A historia que a continuación presentamos xurdiu na aula de 5º

curso de Ed. Primaria do CPI Virxe da Cela durante o curso

2012/2013.

A narración dos feitos foi realizada por Laura Vila Picallo e as

ilustracións por Aldara Pita Pico.

Ambas representan o espírito de superación e de colaboración, a

capacidade de aprender a aprender e a autonomía e iniciativa

persoal que impregnan todas as nosas actuacións.

Mª Camino Pereiro González (titora)

Aldara Pita Pico Laura Vila Picallo

2

Como todos os domingos pola mañá, a avoíña Pepiña saíu

da súa pequena casa.

A avoíña Pepiña é baixa, gordiña, ten ollos pequenos,

moitas engurras na cara e o seu cabelo é de cor

grisácea.

Hoxe Pepiña leva posto un vestido laranxa con puntos

verdes e vermellos, uns guantes azuis e un mandil branco

con dous grandes petos.

3

A súa casa é de cor azul ceo, está situada ao carón da

estrada, iluminada por un gran farol e cunha pequena

horta á esquerda e un fermoso xardín á dereita. Todos

eles rodeados dunha valla azul escura.

4

Esa mañá ao saír da casa dirixiuse ao xardín. Alí estaba

a bruxa Maruxa.

A bruxa Maruxa é baixiña, gordecha, de face colorada,

beizos vermellos e cabelo gris. No seu nariz ten unha

verruga. Leva posto un vestido negro e de cola, un

sombreiro picudo a xogo, uns zapatos vermellos e as

súas medias son de moitas cores.

5

Pepiña, que é moi simpática, díxolle a Maruxa se quería

axudarlle co xardín. Esta aceptou encantada, pero

Maruxa é un pouco desastre, botou unha poción máxica

na horta. Entón naceron un montón de herbas.

Como Pepiña ten moita paciencia e é moi boa e

traballadora comezou a arrincalas. Maruxa deuse de

conta da torpeza e gardou a poción no seu peto e tras

despedirse cun par de bicos, volveu á súa.

6

Pero o feitizo xa estaba no xardín de Pepiña, e de súpeto

converteuse nun xigantesco elefante, logo nunha

formiga… Así estivo toda a noite, transformándose en

mil cousas.

Coa chegada do día, volveu converterse de novo nun

xardín.

7

Á mañá seguinte Pepiña foi

plantar repolos á horta, pero

de repente … a horta

convertérase nunha xirafa,

que ao ver a Pepiña,

asustouse e saíu correndo

con Pepiña enriba dela. A

xirafa ao saír correndo

cruzouse coa bruxa Maruxa,

que tropezou coa xirafa e

quedou co cu na boca do

animal.

8

Cando aquilo parecía unha situación cun final tráxico, a

xirafa transformouse nun golfiño, logo nun coche de

Formula 1, que Maruxa conduciu ata regresar á casa.

Xusto cando aparcou o vehículo ao pé da casa, o coche

converteuse na horta de Pepiña.

9

10

A partir dese

momento, a horta e

o xardín deixaron de

transformarse. A

bruxa Maruxa

aseguroulle a Pepiña

que o feitizo só

duraba 24 horas.

Así que a

mañáseguinte

Pepiña puido volver

plantar os respolos.

Todo foi ben… ata que a Maruxa se lle ocorreu outro

feitizo.

E a ti que che parece? Queres continuar a historia?

11