ako pag nag imbita na si padi bunyag, birthday, kasal, o maski anong hapi hapi pag yaon na beer ang gin o ang lambanog maski aga ugto banggui pigbabanog pulutan na masiram lechon paksiw o kaldereta papaitan sinigang nilagang baka may mani kornik jeprox asin kung ano pa sabay mo naman so mga pulutan sa lata na oogma ako ta gabos kita solb na warang iwal tigsikan sana tapos na ang hapi hapi kita urulian na diretso sa harong sa beerhouse iwasan na kang ako na naglalakaw nagbabalyo sa tinampo sa tahaw makangirabong pagmati ako namimibi na dai ako abutan kung ano man an laong lalo na digdi sa dalan uya na uya na dali dali'a juice ko po ako patawara sa sunod dai na utro sa pag inom mainguwa nagluluwas na ang pulutan na sakong tinira maluwas na so karne kan sa kaldereta itik asin uwak pig aapod ko na napapahibi ako sa pagsuka mata ko urulwat na pigpapahid luha sa mata ang apot sa pag inom mautro ka pa?

Aldaw Kang Pasasalamat tagiting diit-diit na pig lulunod ang pag asa dae malulubog dagit na uran asin sigang baha kulang pa para kalayo sa puso mawara ngunyan ang uran lalong kuminosog naghahanap ki kaibang kasurog bulod pigrasayan ang tinampo kung paparai-sipon makulog sa payo naghahalat na kara nene asin nonoy mare na lakawon ta o mag langoy ang ngirit kan mga aki sa saindang pandok maski pagal ika mapapa ulok ta maski diit na regalo saindang nakuwa ako biyong napapaluha nag uli ki dumog asin pagalon sa pagkaturog pagmati maimbongon sa tag harong dakulaon na salamat sa pag akseptar ika samong padangat taga camalig asin sa sa iyang mga aki sa pagtabang na daing duwang isip salamat tabi ang aninipot asin ang saiyang anino sa pagtao ki diit na liwanag sa aldaw na garo bagyo ang taga tarlac na maski dai nag riribok aram ko maogma ang saimong udok si uragon kong padi sa may disyerto mga aki dae na mabitis iyan sakong syerto sa mga may malasakit sa kulturang bikolnon pagkanta, rawit dawit, saindo salamaton sa dae ko napangaranan aram na nindo kung siisay kamo sa mga suporta asin gubing na tinao nindo…….

Uyan Na nag si'rip na ang bilog na bulawan ang huni kang sadit na bayong namatian nagdadalagan na ang mga kaakian nagpoon na ang pagkawat sa dalan naghahanda na ang para oma makusog na ang karabaw na kaiba ang lambat pwede na giraray sa lawod sa para sira tapos na ang kulog ki boot oras na sa pag laba mainit magayon mag pamara e unat na ang mga braso asin kamot uyan na ang aldaw kugoson ki pag kamoot ***************************************

Diamante diamante na hale sa langit sa mga dahon asin awot nasabit sa pagsirang kang bulawan na aldaw tugtog kang paros sinda nagsayaw malipot sa sakong palad urawang kapot ko asin nagbabalad tuninong na ang kabasan ang hamog nagkikinangan

Arog Kang Sarong Burak makolor mahamot asin magayon arog kang sarong burak pagkamoot simbolo alay arog kang sarong burak tuninong nagbabayle sa paros maogma arog kang sarong burak ika padaba ko arog kang sarong burak ***************************************

Ika (You) nata sa kadakol namidbidan ko ika ang padabaon ko ika wara na iba pa sa daghan ko ika lang kaito hanggang sa ngunyan ika kugos ika sana sa sako' mahimbong pagkamoot daeng pades ika para kay Manay Lets aka Taga Tiwi

Maswerte swerte ni angelo ta dae iling ang kara'tang sakong nahiling swerte bungog daeng ribok dae nadadangog ang reklamo ko sa buhay swerte bua daeng paki sa kapwa nya tao sadiri nya ang mundo nya swerte pula daeng sala bakong arog sako raot nagluwas sa ngimot swerte ika isipon mo maswertehon ka man ta nakasabot sainda swerte ***************************************

Lost And Found i was lost and lonely eyes crying like a child withered and falling like petals dying and now i'm found at last between silvery clouds golden dunes bright starry night finally

Teardrops teardrops slowly falls to her cheek like raindrops pinning my heart deep inside me saddened come now let me take it i will suffer for you i will carry the burden now come now closer to my side come a warm embrace with you come closer to me now embrace smile ***************************************

I Will i will hold you tightly never letting you go for as long i can hold on, i, i will if time will come to us and love will grows within i will hold you dear to my heart i will i will be your strength your shoulder to cry on to catch you every time you fall i will i will wipe all your tears carry all the burdens, to love you each day of your life i will

Pag Sulnop ang pagsulnop kang aldaw garo man sana napapalsok na ilaw bago mawara ang liwanag pirit nyang isasabwag sa paghadok kang aldaw sa pisngi kang dagat na pig iidaw bulawan na kolor ki pagkamoot na hale sa saiyang boot ***************************************

Ang Huring Rawit Dawit pighihiling ko ang mga bituon sa kalangitan naghihibi ako nakukulogan ano daw kung sarong aldaw ako naman ang bituon babantayan ta ka sa pagturog mo, ako akoon na maging saimong ilaw sa bangi na maski madiklom mapalsok ako dae ako ang saimong gabay kung ika mawawara sa kalangiton ako ilingon, dae mapapara

Ang Ina dinara ka siyam na bulan wara kang nadangog na anong taram kang ika saiyang minundag karga ka sa saiyang takyag nadapa ka ika saiyang binuhat maski lamok habo kang ipakagat may helang ka o may namatian ika mag aga saiyang babantayan sa saimong pagtungtong asin pag adal pirmi nasa taning siya dae napapagal kang nag agom asin ika nagpamilya maogma ang namatian nya arog kaan ang sarong ina sa aki dae pababayaan maski siya naghihibi ta kung minsan may ginibo kitang sala muya nya dae kita mapariwara daeng madaog sa saiyang pagpadaba ililikay ka sa maraot asin bako tama ***************************************

Sa Kahaluyan haluyon na kang huring namatian ta ka naoogma ako naglulukso ang sakuyang puso dae ta ka man kataning o sakuyang nahihiling ang namamatian ko sobra aram ko padaba ta ka ako mahalat maski haloy sa pag balik mo sakuyang taghoy ang pagkamoot na para saimo bilog asin totoo

Malilingawan Ko Daw kahampang ko ang sadiri sa salming sakuyang sadiri pig hihiling pigtatandaan ko na ang pandok ko ta lilingawan ko na ito buburahon na ang dati ano daw ang saindang masasabi sa pag luwas kang ba'gong ako bahala na kamo ang hapot malilingawan ko daw ang sadiring kaiba sa uro aldaw ***************************************

Ang Pagpadaba Nya luway luway muna ta makulog warang nagtatabang wara na ki kusog lugad na malanit sa tu'lang sagad diit diit nawawara ang kalag harayo na ang sakuyang linakaw dae pwede, dae lamang makatukaw ang habaga ko puro na lapak nadapa, nasikadan asin nasapak nagtuturo na ang daplos ko na mapula sa bulod ako pighahalat na ninda pigtitios ko ini huri ta padaba ta ka habo ko na sa dalan ika mawara pa nganing sa sakuyang kahadian ang muya ko saro ka sa mga kaibanan ko huhugasan kang pulang daplos ko ang saimong kasa'lan padaba ta ka iyan ang saimong tandaan

Sa Saindang Mundo hibi kang pula na pigdangog kang bungog pighihiling kang mga buta ang bayle kang pilay sa saiyang kansyon kada urakiyak kang boa sa natad kang sadiri niyang mundo hibi kang payaso sa gadan na buhay ***************************************

Sa May Mayon malipot ang ha'yop kang paros sa pisngi ko naghahapros ang bulawan nagsasayaw sa kansyon sa higod kang mayon nagdadalagan sa sakuyang daghan ang silensyohon na kagayunan ang mga pag dalugdog kang alon sa baybay sa gilid kang dagat maayaahay ang mga kulibangbang burak pig iidaw nag kakawat sa sinag kang aldaw

Urakiyak kada tusok kulog urakiyak dangog puso asin daghan runot kulog dugo nagbubulos dangan makulogon pag sapar kang sampilong mo latob lapnit pusong gisi difisil itahi saen pasaen paduman hibi puso urakiyak lapnit asin kulog natunok makulog gisi sawi

Ang Payaso maurag mag paulok dae mo mahihiling na murusdot pirmeng maugma maski may namatian siya sa likod kang saiyang mga ngirit dakol ang pigtatagong pasakit sa likod kang makolor na porma may pigmamati siya tapos na naman ang palabas mamundong pandok pag pintura pinunas

Playing With Death i am playing with death slowly catching me slowly i'm grasping my breath i am ***************************************

Babaeng Naghahalat ang babaeng naghahalat sa saiyang padangat mamundo ang saiyang mata ta wara pa ang namomo'tan nya pighahalat sana dae pa nawawalat pagkamoot na itataong bilog ang boot o haen ka na padangat ko ako oni na para kay Hiyas Hasmin Hidlao

***************************************

Pa, Ika Na Ang Uragon padabaon mo si mama uragon ka baya pa kang ako pinangidam dae mo sya pinabayaan kang ako nagklase ang suporta mo grabe kang nag agom asin nagpamilya pirmeng yaon ka baga dae mo kami pinabayaan kan trabaho ika nawa'ran maski dae kang kwarta nagtatabang ka pa sa iba maski ano ang saindang sabihon Pa, ika na ang uragon

Sa Sindang Mga Ngirit sa saindang mga ngirit sa tabang na diriit diit sakuyang namamatian ang dakulang kaogmahan sa tabang na tiniripon sinda mga maogmahon napapahibi ako sa ogma sa ngirit na hale sainda sa puso ko warang mapagla'gan nag susurupay na kaogmahan ***************************************

Pa'no pa'no mo sasabihon na dae mo na kaya pa'no mo sasabihon na wara na pa'no mo papadabaon ang mahale na pa'no mo papamati ang pagkamoot na nasa saimong boot kung ang aga dae na maabot ***************************************

Junk Shop basurang tinapok warang sirbe pinurot kang iba lininigan ginibo an kang kagurangnan ta tinapok kita kang mundong ini sa kapwa maati, warang pake pero padaba kita kang diyos kasa'lan hinugasan sinalbar

Bagyo uyan na ang duros kang paros pigpupugulan sakuyang hinangos ang uran diit diit ng nahuhulog nagtatapoyas sa laog muya ko maglamutaw sa baha sa baha kang pagkamoot mo sakuya ***************************************

An Lalaking May Maurag Na Bigote inda ko kung nag ibahan na kamong duwa kang lalaking may maurag na bigote maurag, sarong barkada sarong ama kahampang sa istoryahan o sa sarong bote kadakol kang manunu'dan tambak ang saimong mapag aadalan malaog asin may bulawan sa kukute an lalaking may maurag na bigote nagkaperang beses naman siya sakuyang nakaibahan sarong imahe ki maurag na lalaki ang lalaking may maurag na bigote ang lalaking may maurag na bigote binayaan na ang mga bote dae na ki ulok na magayon sa talinga siya nagpahingalo na salamat maray sa kadakol na maogmang iribahan sa mga maboboteng ururunan sige na tabi salamat liwat sa lalaking may maurag na bigote para kay Manoy Dan Pinto

Amigo i have this dream about a friend of mine i can't recall it all but i'll try to unwhine we walk along the sandy dunes over rocks and blood colored moon i stumbled, can't walk anymore he carried me and said that's what friends are for we traveled miles and miles away going on like dogs that are astray we reached an oasis where water are crystal clear instead of drinking, he gave me the first sip ever i ask him why he told me while i cry that's what friends are for what can i ask for more? and now ten years has passed i sit upon this grass looking at some odd stone with name written on my friend's name was there it was over ten years so now rest in peace my friend i'll have to carry someone till the end like the one you did to me when you carried me

One Afternoon (Ode To The Glorietta Bombing ) an innocent blood dropped a bystander with no tomorrow family shattered like glass love ones departed survivor that don't survive a memory scribed to the heart a wound will never heal so far away and as sun try to sleep nobody will stay awake never sleep when will i learn when will you learn when will they learn when will we learn survive we must the sun will wake up tomorrow and the departed will never because of ONE AFTERNOON ***************************************

Pigsasapar Ko Ang Pagmating Pig Aapod Na Kamundoan pig iidaw ko ika haen ka baya naghahalat saimo

Mental Block I "may dapat daw akong maaraman? o dapat na sanang lingawan? yan ang sakuyang hapot ba'go ko butasan ang saimong kamot makulog sa sakuyang daghan ta padaba ta ka man pero warang maginibo nakulugan ang sakuyang puso" "dae mo ako pagbutasan" pakihuron kang babaeng namumu'tan naghihibi asin nakikimaherak sa lalaking may pusong warak "aram ko may sala ako saimo kang dae ko tinaram ang totoo siguro sa rason na ako natakot baka dae mo ako akoon sa saimong boot" "padaba ta ka maski ano pa man an pero dapat sakuya mo atab na tinaram wara man sakuya an ki problema ta namumu'tan ta ka pero garo huri na para dyan ta ako sobrang nakulugan" nagtalikod so lalaki nag balik gabos sa babae ang mga pangyayari

Mental Block II “rumdum ko pa ang aldaw na enot ta kang pig idaw. rumdum ko pa ang hamis kang boses mo na mati’nis. ang hadok mo na mainit ang mga titig mo na malanit, ang kugos mong higot na pano ning pagkamoot” “nata ngunyan garo ka na yelo pagkamoot mo malipoton na garo haen na ang nakakatunaw mong titig ang hadok sa bigla mong pagkabig nawara na ang kugos na muya ko dae na namamatian ang init arog kaito haen na baya ang saimong pagkamoot nawawara ka na, ako natatakot.” “may dapat daw akong maaraman? o dapat na sanang lingawan yan ang sakuyang hapot ba'go ko butasan ang saimong kamot makulog sa sakuyang daghan ta padaba ta ka man pero warang maginibo nakulugan ang sakuyang puso wara na ki laog ang sakuyang utak burado ka na, mental block"

Kang Nawara Ka kang nawara ka, anong siram kang buhay ngunyan ang aldaw ko pwerteng ayahay nagigibo ko na ang mga muya ko wara na ki sagabal sa sakuyang pig gigibo dae ko kaipuhan ang panyolito ta bako ng hubag ang mata ko nakuwa ko na mag ulok asin mag ngirit nawara sa tikab ko ang kulog asin lapnit dae na ako pirmeng nasa sarong gilid o sa kama na sigeng ligid ligid kaya ko hampangon ang aldaw na wara ka kay ko na kaya ko na salamat ta wara ka na sa buhay ko ika na garo sa dungo ko sarong yoyo ***************************************

Sa Maawot muya ko maghigda sa kaawotan kataning ka sa sakuyang daghan satuyang mation ang palibot na tuninong mare na sa sakuyang taning

Kandila ang pagkamoot mo garo sa kandila sa enot mainit asin maliwanag mintras naghahaloy nawawara naupos minalipot minatagas bago mawara ang init kang pagkamoot sarong maliwanag na paghangos ang huring itatao pero huri na palipot na ang pagkamoot mo ***************************************

Ang Pait Kang Pagkamoot kinaputan mo kamot ko sabay buhi kang nasa kasiraman pagkatawo kinuritan ki labi hinulma sa saimong paagi kinaputan mo kamot ko sabay buhi kang nasa kairaruman huna ko sana palan ito na bubulongon ako dadagdagan palan ang sa'kit na namamatian

Rasay mahimbong pa ang tamong sa higdaan kugos ko ika sa sakuyang daghan sabay kitang nangangarap kang para sa aga kang para sa satuya asin para sa mga aki ta binuksan asin sinarado ko ang maletang pano ki bado mainit ang luhang nagbabagsak sa mata itatao magayon na buhay sa sainda maging maharayo man ako ini gabos titiuson ko sa sakuyang pagbalik kamo enot mahiling haloy na taon ako nag tios tinipid ko ang sadiri para may madara pauli nganing maski diit na ngirit nindo pu'ngaw ko mahali sa pagbaba sa eroplano muya ko na layugon nganing gabos kamo sakuyang kuguson haloy na akong namamawot saindo halos dalaganon ko mailing lang kamo gusto ko maheling ang saimong pandok hale saimong mahamis na hadok pero iba ang sakuyang naabotan iba ang sakuyang naaraman pagkamoot mo napasa, nagkalamat dae ko aram kung pa'no mo ako sinabat na igwang ibang padaba ang saimong puso makulog, narurunot, nata nagibo sako' may kusog ka pa na boot na ako may sala na daeng natao so buhay na muya dae man ako naghigda duman sa kwarta tinipon gabos para ipadara sa pamilya ugaring padabaon ko ikang marhay mapapatawad ko ika dae ka lang mawara sa buhay ta pinangako ko saimo ika, ika sana ang padaba maski sa pagtrabaho ako magka kuruba pero nata maski akong pirit ko namamatian ko sa sakuyang puso wara na ako dyan sa daghan mo liningawan ang pangako sako' pinili mo ang materyal na bagay na sa ona mo iyan magpapa ogma saimong tunay

pirit ko man na isipon pirit ko man na akoon aram ko na bako na ako ang laman kang puso mo nagpoon ng magaba nagpoon na ang luha ang bilog ko na buhay diit diit na nag rarasay..... ***************************************

Groovy Kind Of Love ika ang sakuyang kaiba anong oras man o aldaw maski ako seryoso o nag kakaraw sa may Washington pasiring sa airport o sa likod kang La Trinidad sa may Legazpi Port Astrodome o sa skating rink sa Old Albay sabi mo pa ngani matukaw kita ta ika titanglay nagbakal ki palamig ta pinaha na kami sa singko tabi buda sa diyes na mani habo mo kang maharang, sige ano muya mo so may mahamis na garo bukayo ang gusto mari na ta mag simba sa St. Gregory Cathedral ngunyan ang anibersayo kang satuyang kasal surusuan sa laog ta piyesta palan di'tan ka pang mawaran ki tukawan nagpasiring kaming duwa sa may boulevard sa may puro nagpaluto ki seafoods sige ang saimong turo nabasog kami nagpasiring sa Gaisano buda LCC muya mo ki bado ituro mo lang honey o nata habo mo kaan na daster kang biglang may nag siriyaw ki may isnatser kapot ka lang sakuya dae ka matakot ta dakol man ki pulis sa palibot pulis? mari na mahale na kita dae ka mag suriyaw ta madangog ika ata sabing dae mag suriyaw hilinga kasa'lan mo ako naheling ninda kang sarong bangi napa aga so sakuyang uli nasiripan ko kamo ni padi maugma, ang saiya naka usli ngunyan ko naaraman na bako mo man ako padaba ta kamong duwa ni padi dusta nandiklom ang sauyang panghiling winasiwas ang sakuyang ginunting madalagan na ako ta uya na sinda dae na kita mabulagan maski nuarin pa

dae ka maghiro dyan sa sakuyang bulsa baad ang singsing kang kasal ta mawara ***************************************

Ang Gurang Sa Overpass sa init kang pakikipaghuron kang sitsit kang paros sa lipot kang hapiyap kang hibi kang panganuron sa kada pag sirang kang aldaw asin sa pag si’rip kang bitoong halangkaw yaun ka dyan sa may gilid naghahalat nagtutukaw, pagal sa pagsakat sarong gugom na sinsilyo sa maghapon na kalbaryo ang sugkod nyang kapot ang saiyang kusog ***************************************

As Ocean you’re like the ocean calm and violent silent with rage sometimes misunderstood yet praised with your beauty wide and deep and stubborn you kiss the sand as you hug the shore

Ang Tagsurat

Si Angelito Ngipoy Madrilejos o mas midbid

bilang si Praning’s Korner Taga Legazpi ,

tubong Legazpi , namundag walong taon

ba ’go an EDSA Revolution. Ang enot nya na

Ebook iyo an Harang : Mga Osipon,

mababasa sa www.issuu.com . Nakaistar sya

ngunyan sarong sakay hale sa Ali Mall . Saro

man siyang parakuri t na mu ’ri ton.