Nr. 3 Juni 2017 68. årgang

Min salme ...................................2

Høgt og lågt - leir ........................2

Andakt ........................................3

Klokkering ..................................4

Den første på 100 år ....................5

Kjellaugkonserten .......................6

Konfirmasjon - en gang i livet .....7

Trusopplæringa ...........................8

Kunngjeringar .................. 10 & 11

Kven gjer kva i kyrkja! ...............12

I N N H A L D

GOL OG HEMSEDALGOL OG HEMSEDAL

MIN SALMETormod SkarSgard

Denne gongen har me utfordra Tormod Skarsgard til å velje seg sin salme. Han og familien budde i ei årrekkje på Tuppeskogen, men flytte til Leveld for vel fem år sidan. Tormod var då klokkar i Gol kyrkje, og det er han framleis. Han ser dette som ein fin måte til å halde kontak-ten med ”si” kyrkje og med gamle kjende.

Om salmevalet seier Tormod det slik: - Salmen eg er mest glad i er "Eg veit i himmerik ei borg".

Salmen har vori med meg sidan eg var smågut. Eg høyrde den på Vats Bedehus og i Leveld Kyrkje. Eg går ofte og nynnar på den, og den gjev meg så mykje. Tankar om livet - døden – himmelen. Salmen gjev trøyst og von, og eg brukar den gjerne i minnetale ved gravferd.

Kristenfolket:Eg veit i himmerik ei borg,Ho skin som soli klaare,Der er ei synder eller sorg,Der er ei graat og taare.

Der inne bur Guds eigen SonI herlegdom og æra,Han er mi trøyst og trygge von.Hjaa honom eg skal vera.

Eg er ein fatig ferdamann,Maa mine vegar faraHerfraa og til mitt fedraland,Gud meg paa vegen vara!

Kristus:Eg med mitt blod deg dyrt hev løystOg fram for deg vil treda,Eg giv ditt hjarta mod og trøystOg vender sorg til gleda.

Er du meg tru og bruka vilGuds ord og sakramente,Di synd er gløymd, di sorg vert still,Di heimferd glad du vente!

Naar verdi all som drivesandMed gull og gleda viker.Daa stend eg ved di høgre hand,Ein ven som aldri sviker.

Kristenfolket:Eg fatig hit til verdi komOg rann av ringe røter,Fer herifraa med handi tom,Og daudens vald meg møter.

Men visst eg veit ein morgon renn,Daa daudens natt skal enda.Min likam upp or gravi stend,Og evig frygd fær kjenna.

So hjelp oss du vaar Herre Krist,Ditt blod for oss hev runne!Din bitre daude sant og visstOss himmerik hev vunne.

Me takkar deg til evig tid,Vaar Herre, alle samen,For du er oss so mild og blidI Jesus Kristus! Amen.

Høgt og Lågt - leir

Leiren er for ALLE som går i 1. til 7. klasse. I år skal vi vere ved Tisleia i Lykkja. Det blir mykje leik og moro. Leiren kostar 100 kr.

Laurdag har vi ulike grupper som du kan velja mellom:• Kano: vi padlar på tur • Hest: klapp og riding • Villmark: Bål, gapahuk og mat i det fri

OvernattingDei som går i 3.klasse og eldre kan overnatte i telt (me ordnar telt). 1. og 2. klasse reiser heim på kvelden ca. 19.30 og kjem opp att neste morgon.

Påmelding med namn, klassetrinn, aktivitet; 1. og 2. val, om du skal overnatte eller ikkje, tlf. nr til føresette og e-postadresse til: sissgunn@frisurf.no

Alle påmeldte vil få nærare informasjon om lag ei veke før leiren startar.

Leiren vert arrangert av Hemsedal sundagsskule

Årets leirkomite er Maria Thorset, Gunnar Rudningen og Gunvor Abrahamsen

24. - 25. juni 2017

Påmeldinga har starta!Ver rask med påmelding, dei to siste åra har

det vore venteliste. Siste frist er 16. juni.

2

ANDAKTAV SEBJØRG MARIE JORDHEIM

GOL KYRKJEKONTOR Ekspedisjonstid månd – fredag 9.00–15.00Gol kommunehus 3. etg. Tlf: 32 02 90 00 kyrkja@gol.kommune.no www.gol.kyrkja.no

Kyrkjeverje: Anne Gerd JordeDir.tlf. 32 02 91 35 • Mobil: 971 58 134anne.gerd.jorde@gol.kommune.noFridag torsdagar.

Sokneprest: Jan Olav SkinnemoenDir.tlf. 32 02 91 37 • Mobil: 952 75 312jan.olav.skinnemoen@gol.kommune.no Måndag: Fridag.

Organist: Justin VickeryTlf. 474 75 580 • justin.vickery@gol.kommune.noKontortid onsdagar kl 14.30–16.00

Sekretær: Berit Langehaug Tlf. 32 02 91 39Kontortid: Månd, tysd, torsd kl 9.00–14.00berit.langehaug@gol.kommune.no

Thorunn Haugo Tlf: 32 02 91 39Kontortid: Onsdagarthorunn-helene.haugo@gol.kommune.no

Antall nr.: 6 nummer i åretUtgjevar: Sokneråda i Gol og Hemsedal prestegjeldRedaksjon: Kjell Slåtten, Kjetil Th Storebråten, Sølvi Larsen Aalrust (red.), Gunnar Rudningen, Kristine Viko, Anders Solbakken, Ludvig Munkejord.

Ekspedisjon: Kyrkjekontoret 3550 GolKasserar: Arne Oddmund Tuv, 3560 Hemsedal.Bankgiro: Sparebank 1 Hallingdal 2367.60.00097E-post: oaalrust@online.no

GOL, HERAD OG HEMSEDAL

GOL OG HEMSEDAL KYRKJEBLAD

Kyrkjetenarar:Ludvig Munkejord Tlf.: 911 22 763Knut Ole Klepp Tlf.: 906 58 761

Trusopplærar for Gol og Hemsedal:Britt Marie Haraldset Hafsås (perme)

Vikar Gol: Gerd Eli Berge Tlf 415 08 155gerd.eli.berge@gol.kommune.no

Vikar Hemsedal: Fordeles på fleire, kontakt kyrkjekontoret.

HEMSEDAL KYRKJEKONTOREkspedisjonstid månd – torsdag 9.00–15.00 fredag 9.00–12.00

Hemsedal kommunehus Tlf. 31 40 88 45kyrkjekontoret@hemsedal.kommune.nowww.hemsedal.kyrkja.no

Kyrkjeverje: Kjetil Th. StorebråtenKontortid: Måndag–tors: 9.00–15.00 fre: 9.00–12.00Tlf: 31 40 88 45 Mob: 908 21 745kjetil@hemsedal.kommune.no

Sokneprest: Camilla OsnesMobil: 977 15 677 Måndag: Fridag.camilla.osnes@hemsedal.kommune.no

Organist: Kjersti Hagen Tlf: 902 45 535 • kjers10@yahoo.comKantor: Peter Rødel Tlf: 950 49 045 • kape10@hotmail.no Kyrkjetenar: Wilfried Westera Tlf. 971 09 922Gravplassen: Hans Vidar Sørensen Tlf: 911 76 827Sokneråda:Herad: Leiar Gunn Astrid Frøysok Tlf. 990 34 376Gol: Leiar Trygve Lono Smedsgård Tlf.: 900 63 161Hemsedal: Leiar Sissel Rudningen Tlf: 419 35 246Fellesråda:Gol: Leiar Ola Grønseth Tlf. 920 97 939Hemsedal: Sissel Rudningen Tlf. 419 35 246

Ynskjer du å gje ei gåve til kyrkja:Hemsedal: 2367.20.49482 Gol: 2324.20.01354Herad: 2324.62.05795

Trekkfuglane har kome tilbake. Theo, barnebarnet mitt, og eg har lenge undrast på om gauken, taksvalene og tranene tek i mot oss når me fløt på stølen denne sommaren og.Jesus seier i Matteus 6,25-26 at me skal sjå på fuglane: ”Ikkje sår dei, ikkje haustar dei, og ikkje samlar dei i hus, men Far dykkar i himmelen før dei likevel. Er ikkje de mykje meir enn dei?” Å lære av fuglane betyr ikkje at me skal slutte å arbeida. Fuglane står på frå grytidleg morgon til seine kvelden, men dei er heile tida avhen-gige av det Gud gir, og mister ikkje perspektivet. Dei kjem aldri på at dei skal utvide reiret, eller prøve å få det finare enn dei andre sine. Etter som dei brukar tida på det som er viktig, rekk dei akkurat alt dei skal i løpet av den korte sommaren.

Fuglelivet kan også lære oss noko om nåde. Får me auga på det i bi-belsitatet? Fuglane får samle frø utan at dei korkje pløyer eller haustar. Dei må ikkje gjera seg fortent til det fyrst. Det er det nåde handlar om. Je-sus døydde for vår skuld utan at me har fortent det. Gud har omsorg for både oss og fuglane heilt ufortent!

Er me like gode som fuglane til ik-kje å bekymre oss? Filipperbrevet oppmodar oss til ikkje å vera urolege for noko, men : ”Legg alt de har på hjartet, fram for Gud i bøn og påkalling med takkseiing.” Når Jesus seier at me ikkje skal bekymre oss, så betyr det ikkje at me skal slutte å ta ansvar for liva våre eller planleggja noko. Jesus ynskjer at me skal prioritera rett, og ha himmelen som målet for liva våre. Me kan stole på at me er i Gud sine hendar både i motgang og i lettare dagar. Han går med oss uansett!

På slutten av sommaren er det lett å merke at det må vera ei usynleg klokke som fortel trekkfuglane at det er tid for avreise. På stølen samlar det seg då så store flokkar med trost at det nesten ikkje er ørens lyd. Og så plutseleg er dei borte. Dei høyrer heime i ei anna verd som årets fuglar ikkje har sett. Ein som heiter Harry Monshus kunne opplyse om at forskarane kan fylgje til dømes løvsangaren som veg 8-9 gram, på radarskjermar der dei flyg om natta i 3000 meters høgde over dei sveitsiske Alpane.

Framme på den andre sida av Middelhavet kviler dei i 14. dagar slik at dei kan greie den to døgns flyginga over Sahara til det andre heimlandet sitt sørom Ekvator. Når eg les om trekkfuglane, har eg lyst til å læra litt av deira livskunst i å bruke tida på det viktigaste, og leva akkurat slik Gud har tenkt med livet mitt. Og så når den usynlege klokka kallar meg til oppbrot i livet sin haust, så har eg, slik som fuglane, lyst til å kjenne meg like mykje heime i ei anna og større verd. Ikkje sør for Sahara, men heime i himmelen hjå Gud. Det står (Heb. 6,19-20) at ”Denne vona er eit trygt og fast anker for sjela.” Det er ikkje ofte me høyrer om at ei von kan vera eit trygt ankerfeste, men grunnen er at Jesus har gått i førevegen for oss.

3

KlokkeringI over 1000 år har kyrkjeklokkene ringt for oss -til helg og høgtid, i kvardag og fest, og til sorg og glede.

Dei har ringt småborna til dåpen, og når gamle og slitne kroppar skulle få den evige kvila. Klokkene har ringt sol opp og ned – varsla at arbeidsda-

gen skulle starte, og når dagen var over og byportane skulle stengast, og det var tid for å gå til ro. Klokkene har varsla tidebøner, storm og uvær, brannar, ulukker og krigar. Klokkene har ringt for å reinse ei nygrave grav for vonde makter, og for at sjela til den døde skulle koma seg trygt fram til himmelrike. Klokkene har på ein måte vorte som pulsslag i livet vårt.

Det fyrste me høyrer om bruk av klokker i bibelen, er frå 2. Mosebok…… der Gud fortel Aron korleis prestekappa hans skal vera. Det skal vera små ringande bjøller nedst på kappekanten. Då er me attende til kring 1000 f. Kr. Hoppar me fram til hundreåret etter Kristi fødsel, høyrer me om kristne kloster i ørkenen i Egypt. Der ringer dei med små klokker når det er tid for å samlast til måltid og til bøn.

Ringing med kyrkjeklokker er å rekne som eit kunsthandtverk og ein liturgisk funksjon på lik line med at klokkaren les tekstar, presten messer og organisten spelar på orgelet. Me har ikkje erstatta korkje presten eller organisten med ein CD, men derimot har me gjerne bytta ut det menneskelege, og det musikalske og klanglege aspektet i klokkeringinga med ein motor. Noreg har gjennom Unescokonvensjonen forplikta seg til å ta vare på også den immatrielle kulturarven. Og ringing med kyrkjek-lokker er nettopp ein slik kulturarv. Ein arv som er overlevert frå ringar til ringar gjennom 1000 år her i landet. Og går me enno vidare, kan me seia at når ringaren står i tårnet og ringer klokkene til ein gudsteneste, så kan ein i alle fall dra liner attende til dei ringande bjøllene på prestedrakta til Aron for kring 3000 år sidan……

Valdresforfattaren Knut Hauge har skrive eit dikt eg synes forklarar tradisjon på ein fin måte:

Ingen er barn av i dag – du er barn av dei 1000 år. Djupt gjennom lag etter lag røtene går.

Gjennom tidene har synet på kyrkjeklokkene endra seg mykje. I tidlegare tider var kyrkjeklokkene kanskje av det viktigaste liturgiske utstyret kyrkja hadde. Klokkene var sett på som forkynnarar. Dei var Guds røyst, og innskrifta som stod på klokkene vart ringt ut over by og bygd. Det var berre presten eller ein diakon som hadde lov å ringe klokkene. Etter reformasjonen mista klokkene smått om senn mykje av sine liturgiske oppgåver, og med det sin magi, og kyrkja si inter-esse. I dag har mykje av dei gamle ringeskikkane og tradisjonane gått i gløymeboka. No i dag er brorparten av landets kyrkjeklokker ringt med motorar, og med det

mistar me mykje av kunnskapen både

om ringing, om ringeskikkane

og det

liturgiske mangfaldet som kyrkje-

klokkene er ein del av.

I gamle mellomaldarskrifter står det forklart kva oppgåver kyrkjeklok-kene har, og kva som er bakgrunn for at det blir ringt slik eller slik. Alt i ei preikesamling frå 1200-talet får me fortalt at kyrkjeklokkene skal ringe tre gonger før ei gudsteneste – slik som me gjer meir enn 800 år etter. Og når me avsluttar ei gudsteneste, ein vigsel eller ei gravferd med 3x3 slag med ei av klokkene, så er også det ein nesten 1000 år gamal skikk.

Ein av dei gamle og verkeleg flotte ringeskikkane er å kime inn høgtida. Det at kyrkjeklokkene ringer og kimer ein time kvelden før høgtids-dagane, slik som jul, påske og pinse. Dette har røter tilbake til vigilene, vaka og førebuinga til sjølve festen. Så, når me høyrer landets kyrkjeklok-ker kime til jul, påske eller pinse, så er også det ein snart 1000 år gamal tradisjon. Ein tradisjon som dess-verre mange stader har vorte borte, grunna innsparingar og mangel på kunnskap om tradisjonen.

Henning Andersen er ein av få som beherskar manuell klokkeringing på gamlemåten.

4

TEKST OG FOTO: KJELL SLÅTTEN

Den første på 100 årHan er ikkje ein det går tretten av på dusinet. Arnstein Bleiktvedt er den fyrste goling på hundre år som blir ordinert til prest.

Arnstein Bleiktvedt (27) ved porten til heimekyrkja i Gol.

Då har me ikkje gløymt Olav Fykse Tveit, som hadde delar av oppveksten sin i

Gol, men som ikkje har røtene sine her. Av golingsslekt er 27-åringen frå Øygardane den fyrste presten sidan tidleg på 1900-talet. Ifølgje lokalhistorikarar, er Ole O. Narum (Slåtto) (1878-1947) og Jon Hesla (1884-1963) dei siste prestane med røter i Gol.

Ordinasjon til haustenAt han blir ”historisk”, er ikkje det som opptek Arnstein mest. Han er meir spent på kva som ventar han et-ter ordinasjonen 3. september. Den skal skje i Heggen kyrkje i Modum, så å seie på sletta av gigantiske Vik-ersundbakken. Det er også i Modum han har fått tilsetjing som kapellan, i eit prestegjeld med 14.000 innbyg-gjarar og sju kyrkjer. - Du ville ikkje heller hatt ordinasjonen i Gol? - Eg var inne på tanken. Men no får eg håpe det kjem ein del golingar til ordinasjonen likevel, seier han.

Det er også greitt å kunne ordi-nerast der ein skal ha virket sitt. For biskopen er det også mest praktisk, Modum er heimkommunen hans.

Langtifrå ”blank” Arnstein har seks års utdanning ved Menigheitsfakultetet bak seg. Han har også hatt eit halvt års utveksling i Hong Kong. - Som var ganske annleis frå Gol, for å seie det slik, smiler han. Når han går på preikestolen i Heg-gen kyrkje, er han langtfrå utan pre-steerfaring. I 2012 hadde han kon-firmantopplæring i Nes og Flå, der han også var prestevikar ein sommar. Vikarprest har han også vore i Gol og Hemsedal. Og i påska avslutta han fem vekers praksis i Vinje i Telemark. Så før han blir ordinert, har han alt halde eit tjuetals gudstenester. - Det er slett ikkje utenkeleg at eg kjem tilbake til Gol og Hemsedal med tida. Eg treivst veldig godt her i vikartida. Men eg trur uansett det er sunt å hente erfaring utanfrå, seier han.

Prest i tidaSjølv med våre dagars sekularisering, der kristendom og kyrkje ikkje ak-kurat står øvst på dagsorden hjå folk flest, vil han ikkje vere med på at han kanskje er hundre år for seint ute. - Eg trur ikkje det. Og då er det heller ikkje sikkert eg hadde vorte prest. Den gongen var det vel helst slik at den som ikkje var odelsgut, måtte ut og tene pengar. Kanskje hadde eg hamna til sjøs. - Og Kyrkja utviklar seg og går framover uansett, også i våre dagar, understrekar han.- Kvar vil den ferske presten plassere seg reint teologisk?- Der vil eg helst ikkje plassere meg. Men eg vil nok av andre bli stempla som noko liberal, trur han.Det inneber også at han lever godt med dei siste, og ofte omstridde, vedtaka Kyrkjemøtet har gjort. - Største utfordringa vår no er å hal-de på den fellesskapen me har i trua. Eg ønskjer sterkt å vere diplomat, og kan godt skjøne begge syn, avrundar den ”historiske” nyepresten.

5

w

TEKST: SØLVI LARSEN AALRUSTFOTO: SØLVI LARSEN AALRUST OG KJETIL TH. STOREBRÅTEN

Kjellaugkonserten

Så moro! Vi hadde to utsolgte konserter da onsda-gen var der. Siste finpuss på formiddagen med Tori Snerte og piano i Kyrkjestugo. Vi var spente

og jeg tenkte på Kjellaug Solbakken som skulle få høre sangene sine på så forskjellige måter. Det var virkelig et stort spenn, fra gregoriansk kirkemusikk til afrikanske trommer og joik.

Heldigvis hadde Kjellaug tatt turen innom oss på ei tidligere øving. Hele konserten skulle egentlig være en overraskelse for henne, men det får jo være måte på kanskje. Så kom hun og fikk høre et par sanger, og knapt et øye var tørt. Om det var best for henne eller oss å møtes før sjølvaste dagen skal være usagt. Men når du lærer bakgrunnshistoria å kjenne - hvorfor sangen «Du er nær» er skrevet - måtte flere enn meg opp med lommetørkleet. Den skrev Kjellaug etter at hun mistet moren sin.

Det ble så bra. Det vi hadde terpet og øvd og jobbet med. Hold tonen der, ikke slipp, tenk oppover, legato folkens! Tori instruerte og repeterte, om og om igjen.

Onsdagen midt i påsken - vi skulle synge to konserter. Ikke stress sa jeg til gubben, du kan kjøpe billett i døra. Han hørte heldigvis ikke på meg - 70 personer måtte snu.

Med et smil, hun så i grunnen ikke særlig trøtt ut heller etter lange øvinger, mens jeg gjespet meg ut i bilen og hjem til senga.

Da vi satte det sammen med jentekoret, Soul Children og bandet tok det nesten pusten fra meg. Alle brikkene falt liksom på plass og det ble jo skikkelig fint! Tusen takk til alle som bidro og alle som kom! Tusen takk for en flott konsert! Tusen takk Kjellaug!

Mye moro i kor, dirigent Tori Snerte og tenor Knut H. Ulsaker

Hanne Krogh var konferansier for konserten.

Levi Bergerud og Joakim Hansen var gjeste-artistar i ei fullsett Hemsedal Kyrkje.

Vi er klare! Altene Heidi Sæther og Elisabeth Njøsen

Hår og mobil sjekkes, jentekoristene Anna Eline Kaslegard og Amelia Snerte

Fem minutter før - bass Øyvind Gjærde og alt Toril V Sørensen

66

TEKST OG FOTO: KRISTINE VIKO

Konfirmasjon er noe som bare skjer en gang i livet. Det er en dag med både stress og spenning. Vi har fått følge en konfirmant på begynnelsen av denne store dagen.

Konfirmanten er fra Gol og hun heter Susanne Jonsen.

-Man må være ekstra nøye med sminken på den store dagen

-jeg har like mye adrenalin i kroppen nå, som det jeg har før en fotballkamp

-Det er spennende å åpne alle gavene

-Gratulasjoner skal besvares og snapper skal sendes

- vil gjerne ikke få hårspray i øyet

-Du må ikke stikke meg med nåla da mamma

- Det er mye som skal på plass, både søljer, belte, øredobber og veske

- Det er fint å ha mamma Merethe til stede for å få hjelp med å ta på alle søljene

7

Fjøsbesøk og den gode hyrde. 7-åringane (fødd 2010) vart i vår invitert på gardsbesøk for å sjå på sauer og nyfødde lam. Stor takk til Kjetil Golberg som tok imot oss i sauefjøset sitt, og let oss få både sjå og kosa med små og store lam. Og me lærde og såg korleis sauemamma kjenner igjen lamma sine. I tillegg var me i kyrkja og høyrde om den gode gjetaren, Jesus, som passar så godt på alle sauene sine og leitar etter den som går seg bort.

TrusopplæringGlimt frå trusopplæringa i vår.

Tårnagent. I år var det barn fødd i 2008 sin tur til å få invitasjon til Tårnagentsamling. Ein flott gjeng på 8 gutar og jenter stilte i Herad kyrkje andre helg i mars, i tillegg hjalp fleire foreldre og andre til. Laurdag vart kyrkja med tårn og klokker utforska, og i Bibelen fann me mysterier å løysa. Søndag var det gudsteneste der det dukka opp ein kamel som utan hell fortvila prøvde å koma gjennom ein smal port, men der korset vart redninga.

TEKST: GERD ELI BERGE

Kos med lam. Foto: Gerd Eli Berge

Undervisning ved døpefonten Foto: Trine Lise Jordheim

Såpeboblene dryssa frå kyrkjetårnet.Foto: Ludvig Munkejord

Tårnagentar klare til å løysa mysterier! Foto: Trine Lise Jordheim

8

PÅMELDING TIL KONFIRMASJON 2018 HAR STARTA.Påmelding og registrering av konfirmant skjer via heimesida til kyrkja.

Du finn informasjon om konfirmasjonstida på heimsida også. Likeeins har det vorte sendt ut konfirmantinformasjon i posten.

Dersom du ikkje har fått info om konfirmasjon i posten eller ynskjer eit eksemplar ta kontakt med kyrkjekontoret du soknar til, så sender

vi eit i posten til deg!

HAR DU EIN ELLER FLEIRE BIBLAR VI KAN LÅNE?

For Gol og Herad: www.gol.kyrkja.no

For Hemsedal:www.hemsedal.kyrkja.no

I 2017 er det 500 år sida Martin Luther hengde opp sine 95 teser i Wittenberg i Tyskland. Dette jubileet markerast på ulike måtar i heile verda. Hovedtema for reformasjonsmarkeringen i Norge i 2017 er "NÅDE". Det vert konkretisert ved tre undertemaer på gudstenesta i haust: "Frelsen er ikkje til salgs", "Menneska er ikkje til salgs" og "Skaperverket er ikkje til salgs".

Utanom gudstenestane vert det også andre arrangement. Meir informasjon om dette kjem i haust på heimesida til kyrkja, facebook og kommuneposten.

I anledning Reformasjonsjubileet skal Hemsedal kyrkjelyd i samarbeid med Hemsedal folkebibliotek sette opp ein Bibelutstilling, med utstilling av Biblar frå eldre og nyare tid.

Har du ein Bibel? Ein familiebibel, barnebibel, teikneseriebibel, ein Bibel på eit anna språk, eit nystestament eller ein huspostill som er anten gamal/ny?

Kunne vi lånt den/dei til Bibel-utstillinga i haust? Eller har du einBibel som det er knytta ei historie til? Vi vil gjerne høyre ho!

Ta kontakt med Hemsedal kyrkjekontoret og/eller Hemsedal folkebibliotek ved Anne Berit Ulsaker!

Offisiell opning av Bibelutstillinga er 21. september.

Meir informasjon kjem!

Martha Tomoe Frøyland, 26 år og nettopp ferdig utdanna diakon nå i vår, har takka ja til stilling i Gol. Ho flyttar til Gol i løpet av juli og startar opp som diakon 1. august.

Vi gler oss til å få Martha inn i staben og ser fram til å fylle stillinga som diakon att etter at Ingrid Økesveen vart pensjonist. Ingrid og nokon frivillige hjelper fortsatt til med nokon arrangement for å halde hjula i gang og det er vi veldig takknemleg for. Ettersom det ikkje har vore nokon fast i stillinga siste halve året, ser vi fram til full aktivitet på det diakonale arbeidet att. Det vil bli ein presentasjon av Martha her i Kyrkjebladet etter at ho er på plass.Vi ynskjer Martha velkomen!

Mange har merka seg den vanskelege økonomien Kyrkjebladet slit med og synt vilje til å hjelpe. Så langt i år har me hatt ein merkbar auke i frivillige bladpengar, og ikkje minst gåver. Fleire har gitt svært rause gåver, det ser nesten ut som om det har vore ein ”dugnad” i visse krinsar. Tusen, tusen takk til dykk alle!

I redaksjonen ser me difor langt lysare på iallfall den næraste framtida. Me håpar å kunne halde oppe både antal nummer, sidetal og fargebruk. Det er likevel svært kjærkome om fleire ser seg i stand til å betale dei frivillige bladpengane. Du skal vite av midlane kjem godt med!

Ny diakon i Gol

Hjarteleg Takk!

Tekst: Anne Gerd Jorde

BARNET DYKKAR HAR NO VORTE, ELLER BLIR SNART, 4 ÅR.

NO ER TIDA KOMEN FOR Å FÅ KYRKJEBOKA!Alle som vart fødd i 2013 er velkomen til å vere med på ei samling i kyrkja i fork-ant av utdelinga. På samlinga vil vi sjå på døypefonten, sjå og høyre det store orgelet, sjå korleis prestekjolen er, høyre ei forteljing og lære nokre songar.

Dato for samlinga i forkant av utdelinga av kyrjaboka kjem snart. Utdeling av kyrkjaboka skjer i gudstenesta.

I Hemsedal delast kyrkjeboka ut på gudstenesta 10. september kl. 11.00 i Hemsedal kyrkje!

For Gol og Herad delast kyrkjeboka ut på gudstenesta 24. september kl. 11.00 i Herad kyrkje!

9

KUNNGJERINGAR

Trusopplæring i Gol og Herad

Britt Marie Haraldset Hafsås har hatt foreldrepermisjon frå midten

av januar, og Gerd Eli Berge vart då tilsett som vikar i 60 % stilling.

Frå 7. aug. er Britt Marie tilbake i 20 % ut året og Gerd Eli held fram

som vikar i 40 %.

Kveldsandakter i Gol Stavkyrkje

KVELDSANDAKTER MED SOLISTER og MUSIKEREOns 5. juli kl. 20.00 GOL STAVKYRKJE

Ons 12. juli kl. 20.00 GOL STAVKYRKJE

Ons 19. juli kl. 20.00 GOL STAVKYRKJE

Ons 26. juli kl. 20.00 GOL STAVKYRKJE

Ons 2. august kl. 20.00 GOL STAVKYRKJE

sommer 2017

DØDEHemsedal kyrkje07.04.17 Anna Finset f.1926

Herad:24.03.17 Bente Ølmheim Sønnesyn f. 197018.04.17 Kristine Wangen f.192503.05.17 Halvard Garborg f.194818.05.17 Leif Sverre Hovind f.192629.05.17 Leif Ro f.1929

Gol kyrkje:16.04.17 Ruth Moen f.192423.04.17 Oddveig Stensgård Jakobsen f.194904.05.17 Synnøve Ness f.193513.05.17 Ester Rygg f.192222.05.17 Margot Grøndalen f.1965

VIGDE

DØYPTE

Hemsedal Kyrkje13.05.17 Elena Grevstad Kracht og Stian Krosby

Harahorn kapell29.04.17 Anna Bergene og Petter Moe

Hemsedal kyrkje:26.03.17 Lars Olav Hafsås26.03.17 Storm Løken Sunde

Gol kyrkje:28.05.17 Andreas Solli Mythe

SPORTSANDAKTER HEMSEDAL 2017

Vandring til Bygdatunet 20. juli avslutning med song og andakt på

Bygdatunet.

Vandring til Hydnekjaften 3. augustavslutning med song og andakt på toppen.

Fredag 25. august, 22. september Søndag 24. september gudsteneste i Gol kyrkje

20. oktober, 3. november, 1. desember

Taco kl. 16.30-17.30 (Kr 60/40) Felles samling kl. 17.30-17.45

Aktiviteter kl. 17.45 – 19.30 for

4-6 år 7-9 år

10-13 år

ÅpningstiderSommer 2017

På grunn av deltidsstillingar, vil ikkje kyrkjekontoret i Gol ha personale

tilgjengeleg på kontoret kvar dag i juli.

Servicetorget i kommunen vil ha oversikt over kven som kan kontaktast og kva vekedagar dei ulike vekene det

er folk tilstade på kontoret.

Hemsedal Kyrkjekontor er stengt frå 22. juni - 6. juli og frå 24 juli  - 1 august

10

VELKOMEN TIL KYRKJE!

GOL BEGRAVELSESBYRÅ ASBente Andreassen

Døgnvakt tlf. 480 234 77www.golbb.no

HEMSEDAL GRAVFERDSBYRÅ Olav Støyten og Hans Vidar Sørensen

Tlf: 97 41 41 00

HALLINGDAL GRAVFERDSBYRÅ Steinar Aa Tlf: 32 08 23 00 www.hallingdalgravferd.no

18. juni – 2. sundag i treeiningstidaGOL STAVKYRKJE KL. 11.00Osnes. Nattverd. FolkemusikkgudstenesteTakkoffer: Arbeidet i stavkyrkja

25. juni – 3. sundag i treeiningstidaHEMSEDAL KYRKJE KL. 11.00Skinnemoen. Nattverd.Takkoffer: Landbruksprosjektet i Aserbajdsjan

GOL KYRKJE KL. 19.00Skinnemoen. NattverdTakkoffer: Familievernkontoret i Hallingdal

2. juli – 4. sundag i treeiningstida. HERAD KYRKJE KL. 11.00Skinnemoen.Takkoffer: Kyrkjelydsarbeidet

LYKKJA KAPELL KL. 11.00.Lykkjastevnet. Raastad.Takkoffer: Normisjon

9. juli – 5. sundag i treeiningstida.HEMSEDAL STAVKYRKJETOMT KL. 11.00Skinnemoen. Skaperverkgudsteneste.Takkoffer: Trosopplæring Hemsedal

16. juli – aposteldagen / 6. sundag i treeiningstidaGOL KYRKJE KL. 11.00Skinnemoen. NattverdTakkoffer: Kyrkjelydsarbeidet

LYKKJA KAPELL KL. 11.00Song- og musikkgudsteneste v/Frelsesarmeen.Takkoffer: Frelsesarmeen

23. juli – ingen gudsteneste

30. juli – 8. sundag i treeiningstidaGOL STAVKYRKJETOMT KL. 11.00Osnes. Skaperverkgudsteneste.

OSET KAPELL KL. 16.00Osnes. Olsokgudsteneste.

6. aug. – 9. sundag i treeiningstidaHERAD KYRKJE KL. 11.00Osnes. Nattverd. Takkoffer: Redd Barna

13. aug – 10. sundag i treeiningstidaFAUSKO SKYSSTASJON KL. 12.00.Nattverd. Folkemusikkgudsteneste. Osnes.Takkoffer: Musikkarbeidet i Kyrkjelyden

20. aug. – 11. sundag i treeiningstidaGOL KYRKJE KL. 11.00.Nattverd. SkinnemoenTakkoffer: Diakonal høyskoleutdanning

27. aug. – 12. sundag i treeiningstidaHERAD KYRKJE KL. 11.00Skinnemoen.Takkoffer: DiakoniarbeidetHEMSEDAL KYRKJE KL. 11.00Nattverd. Osnes. 50-års konfirmanter.Takkoffer: Konfirmantarbeidet

3. sept. – 13. sundag i treeiningstida GOL KYRKJE KL. 11.00Gudsteneste. Nattverd. SkinnemoenTakkoffer: Menighetsfakultetet

Arnstein Bleiktvedt ordinerast kl. 18.00 i Heggen kyrkje i Modum

HEMSEDAL KYRKJESTOGU KL. 16.00«Sundag for alle»

10. sept. – 14. sundag i treeiningstida HEMSEDAL KYRKJE KL.11.00Gudsteneste. Utdeling av 4-årsbok. OsnesTakkoffer: Sundagsskulen i Hemsedal

HERAD KYRKJE KL.19.00Presentasjon av konfirmantane. OsnesTakkoffer:

Takk til våre samarbeidspartnere

Dugnad Lykkja kapell 27. juni

Fra kl. 17-20. Ta med dugnadsutstyr og kom. Fint om noen tar med vaskeutstyr.

Blir også grilling av pølser.

NESTE KYRKJEBLADNr. 4/2017 kjem ut rundt 8. september.Stoff sender ein til: oaalrust@online.no

innan 16. august

11

Inform

asjon

Gol Grafiske as – tlf. 32 07 43 65

TEKST: KJETIL TH. STOREBRÅTENFOTO: SISSEL RUDNINGENKven gjer kva i kyrkja!

Kyrkjebladet vil med ein serie artiklar presentere ulike tenester og oppgåver som blir utført i kyrkja. Kyrkja har mange ulønna medarbeidarar i tillegg til den lønna staben. Alle utfører viktige oppgåver både ved gudstenester, kyrkjelege seremoniar og handlingar.

KlokkarenFremst i kyrkja på venstre side sit klokkaren. Ut frå tittelen kan ein tenkje seg at det er denne personen som ringjer med kyrkjeklokkene. Men stemmer det i dag?

Tittelen klokkar vart brukt alt i middelalderen, og som namnet seier var ein av funksjonane å ringe med kyrkjeklokkene. Klokkaren vart også kalla degn og kyrkjesonger. Klokkaren hadde ofte det musikalske ansvaret under gudstenestene, og var ofte også lærar ved konfirman-tundervisning. På den tida brukte dei kyrkjeklokkene kvar dag for å kalle til bøn morgon og kveld. Før reforma-sjonen hadde dei mange stader nokre små klokker som vart brukt inne i kyrkja når det var nattverd. Klokkaren hadde også oppgåver med å tenne lys, henge opp salme-nummer, reinhald og andre tilsyns-tenester. Før i tida var det heller ikkje uvanleg at klokkaren forretta ved gravferd då det ofte var langt til der presten budde. Då foretok presten jordfesting ved fyrste høve etter gravferda. I dag er det kyrkjetenaren som ut-fører desse oppgåvene og klokkaren har fått andre oppgåver.

Hemsedal hadde ein legendarisk «klukkar» og kyrkjesongar: Odd Sjugurdsen Grøthe 1845 -1927. Han tenestegjorde i 55 år, og i boka Kyrkjesongaren av Odd Karl Jordheim kan ein lesa historia om han.

Ein av dagens klokkarar i Hemsedal Kyrkjelyd er Knut Ulsaker. Han er med i eit klokkarteam på fem-seks personar som byter på å ha teneste. Knut Ulsaker var klokkar i 12 år frå 1978 til 1990. På den tida var det ikkje gravferdsbyrå i bygda, så det var hans oppgåve og sørge for alt det praktiske rundt gravferd. I tillegg deltok han på alle gudstenestene. Så dagens klokkargjerning har endra seg mykje berre sidan den gong.

Oppgåvene klokkaren har i dag er å hjelpe presten med messehagel på høgtidsdagar. Kontrollera at salme-nummera er rett, hjelpe til med å ta inn ofringa, og telle pengane et-terpå. Klokkaren les også kunngjer-ingar, og minnast dei som har gått bort sidan sist gong kyrkjelyden var samla. Når det er dåp skal klokk-aren ta i mot dåpsfølgje, og hjelpe til med å fylle vatn i døypefonten, tenne dåpslys, gje presten handduk

til å turke av hovudet til barnet, for å nemna noko. Ved nattverd skal klokkaren gje presten brød og vin. Ofte hjelper klokkaren til med å dela ut nattverdbrød. Så skal antall som har gått til nattverd teljast, og til slutt føras inn i kyrkjeboka. I dag er det difor ikkje klokkaren som ringjer med kyrkjeklokkene men kyrkje-tenaren. Klokkaren har lønn for tenesta.

Dagens klokkarteam fungerer veldig bra, og Knut kan anbefala å ta på seg denne oppgåva i kyrkja. Knut er glad i kyrkja og gudstenesta, og synes denne tenesta er meiningsfull og viktig. Han vil anbefala alle å vurdera om dei ynskjer å vera med i eit klok-karteam. Det er ingenting å vera redd for, smiler Knut Ulsaker.

12