akta ugarte

ALKATETZA ALCALDIA LEHENDAKARITZA PRESIDENCIA

GAROÑA 2013an ITXI / GAROÑA CIERRE 2013

UGARTEKO AUZO ASANBLADA 2011 Eguna: 2011-11-22 Hasiera ordua: 19:05 Bertaratuak: 58 pertsona; 24 gizonezko eta 34 emakume andrazko. Herriko etxeko ordezkaritza: Natxo Urkixo Orueta (Alkatea), Amets Meaza Castañares (BILDU), Txari Balado (BILDU), Mikel Lasa del Castillo (EAJ), Maider Basterra Ibarretxe (EAJ), Hernando Lacalle Edeso (EAJ), Txaro Sarasua Diaz (PSE-EE), Paula Cuesta Garcia (PP), Nerea Gonzalez Garcia (Omnia), Fernando Hevia Suarez (Udal arkitektoa), Jokin Arruti Aldape (Obra, Zerbitzu eta Mantentze-Lan Arloko burua), Felipe Markuartu Goikoetxe (Obra eta Zerbitzu arduraduna), Moderatzailea: Jose Luis Cerro Alvarado (Herriko Etxeko funtzionarioa) Galderen transkripzioa ordenagailura: Patxi Arregi Añibarro (Herriko Etxeko funtzionarioa) Asanbladako idazkaria: Irune Barrenengoa Pagazaurtundua (Herriko Etxeko bitarteko funtzionarioa) 1. Asanbladaren Aurkezpena Jose Cerrok ongi etorria eta eskerrak eman dizkie asanbladara bertaratuei azaldu du Herriko Etxeak buzoietaratu egin dituela aurreko urteetan tratatu diren gaiak azaltzen diren eta proposatutako gai-zerrenda azaltzen duten informazio-orriak. Inork ez badu ezer aurkakorik esateko, horixe da jarraituko dena. Ondoren, bere burua aurkeztu du Herriko Etxeko udal langile legez eta mahaian dauden kideen aurkezpena egin du, hau da, udal ordezkarien aurkezpena. Horren ostean, asanbladari hasiera eman zaio. 2. Natxo Urkixo, alkateak, aurkezpen laburra egin euskaraz eta gaztelaniaz eta badio asanblada honek objektu edo helburu bikoitza duela. Batetik, auzoari dagozkion gaiei buruzko harreman-tresna eta, bestaldetik, asanbladaren funtzionamendua bera. Hau da, eskatu du auzokoen laguntza, iritzia eta iradokizunen ekarpena egitea asanblada egin aurretiko informazio legez, etorkizunera begirako auzo asanbladen mekanismoa, e.a. Gaineratu du asanbladaren azken zatian, auzokoek euren iritzia eman ahal izango dutela asanbladaren funtzionamenduaz eta auzoaz aparteko beste edozein gairi buruz. Segituan, txanda pasatu dio alkate-ordea den Amets Meazari. Herriko Etxeko egungo egoerari buruzko azalpen laburra egin du, ekaineko hilabetean udalbatzar berriaren inkorporazioaren ostean. Gaineratu du Ametsek azalduko dituen gaiei buruzko komentarioak egin ahal izango direla auzoko gaien gainean berba egin ostean, asanbladaren amaiera zatian. 3. Amets Meazak udalaren egoeraren laburpena egin du lau puntu hauetan: 1) Lamuza Parkea: Herriko Etxera heldu zirenean Aldundiarekin miloi 1eko kreditu-konpromiso bat zegoen, 3 urtetan zehar, parke hori berriro gaitzeko eta eraberritzeko. Proiektu horren barruan, 1. fasea izan zitekeen, jada hasita egon beharko lukeena, Aldai erreka konpontzea eta azpiegiturak eta saneamendua aldatzea. Aldundiak jakinarazi egin die hasita ez dagoen obra oro, ez dela egingo. Hau da, proiektua geldituta geratu egin da. 2) Erabilera Anitzeko Aretoa - Altzarrate: Bada proiektu oso handinahia, baina ez dago finantzaketarik hori eraiki ahal izateko, izan ere, badu oso kostu altua. 3) Diruzaintzako Gerakina edo Altxortegiko Soberakina: Azaldu du hori badela "herriko etxeko itsulapikoa", aurrezki guztiak gorde egin ohi diren kutxa eta funtsean agortuta dagoena. 4) Lanak: Komentatu zituen herriko auzokoek plantea ditzaketen bi oinarrizko arazo, hau da:



a) Nondik irteten da dirua? b) Nola egingo dira? Bi galderei erantzun legez, komentatu du Aldundia atera ohi duela Obra eta Zerbitzuen Foru Plan bat, eta horren bitartez ematen direla diru-laguntzak obrak egin ahal izateko. Ez da % 100a ematen eta herriko etxeak beti ipini behar du zati bat obra-lan horiek gauzatu egin ahal izateko. Ondorio legez, badio ekonomia-egoera ez dela zailenetakoa eta Lamuza eta Altzarrate proiektuak, egiteko gogo bizienekoak direnak, geldituta daudela. Asanbladaren funtzionamendua. Ondoren, Jose Cerrok, lehenik euskaraz eta, gero, gaztelaniaz, azaldu asanbladak edukiko duen funtzionamendua; hauxe izango dena: Auzoa zonaka banatuko da eta zona bakoitzeko auzokoek 10 minutu edukiko dituzte egoki iritzitako gauza eta arazoak planteatzeko. Horiek ordenagailura transkribatuko dira eta horretarako ipinitako pantailan agertuko hobe ikusi ahal izateko. Gero, udal ordezkariek erantzun egingo dituzte planteatutako arazo eta gauzei eta hurrengo zonari emango zaio txanda eta, hala, zona guztiekin. Behin auzoko azken zonaren txanda amaitutakoan, bigarren txanda bat egongo da edozein zonari buruz geroztik sor litezkeen komentarioak egiteko. Azkenik, txanda arina zabalduko da egiteko komentarioak, galderak, e.a., batez ere, oro har, herriari buruz. Jose Cerrok iragarri du hasten dela auzokoen txanda. GOIENURI:

- Auzoko bat kexu da Ellakuri kalera iristeko eskaileretan falta den argitasunaz (aspaldiko Bar Coruña ondoan), izan ere, izotza edo elurra ari duenean arriskua suposatzen baitu.

- Auzoko batek erantzun du zuhaitzen adarrak moztuko balira, farola estalien arazoa konponduko litzatekeela.

- SEAT ondoko espaloiko arrapala oso malda handian dago gurpildun aulkientzako. - Ellakuri futbol zelaian tribunen ondoko bankuen zona, txakur gorotzez beteta dago eta

kiratsak oso desatseginak dira. - Errekan obra-lana udan egin zen eta estali eta egin ahal zen moduan egin zen,

bazegoelako dirua. Udaldian kirats handia dario. Sagastian, zubiaren aldean, tutuak lurperatuta daude eta oso kirats txarra dario

- Isasi igoera ondoko baserriko jabeak galdetu du ia nola dagoen biribilgunearen gaia. Jabetza kentzerik ez badago, noiz eta nola izango da? Noiz konponduko da? Badio denbora oso luzean zehar agintzari eta promes ugari jaso dituela baina ez diotela inolako soluziorik ematen.

ERANTZUNAK: Argitasunaz, alkateak erantzun du begiratu beharko dela ia zuhaitz horiek inausi ahal diren eta horrela arazoa soluzionatzen den. Bestela, gaia aztertu beharko litzatekeela eta zerbitzu teknikoen esku utzi egin beharko da hori. Fernandok komentatu du arrapalaren errebajea soluzionatu ahal dela, duen alda-malda neurtuta eta irisgarritasuneko arautegia aplikatuta aulki batek arazo barik igo eta jaitsi ahal izateko. Txakurren gorotzez. Lokalizatu egin beharko dira eta gaia aztertuko da. Alkateak dio, biribilguneaz, ez duela uste ez udalbatzar honen ez eta besteek ere gaia alde batera utzi izan dutenik nahita. Biribilguneko gaia nola dagoen argitzeko, Fernandok dio aurreko urteetako planteamenduari jarraitzen ari zaiola. Gaineratu du proiektua behin betiko izaeraz onartuta dagoela, eta planaren aldatzea, zein baitzen ezinbesteko baldintza lurzorua eta etxea kudeatzeko, aurreko agintaldiaren amaieran bidali egin zen Eusko Jaurlaritzara. Euskadiko Lurraldearen Antolamenduko Batzordean tratatu egin da eta aldatze hori onartu egin da, aho batez, aipatu den Batzorde



horretan. Gaineratu du ezen orain badagokiola behin betiko onarpena et abere uste gaia eraman beharko dela Hirigintzako Informazio Batzordera, izan ere, behin betiko onartzearen gaia, bada Osokoaren eskumenenen arteko bat. Bere iritziz, uste du ez dela arazorik izango behin betiko onarpena berresteko, hots, Euskadiko Lurraldearen Antolamenduko Batzordearen irizpen hori eta hortik aurrera, Udalbatzarrak bere erabakia eman behar dutela lurzoru hori kudeatzeko duen formulari buruz. Aldaketa onartu izan den legez, aukera ugari daude lurzoru hori kudeatzeko. Horietako bat baino ez da jabetza kentzearen sistema. Plangintzaren aldaketan badaude jasota eragozpen batzuk, izan ere, azken formula horrek duen zailtasuna bada finantzaketa eduki behar duzula diru-zenbatekoak ordaintzeko, behintzat, plangintza aldaketaren ekonomia eta finantza azterlanean jasota dauden diru-zenbatekoak ordaintzeko. Hemen azaldu denez, Herriko Etxearen finantza egoera ez egokiena ez eta zoriontsuena ere. Nolanahi ere, jabetza kentzearen gaia komeniko litzateke sakon aztertzea, gutxienez, Hirigintza Batzordean. Jabetza kentzearen sistema ez da formula bakarra jabeen eraikitzeko eskubideak gauzatu ahal izan daitezen udalerriko beste lekuren batean, hirigintza-kudeatzeko beste motaren baten bitartez. Etxea eta etxeari atxikitako partzelak erostearen gaia, konpondu beharko litzateke. Gaiak bere konplexutasun urbanistikoa du, baina korporazio honek emaniko urratsak badoaz aurreko korporazioarekin hemen tratatukoekin ildotik. Hau da, Plana aldatzea, Urbanizazio Proiektuaren eta Planaren aldatze horren sorrera dena, egiturazko izaerakoa denez, seguruenik, Euskadiko Lurraldearen Antolamendurako Batzordeak eman beharko diola bere irizpena. Hori gertatu da urriko hilabetean egin izan den Hirigintzako Batzordean. Auzoko batek hitza hartu du eta galdetu du ia agintaldi honetan egingo den eta beharrezko urratsak emango diren. Halaber, badio aurreko korporazioak planteatu egin zuela etxea botatzea eta eraikitzea Herriko Etxearen ondoko orubean. Gaineratu du badela gai oso konplexua eta eskatu du talde politikoek jarrera har dezaten gai horretaz. Alkateak dio biribilgune proiektua onartuta dagoela. Herriko Etxe ondoko orubean eraikitzean ikusi egin zen, aurreko agintaldian, ez zela posible legezko arazo bategatik. Gaia baztertuta zegoen jada aurreko agintaldian. Trukea egiteko beste aukera batzuk aztertzen ari dira, zeren orduko hura baztertuta geratu baiten. Txaro Sarasuak, PSE-EEko ordezkariak, badio biribilgunea behar beharrezkoa dela. Aurreko agintaldian onarpen bat egin zen eta badirudi orain arazo ekonomikoren bat dagoela. Jabeen alegazioren bat egon omen zen, baina ez zegokion, hasierako onarpena baitzen. Akordio batera iritsi behar da, horrek on egiten diolako Ugarte auzoari. Gobernu taldeak aurkeztu beharko du bere jarrera. Jabeek Herriko Etxera joan beharko lirateke eta talde politikoekin eta gobernu taldearekin hitz egin eta gaia tratatu eta eztabaidatu. Paula Cuestak dio PP proiektuaren alde dagoela. Nerea Gonzalezek, OMNIAko ordezkariak, badio proiektua oso garrantzitsua dela Ugarterako. Trukeaz, Herriko Etxeko Idazkari Nagusiak argi utzi zuen azken Batzordean Herriko Etxearen alboko lurzorua publikoa dela. Ezin daiteke galdetu gehiagoko barik. Lehiaketa publikora irten beharko litzateke. Saiatu behar da soluzio bat bilatzen eta proiektuan oinarrituta lan egitea. Ikusirik ekonomia-egoera, Aldundiari eta Eusko Jaurlaritzari diru-laguntzak eskatu behar zaizkie. Mikel Lasa adierazi du EAJren borondatea proiektua aurrera ateratzeko, zeren trafiko errodatuaren bideragarritasunaren arazoa soluzionatzeko proiektu oinarrizkoa eta estrategikoa batia. Gaineratu du badagokiola proiektua kudeatzea eta koordinatzea gobernu taldeari eta honi jakinarazten dio euren eskuragarritasuna eta laguntza aipatu den proiektua aurrera ateratzeko. Natxo Urkixok komentatu du gobernu taldea harremanetan egon dela biribilgune proiektuak eragindakoen ordezkariekin. Auzoko batek hitza hartu du esateko interesatuek ez dutela ordezkaririk eta ezberdindu egin behar dela ordezkarien eta jabeen artean, izan eren jabeek euren interes propioak dituzten.



Mikel Lasak eskatzen dio alkateari gonbitea egin diezaien Hirigintzako Batzordean parte hartzeko gai hori tratatzeko. Beste auzoko batek iradokitzen du auzoarekin bilera espezifikoa deitu egin beharko litzatekeela, jarrera adostu batera heltzeko, arazoaren behin betiko soluzioa ahalbideratzeko. ISASI / ELLAKURI:

- Isasi igerilekuen aldean, errekako hodia buxatuta dago - Eskatu da Isasira doan errepidearen hasierako zatia zabaldu - Auzoko batek eskatu du Isasin dagoen zelaian argiak ipintzeko eta galdetu du ia zergatik

mantentzen diren Ellakuriko futbol zelaikoak gaueko 24:00 arte iziotuta, ordu horietan inor ez badago bertan.

- Txakur gorotzak jasotzeko poltsen eskera. - Sastraka garbitzea. - Proposatu dute noranzko bakarra Isasi eta Ellakurin. - Gregorio Marañon eskola ondoan garbiketa falta - Aparkalekuak Isasi aldean: Garajea eskura badute ere, auzokoek espaloian aparkatu ohi

dute eta oinezkoei pasabidea eragozten diete. Proposatu dute Bando bat ematea eta isunak ipintzea leku horretan txarto aparkatzen dutenei.

- Galdetu dute ia biribilgunearen proiektuan aurreikusita dagoen Isasi biderako igoera konpontzea.

- Sagastira sarrera semaforo denborak egokitzea - Ispilu eskaera errepide nagusirako irteeran.

ERANTZUNAK: Alkateak adierazi du egin direnik eta komentarioen zatirik handiena badirela iradokizunak lan egiteko, buxatuta dagoen errekaren kasuan legez, hori begiratu beharko dena baita. Fernando Hevia komentatu du, Isasi errepidearen zabaltzeari buruz, ezen 1. Zatia edo biribilgunearekin gehiago lotuta dagoen zatian, badagoela aurreikusita proiektuan eta Isasirako igoeraren arazoa aipatu den proiektu horrekin konpon litekeela. Halaber, bere baitan du lurrei ezpondaz edo eutsi beharra. Bide-zatia ez badago aurreikusita proiektuan konpon liteke, izan ere nahiko ohikoa baita obra-lan proiektuetan ingurumarietako zonak egikaritze lanen barruan txertatzen. Behin betiko soluzioa izango da biribilguneko proiektuaren multzoko eta baterako exekuzioa. Noranzko bakarraz, Fernandok dio badela gai bat urte guztietan irteten dena eta ez litzatekeela eragozpenik egon behar noranzko bakarra egiteko. Baina badago auzokide talde bat aurka dagoena. Errepidea ezin daiteke zabalagoa egin, zeren lurren mugimendua arriskutsua litzatekeen. Noranzko bakarrak hobetuko luke funtzionalitatea. Espaloietan aparkatzeaz. Fernandok komentatu du partzelek badituztela euren garajeak, baina baita badagoela halako aparkalekuen beharrizanen bar bisitariak eta daudelako. Felipek hartu du hitza eta dio noranzko bakarrerako seinaleak ipintzera joan zirela eta auzokide batzuek erabateko ezezkoa eta ukoa eman zietela. Fernandok adierazi du badela jabeen arteko akordio faltaren arazoa. Auzoko batek hartu du hitza eta esan du euria egiten duenean, Isasirako igoera oso arriskutsua dela autoek labaindu egiten dutelako, espaloira igotzen direlako eta oinezkoen espazioa eurentzako inbaditzen dutelako. Alkateak erantzun dio mota horretako egoerek beharrezko egiten dutela noranzko bakarra komeni den ala ez aztertzea. Felipek dio Isasin dagoen zelaian, orain dela urte asko, ipini egin zirela sekula funtzionatu ere egin ez duten fokuak.



Txakur gorotzak jasotzeko poltsez. Felipek arrazoia eman dio auzokoari, poltsen eskuragarritasunaz eta banaketa lekuaren beharrizanaz. Komentatu du Ellakuri azpiko zonako garbitu ohi dela egokitzen zaionean eta edozein lekutan utzitako txakur gorotzen arazoa, badela gizalegezko eta hezibide oneko arazoa. Felipe galdetu egin die auzokideei ia non nahi duten ipini txakur gorotzentzako poltsen kutxa banatzailea eta erantzun egin dute Isasi aldetiko larrialdietako irteeran. Auzoko bat mintzo da Isasirako larrialdiko irisbideaz. Auzoko batek hitza hartu du adierazteko Ellakuri zelaiko eserlekuen aldea ez dela sekula garbitu, izan ere, txakur gorotzak dauden uda aldetik hasita. Gaineratu du Laudio taldeak jokatzen duenean, udaltzaingoak isunak ipini beharko lituzkeela kotxeek buelta ematen dutelako nahi duten moduan, errepidea inbadituta. Natxok adierazi du Isasiko aparkalekuen gaia arazo zibiko bat dela. Gaineratu duen ideia da bando ipintzea ohartarazteko isunak ipiniko direla, agian auzokideak konbentzituko dituela, baina arazoa, izatez, arazo zibiko bat dela. Auzoko batek adierazi du espaloiak etengabe okupatuta daudela eta asko inbaditzen dutela espazio hori eta gonbitea egin dio alkateari buelta bat emateko auzunetik eta ikusten zenbat aldiz jaitsi behar den espaloitik pasatu ahal izateko. Natxok berretsi du bandoaren iradokizuna Isasin espaloitan aparkatzeagatik isun posibleak iragartzeko bandoaz. Zuzena deritzo. Natxok dio auzoko batzuek noranzko bakarraren alde apustu egin dutela eta beste batzuek ez. Beraz, ez daki nori jaramon egin behar dion. Auzoko batek dio Herriko Etxeak erabaki beharko duela hori. Beste auzoko batek dio bozketa bat egin beharko dela. Beste auzoko batek dio aplikatu beharko litzatekeela biribilgunerako eta Isasi - Ellakuri zirkulazioaren arazorako erabili den soluzio berdina, zeren arazo biak bide-trafikokoak diren. SAGASTIA/ LETZIAGABIDE

- Letziaga biderako sarrera zabaltzea. Ezin dituzte garajeetatik autoak atera. Basoa Aldundiarena da.

- Sagastian linea elektrikoak lurperatzea Kanalizazioa eginda dago eta ez dago akordiorik. - Garbiketa eskasa Sagastian - Asfaltatua egoera txarrean. - Barrera arkitektonikoak (etxebizitzetara iristeko eskailerak). - Futbito txapelketa: Txapelketan zehar plaza gorria eta zelaiaren okupazioa eta hiri-

altzarietan kalteak. - Kultura eta jai ekitaldiak auzoan ere, ez soili Laudioko erdigunean. - Sagastian sastraka garbitzea. - Futbito zelaiko zubian babes-hesia falta da. - Sastraka eta belarren garbiketa espaloietan.

ERANTZUNAK: Letziagarako bidea zabaltzeaz. Fernandok dio areka edo erretena luzatzearen planteamendua izan beharko litzatekeela irtenbide bat arazo horrentzako. Elektraindar haritza lurperatzeaz. Fernandok komentatu du eginda dagoela eta auzokoek galdetzen dute ia zergatik ezin den funtzionamenduan ipini. Irisgarritasun arazoak. Fernandok erantzun du kasuan kasuko aztertu egin behar dela. Aztertu egin beharko dira kasurik premiazkoenak eta ia erakinean edo urbanizazioan gertatzen den. Urbanizazioan izango balitz, udalaren erantzukizuna litzateke.



Natxo zuzentzen zaio futbito zelaian hiriko altzarietan eragindako kalteak daudela planteatu duen auzokoari. Galdetu dio ea noiz gertatzen diren eta auzokoak erantzun dio urtero gertatu ohi direla auzoko jaietan zehar edo jaia direla-eta. Gaineratu du udaltzainei abisatu egin dietela baina ez dutela asebeteko erantzunik jaso. Natxok dio kontuan edukiko dutela. Txaro Sarasua dio ezagutzen dituela hiriko altzariei eragiten zaizkien kalteen arrazoiak; hezibide eta zibismo arazoa dela eta Herriko Etxeak eskua sartu behar duela. Natxok gaineratu du bat datorrela. Haurrentzako ekitaldiez, “Sorgin Zapatuak” egin ohi dira eta egingo dira auzoka. Baita begiratuko zaio ere espaloietako sastraka eta belar garbitzeari eta futbito zelaiaren ondoko zubiko babes hesia konpontzeari. Udal zerbitzuak pasatuko dira. Auzoko batek hitza hartu du galdetzeko ia aurreikusita dagoen ala ez Gaztelekua lekualdatzea Latiorrora. Natxok erantzun du ez dagoela ezer aurreikusita horretaz. Errekako gaiaz, Goienuri aldeko txandan planteatua izan denaz, alkateak dio badela tratatzeko unea Sagasti aldea aipatzen zelako. Fernandok dio errekaren gaia Lamuza Parkeko Plan Berezia garatzeko proiektuko 1. fasean aurreikusita dagoela. Horretarako Aldundiak aurreikusita zeukan diru bat eta erretiratu egin du. Errekaren egokitze eta erriberako landaredia birsortzeko arazorik larriena aurreikusita zegoen gauzatzeko Lamuza Parkeko 1. fase honetan. Sagastiko gaiaz idaztoharra hartu dute. Fernandok dio Plan Berezian aurreikusita zegoen tratamendu berezi bat behar duela. Jokinek hitza hartu du komentatzeko biribilgunea, Isasirako igoera eta Letziaga biderako zabaltze lanek, ekonomia-kostu ikaragarria suposatzen dutela. PLAZA / ZENTROA

- Auzoko batek dio ibaiko txirristak eta hesi bat apurtuta daudela. - Zuloak daude plazan. - Iturrietako txorrotak konpontzea, edaten saiatzerakoan bustita ez irteteko. - Txakur gorotzak haurrentzako parkean. Norbaitek kendu egin du txakurrak sartzeko

debeku seinalea. - Pintaden garbiketa auzo guztian eta osoan zehar.- - Itxitura metalikoaren egokitzapena, txakurren euren gorotzak hor utzi ditzaten. - Mozteko iradokizuna, Aldai errekan geldi dagoen urak beherantz egin eta kiratsak

saihesteko. - Futbito zelaiko hesia konpontzea. - Ugarte kaleko 13-15ean bidea zabaltzea. - Gipuzkoa kalean noranzko bakarra. - Ugarte kaleko semaforoa lekuz aldatzea. - Jaietan zaraten arautegia, tabernak ixteko ordutegia. - Zuberoa kaleko aparkalekuen seinalizazioa - Zuberoa kalearen atze aldearen ondoan parkeko hormak duen altuera. Erreka ondoko

horma oso baxua da eta haurrak errekara jausteko arrisku handia dago. Hesia ipintzea iradoki du.

- Sastraka eta belarren garbiketa espaloietan. ERANTZUNAK: Natxok dio ezen praktikan ekarpen guztiak iradokizunak izan direla. Felipek erantzun du plaza konpondu egin behar dela, baina erabat eta osorik. Txirristez, badio jendeak kalteak ikusten baditu Herriko Etxeko edo enpresako telefono zenbakira deitu egin behar duela. Telefono zenbaki horiek txirrista horietan azaltzen dira. Gaineratu du futbito zelaiko hesia



zatitu eta txikitu egin dutela. Ez dela hesirik geratzen eta geratzen den apurra kendu egin ahal dela arrisku handiagoak saihesteko. Fernandok komentatu du geratu egin behar dela Ugarte kalearen 13-15 zabaltzearena aztertzeko. Aldai errekako gaiaz, Natxok dio norbaitek iradoki egin duela esklusen gaia parkean. Arazoa uren estankamenduarena baino larriagoa da, izan ere errekako urarekin nahasten diren ur zikinak ere. Erreka konpontzeko eta ur zikinen isurbidea beste leku batetik eramateko (izan ere apurtuta dago eta erreka azpitik bertatik baitoa) Aldundiko proiektuaren kostua garestitzen da, batera doazelako errekaren ubideratzea eta ur zikinen bideratzea. Beraz, arazoa ez da bakarrik ura gelditu, usteldu eta kiratsa dariola. Fernandok gaineratu du Aldai erreka guztian zehar errekako urak eta ur zikinak nahastearen arazoa garrantzitsua dela. Dena den, auzokoek pentsatzen badute estankamendu arazoren bat dagoela, begiratu daitekeela. ORO HAR, HERRIARI BURUZKO GAUZAK

- Zumalakarregiko espaloietan babes-hesiak eta babes-lorategiak. - Jose Matia kalean ipinitako farolak (benetako txapuza). - Aldai erreka garbitzea - Lamuza Parkeko Proiektua - Jendeak gauzak botatzen ditu errekara futbito zelai ondoan eta parketik pasatzerakoan.

Sentsibilizazio zibikoko kanpaina bat egin beharko litzateke. Eskatu du denok batera egiteko Lamuza Parkean Aldai erreka berriro naturalizatzeko proiekturako. Indarra Aldundiak berriro kontsideratzeko bere jarrera eta proiektua aurrera eramateko.

- Ugarterako irisbidea. - Institutua - Zumalakarregi bidagurutzean dagoen semaforoa. - Aldai errekari kiratsa dario, Lamuza zubiaren parean. - Ellakurin emakumeen aldagelak konpontzea

ERANTZUNAK: Jokinek dio planteatu egin dela babes-hesia kentzea, baina kentzen badira espaloira igoko direla. Fernando Heviak komentatu du Jose Matia kaleko proiektua aldatu egin dela bi planteamenduren artean: Zama-lanak eta oinezkoen aldea. Azter daiteke gaia, baina beharrezkoa du halako inbertsioa. Fernandok, Lamuza kaleko trafikoaren arazoari buruz, dio azterketa oso zehatza egin zela buxadura eta samalden simulazio digital eta guzti. Arazorik larrien gertatzen zen goizeko 08:55 - 09:20 bitartean (eskola ordutegia). Eskola guztietako sarrera ordutegia ez balitz berbera izango, arazoa konponduta geratuko zen. Auzoko batek gaineratu du ezen udaltzainak egon direnean zona horretan trafikoaren arazoa konpondu egin dela. Beste auzoko batek gaineratu du soluzioa litzatekeela institutua botatzea zirkulazioa errazteko. Fernando Hevia erantzun du zuzenean joateko erreka estali beharko litzatekeela eta erreka bat ezin dela estali, argia behar duelako eta estaltzen bada estoldak eta kiratsak sortzen direla. Natxo Urkixok dio errekaren gaia ez dela zibismo gaia soilik, baizik eta garbitu ere egin beharko litzatekeela. Korporazioa (guztiak) bat datoz Lamuza proiektua aurrera ateratzeko. Txaro Sarasua adierazi du Aurrekontua errespetatu beharko dela. Obra beharrezkoa da: Erreka, saneamendua. Dio dirua ez dela etorriko Aldunditik eta diru barik ez dagoela obrarik. Korporaziotik ulertarazi egin behar zaio Aldundiari Proiektuak duen garrantzia handiaz. Eskatu behar zaio Diputatu Nagusiari herriari dirua bidal dezan. Auzoko batek hitza hartu du esateko oso tristea dela Txaro Sarasuak erdi-esatea Aldundia gobernatzen duen alderdiaren arabera, dirua etorriko dela ala ez Herriko Etxera.



Txaro Sarasuak erantzun du berak ez duela ez eta erdi-esan antzerako den ezer. Beste auzoko batek, Jose Matia kalea, galdetu du ia zergatik ez ziren proiektuan kontuan izan auzokoen beharrizanak. Halaber, adierazi du anbulatorioaren biribilgune ondoan dagoen zabor bilketa pneumatikoko zentroko tutuerien kanalizazioa, oso eskasa dela. Mikel Lasa hartu du hitz adierazteko hala Isasi eta Sagastira iristeko biribilgunea nola Lamuza Parkea, badirela bi proiektu estrategiko, bere talde politikoaren euskarri eta aldezpena dutenak. Natxok dio pasatuko dela Ellakuriko aldageletatik, duten egoera egiaztatzeko. Alkateak eskerrik asko eman dizkie auzokideei etortzeagatik eta izan duten partaidetzagatik eta horrenbestez, gehiagoko barik, asanblada amaitutzat jo du 21:15etan.OHARRA: Asanblada grabatuta dago CD batean, baina azken zatia falta da. Grabazioaren iraupena hauxe da: ordu 1 eta 40 minutu.

akta ugarte

Documents